ليلة سمر الدوحة - العدد الثالث

كما وعدنا ..... ليلة سمر صيفية أخرى.

منذ قليل إختتمنا ليلة سمر أخرى بمركز أصدقاء البيئة. كان هناك البروفيسور طه العطا، كان هناك الأستاذ والكاتب الصحفي جعفر عباس، وكان هناك الدبلوماسي السفير أحمد التني. كما شارك أيضاً عضو البورد مأمون أحمد ابراهيم ببعض قصائده.

بدأت الليلة بالبروفيسور طه العطا، وسرد بعضاً من سيرته الذاتية، ثم عرض ملخصاً لثلاثة من معارضه على شاشة صالة المركز. عقبه الإعلامي المخضرم جعفر عباس (أبوالجعافر) سارداً تجربته وبعضاً من المواقف بطريقة ابوالجعافر المعهودة. ثم بعضاً من قصائد الأستاذ مأمون أحمد إبراهيم. إعتلى بعده المنبر السفير/ أحمد يوسف التني متحدثاً عن الدبلوماسية عموماً والدبلوماسية السودانية وتاريخها خصوصاً.

في آخر الفقرات .. طًلب من (الفنان) طه العطا تقديم بعضاً من الأغاني، فتغنى بثلاثة من أغانيه الخاصة، ثم شدا بأغنية الراحل خضر بشير (أيه يا مولاي).

تم تكريم الضيوف الثلاث والأستاذ مأمون. ثم جرى سحب على أرقام كانت قد وزّعت على الحضور، وقدمت لأصحاب الأرقام المحظوظة هدايا قدمها المستشفى الأمريكي الصيني الدولي كما كان قد وعد الدكتور سيد التلب.

إنتظرونا شوية وحننزل صور الفعالية.

أجمل تعليق كان ممن عضو البورد عمر بوب:

إحتج عمر بوب قائلاً أن الليلة كانت (دسمة) أكثر من اللاّزم، وكل ضيف من ضيوف الليلة كان يجب أن يًستضاف في ليلة وحده.

كما فاز الصحافة 30 بجائزة لأول مرة في حياته من خلال السحب الذي أجري في ختام الليلة

د. طه العطا قدمه عضو اللجنة عادل التيجاني

صحافة 30 .... كنتم وكان جمهور الحضور مستمعاً جيداً .. فأسهم بفعالية في نجاح الليلة و..... مبروك الهدية

[/url]

أبو الريش (ما تخليها تصبح)

تحياتي

كانت ليله ما أحلاها شاهدنا فيها وجوه رائعة لا تجدها إلا في الفعاليات المتميزة ، وكان للمرأة حضور متميز ويكفي أن ضيوف الليلة الثلاثة تم دعوتهم عن طريق عضو اللجنة (أ . عواطف حسين) هذا بجانب العدد المتميز من العنصر النسائي بالدوحة .

أرجو أن تتكرر .

ولكني حقيقة أقولها افتقدت الأخ (معتز القريش) فللرجل دور عظيم يقوم به ويسهم من خلاله في نشر وقائع ليالينا بصوره رائعة وأرجو ألا يكون لما دار من سوء فهم لخلافات سابقة سبب في عدم حضوره .

فنحن نثق به جداً - وهو من وجهة نظري (رقم) مهم في فعالياتنا - وأخونا أبو ساندرا أيضاً (رقم) هام جداً يا جماعة وبناته هن بناتنا ولا نقبل فيهن أي خدش وربنا يبعد الشيطان .

أتمنى أن يتفضل بالقراءة والاستجابة للنداء . وقد تناولت موضوع الخلاف في مسالة التصوير من خلال منتدى الحروف - نسخة الدوحة - ,اكدت على ثقتنا به وبكل اعضاء المنتدى - وحتى لا نأخذ الناس بالانطباع (فقط) أو الاتجاهات أو الميول .
فإني أقول له أنت مصدر ثقتنا وثقة الجميع - وأؤكد للكل بأن جميع الصور التي يتم التقاطها ستراجع وتؤخذ وتوضع بكل الاحترام لأصحابها إلا من رأى عدم موافقته للتصوير .

شكراً إخوتي

عادل التجاني
الدوحة

رغم أنني لم أتجاوز بعد دهشة الليلة الاولى من منتدى الحروف " DOHA COPY " ولا ذلت أقتات الفرح الذي بثه مبيوع في ثنايا فؤادي بأغانية الجميله وحديثة المميز المدهش " موش ؟" إلا أنني أسفت جداً لعدم تمكني من الحضور بسبب أنني كنت أشارك صديقاً عزيزاً الفرحة بعقد قرانه , وحزنت جداً لعدم وجود تسجيل لذاك اليوم الذي أحسبه تاريخي نسبة للمتحدثين العبافرة الذين أموه على وجه الخصوص الشاعر الملهم الشفاف " مامون أحمد أبراهيم والصحفي خفيف الظل واسع الحيلة أبو الجعافر ووالحضور الذي يأتي دائماً متميزاً .
كنت قد قطعت عهداً على نفسي بأن لا أفوت ليله من ليالي السمر ولكنني اليوم أقطع على نفسي عهداً جديداً أن أجاهد للحضور ما إستطعت .

