لا.. يا ود الريح .. مخطئ من يظن أن الهلال قد ضمن التأهل.

قال احمد الريح في بوسته :

مبروك: الهــلال رسمــياً إلى الدور نـصـف النـهـائي

Quote: في الجولة الأخيرة بعد أسبوعين: إذا فاز الأهلي على أسيك في القاهرة، سيصعد الهلال والأهلي، إذا تعادلا: سيصعد الهلال والأهلي، إذا فاز أسيك: سيصعد الهلال وأسيك. هذا بغض النظر عن نتيجة مباراة الهلال والترجي بتونس.

مخطئ .. مخطئ .. مخطئ تمام ...

كيف تقول بغض النظر عن نتجية مباراة الهلال والترجي ..

في حين انها يمكن ان تكون مقبرة الهلال .. وبوابته للخروج من البطولة ..

ماهو رايكم في السيناريو الاتى :


أسيك X الاهلي ... 1/صفر لصالح اسيـــك
الترجي X الهلال ... 3/ صفر لصالح الترجي


بحساب عدد النقاط وفروق الاهداف .. فإن الاهلي وأسيــك هما من سيتأهل عن المجموعة


فماذا انتم فاعلووووووووووووون ؟؟؟؟؟؟؟









الضــحك شـــــرطكم ...

الهلال الان في صدارة المجموعة ب(9) نقاط , له (7) اهداف وعليه (4) صافي الاهداف =(3)
الاهلي ثاني المجموعة ب(9) نقاط ايضا , له (6) اهداف وعليه (4) صافي الاهداف = (2)
اسيك ثالث المجموعة بـ(7) نقاط , له (4) اهداف وعليه(3) صافي الاهداف = (1)
الترجي في زيل المجموعة ب(4) وهو خارج المنافسة ..

في حال انتهت مباريات المرحلة الاخيرة من دوري الثمانية بالنتائج اعلاه

فسيكون الترتيب كالاتي :

اسيك في الصدارة ب(10) نقاط وصافي اهدافه= 4
الاهلي ثانيا ب(9) نقاط وصافي اهدافه = 1
الهلال ثالثا ب(9) نقاط وصافي اهدافه = صفر





وباي بااااااااااااااااااي هلال ..

حسب لوائح الاتحاد الأفريقي فإن الفريقين إذا تساويا في عدد النقاط يكون الترجيح بينهما بفارق الأهداف في المواجهات المباشرة ..

الأهلي غلبنا 2 - 0

أنحنا غلبناهو 3-0

يعني الفارق لصالحنا بهدف .. عشان كده جوزيه أمس بعد الهدف التاني دخل وائل جمعه ليمنع الهدف الثالث المؤهل للهلال و لكن لا حياة لمن تنادي

يعني صاعدين صاعدين

بس عايزين نتصدر عشان النهائي يكون في زريبة العيش

لا ، معليش يا أخوي

غلطان و نص و خمسة

لو فرضنا أسيك * الأهلي = 1/صفر (لأسيك)
الترجي * الهلال = 100/صفر (للترجي)

برضو حيتأهل الهلال

برضو حيتأهل الهلال

برضو حيتأهل الهلال

برضو حيتأهل الهلال

برضو حيتأهل الهلال

برضو حيتأهل الهلال

برضو حيتأهل الهلال

برضو حيتأهل الهلال

برضو حيتأهل الهلال


الهلال ضمن التأهل في كل الحالات و أرجع للائحة تنظيم بطولات الإتحاد الإفريقي ...


* يا أخواننا بالله ذاكروا كويس و إتثقفوا عشان ما تخربوا لينا فرحتنا دي ...

