Post: #1
Title: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-15-2007, 12:36 PM
جدد دعم حكومته لقطاع الدواجن
والي الخرطوم: الدواجن ستكون غذاء الفقراء خلال عامين
الخرطوم: عبد الرؤوف عوض
أولت الدولة مؤخراً اهتماماً كبيراً للنهوض بقطاع الدواجن وبعد ان خصص «50» مليون دولار لدعم هذا القطاع.
أكد والي ولاية الخرطوم عبد الحليم اسماعيل المتعافي اهتمام حكومته بزيادة الطاقة الانتاجية وتخفيض تكلفة الانتاج وسعر البيع وجعل اللحوم البيضاء الغذاء الرئيسي للفقراء في العامين المقبلين وقال لدى تفقده امس الأول مزارع الشركة العربية لامهات الدواجن ومزرعة (ARF) للدواجن والاسماك والابقار ومصانع وادي النيل والزوايا بركس للطوب البلك ان الاعوام القادمة تشهد وفرة في الانتاج وانخفاض الاسعار من خلال المنافسة بعد زيادة الانتاج مبيناً بأن الهدف من الزيارة الوقوف على مشروعات الانتاج والاطمئنان لتطوير صناعة الدواجن لتكون غذاء الفقراء في ظرف عامين ولبناء مخزون كافٍ بحيث تصبح في متناول اليد ولخلق منافسة بين اللحوم البيضاء والحمراء والتحول في ثقافة الاستهلاك.
وأكد دعم حكومته للمزارع لرفع الانتاج رأسياً وأفقياً من خلال تقديم التسهيلات وتوفير التمويل ومساعدة المنتجين.
ومن جانبه أكد وزير الزراعة والثروة الحيوانية والري المهندس جودة الله عثمان اهتمام وزرائه بدعم قطاع الدواجن مشيراً إلى انشاء مجلس لتنظيم ورعاية عملية الانتاج والتسويق والتصدير مشيراً إلى المساعي الجارية لتخفيض الاسعار.
وتعهد المهندس ابراهيم سليمان المدير العام للشركة العربية لانتاج الدواجن بانتاج «16» مليون فرخة في العام وسد «60%» من حاجة السوق السوداني مبيناً بأن صناعة الدواجن تحتاج إلى دعم جهود الدولة والاستفادة من الموارد والامكانيات التي تتمتع بها البلاد.
وقال إن السودان اصبح قبلة للاستثمار في هذا القطاع داعياً إلى وضع ضوابط وشروط اللقاحات لتفادي الآثار السلبية.
وقال البر راغب مدير مزراعة (ARF) للدواجن إن الانتاجية المتوقعة لمزرعته في العام ستصل إلى «9» ملايين فرخة سنوياً و«100» مليون بيضة وتوقع دخول انتاج مزراعته في الايام المقبلة واشاد بجهود الدولة في دعم هذا القطاع.
وفي نفس السياق تعكف شركة داجن لانتاج الدواجن لرفع انتاجيتها من «3» ملايين فرخة إلى «8» ملايين فرخة في العام أي ما يعادل «10» ملايين كيلو.
ووافقت ولاية الخرطوم في اجتماع مجلس إدارة الشركة بأن تشرع وزارة المالية باستصدار خطاب ضمان لبنك الامارات والسودان لتمويل المرحلة الثالثة لشركة داجن لقيمة «16» مليون دولار لزيادة الانتاجية.
واجاز المجلس خطة الشركة للمرحلة الثالثة للعام 2007/2009م والتي تهدف لزيادة الطاقة الانتاجية وتخفيض تكلفة الانتاج وسعر البيع إلى «6» جنيهات وتحسين جودة المنتج.
واجاز المجلس في اجتماعه تعيين رئيس جديد ونائبه واجازة تعديل لائحة الاعضاء.
|
Post: #2
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-15-2007, 12:38 PM
Parent: #1
الناس بتغرق و شكلو الجداد حا ياكلو في الصقيعة!!!!
ترتيب او لويات ساااااي مافي???!!!!
|
Post: #3
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: shammashi
Date: 08-15-2007, 12:41 PM
Parent: #1
تعهّد بجعل الشمالية سلة غذاء السودان
البشير : سنردع كل من يهدد وحدة السودان
مروي :حسن البطري
اكد الرئيس عمر البشير، القائد الاعلى للقوات المسلحة، التزام الحكومة وحرصها على إزالة كافة اشكال التهميش والظلم الاجتماعي بالبلاد ،وتعهّد ببناء الجيش وتطويره لحماية السلام وردع كل من يريد النيل من السودان. وقال لدى مخاطبته اللقاء الجماهيري الحاشد بمدينة مروي بمناسبة الذكرى الثالثة والخمسين لعيد الجيش،ان "الانقاذ" جاءت من اجل المظلومين والمهمشين، ومن بينهم الولاية الشمالية التي كانت منطقة طاردة وتحولت الي منطقة جاذبة بفضل قيام سد مروي، وتعهد بجعل الشمالية سلة غذاء السودان بتوفير القمح لكل اهله وتحقيق الامن الغذائي، مؤكدا مضي الحكومة في انفاذ مشروعات البنيات التحتية والتنمية ممثلة في الطرق والكهرباء للبلاد من مروي وكجبار والشريك، وبناء المطارات بالشمالية لتكون مطارات لصادر الخضر والفاكهة. واشاد البشير، بوحدة تنفيذ السدود ودورها في انفاذ المشروعات التي افتتحها ، والشركات التي تولت التنفيذ ، وحيا القوات المسلحة عبر تاريخها الطويل، وقال انها اثبتت انتماءها للوطن، مشيرا لمجاهداتها وتضحياتها لتحقيق السلام. واكد البشير، مضي الحكومة في بناء الجيش وتطويره من اجل حماية السلام والدفاع عن الارض وردع كل من يريد النيل من وحدة وكرامة السودان.
شفت الهنا اللي حنعيش فيهو
شيكن في الخرطوم وقمح ورطب في الشمالية
سير سير يامشير
|
Post: #4
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: shammashi
Date: 08-15-2007, 12:46 PM
Parent: #3
| Quote: وبناء المطارات بالشمالية لتكون مطارات لصادر الخضر والفاكهة |
ياللا حضروا قففكم يا ناس أبو الحسين وعلاء الدين.
والله ياناس الشمالية الزول دا إما حاقر بيكم أو حاقر بي نفسو.
يعني حيكون عندكم مطار مروي لتصدير الويكي الخدرا
ومطار كريمة لتصدير البنضورة
ومطار تنقاسي لتصدير البرتكان واللارنجا
ومطار القرير لتصدير السبروق ولسان الطير
ومطار كورتي لتصدير البتيخ والتبش.
|
Post: #5
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Tumadir
Date: 08-15-2007, 01:08 PM
Parent: #4
| Quote: الدواجن ستكون غذاء الفقراء خلال عامين |
ده كلام عجيب ..طيب ليه فى فقراء أصلو فى السودان "الغنى" ده؟؟
أما الجداد فليهنأ بالهرمون ....
|
Post: #8
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-15-2007, 05:32 PM
Parent: #3
|
Post: #6
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: شول اشوانق دينق
Date: 08-15-2007, 01:56 PM
Parent: #1
انتو يا اخواننا والي الخرطوم ده جن ولا شنو؟؟!!
