Post: #1
Title: ........I ...Love ...You .....Honey.....
Author: sudania2000
Date: 09-01-2007, 10:18 PM
الحب ثم الزواج طريق وردي .. ان يعقبه طلب طلاق طريق .. صعب حبة ..
اجمل الحب ادومه واصدقه
اللهم ادم نعمك علي عبادك
والسلام عليكم
خواطر في التعبير عن الحب : متفاوتة التوقيت والحدث
عبارة لفتتني في نقاش عام مع صديقاتي وهي عبارة التعبير حق مكفول للجميع 
يعني الديمقراطية طلت علينا في البلد ونقدر نقول اي شئ
كانت تعني هي التعبير عن الحب لمن تحب
ولكن اجدها عبارة صفوية وغير واقعية
هنا لمن زول يشتاق لاخوه يقول ليو وييييين ياأخ ومعاها لبعة علي الضهر (ضربة قوية يا حناكيش)
اها ولمن البت خلاص تعلق في زول بتقولوا (((بريدك أأأأأأحمد))))) بكلام اهل العوض
اما بحبك وبموت فيك السودانية تجدها مطية قد يستخدمها الرجل ضدها ...
كل ذلك مر علي خاطري وانا استمع الي سودانية في مطار هيثرو تودع شخص ماI Love you Hony
وترد علي تلفون اخر بصوت منفعل قلت ليك انا ما بهموني العيال طلاقي بقلعوا قلع من عيونك !!
و
سبحان من جعل البغض مكان الحب والسكن
وهذا زمانك يا مهازل فامرحي !!
و
مشتاقين يا اخوانا
|
Post: #2
Title: Re: ........I ...Love ...You .....Honey.....
Author: Abubaker Ahmed
Date: 09-01-2007, 10:29 PM
Parent: #1
السلام عليكم يا سودانية
دي بسيطة !!!
مرة بتكلم مع واحدة سودانية بتحكي لي انو كان في واحد المفروض يتزوجا و ما حصل نصيب قالت لي
The guy I was dating.......1
Quote: وهذا زمانك يا مهازل فامرحي !!
|
مشتاقين
يا sudania2000
|
Post: #3
Title: Re: ........I ...Love ...You .....Honey.....
Author: sudania2000
Date: 09-01-2007, 10:31 PM
Parent: #1
الفتاة في منتصف الثلاثينيات تقريبا
نحيلة وترتدي بنطال ابيض وبلاوز قصير اسود
وقد تركت شعرها منسدلا ع ظهرها بحرية وجمال
تبدو عليها قوة الشخصية والثقة بذاتها رغم رقتها الواضحة
لفتني الهيد باند ذو اللون الغريب
امسكت بالجوال بعصبية واضحة وبدات في اتصالات وكانها تودع العالم
اقتربت من مقعدي حتي كادت تلاصقني
وازعجني عبثها بكتبي التي وضعتها بجانبي
نظرت اليها باستغراب
رفعت يدها من كتبي وكانها لا تعي ما تفعل
من الجوال اتصلت و صوتها المرتفع فهم الجميع قصصها
وحتي مكان ذهب والدتها في شقتها اللندنية
يا سبحان الله
السفر يزعزع روحها ام انه فكرة الطلاق
ربي ارحم واغفر وانت خير الراحمين
|
Post: #4
Title: Re: ........I ...Love ...You .....Honey.....
Author: mohmed khalail
Date: 09-01-2007, 10:32 PM
Parent: #1
بالاكتر..
|
Post: #5
Title: Re: ........I ...Love ...You .....Honey.....
Author: sudania2000
Date: 09-01-2007, 10:35 PM
Parent: #4
طيور السقد كثيرة
سلامات وتحايا كتارات
خالص الشكر
و
لقدام
|
Post: #7
Title: Re: ........I ...Love ...You .....Honey.....
