كرت أحمر لمنظمة (كير) الأمريكيه (صورة خطاب الطرد)

اطردوا كويس لمن تنطردوا من البلد يا كيزان ..

Quote: اطردوا كويس لمن تنطردوا من البلد يا كيزان ..

أخ مجاهد
شوف ياظريف
أي أجنبي يعمل ليهو قرون ويقعد يفرفر ويتصرف في السودان كأنو البلد دي إقطاعيه من أملاك دولته طوالي ينطرد وبدون أي نقاش ..
بول باركر ده زاتو طرد قبل كده من دولة أثيوبيا بسبب شلاقته البسوي فيها دي
يمنع تماماً على المنظمات التدخل في شؤوننا الـ(خاصه) وأكرر الخاصه والسودانيين أولى بإدارة هذه البلاد ولايحتاجون لوصايه من أي كان ..

Quote: والسودانيين أولى بإدارة هذه البلاد ولايحتاجون لوصايه من أي كان ..

,

كلام تمام ....مؤنة عامين يامحمد فرح

Quote: اطردوا كويس لمن تنطردوا من البلد يا كيزان ..

الأخ.مجاهد,
هم حتى لو كيزان دى بلدهم ولاتستطيع اى قوة على وجه الارض إخراجهم من هنا ....فدا كلام غلط السودان ملك السودانيين وبس...

الحبيب حسن الجيلي
ألف تحيه يارائع
الراجل ده بالتحديد مفتكر البلد دي حقتو لذا وجب طرده شر طرده ...
المنظمه ستمارس عملها بشكل طبيعي...


مؤونة عشرة أعوام من الود

Quote: السودان ملك السودانيين

حسن ود الجيلي سلام غشاك ولقاك يامحترم..

الكلام ده كويس ومعاك انا فيهو لكن ياخوي انت في البيت كان رفعت على ناس البيت السكين وقتلت ابوك ولا أخوك ولا امك ياخي قول اختك تاني عندك معاهم معيشة ؟؟؟؟؟؟
اها إجابتك للسؤال ده هي البتحدد انو الناس الحاكمين السودان ديل سودانيين ..وبعدين ياخوي المنظمات دي جــات السودان ساكت ؟؟ ولا بسبب ولو ماعندها سبب وبتجي ســاكت ماتمش السعودية ولا البحرين ولا ياخي قول قطر ولا دي دول ما منكوبة بس يجو السودان الفيهو بترول وما عندو أي مشكلة !!! يأخوي المنظمات دي جات لأسباب غير طبيعية وانت عارفا وانا عارفا والله ذاتو عارفة فما نتاجر بالعاطفة ونقول والله الناس يستحقو الطرد لانهم تدخلوا في الشئون الداخلية ومسوا السيادة الأصلها راحت يوم راحت الأقسام المغلظة عكس الهواء والبتعمل فيهو الحكومة ده اسمو هرش في الفاضي وكان أصلوا الشغلانية عنتريات يأخي السودان فيهو جنود غير سودانيين تقدر تسمي الكلام ده شنو ؟؟؟وبعدين لو حادب فعلاً لمصلحة السودان والسودانيين ما ممكن توافق اصلاً على طرد منظمات ما جات إلأ لكساء المشردين بسسب الحرب المؤججة النظام ،وماجات إلأ لغذاء الناس الإتشردت من بيوته دون أي جرم جنوه ،..
عشان كدا الحكومة دي لازم تغور وتتحاسب على السكين الرفعته على أهل السودان ولو ما مكوي انت منها في الكتيرين الإتسلخ جلدهم بسببا ..

لك الود ..

