Post: #1
Title: التحية لباقان اموم وهو يرسى قواعد اللعبة من جديد
Author: اساسي
Date: 09-04-2007, 04:31 PM
باقان اموم المشهور بتطرفه ومعاداته وتصريحاته التي لا تماري ولا تهادن كل ما هو شمالي او ( جلابي) كما يحلو له وللاخرين .
السودان الجديد الذي طالما بشرت به الحركة الشعبية واشترت به قلوب وافئدة كل من هو ضد دولة الاسلامين في الخرطوم من اليسارين وعاشقي العلمانية وغيرهم من التجمعات المناهضة للجبهة الاسلامية الحاكمة هذا السودان الجديد بالنسبة لباقان اموم هو كل من سنحته تشير الي الزنجية الخالصة وما سواه محض اوباش يجب مقاتلتهم حتي لو كانوا حلفاء الامس والاصدقاء .
باقان اموم بنهجه الذي يقوده والملتفين حوله يرسى لتحالف عريض من الشمالين الذين طالما تفرقت بهم سبل السياسة للوقوف بقوة صفا واحدا من اجل البقاء وان يكونوا او لا يكونوا . وهو ما قد يعجل بانفصال سريع يجعل الدولة الشمالية تنطلق الي الامام بقوة بعدما اقعدتها اطرافها المعوقة والانكباب في حروب غير مبررة لا فائدة منها جناها ابناء الشمال .
اعتقد انه بعد ظهور هذه الاصوات وعلو صوتها من جانب الحركة وغيرها الامر الذي سيعيد ترتيب قواعد اللعبة السياسية السودانية من جديد الامر الذي لا محالة سيؤدي الي تحالف واسع جدا مقابل الحلف الذي ينادي به باقان وزمرته .
|
Post: #2
Title: Re: التحية لباقان اموم وهو يرسى قواعد اللعبة من جديد
Author: Adrob abubakr
Date: 09-04-2007, 05:57 PM
Parent: #1
| Quote: هذا السودان الجديد بالنسبة لباقان اموم هو كل من سنحته تشير الي الزنجية الخالصة وما سواه محض اوباش يجب مقاتلتهم حتي لو كانوا حلفاء الامس والاصدقاء |
ما هذا التشويه يا أساسي؟
لو كان الزعيم باقان ينادي بإنضمام النوبة أقصي الشمال واهل كجبار والمناصير لقوي الهامش
بالإضافة للبجا في الشرق فكيف يكون تصنيفه علي أساس السحنة الزنجية كما تقول يا أساسي؟!
يا تري ما الذي يجمع بين هؤلاء كلهم سوي القهر والقتل والتشريد والتهميش؟!
خليك منصف ولو مرة!
|
Post: #3
Title: Re: التحية لباقان اموم وهو يرسى قواعد اللعبة من جديد
Author: jini
Date: 09-04-2007, 06:05 PM
Parent: #2
| Quote: وغيرها الامر الذي سيعيد ترتيب قواعد اللعبة السياسية السودانية من جديد الامر الذي لا محالة سيؤدي الي تحالف واسع جدا مقابل الحلف الذي ينادي به باقان وزمرته . |
وهذا للاسف ما سوف يحدث يا اساسى والمؤسف ان يضطر السودانيين ان يتاعملوا وفقا لغريزة حب البقاء وحفظ النوع!
باقان لم يتغير ولكن كشف عن حقيقت كن نحسبه قائد ثورى سوانى ولكن اتضح انه لم يزد عن مجرد رث شلك!
جنى
|
Post: #12
Title: Re: التحية لباقان اموم وهو يرسى قواعد اللعبة من جديد
Author: اساسي
Date: 09-05-2007, 08:12 AM
Parent: #2
Quote: لو كان الزعيم باقان ينادي بإنضمام النوبة أقصي الشمال واهل كجبار والمناصير لقوي الهامش
بالإضافة للبجا في الشرق فكيف يكون تصنيفه علي أساس السحنة الزنجي |
يا حبيب هذه التكنيكات السياسية البسيطة من السذاجة بمكان ان لا تمر علي احد وانا استغرب جدا ان تمر هذه الدعاوي عليك
بالله هل تقول انك مقتنع تماما ان اهالي كجبار من اهل دقلا والمحس والسكوت عند باقان مثلهم مثل ابناء الشلك ؟؟
هل تقول انك مقتنع بان دعوة باقان لابناء المناصير والرباطاب للانضمام الي جبهته مقنعة لك كفاية؟
ام انها محض التفاف سياسي ؟
انت يا ادروب بقيت مسكين ولا شنو؟
|
Post: #4
Title: Re: التحية لباقان اموم وهو يرسى قواعد اللعبة من جديد
Author: Bashasha
Date: 09-04-2007, 06:12 PM
Parent: #1
الدولة الشمالية؟
شفتو كلامنا مشي او جا كيف؟
الكثير جدا من كلامنا اخد مسارو للشارع العام، والكثير من توقعاتنا في طريقا الي التحقق!