Quote: أسيك X الاهلي ... 1/صفر لصالح اسيـــك الترجي X الهلال ... 3/ صفر لصالح الترجي بحساب عدد النقاط وفروق الاهداف .. فإن الاهلي وأسيــك هما من سيتأهل عن المجموعة فماذا انتم فاعلووووووووووووون ؟؟؟؟؟؟؟

المبارة الفاصلة بتحسب بنيجة مقابلة الفريقين إذا تساوى الفريقين في عدد النقاط ولامجال للأهداف

راجع دي يا عمك
Re: مبروك: الهــلال رسمــياً إلى الدور نـصـف النـهـائي
ولاحظ السي قبل الدي و الإي

الهلال خلاص ضمن التأهل ياأخوانا
لأنو لو نقاط الأهلي أصبحت تسعه فإن القوانين تشير بالرجوع لنتيجة مباريات الفريقين وبهدف قودوين الأخير ضمن الهلال التأهل بنسبة 100%

القانون الذي تتحدثون عنه تم الغاءه .. في شهر مايو المنصرم

وانا الان بصدد البحث عن الصيغة الجديدة ...





بس شيلو الصبر ..

Quote: ماهو رايكم في السيناريو الاتى : أسيك X الاهلي ... 1/صفر لصالح اسيـــك الترجي X الهلال ... 3/ صفر لصالح الترجي بحساب عدد النقاط وفروق الاهداف .. فإن الاهلي وأسيــك هما من سيتأهل عن المجموعة فماذا انتم فاعلووووووووووووون ؟؟؟؟؟؟؟ يا ريت تزاكر قوانين البطولة قبل ان تفتي بما ليس لك به علم و يتضح جهلك الفاضح... مريخابي و جاهل و حاقد و غير وطني ... سبحان الله ... الهلال الان فى نصف النهائي فقط تبقي تحديد اذا كان هو الأول ام التاني ... وهاك الضحك الشرطك دا الضــحك شـــــرطكم ...

Quote: القانون الذي تتحدثون عنه تم الغاءه .. في شهر مايو المنصرم وانا الان بصدد البحث عن الصيغة الجديدة ...

اها نحن منتظرين نتيجة البحث ....

لماذا جعل الاتحاد الافريقى الفاصل فى حالة التساوى اللقاء
المباشر بين المتساويين فى النقاط ؟

دا السؤال ياسامو ..يعنى الغاية من القانون دا شنو؟

والغاية او المقصد انو الفرق الضعيفة لايمكنها تحديد
من هو الصاعد ..فالترجى اصبح خارج المنافسة وفشل
فى ان يحقق النقاط التى احرزها كل من الهلال والاهلى
فكيف يحدد الترجى مصير البطولة ؟..الفرق الصاعدة
والتى اثبتت جدارتها بالتأهل والاستمرار هى التى تحدد
مسير البطولة ..لذلك طالما تساوى الهلال والاهلى فى النقاط
على صدارة المجموعة ..يبقى الرجوع للقاء المباشر للفريقين
لتحديد من المتفوق على الآخر ..

ودى كل القصة ..سلام

Quote: القانون الذي تتحدثون عنه تم الغاءه .. في شهر مايو المنصرم وانا الان بصدد البحث عن الصيغة الجديدة ... بس شيلو الصبر ..

يازول لينا اكثر من 72 ساعه صابرين ، اها الحاصل شنو ما جيتنا راجع ، لا قلت انت غلطان

ولا قلت احمد الريح غلطان .....

منتظرين

الهلال ضمن التاهيل

بس عايزنواول المجموعة عشان ما يقابل النجم الساحلي والنهائي يكون بالخرطوم

مبروك للهلال

محمد المريخابي

Quote: القانون الذي تتحدثون عنه تم الغاءه .. في شهر مايو المنصرم

لو فرضنا إعتباطاًإنو القانون ألغيي في مايو المنصرم والعهد على الراوي
فالمنافسة إبتدأت منذ أواخر العام الماضي وحسب العرف السائد يطبق بعد إنتهاء المنافسات الحالية لأنها بدأت حسب القانون السابق إن صح ما ذكرت .
دعك من أن الفيفا يطبق القانون في منافسات إقليميه أولا مثل التصفيات القارية ثم تأتي بعد ذلك الإتحادات القارية لتجيزه في منافساتها .
خليك في المنافسه البيتأهل فيها فريق واحد للفاينل " المنافسه الأضعف " وخلي لينا نحنا موضع الطيران واللاندنق لأنو نحنا فرحتنا بالصعود إكتملت .