العزيز.مجاهد ,

ليس حبا فى الحكومة ولكن كلمة حق قلناها....
الفهمتو إنو الزول طردوهو ما المنظمة ,المنظمة باقية لخدمة الغلابة

شكرا ياملك

Quote: ولايحتاجون لوصايه من أي كان

اذن مالحاجة لمنظمات اغاثة اذن! البلد عمليا تحت الوصاية الدولية

Quote: اذن مالحاجة لمنظمات اغاثة اذن! البلد عمليا تحت الوصاية الدولية

المنظمات دي بتقدم خدمات وبس ياواصل ولادخل لها بشئوننا

Quote: أي أجنبي يعمل ليهو قرون ويقعد يفرفر

ياتو قرون يا ودفرح حدد اول حاجة زي القسم المهبب ولا التدخل الأجنبي؟؟؟

Quote: يمنع تماماً

محمد ودفرح سلام غشاك وإنشاءالله يلقاك ,,

يمنع منعاً باتاً او بتاتاً دي كلمة بتم إستخدامه لأغراض الأمن العالية (High Maximum Security) وتعني في السياق الأنت أوردته كانو الحكومة دي والإنت بتتكلم بإسمها عنده قرار في يدها !!!! وهنا تعجب غريييييييب ...
يأخوي الحكومة يومه الرضت بالتدخل الدولى كان عندها إسهال سياسي ومضغوطة لمن وافقت من دون شروط يعني لا مقدم عقد لا مؤخر صداق فعشان كده الكلمة الإنت إستخدمتها بتاعت تماماً والمتأكد انك تعني بيها بتاتاً تبلها وتشرب مويته وكذلك الحكومة لأنو السودان يعامل اليوم كالشخص الموبؤ لاقرار له ولا سيادة وده القدرت الإنقاذ إنو توصل ليهو السودان بعد 18 سنة عذاب وآلم ..

أصحى يابريش التقول ماقاعد وشايف حال البلد ..

Quote: يمنع منعاً باتاً او بتاتاً دي كلمة بتم إستخدامه لأغراض الأمن العالية (High Maximum Security) وتعني في السياق الأنت أوردته كانو الحكومة دي والإنت بتتكلم بإسمها عنده قرار في يدها !!!! وهنا تعجب غريييييييب ...

أخونا مجاهد
سلام كتييير يجدك بألف خير
برغم كل الضغوط الداخليه والخارجيه التي مورست لتركيع السودان إلا أن الحكومه السودانيه أثبتت صلابتها وقوتها في التعايش مع الضغوط الأجنبيه ..
بل الآن الحكومه السودانيه تعتبر تاني دوله (بعد إسرائيل) تستطيع التلاعب مع قرارات الأمم المتحده ومجلس الأمن وتفكيكها وإبطال مفعولها والحفاظ على كيان وهيبة البلاد ..
البعض يسمي التجاوب مع الضغوط الخارجيه (إنبطاح) وأنا أدخله فيما يعرف بـ(سياسة التعايش مع الضغوط) والتي أثبتت الخارجيه فيها جداره مبالغه ...
ياأخي نحن محاطين بقوى رهيبه جداً تضغط بكل الإتجاهات ويساعدها بغباء وبدون خجل بعض الأذرع الداخليه التي لاتعرف أن التاريخ سيسجل كل مواقفهم هذه إلى يوم القيامه .. ورغم كل ذلك مازال رأس السودان عالياً وآخر قرار صدر كان يريد أن يضع السودان في خانة المتفرج فقط في مسألة القوات الدوليه ورفض السودان هذا رفضاً قاطعاً والآن الحكومه شريك أساسي في عملية حفظ السلام بدارفور ..
فكيف تقول أننا لانملك كلمة على أراضينا !!!!!
ماتذكره ياأخي لايقبله عقل ولامنطق فهانحن نطرد من نشاء ونبقى من نشاء ..