الدباب اساسي، الانفصالي او برضو رسالي، ماكتو صفا واحد كما البنيان المرصوص عندما اشعلتم محارق التطهير متوهمين تركيع الاغلبية، ماذا حدث؟
هل اركعتم الاغلبية، لتدوم لكم هيمنة وفرها لكم جيش الغازي العربي في كررري؟
ولكن الجلابي لايتعلم شيئا، ولا ينسي شيئا!
هنيئا امارة الشمال التابعة لمصر الخديوية!
الشافك يا اساسي رابط المخروقة او شغل سفرجي في المتمة، عند البهوات الترك الشراكس ماكضب تب!
|
Post: #5
Title: Re: التحية لباقان اموم وهو يرسى قواعد اللعبة من جديد
Author: Bashasha
Date: 09-04-2007, 06:16 PM
Parent: #1
| Quote: وهذا للاسف ما سوف يحدث يا اساسى |
الحمبرا جني،
ياداب سيحدث؟
اها بتسمي الحاصل الان شنو، والابادة بالملايين، علي الهوية؟
من الذي فرض هوية غزاتنا علي الاغلبية بحد السيف؟
سلفا كجلابة خسرتو، او حتخسرو تاني او تالت!
|
Post: #6
Title: Re: التحية لباقان اموم وهو يرسى قواعد اللعبة من جديد
Author: jini
Date: 09-04-2007, 06:20 PM
Parent: #5
اهلين بالعجب أمو
جنى
|
Post: #17
Title: Re: التحية لباقان اموم وهو يرسى قواعد اللعبة من جديد
Author: Tragie Mustafa
Date: 09-12-2007, 00:14 AM
Parent: #5
فوق عشان دولة الجلابه.
|
Post: #7
Title: Re: التحية لباقان اموم وهو يرسى قواعد اللعبة من جديد
Author: Bashasha
Date: 09-04-2007, 06:43 PM
Parent: #1
اعلان في جريدة الباشبوذقة اليومية، الصادرة بامارة الشمال التابعة لمصر الخديوية في 2020م:
Now Hiring:0
بوابين، wanted
والشرط الاساسي المتقدم يكون نوبي، من حفدة كافور!
الحمبرا جني،
الشافك الزمن داك بواب تتوكا عصاك، في خريف العمر، ماكضب!
|
Post: #8
Title: Re: التحية لباقان اموم وهو يرسى قواعد اللعبة من جديد
Author: Hussein Mallasi
Date: 09-04-2007, 06:50 PM
Parent: #7
عشان تعرفوا الطيب مصطفى نظرو بعيد لياتو درجة!
|
Post: #9
Title: Re: التحية لباقان اموم وهو يرسى قواعد اللعبة من جديد
Author: jini
Date: 09-04-2007, 06:59 PM
Parent: #8
Quote: لحمبرا جني،
الشافك الزمن داك بواب تتوكا عصاك، في خريف العمر، ماكضب! |
اشرف من مما تفعله يا العجب امو!
جنى
|
Post: #10
Title: Re: التحية لباقان اموم وهو يرسى قواعد اللعبة من جديد
Author: Bashasha
Date: 09-04-2007, 07:06 PM
Parent: #1
| Quote: عشان تعرفوا الطيب مصطفى نظرو بعيد لياتو درجة! |
الانقاذي ملاسي،
نظرو بعيد؟
سلامة نظرك!
هذا النظر البعيد، طلعتو منو بي شنو؟
والاهم، من هنا علي وين؟
لي احضان الخديوية؟
قطعا ملاسي اسعد زول!
تماما كما سلاطين في المرة الفاتت!
|
Post: #11
Title: Re: التحية لباقان اموم وهو يرسى قواعد اللعبة من جديد
Author: Abubaker Ahmed
Date: 09-04-2007, 08:57 PM
Parent: #1
ما قلنا الكلام دة زمان قلتو يا رااااااااااااااجل !
