Post: #2
Title: Re: الميدان التي تمت مصادرتها، والسابقات: أونلايـــن!
Author: elsawi
Date: 08-31-2007, 06:11 AM
Parent: #1
عدلان تحياتي لك
البسرق مليون بقطعوا يده .. و البسرق مليار برضو بقطعوا يده ..
البشرب كاس بجلدوه اربعين جلدة .. و البشرب بار كامل ياها الأربعين جلدة ..
تعرف يا صديقي ناس الحكومة ديل الليلة يصادروا عدد الميدان الأسبوعي و نحن نقول الحكومة خرقت الدستور الكتبته بي يدها .. و بكره حا يوقفوا الميدان تماماً و يصادروا دار الحزب و يرجعونا للمعتقلات تاني و صدقني برضو ما حا نزيد في انه الحكومة خرقت الدستور الكتبته بي يدها ..
لكن المشكلة في انه اذا تم إعتقال الثلاثة نواب الفي البرلمان نسوي شنو؟؟؟
تفتكر حكومة بتقدر تذل النواب الشيوعيين البطلعوا في المظاهرات و تدقهم بالعصي، بيغلبها تعتقلهم؟
برضو نظل قاعدين في البرلمان بالرغم من إنه نوابنا البرلمانيين في السجن؟ يعني نتسمى بيهو ساكت؟؟
ما البخرق الدستور الليلة اكيد حا يخرقة بكرة .. و الما بحترم الدستور الليلة اكيد ما حا يحترمة بكرة؟ ولا شنو؟
الصاوي
|
Post: #3
Title: Re: الميدان التي تمت مصادرتها، والسابقات: أونلايـــن!
Author: خالد العبيد
Date: 08-31-2007, 09:22 AM
Parent: #1
الميدان لن تصادر
ستظل تنبض بالحقيقة
|
Post: #4
Title: Re: الميدان التي تمت مصادرتها، والسابقات: أونلايـــن!
Author: Abdelmoniem ALHAJ
Date: 08-31-2007, 11:03 AM
Parent: #3
العزيز خالد عبيد
الميدان إتصادرت
مسألة إنو الميدان نبضنا ونبض الشارع دي مقرّين بيها.
مسألة إنو الأمن ما بخوفنا دي ما في زول بنكرها.
بس....
التفكير الإيجابي تجاه الخروقات القعد تحصل دي شنو؟؟
عشان الحكومة ما تقول شي وتسوي شي تاني..
الموقف الواضح مهم؟؟
لآنو مسألة الشجب والإدانة دي بس هي الخلت الحكومة قاعدة لينا فوق راسنا السنين دي كلها..
شجبنا بما فيه الكفاية حتي لم يبق في جسد الحكومة موضع إلا وفيه ثمة شجب..
والله شجبنا وإداناتنا البلخشم دي ياها الباقيالة ماروق.
تحياتي
منعم حسن
|
|