مؤونة عام من الود

والله يا محمد فرح الحكومة دي حقارة خلاص

الناس ديل رسلو ليها خطاب يوم 27 يونيو

ما يردو عليهو إلا يوم 25 أغسطس

وبعد ده يدو الزول 72 ساعة عشان يشتت برة البلد


===============

حسع لو دي أي دولة تانية

كان تاني يوم رسلوا ليهم خطاب الموافقة بالتجديد

ده لو أخطروهم من أساسو

مجاهد سلامات

Quote: الكلام ده كويس ومعاك انا فيهو لكن ياخوي انت في البيت كان رفعت على ناس البيت السكين وقتلت ابوك ولا أخوك ولا امك ياخي قول اختك تاني عندك معاهم معيشة ؟؟؟؟؟؟

اذا واحد رفع السكين على افراد عائلته
معناتا في خلل يا ما في عقليته مرض يعني ( عيان مجنون مسحلب ) او في خلل في تربيته بمعنى انو ما مربى كويس

والزول الما مربى كويس يتحمل والداه الوزر الاكبر في افعاله لسبب بسيط بالدين لانه يولد على الفطرة بالعلمانية لانه الانسان بتتشكل ملامح شخصيته في الـ 6 سنوات الاولى

عليه

الكيزان ناتج طبيعي لمتناقضات السودان والعيوب الفيه وفي اهله

الكيزان ما جونا من مجرة اخرى او حتى قارة اخرى ولا حتى من بلد اخر
الكيزان اخوي واخوك ود خالتي وود خالتك وود جيراني وود جيرانك وصديق طفولتك وصديق طفولتي وزميلك في الجامعة وزميلي ، يعني هم ناتج مجتمعنا ده قرينا معاهم في الرياض والمدارس والجامعات ، لعبنا معاهم حرينا وسكج بكج والدافوري ، مشينا معاهم صلاة الجمعة ، وقابلاناهم في الافراح والاتراح
والصحيح انو المجتمع مفروض يشيل مسؤليته ويعيد تربيتهم
موش يطردهم

كل الود

يا محمد فرح شايفك بقيت كمان ما بتختشي

بتتبجح بي نشر المكاتبات الداخلية

بين المفوضية والمتعاملين معاها

تقدر تقول لي حصلت علي الخطاب دا كيف بالسرعة دي

لانه ماشايفك رجعت لي مصدر

الحكومة دى لا تستطيع ان تمكث اسبوع واحد دون ان تكون بعيده عن الاضواء العالمية
طبعا الجماعة ديل ادمنوا صناعة الاخبار السيئة عن بلدهم

هسع الاسبوع الجاى يطلعوا ليك بموضوع جديد.

ديل البلد دى تقول مؤجرناها بالاقساط.

Quote: الحكومة دى لا تستطيع ان تمكث اسبوع واحد دون ان تكون بعيده عن الاضواء العالمية طبعا الجماعة ديل ادمنوا صناعة الاخبار السيئة عن بلدهم هسع الاسبوع الجاى يطلعوا ليك بموضوع جديد. ديل البلد دى تقول مؤجرناها بالاقساط.

أحمد أمين
شكراً لهذه المشاركه الـ(ضفاريه)

Quote: يا محمد فرح شايفك بقيت كمان ما بتختشي بتتبجح بي نشر المكاتبات الداخلية بين المفوضية والمتعاملين معاها تقدر تقول لي حصلت علي الخطاب دا كيف بالسرعة دي لانه ماشايفك رجعت لي مصدر

علي عجب
سلام ياأخوي
الصوره الأدرجتها دي ماصوره سريه
دي منشوره في صحيفة آخر لحظه العدد الصادر قبل يومين
ولو دققت شديد في الصوره بتلاحظ إنها مقطوعه من الجريده وأنا عملت ليها (scan) وأدرجتها في هذا البوست ..

مؤونة عام من الود

Quote: والله يا محمد فرح الحكومة دي حقارة خلاص الناس ديل رسلو ليها خطاب يوم 27 يونيو ما يردو عليهو إلا يوم 25 أغسطس وبعد ده يدو الزول 72 ساعة عشان يشتت برة البلد

عزالدين
سلام يارائع
الناس ديل لازم يوروهم العين الحمره

مؤونة عامين من الود

مدير منظمة كير للاغاثة اسمه
Paul Barker
وليس Parker
ولقد طردته الحكومة لانه يقول الحقيقة. حقيقة الاوضاع فى دارفور. الاوضاع الامنية والانسانية. ويدعو الى تحقيق السلام عن طريق المفاوضات وليس الحسم العسكرى.

