Post: #1
Title: ! حصل يا ود هبانى..الرئيس البشير فى نص الديسكو!!!!!!!!!!!!!!!!
Author: مهيرة
Date: 08-30-2007, 07:30 PM
الاعزاء اون لاين
حصلوا القناة السودانية تعرض حفل مباشر
تشارك فيه فرق هندية راقصة والديسكو شغال تششششششششششششش
والبشير آخر استمتاع و24 قيراط انبساط
ولا عزاء لمحمد أحمد الغلبان فى وطنه السودان؟!!!!!!!!!!!!!
تحياتى
|
Post: #2
Title: Re: ! حصل يا ود هبانى..الرئيس البشير فى نص الديسكو!!!!!!!!!!!!!!!!
Author: مهيرة
Date: 08-30-2007, 08:33 PM
Parent: #1
الحفلة كاربة لسة
وراقصى الفرقة الماليزية بعرفوا يكشفوا كمان...ولا يكونوا علموهم الكشف ناس عوض الجاز عشان
يهاودوهم فى حساب البترول!!!!
بالمناسبة:
المنصة برميل بترول ...........
والماعاجبة يشرب من البحر!!!!!!!
تحياتى
|
Post: #3
Title: Re: ! حصل يا ود هبانى..الرئيس البشير فى نص الديسكو!!!!!!!!!!!!!!!!
Author: هشام هباني
Date: 08-30-2007, 08:53 PM
Parent: #2
العزيزة دكتورة مهيرة
والله لو لحقتينا الحفلة من وصلة عندك تكوني اخذتي فينا الاجر
عشان انا تلفزيوني سجمان اليومين ديل!
لكن رئيسنا اول رئيس في الدنيا( كشف) حالو وحلف بالطلاق قال القوات ام طواقي زرق ما بخشوا بلدنا...اها علي الحلال جايين 23 الف لابسنها طواقي ازرق سماوي ومشنقنها كمان!
|
Post: #4
Title: Re: ! حصل يا ود هبانى..الرئيس البشير فى نص الديسكو!!!!!!!!!!!!!!!!
Author: مهيرة
Date: 08-30-2007, 09:42 PM
Parent: #3
العزيز ود الشيخ
ياخسارة الحفلة انتهت قبل شوية..... والبشير طلع بعد أن استلم هدية الجاز ووليداته وكتح ترابة
للدراويش....الدراويش هم ناس سمية حسن والجيلانى الواثق وحنان بدر الدين والدكتور عبد القادر
سالم وغيرهم من هتيفة الانقاذ....الريس ما كلف نفسه حتى بمجاملتهم بالاستماع لهتافهم الغنائى
البائس( سودانا فوق).....بس يستاهلوا...الريس يظهر مشى يكمل الديسكوالأوفرنايت مع الفنانين
الصينيين والهنود
والماليزيين....بلا فنانين سودانيين بلا لمة..
قال د. عبد القادر سالم قال......يطرب فى الرئيس وأهله فى كردفان غرقانين بالسيول.
ما بقدر ألحقك الحفلة لكن ان شاء الله الوليدات البعرفوا للتكنولوجيا دى يلحقونا...دة طبعا لو
تلفزيون السودان سجلها وعنده موقع شغال زى الناس المتحضرة.
خسارة يا سودان............
خسارة ياسودان............
خسارة ياسودان............
|
Post: #5
Title: Re: ! حصل يا ود هبانى..الرئيس البشير فى نص الديسكو!!!!!!!!!!!!!!!!
Author: مهيرة
Date: 08-30-2007, 10:45 PM
Parent: #4
بس دايرة أذكركم :
الحفلة كانت بمناسبة اليوم الختامى للاحتفال بالعيد الثامن لاستخراج البترول السودانى
بس للأسف جا العيد التامن فى ظروف حرجة ...فيضانات وسيول..وموت غرق لأهل السودان...
لدرجة تعطف دول العالم بارسال المعونات والهبات لانقاذهم، دة طبعا غير انعدام الأمن
والمناوشات المستمرة....والغلاء الفاحش الذى يطحن غالبية أهل السودان.