جداد شنو ولا بطيخ شنو؟؟؟!!!
الناس بيغرقوا من الخريف والوالي بيتكلم عن الجداد وما ادراك ما الدوجن
بالله ده خلق ده؟
حكاية عجيبة!!!!
شوق اشوانق
|
Post: #7
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: أحمد الشايقي
Date: 08-15-2007, 02:19 PM
Parent: #6
كدي يا أخوانا شوفوا الشركات المدعومة دي
مين يملك اسهمها ؟
أحمـد
|
Post: #9
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-15-2007, 05:35 PM
Parent: #1
Quote: شفت الهنا اللي حنعيش فيهو
شيكن في الخرطوم وقمح ورطب في الشمالية
سير سير يامشير
|
بلد النا س بتموت فيها جوع و الاخ الكريم بتكلم عن الجداد!
عليك الله يا shammashi
دي حالة؟
|
Post: #10
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-15-2007, 05:42 PM
Parent: #1
Quote: ده كلام عجيب ..طيب ليه فى فقراء أصلو فى السودان "الغنى" ده؟؟
أما الجداد فليهنأ بالهرمون .... |
و ازيدك من الشعر بيت يا اختي تماضر
| Quote: أولت الدولة مؤخراً اهتماماً كبيراً للنهوض بقطاع الدواجن وبعد ان خصص «50» مليون دولار لدعم هذا القطاع |
50 مليون دولار جداد ساااااااااااكت مشوي و محمر!!!!!
و الاستوائية في حاله طوارئي و مجاعة!!!!!!
|
Post: #11
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: NEWSUDANI
Date: 08-15-2007, 05:47 PM
Parent: #1
Quote: انتو يا اخواننا والي الخرطوم ده جن ولا شنو؟؟!!
|
المجنانين نحن الذين يحكمنا هؤلاء الجهلاء والكذابين
|
Post: #12
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: خضر حسين خليل
Date: 08-15-2007, 05:48 PM
Parent: #1
هؤلاء قوم مستنكحين ومستهبلين
فتخيلو أن تكون أزمة فقراء بلادنا في ورك دجاج أو لا يخجل هذا الوالي
سبحانك ربي
|
Post: #13
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-15-2007, 06:21 PM
Parent: #1
Quote: انتو يا اخواننا والي الخرطوم ده جن ولا شنو؟؟!!
جداد شنو ولا بطيخ شنو؟؟؟!!!
الناس بيغرقوا من الخريف والوالي بيتكلم عن الجداد وما ادراك ما الدوجن
بالله ده خلق ده؟
حكاية عجيبة!!!!
شوق اشوانق |
اعتقد انو سيادتو كان المفروض يفرز من الخمسين مليون دولار كم فيها محمر وكم فيها مشوي؟
دا سؤال مهم لانو الفقراء ما عندهم بوتجازات !!!!!!!
ولا شنو يا اخي شوق اشوانق
|
Post: #14
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: omar altom
Date: 08-15-2007, 06:37 PM
Parent: #1
الاخ ابوبكر
سقطت كلمة واحدة من الخبر ادت الي حالة من اللبس والغموض....... فلتقرأ العنوان كالتالي:-
والي الخرطوم: الدواجن ستكون غذاء الفقراء خلال عامين ضؤئيين
وانت تعرف انو السنة الضؤئية تساوي .....عييييييييييك زي تلاتة الف سنةكدة....!!!
تحري الدقة في مصادرك ياخ هسة خليتنا نجهز ال gril بتاعنا وولعنا الفحم
تشكرات افندينا
|
Post: #15
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: jini
Date: 08-15-2007, 06:47 PM
Parent: #14
| Quote: والي الخرطوم: ادونا سنتين المساكين حا ياكلو جداد كلهم ، جداد عدييل كده!!! |
هيع التمساح لاكوست داير يسرطنهم!
هذا الرجل لا يعرف ان الدواجن ارخص من لحوم الضأن ام يريد ان يصدر الضأن والابقار ولحومها !
جنى
|
Post: #16
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: ABDELMAGID ABDELMAGID
Date: 08-15-2007, 07:13 PM
Parent: #15
هيييييع !!!!
عفيت منو !
( أب كريق ! )
تمساح ( جداد ! ) الكرد ...
( البلع ! ) البلد !!
إنت ( بتلغف ! ) ب ( وكد ! )
ما زيك ولد !!!!!!!!!!
|
Post: #42
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: kamalabas
Date: 08-17-2007, 01:13 PM
Parent: #15
uuuuu
|
Post: #17
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-15-2007, 08:07 PM
Parent: #1
Quote: كدي يا أخوانا شوفوا الشركات المدعومة دي
مين يملك اسهمها ؟
أحمـد |
الشركات بتاعت الدجاج للبياكلو الدجاج و كلك نظر
|
Post: #18
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: jini
Date: 08-15-2007, 08:16 PM
Parent: #17
ليهو سنين بياكل فى الجداد ودا ير ياكل المساكين بعد سنتين!!
هيييع لاكوست!!
جنى
|
Post: #19
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-15-2007, 08:56 PM
Parent: #1
| Quote: المجنانين نحن الذين يحكمنا هؤلاء الجهلاء والكذابين |
نحنا لسع ما جنينا اصبر بس بعد ما نملي دجاج كدة بعد داك بمسكنا جنون الفراخ!!!
|
Post: #20
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Siham Elmugammar
Date: 08-15-2007, 09:10 PM
Parent: #19
Quote: ليهو سنين بياكل فى الجداد ودا ير ياكل المساكين بعد سنتين!!
هيييع لاكوست!!
جنى |
يا جنى صلح معلوماتك الوالى ليهو سنين بياكل روبيان
( وده كلام لسانه)
|
Post: #21
Title: Re: والي الخرطوم: !!!
Author: عبدالكريم الامين احمد
Date: 08-15-2007, 09:16 PM
Parent: #20
| Quote: ادونا سنتين المساكين حا ياكلو جداد كلهم ، جداد عدييل كده |
اذن تاكد يا ابوبكر بان ابحاث الدواجن قد استشفت بان (جداد السودان)
جداد بيت وجداد خلا سيصاب بسمير .
ديل متاكدين انو البلد خاشيها(سمير ابن لذينة بت 2 سنة)
|
Post: #22
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: jini
Date: 08-15-2007, 09:17 PM
Parent: #20
Quote: يا جنى صلح معلوماتك الوالى ليهو سنين بياكل روبيان
( وده كلام لسانه) |
سها م بت عمى طه
أتاريهو ربيان!
ومدوعل!