وهو هنا فى هذه الصورة مع عمال وموظفى كير فى زالنجى.
قدمت كير حوالى 60 مليون دولار لاغاثة السودانيين فى دارفور خلال الاعوام الثلاثة الماضية.
وصرفت فى السودان 184 مليون دولار فى مشروعات الاغاثة والتنمية منذ عام 1980.
تجدون فى هذه الوصلة حوار ضافى معه العام المضى فى موقع منظمة كير على الانترنيت:
http://www.care.org/newsroom/articles/2006/10/20061025_barker_sudan.asp#

شكرا يا عادل عثمان

الراجل خبرته العملية لا شك فيها ومهنيته لاشك فيها
حيث عمل بافغانستان ايام دولة الطلبان
وعمل على فتح فصول تعليم البنات رغم رفض الطلبان الاولى لذلك لكنه نجح فى اقناعهم

ومن الموقع علمت انه كويكر هذا حد ذاته يكفى

الكويكر ديل يا محمد فرح هم الذن اوقفوا تجارة الرقيق فى القرن 18 عشر
وهم الذين ساهموا فى حملة تحرير العبيد فى العالم وفى امريكافى القرن التاسع عشر
وهم وراء فكرة الغاء عقوية الاعدام ومنظمة العفو الدولية فى القرن العشرين

رجل بمثل كل هذا الارث الانسانى فعلا يمثل (كل القيم الساميةالتى تناهضها هذه الحكومة)
حكومتنا بارعة فى تعذيب شعبها والتى لا تريد ان يتدخل احد فى كيفية (تعذيبه وممرمتطه) لانه امر يطعن فى سيادتها الوطنية(فى تعذيب واهانة شعب السودان)

Sudan Expels Aid Group's Top Official

Nairobi
27 August 2007




Sudan has given the country director for the U.S.-based aid agency CARE 72 hours to leave the country, the latest in a series of expulsions of western envoys. As Nick Wadhams reports from Nairobi, it is also seen as part of a systematic clampdown on humanitarian agencies working in the Darfur region.

The Sudanese government delivered the expulsion letter to Paul Barker on Saturday. No reason for the expulsion was given, but Barker says it may have to do with an internal e-mail he wrote a year ago about safety precautions that CARE staff should take in the Darfur region.

CARE's Nairobi-based spokeswoman, Bea Spadacini, says the group had been given no warning about Barker's expulsion, but CARE would not stop working in Sudan. She says CARE employs 550 people in Sudan and the memos like the one Barker wrote are routine.

"According to Paul, this was leaked and the government was irritated by this and it is surprising because we are one of the few organizations that has been able to operate all along," said Spadacini. "It does not mean that all of a sudden CARE has stopped working there. It does not mean like everyone has to evacuate. So I do not know what the implications are, but it is a clear signal of discontent if you are kicking out the country director. It is a signal to the organization."

Sudanese Foreign Ministry spokesman Ali Sadiq Ali refused to comment on the expulsion and Sudan's Humanitarian Aid Commission could not be reached for comment. CARE, which is based in Atlanta, has been working in Sudan for 27 years and estimates it has spent $60 million in Sudan during the past three years.

Spadacini refused to comment on the conditions that CARE works under in Sudan, but numerous aid groups in the past have reported that the Sudanese government monitors them closely, often limits their movement, and in some cases even must approve their news releases.

The expulsion was only the latest ordered by the Sudanese government. The lead Canadian and European Union envoys were ordered out last week, though the E.U. envoy will be allowed to return to finish his term.

And most famously Sudan expelled top U.N. envoy for Sudan Jan Pronk, after he posted a blog entry about the difficult humanitarian situation in Sudan.

The United States has suggested that Sudanese President Omar al-Bashir's government may be using the expulsions to stall international efforts to quell the ongoing crisis in Darfur, where about 200-thousand people have been killed in four years of conflict between local rebels and government-backed militias.

