يمكنك مشاهدة الخيمة المنصوبة فى مقابر أحمد شرفى لنبش قبر شخص مقتول هنا

مشاهدات من السودان (نبش جثمان لشخص مقتول فى مقابر أحمد شرفى)

دي قلبت فيها الهوبه

تعرف يا محمد فرح ، الحكاية الما حكيتها ، أنو كان معانا كاميرتين ديقتال ، كاميرتى التى صورت بها هذه الصورة ، وهى صغيرة الحجم وكاميرة العريس ، وكانت كاميرة العريس بحوزة إبن اخى المدعو الجراح أبوعبيدة ، وكنا نصور فى العرسان وهم واقفون أمام قبر الوالد ، كما صورنا الخيمة ، وبعد شوية جانا الراجل اللابس أخضر وطلب مننا الإنصراف حتى لا نتأذى بالرائحة ، ثم لاحظ رجال الأمن مسألة التصوير ويجونا ليك طايرين ، واحد لابس مدنى ومعاهو عسكرى ، أنا دسيت الكاميرا بتاعتى طوالى (خوف اللواقة) ، والجراح لم ينتبه ، فإذا بالرجل اللابس المدنى يطلب من العسكرى مصادرة كاميرا العريس ، وبالفعل قام العسكرى بأخذ الكاميرا

وتعال شوف ....

هاك يا تحانيس ، ويا ابن العم ، وياخينا ، وياجنابو ، وياسعادتك الجماعة عرسان ، ونحن ما عندنا شغلة بيكم ، وتحانيس فى تحانيس ، لحدى ما جنابو زاتو آمن ، وقام رجع لينا الكاميرا ، والليلة فى أثناء البحبحتة فى الصور حقتى إذا بى أجد هه الصورة ، عشان كده قلت ما أحرمكم منها

تحياتى

يا زول

سلامات وتحياتى وتبريكاتى

الاخ صاحب الجلباب الاخضر اظنه عابدين درمه

Quote: والليلة فى أثناء البحبحتة فى الصور حقتى إذا بى أجد هه الصورة ، عشان كده قلت ما أحرمكم منها

والله ماقصرت تب
تسلم إيدك
ياريتكم لو كنتو صورتو عابدين خضر
الزول ده أنا كايس ليهو صوره من زمان عشان أختها في الألبوم بتاع مشاهير أمدرمان
طبعاً قدر ماأمشي المقابر الواطه بتكون بالليل
وأكون سغيل جداً لوقمت لفتّ الراجل وهو في نص عملية الدفن وقلت ليهو إبتسم عشان أنا داير أصورك

مؤونة عامين من الود

محمد حامد جمعة

نعم أظنه هو
،

وبا محمد فرح هاك صورة الزول الجميل الذى دفن آلاف الموتى

الله يجزيه عنا وعنهم خير الجزاء:

والله عاجز عن الشكر
حقيقي أهديتني صوره قيمه جداً

الشخص في الصوره ليس عابدين درمه
لكن واضح الشبه الكبير بينه وبين عابدين درمه حتى أسلوب رفع اليد عند الفاتحه والمباعده بين اليدين لذا أتوقع أن يكون والده أو أخيه الأكبر .



لاأستطيع أن أجازيك إلا بالدعاء لك ولأهلك ولكل من تحب بدوام الصحه والعافيه وراحة البال

مؤونة عشرة أعوام من الود

الاخوة المتداخلون
سلام
و مبروك لي تبارك و انشاء الله بيت مال و عيال

الشخص الظاهر في الصورة هو فؤاد بتي وهو من سكان وأعلام حي أبي روف
ربنا يجزيه عنا كل خير

وشكرا

عاطف حسن

شكرا أخويا عاطف على تصحيح المعلومة |، ويا محمد فرح الله يديم المعروف بين الناس

تحياتى للجميع