ارجو ان تحترم اعضاء منبرك يابكرى

الاخ بكرى
تحياتى واحترامى
هذا الموقع وصل الى ما وصل اليه من سمعة ومكانة مرموقة بفضل اعضائه الذين يثرون النقاش على هذا المنبر .لكن يبدو ان هنالك اعراض مرضية بدأت تظهر على هذا الموقع فى الاونة الاخيرة مما اصبح مثار نقاش وجدل بل وحتى شك من قبل الكثيرين من محبى هذا الموقع العملاق .
دعنى ادخل الى لب الموضوع مباشرة واعزرنى على جرأتى فى الحديث فالحرية هى ما عودتنا عليه فى هذا المنبر اخى بكرى .
تولدت لدى قناعة وارجو ان اكون مخطئا فيها وهى انك اصبحت مستعد ان تفعل اى شىء من اجل المال دون مراعاة لاى شخص وخاصة لاعضاء موقعك والذين صنعوا هذا الموقع قبل ان تصنعه انت .
انت تعلم تماما ان معظم الاعضاء يدخلوا الى المنبر لينفثوا قليلا عما يجدوه من ظلم عصابة الموءتمر الوطنى والطغمة الحاكمة فى الخرطوم وهذه الفئة من الاعضاء هى الفئة الغالبة بل هى المنبر بعينه .
لكن عندما تنشر فى موقعك اعلانا لصحيفة ناطقة باسم الطقمة الحاكمة فى الخرطوم من اجل حفنة من الدولارات فهذا يعتبر عدم احترام لاعضاء موقعك .
وعندما تسمح لاياد اجنبية ان تملى عليك سياسات موقعك فهذا عدم احترام لاعضائك .
وعندما نسمع ان هذا قد سرق ايميله وهذا تم الاستيلاء على كلمة مروره وهذا ...... من الذى بفعل كل هذا يا بكرى ؟ولمصلحة من ؟وأين اجراءات الامن التى تتبع لحماية موقع بهذا الحجم ومن ثم حماية خصوصيات اعضائه . كل المطلوب منك هو دفع القليل من الدولارات لتوفير نظام حماية افضل للموقع حتى لايهرب الاعضاء خوفا على خصوصياتهم .فبخلك بهذه الدولارات يعتبر عدم احترام لاعضائك .
وعندما تحجم عن المشاركة فى المنبر والرد على استفسارات اعضائك لايام واسابيع كان المنبر لا صاحب له ولا ضابط لتصرفات ومشاركات اعضائه فهذا عدم احترام للاعضاء .
ومع كل هذا انا احترمك والاعضاء يحترموك لكن ارجو ان يكون الاحترام متبادلا وليس من اتجاه واحد.
وانا لااتحدث بلسان الاعضاء وليس لى الحق فى ذلك لكن انا متأكد ان هنالك الكثيرين يشاطروننى الراى ان لم يكن فى كل ما اقول ففى بعضه .

(وعندما تسمح لاياد اجنبية ان تملى عليك سياسات موقعك فهذا عدم احترام لاعضائك )

ممكن توضيح أكتر لو سمحتا ...

ياود اسماعيل يا اخوى انت عارف وانا عارف وبكرى عارف
لكن انا هنا لست بصدد الصاق الاتهامات جزافا او التجريح فى مصداقية الاخ بكرى الذى اكن له كل احترام لكن اريد فتح هذا الملف للحديث للتفاكر فيه مع الاعضاء بشفافية ونتمنى ان نسمع راى بكرى والا يطنشنا كعادته فى الاونة الاخيرة .
تحياتى الى الشروق ( شمس السودان التى لاتغيب ) الظاهر نحن شمسنا حتغيب من المنبر دا بسبب هذا البوست ياود اسماعيل.

Quote: لكن عندما تنشر فى موقعك اعلانا لصحيفة ناطقة باسم الطقمة الحاكمة فى الخرطوم من اجل حفنة من الدولارات فهذا يعتبر عدم احترام لاعضاء موقعك .

حفاظاً على مشاعر الاخوه المناضلين
ارجو ان تقترح رسم مالي على كل عضو
يدفع لصالح خدمات استضافة السيرفر وغيرو
من الامور التي تحتاج الى الى صرف مالي كبير
خاصة مع التوسعه الكبيره التي شهدها الموقع بالاضافة الى
التطلعات التوسعيه المستقبلية ..

اخى ابو عبيدة البصاص
انا شخصيا اؤيد اقتراحك
لكن المسألة ليست مسالة حوجة فالموقع ما شاء الله عداده رامى تمام ( اللهم لا حسد )
لكن المسالة فى رايى انه بكرى اصبح ما فاضى للموقع ولما يدور فيه وكانه لا يعنيه فى شىء فحسب معرفتى ببكرى انه لا يرضى بمثل هذه الامور فى موقعه .

Quote: فحسب معرفتى ببكرى انه لا يرضى بمثل هذه الامور فى موقعه .

ان صح اعتقادك فانه يثبت فرضية ان بكري قد قام ببيع الموقع
لياسر عرمان الذي هو الان مشغول بمعاركه مع الموتمر الوطني
وترك الاداره لاخيرين يرون ان كسب اموال من اعلانات المؤتمر الوطني
لاضرر فيه

أنا ما كنت داير ادخل فى الحسكنيت ده لكن كمان احسن ما ندفن راسنا فى الرمال وما نتعامل مع ما يجرى بعبط وبحسن النية بتاعت السودانيين دى
عليكم الله ياجماعة هل دى سياسة بكرى ابو بكر الذى نعرف ؟؟؟

Quote: أنا ما كنت داير ادخل فى الحسكنيت ده لكن كمان احسن ما ندفن راسنا فى الرمال وما نتعامل مع ما يجرى بعبط وبحسن النية بتاعت السودانيين دى عليكم الله ياجماعة هل دى سياسة بكرى ابو بكر الذى نعرف ؟؟؟

لطالما قلنا تجيير الاخ بكري في واجهه معينة او لون بعينه
هو ظلم فادح للاخ بكري

وكم نادينا بكري ان يسمو بنفسه ليصير شخصية قومية
وهو يملك تلك المقومات وموقعه كذلك ...


لكنه للحق والحق يقال لن يترك يحقق ذلك
لان التسلق على نجاحات الغير اصبح اصبحت ثمة تلازم الكثيرين هنا
كما المتاجرة بمآسي اهاليهم وقبض ريع المتاجره بقضاياهم

بكري الان يقود مؤسسة لنقل اضحت مرجعية في الكثير من المعلومات
فهل يصح ان يصير موقعه بوقاً دعائياً لجهة او جهات بعينها ...


عذراً اخي اسامه دهب

بعيداً عن نظرية العمالة والارتزاق التي تطلق كل حين في وجه الاخ بكري
في ابتزاز رخيص ..لتمرير اجندات ..