الحفلة طبعا عاملاها وزارة الطاقة والبترول ..عشان كدة الريس كان معزوم وبس .... لكن كان غرقان فى
الانبساط ، بس دة ماذنبه دة كله من فنان الديسكو الهندى!!!!!!!!!!!!!!!!
بلا سيول بلا دوشة...عالم هم!!!!!
خلو الريس ينبسط
|
Post: #6
Title: Re: ! حصل يا ود هبانى..الرئيس البشير فى نص الديسكو!!!!!!!!!!!!!!!!
Author: هشام هباني
Date: 08-31-2007, 01:40 AM
Parent: #5
ليهم حق الريس وجماعتو يا دكتورة مهيرة افنجطوا فرحانين بعيد النفط..ما النفط حقهن وماشي علي طوووول لي جيوبن بس المحيرني الفنانين المساكين ديل المغنين ليها شنو..ما دام مافي عصر بالدولار ومافي حوافز الا اللهم غنا ساكت هي لله..!! والشي المعروف عصروا للفرق الاجنبية بالدولار واخر سكن فنادق خمسة نجوم وزيارات ترفيهية وقالوا الويسكي الجد الجد الما مضروب راقد هبطرش في الفلل الرئاسية والليالي المخملية واحب الوطن والفول والطعمية!!
|
Post: #7
Title: Re: ! حصل يا ود هبانى..الرئيس البشير فى نص الديسكو!!!!!!!!!!!!!!!!
Author: مهيرة
Date: 08-31-2007, 10:27 AM
Parent: #6
| Quote: لكن رئيسنا اول رئيس في الدنيا( كشف) حالو وحلف بالطلاق قال القوات ام طواقي زرق ما بخشوا بلدنا...اها علي الحلال جايين 23 الف لابسنها طواقي ازرق سماوي ومشنقنها كمان! |
الريس الموهط فى الديسكو الليل أمس دة، ( كشف الحال) ولا على باله،مبسوط وباله مرتاح طالما كشف البترودولار طالع، وكان على الحرمتين بفك حبالن بعد ماشاف الراقصات الماخمج اشى ماليزي واشى صينى واشى هندى والغناية نرويجية
قال السيدة الفضلى قال!!!!!!!!!!!!!!!!!!!!!!!!!!!!!!
( البرميل فات ال73 دولار يا دراويش السودان!!!!!!!
تحياتى
|
Post: #8
Title: Re: ! حصل يا ود هبانى..الرئيس البشير فى نص الديسكو!!!!!!!!!!!!!!!!
Author: Halema2
Date: 08-31-2007, 02:25 PM
Parent: #1
الله يامهيره اختى انا ما شفت الحفله مبالغه ""ريسنا زينا وحالف ما يدلينا""
ويا اخ هشام
انا برضو بحب الوطن والفول والطعميه
تحياتى
حليمه
|
Post: #9
Title: Re: ! حصل يا ود هبانى..الرئيس البشير فى نص الديسكو!!!!!!!!!!!!!!!!
Author: مهيرة
Date: 08-31-2007, 03:19 PM
Parent: #8
| Quote: الله يامهيره اختى انا ما شفت الحفله مبالغه ""ريسنا زينا وحالف ما يدلينا"" |
تتعلى ما تدلى بركة اللانام ولا اكل الطعام ياحليمة اختى
الحفلة مبالغة ساكت!!!!!!!!
دى فايتة المبالغة بغادى
الا ريسنا بودى وشه وين من السفراء الحارسين طيارات بلدهم الجايبة الاغاثات لناس بلده المغرقاهم
المطرة والسيول.........ولا أقول ليك دة الريس وما لازم نزعجه بخمج الطين والمطر كفاية عليه خمج
الجاز فى البترول، حريقة تحرق حكومة الاجرام كلها وتعدمهم نفاخ النار بركة دعاء المظلومين
تحياتى
|
|