Post: #1
Title: الزلابية التشادية تسيطر على بوستات المنبر ""
Author: abd alsamie alhussein
Date: 09-04-2007, 07:05 AM
Parent: #0
خلال زيارة لى لتشاد سمعت فى الراديو المحلى بمدينة ابشى دعاية تقول فنقاسووو فنقاسووو
وحينما استفسرت عرفت انها دعاية للزلابية كبيرة الحجم والدعاية على النحو التالى
ياتى صوت غليظ لرجل ويقول
فنقاسو
ويعقبه طفل
فنقاسو
ثم
سيدة
فنقاسو
وتعقبه دلوكه
ثم يقول الرجل
كثير مدردم دهن كثير عنده سكر كتير عنده
ايال ( عيال ) كله بأأأكل عذبه كمان بأأأكل
هكذا هى دعاية الزلابية
ولا ادرى لماذا تنتشر لغة الزلابية منذ البوست بتاع حلايب الذى صدر من سيدة بالمنبر فى حالة مختلفة تماماً عن اطلالات الجنس الناعم الموجود بالمنبر واليوم اغرب مافى الامر ان لغة الزلابية موجودة فى البوست الذى يدافع عن الرسول الكريم ؟؟؟؟؟؟
|
Post: #2
Title: Re: الزلابية التشادية تسيطر على بوستات المنبر ""
Author: tmbis
Date: 09-04-2007, 07:18 AM
Parent: #1
| Quote: البوست الذى يدافع عن الرسول الكريم ؟؟؟؟؟؟ |
سلامات يا عبد السامي..
أول حاجة البوست ما بدافع عن الرسول ولا حاجة من النوع ده ..
البوست عبارة عن ملحق لي بوست سابق .. استعملت فيهو الحركة بتاعت لو ما معاي إنت اسلامي وكوز .. دي طبعا اساليب مواهيم الوهم الما بيقبلوا بالراي الآخــر ..
والواحد تتكلم معاهو بالراحة .. يطلع ليك اصبعو الوسطاني .. ما علشان يطبزك بيهو في عينك .. عشان حاجة تانية
تتكلم معاهو ياخ الكلام ده عيب ... يجيب ليك الزلابية حاره من النــار ( وزيته طالع ) قايل نفسو ( بيطلع بيها زيتك ) عادي جدا .. وما ( يهببه ) ليك ..
ما تستغرب إذا تشابهت عليك الزلابية ..
السيدة / الجابت الزلابية المرة الفاتت ـ هي الناطق الرسمي بي الجاب الزلابية الليلة من الصباح قبال الشاي ..
اقول ليك حاجة..:؟
امشي أعمل بحث بي اسم بتاع الزلابية بتاع الليلة ده .. واعمل بحث بي ( المزلبنه ) دي .. وشوف الباصات عامله كيف بيناتهم .. والله كان بكري ربط مكبرات صوت هنا بدل ايقوناتو الما جايبه تعبه دي .. كان ما سمعت زغاريد ( المزلبنه ) دي لي ( الزلابابوي ) ده .. أنا ما تمبس ..
|
Post: #3
Title: Re: الزلابية التشادية تسيطر على بوستات المنبر ""
Author: abd alsamie alhussein
Date: 09-04-2007, 07:25 AM
Parent: #1
شكراً يا تمبس
وكنا نأمل فى من عاشوا بدول العالم الاول وعايشوا حضارة الغرب بما تحمله من بعض القيم الانسانية ان يكونوا اكثر ثقافة والثقافة التى اعنيها هى قبول الاخر واستخدام لغة مهذبة
وكما ذكرت بالامس كل من يأتى بقذارة الالفاظ ويطرحها على مجتمع مثقف يعتبر هذا السلوك
اسقاط ....اسقاط ( طفولة غير طبيعية ويظهر الاسقاط بعد سن الاربعين ) .
|
Post: #4
Title: Re: الزلابية التشادية تسيطر على بوستات المنبر ""
Author: حيدر حسن ميرغني
Date: 09-04-2007, 07:33 AM
Parent: #3
عبد السميع
امسك فى تمبس ده قوي
................
الليلة شيل شيلتك مع محمد نور التشادي السوداني السمح
................
مشكور على البوست
|
Post: #5
Title: Re: الزلابية التشادية تسيطر على بوستات المنبر ""
Author: abd alsamie alhussein
Date: 09-04-2007, 07:39 AM
Parent: #1
العزيز حيدر
تمبس فقط يعبر عن رأيه وله الاحترام كما لغيره كما تقول انت دائماً اما عن العزيز اللذيذ محمد نور التشادى فليس لى معه مشكلة لأن كلمة فنقاسووو عندهم تعنى الزلابية .
ولك كل الود والاحترام
|
Post: #6
Title: Re: الزلابية التشادية تسيطر على بوستات المنبر ""
Author: حيدر حسن ميرغني
Date: 09-04-2007, 07:44 AM
Parent: #5
والله يافردة الاثنين عزيزين لدي مثلك تماما
انا بمزح ساكت
|
Post: #7
Title: Re: الزلابية التشادية تسيطر على بوستات المنبر ""
Author: abd alsamie alhussein
Date: 09-04-2007, 07:46 AM
Parent: #1
أحب تشاد كما السودان ياحيدر (أفريقيا)
ولك الود والشوق معاً
|
Post: #8
Title: Re: الزلابية التشادية تسيطر على بوستات المنبر ""
Author: فرحات عباس
Date: 09-04-2007, 08:22 AM
Parent: #1
الفنقاسو .. أو الزلابية في تشاد بجانب المديدة هي من أساسيات إفطار الصباح لكل تشادي في أي مرتبة يكون من مراتب المجتمع .. " إنجمينا مدينة تدمن المديدة بأشكالها الكثيرة والفنقاسو ...
حكي لي صديق تشادي .. أنه إبان الحرب الأهلية التي اجتاحت البلاد تم إرسال أحد الأطفال إلى أعمامه السودانيين ممن لم يروا تشاد في الخرطوم بعد أن فقدكل أسرته في تلك الحرب البشعة ...
كان الطفل يصحو كل صباح وهو يبكي .. : " داير فنقاسو .. داير فنقاسو .. " ويقف أهل البيت في حيرة واستغراب من أمر هذا الفنقاسو .. وتعللوا أن الولد بتكلم برا راسو .. ونسو الموضوع ..
ومرت الشهور ونسى الطفل حكاية الفنقاسو دي تماماً .. إلى أن قررت الأسرة ذات مساء أن مزاجها في لقيمات خطيرة فقاموا بإحضار صحن كبير من اللقيمات وتصادف دخول الصحن الموهط دخول الطفل الذي ما إن رأي الصحن في نص الطربيزة حتى صاح بأعلى صوته .. فنقاسسسسسوا...
|
Post: #9
Title: Re: الزلابية التشادية تسيطر على بوستات المنبر ""
Author: abd alsamie alhussein
Date: 09-04-2007, 08:38 AM
Parent: #1
شكراً فرحات على الاطلالة والقفششة الحلوة عن الطفل وحكاية الفنقاسو
واتمنى ان يساهم البوست مع الدعوات الاخرى فى تحسين لغة ومستوى البعض حتى نستفيد ونتعلم من الاخرين الرائعين ذو الرسم الجميل وطريقة عرض الموضوعات بموضوعية ونحن بجد عايزين تلاحق للثقافات لنستفيد مش لغة الفنقاسو .
|
|