Post: #1
Title: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة شريف
Author: sheba
Date: 09-18-2007, 01:16 AM
Parent: #0
حصريا من شيبا لاعب المجد السورى عملها ظاهرة ومساعد الحكم حرم فريقه من التعادل بنقضه هدف صحيح
|
Post: #2
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: sheba
Date: 09-18-2007, 01:57 AM
Parent: #1
|
Post: #3
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: sheba
Date: 09-18-2007, 02:00 AM
Parent: #1
|
Post: #4
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: abas
Date: 09-18-2007, 05:55 AM
Parent: #1
شيبا
رمضان كريم
انت يا زول عاوز تصل لي شنو الهلال تعبان
الهلال غلب بمساعدة الحكم
الهلال ما بيعرف يلعب كورة
الهلال اسوء فريق كورة
ياخ اقولها ليك بي صراحة اهتم بفسيخك وخلي الهلال
هييييييييكه سيد البلد
الزعيم
راجل البلد
|
Post: #5
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: gamal elsadig
Date: 09-18-2007, 06:46 AM
Parent: #4
..
في إعتقادي الهدف صحيح 100% والحكام جاملو الهلال بنقضهم لهدف المجد
السوري ...
وضح جلياً ان الهلال لايملك البدائل فغياب ريتشارد والمعز جعل دفاع الهلال
مكشوف ... ولوكانت مباراة الامس مع فريق قوي لخرج الهلال مهزوم بنتيجة كبيرة
.
|
Post: #6
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: abas
Date: 09-18-2007, 06:58 AM
Parent: #5
الاخ جمال
رمضان كريم
يا اخوي بدايل شنو وكلام فاضي شنو
عاوز تعرف الهلال تعال يوم الجمعة
ده اسمو تكتيك زي مبارك تكتيك بتاع المريخ البشتري ليه المباريات
عرفتو ولا لا
يا زول الهلال ده ما بتقدر
لانو الزعيم وسيد البلد
|
Post: #9
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: gamal elsadig
Date: 09-18-2007, 08:07 AM
Parent: #6
.
الاخ / عباس ..
الله اكرم
نعم الهلال لايملك بديل لريتشارد بالامس جرب درايو كان وعلاء جبريل
ومرق وفي النهاية استطاع فريق من (ممثلي مسلسل الجوارح ) ان يحرز هدفين
في مرمى الهلال ونقض الحكم لهم هدف ثالث صحيح واضاعوا اكثر من هدف ..
| Quote: عاوز تعرف الهلال تعال يوم الجمعة |
يعني هي المشكلة في الايام؟؟؟ ولا المشكلة في الفرق المنافسة للهلال
ولا المشكلة في الهلال زاتو ... يااخي اعترفوا ولو لمرة واحدة وماتخدعوا نفسكم
الحاجة البعرفها انا انو الكورة كورة .... الهلال بالامس كان ضعيف وفي (خرمجة)
في كل خطوطه ومع فريق ضعيف ...
تكتيك شنو يااخي ... اقول ليك انا ممكن افتش ليكم عزر ... اصلوا الصيام اثر
على اداء (داريو كان ... وقودين ...و كلتشي ) وريكاردو كان نام من غير سحور ...
بعدين رايك شنو في لعيبة الهلال في الفرق الاخرى (زهير زكريا ...واسامة التعاون ...
وسولي شريف ...وباتريك ..و موسى عليو ......وعبد الرحمن النسور ..وماخفى افظع )
بالاضافة الى المدربين (الديبة ...طارق ... الفاتح النقر ...احمد ادم ....الخ )
تقول لي مبارك تكتيك ... الهلال افضل من يجيد التكتيك خارج المعلب )
حتى مع الاتحاد العربي ...يحولو ليهو مباراة الامس من سوريا لزريبة العيش ويفكو ليهو
اللاعبين الموقوفين داريو كان وعلاء جبريل ...و الحكم ينقض قون صحيح 100% للضيوف ؟؟؟
سيظل (مريخ السودان) هو الزعيم وسيد اسياد البلد و القاطرة التي تجر من خلفها
العربات .
وستظل عقدة الدونية مسيطرة على مشجعي (هلال العرضة شمال) ...العرضة شمال شنو ..
(هلال موقف امبدات جوار زريبة العيش ) لسبعين عاماً اخرى ويزيد ....
.
|
Post: #7
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: أبو عبيدة البصاص
Date: 09-18-2007, 07:09 AM
Parent: #1
.
.
.
| Quote: ده اسمو تكتيك زي مبارك تكتيك بتاع المريخ البشتري ليه المباريات |
قلت لي تكتيك ..
