الامن الاجتماعي المفقود في الخرطوم

اذا كانت اتفاقية السلام في نيفاشا قد اتت الينا بما يسمونه بالسلام الشامل
فإن ما تشهده الخرطوم من ظواهر وحوادث حديثة ما كانت بهذا القدر في السابق تضحد مقولات الامن والسلام الشامل والتي صارت الحنك المعتاد عند مسؤولينا
وفي تقديري ان الامن الاجتماعي لهو اهم من اي امن اخر سواء كان سياسي او اقتصادي اووووو
اليكم مجموعة من النماذج
قبل ثلاثة ايام من الان تعرضت فتاة في طريق عودتها للمنزل بعدما وصلت محطنهم
تعرضت لاعتداء وضرب وخطف لحقيبتها من قبل احد المنسوبين لاحدي القبائل الجنوبية في ضاحية الكلاكلة شرق
ولم يفلح صراخها وعويلها لثني ذلك الشاب الذي اختفي في الظلام
صحيح الفتاة مخطئة اذا قال لي احدكم "هي المطلعة من بيتهم لحدي بعد المغرب شنو"............ لكن لا احد يدري ظرفها.....
قبلها باسابيع قليلة فتاة في الساعة الثالثة ظهرا وهي عائدة من احدي الجامعات بامدرمان واقفة في شارع الظلط منتظرة المواصلات ---- لاحظوا الساعة الثالثة ظهرا
اتي نحوهااثنين من الشبان يركبون عجلة موتر والقوا عليها سائل اتضح فيما بعد انه موية ناااااااااااار
فحاولت الفتاة الابتعاد بجسدها للوراء ،،،،،،،، هنا حاصرها الشابين مرة اخري من الجهة المعاكسة والقوها ارضا واختطفوا حقيبتها ........... ولم يحرك احد لمساعدتها فجن جنون اسرتها عندما رجعت بنتهم بكدمات وجروح متفرقة في الجسم.
بالاضافة للعديد من الحوادث التي تطالعنا بها الصحف السودانية يوميا واليكم ما تنشره صحيفة حكايات يوميا على صدر صفحتها الاولى من اشكال لحوادث اجتماعية لم تكن موجودة في السابق مثال ذلك الشاب الذي يعتدي على اخته ويمارس معها البغاء لاشباع رغبته هو .... او تلك المراة التي تقتل زوجها بوضع السم له في الطعام او القهوة او بالقاء جثه في المرحاض والسبب عادة لان لها علاقة برجل اخر
اين المجتمع السوداني الاصل
الذي يحافظ فيه الرجل علي اهل بيته
والاخ على عرض اخته
واولاد الجيران على بنت حلتهم
والمراة التي ترضي بقسمتها ونصيبها وتعمل على المحافظة على اسم زوجها وسمعة بيته
لماذا قلت العديد من الظواهر الاجتماعيةالايجابية والتي كانت سائدة في السودان لدرجة نسميها انها سودانية بحتة من قبيل مثلا اذا ركبت المواصلات العامة تجد الصغير يقوم للكبير من المقعد
والرجل او الشاب لاخته للمراة او الشابة
واين احترام الناس لبعضهم في الشارع العام والله احزنني جدا العديد من الظواهر العامة التي ارها بام عيني ولم يحكيها لي احد تدعو للحسرة والحرقة والالم
ذات يوم وانا اقل حافلة قاصدة الخرطوم كالعادة وقفت العربة المسماة بالهايس في المحطة لتقل الركاب فسال احدهم " وهو واضح انه طالب جامعي" سال سائق الحافلة وين يا ... العربي... هنا لم يرد عليه السائق .. فقد يكون لم يسمعه او كان مشغول في امور دنياه او دينه .......... المهم قامت شكلة لي رب السماء ....... ليه الرجل لم يرد على الشاب ... رغم ان الرجل يكبره بسنين عديدة لم تشفع له كبر سنة عن ذلك الشاب.. الذي لم يضع له اي اعتبار وهاااااااااااااك يا شتايم وضرب وتبادل اللكمات لدرجة رفع حديدة اخذها من داخل السيارة وضرب بها الرجل الكبير في راسه.... تصدقون
والى جانب كل هذه الحوادث المتفرقة التي توحي لغياب الامن الاجتماعي في الخرطوم
هنالك الطامة الكبرى وهي انتشار السلاح والمليشيات المسلحة واللي جات برضو نتيجة لاتفاقيات السلام العديدة المبرمة سواء مع الشرق او الغرب او الجنوب
وما معروف الجايي في السكة منوووووووووو
ربنا يستر ويكضب الشينة

Quote: من قبل احد المنسوبين لاحدي القبائل الجنوبية في ضاحية الكلاكلة شرق

Quote: تعرضت لاعتداء وضرب وخطف لحقيبتها من قبل احد المنسوبين لاحدي القبائل الجنوبية في ضاحية الكلاكلة شرق

سلام أخت ميادة ..

