Post: #1 Title: لماذا تستكثرون علي الحزب الشيوعي هولاء Author: Atif Makkawi Date: 09-17-2007, 04:11 AM Parent: #0
محمد وردى مصطفي سيد أحمد محمد الحسن سالم حميد محجوب أحمد شريف كمال الجزولي مصطفي حسب الرسول محمد محي الدين عثمان عبد الله وآخرين
Post: #2 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-17-2007, 09:45 AM Parent: #1
Quote: مصطفي حسب الرسول
وللذين لا يعرفون هذا الشاعر فسوف أحدثكم عنه
Post: #3 Title: Re: لماذا تستكثرون علي الحزب الشيوعي هولاء Author: Hussein Mallasi Date: 09-17-2007, 10:27 AM Parent: #2
Quote: محمد محي الدين عثمان عبد الله
ديل برضو ما معروفين .. فحدثنا عنهم!
Post: #4 Title: Re: لماذا تستكثرون علي الحزب الشيوعي هولاء Author: Hussein Mallasi Date: 09-17-2007, 10:30 AM Parent: #3
و بعدين .. منو الاستكتر كمال الجزولي عليكم!!
Post: #5 Title: Re: لماذا تستكثرون علي الحزب الشيوعي هولاء Author: Deng Date: 09-17-2007, 12:52 PM Parent: #1
ملاسي يا حاقد.
دينق.
Post: #6 Title: Re: لماذا تستكثرون علي الحزب الشيوعي هولاء Author: bukhary el amin Date: 09-17-2007, 01:24 PM Parent: #1
طلال عفيفي
Post: #7 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-17-2007, 04:40 PM Parent: #1
يا ملاسي فعلا قد لا تعرف عثمان عبدالله يعرفونه شيوعيي وديمقراطيي الجزيرة وسوف أحول سؤالك للشاعر عفيف اسماعيل أما سؤالك عن الشاعر محمد محي الدين فهذه كبيرة علي صحفي مثلك وأنا لخبت المعروفين مع غير المعروفين وقاصد هذه اللخبطه
Post: #8 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-17-2007, 04:51 PM Parent: #1
حسين ملاسي كمال الجزولي رجلا ولا كل الرجال يكفيه فخرا بانه مدافعا عن الحق ودائما وأنه كان عضوا بهيئة المحامين الذين حاكموا جنرالاتكم وكان كمالا صوتا قوياويشهد له الجميع
Post: #9 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-17-2007, 05:01 PM Parent: #1
دينق أعرف أنك تدين للحق ودائماوسوف أعلمك عن هؤلاء وبهذه المناسبة فقد أخطأت في العنوان فأرجوا أن تصفحوا لي وأنا المهتم بجانب اللغة
Post: #10 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-17-2007, 05:06 PM Parent: #1
الأخ بخارى فعلا طلال من الكتاب النجباء وقد أعلن هنا بأنه عضو الحزب الشيوعي فلماذا يستكثرون علينا هذا النجيب أيضا
Post: #11 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-17-2007, 05:16 PM Parent: #1
أولا دعوني أبدأ بمصطفي سيد أحمد وأشهد الله بأنني كنت عضوا بفرع الحزب الذي كان به هذا المصطفي وهذه حقيقة فلماذا تستكثرون علينا هذا الفنان وهل ما قدمه هذا الحزب لهذا الفنان كان قليلا
Post: #12 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-17-2007, 06:29 PM Parent: #1
مصطفي حسب الرسول وللذين يعشقون شعر محمد طه القدال فأسألوا هذا (المحمد طه) عن هذا الشاعر ولأنني كنت صديقا لخالي علي يوسف أبوعاقلة ولأن شاعرنا كان صديقا له وفي تلك الفترة كنت علي خلاف مع صديقي علي وكان شاعرنا صديق صديقي فقد أرسل لي هذه الرسالة وأنا بمصر : وهذه الرسالة كتبتها بالصحيفة الأدبية للجبهة الديمقراطية واسمها (دوائر) اللخو عاطف العشرة تساوى ثلاثة وسبعة العشرة تساوى اثنين وتمانية العشرة تساوى واحد وتسعة والعشرة تساوى كرامة وتبعة تصحي شقاوة ذائدة نقاوة يحسي المحريب وينفض عين الفرقة حبيب تصحي شقاوة ذائدة نقاوة غنوة تغني علينا تغيب كان الوهج الأحمر دخن والأبريق المائل سخن دك الخيط الرابط غاب مصيبة العنكب تمشي وتنكب تعنكش ضب في قلبك هي القلابات وفي تقديرى ركوب البصات لو بس الواقف بيناتنا شلناهو كده العتم الأغبش يبقالنا رهيف العتم الأغبش يبقالنا رهيف
Post: #13 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-17-2007, 06:41 PM Parent: #1
يا حسين ملاسي أنا أحترم كل الناس ولا أسيئ لأحد ولكن من لم يعرف محمد محي الدين فهو رجلا (ساكت)
Post: #14 Title: Re: لماذا تستكثرون علي الحزب الشيوعي هولاء Author: elsawi Date: 09-17-2007, 06:57 PM Parent: #13
Quote:
Quote: محمد محي الدين عثمان عبد الله
ديل برضو ما معروفين .. فحدثنا عنهم!