Author: sudania2000
Date: 09-01-2007, 10:40 PM
Parent: #5
اتمني ان اجد الحق في التعبير هنا في ارض المليون عيب
حتي لو تنط في رقبة بابا وتبوسوا وتقول ليهو بابا بحبك كثير
ولا تجي ناطي لاختك ومن بعيد يا بت والله مشتاقين
القسوة سمة عامة رغم رهف القلوب ورقتها وحنانها الدفاق ... لما ؟؟ الله تعلم !!
|
Post: #8
Title: Re: ........I ...Love ...You .....Honey.....
Author: mohmed khalail
Date: 09-01-2007, 10:40 PM
Parent: #5
لووووووووول
نحن غايتو عندنا الدنيا نص النهار..والشمس في السماء.
ازيييك يا سودانية
|
Post: #6
Title: Re: ........I ...Love ...You .....Honey.....
Author: Ahmed musa
Date: 09-01-2007, 10:39 PM
Parent: #1
Quote: الحب ثم الزواج طريق وردي .. ان يعقبه طلب طلاق طريق .. صعب حبة ..
|
بَسْ !!!!
|
Post: #9
Title: Re: ........I ...Love ...You .....Honey.....
Author: sudania2000
Date: 09-01-2007, 10:43 PM
Parent: #6
تلفتني اغنية تعبيرية دفاقة في الريد
يا بت انا ود الحلة عاشق والله .. او كما يقولون
سلامات يا شوق
وبرضو مشتاقون
|
Post: #10
Title: Re: ........I ...Love ...You .....Honey.....
Author: sudania2000
Date: 09-01-2007, 10:48 PM
Parent: #9
نحن غايتو عندنا الدنيا نص النهار..والشمس في السماء.
تكون بلدكم دي مسكونة
شكرا علي الاشواق والتحايا
وع قول البنية الشينة ما بتلحقونا
|
Post: #11
Title: Re: ........I ...Love ...You .....Honey.....
Author: Ahmed musa
Date: 09-01-2007, 10:51 PM
Parent: #1
| Quote: يا بت انا ود الحلة عاشق والله . |
يا ناس أنا ود الحِلّة وعاشق وحياة الله
وكما قال الراحل المُقيم {مُصطفي سيد أحمد}
وإحتواني معاك شجن
عذبني قبلك
ولسسه مِنك جاي تاني
تمشي وين الخطوة عنك
ما الزمن بالحُب بلاكِ وإبتلاني
|
Post: #12
Title: Re: ........I ...Love ...You .....Honey.....
Author: sudania2000
Date: 09-01-2007, 11:03 PM
Parent: #11
اشكرك أحمد
لكن رغم ذلك الولاد جنهم جن بت تقولهم بحبك (بقول عليها بجحة)
غنية سيد احمد كملها لو ممكن
تسلم
|
Post: #13
Title: Re: ........I ...Love ...You .....Honey.....
Author: أحمد الشايقي
Date: 09-01-2007, 11:13 PM
Parent: #1
Quote: اها ولمن البت خلاص تعلق في زول بتقولوا (((بريدك أأأأأأحمد))))) بكلام اهل العوض
اما بحبك وبموت فيك السودانية تجدها مطية قد يستخدمها الرجل ضدها ...
|
دكتورتنا,
رفعتي معنوياتي
ليك التحية
أحمـد
|
Post: #14
Title: Re: ........I ...Love ...You .....Honey.....
Author: omar altom
Date: 09-01-2007, 11:23 PM
Parent: #1
سودانية
بيني وبينك التعبير عن الحب باللغة الانجليزية اجمل منه في اللغة العربيةالدارجة المستعملة في الحياة اليومية عندنا....
. Love is like war, Easy to begin but hard to end
عودا حميدا
|
Post: #15
Title: Re: ........I ...Love ...You .....Honey.....
Author: Deng
Date: 09-01-2007, 11:33 PM
Parent: #1
Quote: كل ذلك مر علي خاطري وانا استمع الي سودانية في مطار هيثرو تودع شخص ماI Love you Hony
وترد علي تلفون اخر بصوت منفعل قلت ليك انا ما بهموني العيال طلاقي بقلعوا قلع من عيونك !! |
الاخت سودانية.