Late last month, the U.N. Security Council overcame Sudan's long-standing objections and approved a 26,000 member peacekeeping force for Darfur. But some of the rebel groups say they are reconsidering whether to join future peace talks because of ongoing raids by government forces and the militias

Quote: ولقد طردته الحكومة لانه يقول الحقيقة. حقيقة الاوضاع فى دارفور. الاوضاع الامنية والانسانية. ويدعو الى تحقيق السلام عن طريق المفاوضات وليس الحسم العسكرى.

ثق ياعادل إنو لو كان الرجل كما ذكرت لما طرد نهائياً
بل ولفرشت الحكومه له الأرض وروداً ورياحين

لكنه للأسف الشديد عكس ماذكرت تماماُ
وأغلب المنظمات أيضاُ لاتعكس حقيقة الوضع بدارفور
هيئة مراقبة معايير الإعلان البريطانيه نفسها ذكرت أن تحالف إنقاذ دارفور خرق معايير المصداقيه وأن أعداد القتلى التي يذكرونها غير صحيحه ..

عجبي من أمر الموتمر الوطني ... كم من الأموال أنفق وأي من المشاريع نفذ لضحاياه بالغرب أو الشرق أو حتى الوسط ؟ هي منظمات طوعية عالمية تنفق بسخاء ويد بيضاء دون من أو أذى ، لا تكبير ولا تهليل ولا تطبيل ... ولا عشان لا وجود لآي (كوز) بينهم يطالهم الطرد والتشهير ... يعني ما في واحد يقول (تلت التلاتة كم) ؟؟ هم الخطا وأنتم الصواب .. وبعدين الشئ المحير الموتمر الوطني يغازل أمريكا ويقدم التنازل تلو التنازل تقربا وتوددا لنيل رضا هذا الشيطان الكبير الذي دنى عذابه .. نفهم شنو ونترك شنو ؟؟
ورب العباد لو ترشح البشير أو النذير مع أي واحد من خواجات هذه المنظمات بتلك البقاع لما وجد البشير صوتا واحد يعور عين الشيطان ..
الشفيع ابراهيم

اخوي محمد فرح دا كلام صاح والجماعة ديل لو اي واحد ( يفرفر ) فيهم بيدوه الشارع كان مسكو السكة عديل وبطلو حركات التلاتة ورقات البيعملو فيها دي




ود الباوقة

Quote: اخوي محمد فرح دا كلام صاح والجماعة ديل لو اي واحد ( يفرفر ) فيهم بيدوه الشارع كان مسكو السكة عديل وبطلو حركات التلاتة ورقات البيعملو فيها دي

الحبيب والطبيب ود الباوقه
من الليله تاني سيتم قطف كل الرؤوس التي (تينع) أول بي أول

كن بخير ياصديق
الله يسهلها عليك محل ماتقبل

مؤونة عامين من الود

Quote: الكيزان ناتج طبيعي لمتناقضات السودان والعيوب الفيه وفي اهله

وليد المحترم سلام غشاك ولقاك..