ما كنت متخيل حسين ملاسي بي جعاصتو وفصاحتو وصحافتو دي كلها يطلع مابعرف الشاعر محمد محي الدين!!!
Post: #15 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-17-2007, 10:34 PM Parent: #1
Quote: ما كنت متخيل حسين ملاسي بي جعاصتو وفصاحتو وصحافتو دي كلها يطلع مابعرف الشاعر محمد محي الدين!!!
ويا أخي الصاوى أنا أكره كل من لا يحزن لأهلنا بدارفور فاني أحبهم جدا
Post: #16 Title: Re: لماذا تستكثرون علي الحزب الشيوعي هولاء Author: ابن النخيل Date: 09-18-2007, 03:47 AM Parent: #15
الاخ مكاوى هب ان كل الذين ذكرتهم وزيد عليهم ما تشاء
اعضاء فى الحزب الشيوعى....هل انجز الحزب الشيوعى
او كل الحركة السياسية السودانية ما يعتد به ...
اين كل هذا وهولاء من الدولة المدنية الديمقراطية
والعدالة الاجتماعية وحتى دولة المواطنة وان شئت دولة البروتاريا...
ما كل الحال من بعضه....المجتمع السودانى الان لا يستند على حركة
سياسية ناضجة بل رجع الى مكوناته الاولية وعينك فى الاستقطاب الاثنى
الحاصل...القبيلة وافخازها الان اصبحت من ادوات العمل السياسى
ولى عودة
ارقد عافية
Post: #17 Title: Re: لماذا تستكثرون علي الحزب الشيوعي هولاء Author: osama elkhawad Date: 09-18-2007, 04:49 AM Parent: #16
الحزب الشيوعي يا عاطف ، من المساهمين في تاسيس مشروع الحداثة بكل اشكالها السياسية والابداعية و حتى الاجتماعية. ولا ادرى من هو الذي يستكثر عليه تلك المساهمة المقدرة الجليلة؟؟؟؟؟ مع محبتي ارقد عافية
Post: #18 Title: Re: لماذا تستكثرون علي الحزب الشيوعي هولاء Author: عاطف عبدالله Date: 09-18-2007, 07:16 AM Parent: #17
العزيز كستاوي لو حاولنا حصر المبدعين من مطربين وموسيقيين وأدباء ومثقفين الذين أختاروا الإنضمام للحزب الشيوعي السوداني فستكون المهمة شاقة رغم النزيف الذي تتسبب فيه الإنقسامات . لكن في رأي أن إنضمام المبدع ، أي كان مجال إبداعه، إلى أي حزب سياسي هو ممارسة لحقه الطبيعي في النشاط السياسي .. لكن لو أسقط فنه في فخ خدمة الأيديولوجية الحزبية فسيفقد بطاقته كمبدع ويتحول إلى بوق ضيق المدى " أي إلى منشور سياسي " وهذا أبعد شئ عن الإبداع ، أما لو وظف الأيديولوجيه في خدمة فنه وإبداعه فسوف يرتقي بهما الأثنان الفن والأيديولوجية .. تماما كمارأينا في حالة محجوب شريف أو الراحل مصطفى .. هما مبدعين لكل الشعب السوداني .. لأن فنهما وظف في خدمة الشعب السوداني ومواقفهما المعلنه هو الإنحياز لقضاياه. في رأي يجب أن نبعد عن مسألة إنتماء الفنان وميوله السياسية ، ونستمتع بفنه وإبداعه ونحكم على مواقفه بعيدا عن التدخل في حقوقه كمواطن سوداني في الإنضمام لأي حزب سياسي ما دام هذا الحزب سوداني ويعمل من أجل الإنسان السوداني .
