سؤال

.
.
.

Quote: سأل الصبي ذو السبعة اعوام والده المتأنق ذات صباح ( بابا انت ماشي وين؟) رد الاب ( ماشي الشغل) ( انت يا بابا شغال شنو ؟) ( شغال وزير يا روح بابا) كبر الابن اكمل تعليمه الجامعي في ارقى الجامعات خارج البلاد وعاد للسودان انخرط في العمل ... تزوج .. انجب ابن.. كبر الابن .. راى جده ذات صباح متانقا .. سأله ( انت ماشي وين يا جدو؟) اجابه الجد ( ماشي الشغل) انت شغال شنو يا جدو؟ انا شغال وزير ياروح جدو.

.
.
.


نحن كثيراً ما نتحدث عن الوطن والوطنيه وغيرها
الحريه والديمقراطيه والاسلام السياسي
وغيرها من التنظيرات السياسية

وانا السؤال المجنني من زمن
متى ينزل السياسي السوداني للمعاش الاختياري
ومتى يحال الى المعاش الاجباري



معليش بقن سؤالين
ياهو حالنا السؤال ببقى سؤالين والحزب ببقى حزبين
والوطن حايبقى وطنين
والروووب


عفواً :

هل يوجد قواعد في التنظيمات السياسية السودانية قادره على اقالة قادتها التقليدين ؟


لحظه :
هل توجد قواعد حقاً لهذه التنظيمات ذات القيادات الديناصوريه ؟






مدخل للخروج :

لو ما اكون منك
وليك معناي شنو
واكون منو

أخي أبو عبيدة
سوف يظل الوزير وزيرا حتى موته
بس المحيرني ومجنني معاك - العساكر - لا يرضون بغير تولي المناصب القيادة الحساسة في الحياة العامة أثناء العمل وبعد انتهاء العمل (المعاش) شوف كمية الضباط (المعاش) الشغالين مع حكومة الموتمر الوطني ؟ ماذا قدموا للوطن أثناء عملهم بالجيش أو الشرطة حتى نحتفظ بهم بعد المعاش ليشغلوا منصابا مثل وزراء ووزراء دولة وحكام ولايات وغيرها إدارات الوحدات الحكومية ؟ بس لا شئ يدعو للغرابة فنحن في السودان.
مودتي
الشفيع