جنى
|
Post: #23
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-15-2007, 10:00 PM
Parent: #1
Quote: هؤلاء قوم مستنكحين ومستهبلين
فتخيلو أن تكون أزمة فقراء بلادنا في ورك دجاج أو لا يخجل هذا الوالي
سبحانك ربي |
والله فعلاً كلامك صاح !
مرة يختزلو مشكلة البلد في جداد و مرة مطارات و طيارات لنقل الخدار(الخضار) ، طيب ناس الكوار يطلعو رخص قيادة طائرات؟؟!!
|
Post: #24
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-15-2007, 10:00 PM
Parent: #1
مكرر
|
Post: #29
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: فتحي الصديق
Date: 08-15-2007, 11:04 PM
Parent: #24
سعر الدجاجة التي وعد بها فقراؤنا يقارب سعر دجاجتين من دجاج الخليج المستورد من البرازيل...
يا ربي الزول فكر يقفل مزارع الدواجن بتاعتو دي ويستوردو من برة؟؟؟؟؟...
|
Post: #25
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: نجاة محمد الياس
Date: 08-15-2007, 10:31 PM
Parent: #1
ووووووب علينا امانة البلد ما دخلها الهيم يا وليداتى ... بنطير وين من زكمة الجداد ..عاد ان مسك الكبار الله لى الصغار العايشين بالريحة .. لا اكلو جداد ولا دخلو كرو .. بى سية الكبار يقعوا تحت الكرعين ... العدس مالو .. ما فاتح بيوت ... ولا الشرموط ختفوا الحدى ... على كيفكم ... بنصحكم بالبقوليات ..والسخينة ومن سلم غنم ... واعملو حسابكم من جناه بدخلوه الجهاز شان يطلع للسوق يعنى وليد حرام ولا شنو يا وليداتى افتونى عليكم الله صورة اكل الجداد .. خوفتنى على البلد ...
|
Post: #26
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-15-2007, 10:35 PM
Parent: #1
Quote: الاخ ابوبكر
سقطت كلمة واحدة من الخبر ادت الي حالة من اللبس والغموض....... فلتقرأ العنوان كالتالي:-
والي الخرطوم: الدواجن ستكون غذاء الفقراء خلال عامين ضؤئيين
وانت تعرف انو السنة الضؤئية تساوي .....عييييييييييك زي تلاتة الف سنةكدة....!!!
تحري الدقة في مصادرك ياخ هسة خليتنا نجهز ال gril بتاعنا وولعنا الفحم
تشكرات افندينا |
سنتين ضوئيتين قمرية و لا شمسية و بعدين كبيسة ولا ما كبيسة
|
Post: #27
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: BAKTASH
Date: 08-15-2007, 10:54 PM
Parent: #1
الراجل قاصد انو الناس ح تاكل نيم يا اخوانا..... دا لو الناس ما شبعت من النيم.. جداد قال... جدادة في راسك ..
|
Post: #28
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-15-2007, 10:58 PM
Parent: #1
Quote: هيع التمساح لاكوست داير يسرطنهم!
هذا الرجل لا يعرف ان الدواجن ارخص من لحوم الضأن ام يريد ان يصدر الضأن والابقار ولحومها !
جنى |
يا جني ما تقول لي بقرو ضان نحنا غيرنا شعارنا من ناكل من ما نزرع لي ناكل مما نربي و دا الشعار الجديد
|
Post: #30
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: kamalabas
Date: 08-15-2007, 11:06 PM
Parent: #1
شكرا أبوبكر تعرف 'عمك" الوالي دا نشروا ليه قبل كده صورة في المنبر دا
وهو يأكل في دجاجة في حجم الخروف - في عز أنفلونزا الطيور!!!!
ياريت لو واحد يسترجع لينا تلك الصورة الطريفة والتي تبين تعلق الرجل
الشديد بالدجاج !
|
Post: #31
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: jini
Date: 08-16-2007, 08:06 AM
Parent: #30
Quote: ياريت لو واحد يسترجع لينا تلك الصورة الطريفة والتي تبين تعلق الرجل
الشديد بالدجاج ! |
عشان كدة البللد ليها سنين فى قفص وبتكاكى بدون تبييض!
جنى
|
Post: #32
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: shammashi
Date: 08-16-2007, 09:00 AM
Parent: #31
اليكم
فأبشر بطول سلامة يا ..« دجاج » ...!!
الطاهر ساتي
** قبل كذا سنة ، نصف عقد من عمر الزمان تقريبا ، صدرت صحف الخرطوم بأول حديث للدكتورعبد الحليم المتعافي والى ولاية الخرطوم ، عقب آداء القسم مباشرة ، حيث قال الوالي يومئذ لرعيته بالولاية بالنص : " لن ينام أحدكم بعد اليوم جائعا " .. وفي اليوم الثالث رد عليه زميل كاريكاتيرست بكاريكاتير ساخر يتساءل فيه مواطن جائع بالنص : " يعنى ما ننوم كمان ..؟» .. هكذا .. عهد المتعافى لا يزال في ذاكرة الناس والحياة وكذلك تساؤل الرسم الناقد .. ولسنا بحاجة لتأكيد الذي صدق بما وعد واوفى به .. هل هو الوالى أم الزميل الساخر ..؟.. ولكن زيارة خاطفة للسيد نائب رئيس الجمهورية في الأسبوع الماضي لبعض أحياء الخرطوم كشفت له ثم للسيد الوالي وكذلك للرأي بأن سياسات الولاية في وادي الأحلام و تلك الرعية في وادي الحرمان ، ولو زاد السيد نائب الرئيس زمن زيارته قليلا ، وتعمق في أحياء أخرى ، لوجد في جوفها بعضا من رعيته ينام أطفالهم الجوعى وأعينهم تحدق في نار تتقد تحت قدور فارغة ، ولكن لا يطرق بابهم الفاروق باكيا وحاملا شعيره .. طوبى لهم وفصل الشتاء يقترب ..!!
** لست في مقام جرد الحساب ليعلم الناس كم الذي ينام جائعا في الولاية والبلد ، أو كم الذي يسهر ملتحفا السماء بعد أن ذهبت السيول بمأواه ..أو كم الذي يتلوى وجعا من داء دواؤه لايؤتى بثمن زهيد ..؟.. تلك أرقام عصية على رصد واحصائيات الولاة ومن والاهم ، فهم - حفظهم الله - يرهقون أنفسهم في احصاء عضوية الحزب ، وهذا أهم من احصاء ضحايا الفقر والحرب .. فلذا لسنا اليوم في مقام جرد الضحايا ، فقط جئنا بوعد يوم آداء القسم للتذكير بأن الحال لم يتغير كثيرا ، ما لم يكن معيار تحسن الحال طريقا أسفلتيا غير مطابق للمواصفات يشق أحياء الفقر ويدمر بحجزه لمياه الأمطار بيوت الفقراء ، وكأن العبقرية التى رصفت الطريق عجزت عن ايجاد طريق لتصريف المياه .. بالطبع هى لم تعجز ، ولكنها في موسم صيف الرصف لم تفكر بأن سماء السودان تمطر في موسم الخريف ، وهكذا يدفع كل مغلوب على أمر بحيرته ثمن أزمة التفكير الجيد والتخطيط العلمي .. ليست الطرق وحدها ، بل غالبية طرائق التفكير تفكر بمنهج « رزق اليوم باليوم » وتتكئ على جدار التبرير الجاهز « وضعنا خطة لمعالجة كذا .. شكلنا لجنة لمعالجة كذا .. عملنا دراسة لمعالجة كذا » .. وهكذا كل يوم يخلف المنهج كما هائلا من ال « كذا » ، يهدر الزمن وينقص الأنفس والثمرات ..!!