بعيداً عن الاستمالات العاطفية التي تمارس
على بكري كل حين والتي تمارسها في حقه تلك الجهات

نرى
الافضل لكل الجهات بكل الوانها ان يكون بكري شخصية
قومية ومنبره منبراً محايداً يقبل كل الالوان ويتعامل مع كل الانتماءات
لانه وطن من لا وطن له كما السودان لايقبل ان ان يكون متنوعاً فضفاضاً
ممتداً يصل الجميع ولايقطع احد


اللهم بلغنا اللهم فاشهد

البصاص

دهب تحياتي واحترامي

Quote: تولدت لدى قناعة وارجو ان اكون مخطئا فيها وهى انك اصبحت مستعد ان تفعل اى شىء من اجل المال دون مراعاة لاى شخص وخاصة لاعضاء موقعك والذين صنعوا هذا الموقع قبل ان تصنعه انت .

الكلام دة كبار كبار وفية معاني انه الاخ بكري اصبح عميل او من الاول هو غواصة واعتقد ان كلامك هذا جانبة الصواب تماما فالموقع يعتبر بعض ادوات التنفيس لمن لا يمكلون وسائل وبدائل لمعارضة النظام والانقاذ تسعي لاغلاقة او علي الاقل استمالتة لتغيير نهجة وهذا ما لم يبدو واضحا للعيان في شي وان كنت تري ان المنبر او الموقع قد بدل سياستة فارجو ايراد امثلة لذلك وان كنت مطمئنا انك لن تورد شيئا لانة لا توجد اشساء من هذا القبيل

Quote: انت تعلم تماما ان معظم الاعضاء يدخلوا الى المنبر لينفثوا قليلا عما يجدوه من ظلم عصابة الموءتمر الوطنى والطغمة الحاكمة فى الخرطوم وهذه الفئة من الاعضاء هى الفئة الغالبة بل هى المنبر بعينه .

هذا صحيح وان لم يكن الغالبية منهم فالموقع بة محبي الكورة وهم كثر وبوستات الكورة كتيرة وهي الاكثر مداخلة من بوستات السياسة وعارف انا اكتشفت انو الناس هنا بتبحث عن الحاجة الخفيفة والدمها رايق لانهم شبعوا نكد وسياسة وكورة ما جايبه همها.

Quote: لكن عندما تنشر فى موقعك اعلانا لصحيفة ناطقة باسم الطقمة الحاكمة فى الخرطوم من اجل حفنة من الدولارات فهذا يعتبر عدم احترام لاعضاء موقعك .

يا اخوي نحن قلنا قبيل انو احنا ضيوف ما بندفع اشتراك عشان يكون لينا حق عقد جمعية عمومية نقعد نسال فيها صاحب القهوة لية عمل كدة وعشان شنو وبعدين يا اخي دي قناعاتو انو يعلن لكل جهة ما دام الاعلان في حد زاتو لم يخدش ثوابت عندة وبعدين اعلانو عن قناة الشروق فيها شنو ولا عشان انو في اشاعة انو تابعة للموتمر الوطني (مجرد اشاعة ) تخلية ما يقبل اعلانات القناة.


و

Quote: عندما نسمع ان هذا قد سرق ايميله وهذا تم الاستيلاء على كلمة مروره وهذا ...... من الذى بفعل كل هذا يا بكرى ؟ولمصلحة من ؟وأين اجراءات الامن التى تتبع لحماية موقع بهذا الحجم ومن ثم حماية خصوصيات اعضائه

حسب علمي بكري ما قاعد يطلب باصويرد الايميلات عشان يفشي سره او يبيعها لاحد الا اذا كانت الرسالة البيرسل فيها الباسويرد لكل واحد ملغمة وفيها ملف سري بيتغلغل في الجهاز يرسل ملفات الايميل لجهه ما ودي ممكن الاخ علاء الدين تمبس يفتينا فيها لانو متمكن في الحتة دي وان كنت علي قناعة حسب راي المتواضع وفهمي القليل في الحتة دي انو بكري ما شبة كدة.

Quote: وعندما تحجم عن المشاركة فى المنبر والرد على استفسارات اعضائك لايام واسابيع كان المنبر لا صاحب له ولا ضابط لتصرفات ومشاركات اعضائه فهذا عدم احترام للاعضاء .

نعم في الحتة دي معاك حق بكري ما بيرد علي الناس او بالاصح علي انا فقد ارسلت لية ثلاثة مرات ما رد علي وفتح لي الاولي رسلت لية شكرتة علي الباصويرد وتاني وتالت مرة رسلت لية اسالة عن بوست لي ما لقيتة رسلت لية علي ايميلة وعلي الماسنجر الداخلي للموقع وما هبب لي.

..
.

Quote: لكن عندما تنشر فى موقعك اعلانا لصحيفة ناطقة باسم الطقمة الحاكمة فى الخرطوم من اجل حفنة من الدولارات فهذا يعتبر عدم احترام لاعضاء موقعك

.
هذا المنبر هو منبر الراى والراى الاخر لم يقوم لاجل المعارضين او مناضلى المنابر
بل لعموم الشعب السودانى بكافة توجهاته
وسحناته ومعتقداته ومذاهبه..

Quote: وعندما تسمح لاياد اجنبية ان تملى عليك سياسات موقعك فهذا عدم احترام لاعضائك .

لم يقود هذا المنبر يوما ما اياد اجنبية ان كنت ان الايادى هى ايادى الحكومة
وقلة كان له حق الادارة هم اعضاء اغلبيتهم معارضة ومحايدين فلا تنطق جزافا يا هذا

Quote: وعندما نسمع ان هذا قد سرق ايميله وهذا تم الاستيلاء على كلمة مروره وهذا ...... من الذى بفعل كل هذا يا بكرى ؟ولمصلحة من ؟وأين اجراءات الامن التى تتبع لحماية موقع بهذا الحجم ومن ثم حماية خصوصيات اعضائه .

هل تظن ان بكرى متواطئ فى مثل هذه التصرفات اراك ترمى الاتهامات بلا اسس ولا منطق ولا حتى تقدير
لهذا المنبر الذى اواك وكثيرون ..

Quote: كل المطلوب منك هو دفع القليل من الدولارات لتوفير نظام حماية افضل للموقع حتى لايهرب الاعضاء خوفا على خصوصياتهم .فبخلك بهذه الدولارات يعتبر عدم احترام لاعضائك .

هذا المنبر منذ تأسييه كان يدار من قبل صاحبة مجانا ولم يطالب الاعضاء برسوم شهرية او اشتراكات
حتى بعض المكتبات تم تاسيسها بلا الرسوم المقررة ولم يكن يوما بخيلا لا بماله ولا بموقعه
واتمنى ان تعتذر عن حديثك المشين يا هذا ..
واين انت من دفع هذا الدولارات الم يأويك هذا المنبر ؟؟
الم يمنحك الشجاعة لتقول ما تقول ؟؟
الم يعطيك عضوية صرت الان تتبجح بها ؟؟
ما هى مساهماتك انت وكل المعارضين والمناضلين والمحتجين ؟؟
ما تدفع وبعدين تعال برطع ..

