الشيخ حياتي هل من معلومات عنه

يا جماعة بالله عليكم لو في واحد منكم عنده اي معلومات عن هذا المادح الفذ ينشرها للفائدة. والله الزول دا لما اسمع قصائده بقرب الحق ابو الحسين.

Quote: يا جماعة بالله عليكم لو في واحد منكم عنده اي معلومات عن هذا المادح الفذ ينشرها للفائدة. والله الزول دا لما اسمع قصائده بقرب الحق ابو الحسين.

صديقي الجميل ود الفكي...

أنا من زماااااااان أقول عندنا خيط مشترك بس هو شنو ما عرفتو... إنشاء الله نتقابل في أقرب وقت في مكة ونلقى نفسنا واااااااااحد... بس أدعو لي الله معاك عليك الله في الحرم ربنا يسهل لي زواجي دا وأجيك بي غادي طيب...

تعرف يا اخوي أنا من المعجبين جداً بقصائد الشيخ حياتي "الله يرحمه ويغفر له ويتولاه" فهو شاعر مجيد بمعنى الكلمة... وكم صدح أولاد حاج الماحي بروائعه في مدح النبي صلى الله عليه وآله وسلم وآل بيته الأطهار وصحبه الأبرار... وتعجبني قصائده التي نظمها في تعظيم السادة الصحابة "عليهم رضوان الله"...

نم يا فمي قول شكر السادات...

ونم يا فمي قول شكر الجيدين... وغيرها...

وأنا يا صديقي جاريتو في هذا الخط بقصيدتي...

نِم يا فمي قول... جيب الكلام شكاَّر...

فوق سيدي الرسول... الهاشمي المختار...

وإنشاء الله حا أنزلها ليك قريباً كاملة...

مع قواسيب مودتي... ودعوتي معك لكل من يعرف عن تاريخ هذا المادح النبوي فليأتنا به لنتبرك بسيرته الطيبة...


أبو الحســــــــين...

يا ابو الحسين
سلام عليك
اول حاجة عليك الله وريني جاى مكة متين عشان اشوف لك طريقة ليلة او ليلتين عندنا في الفندق يا مجان يا مجان اما البيت والله ما عندي طريقة لانه ساكن في راس جبل الا تكون مركب ترس تقيل عشان تطلعه وانت عارف طبيعة مكة الجبلية دا غير انه مشروع جبل عمر ما خلي حتة الناس تسكن فيها.
ثانيا : لازم تجيب لي معاك شريط لمدائح شيخ حياتي وما تقول الزول دا صوفي، لكن بحب المديح رغم تحفظاتي القطعية على بعضه. اوعى تجيب لي الشريط بالطار شوف لي واحد بالاورغن انا ما عجوز.
وعليك الله يا فردة لو عندك موقع او مكان اقدر القى فيه مدائح الزول دا الحقني بيه والبركة في قناة ساهور والله خلتني الكورة ما قاعد اتفرج فيها.
تحياتي