Quote: ولكنهم ما أتوا لهزيمة او تعادل بل أتوا لأجندات اخرى 1-الفوز فقط 2-الفوز فقط 3-الفوز فقط to all great helal team members and great fans

سامووووووووووووووووووووووووووو
اها الهلال بقي صاعد صاعد لانو بي فرق مباراتو مع الاهلي

Quote: فماذا انتم فاعلووووووووووووون ؟؟؟؟؟؟؟

يا بنوصهيووووووووووووووووووووووووون

منتظرين تعديل القانون القلتو
ولغاية ما تجيبو نكون جبنا الكاس يا عمك

سلام يا أخونا ....

ياخي وقت ما متأكد و ما عارف : مالك داير تنقص علينا فرحتنا ..

منتظرنك لينا 4 يوم !!!!!!!!!! تعال قول أي حاجة ...

قال قانون قال .... و إتلغى كمان !؟؟؟؟!!!

غايتو عافين ليك و عاذرينك ....

ياسومو
السلبطة دى
بتفوت على المصرين
هم قالو هزمونا ارهاب
وناس قالو الحكم


ياعمى قودوين نفسو كان عارف ان الهدف نهى كل شىء
مدرب الاهلى كان مذاكر عشان كدا ادخل وائل جمعة

و انا اشاهد الت ارت قبل المباراة قال النجم ظاهر ابوزيد ان الاهلي ضمن التأهل الي الدور النهائي بغض النظر عن نتيجة مباراته مع الهلال و كل الذي يسعي اليه الاهلي هو صدارة المجموعة.

لحظتها تساءلت كيف لظاهر ابوزيد ان يدلي بمعلومة مثل هذه و يكون فيها خظاء كبير مثل هذا مع العلم ان مقدم البرنامج لم يراجعة.


و شكرا

Quote: القانون الذي تتحدثون عنه تم الغاءه .. في شهر مايو المنصرم وانا الان بصدد البحث عن الصيغة الجديدة ...[QUOTE/] إن شاء الله العوض لقيتووووووووه

---

Post: #21 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 08-24-2007, 07:40 AM Parent: #20 Quote: القانون الذي تتحدثون عنه تم الغاءه .. في شهر مايو المنصرم وانا الان بصدد البحث عن الصيغة الجديدة ...[ ولا زلت منظر نتيجة البحث مرت الآن 5 ايام ، ياربي عمنا قوقل (اوت اوف اوردر )

---

Post: #22 Title: Re: لا.. يا ود الريح .. مخطئ من يظن أن الهلال قد ضمن التأهل. Author: مزاحم الضوي Date: 08-24-2007, 10:44 AM Parent: #21 الدورى الأسبانى ألمنتهى قبل شهرين ريال مدريد وبرشلونة اتعادلوا فى النقاط محصلة الأهداف كانت لصالح برشلونة محصلة لقاء الفريقين فى الدورتين كانت لصالح ريال مدريد بطولة الدورى ذهبت لصالح الريال الكلام ده واضح ولا عاوز شرح

---

Post: #23 Title: Re: لا.. يا ود الريح .. مخطئ من يظن أن الهلال قد ضمن التأهل. Author: tmbis Date: 08-24-2007, 12:18 PM Parent: #22 Quote: ولا زلت منظر نتيجة البحث مرت الآن 5 ايام ، ياربي عمنا قوقل (اوت اوف اوردر ) .. يا جماعة الزول ده ما تضغطوا عليهو كتير .. ما تضغطوا عليهو.. هو زيو وزي فرانكلي .. وزي ثابت .. وزي على محمدعلي أبو علم..