** ندع أمر كل من نام جائعا منذ نصف عقد ، ربما نصف عقد آخر أو قرن يكفي زمنا للولاية لتنويم الرعية هانئين أو مغناطيسيا ، ندع الأمر .. ولكن حديث آخر لوالي الخرطوم يجئ اليوم شبيها لحديث يوم آداء القسم ، حيث زار سيادته بعض الشركات المنتجة للدواجن بالولاية ثم قال هناك بأن لحم الدجاج ، سوف يصبح هو الغذاء الأوفر للفقراء والمساكين بالولاية بعد عامين فقط .. هكذا تحدث ثم وثقته الصحف كما وثقت حديث يوم آداء القسم .. بالتأكيد ليس على الله ببعيد أن يجعل لحم الفراخ أرخص من تراب الأرض للفقراء والمساكين بالولاية والدنيا كلها ، ليس ذلك على الله ببعيد ، ولكن السماء لا تمطر ذهبا أو فراخا ، وهنا نسأل د. المتعافي عن خطته لانتشال فقراء ومساكين ولايته من ضنك الحياة ، ليس بالفراخ طبعا ، فهذا أمر عسير على حكومة الولاية وكل الولايات ، بل نعنى خطة الانتشال بتوفير مناخ سياسي معافى يحقق نموا اقتصاديا شاملا بحيث يجد كل عاطل وظيفة ، وكل أسرة خدمات تعليم وصحة وكهرباء ومياه غير باهظة الثمن .. طموح العامة - الفقراء منها والمساكين - تقزم جدا ، بحيث لم يعد يتجاوز عيشا آمنا وكريما يحترم ويرحم انسانية الانسان وآدميته التى كرمها الله .. اذا نجح والى الخرطوم - وكل الولاة - في ذلك يكون قد أكفى وأوفى ، ولن يطالب فقير أو مسكين بلحم فراخ أو .. « طير ممايشتهون » ...!!
الصحافة
|
Post: #34
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: jini
Date: 08-16-2007, 09:05 AM
Parent: #32
| Quote: حيث قال الوالي يومئذ لرعيته بالولاية بالنص : " لن ينام أحدكم بعد اليوم جائعا " .. وفي اليوم الثالث رد عليه زميل كاريكاتيرست بكاريكاتير ساخر يتساءل فيه مواطن جائع بالنص : " يعنى ما ننوم كمان ..؟» . |
لو من المتعافي انتحر!
لكين فعلا متعافن!
جنى
|
Post: #33
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: امل احمد عمر
Date: 08-16-2007, 09:02 AM
Parent: #1
جداد شنو الزول ما نصيح ..
الناس ميتة بالكوليرا .. عشان موية نضيفة في البلد مافي ..
على قولك يا ابوبكر ..
ترتيب او لويات ساااااي مافي???!!!!
|
Post: #35
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: bent-elassied
Date: 08-16-2007, 09:30 AM
Parent: #33
جداد
البباري الجداد بوديه الكوش
و نحنا لينا كم سنه مباريين جداد الكيزان و اللغه الخطابيه الجداديه
و ودتنا لكم كوشه الي الان ............
ا
|
Post: #36
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-16-2007, 11:48 AM
Parent: #1
Quote: هيييييع !!!!
عفيت منو !
( أب كريق ! )
تمساح ( جداد ! ) الكرد ...
( البلع ! ) البلد !!
إنت ( بتلغف ! ) ب ( وكد ! )
ما زيك ولد !!!!!!!!!! |
عبد الماجد
قلتا لي ابكريك؟!
ياخي دا عشا البايتات (طبعا العشا جداد)
|
Post: #37
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-16-2007, 05:01 PM
Parent: #1
| Quote: يا جنى صلح معلوماتك الوالى ليهو سنين بياكل روبيان( وده كلام لسانه) |
و دا شنو كمان يا سهام !!!
اوعا يكون شيتاً بياكلو؟!
وهو من ياتو مجموعة؟ الزواحف و لا الثديات؟
|
Post: #38
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-16-2007, 07:29 PM
Parent: #1
Quote: اذن تاكد يا ابوبكر بان ابحاث الدواجن قد استشفت بان (جداد السودان)
جداد بيت وجداد خلا سيصاب بسمير .
ديل متاكدين انو البلد خاشيها(سمير ابن لذينة بت 2 سنة) |
يا كيكي سمير هين كعب ام نيني و الهيم!!!
|
Post: #39
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: DKEEN
Date: 08-16-2007, 08:05 PM
Parent: #1
| Quote: ادونا سنتين المساكين حا ياكلو جداد كلهم ، جداد عدييل كده |
من الواضح انو البلد كلها بقت ثعالب..
|
Post: #43
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-17-2007, 02:53 PM
Parent: #1
Quote: سعر الدجاجة التي وعد بها فقراؤنا يقارب سعر دجاجتين من دجاج الخليج المستورد من البرازيل...
يا ربي الزول فكر يقفل مزارع الدواجن بتاعتو دي ويستوردو من برة؟؟؟؟؟... |
و كمان دجاج فرنسي يا زول Doux !
الفقراء يا مان نغنغو
|
Post: #44
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: jini
Date: 08-17-2007, 04:03 PM
Parent: #43
يلم فيك المتعافن الا يخلى ريحتك طير طير!
هو بالله اتارى المتعافى كاتل الجداد وخامى بيضو!
جنى
|
Post: #45
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-17-2007, 04:39 PM
Parent: #1
| Quote: ووووووب علينا امانة البلد ما دخلها الهيم يا وليداتى ... بنطير وين من زكمة الجداد ..عاد ان مسك الكبار الله لى الصغار العايشين بالريحة .. لا اكلو جداد ولا دخلو كرو .. بى سية الكبار يقعوا تحت الكرعين ... العدس مالو .. ما فاتح بيوت ... ولا الشرموط ختفوا الحدى ... على كيفكم ... بنصحكم بالبقوليات ..والسخينة ومن سلم غنم ... واعملو حسابكم من جناه بدخلوه الجهاز شان يطلع للسوق يعنى وليد حرام ولا شنو يا وليداتى افتونى عليكم الله صورة اكل الجداد .. خوفتنى على البلد ... |
والله كلامك صاح التقول المساكين قالو ليهو لن نصبر لك علي طعام واحد و هم زاتو الطعام الواحد دا ما لاقينو !
