طبعا تقام اليوم فى تمام الساعة السابعة والنصف مساء
باستاد اهل القبيله الحمراء مباراة المريخ وكوارا النيجيرى فى بطولة الكونفدراليه
وماشاءالله المريخاب الفى البورد اليوم ساكتين لانهم متوقعين مفاجاءت من كوارا
ولكن حنقيف معاكم اليوم يامريخاب
ليس من اجلكم بل من اجل السودان

اين اساسى وراكوبة وزمرتهم اليوم

لسنا مبهورين مثلكم بهذه الادوار فهي بالنسبة لفريق الكاسات المحمولة مباريات عادية مضمونة في الجيب الخلفي
ولكن المشكلة انكم تتوقعوا كل الفرق لا بد ان تتهوس بالفرح الطفولي لوصولكم هذه المرحلة التي ما حلمتم بها في اجمل اضغاث احلامكم
المريخ عينه علي الكأس الان وهذه المباراة بالنسبة له كالتمرين
من بتين بنفرح ونتحدث عن تماريننا؟؟

يبنا سيرة القط قنب ينط
اسمعنى ياساسى كويس وفتح عينك كورة اليوم دا
عبارة عن مباراة حياة او موت للمريخ
هذة المباراة سوف تحدد مصيرك الا الكاس الذى لن تحلم اياديكم ان تطوله مهما كانت
انت فاكره الكاس بتاعت الدورات الرمضانية البتقام فى دبى دا

ايوااااه خليك في الكورة

تغيير برضو

فدوى الشريف
والتغير الى وزارة رئاسه مجلس الوزراء قريب جدا

دعك من المريخ العظيم وخليك في هلالك الكهل ذي السبع وسبعين عاما خالية من اي بطولة وانجاز سوي وهم الكلام والتمني اركز وشوف دق الكورة كيف

محمد عادل
ساكتين عشان ضامنييييين
عاوز كم قون في مباراة كوارا ؟؟
نسلفك كم قون تتخارج بيها من الترجي بكرة ؟؟

كان كنتو بتقدموا السبت كان لقيتونا يوم الأحد
قلت لي كاس دبي ؟؟
لالالا ياااخ ده كاس الكونفدرالية كان إسمو كاس ( مانديلا )
ده شالو المريخ زماااااااااان
وتااااني بشيلو

إنت مابتعرفو تشيلو كاس ؟؟
بتعرفو تشيلو حالنا بس بالسمعة السيئة ؟؟


عادل محبتي

انتو مبارك المهدى فكو و لا شنو ؟؟؟

.

كوارا - قمبور ؟؟

من متين شفت المريخاب بيهتموا بالمريخ ..
ديل ( بطولاتهم ) و ( أفراحهم ) لما يتعثر سيد البلد ..
كانوا بيقولوا الهلال حيكون ( ملطشة ) لأندية ( مجموعة الموت )
فإذا به ( أول ) فريق ( يضمن ) التأهل للمربع الذهبي
وياهم لسع عشمانين في الترجي التونسي ..
صراحة حالهم يحنن ..
لكن بيني وبينك يا محمد عادل
كدي تخيل نفسك .. ( وصيف دائم ) .. بعيد تماما عن المشاركة في بطولات ( الكبار )
أكيد حتكون مصاب بـ ( عقد نفسية ) كتيرة
ياهو الحاصل للمريخاب المساكين ..

ياخي ناس ( متزمت أبو القاسم ) هو ( صوتهم ) حيكون حالهم كيف ...

فعلا ملاحظة كبيرة
من الصبح اقلب نظرى فى البوست
فم وجدت هريخى واحد يكتب سطر

لان بصراحة كوارا دا بطيخة مقفولة لسع
حتى ارقام اللعيبة لدي جاهزهم مجهولة



كدى شوفهم بكرة او بعد مباراة الهلال الغير مهمة لنا
المهمة للهريخ لانها تضمن فرصتهم فى لعب الكبار
عموما قلوبنا معاهم
لكن حتى لو جابو الكاس ما مهم لهم ما دام الموج الازرق
نشر الفرح فى قلوب التعابة

لكن البشرى الجميلة قالو الليلة الart جايبة ليها محللين فيهم احمد حسن وكمان محلل اجنبى,,ونقلوها من القناة 2 الى القناة4 عارفه ليه يامحمد عادل,,قالو لان الدورة دى لاعب فيها سيد البلد كيف ما يجعلو لها اهميات,,,حتى الكاف نفسها اصدرت قرار بان الكنفدارلية مثلها مثل الابطال,,,,لكن لم تغير قرارها فى كيفية المنافسة,,لانا ليس فيها توانى هى اصلا دورة توانى او وصفاء كيف يكون فيها توانى,,,لكن ممكن الخارجون من الابطال الثالث والرابع ممكن يلعبو مع اول الكندرالية وثانبها,,,
حلوة دى مش,,,
ياود عادل الهريخاب ديل اذكياء شديد عارفين انها دورة حمام ميت
بذمتك سمعت بالفرق دى,,قطن شلف,,دولفين كوارا,,,ولسع
عموما قلوبنا معهم ما دام بجيبو كاس وبرصوه مع كاسات الدورة الواحدة

الحاشية
الهريخ انا قاصد بيه المريخ
لان فى ناس قالوا الهاء حقتهم قد سرقها من الهلال فى وقت القفلة

مالك يا اخوي سكته ما تجي توري رائك

نيازى
قالو ليك على مريخابى ماعندى راى