مش الزولة دي ممكن تكون أتربت خارج السودان وتم تزويجها الى شخص سوداني متربي في السودان ويختلف عن ثقافاتها ولم تستطيع العيش معه والان هي في طريقها الى الطلاق؟ منه والعودة الى "حبيبها القديم" الذي يحمل نفس ثقافتها؟ يا سودانية هنالك مشاكل كثيرة تواجه السودانين الذين تربوا خارج السودان ومعظم هذا المشاكل يتمثل في أسلوب التربية وفي مكان النشئة وثقافة تلك البلاد التي تتعارض مع الثقافة السودانية.
دينق.
|
Post: #16
Title: Re: ........I ...Love ...You .....Honey.....
Author: عبد الناصر الخطيب
Date: 09-01-2007, 11:52 PM
Parent: #1
د. سودانية 2000
مساء الجمال ,,,
____________________________________________
(وترد علي تلفون اخر بصوت منفعل قلت ليك انا ما بهموني العيال طلاقي بقلعوا قلع من عيونك !!)
بالله الافلام الزي دي لسه مدورة !!!!
أها ياسودانية أخوك مره زمأأأأأأأأأأأأأأأأان
مع زوجتوا السودانية كان محل الزول العلى الخط ده ......
وشكلى كده والله يعلم ما خاشيت الفلم ده برأى ...............
عشان كده هسه بقينا نحمد الله سراً وجهراً .........
إنها ( ما سودانية )............................
طبعا مع كامل التفهم الحالة الخاصة ( مهما كانت طين )
ما تعمل أحكم معممه .......بس نحنه الحظنا في الركاب صابو الكلال
الكلام ده زمأأأأأأأأأأأأأأأأأأأأأأأأن طبعاً ....... ( يتذكر ما ينعاد )
هسه الحال عال والحمد لله
__________________________________________
ولك الود كله ,,,,
|
Post: #17
Title: Re: ........I ...Love ...You .....Honey.....
Author: مجدي عبدالرحيم فضل
Date: 09-02-2007, 06:38 AM
Parent: #16
د.سودانية2000
ونحن أيضا في شوق دائم
للطله ...
والمصيبة الناس فاهمة أنو المتغرب في دول العم سام
هم الوحيدين البيفهموا والبقية في السودان هم أهل العوض
ماأنو الناس الفي الداخل الخارج معاهم في الداخل والدبلوماسية
لا تنقصهم في فن التعامل واللياقه فوووووول والحمدلله بس زولتك داير
تحشش ساكت وقبعته من الداخل هواء غربي مابيصمد مع الهبباي في عز الصيف
ونشكر لك المشاعر (الحلومر)ونحن داخلين شهر عظيم فية الموده والرحمه
والتكافل مجسد عنوان شهر الخير والبركات وكل سنة وأنت طيبة د.سودانية
،،،،أبوقصي،،،،
|
Post: #18
Title: Re: ........I ...Love ...You .....Honey.....
Author: mamkouna
Date: 09-02-2007, 12:02 PM
Parent: #1
العزيزة..سودانية 2000
اللسان الحلو مع الزوجة...نعمة و موهبة..
يتمتع بها - للأسف الشديد - القليل جداً جداً من أزواجنا.
مشكلة في التربية..؟؟؟
قسوة غير مُبررة؟؟؟
هجوم كوسيلة للدفاع..؟؟؟
غتاتة و ثقالة ساي؟؟؟
الشي ما معروف..!
سبق و أن ناقشنا حاجة زي دي..
هنا...
قصص قصيرة جداً
|
Post: #19
Title: Re: ........I ...Love ...You .....Honey.....
Author: mamkouna
Date: 09-02-2007, 12:16 PM
Parent: #18
نسيت أقول ليك يا سودانية 2000 ...إني بعرف كمية من السودانيات المتزوجات من أجانب...