---

Post: #24 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 08-25-2007, 09:29 PM Parent: #23 تمبس اسف لعدم سماع نصيحتك لازلت منتظرا ، ولكي نكون رحيمين ، يمكنه ان يأتينا بمصدر المعلومة التي تحدث فيها عن الغاء الفقرة المعنية (في شعر مايو) كما تفضل بالذكر ؟ لازلت منتظرا

---

Post: #25 Title: Re: لا.. يا ود الريح .. مخطئ من يظن أن الهلال قد ضمن التأهل. Author: omar altom Date: 08-25-2007, 10:30 PM Parent: #24 رقم صفر الزول سيد البوست ده (ذهب مع الريح) gone with the wind وما اظنوا يجي بي جاي تاني!!!!! لكم العتبي حتي ترضوا الهلال الي نصف النهائي رغم انف المرجفين

---

Post: #26 Title: Re: لا.. يا ود الريح .. مخطئ من يظن أن الهلال قد ضمن التأهل. Author: محمد البشرى الخضر Date: 08-25-2007, 10:36 PM Parent: #24 انا لمن سكيت مصطفى محمود في (مع السلامة) كنت فاكر روحي مكمل اللياقة لكن لقيتك يا رقم صفر رقم افوقادرو عديل كدة في المساككة فك الراجل ياخ إن هي إلا طبزة و عدت , اخر من طبزة علي بشير القال مبروك و لحسها تاني يوم

---

Post: #27 Title: Re: لا.. يا ود الريح .. مخطئ من يظن أن الهلال قد ضمن التأهل. Author: محمد البشرى الخضر Date: 08-25-2007, 10:36 PM Parent: #24

---

Post: #28 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 08-26-2007, 09:26 AM Parent: #27 Quote: انا لمن سكيت مصطفى محمود في (مع السلامة) كنت فاكر روحي مكمل اللياقة لكن لقيتك يا رقم صفر رقم افوقادرو عديل كدة في المساككة فك الراجل ياخ إن هي إلا طبزة و عدت , اخر من طبزة علي بشير القال مبروك و لحسها تاني يوم القصة ما لياقة ... القصة انو اي زول يتأكد من المعلومة ، او الاعتزار عن ايراد الخطأ ، ولكنا خطأوون ، خيرنا التوابون

---

Post: #29 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 08-26-2007, 12:36 PM Parent: #28 حدي معاه لغاية مباراة الترجي ،، اذا فزنا ، سيموت الموضوع سريريا لاننا بنكون الاوائل ،، واذا خسرنا ، ح يعود الموضوع تاني .... واذا فزنا وفاز الاهلي (بنفس النتيجة) ، ح اقول لبكرى ابوبكر يغير العنوان ليصبح Quote: لا.. يا ود الريح .. مخطئ من يظن أن الهلال قد ترأس مجموعته وح تبدأ الحكاية من جديد .... وتعود حجوة ام ضبيبنه ....... عذرا فتحي ، لكن اخوك من زمااااااااااااااااان جمجار ...... Quote: 20-08-2007, 07:50 ص اليوم سبعه ايام

---

Post: #30 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 08-27-2007, 00:05 AM Parent: #29 Quote: الزول سيد البوست ده (ذهب مع الريح) gone with the wind وما اظنوا يجي بي جاي تاني!!!!! عمر ، يازول كلامك ده يعني احتل البوست ده برضو ... والله بعد ده اخوك يبقي متخصص في الهمبتة . ولا اعمل لي بوست بعد فوزنا علي الترجى(ان شاء الله ) ويكن الجزء الثاني .. علي وزن الافلام (المتسلسلة).... معليش لم انتبه الي مداخلتك الا متأخرا ...... اليوم الثامن .