شكراً سودانييز إن دوحه

يا سلام ياطارق ياود المكى يا فنان ,

وإنت كنت حاضر معانا, وفى القلب والخاطر.

أشكرك جزيل الشكر , والشكر موصول إلى عضو اللجنه
العزيز أبو العزائم , وإلى جميع من كانوا خلف هذا العمل البديع
والترتيب المنسق الراقى .

ويا لها من ليله دسمه , كما قال عمر بوب .

صدقني يا طارق .... كانت ليلة لن تتكرر .......... إفتقدناك كثيراً

سنحاول وصفها بالصور .. وبالكلمات ....... خليك قريب.

عموماً هذه هي الدوحة، مليئة بالمبدعين في شتى المجالات .. وسنجتهد أن نستضيفهم تباعاً ..... ستتوالى الليالي، فلا تفوتها

حبيبنا الشاعر المجيد مامون أحمد إبراهيم
قرأ علينا ثلاث قصائد رائعات
كان بيختم كل مقطع في القصيدة الأخيرة ب { يا أحلى قدر }
كررها مرات ومرات
زوجته أختنا فدوى كانت تجلس بجوارنا
رشيدة قالت لها : { ماتزغردي يا أحلى قدر أنت }

الاخوة الأعزاء

تحية وردية ممزوجة ودا ومحبة

الشكر أجزله لكم ولكل من ساهم في هذه الليالي الرائعة التي أيقظتنا من سباتنا.

لقد فتحتم لنا حديقة الابداع لنرتع في ظلالها الوارفات مع الفنان المبدع د. ياسر مبيوع ومع القامات بروفيسر طه العطا ( أبو التواضع ) والأستاذان جعفر عباس الأديب الأريب صاحب السهل الممتنع والدبلوماسي الرائع الذي افتقدته الدبلوماسية السودانية والشاعر مامون احمد الطاهر الذي أخذ الحضور بطريقة القائه الرائعة لاشعاره.

الليالي أيضا كانت فرصة طيبة للقاء من لم نلتقيهم منذ سنين عديدة وفي مقدمتهم العزيز بروفيسر احمد عبدالله.

الحديث ذو شجون.

والشكر موصول للجميع وواصــــــــلـــــــــــــــــــوا.

حسن طــه

Quote: كان بيختم كل مقطع في القصيدة الأخيرة ب { يا أحلى قدر }

أبوساندرا الراقى , هو فى أحلى من قدر البنات الراقيات الرائعات ,
وأمهن الرشيده العندك ديل ! فياله من قدرٍ جميل , الذى جمعنا بكم .

سلام يا أحباب ياكرام .

مأمون ...

أمتعنا بجميل الكلام

[/url]

وكانت تعليقات أبو ساندرا الساخرة

[/url]

الأستاذ/ حسن طه محمد

لقد كانت الليلة غنية بكم ... كان ضيوفنا رائعين، وكنتم أروع حضور

الأخ مأمون ..

لم تكن الليلة تنجح لو لا تعاون الجميع ....

واللجنة التي قامت بهذه الليلة مكونة من:

الأخ عادل التجاني
الأخت عواطف حسين
الأخ بدرالدين الأمير
وشخصي الضعيف

العزيز أبو العزائم ,

سلمت وصدقت يارجل , وعلى قدر أهل العزم تأتى العزائم ..
فلولاهم لما تم هذا العمل , ولما كانت تلك الليله الرائعه
البهيجه , الدسمه , المفرحه .. فالشكر لهم جميعاً :

وكنت سوف أأتى لهم جميعاً فرداً فرداً بما يستحقونه , وسوف أفعل .

ودالأمير , عادل التيجانى , عواطف حسين , وعبدالغنى كرم الله , محمد حسن ,

وكل الحضور , كل واحد فيهم كان بستاهل يتفتح بوست عشانو , ولكل طابعه ونسقه الجميل .

الشكر للجميع .. فلقد كانت ليله من ليالى حياتى ! .. فشكراً جزيلاً .

أبوالجعافر .... قدمه بدرالدين الأمير

تكريم جعفر عباس. وبروفيسور عثمان البيلي وود الأمير

تكريم الشاعر مأمون .... والمخرج عبدالرحمن نجدي

إنتو { العم } حسن طه متين صار بوردابي ؟

بسحروك يا إستاذ

حسن طه مكسب للبورداب القانونيين
فهو قانوني ضليع
عضو برابطة القانونيين في الدوحة

أهلآ وسهلآ يا أبوعلي

شكرا أبو ساندرا ( ملح اللقاءات كما علمت وتبينت ) ولازم تكون بوردابي عشان تحاول تلحق نشاط ناس الدوحة المبدعين .

لكم جميعا التحايا والود

البروف/ أحمد عبدالله قدم السفير/ أحمد التني







تكريم السفير/ أحمد التني - عادل سالم

عزيزي ابو العزائم....
والاعزاء جدا، استاذ عادل التجاني، واستاذ بدر الدين الامير..

بالحق كان عمل رائع، ومجهود جبار، وكانت ليلة دسمة، تنوعت بالعطاء من الفنان الكبير طه العطاء، وعملة المميز، والمتفرد في الاقنعة، وجسد الأثنى، "الغريب، في كل تجالياته العمرية)، وحتى الأقنعة، وتلك اللبوس التي نخاف من عرضها، بل نخفي سريرة، ونظهر سيرة ، خوفا، من أشياء وأشيا، ثم جاء الساخر الجميل جعفر عباس، وكلماته المتهكمة، الذكية، ... ثم حلق بنا الشاعر مأمون لعوالم الشعر، والحيرة الكبرى، وتذوق لذة الشعر والرؤى، والجمال...