Quote: وعندما تحجم عن المشاركة فى المنبر والرد على استفسارات اعضائك لايام واسابيع كان المنبر لا صاحب له ولا ضابط لتصرفات ومشاركات اعضائه فهذا عدم احترام للاعضاء

.
لم يحجم يوما الا بدافع المشغوليات ..
او تجنبا لقبيح تالقول وترفعا منه ..
فهو دوما كان كالنخل مرتفعا يرمى بصخر فيلقي اطيب الكلم

Quote: ومع كل هذا انا احترمك والاعضاء يحترموك لكن ارجو ان يكون الاحترام متبادلا وليس من اتجاه واحد.

غصباً عنك ومن المفترض ان تكن له الاحترام مضاعفاً على الاقل
جعل لك وطنا لمن لا وطن له ..
والله لم نر شخصا ً يحترم ويسكت عن ساقط القول كما يفعل صاحب هذا المكان
فكيف لا يطون الاحترام متبادل؟؟

Quote: وانا لااتحدث بلسان الاعضاء وليس لى الحق فى ذلك لكن انا متأكد ان هنالك الكثيرين يشاطروننى الراى ان لم يكن فى كل ما اقول ففى بعضه

انت الان تتحدث بلسانك فقط
ونحن هنا ننتظر الذين يشاطرونك الراى لنسمع خرفهم ايضا ..

_____________________

والله هانت يا بكري ..
ما قلنا ليك كل من هب ودب ..
وصار على قول تروتسكى ( وطن للفتاشلين )

اعود
حتماً
سافعل

..
.
يعلن لقناة الشروق ولا قناة الغروب
ولا المؤتمر الوطنى ولا يخت صورة محمد حامد جمعة ..
العجبو عجبو والما عجبو يشوف ليهو منبر تانى ..

بعدين هو فاضى كدا يرد على اى ايميل !!؟؟
والله عالم فاضية
وفعلا للفاشلين

______________________

اعود
حتماً
سافعل

ايها ال.... المدعو تبلدينا
ليس جديدا ان هذا المنبر اصبح عبارة عن بحر يعج بالغواصات الصدئة رديئة الصنع من امثالك
لكن الجديد هو ان يسمح لهم صاحب الموقع بالتهكم والتطاول على المعارضين والمناضلين والسخرية منهم ووصفهم بالفاشلين . يبدو فعلا ان هذا الموقع لم يعد ملازا امنا للمناضلين الشرفاء .وانما اصبحت الغلبة لامثالك . انا لله وانا اليه راجعون

..
.

Quote: taha haider تاريخ التسجيل: 25-08-2007 مجموع المشاركات: 57

Quote: ليس جديدا ان هذا المنبر اصبح عبارة عن بحر يعج بالغواصات الصدئة رديئة الصنع من امثالك..

قرقر قرقر قرقر
شر البليه ما يضحكــ

Quote: لكن الجديد هو ان يسمح لهم صاحب الموقع بالتهكم والتطاول على المعارضين والمناضلين والسخرية منهم ووصفهم بالفاشلين

زلاننى من الغواصات القديمة ..لن اسمح لك ولن اسكت على اسائتك وامثالك لصاحب الموقع
الذى جاء بكل من هب ودهب ..
واصبح المنبر ( كوشة ) لكل دجاجة ..
ولانك جديد
فقد كرهنا تفاهة الثوار ..
استعن بصديق او بالارشيف ..
يا مناضل الورق

Quote: يبدو فعلا ان هذا الموقع لم يعد ملازا امنا للمناضلين الشرفاء

شايف جهل المناضلين
بما انك مناضلا فلما الملاذ
كن شريفا ومناضلا غيورا ولا داع ان تبحث عن ملاذ اسفيري
ابحث عن وطن
عن هوية
عن سودان جديد
ان كنت تصنف سودانياً
( واللبيب بالإشارة يفهم )

_______________________

المدعو : صالح عبدالرحمن صالح ( تبلدينا )


ممكن سيرتك الذاتية ..
انت مجموعة تراجي مصطفي ومحمد سليمان
ولا مجموعة الاوباش ..
ولا ناش شحتو
رغم اننى متأكد تماما انك لا تعرفهم لم تقراء لهم سوى اسمائهم

يا اخينا ..
ده شنو ده ... البتقول فيه ده

Quote: وأين اجراءات الامن التى تتبع لحماية موقع بهذا الحجم ومن ثم حماية خصوصيات اعضائه . كل المطلوب منك هو دفع القليل من الدولارات لتوفير نظام حماية افضل للموقع حتى لايهرب الاعضاء خوفا على خصوصياتهم . فبخلك بهذه الدولارات يعتبر عدم احترام لاعضائك .

انتا ما دق صدرك واشتري برامج الحماية دي وتعال اتبرع بيها للتوقع ...

تبلدينا سلام ... 2007 دي ماله معانا

الاآخوة
اسامه دهب
وطه حيدر
تحياتي
صحيح من حقكم ان تعلنوا رايكم بشروق او غيرها وصحيح ان لهجة تبلدينا حاده
لكن صدقوني لن اقول ربما خطائكم انتم ان تخيلتوا الاخ بكري ابوبكر معارضه
كمدير لموقعه,قد تكون له اراءالشخصيه المعارضه للنظام,وقد يكون يتمنى ذهابهم
لا ادري لكن كمدير لموقعه فهو يديره كرجل اعمال وهذا من حقه.
اذن هو لم يسألنا عن تبني خطه فكيف تسألونه عن تبني خطكم؟؟؟؟
بكري شرع ابوباه و الحشاش يملأ شبكته
مهمتكم اذا كنتم ضد هذه الصحيفه شروق ان تسنوا اقلامك وتعملوا على تعريتها
وكشف سياستها ,وليس الطلب من بكري ان يوقف اعلاناته لانه يحتاج فعلا اموال لادارة
موقعه ولحياته عموما.
قديما اذكر ايام الشهاده الثانويه كانت هنالك روايه مقرره علينا في مادة الادب الانجليزي
لاوسكار وايلد اسمها الزوج المثالي وتدور الاحداث حول اكتشاف الزوجة لخيانة زوجها
الكانت خاته حاجه كبيره خلاص فجزء من رده عليها ان قال لها:
(انا انسان عادي...انا لم اطلب منك ان تصنعي من آلهة وتجيدي الانحناء امامي كل صباح)!
وكونها جعلته آلهة لم تتوقع منه الخطأ.انا ادعوكم لمطالبة بكري ابوبكر
بمطالب الشخص العادي..فكيكف تطلب من اي شخص عادي ان يترك مصالحه الواضحه
ويتبنى منظوركم للامور كمناضلين؟؟؟؟
هو لم يقل انا مناضل...وكان قال لكم كده كمان سمعونا عشان نحن ما سمعنا.
ولو هو مناضل ماهو خطه واي فكر يدعمها؟؟؟؟
يا جماعه النضال ده ما اي كلام....حاجه عايزه التزام ووضوح رؤيه وتحمل
زي القرف المتحملنه هنا من بعضهم.....كلامي ده ماحيعجب بكر ي اولهم
لكنه قد يكون له بمثابة دعوة للتفكير...في موقفه...لانه معروف من يحاول
ان يرضى كل الناس لن يرضي احد...وحكاية مسك العاصيه من النص في وقت
الوطن بيتشظى...برضوا ليست موقف......,ليس معنى ذلك ان بكري مطالب
بان يحدد حزبه...او رؤيته او يطرد باق يالمختلفين معه...لا.
وانما بتبنيه لسياسه واضحه للنشر سيكسب بعضهم ويخسر بعضهم
ولكن الاهم سيكسب نفسه.

