Post: #1
Title: .. وداعا
Author: عامر تيتاوى
Date: 08-11-2007, 01:32 AM
Parent: #0
|
Post: #2
Title: Re: .. وداعا
Author: Alsa7afa_30
Date: 08-11-2007, 01:40 AM
Parent: #1
أنا قلت الزول ده متين لحـق عشان يقول وداعاً 
أتاريك جايينا بأعذب صوت نسائي (في رايي) مر على السودان ..
يديك العافية ..
|
Post: #3
Title: Re: .. وداعا
Author: عامر تيتاوى
Date: 08-11-2007, 01:45 AM
Parent: #2
Quote: أتاريك جايينا بأعذب صوت نسائي (في رايي) مر على السودان ..
|
رايك فى محلو
Alsa7afa_30
ويسلم ذوقك
|
Post: #4
Title: Re: .. وداعا
Author: عامر تيتاوى
Date: 08-11-2007, 01:53 AM
Parent: #3
الشاعر حميدة ابو عشر
وداعا ً روضتي الغنا وداعا ً معبدي القدس
***
طويت الماضي في قلبي وعشت علي صدي الذكري
وهذا الدمع قد ينبئ بظلم المهجة الحيري
لماذا الهجر يا حبي
لماذا دهرنا ضنّ وشبع روحي باليأس
***
نسيت الماضي يا ليلي وماضي الحب والطهر
ليالي نقطع الليل بحلو النجوي والشعر
ليالي حبنا الاولي
نسيتي ليل اذ كنا نفدي النفس بالنفس
***
أظل اردد الشكوي لما لاقيت من وجدي
حبيب الروح لا أقوي علي حمل الهوي وحدي
ولما لم أجد سلوي
كسرت ابريقي والدنا
سكبت علي الثري كأسي
***
وداعا روضتي الغناء وداعا معبدي القدسي
|
Post: #5
Title: Re: .. وداعا
Author: غباشي
Date: 08-11-2007, 02:59 AM
Parent: #1
وقـَّعت قلبي يــاااااااااااخ .......
لكن رجع تاني 
|
Post: #13
Title: Re: .. وداعا
Author: عامر تيتاوى
Date: 08-11-2007, 11:27 PM
Parent: #5
الحبيب غباشى
رجع رجع الحمد لله
شكرا ياابن اختى
|
Post: #6
Title: Re: .. وداعا
Author: محمد عثمان
Date: 08-11-2007, 04:55 AM
Parent: #1
Quote: حبيب الروح لا أقوي علي حمل الهوي وحدي
ولما لم أجد سلوي
كسرت ابريقي والدنا
سكبت علي الثري كأسي |
شكرا عامر
فعلا اغنية معتقة بفعل الزمن
و ملونة بصوت الحااضر الجميل..
يااا سلاااااام
يديك العاافية...
|
Post: #7
Title: Re: .. وداعا
Author: عبدالكريم الامين احمد
Date: 08-11-2007, 06:14 AM
Parent: #6
ياسلام يا تيتاوي يافنان
جعلت للصباحات طعم ومعني بالكلام النضيف ده..
...
وزي ما قال ليك غباشي وقعت لينا قلبنا في البداية
ولكن الحمد الله (دقت في العارضة)
|
Post: #8
Title: Re: .. وداعا
Author: محمد عبدالرحمن
Date: 08-11-2007, 06:20 AM
Parent: #6
| Quote: حبيب الروح لا أقوي علي حمل الهوي وحدي |
تسلم ياعامر ...والف سلام ورحمه لروح الكاشف ..
|
Post: #9
Title: Re: .. وداعا
Author: jini
Date: 08-11-2007, 08:37 AM
Parent: #8
تيتاوى
يغنى المغنى وكل على ليلاه!
ليلى حميدة ابوعشر هنا هى مدرسة حنتوب الجميلة كتبها عندما انتهت فترة عمله بها وكان يعمل فراش ونجار بها!
حميدة الشاعر الشفيف غنى لهم جاركم الفنان العملاق عبد الحميد يوسف رائعته غضبك جميل زى بسمتك!
عبد الحميد يو رحمة الله عليه كان يسكن هو والفنان صديق عباس فى منزل جوار استديو شهرزاد مواجها لحى النزهة
الاغنية كتها نجار ولحنها وغناها نجار رحم الله نجارا السودان الكاشف وابوعشر الذين لا مثيل لهما بين مهندسى العالم فضلا عن نجاريه!