فقال ننوع ليهم شوية!
|
Post: #46
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Omer Abdalla
Date: 08-17-2007, 05:48 PM
Parent: #1
ذكرني وعد الوالي هذا بوعود تنظيم "الاتجاه الإسلامي" في جامعة الخرطوم في الثمانينات عندما تقرب الانتخابات فكان اتحادهم يملأ الصفرة في تلك الأيام بالدجاج الكويتي ممنيا الطلاب بأن الحال سيكون هكذا اذا صوت لهم الطلاب في الدورة القادمة .. ويفاجأ الطلاب باختفاء الدجاج الكويتي بعد فوزهم وطبعا بعدما مسكوا الحكومة الكبيرة في ذات نفسها لا جداد ولا صفرة ولا داخلية ولا تعليم مجاني ولا يحزنون .. وهاهي الانتخابات تدنو فيريد المتعافي أن يعيد السيرة الأولى ، هذه المرة على مستوى الوطن .. لكن يبدو أنه وأخوانه الجبهجية قد شبعوا من أكل الجداد فتفتقت أذهانهم عن فكرة اشباع ال 95% الباقية من مواطني البلد (المساكين) ولو عن سبيل الوعود الانتخابية ..
لك الله يا بلد
عمر
|
Post: #47
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: ABDELMAGID ABDELMAGID
Date: 08-17-2007, 07:12 PM
Parent: #46
| Quote: ذكرني وعد الوالي هذا بوعود تنظيم "الاتجاه الإسلامي" في جامعة الخرطوم في الثمانينات عندما تقرب الانتخابات فكان اتحادهم يملأ الصفرة في تلك الأيام بالدجاج الكويتي |
و ( الباسطة ! )
|
Post: #48
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-17-2007, 07:13 PM
Parent: #1
| Quote: الراجل قاصد انو الناس ح تاكل نيم يا اخوانا..... دا لو الناس ما شبعت من النيم.. جداد قال... جدادة في راسك .. |
نيم بي خمسين مليون دولار؟
الا يكون نيم في شكل جداد
دي علي وزن وهمة في شكل قلبة
|
Post: #49
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Frankly
Date: 08-17-2007, 07:25 PM
Parent: #1
| Quote: «50» مليون دولار لدعم هذا القطاع. |
الخمسين مليون دي لو دعم بيها الفقراء ح ياكلو لحم احمر عدييييييييييييييل
وهسّع دي ما بعد سنتن
كان الأولى يبشّر بأنّه بعد سنتين ما ح يكون في فقير في السودان
تصوّروا كل والي يعمل مثله ويدعم الشركات عشان تتاجر في الفقراء بعد سنتين
كيف يذهب مال الدولة لدعم القطاع الخاص في نفس الوقت الذي يرفع فيه الدعم الحكومي عن كثير من مواد التموين وسبل الدواء والتعليم
هذا لا يحدث إلا في الخرطوم
كمال
|
Post: #50
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-17-2007, 08:02 PM
Parent: #1
Quote: شكرا أبوبكر تعرف 'عمك" الوالي دا نشروا ليه قبل كده صورة في المنبر دا
وهو يأكل في دجاجة في حجم الخروف - في عز أنفلونزا الطيور!!!!
ياريت لو واحد يسترجع لينا تلك الصورة الطريفة والتي تبين تعلق الرجل
الشديد بالدجاج ! |
عزيزي كمال عباس
لا ادري كيف يفكر السيد الوالي !!! انظر الي بلادنا الحبيبة
هولاء هم المواطنون السودانيون !
لا ادري هل خاطب الوالي هذة الفئة عندما وعدهم "بالدجاج" ؟ !
ام انه كان يقصد وطنا و مواطنين غير السودان و السودانين؟!
اتمني الاخير لانه لا يعقل الاول
اشكرك علي مرورك
|
Post: #51
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-17-2007, 08:22 PM
Parent: #1
Quote: جداد شنو الزول ما نصيح ..
الناس ميتة بالكوليرا .. عشان موية نضيفة في البلد مافي ..
على قولك يا ابوبكر ..
ترتيب او لويات ساااااي مافي???!!!! |
اختي العزيزة امل
لكن البقول البغلة في الاربريق منو؟
انتي عارفة يا امل انا مرات بستغرب الجماعة ديل - الشكية لي الله- لا قرو و لا بارو ؟؟!!
ما شافو الدول بتدير اقتصادها كيف؟
ربنايسهل بس
شكرا لحضورك
|
Post: #52
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-17-2007, 09:08 PM
Parent: #1
Quote: جداد
البباري الجداد بوديه الكوش
و نحنا لينا كم سنه مباريين جداد الكيزان و اللغه الخطابيه الجداديه
و ودتنا لكم كوشه الي الان ............
|
انا و الجداد بيقينا اكتر من حبايب ( انا و الاشواق)
|
Post: #53
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-18-2007, 11:45 AM
Parent: #1
| Quote: من الواضح انو البلد كلها بقت ثعالب.. |
ثعالب الجداد و لا ثعالب البني ادمين
|
Post: #54
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-18-2007, 11:51 AM
Parent: #53
طالبت بتعويض المتأثرين بانفلونزا الطيور وتوزيع التمويل بعدالة
غرفة الدواجن تضع شروطاً ليصبح الفراخ غذاء للفقراء خلال عامين
الخرطوم: سنهوري عيسى
في الوقت الذي بشر فيه د. عبد الحليم المتعافي والي الخرطوم فقراء الولاية بأن طعامهم بعد عامين سيكون دجاجاً طيباً منخفض السعر، اشترطت غرفة الدواجن اتخاذ جملة من الاجراءات لتحويل هذا الحلم الى واقع وتجاوز هذا القطاع إلى الازمة التي يعاني منها منذ ظهور انفلونزا الطيور في ابريل 2006م.
واجمل د. مرتضى كمال نائب الامين العام لغرفة الدواجن هذه الشروط في توفير التمويل بعدالة لكافة منتجي الدواجن، وازالة الرسوم والضرائب المتعددة على هذا القطاع، وتعويض المتضررين من جراء مرض انفلونزا الطيور بجانب تخفيض تكلفة الانتاج.
ووصف د. مرتضى في حديثه لـ (الرأي العام) تحقيق ما اعلنه والي الخرطوم بأن الدجاج سيكون خلال عامين غذاء للفقراء بأنه ممكن وليس مستحيلاً ولكن ذلك يتطلب اتخاذ جملة من الاجراءات تشمل توفير التمويل بعدالة لكافة المنتجين، وتعويض المتضررين من انفلونزا الطيور بجانب ازالة الرسوم والضرائب المتعددة التي تعيق هذا القطاع وتخفيض تكلفة الانتاج.
واضاف د. مرتضى: يواجه قطاع الدواجن الآن مشاكل عديدة تكمن في عدم توافر التمويل وتأخر انشاء محفظة التمويل برأسمال «30» مليون جنيه لتمويل منتجي الدواجن. وعدد الرسوم والضرائب بجانب توظيف التمويل المتاح لدعم مشروع دواجن بـ «16» مليون دولار والذي تشارك ولاية الخرطوم بـ «19%» منه بينما ينتظر منتجو الدواجن الحصول على تمويل دون جدوى رغم تقدمهم بطلبات ومشروعات للحصول على التمويل وتابع: (ليست هنالك عدالة في توزيع التمويل لقطاع الدواجن).