ثم ختمت، بالاستاذ التني، وعوالم الدبلوماسية، المتعددة، ....

وللحق، كما قال الاخ العزيز عمر بوب، كان كل الاخوة الافاضل، بقدروهم إقامة ندوة قائمة بذاته، ولا ننكر جمال التنوع، ولكن الوقت كان ضيق، بالنسبة للمشاركة، ونتمى، لاحقا، ان تفرد امسية لكل منهم، حتى نشرب من تجاربهم الثرة..

وفي الختام، تغنى الفنان والدكتور طه العطاء، بأغاني فيها من الجمال،والثرات، ما حلق بالجميع للغناء حين يكون رسولا للجمال، وللتربية، والاصالة..

حقا، امسية رائعة....

همسات...

1- يالمعتصم "الطاهر"، برضو تقول (حظي عاثر)، أنشاء الله تلقى رقم ينتهي ب 00000105
2- يامامون (دي امسية ادبية)، مش جولة تسوق (رجعتوا البيت بثوب وبلوزة)، تقول جاين من سوق واقف الحديث..
3- عادل التجاني (وزجته)، تأمروا (مع بنت نجدي الامورة)، على انتزاع (ثوب ملح)، والله أعلم..
4- يارشيدة "بركات"، على قول الانجليز (والله إلى يومنا هذا بضحك على (الاتنين البسكروا)، وأوعه يكون (المرتين)، ههههههههههه....
5- عوضية وبنتها الرائعة مآب، (شالوا الجمل بما حمل)، والعزيزة جدا نسرين، (أنا حظي عاكس، ولا هم، جاروا، .....
6- رد استاذ التني، عن (ده كلام عمر البشير "الصالح العام"، اضحك الجميع (بدبلماسيته)،
7- قال الساخر جدا، استاذ جعفر عباس،عن مثابرته، حتى (انتشر اسمه كظاهرة وبائية)...
8- تأكد لي بأن (ابوساندار)، يحتاج لأمسية لوحده، هذا الرجل له تجارب تستحق الوقوف..
9- كم اعجب بنشاط حسام (صحافة 30)، كما يحب ويرغب..
10- افتقدنا (المعز قريش، وكاميرته، وشكله السمين، وتجوله بين الصفوف).. ولحيته المضللة..
11- كان البرنامج متقنا، ومنظما..
12- الحضور متميز، وكبير، ومشجع ليالي آخر..
13- ومحبتي، وتقديري.. لمن ساهم في هذا اليوم الجميل..

---

وجه آخر للمبدع طه العطا ..

بدأ فقرته الغنائية بأغنية شدا بها كثيرين دون أن يعرفوا صاحبها الأصلي، وهناك من نسبها لغير صاحبها، ولكنها - وشخصياً أشهد بذلك - للفنان طه العطا كلماتاً ولحناً، ويقول مطلع الأغنية:

يا حمام شيل السلام وأدي الريدة
أمشي للبلدو بعيدا
ذكروا الريدة وعيدا
شوفلي لو ليلة سعيدة
والا راح زمن الريدة

أمشي للقاسي وصالو
أسألوا واعرف حالو

أبوالريش - توثيق اللحظات الجميلة.

Quote: كان بيختم كل مقطع في القصيدة الأخيرة ب { يا أحلى قدر } كررها مرات ومرات زوجته أختنا فدوى كانت تجلس بجوارنا رشيدة قالت لها : { ماتزغردي يا أحلى قدر أنت }

المبدع الراقى أبو العائله الودوده الكريمه الرائعه المتحضره ,
وعلى رأسها المرأه الرشيده ( رشيده ) .. نزغرد نحن كلنا يارجل
بأحلى أحلى القدر ,الذى جمعنا بكم ! وما أنتم إلا ( أحلى أحلى القدر !)

الجميل عبدالغني .....

Quote: همسات... 1- يالمعتصم "الطاهر"، برضو تقول (حظي عاثر)، أنشاء الله تلقى رقم ينتهي ب 00000105 2- يامامون (دي امسية ادبية)، مش جولة تسوق (رجعتوا البيت بثوب وبلوزة)، تقول جاين من سوق واقف الحديث.. 3- عادل التجاني (وزجته)، تأمروا (مع بنت نجدي الامورة)، على انتزاع (ثوب ملح)، والله أعلم.. 4- يارشيدة "بركات"، على قول الانجليز (والله إلى يومنا هذا بضحك على (الاتنين البسكروا)، وأوعه يكون (المرتين)، ههههههههههه.... 5- عوضية وبنتها الرائعة مآب، (شالوا الجمل بما حمل)، والعزيزة جدا نسرين، (أنا حظي عاكس، ولا هم، جاروا، ..... 6- رد استاذ التني، عن (ده كلام عمر البشير "الصالح العام"، اضحك الجميع (بدبلماسيته)، 7- قال الساخر جدا، استاذ جعفر عباس،عن مثابرته، حتى (انتشر اسمه كظاهرة وبائية)... 8- تأكد لي بأن (ابوساندار)، يحتاج لأمسية لوحده، هذا الرجل له تجارب تستحق الوقوف.. 9- كم اعجب بنشاط حسام (صحافة 30)، كما يحب ويرغب.. 10- افتقدنا (المعز قريش، وكاميرته، وشكله السمين، وتجوله بين الصفوف).. ولحيته المضللة.. 11- كان البرنامج متقنا، ومنظما.. 12- الحضور متميز، وكبير، ومشجع ليالي آخر.. 13- ومحبتي، وتقديري.. لمن ساهم في هذا اليوم الجميل..