تحياتى لصديق العمر فضل هاشم تليس!
شكرا تيتاوى
|
Post: #10
Title: Re: .. وداعا
Author: مجدي عبدالرحيم فضل
Date: 08-11-2007, 09:57 AM
Parent: #9
تيتا الجميل ...
دي وداعة في روضة جميلة ونغم حالم مع صوت من حنان الدفء
يحملك مشاعر الوتر ودوذنة الكلمات في صورة بديعة جدً.
،،،،أبوقصي،،،،
|
Post: #11
Title: Re: .. وداعا
Author: خالد علي محجوب المنسي
Date: 08-11-2007, 11:55 AM
Parent: #10
تيتاوي سلام ومشتاقين
والله حيرتني قلت عامر تيتاوي الجميل الحلو كمان في زول بزعلو
لكن حمدا سلامة وجدت الوداع بي حرقة بس من مكتول كمد معذب
لك التحية حبيبنا تيتاوي
خالد محجوب
|
Post: #16
Title: Re: .. وداعا
Author: عامر تيتاوى
Date: 08-12-2007, 00:16 AM
Parent: #8
محمد عبد الرحمن
الكاشف عبقرى عدييل كده
وقد لعب دورا كبيرا فى شكل
الاغنية السودنية الحديثة
وقد اسهم فى صياغة الوجدان السودانى
وهو نسيج لوحده ويستحق علمه الموسيقى ان يدرس
|
Post: #14
Title: Re: .. وداعا
Author: عامر تيتاوى
Date: 08-11-2007, 11:57 PM
Parent: #6
محمد عثمان
Quote: ..فعلا اغنية معتقة بفعل الزمن
و ملونة بصوت الحااضر الجميل..
يااا سلاااااام
|
وتعكس جانبا مهما من رقة الكلمة وعذوبة المعانى
فى الاغنية السودانية
وفيها كمية من الوجد غير عادية
وطبعا محمد عثمان واحد من المبحرين فى هذا التيار الجميل
ولاغرو ان يقول ما قلت فلك الشكر والتحية
|
Post: #12
Title: Re: .. وداعا
Author: صديق حمدتو
Date: 08-11-2007, 12:41 PM
Parent: #1
عامر تيتاوي كمان جابت ليها تبويظ أعصاب !!!
ما كفاية البعلمو "فينا" الهلال؟؟!!
ملحوظة: "فينا" دي للتمويه
|
Post: #15
Title: Re: .. وداعا
Author: عامر تيتاوى
Date: 08-12-2007, 00:01 AM
Parent: #12
كيكى الجميل كرومة الفنان
Quote: وزي ما قال ليك غباشي وقعت لينا قلبنا في البداية
ولكن الحمد الله (دقت في العارضة) |
مافى زول بجيب قون سبت زاتو بين الخشبات
مش تقول لى جكسا فى خط ستة
قاعديييييييين
|
Post: #18
Title: Re: .. وداعا
Author: عامر تيتاوى
Date: 08-12-2007, 00:27 AM
Parent: #15
سلام ياجنى
Quote: حميدة الشاعر الشفيف غنى لهم جاركم الفنان العملاق عبد الحميد يوسف رائعته غضبك جميل زى بسمتك!
عبد الحميد يو رحمة الله عليه كان يسكن هو والفنان صديق عباس فى منزل جوار استديو شهرزاد مواجها لحى النزهة
|
الراحل عبد الحميد يوسف كان يسكن فى البيت المواجه لنا مباشرة هو فى نهاية مربع 4 ونحن فى
بداية 8 وقد سكن صديق عباس فى نفس البيت بعد وفاة الفنان الكبير الراحل
اما حميدة ابوعشر فده حكايتو حكاية يعنى شوف عمق الكلمات ودقة المعانى وروعة التوصيف
والاقتباس وو انها قصيدة متكاملة واسبغ عليها الكاشف روح العمل الفنى الخالد وابوعشر
العامل فى حنتوب تاثر باجواء الادب والكلمة الراقية فعبر بكلمات تفوق فى جمالها الكثير
من ادوات التعبير المستخدمة فى كلمات الاغانى العادية
روضتى الغنا ياجنى حاجة تانية خالص
فضل هاشم صحبك الجميل التقيته قبل خمسة اشهر وهو بخير وما اجمل ايام الحوش
|
Post: #17
Title: Re: .. وداعا
Author: عوض حمزة
Date: 08-12-2007, 00:26 AM
Parent: #1
عامر تيتاوى..