الكوره كوره .. وعمره التكتيك ما بدي فريق متقدم بي تلاته بي للتعرض لمثل ما تعرض له الهلال ليله البارحة ..
معليش خيرا في غيرا
كنا عشمانين انكم تسحرونا امبارح لكن التكتيك فرض كده
مدخل للخروج :
|
Post: #8
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: عمر الفاروق
Date: 09-18-2007, 07:39 AM
Parent: #1
يا شيبا وجمال الصادق:
رمضان كريم ..
انا ما شفت الكورة وبغض النظر عن النتيجة والأداء و و و و و حبيت أعلق على المقطع ده ..
تحيرت وتعجبت من كلام الأخ جمال بأن الهدف صحيح مية المية ..
وتعجبت منكلام محللين قالوا الحكم لم يحسب الهدف لعبور الكورة خارج المنطقة لحظة إحتكاك ابوبكر شريف مع لاعب..
عموماً ودي ما دايرة درس عصر ففي إعتقادي السبب المنطقي لنقض الهدف هو الخطأ في تسديد رمية التماس ..
وما حا أقول خطأ رمية التماس بسبب الحركة البهلاوانية و(الهوبة) فالهوبة ليست جديدة علينا ولا على المريخاب (يا حليل أحمد هوبة) ..
لكن الخطأ في رمية التماس إنو اللاعب رماها وهو جالس على الأرض والصورة توضح ذلك وشكراً شيبا جيت تكحلا عميتا بي صورتك دي..
طيب نقول ليكم الكلام بي طريقة تانية عشان تفهموها :
إفترض معاي إنو رمية التماس دي كان حا ينفذها إسحق كرنقو مثلاً ..
وقام كرنقو قعد في الواطـــة (من غير حركة بهلاونية) ورمى رمية التماس فهل تعتبر رمية التماس صحيحة ؟؟
وهل القانون يسمح برمية التاماس واللاعب جالس (أكرر جاس بغض النظر عن جلوس من خلال حركة بهلوانية أو من خلال إنبراشة)..
القانو يعتبر رمية التماس خطأ حتى ولو إنزلق اللاعب دون قصد فما بالك باللاعب الجالس..
صورتكم توضح إنو اللاعب كان جالس ..
تخريمة :
أبراهومة ليهو 5 سنة كان بيخدع الحكام بي رمية التماس العشوائية اللي إتضح لاحقاً إنو بيرميها بي يد وااااااحدة ومن يوم ما إكتشفوهو لحدي ما بطل الكورة تاني ولاااااا رمية تماس واحدة قدر يوصلا القون ..
|
Post: #10
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: حمزاوي
Date: 09-18-2007, 08:26 AM
Parent: #8
الهدف صحيح مية في المية
طبعاً دا ما ذنب الهلال
بس المظلوم هنا المجد الاكلو عليه التعادل المستحق
الاخ عمر الفاروق
الظاهر عليك ما تابعت اللقطة من البداية حتى الهدف الاسطورة الملغي
يا اخوي اللقطة الانت جبتها دي اخونا قعد بعد ما رمي التماس
يعني عندما رمى الكرة هو كان واقف
والسبب الذي ذكرته هو ليس السبب والدليل في حالة الخطأ في تنفيذ رمية التماس ينتقل الرمية للخصم وينفذ من نفس المكان .
ولم يحدث إعادة الرمية بل تم تنفيذ الخطأ من قبل مدافع الهلال من عند خط السته
وهناك ملاحظة مدافي الهلال لم يرفعوا ايديهم ( دا عشان الناس البيحتجوا بان الكرة طلعت آوت ) ولا حتى الحارس ابوبكر شريف لم يرفع يده وحتى اندهشوا لمن الحكم لغى الهدف
مجد الجولان انظلم يا ناس في العرضة شمال
|
Post: #11
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: ود المايقوما
Date: 09-18-2007, 08:33 AM
Parent: #1
العزيز شيبا
رمضان كريم وكل سنة وانت بالف خير ,,
| Quote: السبب المنطقي لنقض الهدف هو الخطأ في تسديد رمية التماس |
الفاروق الجميل
لو الرمية كانت خطا
لأعاد الحكم الرمية لصالح الهلال ..
