Post: #16 Title: Re: غايتو كضابين جنس كضب! قالو دى اسمح واحدة فى العالم! Author: Abubaker Ahmed Date: 08-10-2007, 05:52 PM Parent: #15
يا جماعه انا رائي برضو زي جني ! شوفو الصورة و الكليب عندنا كتييييييييير زي دي في السودان و بالذات السوق العربي الخرطوم! تخريمه جني انا رسلتا ليك رقم اخصائي بتاع عيون اتصل عليو بسرررررررررررررعة
لقى اولاد الحي بتكلموا عن السكان الجدد بالحي و انو عندهم بت شديده شده الحرامي السرق التلفزيون و المسلسل شغال ...وان كل من راها قد تكبكب ...فاقسم صاحبنا على انه لم و لن يتكبكب .. و راهن على ذلك...و علم ان اخاها يدعى محمد.... فذهب الى بيت النجاضه و كو كررو دق على الباب.... جاتو البقاقه مارقه ... فقال = السلام عليكم
قالت = و عليكم السلام....اي خدمه؟ فقال =ااااااااااا محمد اخوك موجود؟
الجن الكلكي. V V V V V V V V V V V V V V V V V V V V V V V V V V V V V V V V V V V V V V V V V V V V V V V V V اللآبس ملكي.
الشايقي
Post: #26 Title: Re: غايتو كضابين جنس كضب! قالو دى اسمح واحدة فى العالم! Author: jini Date: 08-11-2007, 00:12 AM Parent: #25
يا اخوانا الجمال فى كلو مكان لكين الجمال الاصلى فى السودان! يا ربى على ابراهيم دا يكون قاصد آس الأصلى!! جنى
Post: #27 Title: Re: غايتو كضابين جنس كضب! قالو دى اسمح واحدة فى العالم! Author: jini Date: 08-11-2007, 00:15 AM Parent: #26
ما بلقى عندكم سيجنال بدل المعجون الصينى ابوردة! جنى
Post: #28 Title: Re: غايتو كضابين جنس كضب! قالو دى اسمح واحدة فى العالم! Author: jini Date: 08-11-2007, 00:20 AM Parent: #1
دحين السودان زمان ما كان فيهو روسيات مخدة! انا زمان قايل روسية يعنى من روسيا هى اتاريها مشتقة منت كلمة راس ! الزول حمانى الغمدة! جنى
Post: #29 Title: Re: غايتو كضابين جنس كضب! قالو دى اسمح واحدة فى العالم! Author: jini Date: 08-11-2007, 00:27 AM Parent: #1
اها الظاهر 23% بس!!رأفة بكم! قصرت معاكم! جنى
Post: #30 Title: Re: غايتو كضابين جنس كضب! قالو دى اسمح واحدة فى العالم! Author: jini Date: 08-11-2007, 00:30 AM Parent: #1
جدى العزاز الجيد قزاز يا عزاز انا نومى خزاز! انتو شفتو حاجة يا ناس الحقيبة! جنى
Post: #34 Title: Re: غايتو كضابين جنس كضب! قالو دى اسمح واحدة فى العالم! Author: الجيلى أحمد Date: 08-11-2007, 01:07 AM Parent: #30
Quote: الجيد قزاز يا عزاز
زى قزازة عادل عبد العاطى
ياجن ناس الحقيبه ديل كتبوا الكلام دا وكتين النسوان بضايرن بالحيط, وأعتى شاعر فى الحقيبه يكون شاف ليهو ردف مظلل بالتوب ومتوارى فى الحيطة,
ناس الحقيبه ديل كان شافو صورك دى (كان فقدو المنطق)
Post: #31 Title: Re: غايتو كضابين جنس كضب! قالو دى اسمح واحدة فى العالم! Author: suliman ibrahim Date: 08-11-2007, 00:44 AM Parent: #1
الاخ/ جني
اكتب هنا عفو الخاطر ومزاجا انا... تحركني دوافع وتبعدني عنها دوافع صرخ
عصب الروح وصحكت خلجاتى عندما وقعت عيونى على ملكة جمال الهند93 وملكة
جمال العالم 94 والممثلة القديرة حاليا اشواريا راي ...شكل فوزها نقطة
تحول فى تاريخ الهند الحديث بمعني انها لفتت الانتباه الى صعود الهند على المسرح
الدولى وبعد ذلك فتحت المجال لمصممي الازياء الهنود ليلعبوا دور اكبر
وظاهر فى ادخال البصمه الهندية فى عالم الجمال.....
قدم زميل دراسة سمنار مقرر علينا ورقة بعنوان (عولمة الجمال-اشواريا نموزج)
قدم فيها اشياء كثيرة لها علاقة بالعولمة والارباح واقتصاد السوق.....