Post: #33 Title: Re: لماذا تستكثرون علي الحزب الشيوعي هولاء Author: اساسي Date: 09-18-2007, 07:19 PM Parent: #17
كتب اسامة الخواض :
Quote: الحزب الشيوعي يا عاطف ، من المساهمين في تاسيس مشروع الحداثة بكل اشكالها السياسية والابداعية و حتى الاجتماعية.
هذا الحديث عن تأسيس الحداثة طواه النسيان والزمن مثل ما طوى الحدائة نفسها
الحديث الان عن ما بعد الحداثة
ولا اثر للشيوعي في كل
Post: #19 Title: Re: لماذا تستكثرون علي الحزب الشيوعي هولاء Author: أبوذر بابكر Date: 09-18-2007, 08:01 AM Parent: #1
وينك يا حاج
شوق شديد ياخ ومالك قاطع الحركة
لا وريتنا حالك ولا أخبارك ولا أحوال الدنيا معاك
كيف بالله
Quote: وهذه الرسالة كتبتها بالصحيفة الأدبية للجبهة الديمقراطية واسمها (دوائر)
مالك يا عاطف داير تنبش فينا الأحزان تانى
تصدق "دوائر" دى كانت طرف هام، وهام جدا كمان، فى الخلاف بينى وبين ناسنا فى الأيام ديك
فجأة كدا، الشغلانة وسعت وكبرت ودخلت فى آفاق ما ليها حدود تب
وكان الحل "الطلاق" أو "الكى" آخر العلاج
وانت عارف باقى القصة الحزينة طبعا
الله يطراهم بالخير والمحبة كلهم
Post: #20 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-18-2007, 09:49 AM Parent: #1
أسامة الخواض وعاطف عمر وأبوذر بابكر وابن النخيل مداخلاتكم جميلة جدا وهل من الممكن أن أقول بعدها شيئا؟ اما أنت يا أبوذر جاييك برواقة لأحدثك عن هذا المصطفي
Post: #21 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-18-2007, 10:10 AM Parent: #1
أسامة الخواض كلامك جواهو كلام كبير أرجو منك المساهمة في هذا البوست بعمق فأنت تعلم أكثر مني بالضرورة
Post: #22 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-18-2007, 12:21 PM Parent: #1
يا ملاسي انك دائم الاساءة لكمال الجزولي وهو القائد الفذ في حزبه ويحترمه كل جماهير السودانيين فماذا تود قوله يا كاتب الأربعة كلمات
Post: #23 Title: Re: لماذا تستكثرون علي الحزب الشيوعي هولاء Author: عبد اللطيف عبد الحفيظ حمد Date: 09-18-2007, 12:40 PM Parent: #1
تحياتي لك كمال الجزولي شاعر وكاتب وقانوني وأديب وأستاذ ملك ناصية الكلام!!!!
آتوني بمثله من ناس قريعتي راحت؟؟؟؟؟؟
والباقين أنعم بهم وزد!!!!! والكثير من الأدباء والشعراء والفنانين؟؟؟
بس أحسن لنا لو نسبناهم للوطن الكبير من حصرهم في حزب سياسي!!!!!
لأن الوطن يسع الجميع.....
Post: #24 Title: Re: لماذا تستكثرون علي الحزب الشيوعي هولاء Author: Hussein Mallasi Date: 09-18-2007, 12:46 PM Parent: #23
ما وريتونا منو الزول العجيب الاستكتر عليكم كمال الجزولي!!
