مؤامرة مع نادوس والأولاد ضد ... الأبنوسة

شكرا على هذا الإطراء الجميل، وإن كان له إفرازاته، حيث أن الطربقة بدأت، فعلى مستوى البيت أصبحنا أنا والعيال ما قادرين نتكلم معاها، وعلى مستوى البورد، أظنكم شايفين الرد أعلاه والذي تكرر إنزاله أكثر من مرة وتم مسحه.




اها يا نادوس خلي الأولاد شوية كدة ترتفع المعنويات ويلحقوا يكلموها كلمتين ..
بالمناسبة حاخلي ليك البطاقات التعريفية للاولاد ..
التعريف في البوست الأصلي برضو يعني لازم تعرفهم مرتين ..

ابو آمنة
لو كانت المؤامرات كلها زي دي فما اجملها
ما احلاهم
ما احلاهم
ربنا يسعد بيهم نادوس وابنوسة
شكرا ابو آمنة ونادوس على المؤامرة
ومزيد من المؤامرات

العزيز سيمبتكو

الاولاد قالوا ياخي من ما نزلنا الموضوع بياكلوا من المطعم ... اها قلنا شوية كدة نخليهم الايام دي يتذكروا اكل البيت ... ولا ما عارف كان دي اشاعات مغرضة لكن المشكلة انو المسالة ممكن تصل لي بوليس كيس وديل ياخوي شوية دموع كدة ويكسبوا ليك ايي قضبة ...


كل الود

Quote: الاولاد قالوا ياخي من ما نزلنا الموضوع بياكلوا من المطعم

ههههههههههه
مبالغة لكن
شكلو كدا نادوس حا يطلع حق سفرة لي ماليزيا ولا سيشيل
بس انت يعملوا فيك شنو ؟ قريب منهم ولا بعيد؟
لكن ابنوسة اشتغلت بمبدأ : لكل فعل رد فعل
بس حكاية الاكل في المطهم دي صعبة والله شديد

الأخ ود "البشير"
تعرف أن تعليق الأبنوسة على هذا البوست قالت أن هذه المؤامرة بدأ حبكها منذ الازل، ودخلتنا في جدل فلسلفي، كاد أن يضيع آخر ما تبقى للوليدات من حقوق، وهو فقط لبسهم وإعدادهم للخروج للمطعم. وبالمناسبة الصورة دليل دامغ فقد أخذت في مطعم بالسيتي سنتر

انت اقعد طلع لى فى صور اولاد الناس
اولا دك وين مع "الرجال" وانت عارف الرجاله كيف!!!!

اوعك بس تسالنى السؤال ده، بفلقك
ابنوسه و نادوس تسلموا ويسلموا الحلوين، مؤامره مبهجه

انت اقعد طلع لى فى صور اولاد الناس
اولا دك وين مع "الرجال" وانت عارف الرجاله كيف!!!!

اوعك بس تسالنى السؤال ده، بفلقك
ابنوسه و نادوس تسلموا ويسلموا الحلوين، مؤامره مبهجه

اطفال الجمال _ماشاء الله وتبرد العيون _ والسلام وشكرا علي البوست _

Quote: شكلو كدا نادوس حا يطلع حق سفرة لي ماليزيا ولا سيشيل _

الأخ سايمابتيكو

تسلم يا زوق، والمناسبة سفرة أعلاه بفتح السين أم بضمها وخاصة أن الموضوع موضوع أكل ومطاعم وسفر (بضم السين

الأخوان مروايد ومهيب
تسلموا على الطلة مليون سلام من ثلاثتهم

الأخ العزيز والصديق أبو آمنة

علمت بإختفائك المفاجيء، والذي آمل أنه ليس في إطار "هجر المرافيء الذي مارسناه إجبارياً حتى أصبح عادة" يقيني أنه ليس كذلك وأنه طاريء وستعود، فأنت أحد أصحاب المشاريع التي تقوم على أساس الحوار ومثل لا ينسحب.
ننتظر عودتك وما زالت مضابط الحوارات التي تكتمل "بالمناسبة أن عبارة "وإلى مضابط الحوار" التي يصدر بها كثير من الزملاء الصحفيين حواراتهم من أكثر العبارات الصحفية التي أكرهها.

الأخ العزيز سايمبتيكو
شكرا ونيابة عن شوشو وحمودي وميدو وأبوهم أحييك وياريت نادوس يعملها ويطلع حق السفرة بشرط لحتة ملئية بالبورداب.

نادوس والأبنوسة

شكرا لكم كثيرا



عارف يا نادوس اجمل حاجة قصة الصورة الدامغة دي ... ما عارفها فاتت كيف علي لكن مافي طريقة بعد كدة ينكروها ..

ربنا يحفظهم ليكم ويحفظكم ليهم

مراويد

انت الكلام ده قايلو بعيد ... انا رجالتي بحددها ليك قريب بس انمت ابقي راجل واحضرها في السودان وما تقول لي مشغول ولا عندي انترفيو ولا ملاريا ...

العزيز محب

شكرا علي الطلة

يا ابو امنة

والله ما كنت اعتقد اني ساتفق معك يوما ما في شئ قدر اتفاقي معك في اخراج هذه الابنوسة
ابنوسة دي ما عارفنها ناس كتار وغيريب تكون انت من بينهم

غايتو بيضع سره في الضؤي من خلقه

لووووووووووووووول

شكرا ليك ولمرة واحدة ان شاء الله

بس يا اريت نادوس والاولاد وبواسطة رقم صفر وعروسه تطلعوا لينا الابنوسة

تصدق من زمن البوردات دي بتتكتب بي فحمة في حيطة وهي متفردة

بس احيانا بترتكز وبتطول وتاخد مدة