يا مجنون اقعد خلع فينا كده الى ان يقع مالا يحمد عقباه
اوقعت قلبى يا رجل ... وظننت ان لا اجد عامر هنا ثانيتا
اقعد عافية يا جميل
عوض حمزة
|
Post: #19
Title: Re: .. وداعا
Author: عامر تيتاوى
Date: 08-12-2007, 00:30 AM
Parent: #17
ابوقصى الفاهم
Quote: يحملك مشاعر الوتر ودوذنة الكلمات في صورة بديعة جدً.
|
صوت حنان النيل وكلمات ابو عشر والحان الكاشف
مثلث برمودا
|
Post: #20
Title: Re: .. وداعا
Author: عامر تيتاوى
Date: 08-12-2007, 00:35 AM
Parent: #19
خالد .. ريكا الحبيب
| Quote: لكن حمدا سلامة وجدت الوداع بي حرقة بس من مكتول كمد معذب |
دى استراحة محارب ياصديق شفت كيف الحرقة والليل والشجن والشوق
والوداع وان تطوى الماضى فى قلبك وتحيا على صدى الذكرى واه من الذكرى
صلوا على النبى وهونوا شوية .. ما اجملك يازول
|
Post: #21
Title: Re: .. وداعا
Author: عامر تيتاوى
Date: 08-12-2007, 00:40 AM
Parent: #20
صديقى صديق
| Quote: كمان جابت ليها تبويظ أعصاب !!! |
وعشان اعصابك ترتاح جيناك بصدى الذكرى
تذكر ياصديق يوم الرحلة النيلية ومحمد اسماعيل
لما غنى وداعا لى هسى يترن فى اذانى وعشان تتذكر
اليوم الجميل فوق مياه النيل جيناك ياصديقوف بى
حنان النيل
|
Post: #22
Title: Re: .. وداعا
Author: عامر تيتاوى
Date: 08-12-2007, 00:48 AM
Parent: #21
العزيز عوض حمزة
Quote: يا مجنون اقعد خلع فينا كده الى ان يقع مالا يحمد عقباه
اوقعت قلبى يا رجل ... وظننت ان لا اجد عامر هنا ثانيتا |
سلامة قلبك يااخى والمكان عامر بيك وبامثالك من الناس الحبوبين
والطيببين
لك منى الود والمحبة
|
Post: #23
Title: Re: .. وداعا
Author: عامر تيتاوى
Date: 08-12-2007, 05:03 PM
Parent: #22
حبيب الروح لا اقوى على حمل الهوى وحدى
ولما لم اجد سلوى كسرت ابريقى والدنا
سكبت على الثرى كاسى وداعا روضتى الغنا
مزيد من الاستماع والاستمتاع
|
Post: #24
Title: Re: .. وداعا
Author: mulhim
Date: 08-12-2007, 05:15 PM
Parent: #23
تيتاوى ابن عمى ... لك تحياتى والشكر على جميل الاختيار
|
Post: #26
Title: Re: .. وداعا
Author: عامر تيتاوى
Date: 08-12-2007, 08:29 PM
Parent: #24
اهلا ابن عمى
ملهم .. ملهم
مشتاقين
ويسلم ذوقك
|
Post: #25
Title: Re: .. وداعا
Author: معتصم دفع الله
Date: 08-12-2007, 06:08 PM
Parent: #1
بعد دا نقول شنو يا عامر ..
نستمع بس ..
الله يديك العافية ..
|
Post: #27
Title: Re: .. وداعا
Author: عامر تيتاوى
Date: 08-12-2007, 09:09 PM
Parent: #25
معتصم
سلام ياصاحب الذوق الرفيع
نستمع بس
|
Post: #28
Title: Re: .. وداعا
Author: عامر تيتاوى
Date: 08-13-2007, 12:30 PM
Parent: #27
فرصة للاستماع الى الكلمة الرصينة والوجد المعتق
وكل يغنى على ليلاه
المهم .. وداعا روضتى الغنا
|
|