ودعا د. مرتضى الى ضرورة توزيع ما اعلنه والي الخرطوم من تمويل يقدر بـ «50» مليون دولار على كافة منتجي الدواجن بعدالة دون تمييز بغرض مضاعفة الانتاج وتحقيق ما بشرّ به الوالي الفقراء وتشجيع المنتجين المتأثرين بمرض انفلونزا الطيور للعودة إلى دائرة الانتاج من جديد بتعويضهم عن الخسائر واصدار سياسات تشجيعية تعزز فرص انطلاقة هذا القطاع.
واشار د. مرتضى إلى ان غرفة منتجي الدواجن طرحت مقترحات عملية للنهوض بهذا القطاع ومضاعفة الانتاج بتحديد المشروعات وحجم الفجوة في الانتاج واحتياجات السوق بجانب النقص في المخازن المبردة وفرص الاستثمار واردف: (تبقى
|
Post: #55
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-18-2007, 11:54 AM
Parent: #54
| Quote: بأن الدجاج سيكون خلال عامين غذاء للفقراء بأنه ممكن وليس مستحيلاً |
يا زول الناس ديل جادين!!!!!!!!!!!!!!!!
|
Post: #56
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-18-2007, 01:17 PM
Parent: #1
Quote: ذكرني وعد الوالي هذا بوعود تنظيم "الاتجاه الإسلامي" في جامعة الخرطوم في الثمانينات عندما تقرب الانتخابات فكان اتحادهم يملأ الصفرة في تلك الأيام بالدجاج الكويتي ممنيا الطلاب بأن الحال سيكون هكذا اذا صوت لهم الطلاب في الدورة القادمة .. ويفاجأ الطلاب باختفاء الدجاج الكويتي بعد فوزهم وطبعا بعدما مسكوا الحكومة الكبيرة في ذات نفسها لا جداد ولا صفرة ولا داخلية ولا تعليم مجاني ولا يحزنون .. وهاهي الانتخابات تدنو فيريد المتعافي أن يعيد السيرة الأولى ، هذه المرة على مستوى الوطن .. لكن يبدو أنه وأخوانه الجبهجية قد شبعوا من أكل الجداد فتفتقت أذهانهم عن فكرة اشباع ال 95% الباقية من مواطني البلد (المساكين) ولو عن سبيل الوعود الانتخابية ..
لك الله يا بلد
عمر |
و الملاحظ الوعد بالدجاج في الحالتين!
ما سر الدجاج و الكيزان؟!
|
Post: #57
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: اسعد الريفى
Date: 08-18-2007, 01:30 PM
Parent: #1
| Quote: ودعا د. مرتضى الى ضرورة توزيع ما اعلنه والي الخرطوم من تمويل يقدر بـ «50» مليون دولار على كافة منتجي الدواجن بعدالة دون تمييز |
الزول ده بجدو !!
|
Post: #59
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Hisham Ibrahim
Date: 08-18-2007, 01:32 PM
Parent: #57
لو بعدت عنهم أنت يا الوالي وعصابتك - كل يوم حا ياكلوا جداد - مش بعد سنتين!!!
هشام
|
Post: #58
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: قرشـــو
Date: 08-18-2007, 01:32 PM
Parent: #1
الأخ ابوبكر
لك التحية
يعنى صاحبك ده عاوز يأكلهم جداد ولا افيال ؟؟؟؟
سنتين عشان الناس تأكل دجاج ؟؟؟
طيب طالما القروش موجودة والشركات موجودة اصلا
التأخير سنتين ليه ؟؟؟
علما بأن الفروج يجهز للاكل حينما يكون عمره 17 يوم فقط ....
طيب حانديهم شهرين لتشييد مزارع جديدة وشهر كمان عشان تجهيز المزارع
واديهم شهر كده من عندك فنجرية
ياخى ستة شهور كافية لتنفيذ هذا المشروع علمأ بانه توسيع لمزارع قائمة اصلا ....
يعنى السنتين ديل لما تضرب المبلغ ده فى بنوك سويسرا شوف حايكسب كم ؟؟؟؟
المهم ده كله كوم
لكن الكوم الأكبر يا جماعة انه الدواجن دى بتتغذى بالهرمونات ....
وهاكم الكلامم ده بقى ( كلام خبراء ) ..
خطورة تناول أغذية بها بقايا هرمونات النمو على صحة الإنسان :
- يؤدي تناول الأطفال للحوم بها استروجينات إلى نمو مبكر مع زيادة حجم الثدي بالنسبة للإناث وظهور تغيرات مبكرة في الطباع وتأخير ظهور العلامات الجنسية الذكرية عند الذكور. من ناحية أخرى يؤدي الاستعمال غير الأمثل لهذه الاستروجينات إلى إحداث خلل بالتوازن الجنسي بالمجتمع حيث يؤدي إلى الضعف الجنسي عند الرجال وزيادة الرغبة عند النساء.
- يؤدي تناول النساء لأغذية تحتوي على نسب عالية من ثنائي ستلبوستيرول إلى إصابة بناتهن بسرطان المهبل في سن 17 عاماً.
- يؤدي تناول الرجال لأغذية تحتوي على الاندروجينات إلى إمكانية تكوين سرطان البروستاتا.
- يؤدي تناول هرمونات النمو إلى حدوث طفرات وتشوهات جنينية.
|
Post: #60
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-18-2007, 02:31 PM
Parent: #1
Quote: الخمسين مليون دي لو دعم بيها الفقراء ح ياكلو لحم احمر عدييييييييييييييل
وهسّع دي ما بعد سنتن
كان الأولى يبشّر بأنّه بعد سنتين ما ح يكون في فقير في السودان
تصوّروا كل والي يعمل مثله ويدعم الشركات عشان تتاجر في الفقراء بعد سنتين
كيف يذهب مال الدولة لدعم القطاع الخاص في نفس الوقت الذي يرفع فيه الدعم الحكومي عن كثير من مواد التموين وسبل الدواء والتعليم
هذا لا يحدث إلا في الخرطوم
كمال |
كما قلت يا كمال هذا لا يحدث الا في الخرطوم
|
Post: #61
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: حيدر حسن ميرغني
Date: 08-18-2007, 02:42 PM
Parent: #60
اAbubaker
خوفي يعملو للجداد ده زاتو والي
|
Post: #62
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-18-2007, 04:42 PM
Parent: #1
و عمو كمان
|
Post: #63
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Alshafea Ibrahim
Date: 08-18-2007, 06:23 PM
Parent: #1
سلام وتحية لكم :
الدهشة مافي خبر أكل الدجاج هي (كذبة) كغيرها من (شطحات) هذا المتعافي - الدهشة والحسرة وخيبة الأمل أن الوالي الرشيد العادل سيكون موجود سنتين تاني ؟ يعني الفقراء سيأكلون (صفق نيم) لو كان هناك (نيم) يكفي جوعى وفقراء الخرطوم .. والزول أكيد (ناوي) نية السوء في أن تضع الولاية على كل (بيضة) و (فرخة) رسوما (ولائية) ( ومحلية) (واتحادية) (ودعم شهيد) و (مجهود حربي) و (دعم سلام) المتعافي (تاجر) و (شاطر) و (واصل) و (نافذ) و (شيخ) ورقم كبير يعرف من أين وكيف (يكنز) (الجنيه) في (سبيل الله) .. ويالله في كل (نعمة) أو (نغمة) مزارع دجاج فيضانات سيول أمطار وبائيات زيادة (مواعين) التحصيل و (التنزيل) والربح - للمتعافي وأخوانه في العقيدة والحزب والتجارة والشطارة - وكله لله لا للسلطة ولا للجاه ...