انت عارف يا وليد الناس لمن تقول كلمة متناقضات كأنوا الناس عميانة وماشه في الضوء وشعب السودان عمرو ما كان متناقض وببساطة لأنو شعب بسيط جداً وبسيط جداً دي ياهي المغتسة حجروا لأنو ما بيسالوا عن حقوق كتيرة يادوبك كان قدروا يعيشوا ما يسالوا من حاجة تانية وأضرب ليك مثل بسيط أنا عشت في غرب السودان ده وتحديداً دارفور أربعة سنين مرت ايام في نيالا تشوف الكهرباء 12 ساعة كل 48 ساعة والكلام مستمر اكتر سنة يوم واحد ما شوفت بالغلط تذمر ولا مظاهرة ..الناس بتأكل في صحن مختوت في الأرض الدامرقا بأي ملاح ممكن تتخيلوا ... الغرب كلوا لازم ياكل ملح ميودن عارف ليه لآنو بشربو موية من الأبار الغير معروفة نسبة الأملاح وشوال الملح هناك عزيز شديد ..اها الناس دي وبرغم بساطتة الحكومة ما خلتوهم في حالهم وأتخيل بعد ده كلوا نفس الجبايات والعشور والقباين وكمان عقد كامل ما شافوا سكر تموين ليه لأنو الحكومة وعدتهم بطريق يربطهم بالخرطوم (عنو الطريق إنشاءالله ماإتعمل البيحرم الأطفال من ضواقة الحلاوة ) ونفس سكرهم يجي ويتباع بالأسود(المسمى مجازاً بالسكر التجاري) وناس عملت منو قصور وضيعات ويوم واحد ما شافوا الناس المساكين ديل الحياة ماشة معاهم كيف ..وزي ما قلت بعد ده كله لا امن ولا امان لاقينوا ..
وبالنسبة للتربية كلنا يا وليد إتربينا وانت زاتك أتربيت لي ما طلعت مجرم زي الناس دي ؟؟ لأنوا بس أفتكر كنت بعيد من التربية التانية ولمن أقول التانية هي نفس التربية التنظيمية اللي ممكن تلقاه مثلاً عند الكيزان ..وتربية الكادر داخل الجبهة الإسلامية تعتمد في الأساس على نوعية الكادر النفسية فمثلاً في كادر بتخارج طوالي من التنظيم لأنو الموضوع ده ما بيقسم معاهو وأنو عملية أنك تكون مغبش في الفهم والرأي او صاحب غرض والغرض مرض ما ممكن تتلم مع خلايا زي دي ..عشان كده ما من العدل أنو نقول والله تربية الكيزان ديل نابعة من الأسرة او الأب والأم وبكون ده إجحاف لدور الأسرة نفسها العانت بمافيهو الكفاية ليتعلموا الأولاد أحسن تعليم ويفتحوا البيوت زي ما الأمثال بتقول ..ويبقى الكيزان بهم أمراض نفسية ليس إلأ والمرض نفسو ماعيب لكن ممكن تقول دسوا عيب ..
يأخي خلي ده شوف كلام ياسين عمر الأمام القال أنوا بقى يختشي أنوا يدعو للإسلام وإنوا ما يقدر يقول لأحفادوا او أبناؤه أنو خشوا الحركة الإسلامية عارف ليييه ؟؟لأنوا بقى شايف الغلط بالرغم من أن الإسلام ليس له أي علاقة بما يفعله الإسلاميين في السودان ..لكن الحتة المهمة جداً هي حكاية أنو يطلب من أحفادوا الدخول في الحركة الإسلامية وهنا بيظهر شكل التربية المفترضة ولأنوا ياسين ذاتوا مافي جد ولا أبو قاليهو امشي الحركة الإسلامية لكن في مشيهو إتعتر وعرف الحقيقة لكن وييين بعد الفاس وقع في الراس ..تبقى حكاية الطرد للكيزان من السودان غير مقصودة تماماً لفظاً ومعناً ويكفي الحساب فقط وبعد داك ما أظن يكون عندهم الرغبة في أنوا يعيشوا مع من أذاقوهم ويل العسر...

خالص الود أخي وليد ..

العزيز محمد فرح
تحية طيبة

Quote: يمنع تماماً على المنظمات التدخل في شؤوننا الـ(خاصه) وأكرر الخاصه والسودانيين أولى بإدارة هذه البلاد ولايحتاجون لوصايه من أي كان ..

معالجة المسببات اولى من معالجة النتائج
وصاية اكثر من الحاصل الآن تكون كيف تحت التاج الملكي يعني؟

احترامي

Quote: معالجة المسببات اولى من معالجة النتائج وصاية اكثر من الحاصل الآن تكون كيف تحت التاج الملكي يعني؟

أخ عبده
منور البوست ياحبيب
أسأل أن يهدي حملة السلاح وقادة الحركات للسلام كما أسأل الله أن يوحد كلمتهم ويلم شتات شملهم وأن يتفقوا جميعاً على كلمة سواء حتى يتم حل هذه المشكله بشكل نهائي ..

