Post: #1
Title: طبل العز ضرب "بالـدف الابيض والازرق" ..
Author: waleedi399
Date: 09-01-2007, 10:59 AM
الاخوة الاعزاء ..
الاحباب ..
تحياتي واحترامي لكم جميعاً ..
اعود اليكم .. بعد غياب ليس بالقليل ..
اعود اليكم .. ونحن نحتفل ونحتفي بانتصارات الموج الازرق
اعود اليكم .. وفي معيتي شئ من الحب الهلالي وهذه الانتصارات الكروية والقارية المتتالية ...
اعود اليكم وهلال الملايين يدخل غداً معركة ضارية وشرسة، ومن الممكن ان نطلق عليها معركة الكرامة ورد الاعتبار للكرة السودانية، ضد فريق قوي وصعب المراس وهو فريق الترجي التونسي صاحب الارض والجماهير والذي فقد الامل هذه المرة في الوصول إلى نهائيات بطولة الاندية الافريقية، فاذا ما تحقق النصر والفوز المؤازر لاشاوس الموج الهلالي الازرق لتعزيز انتصاره السابق على قرينه الاهلي المصري خاصة فان الهلال بهذا الفوز يكون قد خطى خطوة كبيرة نحو الفوز بالبطولة واستعادة امجاده الافريقية ومواقفه الصلبة مع فرق الشمال والغرب الافريقي خاصة.
فالهلال بدأ مشواره الافريقي قوياً هذه المرة دون سابقاتها بفوزهم المشهود على الزمالك وكان الفوز الذي مهد لهم الطريق للصعود لملاعبة الثمانية الكبار... بقيادة مدربه البرازيلي فرانكو واعضاء فرقته الماسية بقيادة الفنان هيثم مصطفى والقناص كلاتشي والمقاتلين داريو كان وقودين وبقية القعد الهلالي الفريد.
قلوبنا معاكم يا ابطال افريقيا القادمين نحن نتظر الغد بفارق الصير ونتحرق شوقاً لهذا النصر ونحتاجه في هذه اللحظات فلا تخزلونا ولا تحرجونا مع من يتربصون بالهلال واهله، فاليوم يومكم والنصر حليفكم باذن الله، والملايين تنتظركم بشغف شديد لتزيدوا الفرح في قلوبهم .. اذن سوف نكون في انتظاركم غداً ،، موعودن بالنصر والله ولي التوفيق..
ولي عودة اهلتي .. غداً انشاء الله
وان غداً ناظره لقريب ..
ابو ايمان
|
Post: #2
Title: Re: طبل العز ضرب "بالـدف الابيض والازرق" ..
Author: waleedi399
Date: 09-01-2007, 04:11 PM
Parent: #1
.JPG) بدأ العد التنازلي للافراح الهلالية..
|
Post: #3
Title: Re: طبل العز ضرب "بالـدف الابيض والازرق" ..
Author: عمران حسن صالح
Date: 09-01-2007, 04:47 PM
Parent: #2
شيل الحاجات الحمراء الفوق إيمان دي بعدين تعال قول أزرق وبطيخ
نحن بعد دا بقينا متطرفين جداً في حكاية الألوان دي
|
Post: #9
Title: Re: طبل العز ضرب "بالـدف الابيض والازرق" ..
Author: waleedi399
Date: 09-02-2007, 04:07 PM
Parent: #3
Quote: شيل الحاجات الحمراء الفوق إيمان دي بعدين تعال قول أزرق وبطيخ
نحن بعد دا بقينا متطرفين جداً في حكاية الألوان دي |
ولك كل الحق فيما تقول يا عمران ...
فالازرق لابد ان يطغي على جميع الالون ..
والابيض لون النصر والفرح .. والفرح اليوم في كل شفاه ..
وفي كل بيت سوداني .. يتربع على عرشه الاهلة ..
|
Post: #4
Title: Re: طبل العز ضرب "بالـدف الابيض والازرق" ..
Author: hatim ibrahim
Date: 09-01-2007, 05:44 PM
Parent: #1
| Quote: اعود اليكم .. وفي معيتي شئ من الحب الهلالي وهذه الانتصارات الكروية والقارية المتتالية ... |
مرحبا بعودتك
|
Post: #5
Title: Re: طبل العز ضرب "بالـدف الابيض والازرق" ..
Author: soma
Date: 09-01-2007, 06:32 PM
Parent: #4
حباب ابو ايمان
وليد الحنين حبابك يادخرى السمحين
بركة الجيت راجع ومعاك كل الفرح الهلالى
ربى ينصرنا بكره ونفرح فرحةكبيرة..
اكبر من فرحة فوزنا على بنى فرعون
تسلم يا وليد وشكرا على البوست الدسم ومفرح
متاوقة ***
(Quote: شيل الحاجات الحمراء الفوق إيمان دي
بعدين تعال قول أزرق وبطيخ
نحن بعد دا بقينا متطرفين جداً في حكاية الألوان دي |
)
الاخ عمران جد ضحكتنى من الاعماق
قدر ده يا عمران يا خوى
|
Post: #6
Title: Re: طبل العز ضرب "بالـدف الابيض والازرق" ..
Author: عمران حسن صالح
Date: 09-02-2007, 08:47 AM
Parent: #5
Quote: اعود اليكم .. بعد غياب ليس بالقليل ..
|
أبو إيمان
يا خوي إنت ( إتخارجت تاني ) ؟؟؟
بوستيك ده مشى سقط لقط !!!! أها دي فوق بالهندي لامن ترجع 
......