و بأجانب أعني...خواجات عديييييييييييييل كدا.
تصدقي إنهن في قمة السعادة و الإستقرار..!
الأجنبي :-
بيعتبرها * شريكة* بكل مافي الكلمة من معنى..
بيحترم خياراتها..
بيحترم تفكيرها...
بيساعدها في البيت و تربية الأطفال...
+
بيصبحها ب honey...و يمسيها ب baby..!!
|
Post: #20
Title: Re: ........I ...Love ...You .....Honey.....
Author: sudania2000
Date: 09-02-2007, 09:44 PM
Parent: #19
سلامات للجميع واشواق للكل الجميلات هنا وطيبي القلب وحنان بعزو الاهل ويدو الجار حقو
السودانية مكسب ولو ع خلاف الف لظروف وخصوصية السودان
ممكونة : انا باقي لي القي خواجة دا حل كويس اها ناس السويد قالوا ارق الخواجات فتشي لي واحد بهناك
شوق يا عسل وشكر ع الطلة الحلوة
برجع لمن القي فضي من ساقية العمل والبيت و.............. بس دعواتكم
وكلنا شوق
خربشة : أأأأأأحمد مبروك رفع المعنويات
|
Post: #21
Title: Re: ........I ...Love ...You .....Honey.....
Author: Ahmed musa
Date: 09-02-2007, 10:12 PM
Parent: #1
Quote:
اشكرك أحمد
لكن رغم ذلك الولاد جنهم جن بت تقولهم بحبك (بقول عليها بجحة)
|
والله بالعكس يا سودانية 2000 {إنتي مازدتي؟!!! طولتي في 2000 دي}
ماعلينا بقول بالعكس المسالة دي مُشتركة فالأنثى برض ما بتقول كلام لطيف بس فالحة تنتظر
والزوجة تقابلك بهدوم البيت المُلطخة بالبصل وأول ما تجيها مرقة {هوب} اجمل اللبسات , العطور ,الميك أب
معقول؟!!!
|
Post: #28
Title: Re: ........I ...Love ...You .....Honey.....
Author: sudania2000
Date: 09-07-2007, 10:13 PM
Parent: #21
والله بالعكس يا سودانية 2000 {إنتي مازدتي؟!!! طولتي في 2000 دي}
انت ما سمعت ما بقيت سودانية 2007 ات هوت ميل دوت كوم
|
Post: #22
Title: Re: ........I ...Love ...You .....Honey.....
Author: Ammir Mohamed
Date: 09-03-2007, 11:47 AM
Parent: #1
Quote: ماعلينا بقول بالعكس المسالة دي مُشتركة فالأنثى برض ما بتقول كلام لطيف بس فالحة تنتظر والزوجة تقابلك بهدوم البيت المُلطخة بالبصل وأول ما تجيها مرقة {هوب} اجمل اللبسات , الغطور ,الميك أب
معقول؟!!! |
دي اتقطعت فيها
تعرف المصيبة شنو كمان يا أحمد إنو الواحدة لو اتعاملت معاها بي لطف وزوق بتفتكر إنو هي خلاص ختتك خاتم في جيبها وبتبدأ تتصرف بغباء أنثوي مزعج بدل ما تسعى لي إنو تبقي على العلاقة الحلوة دي ...وتبدأ تدخل في شخصية المرة المسيطرة على راجلها .. ما ده هو التخلف البخلي الواحد يخلي الفورة مليون!
على العموم يا صاحبة البوست في مشكلة في فهم الانفتاحية وللأسف الواحد بلاحظ إنو في بعض السودانيين في الخارج بياخدوا الحاجات السلبية أكثر من الإيجابية.
سلام
أمير
|
Post: #23
Title: Re: ........I ...Love ...You .....Honey.....
Author: مريم بنت الحسين
Date: 09-03-2007, 01:24 PM
Parent: #1
so funny...
following
|
Post: #24
Title: Re: ........I ...Love ...You .....Honey.....