لا أظن أن هنالك أدنى علاقة بنيفاشا والظواهر السالبة في المجتمع السوداني ومثل الذي حدث لا تسأل منه الإتفاقية ولكن يجب توجيه السؤال الى الدولة التي من أهم مسئولياتها أمن المواطنين ونيفاشا لم تأت بحل لمشكلة الضمان الإجتماعي الغير موجود أصلاً في السودان وعندما أقول الضمان الإجتماعي اعني به المؤسسات التي تكفل وتعيل العاطلين حتى يجدون عملاً يسترزقون منه .. كما أجد نفسي لا اتفق معك البته او مع المصدر الذي نقلتي منه الخبر أعلاه بتفصيل الإجرام على القبلية وهو لعمرى أس الإشكال السوداني ..فإذا كان المجرم من القبائل الجنوبية فمن أي القبائل تلك المجني عليها وهو السؤال الذي يتدارك للذهن مباشرة وهل إذا كانت من القبائل الجنوبية نفسها سوف يتغاضى عنها الخبر ؟؟؟ أردت فقط أن أشير أن التفصيل القبلي لا يمعن إلأ في التمزق والتشرزم .. أن السرقة كغيرها من الظواهر السالبة موجودة في كل المجتمعات ولكن الإيحاء الخبري يوجه الناس لنتفادي أخوتنا من جنوب السودان وهو توجيه مخل بشرف الكلمة والأمانة الصحفية..

خالص الود ..

الاخت ميادة ...

تعلمين ان خرطوم اليوم ليست كخرطوم الامس العاصمة المثلثة تمددت افقيا في كل الاتجاهات . صحيح ان هناك بعض الجرائم التي تحث هنا وهناك ولكنها اذا قيست بحجم عاصمة كالخرطوم تعتبر عادية ..


و الباوقة

فوق ..

ميادة.

طلعتي عنصرية كمان؟

الكوزة ميادة. البخليك تزكري جهة المتهم بالحادثة الاولى شنوا؟ وفي نفس الوقت لم تزكري لنا جهات وقبائل البقية؟ دي عنصرية يا ميادة.

بعدين المليشيات دي موجودة قبل إتفاقية نيفاشا ولقد تم تسليحها بواسطة حكومتكم عندما كانت تستغلهم لقتل أخوانهم في الجنوب. الجديد في ده شنوا يا

ميادة؟

الاخ مجاهد شكرا لك للفت نظري لهذا البوست ولهذا الكوزة العنصرية الجديدة.

أنا ما عارف بكري بجيب الكيزان والعنصرين ديل من وين.


دينق.

طلعتوني كوزة
والله دي مشكلة
انا مع الحق وما عندي علاقة بالكيزان
لكن يبدوا ان الكيزان عندهم حق
اذا انتو شايفين كل زي حق ورأيه حق طوااااااااالي تصنفوهو كوووووز
والدليل اني ما كوزة
ارجع اقرا رابط باسمي
عن الجاهلية الجديدة في السودان
فيه خم رماد ضد الكيزان
وافتونا بعدين

ميادة :

Quote: هنالك الطامة الكبرى وهي انتشار السلاح والمليشيات المسلحة واللي جات برضو نتيجة لاتفاقيات السلام العديدة المبرمة سواء مع الشرق او الغرب او الجنوب وما معروف الجايي في السكة منووووووووو

لو ما عجبك الحال أطلعي إنتي من الخرطوم ...
لأنو الجايين في السكة كتار و كلهم سودانيييييييين ...
قالت ما معروف منو قالت

إنتي عارفة الملايين الماتو في الجنوب و في الغرب و في الشرق ديل ماتو كيف و ليه ؟؟؟!!1
لأي واحد و واحدة قصة مأساوية ...
سببها الزيك ده .