فاتركوا بكري وشأنه...هذا موقعه وليفعل به مايشاء.....ولكننا اكيد ببقاءنا
هنا ندعم سياسته المنبريه الغريبه احيانا و الغير ملتزمه بالخط الوطني احيانا.

أشكرك على اسلوبك الراقى فى الرد الذى يدل على انك ابن ناس ومن اسرة محترمة
لكن المشكلة فى نوعية تبلدينا اللى بيصف اعضاء المنبر بجداد الكوش .. ذى ده لو حاولت توصفه وتوصف اصله يعف لسانك عن ذلك. وهذا النوع وظيفته فى الموقع انه كلما احد يطرق موضوع جاد يحاول هو ان يخلق معركة جانبية ليصرف الناس عن الموضوع الاساسى .وبعدين تعال هنا .. انت مال ماشى تفتش بيانات حيدر الشخصية ؟؟ ما تكتفى بالرد عليه ولا كلامه وجعك فى......

..
.

Quote: osama dahab تاريخ التسجيل: 17-06-2007 مجموع المشاركات: 190

Quote: ذى ده لو حاولت توصفه وتوصف اصله يعف لسانك عن ذلك.

بس دى بالذات احسن تتجنبها وخليك عاقل
والله الراحل المقيم لو عرف انت خاتيهو لوقو ..
لاستاء فى قبره .. عالم قناعات فى اتجاه وشايته فى اتجاه اخر

Quote: انت مال ماشى تفتش بيانات حيدر الشخصية ؟؟ ما تكتفى بالرد عليه ولا كلامه وجعك فى.

رأيك شنو فى بياناتك ..انت؟؟
كلام شنو البوجع فى هطرقات بتوجع
بعدين امثالكم مروا علينا هنا ..بالعشرات منذ سنوات خلت
فارعي بقيدك ..

_________________

بالله يا خواض شوف اواخر 2007
كل سنو وانت طيب
ليك طولا ..
ومقامك زين ..
بس بوين

..
.

Quote: طه حيدر من مواليد حلفاية الملوك

والحالة من حلفاية الملوك
ياخى قالوا انا و اخوى على ودعمى
وانا وودعمى على الغريب
على الاقل .. احتج للاساءة لبكرى ابوبكر
لانو من اصول اعرق اسر الحلفاية
ان كنت لا تعلم ..
ولا انتو رحلتو جداد ..

__________________

ابعد شوية يا مناضل .. نصيحة

تبلدينا في دور البودري قارد ما لايق عليك
يا اخي ده حتى بكري اجهم منك واضخم منك
وفي دور كسار الثلج برضوا ما لايقه عليك
كده جيب من الآخر وورينا انت جايب الاعلان ده ولا متحمس كده ليه؟؟؟
الناس ديل ما شتموا بكري
يازول ديل بس خاتين له مكانه كبيره عشان كده هم مصدومين فيه.
او خاتين للموقع ده مكانه كبيره ونسيوا ان نصف ما قد يكون بيعجبهم هنا
قد يكون بكري ذاته ما راضي عنه؟؟؟

والله ضحكت لمن شِــرقت



يا تبلدينا


يااااخ الجاتك سلاخيه ســامحتك



يارجل ترفّـــع عن الصغائر

وأنسـى ....


بس بالجد الموضوع يخوف يا ولد

قالو لو مهترئ ( ومصدى وصقران حديد سيفك )


يا عالم ما كدا

والله ما كدا

جيش المناضلين الجدد

عيب ياعالم ...

عيب عليكم ...

ولا تقوم الأمور هكذا أيها المدججون

يادهب وصفك للرجل بالبخل ( هذا أمر مشين وفعل لا يدل على وعى )

Quote: وعندما تسمح لاياد اجنبية ان تملى عليك سياسات موقعك فهذا عدم احترام لاعضائك . وعندما نسمع ان هذا قد سرق ايميله وهذا تم الاستيلاء على كلمة مروره وهذا ...... من الذى بفعل كل هذا يا بكرى ؟ولمصلحة من ؟وأين اجراءات الامن التى تتبع لحماية موقع بهذا الحجم ومن ثم حماية خصوصيات اعضائه .

Quote: فبخلك بهذه الدولارات يعتبر عدم احترام لاعضائك

أطرح قضيتك النضاليه بشى من العقل ...

دع ما يريبك للمرحله القادمه



وجب عليك الإعتذار

يا محترم

ياتبلدينا
شكرا ليك علي تخصيص رد منفصل لي ولو عاوز تعرف انا عرفت انت قاصدني كيف اقول ليك
بالتبادي صاحب البوست الاصلي لم يذكر قناة الشروق ولا الغروب هو جاب سيرة اعلان لجريدة وبس وانا الجبت السيرة دي وبعدين انا الذكرتة انو بكري ما رد علي وعلية ارد عليك هنا

Quote: يعلن لقناة الشروق ولا قناة الغروب ولا المؤتمر الوطنى ولا يخت صورة محمد حامد جمعة .. العجبو عجبو والما عجبو يشوف ليهو منبر تانى ..

انت تور هايج كدة ما لك ما انا قلت وعنيت الكلام دة فعلا ولا انت بس بتقراء طرف الموضوع وتهيج انت لست اكثر ولاء من كتار هنا ممتنين لبكري علي هذا الموقع وعارفين فضلة وشاكرين معروفة ولا عاوز تبقي فلسطيني اكتر من ياسر عرفات غايتو ما عرفت الشتارة دي لي شنو وعشان شنو والزول لو جديد هنا ما معناة انو لسة بيبي وما فاهم لانو ممكن تكون عندك عضوية هنا ليها عشر سنين قبل تاسيس الموقع زاتو ولكنك اجهل من جهل فافهم واقراء واعي قبل ان ترد وما تكون زي ستنور جارتنا زمان تنشب في حلق اي زول بدون وجه حق

Quote: بعدين هو فاضى كدا يرد على اى ايميل !!؟؟ والله عالم فاضية وفعلا للفاشلين

من القال ليك بكري ما فاضي هو قال ليك ولا دة استنتاج منك بكري خاتي ايميلة عشان الناس ترسل عن طريقة ولو مشغول مفروض يوضح للناس عشان ما تشغلة اكتر وما يرسلوا لية وبعدين انت بتعرفني من وين عشان تقول لي انو انا من العالم الفاضية ومن الفاشلين فعلا بعض الناس يروا الاخرين فاشلين لانهم بيتمنوا انو يكونوا كذلك عشان يدوا نفسهم عزا لفشلهم.