حاولت أغطي الإحتفال بالكاميرا ... وتجولت بين الحضور .. ووجهت العدسة نحو المسرح، فإذا بك وأنت جالس في مكانك صورت الحضور فرداً فرداً وبعدسة لا تضاهيها عدسة


عبدالغني كرم الله وم. معتصم الطاهر

كتب عبدالغني :

Quote: - يارشيدة "بركات"، على قول الانجليز (والله إلى يومنا هذا بضحك على (الاتنين البسكروا)، وأوعه يكون (المرتين)، ههههههههههه

وانت قايلها خلتك؟

إتلفتت وتاوقت وفجأة سألتني :
{ أنت الجمسي ده مابيتحرك مالو ؟ }
قلت : الجمسي منو؟
قالت : عب غني
ثم أردفت : بيكون { سوسن عبدالفتاح برضو}

شوف يا ديامي إنت ...

فكيت الفاولات بتاعتك .. ومشيناها بي مزاجنا

لكن أم ساندرا ما ممكن تقول كلام زي ده .. ما تتبلّى على الولية

الأخوان: عُمر بوب وهارون دياب ... ومتابعة مستغرقة

أبو الريش
كتبتو كل شيء ونسيتو د . سيد التلب يا جماعة صاحب المستشفى وشركة الاستاذ الذين قدموا الدعم لفعالياتنا

أسمح لي أن أشكره باسم اللجنة المنظمة

وبعدين ما تنسوا أن د . التلب قدم دعوة للبروف / طه العطا ليقدم أعماله في الصين

الجماعه ديل ما قصروا وشكراً للدعم المالي الذي تم تسخيره في الهدايا الجميلة التي أمتعت الجميل وكانت (مرضية)

الدور الجاي على سودانير ( سيكون لي لقاء معهم ) بشأن دعم الفعالية القادمة إن شاء الله

تحياتي

عادل التجاني

يا حبيب تشكره باسم اللجنة المنظمة ... مش إنت عضو فيها؟ والعضو الأساسي كمان.

وبعدين:

Quote: تم تكريم الضيوف الثلاث والأستاذ مأمون. ثم جرى سحب على أرقام كانت قد وزّعت على الحضور، وقدمت لأصحاب الأرقام المحظوظة هدايا قدمها المستشفى الأمريكي الصيني الدولي كما كان قد وعد الدكتور سيد التلب[/B].

دي ما شفتها والا شنو؟

العتب على النظر ... والسنين

أبو العزايم يا خوي ركز معاي

مؤكد أنا شفت السطر الأخير

وأظن مثل هذه المساهمات بيكتبوها في البداية (حسب ما قرونا) ولا دي ما أدوكم ليها في درس العصر

وبعدين وكت أكتب باسم اللجنة المنظمة (بديها حقها) حتى ولو كنت عضو فيها ولا دي كمان ما أدوكم ليها .

عادل التجاني

الاستاذ محمد ابوريش تحيه ، من المؤكد ان هذا الجمع الكريم يصعب (لمهم ) مع بعض فلكم الشكر ، قاتل الله البعد ، فدخان بعيده وطريقها وعر وظروف عملنا صعبه ، إلا اننا نعد بالمشاركة فى الجايات ان امد الله فى الاجال ووصلتنا الدعوه لمعرفة الزمان والمكان فقط (لان الدعوه عامه اصلا) . لكم الشكر على احضار ابو الجعافر وسيد التلب ، والدبلوماسى الفذ الذى ظلمته الانقاذ ظلم الحسن والحسين اخونا ابويوسف (التنى ) . وبقية العقد الفريد ، غياب معتز كان واضحا.

يا جماعة أدوني فرقة ..فى هجو دا ..


يا هجو .. الما دارك ما لامك .. ( دى مننا)

والما دايرك فى الضلمة بحدر ليك) .. دى منك انت ..

كل الشغل دا بكون ويك اند .. و شايفنك فى محلات تانية ..
ياتو نشاط بوردابانت حضرتو ؟؟؟؟؟؟؟؟؟؟

Quote: 1- يالمعتصم "الطاهر"، برضو تقول (حظي عاثر)، أنشاء الله تلقى رقم ينتهي ب 00000105

عب غنى ..
قلنا ليك ما كان حظنا .. والدليل الصور الفادحة

كتب المبدع / عب غني

Quote: تأكد لي بأن (ابوساندار)، يحتاج لأمسية لوحده، هذا الرجل له تجارب تستحق الوقوف..

معقول تغلط في الإسم ذاتو وصفاتو يا كرم الله !
أمسية واحدة لن تكفي يا حبيب
وحاتك حكايات الحب والأحزان والثورة براها عايزة أمسيات
وحكايات ديم الله ابشنبر دي خلها ساكت
يومآ ما ح نحكيها ونحيكها لو ضمنا عدم السنسرة ومقص الرقيب ابو التيجاني

غايتو بس إستحمل الكجنة الحاتجيك من قوى الشر والظلام

الفادحة ..