Quote: وكفانا فخرا بقسم الريس

وأين قسم هذا الريس مع الأمن الإجتماعي المفقود ؟؟؟

الرئيس ليس مسؤول مسؤولية مباشرة عن ردع الخارجين عن القانون
ولو قلت لي طيب الشرطة ليه ما تعمل ليهم حاجة
حنرجع للمربع الاولي واللي هو اتفاقية نيفاشا وما اعقبها من تعقيدات

الاخت ميادة
رمضان كريم
بعض ماذكرتيه من حوادث كنت شاهد عليها هى حوادث عادية فى مجتمعنا مثل قصة ذلك الشاب الذي ضرب الرجل الكبير, ودى بتحصل حتى داخل منزل الاسرة الواحدة وبالطبع لها علاقة طردية مع سوء التربية .
أما بخصوص ما قرأتيه فى الصحف فتأكدى من حقيقة واحدة ..
ان معظم ما يكتب وينشر فى صحف الحوداث تحديدا محض خيال او على الأقل اعملت فيه الكثير من الفبركات والبهارات لزوم الحبكة الدرامية ..
ابقي عافية بس ..

العزيزة ميادة
تحية طيبة
اتفق مع ما ذهب اليه العزيز مجاهد الاتفاقية ليست لها علاقة بحوادث
وجنوح بعض الافراد ،وكلام دينق صاح البخلي بتاعين الموتر ما عندهم قبائل شنو؟
عزيزتي ارجو الابتعاد من ربط الحوادث الفردية بالقبائل الخير والشر ليس لهما
جهة او قبيلة.
تحياتي واحترامي

كسرة:
شايفك بهناك عاملة مقص لبشاشا الله يستر ما يجيك بهنا

Quote: طيب الشرطة

مفترض نحترم عقول القراء شوية..

الشرطة دي جهاز ما تابع للدولة ولاشنو ؟؟؟

والدولة ما عندها ريس؟؟؟

والريس ده ماعندو مسئولية ؟؟؟

والمسئولية دي شنو ؟؟؟

ودي ...

Quote: مفترض نحترم عقول القراء شوية.. الشرطة دي جهاز ما تابع للدولة ولاشنو ؟؟؟ والدولة ما عندها ريس؟؟؟ والريس ده ماعندو مسئولية ؟؟؟ والمسئولية دي شنو ؟؟؟

والله اقوليك معلومة
في موضة دخلت عندنا بعد اتفاق السلام
لو مشيت اشتكيت اي واحد من اخوانا الجنوبيين مثلا او مشيت للشرطة بسبب مشكلة معاهم
ما بيقدروا يعملواليهم حاجة
لانهم طوااااااااالي حيدقوا الحنك المعتاد بتعاهم
" خرق لاتفاق السلام" واستعمال العنف ضدهم ووووووو
الحنك اللي بيطلعوا بيه في الجرايد بكريتو

عارفة يا ميادة يا اختى نصيحتى لا تبررى لنفسك فى هذا الاسفير لاحد اتجاهك

فى ناس هنا ما عندها شغل بس تصنف الناس هم زاتهم ما معروفين شنو

فى ناس هنا بتخدم الكيزان اكتر من الكيزان نفسهم ...ومنهم دينق

بى فهمى انا انو ديك عدة زيو زى الكيزان ما فرق منهم شى

ويتهم الاخرين بالعنصرية لكنة اول عنصرى هنا لانو دائما ضد قبائل بعينها

هل من يتعصب لعرق محدد دة ما عنصرى ؟ ويرى انهم صاح على طول والاخرين

هم على غلط على طول ........حاجة ترفع الضغط .

Quote: ان معظم ما يكتب وينشر فى صحف الحوداث تحديدا محض خيال او على الأقل اعملت فيه الكثير من الفبركات والبهارات لزوم الحبكة الدرامية ..

شكراً طلحة ...

Quote: في موضة

ده كلام غير علمي وغير عملي القانون هو القانون يا ميادة..

لو في موضة فعلاً هو إنتهاك القانون الذي يتم بيد النظام نفسه..

أي قانون ذلك الذي يعتقل ويمنع الزيارة حتى بالنسبة للمحامين أي قانون يا ميادة ؟؟

وبعدين إتفاقية السلام دي عملته الحركة الشعبية مع نفسها ولاشنو؟؟ ما إتفاقية بين النظام والحركة الدخل الفعل الجنائي وقانونه في خرق الإتفاقية شنو؟؟؟

مفروض نرتقي شويه في الحوار ...

ودي ..