---

Post: #31 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 08-27-2007, 09:19 PM Parent: #30 the 9th day

---

Post: #32 Title: Re: لا.. يا ود الريح .. مخطئ من يظن أن الهلال قد ضمن التأهل. Author: haider osman Date: 08-27-2007, 09:43 PM Parent: #1 9 The group matches shall be played in accordance with the fixtures established by the Organising committee. For the matches of each group, the following points shall be granted: 3 points for a win 1 point for a draw 0 point for the looser 10 In case of equality of points after all the group matches have been played, the classification of the teams shall be established according to the following criteria: a) Greater number of points obtained in the matches between the concerned teams. b) Goal difference resulting from the matches between the concerned teams. c) Greater number of goals scored away from home in matches between the concerned teams.d) Superior goal difference from all the matches played in the group. e) Greater number of goals scored in all the matches played in the group. 11 The two group winners and the two runners-up shall qualify for the semi-finals. The winner of group A shall meet the runner-up of group B and the winner of group B shall meet the runner-up of group A. 12 The runners-up shall play the first leg match at home. The two semi-finals shall be played in accordance with article 6 of the present regulations. 13 The winner of the two semi-finals shall meet in the final in accordance with the article 10 of the present regulations. Article 5 1 Up to the 1/8 final round, the drawing of lots will be carried out taking into account- as much as possible- the geographic, economic and sports conditions. As of the group matches, the drawing of lots will be an integral one. 2 Each team shall play against its opponent one match home and one match away. The team which scores a higher aggregate number of goals in the two matches shall be qualified for the next round. 3 The Host Association is entitled to play its home match in the capital of the country or in any other city. In the latter case, the transport of the visiting team from the capital to the city designated for the playing of the match and back shall be borne by the host association. 4 If the distance between the capital city and the venue of the match is superior to 200 kms, the host association shall provide the visitors with an airplane transport to the venue of the match and back. If this is not possible, the match shall

---

Post: #33 Title: Re: لا.. يا ود الريح .. مخطئ من يظن أن الهلال قد ضمن التأهل. Author: haider osman Date: 08-27-2007, 09:45 PM Parent: #1 لاتعديل ولايحزنون... Regulations of the CAF Champions League 2006 - 2008 English Edition http://www.cafonline.com/regulations_publications/cl_eng.pdf

---

Post: #34 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 08-28-2007, 05:43 AM Parent: #33 شكرا يا حيدر ، لكن زولك ده قال القانون ده اتكنسل من شهر مايو ، وح يمشي ويجى ، ولسه ما جاء وحيدر كتر خيرو جاب ليك لغاية عندك ، وكل ما عليك ان تضغط بالماوس علي السايت ، وعشان ماتتعب ان برضو بخت ليك اللينك في مداخلتي دي بس اوعي تقولي الماوس ما شغال ..... وصفة : كيف يموت هذا البوست سريريا ،،،، اذا فاز الهلال علي الترجي ، وخسر الاهلي من اسيك ,, طيب وكيف يموت (باتفاق الاطراف) : اذا اتانا صاحب البوست بالمصدر ، او اعترف بخطأه في ايراد هذه المعلومة التي تفيد بالغاء الكاف لفقرته التي تنص علي ان فارق الاهداف في مباراتي الفريقين هي المرجح في حالة التعادل في النقاط المجموع او نقاط مباراتهم مع بعض ..

---

Post: #35 Title: Re: لا.. يا ود الريح .. مخطئ من يظن أن الهلال قد ضمن التأهل. Author: abuguta Date: 08-28-2007, 06:04 AM Parent: #34 رقم صفر زولك دا سافر اجازة لما يجى راجع ..يلقى ابو الهل شال الكاس

---

Post: #36 Title: Re: لا.. يا ود الريح .. مخطئ من يظن أن الهلال قد ضمن التأهل. Author: samo Date: 08-28-2007, 06:34 AM Parent: #1 Quote: طيب وكيف يموت (باتفاق الاطراف) : اذا اتانا صاحب البوست بالمصدر ، او اعترف بخطأه في ايراد هذه المعلومة التي تفيد بالغاء الكاف لفقرته التي تنص علي ان فارق الاهداف في مباراتي الفريقين هي المرجح في حالة التعادل في النقاط المجموع او نقاط مباراتهم مع بعض .. أبــــييييييييييـت ... كجار بس .........