يا عبدو ..

ود الطاهر سلامات ، اللخو الويك اند دى انا ما عندى لانى (اون سايكل شفت ) يعنى ممكن الويد اند بتاعى اثنين وثلاثاء وهكذا ، عليك الله يا ود الطاهر شايفنى وين ارجو تحديد المكان ، اخر عهدى بالعمل العام فعلا الجلسة الاخيرة لمجلس الجاليه السابقه ، الانتخابات بتاعت الجاليه ما حضرتها ناهيك عن التسجيل ليها وكذلك نفرة الفيضان لم اتمكن من الحضور ليها . وبرضو انا ما لمت اى زول قلتو ادونا خبر بالزمان والمكان فقط ( وقلت اصلو الدعوة عامة ) بس تذكرنا يا ود الطاهر. فعلا الما بريدك فى الضلام بحدر ليك .

الحلوين اهلي ناس الدوحة

وليلة سمرنا معاكم الجميلة وينها وصورها

تحياتي واشواقي لكم

انشاء الله لنا لقاء اخر

ودي وتمنياتي لكم جميعا

الأخ هجو الأقرع

كما تفضلت، فإن الدعوة عامة، وعلى الأصح ليست هناك دعوات، ولكنه إعلان، فالكل أهل دار. ما يحدث أننا نعلن عن الأمسية هنا في البورد، وفي موعد الأمسية الكل يحضر، والكل يشارك.

نتمنى أن نراك في الأمسيات القادمة.

مع التحية

أبا ساندرا

Quote: يومآ ما ح نحكيها ونحيكها لو ضمنا عدم السنسرة ومقص الرقيب ابو التيجاني

ياخوي معاك إنت بالذات لازم يكون في رقيب، ولو أبو التيجاني دقس حتلاقي مقصي شخصياً.

قلت لي أخبار الجوزاء شنو؟

هوزي

Quote: وليلة سمرنا معاكم الجميلة وينها وصورها

حضرتو معانا ياتو ليلة سمر؟ .... حسب علمي كل الليالي (دي التالتة) مصورة، ولو دليتينا على الليلة المعنية، أكيد حندلك على صورها.

تحياتي

عزيزي ابوالعزائم...

صباح بشوش، الاخت العزيزة هوزي تقصد أمسية الخميس (منتدى الحروف)، مع الاخ الفنان ياسر مبيوع، .. فقد كانت نغمابهياً، مع سربهاالجميل،، في ذلك اليوم الحميم.. مرحب بناس الإمارات

تحياتي...

الأخ عبدالغني ...

شكراً للتوضيح

للأسف في يوم منتدى الحروف لم أكن في موقع يسمح لي بالتصوير (وإنت سيد العارفين) .. ولو تتذكر كان الأخ ود العباسية هو البيصور، كمان بوست تلك الليلة كان عمله ولدنا صحافة30، ووالله قدر ما فتشت ليهو عشان أجيب الرابط ما لميت فيهو. حأفتش تاني.

هوزي ..
خليك قريبة .. حنلقى ليك البوست بإذن الله ... شيلي الصبر

مودتي.


تعرف يا عبدالغني، إكتشفت إنو البيصور حقو بيروح، مش ملاحظ إنو كل الصور دي ما عندي فيها ولا صورة؟

غايتو هنا فى غتاتة

زول بسهرج .. تحت تحت .. و زول بيضحك ..

Quote: زول بسهرج .. تحت تحت .. و زول بيضحك ..

عارف يا معتصم، الزول ده طوااالي شغال سهرجة. وزولك البيضحك ما بتنبل في خشمو فولة

محمد ابو الريش:
اعاني انا من ارتفاع في الكلسترول وتطاردني زوجتي - فلاحتها بس في هذه المطارده-
الا تأكل هذا ولا تقترب من ذاك لذا تولدت لدي حساسيه مفرطه للدسامه - ابحث عنها واشم رائحتها واستمتع بها
ما وجدت الي ذلك سبيلا - بعيدا من عيونها-
نهلت من تلك الليله ما يكفيني مؤنه عام من الدسامه وارحنم زوجتي من المطارده خلال هذا العام

لأخ عادل التيجاني الفنان الرائع الراقي

أشكرك جزيلا على كلامك الطيب في حقي والذي أعاد لي بعض ثقتي
في نفسي ـ فعلا ما تعرضت له بخصوص تغطيتي لجميع فعاليات
بورداب الدوحة قد حز في نفسي كما حز في نفسي سكوت البعض
مما جعلني أمتنع عن حضور منتدى الحروف وكذلك ليلة السمر
مع أنني كنت متابعا لتلك الفعاليات ونجاحها الذي اشاد به الجميع عن بعد
زي ما قالوا أهلنا (الباب البجيب الريح سدو واستريح)

ولكنني أردت أن اشارككم فرحة النجاح التي أسعدتني كثيرا بنقل هذا الخبر الطيب وهو تغطية
جريدة الشرق القطرية لفعاليات المنتدى والليلة وذلك في عددها الصادر
اليوم الاثنين 13/08/2007 صفحة رقم 25



رابط الصفحة بنظام PDF

http://www.al-sharq.com/UserFiles/PDF/WeeklyArchive/13august07.pdf

كتب معتصم الطاهر
وجاراه عزائم منزوع الريش

Quote: زول بسهرج

و زول بيسربع

وزول بيصرج

اها يا عزائم ، مالاحظت حركة الغتاتة التي أشار لها الباشمهندس ؟

شكرا للأستاذ معتز والموضوع منشور بصفحة 29 بجريدة الشرق القطرية.