عزيزي مجاهد
الحركة الشعبية دي في رايي عاملة زي شنو
زي الزول الما عندو حاجة وفجاة ربنا اداه كل حاجة
بقوا ما قادرين يتصرفوا نهائي في اي شئ تخبط × تخبط
وبعدين شكرا على الاساءة

Quote: مفروض نرتقي شويه في الحوار ...

المفروض روحكم تكون رياضية
اما انا والحمد لله مع الراي والراي الاخر
سللللللللام
هلللويا

Quote: الحركة الشعبية دي في رايي عاملة زي شنو زي الزول الما عندو حاجة وفجاة ربنا اداه كل حاجة بقوا ما قادرين يتصرفوا نهائي في اي شئ تخبط × تخبط

دايرة تقولي شنو بالظبط يا أُخت؟
أمن إجتماعي مفقودة، بت ضربوها ناس من قبايل جنوبية، حركة شعبية الله أداها أي حاجة! What is what and which is which?
والله غايتو جنس لخبطة!

Quote: الاساءة

الله لاجاب إساءات وما من طبعنا ..

بعدين الإرتقاء بالحوار عمرو ماكان إساءة يا ميادة..

لكن لمن تقولي عمر البشير مامسئول عن أمن البلد فده تخريف ..

ولابد من أن نرتقي بالحوار وهو تحديد المسئولية ..

كلامي وقع ليك إنشاءالله..

ودي ..

Quote: زي الزول الما عندو حاجة وفجاة ربنا اداه كل حاجة

أمسك ده تخريف تاني يا ميادة..

يعني لو ماعندهم حاجة كيف النظام ده بقدرة قادر يديهم أي حاجة؟؟

الحركة قاتلت من أجل مواطن الجنوب وأرجعت له كثير من الحقوق وأولها الأمن...

النظام نفسو لمن أداهم زي ما بتقولي أي حاجة فدي ما عطية ولكن جزء من حقوقهم ...

برضو ودي ...

يا شيخنا انا ما قلت النظام هو اللي اداهم
اقرا كويس عليك الله

Quote: Quote: زي الزول الما عندو حاجة وفجاة ربنا اداه كل حاجة

Quote: شيخنا

شوفتي لو في إساءة فعلاً بفهمنا السوداني فدي ياها ...

ياشيخة ..
الجنوبيون براءة مما تقولين وابحثي عن الذي اضاع امن الخرطوم الاجتماعي ..

Quote: قبل ثلاثة ايام من الان تعرضت فتاة في طريق عودتها للمنزل بعدما وصلت محطنهم تعرضت لاعتداء وضرب وخطف لحقيبتها من قبل احد المنسوبين لاحدي القبائل الجنوبية في ضاحية الكلاكلة شرق

ميادة كمال الطيب مصطفي

هذه عنصرية حقيرة تعبر تماما عن شخصيتك المريضة

انظري الي العنوان (الامن الاجتماعي) ثم ربطك لتهديد الامن الاجتماعي باثنية واحدة (اهل الجنوب)

هذا خطاب مريض ومختل يحاكم الجينات ولا يصل الي الحالة ..

اكبر مهدد للامن الاجتماعي هو نظام الانقاذ المريض الذي جعل فتياتنا ياكلن من اثدائهن وشبابنا

تتهددة العطالة والامراض النفسية فيلجا للجريمة او الهجرة حتي لو كانت اسرائيل ثم اكبر مهدد

للامن الاجتماعي هو امثالك من المرضي والعنصريين والمدافعين عن الظلم .

اعدلي في حكمك فان الله قريب في هذا الشهر المبارك

منعم

لو سمحتي يا ميادة، مجرد سؤال: هل هذا إسمك بالكامل؟

Quote: ميادة كمال الطيب مصطفي

لا انا اسمي ايلاف احمد سليمان
ودا الكود بتاعي
وانا زاتي دايرة اعرف ميادة كمال الطيب مصطفي دي منو
واسالوا السماني في البوست بتاعه
سلااااااااااااااااااااااااام

Quote: عارفة يا ميادة يا اختى نصيحتى لا تبررى لنفسك فى هذا الاسفير لاحد اتجاهك فى ناس هنا ما عندها شغل بس تصنف الناس هم زاتهم ما معروفين شنو فى ناس هنا بتخدم الكيزان اكتر من الكيزان نفسهم ...ومنهم دينق بى فهمى انا انو ديك عدة زيو زى الكيزان ما فرق منهم شى ويتهم الاخرين بالعنصرية لكنة اول عنصرى هنا لانو دائما ضد قبائل بعينها هل من يتعصب لعرق محدد دة ما عنصرى ؟ ويرى انهم صاح على طول والاخرين هم على غلط على طول ........حاجة ترفع الضغط .