Quote: ______________________ اعود حتماً سافعل

عودة عوجة زي دي ما تكررا

تبلدينا
انت يازول قايلنا رباطه

Quote: ممكن سيرتك الذاتية .. انت مجموعة تراجي مصطفي ومحمد سليمان ولا مجموعة الاوباش .. ولا ناش شحتو رغم اننى متأكد تماما انك لا تعرفهم لم تقراء لهم سوى اسمائهم

يا اخوي ما تخلع اولاد الناس ساي
ديل شباب انقياء وما عارفين محن البورد ده فبالله ممكن توضح ليهم بهدؤ رايك؟؟؟

..
.

Quote: وصحيح ان لهجة تبلدينا حاده

حادة يا تراجي ..
لانى جن الكلام المغطغط وخمج
وما داير اقول زى البعض اليد الامتدت ليهو ..
عشان ما تقولوا قلنا عليكم ...... ( والمعنى واضح )

Quote: مهمتكم اذا كنتم ضد هذه الصحيفه شروق ان تسنوا اقلامك وتعملوا على تعريتها

دا قناة يا خالة .. انتو كندا دا ما فوقها قمر صناعى حايم
وقناة خاصة بتاعت جمال الوالي ..
يكون مؤتمر وطنى .. يكون حركة مناوى اركوى ..
يكون رأسمالي .. دا سامو بزنيس ..
وبكرى هنا بحاول يسدد رسوم التكاليف الباهظة
المافى زول بيشارك فيها ..
ويجو هولاء الرجرجة عشان يسئوا ويرموا كلام فارغ
انت من المفتلاض زاتك تعترضى لانو لولا منبر بكرى لما كانت تراجى مصطفي
ولما كانت جمعية اصدقاء اليهود ..
ولا وصلت لما وصلت اليه ..
وما تقولى لى لا .. حتى ولو بنسبة بسيطة
انا شخصيا لو ما منبر بكرى ما كنت عرفتك ولا سمعت بيك ولا بستين الف مناصل هنا

Quote: ادعوكم لمطالبة بكري ابوبكر بمطالب الشخص العادي..فكيكف تطلب من اي شخص عادي ان يترك مصالحه الواضحه ويتبنى منظوركم للامور كمناضلين؟؟؟؟

Quote: يا جماعه النضال ده ما اي كلام....حاجه عايزه التزام ووضوح رؤيه وتحمل زي القرف المتحملنه هنا من بعضهم.....كلامي ده ماحيعجب بكر ي اولهم لكنه قد يكون له بمثابة دعوة للتفكير...

بالله انصحيهم كويس ..
شفع العرب الفقارى ديل ..
البفنو المنبر ويجوا يشتموا ..
وبالجد زى ما انتو متحملين انحنا والله فاض بينا ومتحملين اكتر
وما شفناكم قدمتو للوطن ولا للمنبر ولا للناضل شئ يذكر

Quote: فاتركوا بكري وشأنه...هذا موقعه وليفعل به مايشاء.....ولكننا اكيد ببقاءنا هنا ندعم سياسته المنبريه الغريبه احيانا و الغير ملتزمه بالخط الوطني احيانا.

دا الكلام اتركوه لشأنه
ولو بتعبروا بغيابك المنبر حيتقفل ..
الباب يفوت جمل ومعاهو 6000 مناضل ..

________________

وبعد دا كل سنة وانت طيب
فأختلاف الراي لا يفسد لودنا قضية

Quote: دا قناة يا خالة .. انتو كندا دا ما فوقها قمر صناعى حايم وقناة خاصة بتاعت جمال الوالي .. يكون مؤتمر وطنى .. يكون حركة مناوى اركوى .. يكون رأسمالي .. دا سامو بزنيس .. وبكرى هنا بحاول يسدد رسوم التكاليف الباهظة المافى زول بيشارك فيها .. ويجو هولاء الرجرجة عشان يسئوا ويرموا كلام فارغ انت من المفتلاض زاتك تعترضى لانو لولا منبر بكرى لما كانت تراجى مصطفي ولما كانت جمعية اصدقاء اليهود .. ولا وصلت لما وصلت اليه .. وما تقولى لى لا .. حتى ولو بنسبة بسيطة انا شخصيا لو ما منبر بكرى ما كنت عرفتك ولا سمعت بيك ولا بستين الف مناصل هنا

مطبلاتية و كده
__
صالح
كل سنة و انت طيب ياخ و مشتاقون.

Quote: يا اخوي ما تخلع اولاد الناس ساي ديل شباب انقياء وما عارفين محن البورد ده فبالله ممكن توضح ليهم بهدؤ رايك؟؟؟

والله يا تبلدينا الليلة عملو ليك فرش متاع عديل كدا
ياخي انا ما عارف الليلة كان مشيت بره في اللحظات دي كنت ح اللقى لي متعة زي دي وين ..؟
والله يا تبلدينا انا حاسي انو وشوش النت دي كلها ما راح تكفيني ..
قلت لي شكلوها ليك وطلعوك غواصــه ..

والله غواصه خايله فيك يا منقــه .. عشان تاني تعتر لي في سكتي ..
بعدين عمتك دي زعلانه منك .. من زمان تفتكر ح تجي تطلع ليك الشفوت الجداد ديل اي كلام ..
د اعتبرو كلام سلاخي ساكت .. وأعمل حساب ليمون بارا ..

أنا غايتو عندي اقتراح
غنو بكري دا يعمل ليهو ايقونه (دروه) بتاعت (ضرب بوستات جديدة) يعني اي واحد بيجي برلوووم .. يجيب (بندقيتو) معاهو ..


ايه المدعو تبلدينا وما بك داء كيف تبدو وغد بدوت عليلا ..
أو كما قال الشاعر ..

والله ما طالبني حليفه يا تبلدينا المدعو دي خايله فيك بشكل..
هاك الصمغ العربي دا

بالله يا تبلدينا هي قناة؟؟؟
وبتاعت جمال الوالي كمان؟؟ WAW

Quote: دا قناة يا خالة .. انتو كندا دا ما فوقها قمر صناعى حايم وقناة خاصة بتاعت جمال الوالي ..

يازول انا السودان ده ما بشوف ليه حاجه
المهم في الامر تبقى قناة تبقى موقع الكتورني تبقى جن احمر دي ما قضيتنا
قضيتنا انه وسيله اعلاميه ومادام وارئها جمال الوالي تأكد دي حتشتغل للجبهه الاسلاميه
بطريقتها الخاصه,حتى لو عن طريق الفيديو كلبات المتعريه.ززلكنها حتحرص انها تمرر مخططاتهم.
انت بتدافع عن بكري معاك حق
فالعيش و الملح ما بيهون ومعرفة البورد ما بتهون.