---

Post: #37 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 08-28-2007, 07:07 AM Parent: #36 Quote: أبــــييييييييييـت ... لا ،، لا ،، القصة ابدا ما عناد او مكاواة ، القصة هي التزام اخلاقي تجاه الحقيقة ، وقول الصاح مهما كان هذا (الصاح) مؤلم لك او لا ... انت يا عزيزي اوردت معلومة (اعتقد) انها خطأ ، وقلت بالفم المليان ، ان هذه القاعدة ، قد تم الغاءها في شهر مايو... (وتحديدك) للشهر يعني انك شبه (متأكد) ، يصبح بكل بساطة ايراد هذه مصدرك للمعلومة ، او الاعتراف بانك اخطأت ،، والاعتراف لا (يحقر) صاحبه ، بل هو سمو فوق الصغائر ، وترفع الشخص المعترف عن المكابرة ، الاعتراف بالخطأ هو سلوك يدل علي عقلانية الشخص ، لا علي غباءه ،،، الاعتراف بالخطأ ، هو مقدرة الانسان علي كبت (الانا) داخله . الاعتراف والاقرار بالخطأ ، هو تواضع الانسان ، واعترافه بالنفس البشريه وضعفها وهوانها ... الاعتراف بالخطأ ، لا يعني ابدا الهزيمة للشخص المخطئ ، ولا يعني الانتصار للطرف الآخر ، بل يعني منطقية وعقلانية الطرف المعتزر ، الذي لا يري غضاضة في اعتزاره طالما كان علي خطأ.... ابوقوته سلام شديد ....

---

Post: #38 Title: Re: لا.. يا ود الريح .. مخطئ من يظن أن الهلال قد ضمن التأهل. Author: tmbis Date: 08-28-2007, 08:14 AM Parent: #37 Quote: وح تبدأ الحكاية من جديد .... وتعود حجوة ام ضبيبنه ....... دي ما اسمها حجوة ام ضبيبينة يا رقم صفر .. اسمها ( الطوطحانية ) إنت سميها أم ضبيبينة وأنا بسميها ( الطوطحانية ).. جاء في تعريف الردود الطوطحانية: أنها المغالاة في لي عنق الحقيقة وكسرها لحدي ما ( كاسر عنق الحقيقة ) ذاتو يصدق أنو كلامو ده صاح .. يعني عينك لي دييييك الشمش .. يجيك سمــوو .. يا ثابت محمد ويقولو ليك لالالالا القال ليك دي منو شمش .. دي ما شمش .. دي حاجه مدوره كدا وفيها ( نور جار ) .. يلالا يقوم يسميها بينو وبين نفسو ( الحاجة المدورة أم نورا حار ) وبالتالي يجردك من حقيقة ثابته للجميع .. ياخ اقول ليك حاجة..؟ هاك ( الطوطحانية ) دي جماهير المريخ تهشم زجاج حافلة لاعبي الموردة ونقل الصيني...في لاصابة بالغة Quote: هشام المجمر سلااام وتحايا كان الأجدر بالصيني أن يجيب نفسه بدل الدهشة تعادلت الموردة العام السابق .. هل حصل إعتداء ؟؟ فازت الموردة هذا العام في الدور الأول .. هل حدث إعتداء ؟؟ جماهير المريخ العظيم لم تعتدي وهي مهزومة فكيف تعتدي وهي منتصرة ؟؟ ثم هناك سؤال .. لماذا يحدث هذا الآن فقط ؟؟ لماذا يحدث بعد أن عمت ثقافة إرهاب كرة القدم بالأمس ؟؟ هذه ليست جماهير الصفوة هذه فئة أخرى أرادت أن تستر عورتها فتكشفت أكثر لم أستغرب أن ينزل هذا الخبر في صحيفة ( قوون ) كامل المودة ..