عمر سعد.

يعني أنت أخترت دينق من بين جميع الذين تصدوا لهذا الكوزة العنصرية لكي تبث سمومك الكيزانية القزرة؟

ما هي القبائل التي زكرتها أنا في كتاباتي يا رجل؟

وهل توجد عنصرية أكثر من أطلاعك على ما كتبته هذا الكوزة ولم يحرك فيك ساكن؟ يا لك من مريض وساذج.

يا ناس الدوحة تعالو لموا عنصريكم وكيزانكم ديل.


دينق.

Quote: عمر سعد. يعني أنت أخترت دينق من بين جميع الذين تصدوا لهذا الكوزة العنصرية لكي تبث سمومك الكيزانية القزرة؟ ما هي القبائل التي زكرتها أنا في كتاباتي يا رجل؟ وهل توجد عنصرية أكثر من أطلاعك على ما كتبته هذا الكوزة ولم يحرك فيك ساكن؟ يا لك من مريض وساذج. يا ناس الدوحة تعالو لموا عنصريكم وكيزانكم ديل. دينق.

لارد لا مهاترات لااسفاف

قال لى من اقدر كلامة ان الاسفير الان صار بالوعة ان ادخلت يدك فية تلوثت

وانت تركتة اشتتمت رائحتة ........

Quote: قبل ثلاثة ايام من الان تعرضت فتاة في طريق عودتها للمنزل بعدما وصلت محطنهم تعرضت لاعتداء وضرب وخطف لحقيبتها من قبل احد المنسوبين لاحدي القبائل الجنوبية في ضاحية الكلاكلة شرق

البت الإنضربت دي من ياتو قبيلة من قبايل ال....؟
ما هذه العنصرية الصارخة يا (بت القبايل)؟ هل تعلمين إنك بخطابك المختل و الكذب (الذي أظنه ليس من طبائع المؤمنين بالإسلام في شهر رمضان) تكشف عن إتجاه (قبايلي) و عنصري نتن؟
هذا الخبر غير صحيح و مزعوم بهدف إستهداف من تصفونهم بالـ (جنوبيين) و قبائلهم و إظهارهم بصورة المجرمين!
هلا تفضلتم بالكشف عن قبائل الذين يقتلون السودانيين الأفارقة و ينظمون عمليات التطهير العرقي في دارفور و الجنوب و الشرق و يستولون على آراضي نوبة الشمال و يعتقلون الصحفيين و يضطهدون المسيحيين و يغتصبون النساء (و الرجال) و يسرقون عائدات نفط الـ(القبائل الجنوبية)، و يحتلون أراضي الـ(قبائل الجنوبية و الإفريقية الأخرى) و يحكمون الخرطوم و السودان، و يسيطرون على كل شئ في السودان؟ أدينا كشف بأسماء القبائل التي ينتمون لها، أو الجهة التي تتبع لها قبائلهم.

Quote: هنالك الطامة الكبرى وهي انتشار السلاح والمليشيات المسلحة واللي جات برضو نتيجة لاتفاقيات السلام العديدة المبرمة سواء مع الشرق او الغرب او الجنوب

السلاح المنتشر في الخرطوم (ما جات نتيجة إتفاقيات السلام المبرمة مع هذه الإتجاهات الثلاثة من السودان)، بل نشرها الجهة الرابعة التي لم (تذكريها) لسبب في نفسك! المليشيات هي؛ جيش الجبهة الإسلامية المسماة بالقوات المسلحة، و ما يسمى بالدفاع الشعبي (شعب الجهة الرابعة اللي ما مزكورة)، الشرطة الشعبية (المسؤلة عن لبس البنات و أوقات خروجهن من المنازل)، و مليشيات المجاهدين (المكلفة ببناء الجوامع في المناطق المحتلة في الجنوب وأسلمة الجنوبيين) و أمن صلاح قوش، و أمن عمر البشير، و الدبابين و ما شابه ذلك من مليشيات دينية (تابعة للجهة الرابعة اللي ما مزكورة)! الجهة (الرابعة التي أبرمت هذه الإتفاقات مع الشرق و الغرب و الجنوب) هي الجهة التي تملك السلاح المنتشر في (الخرتوم)! إنتي ما سميتي تصريحات وزير دفاع (الجهة الرابعة) الشهر الفات واللا شنو؟ قال موش عندوم سلاح بس، دا بقو عندوم طيارات بدون طيارين كمان!