قلت لي عرفتني هنا؟؟؟؟؟
وافرض ما كان عرفتني يا تبليدنا ومعاك ال 6000 عضو ديل كان حيحصل شنو؟؟؟؟
هل كنت مختلفة المواقف؟؟؟؟
يازول قوم بلا وهم معاك
ولو الموقع بيصنع ناس كان صنع 6000 تراجي مصطفى و6000 جمعية بفكر جمعية اسرائيل.
الموقع لا ينصع احد
الناس ومواقفها ورؤاها هي التي تصنع افنسها وتصنع المواقع
فكر ماذا اضفنا لسوجانيز اون لاين
بدل وسنتكم وقرقرابكم اثرنا شهيتكم
لمواضيع كثيره مهمه.


المهم ما تنسى لا تراجي ولا وجودها هنا هما موضع البوست
موضوعه اعتراض بعض الاعضاء على الاعلان عن قناة شروق بتاعت جمال الوالي!!



وما تنسى بالله تقول لجمال الوالي لازم يستضيفوا اخونا (جني)
في قناة شروق فهو اكثر من دافع عنه هنا
وما خلى لينا حاجه من قصصه من زمن عندهم عجله
وباقي الناس بيمشوا كدر


اها يا ترى ماهو موقف الهلالاب من قناة شروق؟؟؟
انضموا يا هلالاب لموقف اسامه دهب وحيدر طه.

Quote: أشكرك على اسلوبك الراقى فى الرد الذى يدل على انك ابن ناس ومن اسرة محترمة

الكلام ده لـ تراجي ولا اخوكم غلطان
ياخ انا لي ساعة بقراء و تاني ارجع من الاول و اقراء

يا صالح غايتو وقعت و ما حدش سمي عليكـ

..
.

Quote: كده جيب من الآخر وورينا انت جايب الاعلان ده ولا متحمس كده ليه؟؟؟

عارفه قناة الشروق دى متكفله لينا بكل اعلانات بناء مستشفي سرطان الاطفال 99199 مجاناً
ولا قرش ولاتعريفه ..( اها دى دعاية مجانية تانية )
وعارفه محل اعلانهم دا اقترحتوا انا بس ناس شركتى خذلونى ولظروف الزنيس احسن بكرى يعلن الى حين
اها بالله انتو عملتو شنو للسودان وللبعملو فيهو بكرى وناس الشروق ورنى بس ..
فترنا يا تراجى من الكلام والنقه .. والله فترنا

Quote: الناس ديل ما شتموا بكري

ياااخ طخ !!
والله كن كدى بعد ما بقينا مهترين ومصديين ما بنعرف الشتم دى تبقي عوجة

الداش
ان شاء الله عجبتك يا شمشار
بس البركة طلعنا ( فى البحر غواصة يا حاجة لا ..)

نوبي
شكرا يا مطبلاتى ..
نرجعها ليك فى بوستاتك ان شاء الله ..
كل سنة وانت طيب
معقولة تجى يومين بدون خبر ..
البركة فيكم والله ما محلها بس فأجاتنى مع المناضلين ديل


_____________________

يا بكرى بالله تعال وابقي دكتاتورى عديل
وشوت الناس دى بره .. اسماء لم نسمع بها فى حياتنا

والله يا تبلدينا حننتني ..

تضامنوا مع تبلدينا في محنته الراهنه

غايتو الله يعينك كان صاحبك جا ماري بي هنا .. انا هين

..
.
وأجتمع كل الاوغاد
فى ليلة الاساءة الى بكرى ومنبره

ازيك يا تامبا ..
والله مشتاقين ..
خلينا نتونس شوية وزى ما قال صاحب البوست
نبتعد عن جوهر القضية و( نهمشها ) فتصبح لا قضية

اتمتع يا حبيب اخرها كوم تراب ..
ما دام غواصة خايلة فينى يا حبه ..
بس والله غواصة صدئة ومهترئة الاضافه الداش دى متعتنى انا زاتى
ياخى دى مبالغة انا ما عارف الحلبي دا جابها من ووين
الا قول لى دى صورتو لا صورة تامر حسنى ..
انا صراحة لسه مع احمد المصطفى ووردى لو ما كدا اكون غواصة كيف

خالتى دى ..
دايما مركبانا حصين ..حليل ناذر
والله امبارح فى عرس اخو اساسي اتجدعنا ... عدبل كدا
الناس كلها اتنين اتنين فرح يتكلم بلغتين
اساسي وفردتو
ناذر وفردتو
الشفت وفردتو
انا والجكس ( نص فرده )

Quote: أنا غايتو عندي اقتراح غنو بكري دا يعمل ليهو ايقونه (دروه) بتاعت (ضرب بوستات جديدة) يعني اي واحد بيجي برلوووم .. يجيب (بندقيتو) معاهو ..

Quote: ايه المدعو تبلدينا وما بك داء كيف تبدو وغد بدوت عليلا .. أو كما قال الشاعر ..

كلامك دا اكيد من احد كتب اخونا زمان
الما جاء مارى بيهنا
بس صفحة كم ؟؟؟ الله اعلم

_______________
ولحبكم للقب المدعو
استودعكم الله .. وفى العافية
المدعو : صالح تبلدينا

الحبيب اسامة دهب
تعرف يا حبيب سودانيزاونلاين اكثر موقع بحترم اعضائه فمثلا كلام مثل كلامك هذا فى مواقع اخرى لا يسمح به و يسحب عضوية كاتبة ....
طبعا كلامك اعلاه اذا كان جاء من ناس معارضة مثل حزب الامة جناح الصادق-الموتمر الشعبى او الحركات الدارفورية كان نقول ديل ليهم حق لكن انت و من ما مكتوب فى ملفك عضو حركة شعبية و شريك فى الحكومة يعنى حلال عليكم حرام على بكرى المقلوب على امره؟..... البدير سيرفا ادارته و ميزانيته تقطع جيوب الاغنياء......

Quote: وعندما تسمح لاياد اجنبية ان تملى عليك سياسات موقعك فهذا عدم احترام لاعضائك .

بما انك جديد ادعوك للاطلاع على الارشيف و المكتبات فهذا المنبر عمره 8 سنوات و فيه تاريخ .... والله الواحد قرب يجن ...ناس الحكومة يقولوا الموقع حق الحركة الشعبية وناس الحركة الشعبية يقولوا الموقع يتبع لايادى اجنبية و ناس يقولوا ده موقع شيوعيين و جمهورين و تانين يقولوا لا ده موقع تابع للمخابرات الامريكية......... وصحفى كبير مكروه من بعض اعضاء هذا المنبر يقول ان
بكرى ده عميل اسرائيلى ................الخ قايتوا لو الواحد جن يكون ليه حق من ناس ديل ...يا سيادة العقيد امشى اقرا ارشيف الموقع ولا اقول ليك اضرب لى بقة فى جوبا................

Quote: وعندما نسمع ان هذا قد سرق ايميله وهذا تم الاستيلاء على كلمة مروره وهذا ...... من الذى بفعل كل هذا يا بكرى ؟ولمصلحة من ؟وأين اجراءات الامن التى تتبع لحماية موقع بهذا الحجم ومن ثم حماية خصوصيات اعضائه . كل المطلوب منك هو دفع القليل من الدولارات لتوفير نظام حماية افضل للموقع حتى لايهرب الاعضاء خوفا على خصوصياتهم .فبخلك بهذه الدولارات يعتبر عدم احترام لاعضائك .