---

Post: #39 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 08-28-2007, 08:59 AM Parent: #38 تمبس والله كما قلت طوطحانية ...... قرات بوست المجمر وحقيقة اندهشت من التبرير ، ضحكت ، ثم اتي آخر وبرر اتهامه لجماهير الهلال بانه كانت ترغب في ان تقوم الموردة بفرملة المريخ ، عشان كده رمت-اي جماهير الهلال - لاعبي الموردة بالحجارة ... لمن قريت الكلام ده طوالي مشيت لي سودانايل ، وقلت اشوف ترتيب الفرق في الدورى يكون المريخ متصدر وانا ما عارف ... لقيتو متصدر .. يبقي يفرملوا او يعطلوا لي شنو ... ي يازول انت زاتك ما اسمك تمبس ، منو القال ليك - شوفي شهادتي ميلادي -يازول دي شهادة مضروية -خلاص داك ابوي(متعه الله بالصحة) نسألوا لانو هو السماني ... -وكيف تثبت انو ده ابوك -يابابا ادني بطاقتك عشان الزول يتأكد من انك والدي (تمبس ياخد البطاقة ,يسلمها لطوطحان باشا ) - اوكي ، يظهر في البطاقة انو والدك ، لكن بطاقتو دي زاته تكون مضروبة ... - طيب اثبت ليك كيف ... ولازال طوطحان باشا يطوطح في تمبس ) عارف يا تمبس بعد كلامك ، ثابت ، ومحمد علي البشير ، وصاحب البوست ده انا قررت ما اتداخل في اي بوست بتاع كورة (ما عدا هذا البوست ) ، الا بوستات انتصارات او حتي الهزائم .. مره واحد من المريخاب كاتب ان فرق مجموعه الهلال فرق كبيرة(دي ايام شماتة القرعه) والان يقولون عن فرق مجموعة الهلال انها شنو كده ما عارف محشي والله فعلا طوطحانية ...

---

Post: #40 Title: Re: لا.. يا ود الريح .. مخطئ من يظن أن الهلال قد ضمن التأهل. Author: tmbis Date: 08-28-2007, 09:40 AM Parent: #39 Quote: يازول انت زاتك ما اسمك تمبس ، منو القال ليك بسس يا معتصم .. بعد كدا .. إنت بقيت مريخابي .. وإن شاء الله ح نزنقك زي زنقة ( سموو ) سيد ( الطوطحانية ) دي .. Quote: عارف يا تمبس بعد كلامك ، ثابت ، ومحمد علي البشير ، وصاحب البوست ده انا قررت ما اتداخل في اي بوست بتاع كورة (ما عدا هذا البوست ) ، الا بوستات انتصارات او حتي الهزائم .. مره واحد من المريخاب كاتب ان فرق مجموعه الهلال فرق كبيرة(دي ايام شماتة القرعه) والان يقولون عن فرق مجموعة الهلال انها شنو كده ما عارف محشي المشكلة .. غنو كان الواحد فيهم لاقيتو في اي بوست وسلمت عليهو ساكت .. يغالطك في سلام الله والرسول ده .. يعني كان خليت الكورة والا ما خليته كلوو عندهم ( صابون ) .. غايتو انا يا ( صفر ) من القرعة طلعت وانا ( مطوطح ).. جا الفريق النيجيري .. ( ويلزو) فيني لي فوق .. جو ناس الترجي وقالو لينا اليلة الموووت ويشيلو ( ويلزو ) لي فووق .. أهــا جا الأهلى ( فريق القــرن ) قام أخونــا صديق الموووج في يوم مشهود .. قال لي بسس خلاص حدكم هنا ده .. بعد كدا تلعبو مع الأمل عطبرة وجزيرة الفيل .. عشان ما تعملوا لينا وجع راس .. وحات خوتك بعد الكورة صاحبك تلاتة ايام ما عارفينو وين .. اهـا لما لقيتو كان بيناتنا شراط محدد .. وكان قاسي جدا عليهو .. تتخيل قال لي شنــو..:؟ قال لي لالا أنا ما قلت ليك الأهلي بيغلبكم هنا .. لسه عندو مباراة في القاهرة معاكم ح يلاقيكم تاني .. .. قال لي اقول ليك حاجة ..؟ انتظرو النجم الساحلي .. قلت ليهو اقول ليك حاجة يا صديق .. ؟ الفورة الف وحدنا كاس العالم .. الزول ده طوطحانيتو .. ( يابانية ) ..