Quote: وما معروف الجايي في السكة منوووووووووو

معقولة دي برضو؟ اللي جاي في السكة دي خليها الـ جهة نمرة خمسة في السودان، و إطمئني برضو ما حتجيب سلاحا جوة (الخرتوم)...

Quote: لو مشيت اشتكيت اي واحد من اخوانا الجنوبيين مثلا او مشيت للشرطة بسبب مشكلة معاهم ما B]بيقدروا يعملواليهم حاجة[/B

الكلام ده ماصاح ياميادة ..!!
والبيهدد الامن الاجتماعى اهو جنس كلامك ده

بلاهى حكاية اخواناالجنوبيين واصحابناالشماليين دى خليها
الجريمة ليست لهاقبيلة
وكذلك المجرم ابن جريمته فقط ...
مودتى ... رمضان كريم

البت دي أظنها سمعت مصطلح (الأمن الإجتماعي) وعجبها قالت أحسن تدخل بيهو ليكم..


أمن إجتماعي قالت..!!


وحات الله زي ما قال الطاهر : البيهدد الامن الاجتماعى اهو جنس كلامك ده

Quote: السلاح المنتشر في الخرطوم (ما جات نتيجة إتفاقيات السلام المبرمة مع هذه الإتجاهات الثلاثة من السودان)، بل نشرها الجهة الرابعة التي لم (تذكريها) لسبب في نفسك! المليشيات هي؛ جيش الجبهة الإسلامية المسماة بالقوات المسلحة، و ما يسمى بالدفاع الشعبي (شعب الجهة الرابعة اللي ما مزكورة)، الشرطة الشعبية (المسؤلة عن لبس البنات و أوقات خروجهن من المنازل)، و مليشيات المجاهدين (المكلفة ببناء الجوامع في المناطق المحتلة في الجنوب وأسلمة الجنوبيين) و أمن صلاح قوش، و أمن عمر البشير، و الدبابين و ما شابه ذلك من مليشيات دينية (تابعة للجهة الرابعة اللي ما مزكورة)! الجهة (الرابعة التي أبرمت هذه الإتفاقات مع الشرق و الغرب و الجنوب) هي الجهة التي تملك السلاح المنتشر في (الخرتوم)! إنتي ما سميتي تصريحات وزير دفاع (الجهة الرابعة) الشهر الفات واللا شنو؟ قال موش عندوم سلاح بس، دا بقو عندوم طيارات بدون طيارين كمان!

شكراً Dhieu Chabiet

Quote: الجريمة ليست لهاقبيلة وكذلك المجرم ابن جريمته فقط ...

شكراً الطاهر ..

شوفت المحن..

رمضان كريم يأخي ..

يا مجاهد والله ما يضيع البلد الا امثال المعتوهه دي

لارد لا مهاترات لااسفاف

قال لى من اقدر كلامة ان الاسفير الان صار بالوعة ان ادخلت يدك فية تلوثت

وانت تركتة اشتتمت رائحتة ........
__________________________________________________________________________________________


عمر سعد.


طيب مش أحسن لك تشيل صورتك العجباك دي وتفحط من "البالوعة" دي أحسن من ما "تتلوث"؟

دعني أقول لك شئ. أن الذي يجعل هذا المكان بالوعة هو تحيزكم الاعمى وعنصريتكم القبيحة, إذا كنت لا تعرف يجب أن تعرف بلاش سخف ومسخرة معاك. أنت شايف الكوزة دي بتكتب في شنو وجاي تقل أدبك على ردي لها؟ يا لك من مريض بحق وحقيقة.


دينق.

كلمات هذه العنصرية تكشف عنهاتماما..وعنصريتها وضحت تماما في كونها قذفت كل ما يحدث في السودان من عدم أمن وجريمة علي أهلنا الجنوبيين..مناقضة بذلك حقيقة أن الجريمة ليس لها مكان أو زمان أو شخص محدد ليرتكبها بل تحددها ظروفها وحيثياتها..وليس لون ولا جنس مرتكبها..
أو كأن البلد ملكها هي والخرطوم حقتها..


يا لك من معتوهه .