الايميل الذى سرق ما عندو علاقة بسودانيزاونلاين و لا كانت سودانيزاونلاين او بكرى علاقة به يعنى واحد سرق ايميله فى ياهو و باص ويرده فى الياهو يعنى المشكلة فى الشخص و بريده فى الياهو و لعلمك حتى اعضائنا هنا لا تظهر ايميلاتهم فى ملفاتهم و مافى عضو/ة يخفى حاجة فى ملفه مثل كريد كارد او رقم ضمان اجتماعى تدعوك الى الخوف على خصوصيات اعضائنا فكل ما هو مكتوب فى ملفات اعضائنا مقرو لزوارنا الكرام.....

بقية ردى قام به بعض الاخوة مشكورين

خواض تحياتي...

Quote: 2007 دي ماله معانا

قايمين سداري يا منقا

الله يكون في عونك يا بكري... أرجو ان ُتحترم من اعضاء منبرك

Quote: الحبيب اسامة دهب تعرف يا حبيب سودانيزاونلاين اكثر موقع بحترم اعضائه فمثلا كلام مثل كلامك هذا فى مواقع اخرى لا يسمح به و يسحب عضوية كاتبة .... طبعا كلامك اعلاه اذا كان جاء من ناس معارضة مثل حزب الامة جناح الصادق-الموتمر الشعبى او الحركات الدارفورية كان نقول ديل ليهم حق لكن انت و من ما مكتوب فى ملفك عضو حركة شعبية و شريك فى الحكومة يعنى حلال عليكم حرام على بكرى المقلوب على امره؟..... البدير سيرفا ادارته و ميزانيته تقطع جيوب الاغنياء...... Quote: وعندما تسمح لاياد اجنبية ان تملى عليك سياسات موقعك فهذا عدم احترام لاعضائك . بما انك جديد ادعوك للاطلاع على الارشيف و المكتبات فهذا المنبر عمره 8 سنوات و فيه تاريخ .... والله الواحد قرب يجن ...ناس الحكومة يقولوا الموقع حق الحركة الشعبية وناس الحركة الشعبية يقولوا الموقع يتبع لايادى اجنبية و ناس يقولوا ده موقع شيوعيين و جمهورين و تانين يقولوا لا ده موقع تابع للمخابرات الامريكية......... وصحفى كبير مكروه من بعض اعضاء هذا المنبر يقول ان بكرى ده عميل اسرائيلى ................الخ قايتوا لو الواحد جن يكون ليه حق من ناس ديل ...يا سيادة العقيد امشى اقرا ارشيف الموقع ولا اقول ليك اضرب لى بقة فى جوبا................ Quote: وعندما نسمع ان هذا قد سرق ايميله وهذا تم الاستيلاء على كلمة مروره وهذا ...... من الذى بفعل كل هذا يا بكرى ؟ولمصلحة من ؟وأين اجراءات الامن التى تتبع لحماية موقع بهذا الحجم ومن ثم حماية خصوصيات اعضائه . كل المطلوب منك هو دفع القليل من الدولارات لتوفير نظام حماية افضل للموقع حتى لايهرب الاعضاء خوفا على خصوصياتهم .فبخلك بهذه الدولارات يعتبر عدم احترام لاعضائك . الايميل الذى سرق ما عندو علاقة بسودانيزاونلاين و لا كانت سودانيزاونلاين او بكرى علاقة به يعنى واحد سرق ايميله فى ياهو و باص ويرده فى الياهو يعنى المشكلة فى الشخص و بريده فى الياهو و لعلمك حتى اعضائنا هنا لا تظهر ايميلاتهم فى ملفاتهم و مافى عضو/ة يخفى حاجة فى ملفه مثل كريد كارد او رقم ضمان اجتماعى تدعوك الى الخوف على خصوصيات اعضائنا فكل ما هو مكتوب فى ملفات اعضائنا مقرو لزوارنا الكرام..... بقية ردى قام به بعض الاخوة مشكورين

بكري و (النيولوكـ) دي لازم تتسيف .. دي مابتجي بي هين


اسامة دهب يا صديقي
ليس دفاعا عن بكري لكن زي ماقال ليكـ اتصل بي بُقه

خواض
انا بتمني بس بكري يدقس و يديني الباسوورد بتاع السيرفا دي 7دقائق
والله اول 3 اوغاد حا يترفدوا ( دكين و تمبس و نوبي وانت و عصام جبرالله )

Quote:

انك اصبحت مستعد ان تفعل اى شىء من اجل المال دون مراعاة لاى شخص

======================================

بااااااالغت جنس بوليغه و بدون حرج دخلت الرشحك للعضوية

في ....... وززززززة والله يصبره


واسبه

العزيز دهب
كان ممكن تطرح شكوكك باسلوب افضل دون تجريح لزول مكنك من التعبير عن نفسك في حرية كاملة في زمن القهر و سلب الحريات.. بقت علي بكري خيرا تعمل شرا تلقي.. الاستعجال و استسهال توجيه التهم في عمومها خصلة ما كويسة و لمان توجه لبرئ و صاحب فضل بتكون قبيحة و مؤلمة..
يا بكري
قبل كم يوم واحد ظريف رد علي كوز قاليهو اصلناما ح نجن ليكم
انت كما مقلبهم و ما تجن
راجع طبيبك النفسي .. اصله السودان محتاج لكنبة طبيب نفساني بحجم ترابه,,

Quote: حفاظاً على مشاعر الاخوه المناضلين ارجو ان تقترح رسم مالي على كل عضو يدفع لصالح خدمات استضافة السيرفر وغيرو من الامور التي تحتاج الى الى صرف مالي كبير خاصة مع التوسعه الكبيره التي شهدها الموقع بالاضافة الى التطلعات التوسعيه المستقبلية

هاهاها مضحك و الله... هو إنتو كيده ما مريحنوا لو دفعت بتعمل شنوا... محتمل الاستاذ داير يقاسموا الارباح....!
لو تعرف المجهود المالى و التقنى المبذول لما قلت هذا الكلام.....! و لولا رفقا بك و بمقدراتك لقترحت عليك ان تعمل ربع هذا المجهود و تطبق ما يريحك فيه..... ياخى اشكر الراجل بدل ما تشكك فى نزاهته.

و لك الود

أسامة دهب

سلامات و مشتاقين كتير..

يا زول ده منبر حر قول الكلام البريحك..الكلام أنت وجهته لبكري وهو رد عليك

يعني يا دار ما دخلك شر..