الاخ /جني
لا شك ان اشواريا انسانه جميلة جدا مظهر وجوهر عندها اهتمام بالطفل وثقافة
الطفل والتعليم ساهمت كثيرا في ذلك وتزوجت من ابشيك باتشان ابن الممثل
العالمي اميتاب باتشان......
Post: #32 Title: Re: غايتو كضابين جنس كضب! قالو دى اسمح واحدة فى العالم! Author: Emad Abdulla Date: 08-11-2007, 00:59 AM Parent: #31
الله لا كسبك ..
هسع المره القاعدة معاي سنين دي .. تاخدني ذنبها ليه ياخ ؟؟
.
Post: #33 Title: Re: غايتو كضابين جنس كضب! قالو دى اسمح واحدة فى العالم! Author: عامر تيتاوى Date: 08-11-2007, 01:02 AM Parent: #31
ياجنى دى زاتا دورا مييت
Post: #35 Title: Re: غايتو كضابين جنس كضب! قالو دى اسمح واحدة فى العالم! Author: jini Date: 08-11-2007, 01:22 AM Parent: #33
وين ناس مايكل انجلو ناس الرينسانس! جنى
Post: #36 Title: Re: غايتو كضابين جنس كضب! قالو دى اسمح واحدة فى العالم! Author: jini Date: 08-11-2007, 01:30 AM Parent: #1
وخلق الله المرأة! جنى
Post: #37 Title: Re: غايتو كضابين جنس كضب! قالو دى اسمح واحدة فى العالم! Author: jini Date: 08-11-2007, 01:42 AM Parent: #1
اها بعد دا الله معاكم! عشان كدة السودانيين بسموا الجماعة الاولاد! اها البنية دى! مدام باتشان موش خمرة باتشان! ارقدوا عافية وتصبحون على خير تصبحون على خير جنى
Post: #38 Title: Re: غايتو كضابين جنس كضب! قالو دى اسمح واحدة فى العالم! Author: الملك Date: 08-11-2007, 02:07 AM Parent: #1
يا جنى البت
فضل ليها بونط وتنور
... ...
اسى انت خليت ليها صورة ما جبتها
جنس تكسر
Post: #39 Title: Re: غايتو كضابين جنس كضب! قالو دى اسمح واحدة فى العالم! Author: Moawia Mohammed Date: 08-11-2007, 02:28 AM Parent: #1
وحات الله سمحه سماحه ترمي الضب من الحيطة
Post: #40 Title: Re: غايتو كضابين جنس كضب! قالو دى اسمح واحدة فى العالم! Author: محمد ابوبكر عثمان Date: 08-11-2007, 02:48 AM Parent: #1
هاكم دي
Post: #41 Title: Re: غايتو كضابين جنس كضب! قالو دى اسمح واحدة فى العالم! Author: محمد ابوبكر عثمان Date: 08-11-2007, 02:59 AM Parent: #1
ودي كمان
كفاكم
Post: #42 Title: Re: غايتو كضابين جنس كضب! قالو دى اسمح واحدة فى العالم! Author: Abdel Aati Date: 08-11-2007, 03:32 AM Parent: #41
جني يا بكاي
الزولة سمحة تب بس ما اسمح من زوجتي وبالتاكيد ما اسمح من بتي ..
تصبح على جمال .
Post: #43 Title: Re: غايتو كضابين جنس كضب! قالو دى اسمح واحدة فى العالم! Author: الفاتح خليل الفكي Date: 08-11-2007, 06:56 AM Parent: #1
الأخ / جني سلام واحترام ،،، غايتو انت حاسد حسادة اجمل من كدا كيف يعني قلت لي في السودان في زيها كتير يا راجل يا زول كدي امشي اكشف النظر بتاعك وتعال تقبل تحياتي واحترامي أبو كريم
Post: #44 Title: Re: غايتو كضابين جنس كضب! قالو دى اسمح واحدة فى العالم! Author: حمزاوي Date: 08-11-2007, 07:05 AM Parent: #1
يا جني اخوي مسكاقمي البت دي تشبهني شبه شديد صورة بالكربون او(بماكينة تصوير) حتى اسأل اخوي قرشو كمان وبتشبه صورة ماما لمن كانت صغيرة
Post: #45 Title: Re: غايتو كضابين جنس كضب! قالو دى اسمح واحدة فى العالم! Author: خالد علي محجوب المنسي Date: 08-11-2007, 12:18 PM Parent: #44
تورتا علينا الضرس
Post: #46 Title: Re: غايتو كضابين جنس كضب! قالو دى اسمح واحدة فى العالم! Author: singawi Date: 08-12-2007, 08:28 AM Parent: #1
جنيييييييييييييييي
آمنت بالله ومن أسمائه المبدع المصور
وحات سيد الوداعة ترمي في الشوك
وحات الخقلها تبلع السفة
ها جنى ها فيها حلاة شبااااال