Author: ابو جهينة
Date: 09-03-2007, 01:41 PM
Parent: #23
سودانية سلام
Quote: كل ذلك مر علي خاطري وانا استمع الي سودانية في مطار هيثرو تودع شخص ماI Love you Honey
وترد علي تلفون اخر بصوت منفعل قلت ليك انا ما بهموني العيال طلاقي بقلعوا قلع من عيونك !! |
الغربة في بلاد الله الواسعة أفرزتْ تناقضات غريبة حتى في طريقة تخزين العقل الباطن للمشاعر و الأحاسيس...
فهذه تعيش واقعاً يحتم عليها أن تقول I LOVE YOU HONEY
و لكن عقلها الباطن لا زال يختزن إنفعالنا و سلوكياتنا و مفرداتنا ( أنا العيال ما بيهموني و طلاقي بقلعو من عينك قلع ) .. يعني العبارة دي لو سمعها زولنا القالت ليهو I LOVE YOU HONEY حيتخلع و تجيهو إنتكاسة مرتدة ..
و الحالة الإنفصامية دي بتحصل مرات جوة السودان .. تلقي الواحد في البيت زي الأسد الهزبر .. لا بيضحك لا بينكت لا بيبتسم .. و في المكتب عامل فيها دون جوان عصرو و آخر لطافة ..
دمت
|
Post: #25
Title: Re: ........I ...Love ...You .....Honey.....
Author: شول اشوانق دينق
Date: 09-03-2007, 02:31 PM
Parent: #1
سودانية
كيف الحال؟
| Quote: بيصبحها ب honey...و يمسيها ب baby..!! |
عز الكلام والله يا ممكونة.
تسلموا
شول اشوانق
|
Post: #26
Title: Re: ........I ...Love ...You .....Honey.....
Author: sudania2000
Date: 09-07-2007, 09:48 PM
Parent: #25
شول سلامات
الكوت دي بتكسر عديل كدا ممكونة شكرا ليك
تسلم
|
Post: #27
Title: Re: ........I ...Love ...You .....Honey.....
Author: sudania2000
Date: 09-07-2007, 09:59 PM
Parent: #26
Quote: والزوجة تقابلك بهدوم البيت المُلطخة بالبصل وأول ما تجيها مرقة {هوب} اجمل اللبسات , العطور ,الميك أب
معقول؟!!! |
والله ما معقول وبستغرب معاك
القصة لوشفت الجري للحنانة و الدخان تسال في شنو (ماشة عرس) لووووووووووووول
الصديق او جهينة : قتلت الفضية في مقتل من الجانب الاخر ودي برضو قصة غريبة فينا
ناس في المكاتب تتذوق وذوق الذوق و تهذيب اللغة وفي البيت صريخ واوامر واقع معاش
اما توصيلة العربية و قضاء مشاوير الزوجة دمها تقيل وزميلات العمل والجارات اخر تعامل راقي
انفصام الشخصية مشكلة
بس العقل الباطن ما بخزن الا المشوه
اي لوف هوني دي ما بتتخزن وتطلع لزوج مرهق عائد بعد يوم عمل رهيب
او تكون فاصل لمشكلة كادت ان تبدا
مشكلة التعبير عندنا مشكلة كبيرة
و منورة يا مريموما
و
كل عام وانتم كل الحب
وربنا يسعد كل المحبين
|
Post: #29
Title: Re: ........I ...Love ...You .....Honey.....
Author: bob
Date: 09-07-2007, 10:23 PM
Parent: #27
مرحب بيك مرة اخرى
ــــــــــــــــــــ
التعديل خوفا من الفهم الخاطى !!
|
Post: #30
Title: Re: ........I ...Love ...You .....Honey.....
Author: sudania2000
Date: 09-07-2007, 10:47 PM
Parent: #29
قالت له : اخبرتني صديقتي انها تحبك
فرد : ولكني أحبك انتي !!