|
Post: #13
Title: Re: التحية لباقان اموم وهو يرسى قواعد اللعبة من جديد
Author: دوت مجاك
Date: 09-05-2007, 08:55 AM
Parent: #1
يا صبايا الانقاذ
يا فلول الدولة (الظالمة)
يا تجار الدين
يا عشاق الدنيا
يااكلى اموال اليتامى
يا قاتلى الثوار
يا شاربى دماء الشعب وعرقهم
يا سارقى اموال الشعب
يا يايعى مؤسسات الدولة
يا من لا يهمكم الا مصالحكم
يا من تنصبون انفسكم ابناء السودان وغيركم (لا)
يا من تضحكون على الشعب السودانى منذ مجئكم الى الان
يا دولة العنف ضد الكلمة
من اوحى لكم ان لعبتكم طيلة السنوات التى استوليتم فيها على السلطة انها يمكن ان تمر على الشعب مرة اخرى
هل اخبركم مخططيكم بانكم سوف تاثرون او تقتلون شخصية القائد باقان ببوستاتكم التى سئمنا منها فى الايام الفائتة
الحركة الشعبية لم تستطيع قادتكم دحرها بالسلاح فهل يستطيع اكاذيبكم وتشويهكم للحقائق انكم قادرين على قتلها
لا يا هؤلاء
هذا زمن اخر
زمن يفوز فيها من يقول الحقيقة
فقط
ثم انكم لا تستطيعون الضحك على اعضاء او زوار المنبر
الا تخجلون من انفسكم
كم من ابناء هذا الشعب ماتوا فى المعتقلات
كم من ابناء هذا الشعب عذبوا وصودرت املاكهم
باسمكم
وانتم من رفعتم شعارات الدين يا تجار الدين
كم ظلمتم بربكم اذا كنتم تعرفون ان هناك رب سوف يحاسبكم يوم الحساب
كم شردتم من ابناء هذا الوطن من الوظائف وقطعتم ارزاقهم
وتاتون اليوم وتنتقدون غيركم
(شوفوا غيرها)
ونحن ماضون لحشركم فى اضيق الامكان وتحرير السودان من افكاركم الاقصائية الاستغلالية وتحرير السودان من كل (لص وتاجر) اتى باسم الدين
وليس تحرير السودان من العنصر العربى يا (منافقى الانقاذ)
تبقى عام وبعضه ثم تعودون الى احجامكم الطبيعية
ان المد الجديد سوف يكسحكم وسوف يعيدكم الى رشدكم
يا قاتلى النساء والاطفال فى دارفور
يا ناهبى اموال الشعب
اذا اردتموها تشوية فى المنابر فانا اهل لها وبالحقائق وليس اكاذيب مثلكم لانكم لا تستحقون ان يركتب شخص (كذب ) فى شانكم لانكم لا تستحقون ان يواجه ابن ادم ربه نادما يوم القيامة لانه كذب على الاخرين
وهذه رسالة لكل انقاذى (مندس) فى هذا المنبر ويكتب بضبابية ويريد الكسب السياسى بالكذب
قل انا انقاذى وناقشنى مثل ما اعترق انا انى انتمى (للحركة الشعبية لتحرير السودان) من امثالكم
لن تعترفوا بانقاذيتكم لانكم تخجلون من الانتماء اليها لانكم تخجلون من الانتماء لمصاصى الدماء قاطعى الارزاق تجار الدين
ولانكم تعرفون يقينا انهم اصبحوا على حافة الهاوية
سلام
|
Post: #14
Title: Re: التحية لباقان اموم وهو يرسى قواعد اللعبة من جديد
Author: Hatim Yousif
Date: 09-05-2007, 09:22 AM
Parent: #1
أساسي .... سلام
تحالف السودان الجديد .. موجه ضد الشمال ... وعشان تكون مبلوعة لناس / ياسر عرمان ومنصور خالد الجدد ... غطوها ب ( الجلابة )....
-
-
ماتشوف كلام المنظراتية الأمريكان ..... إنشاء الله يقدروا يفرزوا نفسهم من الجلابة يوم الإثنين الأسود (القادم ) ....
-
باقان أموم فاهم تماماً ماذا يقول ..... الدور والباقي على الأمريكان الشايلين الطاره .. ومدورين
-
سبحان الله .... ناس عندهم مقدرة غريبة جداً في خلق كراهية وعداء ... / بكل سهولة قدروا يكسبوا عداء كل الشماليين (طبعاً ماعدا الأمريكان ..على إعتبار إنهم في اليوم داك
ح يكونوا شايلين يافطة كبيييييييييرة توضح إنهم ماجلابة ).....
-
سبحان الله
|
Post: #15
Title: Re: التحية لباقان اموم وهو يرسى قواعد اللعبة من جديد
Author: دوت مجاك
Date: 09-05-2007, 09:34 AM
Parent: #1
Hatim Yousif
انت قاعد فى السعودية كم
بتعرف شننو عن الحاصل فى الواقع فى السودان
وبعدين شنو طالع لينا فيها وانه السودان الجديد موجه ضد الشمال
يا راجل
شكلك من الجماعة اياهم
حمانا الله منكم
|
Post: #16
Title: Re: التحية لباقان اموم وهو يرسى قواعد اللعبة من جديد
Author: Hatim Yousif
Date: 09-05-2007, 10:00 AM
Parent: #1
دوت ...
أسئلتك الإنصرافيه ح أتجاوزها ...... تصنيفك الجاهز ...برضه ح أتجاوزه ....
-
-
كلامي واضح ومحدد ... جلابي .. مقصود بيها أهل الشمال ..يسار ، أمه ، أتحادي ، حركة شعبية .. كله ياهو .جلابي ...
-
إنتو خلوا عندكم القوة .. وقولوها بالواضح .... - هل يستوي لدى باقان أموم .. مهمش أم صفقاً عراض .. مع مهمش يرول ؟؟؟؟؟
---------------------------
وبرضه ... حاول جاوب .... هل من الممكن ضم مهمش المهمش الى تحالف السودان الجديد ( قبايل الإستوائية - مثلاً)
--------------------------
التوقيع / جلابي طبق الأصل - عاش عمره كله في ياي
-
-
|
|