وبي يدينا ديل كان لوحت ليك نظام باي باي ترد الروح
عليك النبي تابع معاي الصورة الأولى دي
تبدأ الرحلة من الحاجبين نعمنو الجبهة ناقصة والشعر متدسي وراها ، ِِأها من الحاجبين النظر يتزحلق برااااحة ويرميك في العيوووووون ، شكيتن على الخلقن مع انهن شايتات يمين وما مركزات معاك يتوهنك ويجضمنك ويبهدلنك وييطرحنك ويجمعنك وتمرق منهن اسمك منو ما بتعرفو وفي حالتك دي يرمنك في الأنف بين قوسين النخرة . أريتها نخرة البنات لي حدهن ، سبحان الله الخلاق ، تملا العين لامن تدفق وتزحلقك بسراااااااع ترمي النظر على القدوم . لا حكت ولا بقت ، آآآآمنت بالله ، أيها الناس .. من عاش مات ، ومن مات فات ، وكل ما هو آت آت . سماء ذات أبراج وأرض ذات فجاج ، وقداديم مرسومة بمزاااج ، ها ناس ودوني الضل ، أدوني موية النبل ريقي ، أها بعد بلة الريق تاني تدي القدوم نظرة وتتشهد ، العينة دي هي البتجيب الكبكبة والعرق ياخي حاجة محرجة خلاص نأنو قدامك انسان بكامل كينونتو وقد يكون بتكلم معاك في السياسة ولا الاقتصاد وانت ما شايف قدامك غير قدوم . الحنك خليهو ما تمشي عليهو نأنو برميك في الهاوية ، اتخطاهو وامشي على الأنامل . طوالي حتتذكر أفكر فيهو واتأممممل ، قبضة موحية بصورة جامعة مانعة ، اقصد على المفراكة . أمانة يا كسلا ما فيكي ويكيي . أها التفاصيل دي كلها لما ترجع لي وراء وتعاين ليها .. تبكي بس وتقعد تسأل وتقول هسة دى السمح فيها شنو!
Post: #47 Title: Re: غايتو كضابين جنس كضب! قالو دى اسمح واحدة فى العالم! Author: jini Date: 08-12-2007, 08:43 AM Parent: #1
هاك النيو لوك دا يا سنجاوى عشان تتأكد وتآآآآآآمن! جنى
Post: #48 Title: Re: غايتو كضابين جنس كضب! قالو دى اسمح واحدة فى العالم! Author: samo Date: 08-12-2007, 08:50 AM Parent: #1
Quote: الزولة سمحة تب بس ما اسمح من زوجتي
بالغت فيها والله يا معلم ...
شنو رقاد ا########## دة ..
قال ما اسمح من زوجتى قال ...
بالله عليك دة كلام يقولو واحد (ليبرالي)
Post: #49 Title: Re: غايتو كضابين جنس كضب! قالو دى اسمح واحدة فى العالم! Author: jini Date: 08-12-2007, 08:52 AM Parent: #1
شفتوا العلمانية الما خمج! الفصل بين الدين والدولة! يا جليل بشرى وبشارة وسط زى السم! يا تيتاوى تقبل تحيات صدر الدولة و صدرالدين خان! جنى
Post: #50 Title: Re: غايتو كضابين جنس كضب! قالو دى اسمح واحدة فى العالم! Author: abd alsamie alhussein Date: 08-12-2007, 08:58 AM Parent: #1
جنى شغلك ده بكاء والبت بصراحة قوى قوى تهبل وفيها حاجة من هيفاء
واديك كلام قالوا جبران ان الجمال سر خاف عن العين يتموج بين عواطف الناظر وحقيقة المنظور
Post: #51 Title: Re: غايتو كضابين جنس كضب! قالو دى اسمح واحدة فى العالم! Author: jini Date: 08-12-2007, 09:05 AM Parent: #1
اها شديدة شدة الحرامى السرق التلفزيون والناس بتتفرج فى المسلسل! جنى
Post: #52 Title: Re: غايتو كضابين جنس كضب! قالو دى اسمح واحدة فى العالم! Author: jini Date: 08-12-2007, 09:11 AM Parent: #1
Post: #56 Title: Re: غايتو كضابين جنس كضب! قالو دى اسمح واحدة فى العالم! Author: Tragie Mustafa Date: 08-12-2007, 02:51 PM Parent: #55
يا امير ما تصدقي الكاميرات دي زولها وراها شركات كامله وخبراء في تخصصات مختلفه عشان الصور تطلع كده.
Quote: جنى؟؟
اكييييد ما قاصد..
فى داعى تحرجنا يا اااااخ..
انت قايلاها لو بكاميرات ملاسي حتطلع كده؟؟؟ ولا لو حامت ليها اسبوع في شمس الخرطوم ممكن تكون كده برضوا؟؟ يازوله ناس جني ديل بيحبوا يعملوا للناس نفسيات ساي.
/aishwarya%20rai/ais231a.jpg)
/aishwarya%20rai/ais176v.jpg)