عادت تقول : أعلم ذلك وانا ايضا احبك .. لكني ما ذنبها ان هي تحبك ايضا
فالامر ليس بيدها ..
رد متعجبا من البراءة و العفوية التي تصل السذاجة بنفاذ صبر : وما هو اقتراحك
ردت بحكمة و دلع : انا احب صديقتي واحبك فاذا تزوجت بصديقتي انعم بسعدها بك
رد بغيظ شديد : اتزوجها من اجلك فقط
ردت : اعلم انها اجمل مني لكني احبها اكثر منك
فضحك هازئا : اذن اخبريها بموافقتي ع الزواج بها
وقد كان
انها قصة البت التي طارت ضفائرها جمالا وبهاء
|
Post: #31
Title: Re: ........I ...Love ...You .....Honey.....
Author: sudania2000
Date: 09-07-2007, 10:51 PM
Parent: #30
احمد الشايقي
الدهباية في المسلسل الاذاعي الجميل ردت علي حبيبها حين قال لها بحبك يا الدهباية
بغنج لذيذ : علا نحن بنقولها الريدة أأأأأأأحمد
الاقتباس كان من ذلك العرض الدرامي الشيق
كن بخير وخلي معنوياتك دوما عالية
وربنا يخلي ليك دهبايتك
|
Post: #32
Title: Re: ........I ...Love ...You .....Honey.....
Author: Alsa7afa_30
Date: 09-07-2007, 11:26 PM
Parent: #1
Quote: نسيت أقول ليك يا سودانية 2000 ...إني بعرف كمية من السودانيات المتزوجات من أجانب...
و بأجانب أعني...خواجات عديييييييييييييل كدا. |
خلو الخواجات ..
في زيارتي الماضية للسودان , بعد غياب 9 أعوام, عرفت عن طريق الصدفة خبر زواج سودانية من (هنــدي) .. استغربت جداً !!
قلت ليهم تفتكروا السبب شنو ؟؟
ردت احدى الأخوات : الأولاد بقو ما مسؤولين ,, البنات بقو يتزوجوا امريكان كمان !!
سألتها: كيف يعني؟
قالت : الواحد يعمل فيها حبيب و مكسر لكن ما بيتخذ خطوة جادة فيما يخص المستقبل (الزواج) ,, يعني مافي التزام.
و الكلام ده سمعتو من أكثر من بنت !!
.
.
.
يا ترى ما الأسباب ؟
تردد ؟
كثرة الإختيارات ؟
مضيعة وقت ؟
خفة البنات ؟
؟؟؟
؟؟
؟
بس ما تكون الحكومة السبب
تحية و سلام يا سودانية الفين ..
__________________________________
Quote: قالت له : اخبرتني صديقتي انها تحبك
فرد : ولكني أحبك انتي !!
عادت تقول : أعلم ذلك وانا ايضا احبك .. لكني ما ذنبها ان هي تحبك ايضا
فالامر ليس بيدها ..
رد متعجبا من البراءة و العفوية التي تصل السذاجة بنفاذ صبر : وما هو اقتراحك
ردت بحكمة و دلع : انا احب صديقتي واحبك فاذا تزوجت بصديقتي انعم بسعدها بك
رد بغيظ شديد : اتزوجها من اجلك فقط
ردت : اعلم انها اجمل مني لكني احبها اكثر منك
فضحك هازئا : اذن اخبريها بموافقتي ع الزواج بها |
معقــولة بس ؟؟
|
Post: #33
Title: Re: ........I ...Love ...You .....Honey.....
Author: فيصل نوبي
Date: 09-07-2007, 11:36 PM
Parent: #1
قالتها بصوت عالـــ
yeeeeeeeeeeeeeeees
LOOOOOOOOOOOOOOOOL
__
غايتو كان اديتيني الاذن يا سخيفة عشان اتساخف هنا بوديو ليكي الخور 
اها نشتت ؟؟
|
|