---

Post: #41 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 08-28-2007, 10:53 AM Parent: #40 Quote: قلت ليهو اقول ليك حاجة يا صديق .. ؟ الفورة الف وحدنا كاس العالم .. رد طوطحان باشا .. كأس العالم ، هو كاس العالم مصنف ، يازول نحن فزنا بكأس سكافا ودبي ومانديلا ، تجي انت تقول كأس العالم ... منو القال ليك كأس العالم ذاتو مهم ... - ياخي ده بحضروا بلاتر ،،، - بلاتر ده زاتو في فاز في الانتخابات بالتزوير .... هو اصلا جاب 2 صوت قلبوها ليه 12 (طبعا طوطاح باشا من شدة الطوطيح بقي يلخبط) ... - يازول ح نلعب في اليابان ، ونبقي الهلال الزعيم العالمي ... - عالمي .. عالمي دي بتاعت المريخ ، ما نحن اول فريق يفوز في مباراة عالمية - ياتو مباراة ؟ -مباراة كأس دبي ... -دبي ؟؟؟؟ -ايوه دبي دي ما عالمية ,,, يبقي الكأس فيها عالمي ... اوعكم ياهلالاب تقربوا من عالمي ... -لكن مباراة دبي كانت ودية ساي بينكم وبين الزمالك .... - يازول دي فيها اثني عشر فريق . -كيف الكلام ده ، ياخي انا بتذكر المباراة دي ، كويس كانت بين الزمالك والمريخ .. -خليناه الهلال ، اتمني عايز تعمل فيها مريخابي اكثر مني ... - يازل انا متأكد من انو المباراة دي مباراة واحدة ، حتي اخوي عند شريط المباراة ... -يازول شريطك ده يكون مضروب (والطواحين لسه مدرورة)

---

Post: #42 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 08-29-2007, 07:57 AM Parent: #41 اليوم العاشر ... للبوست دعاء سوموو هذه الايام : (يارب انصر الهلال ، واهزم الاهلي ، عشان البوست يموت سريريا ) اللهم آمين

---

Post: #43 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 08-30-2007, 06:52 AM Parent: #42 11 يوم Quote: دعاء سوموو هذه الايام : (يارب انصر الهلال ، واهزم الاهلي ، عشان البوست يموت سريريا ) اللهم آمين

---

Post: #44 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 09-02-2007, 08:32 AM Parent: #43 Quote: دعاء سوموو هذه الايام : (يارب انصر الهلال ، واهزم الاهلي ، عشان البوست يموت سريريا ) اللهم آمين اليوم مباراة الترجي والهلال ..... اليوم الرابع عشر

---

Post: #45 Title: Re: لا.. يا ود الريح .. مخطئ من يظن أن الهلال قد ضمن التأهل. Author: على محمد على بشير Date: 09-02-2007, 08:40 AM Parent: #44 صلاح قوش مدير جهاز الأمن يسير أربعة بصات لتونس لمساندة ...م الهلال بالدولار !!

---

Post: #46 Title: Re: لا.. يا ود الريح .. مخطئ من يظن أن الهلال قد ضمن التأهل. Author: رقم صفر Date: 09-02-2007, 09:49 PM Parent: #45 سومو الف مبروك تعادل الهلال وفوز الاهلي ،،، فقد مات هذا البوست سريريا الف مبروك .... ......