____ بخيت و سعيد!
Post: #25 Title: Re: لماذا تستكثرون علي الحزب الشيوعي هولاء Author: إسماعيل وراق Date: 09-18-2007, 12:55 PM Parent: #24
الأخ عاطف رمضان كريم أنا شخصياً مع حرية الإعتقاد الفكري أو السياسي ولكن لي إستفسارات.. الأول: هل لا يزال وردي عضو بالحزب الشيوعي الثاني: قرأت في صحيفة الراية القطرية ووقتها كان المرحوم مصطفى بقطر قال في حوار معه مانصه "أن الشيوعية محطة أختفى بريقها في حياتي". أختم.. أن الحزب الشيوعي السودان به مبدعين في شتى المجالات.. هذا واقع لا ينكره إلا مكابر.. مودتي.،
Post: #26 Title: Re: لماذا تستكثرون علي الحزب الشيوعي هولاء Author: bukhary el amin Date: 09-18-2007, 01:20 PM Parent: #1
الاخ وراق
حسب معرفتي ،،، وردي لم يكن يوماً عضو بالحزب الشيوعي السوداني المرحوم مصطفي سيد أحمد عضو اساسي بالحزب الشيوعي السوداني
Post: #35 Title: Re: لماذا تستكثرون علي الحزب الشيوعي هولاء Author: أبو ساندرا Date: 09-18-2007, 10:57 PM Parent: #26
كتب بخاري الأمين
Quote: حسب معرفتي ،،، وردي لم يكن يوماً عضو بالحزب الشيوعي السوداني المرحوم مصطفي سيد أحمد عضو اساسي بالحزب الشيوعي السوداني
عايز تجيب هوا للراجل مالك غايتو انا مختلف معاك بشأن الأول وذلك بالتأكيد وما مختلف معاك بشأن التاني
Post: #27 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-18-2007, 02:29 PM Parent: #1
Quote: ما وريتونا منو الزول العجيب الاستكتر عليكم كمال الجزولي!!
____ بخيت و سعيد!
يا ملاسي كمال الجزولي رجلا وكبير جدا يعرفه كل السودانيين منافحا عن الحق ومدافعا عن حقوق الانسان ويدعو للعدالة الاجتماعية وفوق هذا وذاك فهو شاعرا لا يشق له غبار فمن أنت؟؟؟؟؟
Post: #28 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-18-2007, 02:38 PM Parent: #1
الأخ اسماعيل وراق بخارى قال الحقيقة التي أعرفها جيدا عن الفنان المبدع مصطفي اما عن الفنان وردى فهذه معلومة سماعية قد أكون مخطئا فيها ولكن الرجل رجلا تقدميا
Post: #29 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-18-2007, 03:57 PM Parent: #1
يا ملاسي الشيوعيين بهذا المنبر لا تعجبهم اساءاتك المتكررة لأحد قادة حزبهم الأفذاذ كمال الجزولي ولكنهم يسفهونك لأنك نكرة ولانك نكرة أراك تحاول الصعود علي أكتاف هذا المناضل خلينا نضع هذه المعادلة ملاسي = كمال الجزولي فيا أهل الرياضيات حلوا هذه المعادلة؟
Post: #30 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-18-2007, 04:25 PM Parent: #1
Quote: بس أحسن لنا لو نسبناهم للوطن الكبير من حصرهم في حزب سياسي!!!!!
الأخ عبد اللطيف أنت علي حق ولكن الا توافقني بان الاستكثار علي الحزب الشيوعي بعض المناضلين والأدباء والفنانين شيئا مرفوضا أيضا
Post: #31 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-18-2007, 04:44 PM Parent: #1
يا أبوذر كثيرا ما أجلس مع ابني الأكبر (مكاوى) لأحدثه عن ذكرياتي وقلت له فيما قلت أن هؤلاء علموني كثيرا والدى وعلي يوسف أبو عاقلة والشاعر مصطفي حسب الرسول وخليفة نورى وطارق العيدروس وأبوذر بابكر وعند زيارتي لصديقي كمال الشيخ بكندا طلبت منه أن أزور أبناء وبنات صديقنا خليفة وقد كان أما حديثك عن تلك الذكريات الشيوعيين بتاعين أسرار خليها ايميلات لكن شايفك بقيت زول شعر بس وأنت الذى علمني بأن الأدب لا ينفصل عن السياسة ولو انفصل عمره ما حا يكون أدب
Post: #41 Title: Re: لماذا تستكثرون علي الحزب الشيوعي هولاء Author: أبوذر بابكر Date: 09-19-2007, 07:55 AM Parent: #31
والله مشتاق ليك يا عاطف ياخ
اها خلقتك هسه بقت كيف؟
تلقاك اتعولقت على عولاقك الفيهو
الشيب طبعا طبعا شى حتمى
بس أوع من الصلعة
Quote: لكن شايفك بقيت زول شعر بس وأنت الذى علمني بأن الأدب لا ينفصل عن السياسة ولو انفصل عمره ما حا يكون أدب
والله يا عاطف ياها نفس القناعات القديمة بس تعرف مرات الزول بلقى نفسه مكتف بى حاجات غريبة وعجيبة ومضحكة كمان
ومرات كتيرة جدا جدا كمان الواحد بخجل من روحو
اسكت ساى يا عاطف، أكيد بحكى ليك التفاصيل كلها
خلينى بس اول شى النبقى شديد من المرض واتفك برضو من القيود القوية الماسكانى
نسيت ناس كتار ما قلتهم يا عاطف من المعلمين
جمال أحمد حسن مجدى محمدانى فائز حسن عوض حيدر الصديق كوثر
Post: #32 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-18-2007, 04:53 PM Parent: #1
يا ابوذر لقد أتلف والدى كل مكتبتي عندما تم اعتقال الشيوعيين بالجزيرة لذا لا أملك أي قصيدة لمصطفي حسب الرسول وأذكر بأنني نشرت له ثلاثة قصائد بصحيفتنا (دوائر) فان كنت محتفظا بواحدة فأرجو منك أن تنشرها هنا
Post: #34 Title: Re: لماذا تستكثرون علي الحزب الشيوعي هولاء Author: Hussein Mallasi Date: 09-18-2007, 07:29 PM Parent: #32
Quote: يا ملاسي انك دائم الاساءة لكمال الجزولي
يا زول وين الإساءة للجزولي اسه؛ قلت ليك مافي زول مستكترو و بخيت و سعيد عليكم.