يا جماعة براحة علي البنية
شكلها لسه صغيرة و ضحية لاعلام الطيب مصطفي و امثاله
الدليل انها اتفاجأت بالنقد الاتوجه ليها مع انها ما قالتحاجة غلط في اعتقادا
خلوها اول حاجة يدخلها الشك حول قناعاتا دي و يصير خير

الاخ عمر سعد رمضان كريم
يازول مالك جايب بقج غبائنك لهنا؟؟؟

Quote: عارفة يا ميادة يا اختى نصيحتى لا تبررى لنفسك فى هذا الاسفير لاحد اتجاهك فى ناس هنا ما عندها شغل بس تصنف الناس هم زاتهم ما معروفين شنو فى ناس هنا بتخدم الكيزان اكتر من الكيزان نفسهم ...ومنهم دينق بى فهمى انا انو ديك عدة زيو زى الكيزان ما فرق منهم شى ويتهم الاخرين بالعنصرية لكنة اول عنصرى هنا لانو دائما ضد قبائل بعينها هل من يتعصب لعرق محدد دة ما عنصرى ؟ ويرى انهم صاح على طول والاخرين هم على غلط على طول ........حاجة ترفع الضغط .

الزوله دي صحفيه وفي الوان كمان!!
خليك من اي حاجه بالله عليك وبحق صياكم حسه ده تحليل صحفيه؟؟
او دي زول انتقت كلماتها بعنايه؟؟؟
ايه يعني تجي تقول الزول الختف الشنطه جنوبي
وما تذكر لينا باقي الناس من وين؟؟؟

Quote: الزوله دي صحفيه وفي الوان كمان!! خليك من اي حاجه بالله عليك وبحق صياكم حسه ده تحليل صحفيه؟؟

بالله ؟؟؟؟؟

اتمني ان يكون ذلك كذلك


____

عنصرية قبيحة سنفضحها اينما كانت


منعم

Quote: لكن يبدوا ان الكيزان عندهم حق

يبدو ان الكيزان عندهم حق
يا شباب الاخت اكتشفت الان وهنا في صفحات الاسفير ان الكيزان عندهم حق....
حق ايييييه يا ميادة؟؟؟

يا جماعة إنتظروا شوية وأدوها فرصة

يا أستاذة ميادة
تحياتى

بعد المقدمة الرائعة أرجو الولوج للموضوغ

الأمن الإجتماعى

فى إنتظارك

شكرآ

Quote: وضرب بها الرجل الكبير في راسه.... تصدقون والى جانب كل هذه الحوادث المتفرقة التي توحي لغياب الامن الاجتماعي في الخرطوم

وده الامن الاجتماعي

______

مقال ساذج ينم عن نفسية مريضة وساذجة

الجهل مصيبة

Quote: Quote: وضرب بها الرجل الكبير في راسه.... تصدقون والى جانب كل هذه الحوادث المتفرقة التي توحي لغياب الامن الاجتماعي في الخرطوم وده الامن الاجتماعي

لا دى المناظر

الأمن الإجمتاعى لسة جاى ... من إجتماعيات

لوكوا الصبر

يا جماعه
صدقوني
دي المناظر فعلا الفيلم ما بدأ
امشوا شوفوا مياده كاتبه شنو في بوست بريمه
عن ناس دارفور......

مياده قالت عن نفسها انت بت ملوك النيل يا بريمه
وبريمه يا زول قالها حبابك الف يا بت ملوك النيل
نحن منتظرين الزيك ديل من زمان.


والملفت للنظر بتمضي بحلفاويه
يعني ناس منان واطاتهم اصبحت بقينا في الحلفاوين الكيزان كمان

Quote: الامن الاجتماعي المفقود في الخرطوم

برضو احسن من

Quote: تضحد

ارجعى اكتبي فى صحف الدهشة ديك

يا حيدر يا اخي في داعي للاحراجات دي تحرج الصحفيه العظيمه مياده
وتقول ليها كله كوم وتضحد بتاعتك دي كوم ثاني؟؟؟؟؟؟ D



ويا مياده الحفله بتاعتك بدأت بهناك مش هنا تتطبظي وبكري يسحب بوستتاتنا؟؟؟
ده بوست اتكتب ليك هنا وسحبه بكري خليه يجي يورينا سحبه ليه؟؟؟
http://www.newsudan.org/vb/showthread.php?t=6087