تغطية مميزة والشكر أيضا موصول للجميع .

واصـــــــــــــــــــلوا،،،،

حسن طه

باشمهندس عمر بوب

ياخوي ما تتضارى ورانا .. نحن ما بنقدر على خط النار بتاع الدكتورة.

عموماً .. وعد تاني نخفف الجرعات .. وكلامك فعلاً صحيح، لأنو يومها الناس ساهروا وإضطرينا نختصر مساهمات كتيرة و(نقة) رجع بيها كتيرين في خشومهم.

نتوقعك الليالي القادمة في معية الدكتورة .. لها التحية

الأخ ود القريش ... تحياتي

لا أود تكرار ما قاله عادل التيجاني ... وأطلب منك ترك الخلافات حيث تنتمي، وهناك يمكن أن تحل أو تستمر فيها، مع أن يقيني أن هكذا مواقف لا تدوم.

غيابك عن الليلتين فيه اختلاف كبير، فليلة السمر يوم الجمعة كان مطلوب حضورك لشخصك (معتز القريش) مشاركاً وناقلاً لأحداث الليلة كما تعودنا منك. أما ليلة (منتدى الحروف) فكان حضورك (واجباً) وليس فقط مطلوباً، ببساطة لأنك عضو لجنة التسيير.

عموماً نشكر لك المتابعة، ونقلك لما جاء بجريدة الشرق والذي لم أنتبه له فعلاً لولا مداخلتك. وهنا يتضح خلط في موضوع الجريدة، فقد خلطوا بين منتدى الحروف وليلة السمر الصيفية، وكأن الثانية كانت إمتداد للأولى.

ننتظر مشاركاتك في الليالي القادمة.

بركات ..

نحن غتاتة ام ساندرا بنقبلا ...

لكن في ناس بيشيلوها وينشروها ... ديل نقول عليهم شنو؟

أ . معتز القريش

تحياتي

العافيه درجات ، ودخولك معانا يعني إنو قلبك معانا ، لأنك راجل صاحب قلب أبيض ، بس زي ما قال أبو الريش (لكل مقام مقال) ، وواجبك لا بد من تأديته لأن اختيارك عضواً في اللجنة (جاء بثقة الجميع) .

أشكر مساهمتك برابط (الشرق) ، حيث حرصت جريدة الشرق على الكتابة عن (ليالي السمر الصيفية) و (منتدى الحروف) ، وكذلك تم تغطية الفعالية عن طريق الأخت نسرين (سودانية) من جريدة الوطن ، كما تم تغطيته من خلال برنامج مساء الدوحة بإذاعة قطر - واليوم سيتكرر اللقاء معي للحديث عن (منتدى الحروف) وما جرى خلاله وتصورنا للبرامج التالية .

أنت مطلوب بشدة - وأرجو ألا تبلعني كلامي - في انتظارك .

عادل التجاني
الدوحة

الأستاذ الشاعر مامون

تحية وردية

في بداية قيامكم بالقاء الشعر وافادتكم بأن القصيدة كتبت في عام 1979م ، علق أحد الجالسين بقربي " كان عمره كام ؟ " .

في انتظار الاجابة ،،

مع الشكر

أستاذ حسن طه

Quote: في بداية قيامكم بالقاء الشعر وافادتكم بأن القصيدة كتبت في عام 1979م ، علق أحد الجالسين بقربي " كان عمره كام ؟ " .

طبعاً ده سؤال توريطي ....

لكن تعرف؟ الشعرا ديل عمرهم البايولوجي بيقيف ..... ومع كل الجمال الجواهم ما بيكبروا

دي قطيعة حااارة ....
عماد النخلي ده قال ليك شنو يا عادل؟

Quote: هوزي .. خليك قريبة .. حنلقى ليك البوست بإذن الله ... شيلي الصبر

أخيراً لقيتو

ياسـر مبيـوع يضيئ ليالي الدوحـة

ولسة منتظرين بقية صور ود العباسية

اهلي الحلوين الرائعين

تسلم يا ابو الريش والله وفرصة سعيدة كانت بلقائكم


وسعيدة جداً بلقاءك يا عبد الغني أيما سعادة والله

وللأسف كانت قصيرة شديد والله

ولكن تمتعنا بصحبتكم برضو

احسن من لا شئ مش كده!؟

هارون دياب وأبوساندرا

أبو ساندرا وهرون
واقفين سوا إتلمت الحلاوة على البقلاوه بس مش ملاحظين في وقفة أبو ساندرا إنو عامل حساب (بت عبد الفتاح) دي حالتها الليلة الثالثة الله يستر من الرابعه (غايتو اليوم داك نشوف لينا (ترزي)