_____ دونك الأرشيف إن استطعت إن تأتيني بإساءة واحد مني للأستاذ الكبير.
Post: #36 Title: Re: لماذا تستكثرون علي الحزب الشيوعي هولاء Author: عبد المنعم سليمان Date: 09-18-2007, 11:08 PM Parent: #1
Quote: وآخرين
ابوساندرا مثالا
Post: #37 Title: Re: لماذا تستكثرون علي الحزب الشيوعي هولاء Author: أبو ساندرا Date: 09-18-2007, 11:19 PM Parent: #1
Quote: ابوساندرا مثالا
انا وين وديك وين يا منعم شكرآ على حسن الظن والأمنيات الطيبة ومشتاقين
وبشأن النقاش يوم فطور لبنى أحمد حسين فغني أتحين الفرصة المناسبة لرد افعتبار
Post: #38 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-19-2007, 02:00 AM Parent: #1
ابوساندرا يا صديق لماذا؟ يستكثرون علينا محمد عثمان وردى ألأنه فنان ضخم؟؟؟؟؟
Post: #39 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-19-2007, 06:58 AM Parent: #1
Quote: عايز تجيب هوا للراجل مالك غايتو انا مختلف معاك بشأن الأول وذلك بالتأكيد وما مختلف معاك بشأن التاني
يا أبوساندرا العارفنه خلينا داسنه وأنت العارف بأنني كنت عضو الحزب مع مصطفي في ياتو فرع
Post: #40 Title: Re: لماذا تستكثرون علي الحزب الشيوعي هولاء Author: أبو ساندرا Date: 09-19-2007, 07:27 AM Parent: #1
كتب عاطف مكاوي:
Quote: يا أبوساندرا العارفنه خلينا داسنه وأنت العارف بأنني كنت عضو الحزب مع مصطفي في ياتو فرع
وانت العارف انا كنت مع محمد وردي وين ؟
لماذا يستكثرونهم علينا
و أسامة عبدالرحمن النور
Post: #42 Title: Re: لماذا تستكثرون علي الحزب الشيوعي هولاء Author: عبد اللطيف عبد الحفيظ حمد Date: 09-19-2007, 08:22 AM Parent: #1
الأخ عاطف مكاوي أنا أختلف معك في قصة وردي دي وحقو الشيوعيون يتبروا منه، ولا يحاولا ينسبوهو لهم
يطلع في التلفيزيون السوداني ويقول المنادين بالقوات الأجنبية ديل خونة!!!!!!
والحاجات الناقصة الكتيرة العملها بعد ما رجع السودان!!!!
حقو الشيوعيون يتبرأوا منه في بيان رسمي!!!!!!
Post: #43 Title: Re: لماذا تستكثرون علي الحزب الشيوعي هولاء Author: bukhary el amin Date: 09-19-2007, 09:03 AM Parent: #1
الغالي عبد الرحمن بركات
مشتاقين
وردي قلت حسب معرفتي ومنك نتعلم يا غالي ...