انا ماشاهدت المباراة و اللقطة غير كاملة فهل اعاد الحكم الرمية لصالح الهلال ؟؟؟؟
تحياتي يامنقة ورمضان كريم..
|
Post: #12
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: نيازي عبدالله مرحوم احمد
Date: 09-18-2007, 09:06 AM
Parent: #11
| Quote: ده اسمو تكتيك زي مبارك تكتيك بتاع المريخ البشتري ليه المباريات |
والله انت راجل نكته دا اسمو التعصب الاعمي البداقش ساي ....وجه نظر جمال سليمه وتصب في مصلحتك لكن كلكم طرش ورعن
|
Post: #13
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: sheba
Date: 09-18-2007, 10:13 AM
Parent: #1
العزيز عباس .. استهدي بالله ... ورمضان كريم ..
اول مرة اشوفك بتكتب بانفعال واضح ..
انت زول راقي وكلنا كمريخاب نكن لك تقديرا خاصا واحتراما كبيرا
ما تخلي اى حاجة تغير اسلوبك الجميل .. يا زول يا جميل
|
Post: #15
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: محمد فرح
Date: 09-18-2007, 10:27 AM
Parent: #13
والله ياأخوانا (بهدلة) الهلال الأمس دي لابتسر عدو ولابتسر حبيب
|
Post: #14
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: عمر الفاروق
Date: 09-18-2007, 10:26 AM
Parent: #1
عمنا حمزاوي:
Quote: الظاهر عليك ما تابعت اللقطة من البداية حتى الهدف الاسطورة الملغي
يا اخوي اللقطة الانت جبتها دي اخونا قعد بعد ما رمي التماس
يعني عندما رمى الكرة هو كان واقف |
الظاهر رمضان خشّ العضم !!!!
يا زول قول بسم الله ..
انا شاهدت للمقطع أكتر من عشرة مرات وبعدين جيت كتبت المداخلة ..
كدي عاين للمقطع بي رواقة يا عم حمزاوي ولو لقيت اللاعب فعلاً رمى الكورة وهو واقف تجي تستلم مني 1000 ريال كااااااااااااااش ..
وعشان أساعدك في المتابعة شغل المقطع وأضغط زر ال Stop لحظة الرمية (مع إنها ما محتاجة وواااااااااضحة)..
تخريمة :
حبيبنا ود المايقوما :
رمضان كريم ياخ وليك وحشة والله ..
يا زول ما دي مشكلة التحكيم ومفروض تعاد رمية التماس ..
طيب كدي خلينا من التحكيم أدينا رأيك إنت في رمية التماس دي !!!!
|
Post: #16
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: حمزاوي
Date: 09-18-2007, 11:02 AM
عمر الفاروق اخوي
مسكاقمي
| Quote: كدي عاين للمقطع بي رواقة يا عم حمزاوي |
اولاً حاجة كدي خلينا في عم حمزاوي دا ( دي جديدة دي ) أنا الخال ولا داير تعملني عمك لبط ساي يا دنقلاوي انت ناس ام درمان دول بيتلبطو في الواحد ساي حسع الناس يقوموا يفتكروك قريبي وأنا جني وجن دكين وبث .
كدي نرجع لي موضوع الهدف وتحليلك بأن الهدف تم إلغاءه بحجة أن اللاعب رمى الكورة وهو منبرش ذي برشة عمار مرق ولا قاعد علي ركبو . .. طيب يا اللخو ليه ما قريت الكلام بتاعي للنهاية .
يا سيدي الحكم لم يرجع الكرة لمكان الرمية واعطى الرمية للهلال .. بل تم لعب الكرة من مكان لعب الأوت يعني من عند خط السته . . يعني كدا الحكم ما الغى الهدف بسبب الجلوس والهيلاهوب . . مع انك بترى دا هو السبب الاساسي ولكن الحكم لم يرى ذلك بل لغاه بسبب يعلمه هو ( غايتو لكل مجتهد نصيب )
حسع بقينا في حوسه عشان نعرف سبب إلغاء الهدف
اخيراً
ماما بتسلم عليك وبتقول ليك وين الامانة
|
Post: #17
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: سامى عبد الوهاب مكى
Date: 09-18-2007, 11:19 AM
Parent: #16
بشتنة السنين والدنين!!
والله مارضيناها ليك
يفضحوك الشوام ويبهدلو بيك!!
بعد كل تماس وجدعة
يششقلبو ويحشرو ليك
غايتو انا اتوقع في مباراة الرد واحد قبال يشوت الفاول يلف في الهواء مرتين وعينك ماتشوف إلا الكورة المعفصة ام نيران بتاعة كبتن ماجد ديك!!