Quote: هاهاها مضحك و الله... هو إنتو كيده ما مريحنوا لو دفعت بتعمل شنوا... محتمل الاستاذ داير يقاسموا الارباح....! لو تعرف المجهود المالى و التقنى المبذول لما قلت هذا الكلام.....! و لولا رفقا بك و بمقدراتك لقترحت عليك ان تعمل ربع هذا المجهود و تطبق ما يريحك فيه..... ياخى اشكر الراجل بدل ما تشكك فى نزاهته. و لك الود

اخي محمد عمر

ولا تزعل اظن انه بكري وكثير من الاخوه المطالعين فهموا ما ارمي اليه
لو تتبعت باقي مداخلاتي التي لاتخلو من تصويب لذلك النقد الفطير الذي تقدم به الاخ
صاحب البوست ..

وفي الاخر نقول بي خشم ملان والله يابكري يوم شكرك ما يجي
لانه هو اول من وفر لنا على صدر منبره مساحة الراي والراي الاخر
بدون اي حجر .. بل كان بسعة صدريندر ان تجدها في من يتعاطوا السياسة في بلادي
احتمل منا حتى نقده هو شخصياً في كثير من المواقف
وهو بذلك يضرب المثل بنفسه في الحرية والديمقراطية اولاً
لهذا لن نقول له شكراً ولن نحرق له البخور
بل سنكتب ونكتب حتى يصير هذا الموقع
هو من يضع بذرة الوفاق لهذا والوطن ويرعاها
وللعلم ان حرف الاشارة (من) تطلق للعاقل
وكلنا ثقة من ان هذا المنبر عاقل وناصح
لمافيه خير هذا البلد


وبكره ياسودانا تكبر
تبقى اعلى وتبقى انضر

البصاص

Quote: ولو الموقع بيصنع ناس كان صنع 6000 تراجي مصطفى و6000 جمعية بفكر جمعية اسرائيل. الموقع لا ينصع احدالناس ومواقفها ورؤاها هي التي تصنع افنسها وتصنع المواقع فكر ماذا اضفنا لسوجانيز اون لاين بدل وسنتكم وقرقرابكم اثرنا شهيتكم لمواضيع كثيره مهمه.

ولد لا ... و الله ضحكتني يا عجوبة زمن الانقاذ لحدي زملائ في المكتب افتكروا جنيت. كدي راجعي الكلام الفوق الفلقتينا بيه ... راجعيه في لحظة صفاء (ده اذا كان عندك لحظة صفاء). بالله قلتي فتحتي شهيتنا لمواضيع كثيرة مهمة ... احي انا منك و من ... اقول شنو ما عارف. فكها في روحك لما لا نهاية. الحمدالله الموقع ما صنع 6000 منك او بفكر جمعية الاسترزاق و التسول, كنا لقطنا ورق و موقع بكري كان الله يرحموا. و اصلي يا تراجدي بالرغم انك بتغيظي واصلي و افضحي نفسك. بالمناسبة مفروض تكون حامدة ربك و شكراه ليل صباح بنعمة الانقاذ و تتضرعي ليل نهار لديمومة نظامهم ... كما سجم الانقاذ نوعك ده كان انقرض زمان.


تبلدينا ... سلام ياحبيب ... غايتو الله يعوضك في زمنك الضيعتو ... ناسك ديل تجي تفرق بيهم بس و تضحك و تزيل هم الدنيا و تطلع.

Quote: اقول شنو ما عارف. فكها في روحك لما لا نهاية

حزف للتكرار

..
.

Quote: والله اول 3 اوغاد حا يترفدوا ( دكين و تمبس و نوبي وانت و عصام جبرالله )

غايتو مقدد الماسمتيك يا خدر !!
انا اتأكدت تماما انو حصة الحساب ما كنت شغال بيها الشغلة

كل سنة وانت طيب ويخلي ليك لقاء وام لقاء ,.
مودتى

د.سيف النصر

انت العميد دا ماسك التب تريب ولا حاجة !!؟
بس والله

Quote: ( يادار ما دخلك شر )

دى بالغت فيها
دى زى السايق ليك عربية طافية بلك ..

تحياتى يا ابو الزمل وللاسرة بالاراضى المقدسة ..

________________________

اها بكرى رد للناس عشان ما تتحسس

مشكور يا رقيب ..

Quote: انا بتمني بس بكري يدقس و يديني الباسوورد بتاع السيرفا دي 7دقائق والله اول 3 اوغاد حا يترفدوا ( دكين و تمبس و نوبي وانت و عصام جبرالله )

سبعة دقايق يا ظالم..؟
كدي خليهو يدقس ويفرط فيهو .. دقيقتين بس، والله اشوتك لمن تتكيف مني .. واعمل ليك ايقونة خاصه بيك اسميها خــدر .. اي واحد يجي داخل البورد دا .. يضغط فيها ساكت كدا تمجيدا لشخصك ..
ياخي يقولو ليك تبلدينا شادنها ليهو تقول ليهو انا برفدك ..؟
..
.

يا تنقــا معليش خالك خدر دا ما تزعل منو .. اصلو هو وأساسي من ما بقو في مركب واحد، فقدنا فيهم الأمل ..
زي ديل تعرف شهادتهم في المحكمة ما بقبلوها

الناس دي حلجت يا تنقــا..

Quote: ...ناس الحكومة يقولوا الموقع حق الحركة الشعبية وناس الحركة الشعبية يقولوا الموقع يتبع لايادى اجنبية و ناس يقولوا ده موقع شيوعيين و جمهورين و تانين يقولوا لا ده موقع تابع للمخابرات الامريكية.........

هذا هو مختصر مفيد المنبر وهذا تميزة الكل يعتقد أنه مالكه والكل يعتقد أن المنبر ضده
صديقي أسامة : الخبر شنوا يارفيق (الحرية لنا وللآخرين!!!) لقناة الشروق أن ةتطل من هذا الموقع وللحكومة ولجهاز الأمن هذا منبر يسمح لكل الآراء بالمرور عبره وإلا فلنعلن أننا نرغب في حجب آراء من يخالفونا الرأي ودمت
تمبس / خدر : أنا مسألة السرفا دي ما واقعة لي شديد لكن تحت تحت لو وقعت ولميت بطرف خيطوا ... موش إنتوا (بكري أبوبكر) ظاااتوا الله قال بقولوا

Quote: Quote: ( يادار ما دخلك شر ) دى بالغت فيها دى زى السايق ليك عربية طافية بلك .. تحياتى يا ابو الزمل وللاسرة بالاراضى المقدسة ..

صالح أزيك

يا زول أسامة دهب ده ود حلتنا و فردتنا من زمان أنا وطارق أبوعبيدة اللابد ليكم ده
آها قلنا نشد من أزره شوية.

نم قرير العين هانئاً يا باشمهندس

بكرى أبوبكر....


تحية للأستاذ صاحب البوست.


تخريمة ( على قول النابهة رجاء العباسى)

تبلدينا :

القصة شنو ياخ ؟ ردعلى التلفون لو سمحت ، و فى حال إنو إتغير رسل لى الرقم الجديد
لأنو المسألة العارفها تمت . أو ممكن تتصل بى للتوضيح( الرقم الجديد)، معليش الماسنجر
عامل معى مشاكل .
أنا ذاتى رقمى غيرتو أمشى البروفايل ...
و متوقعنك ...

يا .... (غواصة ) ههههههههههههههههههههههه