مودتي
الشفيع إبراهيم.
|
Post: #64
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-18-2007, 09:30 PM
Parent: #1
Quote: لو بعدت عنهم أنت يا الوالي وعصابتك - كل يوم حا ياكلوا جداد - مش بعد سنتين!!!
هشام |
حد يشعر بالسعادة يمشي يختار الجداد (البعاد)
|
Post: #65
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-19-2007, 11:07 AM
Parent: #1
Quote: الأخ ابوبكر
لك التحية
يعنى صاحبك ده عاوز يأكلهم جداد ولا افيال ؟؟؟؟
سنتين عشان الناس تأكل دجاج ؟؟؟
طيب طالما القروش موجودة والشركات موجودة اصلا
التأخير سنتين ليه ؟؟؟
علما بأن الفروج يجهز للاكل حينما يكون عمره 17 يوم فقط ....
طيب حانديهم شهرين لتشييد مزارع جديدة وشهر كمان عشان تجهيز المزارع
واديهم شهر كده من عندك فنجرية
ياخى ستة شهور كافية لتنفيذ هذا المشروع علمأ بانه توسيع لمزارع قائمة اصلا ....
يعنى السنتين ديل لما تضرب المبلغ ده فى بنوك سويسرا شوف حايكسب كم ؟؟؟؟
المهم ده كله كوم
لكن الكوم الأكبر يا جماعة انه الدواجن دى بتتغذى بالهرمونات ....
وهاكم الكلامم ده بقى ( كلام خبراء ) ..
خطورة تناول أغذية بها بقايا هرمونات النمو على صحة الإنسان :
- يؤدي تناول الأطفال للحوم بها استروجينات إلى نمو مبكر مع زيادة حجم الثدي بالنسبة للإناث وظهور تغيرات مبكرة في الطباع وتأخير ظهور العلامات الجنسية الذكرية عند الذكور. من ناحية أخرى يؤدي الاستعمال غير الأمثل لهذه الاستروجينات إلى إحداث خلل بالتوازن الجنسي بالمجتمع حيث يؤدي إلى الضعف الجنسي عند الرجال وزيادة الرغبة عند النساء.
- يؤدي تناول النساء لأغذية تحتوي على نسب عالية من ثنائي ستلبوستيرول إلى إصابة بناتهن بسرطان المهبل في سن 17 عاماً.
- يؤدي تناول الرجال لأغذية تحتوي على الاندروجينات إلى إمكانية تكوين سرطان البروستاتا.
- يؤدي تناول هرمونات النمو إلى حدوث طفرات وتشوهات جنينية. |
فعلاً يا صديقي !
الدجاج ملئ بالسموم !
من الاحرى به ان يعدهم بالسمك! 
|
Post: #66
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: shammashi
Date: 08-19-2007, 12:52 PM
Parent: #65
يا أمريكا لمي جدادك
جداد المتعافن جايي
|
Post: #67
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-20-2007, 07:02 PM
Parent: #1
Quote: اAbubaker
خوفي يعملو للجداد ده زاتو والي |
المشكلة يعملو لجان منبثقة من الولايات الدجاجية المتحدة
|
Post: #68
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-21-2007, 06:18 PM
Parent: #67
| Quote: وخيبة الأمل أن الوالي الرشيد العادل سيكون موجود سنتين تاني ؟ |
اخي الشفيع و الله انت راجل طيب !
قول سنتين بس ؟! الناس ديل ما ماشييييييييين عديل كده
|
Post: #69
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: حيدر حسن ميرغني
Date: 08-23-2007, 07:54 AM
Parent: #68
*
|
Post: #70
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: shammashi
Date: 08-23-2007, 01:16 PM
Parent: #69
Quote: من غير زعل - صلاح حماده
فراخ الوالي وسمك نزيه!!
نحن الفقراء إستبشرنا خيراً عندما سمعنا بتصريح السيد الوالي :« أطال الله عمره » بأن مشروع «داجن » سوف يكون أضخم مشروع في العالم العربي وأفريقيا وسوف نضبخ الفراخ بالملوخية وهي الأكلة الشعبية للفقراء والمساكين وبدل القراصة والفول والطعمية وبذلك يصبح الفول هو أكل الأغنياء حتى الفول حبيب الشعب عاوزين يحرموني منو.
قلت بيني وبين نفسي:
ولماذا يريدنا السيد الوالي أن نظل فقراء حتى نتذوق طعام «فراخه» لماذا لا يفكر السيد الوالي في أن يجعل منا أغنياء ويخلينا في حالنا ولا يحرمنا من «حبيب الكُل» لأننا على إستعداد لتناول الفول في كل الوجبات طالما اننا سوف نصبح أغنياء ونعيش مبسوطين مثل بقية الخلق ونأكل « فول الوالي» ونترك فراخ الوالي للقطط والكلاب ، طالما أننا أصبحنا أغنياء ولا يوجد فقير واحد في هذا البلد..
كنت أفكر في كل ذلك وأنا أحاول أن أتجنب مطبات الوالي والحُفر التي أحدثتها الأمطار الأخيرة التي جعلت العاصمة تغرق في شبر موية الأمطار التي أطلق عليها بعض الزهاجة مطرة الوالي على وزن فراخ الوالي تحت شعار «فرخة لكل بيت» ومطرة لكل بيت.