يعني ابو بكر الشريف يقبض الكورة تقعد تلف ليه في يدو حلقتين وهو يكورك احي احي احي حي حي حي.
|
Post: #18
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: sheba
Date: 09-18-2007, 03:44 PM
Parent: #1
ابو السيم
بعد اسبوعين كدة عندي مامورية لى سوريا
ماشي اجيب قمر دين وتين وزيتون لزوم رمضان
وبالمرة الواحد يكون قريب على الطبيعة
|
Post: #20
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: معتصم الطاهر
Date: 09-19-2007, 09:17 AM
Parent: #1
يظهر من الفيديو
ان رمية التماس خطأ..
فلحظة رميها كانت رجلي اللاعب فى الهواء .. متحركتين ..
ولكن الحكم حسب الخطأ ( احتكاك مع الحارس )
لاحظ توقف دفاع الهلال قبل ولوج الكرة فى المرمى ..
|
Post: #21
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: sheba
Date: 09-19-2007, 09:44 AM
Parent: #1
احتكاك من الحارس ؟؟
اللاعب ذهب باتجاه الكرة ويظهر ابوبكر ابوبكر شريف على ظهره يبقى منو الاحتك مع التاني
بعدين لعيبة الهلال ما وقفوا بدليل انو فى واحد جلي الكورة فى خط المرمي
اصلو فى احتمالين
يا اما يكون عداها اوسايد .. وعارفين رمية التماس مافيها اوف سايد
او يكون قال الكورة طلعت اوت ... ودي تبقي الكارثة زاتة لانو وضاح من الصورة انو اللاعب كان داخل الملعب وخلفه ابوبكر شريف وخلفهما معا يظهر قائم المرمي
يعني الناس ديل كلهم كانو جوة الملعب ....
فى احتمال تاني .. يمكن الكورة طلعت براها كدة متر مترين لحدى الدعابات وجات راجعة تاني
|
Post: #22
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: تاج السر محمد حامد
Date: 09-19-2007, 09:52 AM
Parent: #21
مدرسة قودين وداريوكان وكلتشى .. لم ينجح احد .. وأفهم ياجدع .. وكفى ...!!
|
Post: #23
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: adil amin
Date: 09-19-2007, 08:49 PM
Parent: #1
العزيز شيبا
تحية طيبة
والقون الثالث ده محاضرة كروية عديل كده..ذى اقوان العجب
وصحيح 100%....والكاميرا لا تكذب...
والشيعة المساكين ديل انظلمو ظلم الحسن والحسين
يوم الجمعة نشوف اخرتا...اصلو الرشاشات الفهيم اتعرفت
توقيع
رئيس الجبهة المعادية للهلال في العائلة
|
Post: #24
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: مهدى الصادق السيد
Date: 09-19-2007, 11:39 PM
Parent: #1
ب
ا
ع
نقلوا الكورة من سوريا الى مغبرة الخصوم ولكن قناة المجد لم تكمل البيع لا ادرى ربما لم يستلموا باقى المبلغ المتفق عليه ام ماذا والله وحده يعلم ؟؟؟؟؟؟؟؟؟؟؟
اما التحكيم العربى فحدث ولا حرج ؟؟؟؟؟
الهدف صحيح مليون فى المية ولكن على احمد الحاوى شكيت محنو على الله
وقالوا السترة والفضيحة متباريات المهم انسترتوا وباى طريقة ودى الاهم
تحياتى وسلمولى على الاتحاد العربى
|
Post: #25
Title: Re: حصرياً فيديو هيلاهوب رمية تماس لاعب المجد السوري كابتن ماجد وهدف صحيح ملغي فى شباك ابوستة
Author: عبدالله وداعه الامين
Date: 09-20-2007, 00:45 AM
Parent: #24
الاخ العزيز شيبا والحضور الكريم
من دون تعصب وغيرة
بنظرة محايدة وامينة اعد مشاهدة الهدف الذي اتيت بفديو له
وركز على ملاحظتين
الاولي:
اللاعب الذي قام بتنفيذ رمية التماس
هل كانت ارجله ثابتة في الارض عند تنفيذ الضربة؟ لا اعتقد ذلك بل اجزم بعدم ثبوتهما
الثانية وهي السبب الفعلي الى النقض
انظر الى زاوية الملعب اليمني وقفزة حارس الهلال واللاعب السوري الذي
ارجع الكرة براسه الى الخلف قبل ان تصل الكرة الى لاعب الهلال الذي
فشل في اخراجها(جلاها) هل الكورة عبرت الى خارج خط التماس ام لا؟
اللاعب السوري قام بعكس الكورة من خارج الملعب ويظهر جليابانه
وحارس الهلال كانا خارج الملعب كما ان السوريين لم يحتج ايا منهم
على نقض الهدف لعلمهم بان الكرة قد خرجت
|
|