مصطفي سيد أحمد سكن معانا في الديم وبروفاته كانت في ارض الحيوان وبعدها رحل الامتداد جمب سوق الندي عشان كده بنعرفه ... يمكنني الان ان افتخر بانتمائي لذات المؤسسة التي ينتمي لها هرم افريقيا
Post: #44 Title: Re: لماذا تستكثرون علي الحزب الشيوعي هولاء Author: أبو ساندرا Date: 09-19-2007, 09:59 AM Parent: #1
كتب بخاري الأمين :
Quote: التي ينتمي لها هرم افريقيا
يا زول الزميل ده ود قدتي وانت قايلو دخل المعتقل في يوليو صدفة واللا قايلو إتبرع ببيتو الفي الكلاكلة كدار للكليتون ساااااكت
ده ابوالزمل ياخ
دقس في ذاك التصريح صاح لكنه صحح نفسه
طيب ، الننسى قصة زمالتو دي
في زول ح يغالط بأنه علماني ؟ ومبدع وفنان ؟
ما تيييب !
Post: #45 Title: Re: لماذا تستكثرون علي الحزب الشيوعي هولاء Author: Hussein Mallasi Date: 09-19-2007, 10:11 AM Parent: #44
غايتو مصطفى سيد أحمد دا؛ كسر رقبة دايرين تطلعوهو شيوعي!
Post: #53 Title: Re: لماذا تستكثرون علي الحزب الشيوعي هولاء Author: elsawi Date: 09-19-2007, 05:43 PM Parent: #45
Quote: غايتو مصطفى سيد أحمد دا؛ كسر رقبة دايرين تطلعوهو شيوعي!
يا حسين ملاسي بمناسبة رمضان وكده اهديك هذا العمل من الأعمال التي قدمها الحزب الشيوعي في إحتفالة بالعيد الأربعيني، وقد كلف مركز الحزب الزملاء مصطفى سيد احمد وعبد الرحمن عبد الله طيب الله ثراهما بالإشراف على إنتاج كل اعمال ذلك الإحتفال .. بالمناسبة القصيدة من كلمات الشاعر الفذ كمال الجزولي يرثي فيها المناضل جوزيف قرنق عضو اللجنة المركزية بعد استشهاده على ايدي السفاح نميري ابان حركة يوليو ..
Post: #46 Title: Re: لماذا تستكثرون علي الحزب الشيوعي هولاء Author: محمد اشرف Date: 09-19-2007, 10:28 AM Parent: #1
غايتو مصطفى سيد أحمد دا؛ كسر رقبة دايرين تطلعوهو شيوعي!
Post: #47 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-19-2007, 02:41 PM Parent: #1
يا محمد أشرف ويا أبوساندرا نحن عارفين اللعب كله ولكني محتار في اللذين يستكثرون علينا النجباء
Post: #48 Title: Re: لماذا تستكثرون علي الحزب الشيوعي هولاء Author: Atif Makkawi Date: 09-19-2007, 02:42 PM Parent: #1
يا محمد أشرف ويا أبوساندرا نحن عارفين اللعب كله ولكني محتار في اللذين يستكثرون علينا النجباء
Post: #49 Title: Re: لماذا تستكثرون علي الحزب الشيوعي هولاء Author: حيدر حسن ميرغني Date: 09-19-2007, 04:46 PM
كمال الجزولي: سعيدون بالجائزة
ومصمم على عدم الترشيح للدورة القادمة
اعلن رسميا في امستردام الخميس الماضي 13 سبتمبر الجاري عن فوز اتحاد الكتاب السودانيين بجائزة منظمة الامير كلاوس العالمية تقديراً لجهوده في الدفاع عن حرية التعبير والتنوع الثقافي، واستخدامه الشجاع لسلاح الكلمة في إعلاء هذه القيم.وعلق الشاعر كمال الجزولي الامين العام للاتحاد على هذا الحدث قائلاً: لقد سعدنا به خاصة واأنه يجئ من منظمة محترمة ذات سمعة رفيعة، وسط مناخ من الاهمال الذي يعانيه الاتحاد للأسف ليس من الدولة فحسب بل من المانحين الوطنيين.
وحول الجلسة الاجرائية ضمن مؤتمر الاتحاد والمزمع عقدها مساء الغد الخميس بمركز عبد الكريم ميرغني بام درمان وانتخاب اللجنة التنفيذية الجديدة صرح كمال الجزولي انه مصمم على عدم الترشيح قائلاً: إنه يكفيه ان يسلم المنصب الى غيره والاتحاد في قمة تألقه ناصع السيرة والسريرة ومحفوفاً بانجازات وضيئة من ضمنها هذه الجائزة تبلغ «25» الف يورو.. وسيتم تسليمها في حفل رسمي لهذه المناسبة يقام في كل من امستردام والخرطوم
نقلاً عن صحيفة الرأي العام الملحق الثقافي الأسبوعي "كل أربعاء" .