في نفس اليوم ذهبت لزيارة صديقي الكاريكاتيرست نزيه حسن فوجدته منهمكاً في رسم الكاريكاتير اليومي لصحيفة الحياة ، وقد كانت الرسمة عبارة عن إثنين من المواطنين غرقانين في السوق العربي ومشمرين الجلاليب اما التعليق فقد كان:
يا أخي .. إنت الوالي ده عايز يأكلنا فراخ ولا سمك؟
ضحكت وقلت له:
« يا نزيه إن الأسماك لا تعيش في «موية المطرة».. لماذا لا تجعلها «ضفادع« وبذلك تكون الضفادع هي الأكلة الشعبية للفقراء بدل الفراخ مع العلم بأن الضفادع هي أكل الأغنياء في معظم الدول الغربية خاصة في فرنسا ولها مطاعم فاخرة وراقية جداً ولا يرتادها إلا الأغنياء مثلها مثل مطاعم ال Sea
Food لذلك لماذا لا نقترح إسم جديد للمشروع وبدل
«داجن» من دواجن يكون الإسم الجديد «ضافع» من ضفادع
كما نقترح إسم جديد لمشروع سندس الزراعي ونطلق عليه إسم «حجر الظلط» وكما يقول المثل الزارعها الله في الظلط تقوم بطيخ.
|
منقول من صحيفة الوطن
|
Post: #71
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-23-2007, 02:45 PM
Parent: #1
حاطب ليـــــــل
عبد اللطيف البوني
[email protected]
بلدي بالذقني
في كل بقاع الدنيا تقريباً نجد ان اللحوم البيضاء «سمك ودجاج» ارخص بكثير من اللحوم الحمراء.. ففي كل آسيا، الصين والهند والباكستان يفطر ثلاثة مليارات من البشر بالزبادي والبيض فاللحوم البيضاء هي اكل الفقراء، اما في بلادنا فهي اكل الطبقة المرتاحة و«نزلاء الفندق الكبير» كما جاء في قصيدة الراحل العظيم صلاح احمد ابراهيم في رثائه لشهداء عنبر جودة اذ قال لو كان هؤلاء المزارعون البالغ عددهم عشرين دستة من البشر لو كانوا فراخاً يقدم حساؤها واوراكها لنزلاء الفندق الكبير لقدم لهم الحب والماء والاوكسجين. والفرق اليوم بين موائد الاغنياء وموائد الفقراء هذا اذا كان للفقراء موائد ان الاوائل يقدمون فيها الدجاج اشكالاً والواناً شي بروست وشي مشوي وشي شوربة هل ندخل الذقني معانا؟ وكذلك السمك محمر ومشمر يا ربي مشمر دي شنو؟ اما احياء الفقراء فقد دخلتها مؤخراً كوارع الدجاج -اي والله- كوارع عديل كدا وشوربة رؤوس الدجاج ، السمك النصحية لله منتشر في كل البقاع وليس حكراً على الاغنياء ولكن سمك من سمك يفرق «فسمك ناس سامي اسمك من سمك ناس سمساعة» اين انت يا استاذ محمد سليمان؟
مناسبة هذه الرمية ما صرح به السيد المتعافي في زيارته لمزارع الدواجن الاسبوع المنصرم من انه وفي خلال عامين سوف يجعل اللحوم البيضاء في متناول افواه الفقراء في العاصمة، يا ربي الزول ده حايقعد سنتين تاني ؟؟ ما علينا.. الا اننا لا بد ان نرحب بمثل هذا الكلام لان هذا هو الشئ الطبيعي وان حدث ذلك سيكون المتعافي قد عدل الصورة المقلوبة فمدخلات اللحوم البيضاء ارخص بكثير من مدخلات اي غذاء آخر لا بل نقول ان ما قاله المتعافي جاء متأخراً جداً ولكن ان تأتي متأخراً خير من ان لا تأتي نهائياً.
البداية الصحيحة لكي يحقق الدكتور المتعافي ما وعد به هي ان يقف على المكبلات والقيود التي تمنع مزارع الدواجن القائمة من الانطلاق سيجد سيادته ان السياسة الجبائية التي تطبقها الدولة والولاية التي يقف على رأسها المتعافي هي السبب في تدمير تلك الصناعة لا بل هي السبب في تجويع العاصمة وزيادة معدلات الفقر فيها ، سيجد ان كل البكاسي واللواري «التعبانة» التي كانت تنقل الخضروات والالبان والبيض والدجاج من ضواحي العاصمة قد توقفت وخرجت من الخدمة بسبب رسوم رخص السيارات التي رفعها المتعافي بنسبة «1000%»«ألف في المائة» وبسبب نقاط العبور التي وضعها المتعافي وبسبب غرامات المرور الباهظة .
على المتعافي اذا اراد ان تأكل العاصمة دجاجاً وسمكاً وتنعم بالخضروات ان يحرر قطاع النقل فيها، عليه ان يسهل حركة المنتجات القادمة للعاصمة.. ان علة صناعة الدواجن تكمن في السياسة الجبائية العامة المطبقة في كل البلاد وفي العاصمة على وجه التحديد وبالتالي اذا اردنا الازدهار لصناعة الدواجن علينا ان نزيل القيود التي تكبلها وتكبل غيرها في نفس الوقت.
المسألة ليست في الانتاج وحده نتمنى على والي الخرطوم ان يتكرم بزيارة السوق المركزي بالخرطوم حيث توجد اكبر الثلاجات للخضر والفواكه والدجاج المثلج ويقف على معاناة هؤلاء التجار من سلطات العاصمة المحلية ويقف على عدد الجبايات التي لا تقابلها ادنى خدمة فهذا السوق من اقذر بقاع الدنيا فبين كل بركة وبركة بركة، والغريب ان برك هذا السوق لا تحتاج الى فصل خريف فهي ما شاء الله موجودة طوال العام كما انها اشكال والوان اصفر وازرق واحمر زي شفق المغارب فان كان فقراء العاصمة سيأكلون لحوماً بيضاء من هذا السوق فجوعهم الحالي خير لهم.
|
Post: #73
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: محمد البشرى الخضر
Date: 08-23-2007, 09:17 PM
Parent: #72
أبوبكر يا عمك
سمعنا بي باصات الوالي
و مطبات الوالي
و جمال الوالي
حسي جابت ليها جداد الوالي
متين حا نسمع بي إستقالة الوالي
أو إستراحة محارب الوالي
يعني إلا تقع عمارة , مسامحينك ياخ إستريح بدون ما ترميها
قلت لي القصة بقا فيها النعام آدم وكدا, يا خي ديل معلمين
|
Post: #74
Title: Re: والي الخرطوم: ادونا سنتين المساكين حا ياكلو جداد كلهم ، جداد عدييل كده!!!
Author: Abubaker Ahmed
Date: 08-23-2007, 09:31 PM
Parent: #73
Quote: أبوبكر يا عمك
سمعنا بي باصات الوالي
و مطبات الوالي
و جمال الوالي
حسي جابت ليها جداد الوالي
متين حا نسمع بي إستقالة الوالي
أو إستراحة محارب الوالي
يعني إلا تقع عمارة , مسامحينك ياخ إستريح بدون ما ترميها |
محمد يا انيق
ياخي الناس ديل يحيرو الما مغير (ما بتحير الا مغير)
الناس و ين و هم وين ؟!
كلام يجنن لما يكون المزارع مستحقات سنين ما صرفها عشان يدقق بيها عيش (فتريتا) لي ويلاداتو و ما ديرين يدوها ليهو و يقولو ليو " حا تاكول جداد و تلعب مع النعام"
Quote: قلت لي القصة بقا فيها النعام آدم وكدا, يا خي ديل معلمين
|
اديها صنة بعد شوية بتسمع بي مليار دولار لدعم قطاع الفارات في البلاد ( الفارات دي جمع فأر)
|
|