الاخت ميادة سلامات
حقيقة اصابتنى دهشة من تحليلك للامن الاجتماعى المفقود فى الخرطوم وربطه باتفاقية السلام الشامل وكأن بنود الاتفاقية تنص وتقضى بالتفلت الاجتماعى لا باس ان كان هذا حكمك عليها ولكن نظرة للوراء تكفى اقرأى التاريخ جيدآ منذ استلاب السلطة من قبل مليشيا الجبهة الاسلامية وانقضاضها على الحكم ثم القى بنظرك نحو الانسان السودانى منذ ذلك الحين فقط ستجدين ان الشخصية السودانية تغيرت وتبدلت حالها من قبل التوقيع على اتفاقية السلام كماان الامن الاجتماعى ليس مفقودا فى الخرطوم فقط مثلا انتشار جريمة الاغتصاب فى منطقة واحدة ولاية الجزيرة شكلت هاجسا مما استدعى والى الجزيرة بتكليف الشرطة والامن بالولاية لدراسة الظاهرة احكى لك قصة امرأة تبلغ من العمر الثمانون عاما تم اغتصابها فى الخلاء بعد ضربها من قبل اثنين من الرعاة لا ينتميان لاحدى قبائل الجنوب او الغرب وانما لاحدى قبائل المثلث الجهنمى هل كان هؤلاء يتصرفون وفقا لنصوص نيفاشا؟
ان الجريمة لا تعرف لونا او اثنية معينة او جهة معينة انها حالة تشكل الظروف الاجتماعية والاقتصادية والسياسية اهم العوامل فى وجودها اماان الامن الاجتماعى مفقود فى كل بقاع بلدى. اتعلمين بان هناك لحية اسمها من اجل اولادى؟ ودعونى اعيش هذه اللحية يربيها صاحبها من اجل حفنة دنانير يتلقاها من الوظيفة او حتى لا يتم فصله منها. وهذه خلقت شخصية منافقة من اجل الوصول فقط والواسطة والمحسوبية
يا اختى العزيزة بدلا عن الانسياق وراء ما تريدين ان ترمى له ابحثى عن تغير ملامح الشخصية السودانية منذ انقلاب الجبهة وستجدين حينها الخبر اليقين حللى بموضوعية واتركى وراء ظهرك حكمك الشخصى حتما حينها ستصلين لنتيجة مبهرة.
اذا كان السلطان بالدف ضارب فشيمة اهل الدار الرقص اظنه هكذا يقول المثل
اما عن ضرب الصغير للكبير فهذه هى نتاج التربية فى عهد الانقاذ كل يصرخ انا ومن بعدى الطوفان هناك شرخ ما اصابنا ليس لاتفاقيات السلام اى دور فيها ابحثى وحللى بطريقة علمية عساكى حينها تتطمئنين.
نجلاء الماحى

ميادة

نعم إتفق معك تماماً ان (السودان ) أصبح يفتقر الى الامن الاجتماعى و هذا بالطبع لا يحتاج الى ( درس عصر) فمنذ ان قامت ( الجبهة الاسلامية القومية ) بإغتصاب سلطة الشعب اخذت العلاقات الإجتماعية فى إنهيارها التدريجى إلى أن وصل بنا الأمر الى الكثير من الممارسات التى كنا نسمع بهاو نقرأها فى الصحف , تحدث فى بعض الدول, و لكننا الآن أصبحنا ( كالحوار الغلب شيخو )!
كل هذا صحيح و لكن ّإذا كنت تريدين ( بوعى او بغير وعى ) أن تنسبى الجريمة الى ( عرق او لون او دين ) بعينه فهذا ما لن نتفق فيه معك على الإطلاق ! و مثل هذه الممارسات تعتبر من الاسباب الرئيسية التى اوصلتنا الى هذا (الدرك ) من الجريمة و العنف الذى إنتشر فى مجمعاتنا كالنار فى الهشيم !
و المجتمع يا ميادة لا يمكن ان ننظر إليه ( بمعزل ) عن مجمل الظروف ( الإقتصادية و السياسية الإجتماعية ) التى تسود فيه فلا القيم و لا العادات و لا التقاليد و لا الثقافات أشياء ثابتة و لكنها ديناميكية تتأثر بالعوامل الموضوعية و الذاتية التى تحيط بها , و لذلك فمن العبث ان نتحدث عن القيم الإجتماعية و ( السلام الإجتماعى ) بغض النظر عن علاقتها الجدلية بما يحدث فى كل الاصعدة التى ذكرناها .

الأستاذة نجلاء الماحى
لكي التحية والاحترام،كلام يوزن ذهب