Post: #1
Title: هنالك 1 رسالة خاصة(ماسنجر) لك
Author: Ahmed musa
Date: 08-29-2007, 08:19 PM
Parent: #0
والله ياشباب وياشابات ماعارف ليه أنا بحب المسنجر جداً
ولمن أدخل المنبر ويقول لي
| Quote: هنالك 1 رسالة خاصة(ماسنجر) لك |
ما تتخيلوا بكون فرحان قدر كيف {زي التقول شنوا كدة ماعارف !!!}
ومن شِدّة حُبي للمسنجرات بتمني مداخلاتكم هنا تكون مسنجرات بس
أهو فيكم بورداب مُتخصين في علم النفس أو الكمبيوتر يوروني أصل وفصل الحالة المسنجريةدي شنوا؟!!!
خدر {خدرممنوع الدخول} خليك في قصة ندي القلعة مع تماضر
اليسار , اليمين ده بوست مسنجري بس
محمد عادل {أوعك من قصة إعتقال السيد الحبيب مبارك هنا }
اهه ياشباب بسم الله قولوا
|
Post: #2
Title: Re: هنالك 1 رسالة خاصة(ماسنجر) لك
Author: Abubaker Ahmed
Date: 08-29-2007, 08:28 PM
Parent: #1
Quote: أهو فيكم بورداب مُتخصين في علم النفس أو الكمبيوتر يوروني أصل وفصل الحالة المسنجريةدي شنوا؟!!!
|
التفسير انك راجل حبوب 
|
Post: #3
Title: Re: هنالك 1 رسالة خاصة(ماسنجر) لك
Author: غادة عبدالعزيز خالد
Date: 08-29-2007, 08:56 PM
Parent: #2
بتحب الكلام المغتغت وفاضي
كل التحية يا أحمد
غادة
|
Post: #4
Title: Re: هنالك 1 رسالة خاصة(ماسنجر) لك
Author: محمد نور أحمد
Date: 08-29-2007, 09:30 PM
Parent: #3
شايف سيد الحوش قبل كده هدد بإيقاف خاصية الماسنجر من المنبر العام لو استمر الأعضاء في إهلاك الباندويث في المواضيع الما جايبا حقها..
وده طبعا مهدد كبير جدا لأمنك القومي الفرايحي كالما الموضوع مريحك كده.
لكن ما دام الموضوع بيبسطك كدي .. ليك علي كلما تدخل المنبر العالم حتلقى عبارة "هنالك 1 رسالة خاصة(ماسنجر)لك ..
الا يعترض سبيلها بكري ويوقفها ما تصل ليك .. ودي ما مسئوليتي.
وهسع دي راجع الماسنجر .. أها شن قولك.؟
|
Post: #5
Title: Re: هنالك 1 رسالة خاصة(ماسنجر) لك
Author: Ahmed musa
Date: 08-29-2007, 09:44 PM
Parent: #1
| Quote: شايف سيد الحوش قبل كده هدد بإيقاف خاصية الماسنجر من المنبر العام |
{إنا لله وإنا إليه راجعون}
ليه كده يا محمد نور ؟!!!
معقول وانا فرحان بالخاصية المسنجرية دي تنقل لي خبر شوم زي ده
والله لوسيد الحوش عمل كدة يبقى ظُلامي عديييييييييل كده والتجي تجي
وإحتياطياً كده يا أبوحميد أعمل لأخوك (سيرفي) كدة بالمنابر الفيها مسنجر
يعني نظام {مسنجر ظل} وكده {شكلك مُقرم منابر و نت}
قرضابي
صدقني عندك عندي دعم لا متناهي في ثلاث بوستات قادمات مهما كان الموضوع {بخلاف الحركة الشعبية وقضية الشرق والهلال} إنسان أصيل بحق وحقيقي *
غادة
والله جايز أوأكون بحب الكلام الملان ومُسنجّرْ
أبوبكر
كلامك دايماً ببقي لي حمّال أوجه عموماً مرحلياً تُشكر ولو في تفسير أرح على المسنجر
{أستعينوا على قضاء حوائجكم بالكتمان} والمسنجر درجة من درجات الكتمان
ــــــــــــــــ
* أكيد حُرفاء المسنجر عرفوا ليه أنا رديت لقرضابي وهوما عمل مداخلة{ كلاسيك }يعني عينك عينك
|
Post: #6
Title: Re: هنالك 1 رسالة خاصة(ماسنجر) لك
Author: Ahmed musa
Date: 08-29-2007, 09:55 PM
Parent: #1
Dr.Elsadig Abdalla
تسلم يا دكتور ولك ما لقرضابي بإستثناءاته الثلاث
|
Post: #7
Title: Re: هنالك 1 رسالة خاصة(ماسنجر) لك
Author: Ahmed musa
Date: 08-29-2007, 10:14 PM
Parent: #1
Abubaker Ahmed
شُكراً مسنجرياً خالصاً
لكن تعرف يا صديق أنا مُشكلتي إني {بجاوي} وبجاوي دي طبعاً شرف مؤكد لكن برضه{مُشكلة}
وبرغم إني من مواليد الخرطوم لكن أبت العربية إلا ان تكشر لي أنيابها مادة لساناً عربياً فصيحاً لي ولميلادي الخرطومي وبعد زي قُومة نفس حِفظتها آكليشيهياً وقبل أن {أتشهود} مشيت الثانوي العام و{هوب} لغة تانية قيل حينها أنها الإنجليزية أم إسبيلنق {لا حول الله} صبجك واك , صبجك واك , صبجك واك جلد تسبب مستقبلاً في بدايات الإعلان العالمي لحقوق الإنسان والثورة الفرنسية وأخوك من جبنه لو الأستاذ سالوا من كلمة يجاوب {فُريرة} وإحتياطياً {أسبلّْ ليهو القبلها والبعدها} عشان كدة اعذر أخوك وكدة
|
Post: #8
Title: Re: هنالك 1 رسالة خاصة(ماسنجر) لك
Author: Ahmed musa
Date: 08-30-2007, 01:25 PM
Parent: #1
ياخبراءالبورد وكُتّابه المعتبرين {إتحدوا} لاجل مُساعدة أخوكم {المُفوبا}* مسنجرياً
ـــــــــــ
مُفوبا: من فوبيا*
فوبيا : حالة إدمانية ما {تعريف غير علمي خاص بي}
|
|