عادل التجاني

الاستاذ/ ابو العزائم
اعضاء اللجنة الافاضل
مساء الخير
ذي مابقول حبيبنا بدر الدين الامير نحنا مابنقدر نجازيك الا نكتلك ...!
قمة الابداع ... قمة المسئولية .... قمة التنسيق ... من نجاح الي نجاح .
ابو الريش يااستاذ ( قالوا مصائب قوم عند قوم فوائد ... ظهرت موهبتك في التصوير وبما اننا فقدنا معتز القريش الفنان لكننا لقينا لينا كاميرا جديدة وخطيرة ويامعتز اخير ترجع بسرعة ابو الريش نجح في التصوير بدرجة امتياااااااااااااااااااااااز ).
مزيدا من الترابط
تحياتي
هارون دياب

Quote: في بداية قيامكم بالقاء الشعر وافادتكم بأن القصيدة كتبت في عام 1979م ، علق أحد الجالسين بقربي " كان عمره كام ؟ " . في انتظار الاجابة ،،

الرائع حسن طه , أولاً أشكرك على الإشاده البتستحقوها إنتو أول !

لأنو مافى حلاوه من غير ناس حلوين , ومافى جمال من غير هذا الجمال !

أما الإجابه على السؤال ده, بقولها ليك فى أضانك لما نتلاقى !

غايتو كان إحترت أسأل عادل التيجانى , ده لو ماهو برضو ّذاق منك ! ونكر

إنو دفعتى ! .... وطبعاً أبو الريش بالجمال والسماحه الجواهو, حاول يفلسف الموضوع ,

عشان يلقى لينا مخرج !

يا مامون

يا خوي أنا البزوقني شنو يا أخو البنية ..

وما دام إنت قلت أنا نديدك ودفعتك (أنا موافق) بس أنا مواليد عام 1935
هذا غير الجمع والإجازات وقرض على كده وفي رواية أخرى (من زمن حفروا البحر) وهنا اختلف العلماء

عادل التجاني

هارون دياب

يا خوي ما تعمل لينا مشاكل (الفاعل لم يُخذف عشا نحل محله) .. وزي ما شايف دي كاميرا متواضعة جداً مقارنة بي كاميرا ود القريش.

مامون:

Quote: وطبعاً أبو الريش بالجمال والسماحه الجواهو, حاول يفلسف الموضوع , عشان يلقى لينا مخرج !

مش يمكن خفت طرف السوط يلحقني؟

الاخوة الأعزاء
بعد التحية والسلام

في مناسبة عامة جميلة جمال الليلتين المبدعتين ،وعند التعريف بالشخص ، عرف أحدهم نفسه كالآتي :

- مولود في الخمسينات من القرن الماضي

- تخرج في الجامعة في السبعينات من القرن الماضي

- اغترب في الثمانينات من القرن الماضي

وكان صادق جدا ( يعني دخل نفسه في خانة الآحاد من واحد لتسعة )

ايه رايكم دام فضلكم ؟؟؟؟؟

الشفيف حسن طه,

الأولى صاح

والتانيه صاح

والثالثه قربت !

لكن لى هسى عمرو تلاته وتلاتين !

دى ياحسن , ذكرتنى عبداللطيف ودالحاوى الرجل اللطيف ,
ليو عشرين سنه كل ما تسألو يقول ليك عمرى 35 , .. ومره قام واحد
سألو قال ليو يا عبداللطيف هسى إنت فت الخمسين ؟!

قال ليو شوف يا إبنى , أنا عبداللطيف خضر مش عبدالفضيل ألماظ !

Quote: - مولود في الخمسينات من القرن الماضي - تخرج في الجامعة في السبعينات من القرن الماضي - اغترب في الثمانينات من القرن الماضي

والله بصراحة يا أستاذنا، الكلام ده بيهبش كتيرييييييين هنا .... ما تخليها مستورة

العزيزة هوزي

Quote: تسلم يا ابو الريش والله وفرصة سعيدة كانت بلقائكم

كنا نتمنى نعرفك أكتر إنتي والأخ زيكو ... بس عارفة يومها الواحد كان عامل فيها عضو لجنة ومشغول على الآخر.

الجايات أكتر إنشاء الله

ودي

Quote: قال ليو شوف يا إبنى , أنا عبداللطيف خضر مش عبدالفضيل ألماظ !

عارف يا مامون، وإحنا عيال صغار في منتصف الستينات كانوا بيعملوا برامج جميلة جداً في المدارس، مرة سينما متجولة ومرة حاوي. وأتذكر لما يجي الحاوي (عمك خضر الحاوي)، وكتها عرفنا إنو عبداللطيف كان بيعزف معاهو في فقرات برنامجو، ودي الجابت ليهو تسمية (ود الحاوي). طبعاً في زمنا كان كبر على الحكاية دي وبقى ملحن كبير. لكن لي هسة لما تشوفو هو نفسو ود الحاوي بتاع الستينات.