مؤونة عام من الود

في الوثيقة المصورة و مرفقة بالبوست خاصتك يا محمد فرح
خطاب مفوضية العون الإنساني مذيل ب:

Quote: صورة إلى: السيد المفوض العام السيد مدير الأمن و المخابرات السيدمدير جوازات الأجانب

طالما الخطاب مذيل على أساس يرسل لأناس محددين ذوي شخصيات اعتبارية معناتا ما بيمش لغيرهم،وعليه،إنتا منو فيهم؟
السيد المفوض العام؟وللا
السيد مدير الأمن و المخابرات؟؟
وللا السيد مدير جوازات الأجانب؟؟!!

Quote: طالما الخطاب مذيل على أساس يرسل لأناس محددين ذوي شخصيات اعتبارية معناتا ما بيمش لغيرهم،وعليه،إنتا منو فيهم؟ السيد المفوض العام؟وللا السيد مدير الأمن و المخابرات؟؟ وللا السيد مدير جوازات الأجانب؟؟!!

يمكن يكون 3×1 .

الاميرة/لنا

Quote: طالما الخطاب مذيل على أساس يرسل لأناس محددين ذوي شخصيات اعتبارية معناتا ما بيمش لغيرهم،وعليه،إنتا منو فيهم؟ السيد المفوض العام؟وللا السيد مدير الأمن و المخابرات؟؟ وللا السيد مدير جوازات الأجانب؟؟!!

سؤال مهم للغاية....ويحتاج إجابة جادة من محمد فرح..بدون لف ودوران...

سؤال ذكى من الاستاذة لنا..
كيف جاز للاخ محمد فرح الحصول على خطاب بمثل هذه الحساسية ونشره فى اقل من يومين من صدوره؟؟ ربما يكون عاملا فى واحدة من تلك الاجهزة ولديه امكانية الحصول على مثل هذه المعلومات ان لم يكن جزءا من الذين قاموا بالإعداد والمشاركة فى مثل هذه القرارات او انه مكلف بهذا العمل او انه عنصر استخبارى ..

والسؤال الثانى: ما هى حيثيات قرار الطرد؟؟ يعنى ماذا قال وماذا اخذوا عليه؟ والاسباب التى دعته لانتقاد الحكومة؟؟ مثلا هل ارتكبت الحكومة فظائع او انتهاكات ضد حقوق الانسان؟؟ وفى حالة ارتكابها لجرائم ضد حقوق الانسان من الذى له الحق فى انتقاد الحكومة على جرائمها... الشعب السودانى ام العالم ام كليهما؟؟؟؟؟؟

يا اخى محمد فرح: ان الفظائع التى ترتكبها الحكومة ضد شهبها هى التى تعطى الحق للجميع فى الانتقاد وإلا فما معنى ان يشتغل الحكومة قرف فى الشعب السودانى ولا يجد من يدافع عنه!!!! عاوزين تنفردوا بالشعب السودانى المغلوب على امرو؟؟؟؟ دة بعدكم..

نورالدين منان

الإخوه والأخوات
لنا مهجي
سيف النصر محي الدين
خالد خليل
منان

تحيه ود وتقدير
يبدو أنكم تسرعتم في الحكم فأنا كنت قد أو ضحت هذا الأمر من قبل
الخطاب كما يظهر صوره ونشرته آخر لحظه في عددها الصادر بتاريخ 27 /8 ويمكنكم الحصول على نسخه من العدد الذي ذكرته للتأكد ..
كل العملتو قطعت الصوره من الجريده وعملت ليها scan ورفعتها في هذا البوست ..
والكلام ده قلتو في البوست ده زاااتو

هو اللي حنقولو حنعيدوا

لكم جميعاً مؤونة عامين من الود