العزيزة سوما ...
Quote: الاخ عمران جد ضحكتنى من الاعماق
قدر ده يا عمران يا خوى |
أها إنت كمان (كوم) زعلك براهو
يعني أنا 3 سنين الرياض دي ما فارقت دوامة (الدوام) فيها ..!!
اليوم الربنا يرزقني عشرة أيام بعيد منها تجي
هنا تسوي حاجاتك العجيبة دي
وما نكون حاضرين .. وتأكلينا (نيم) أنا وام محمد ؟؟؟؟!!!!!!!
وطبعاً كوم اللوم كبيتو فوق تمبس ومعتصم ...
إلا إنت ما أديتي خبر بدري
|
Post: #7
Title: Re: طبل العز ضرب "بالـدف الابيض والازرق" ..
Author: ABDELMAGID ABDELMAGID
Date: 09-02-2007, 09:00 AM
Parent: #6
مرحبتين ...
حبابك ...
|
Post: #11
Title: Re: طبل العز ضرب "بالـدف الابيض والازرق" ..
Author: waleedi399
Date: 09-02-2007, 04:17 PM
Parent: #4
ومرحباً بك اخي حاتم ..
ومرحباً بمداخلتك التي تزين المكان ..
والنصر للهلال اليوم انشاء الله ..
دعواتك معنا لهلال الملايين
مع خالص تحياتي واحتراماتي لك ..
|
Post: #8
Title: Re: طبل العز ضرب "بالـدف الابيض والازرق" ..
Author: abas
Date: 09-02-2007, 10:45 AM
Parent: #1
ود العمدة
حباب الغاب وجاب
مرحب بيك يا بطل
وايمان مشاء الله عليها ربنا يحفظها ليك
|
Post: #10
Title: Re: طبل العز ضرب "بالـدف الابيض والازرق" ..
Author: اساسي
Date: 09-02-2007, 04:11 PM
Parent: #8
النصر حليف الاحمر الوهاج باذن الله مساء اليوم
|
Post: #12
Title: Re: طبل العز ضرب "بالـدف الابيض والازرق" ..
Author: waleedi399
Date: 09-02-2007, 04:25 PM
Parent: #10
دقيقة يا جماعة .. بعد اذنكم ارد !!Quote: النصر حليف الاحمر الوهاج باذن الله مساء اليوم
|
ولا اقول ليك ما ح ارد عليك هسع ..
كلامي معاك في الميدان ..
قال احمر قال؟؟  
|
Post: #13
Title: Re: طبل العز ضرب "بالـدف الابيض والازرق" ..
Author: محمد عبدالرحمن
Date: 09-02-2007, 04:33 PM
Parent: #12
Quote: يا خوي إنت ( إتخارجت تاني ) ؟؟؟
بوستيك ده مشى سقط لقط !!!! أها دي فوق بالهندي لامن ترجع
...... |
ياعمران ..الزول دا ياهو (حنكو) اشتغل ليك انا جيت
انا جيت وبعد شوية الناس تفتش للبرد عليها ماتلقاهو
دعواتنا لهلال الملايين فى معركةاليوم وحتما النصر
سيكون من نصيب الزرق الاشاوس ..
غايتو سلام ياابوايمان ..يارديت علينا يامشى الارشيف
بدون رد ..
|
Post: #14
Title: Re: طبل العز ضرب "بالـدف الابيض والازرق" ..
Author: waleedi399
Date: 09-02-2007, 04:38 PM
Parent: #13
Quote: غايتو سلام ياابوايمان ..يارديت علينا يامشى الارشيف
بدون رد .. |
مافاضي ليك هسع ..
بقفل في الدكانة بتاعي ..
ماشي احصل الكورة ..
برد عليك بكرة او بعدو
او 
ولا اقول ليك مبروك عليك مقدماً
امشي هناك تلقاني سبقتك ..
خليتك بعافية
|
Post: #15
Title: Re: طبل العز ضرب "بالـدف الابيض والازرق" ..
Author: soma
Date: 09-02-2007, 07:53 PM
Parent: #14
Quote: أها إنت كمان (كوم) زعلك براهو
يعني أنا 3 سنين الرياض دي ما فارقت دوامة (الدوام) فيها ..!!
اليوم الربنا يرزقني عشرة أيام بعيد منها تجي
هنا تسوي حاجاتك العجيبة دي
وما نكون حاضرين .. وتأكلينا (نيم) أنا وام محمد ؟؟؟؟!!!!!!!
وطبعاً كوم اللوم كبيتو فوق تمبس ومعتصم ...
إلا إنت ما أديتي خبر بدري |
اخوى عمران ويا ام محمد ومحمد زاتوحبابكم يا اهلى
حقكم على انا والله مع انه الزيارة ما كانت
مجهز ليها عشان ادى الناس خبر من بدرى والله
كيفن تقول لى تاكلوا نيم ؟؟
تبروا من اكل النيم يا يابا انتو
ان شاء الله تاكلوا السمح والحلو
اما تمبس ومعتصم ديل بخلص ليك حقك منهم كان الله هون
لومك على ياابو محمد لو الزمن جابنى الا اتصل بيكم بى نفسى
ولا اقول ليك الا اجيكم بالباب واقول ليكم هى يا ناس البيت
دايرة لى كباية شاى ولا فنجان قهوة
تحياتى لك ولام محمد وتحايا خاصة لمحمدربنا يخليه ليكم
ويخليكم كلكم لبعض يا رب
|
|