العلم لا يعلى عليه ، فقد إتسمت كل لمسات الأستاذ الفاضل عادل التجاني بالعلمية كذلك بالعملية ، فقد خصه الله بأن يكون محوراً لكل مداخل الجمال السوداني ، لا تطرق له باباً إلا وإستهلك بحرارة الترحاب ، ثم يصبح هو صاحب الفعالية ومستشارها الفني حرصاً منه على المعايير ذات المستوى الرفيع ، وحسب علمي بأن ليلة سمر الدوحة إمتداد لمنتديات لم تكن أقل جمالاً وروعة ، إلا أن هناك الجديد دائماً ، نأسف لعدم الحضور .
إشارات :
# من حق دولة قطر علينا أن نضعها في أعلى أمكنة التقدير ونظل نحافظ على ما تمنحنا أياه من حرية الحركةالفكرية والثقافيةولا نشطح فليظل يا أبو ساندرا مقص الرقيب يسبقنا دائما قبل أن ننسى .

ً # أبو العزائم أفتكر ودون أن يكون لي في التدخل حق ، بأن يتم دعوة الدكتور عمر عبود عاجلاً ليكون ضيفاً على ليلة سمر ، ليستفيد الكل من عظمة هذا الإنسان وليرسم طريقاً لمن إفتقد ذلك في كيفية التعامل مع الآخرين بتقديم إضاءات عن إستراتجية إتبعها في حفر إسمه في الدواخل بإتقان .
# أشارك عمر بوب الرأي في أن الليلة دسمة جداً .

# ملاحظة أحب أن أضعها بين يدي ذلك المهندس المميز معتصم { الصورة هل هي تجمل بذلك الجميل عبدالغني ، أم هي تذكير بنفحات الجمال الإنساني لتلك الفئة التي إفتقدناها كثيراً ، ألا رحم الله أستاذي السعيد الطيب } فلك كل تقدير الحبيب معتصم ، بس أنا لسه شايل في خاطري من قصة من أولاد الدرجة ولحين الرجوع عن الفكرة وإعلان أنني من بانت سوف أظل من حين لآخر أطعن في جمالك .

الأخ عصام .....

Quote: # أبو العزائم أفتكر ودون أن يكون لي في التدخل حق ، بأن يتم دعوة الدكتور عمر عبود عاجلاً

قبل كل شئ .. حق التدخل مكفول لكل مهتم، واللجنة هي جسم تنظيمي، ولا يفرض رؤاه على أحد، وإلاّ إقتصر مرتادو البرامج على أعضاء اللجنة فقط. والحق مكفول للجميع بالتقدم باقتراحاتهم للجنة المنظمة.

إقتراحك وجيه، وسأقوم بعكسه للجنة، مع الأخذ بالإعتبار أن المسألة تخضع لبرنامج د. عمر عبود، وهل ستتيح أيامه المعدودة في الدوحة فرصه هذه المشاركة.

ودي

يا أبو العزائم إنت كلك لا مثليك ، وإن أننا ضد التملك في مثل هذه البرامج ، إلا أنني كنت لا أقصد غير التذكير لعلمي بدواخلكم ومقاصدكم .

مع التقدير لكل من يساهم في هذا الجمال .

الاخوة الأعزاء جـــدا

بعد التحية والسلام ووصلا لابداعات لجنتكم الموقرة فدعوة الدكتور عمر عبود أعتقد أنها واجبة وكذلك الأخ الوجيه عبد الغني لما في ذلك من تواصل واثراء محبب للجميع.

والأمر متروك لكم مع ودي واعتزازي.

حسن

الأخ عصام الدين ..

الأستاذ/ حسن طه ..

أعلم تماماً أخي عصام أنك لم تقصد سوى التذكير. وأنا بدوري اغتنمت الفرصة لأؤكد بأن ليلة السمر ملك للجميع، ولا توجد وصاية.

عموماً .. ليلة سمرنا القادمة قد تحدد برنامجها يوم الجمعة القادم 24/8
ليلة سمر ضيوفها الباحث الفلكى الشيخ سلمان بن جبر آل ثان...الفنان عادل ا لتجانى

في انتظار الجميع

الأخ الأستاذ ابو الريش


كلما أري روعة وابداعات المبدعين من السودانيين في بلاد المهجر.

وكلما أشاهد كثرة هؤلاء المبدعين كل في مجاله خارج الوطن .

أسأل نفسي وأتساءل : من بقي من المبدعين بالوطن ؟؟

من بقي هناك ليقدم مثل هذا الابداع الأصلي ( وليس التجاري المقلد ) ؟

بالتـــأكيد المبدعين بالوطن كثر وحواء والدة ولكن هــم أيضا في حاجة لتهيئة الظروف اللازمة

( والمفتقدة حاليا ) لتقديم ابداعاتهم لأهلنا الطيبين .



الابداع في كافة المجالات جزء من تطور وازدهار الحضارات. وحضارة السودان التي بدأت منذ آلاف السنين لا نريد توقفها .

مــــــاذا نـفــعــــل؟؟؟؟

صورة مع التحية للعزيز ود الأمــــــيــــر .

ودمتم،،،،،،

الأستاذ حسن طه،

كما تفضلت، الأشياء لا تنفصل عن بعضها، غير أن المبدع ينضح بإبداعه أياً كان ذلك الإبداع، وفي كل الأحوال، فالذي يعتصره الألم يعكس ذلك في إبداعه ويصوره لنا كما العاشق والمحروم، والمتفتحة في وجهه الزهور ينشد طرباً. أما من يصنعون ما يظنون أنه فن ويتاجرون بهإ فيذهب ما يصنعون كما الزبد.

هذا هو سوداننا العظيم، مبدعون في كل مكان وفي كل مجال، في الداخل وفي الشتات.