Post: #1
Title: في الليلة (الهجين) رقص الهلباوي ( رونالدينو) وهارون على انغام الجلابة
Author: د.محمد حسن
Date: 08-02-2007, 11:56 AM
تنادى الناس ... وانسلوا من كل حدب وصوب .. حمرة وزرقان .. جاءوا فرادى وأزواجا .. مستصحبين أسماءهم وكياناتهم .. وكانت النقعة دار بورداب الرياض حملة وليد دارفور سودانيز اون لاين .. جاءو ا وفي معيتهم الفضول والرغبة في الاندماج .. وجدوا في الدار كبير فسحة .. وفي النفوس متسع
وكعادة بورداب الرياض .. حسن تنظيم وعفوية خطاب .. وتزامن الترحيب بانهمار غيث الدعم .. أكد تجذر هذا الكيان الجمعي في مجتمع الرياض بعد أن كان شكلا اسفيريا.. وتحدث القادمون الجدد .. أكد الجميع ان النخب الحاكمة تستقطب من النخب العرقية أفسدها وترمي بهم إلى البسطاء من أبناء هذا الشعب الصابر والمغلوب على أمره ..
وتأكد للجميع أننا شعب نستطيع ان نعمل
نستطيع ان نضمد جراح بعضنا .. تخلل الحديث تناثر حلو الكلام شعرا .. وجاء أطفال المحرب .. انشدوا وشدو
وتجلى الطرب في روعته .. عدد من شباب الرياض المبدعين , ملأ الليلة طربا ، وسكر السمار والخمار في حان الغرام ...
كان التعبير في الاستراحة على مسؤولية صاحبه ، كانت ليلة هجين اختلطت فيها دماء العمل بالشعر والطرب و ورقصوا... مصطفي ، ، المحرب ، خالد الارباب ، طار الشايقي صقرية ، وعرض الهلباوي ( رونالدينو) ، وهارون على انغام الجلابة ، وانتشى الاخير حينما صدح سيف نورين بأغنية جبل مرة ( وقرب يعيط) والجميع ، كثر منهم في حالة (مخاواه )
ولم تهدأ الساحة ، حتى انسل خيط الضوء يعلن ميلاد فجر يوم جديد
وتفرقنا نتساءل
لماذا نجتمع فرحا وترحا وعملا ..نغنى بلسان ثم نتسايس بلسان؟
|
Post: #2
Title: Re: في الليلة (الهجين) رقص الهلباوي ( رونالدينو) وهارون على انغام الجلابة
Author: Khalid Saeed
Date: 08-02-2007, 12:49 PM
Parent: #1
| Quote: لماذا نجتمع فرحا وترحا وعملا ..نغنى بلسان ثم نتسايس بلسان؟ |
الدكتور / محمد الحسن
تحياتي ليك يازول ياجميل ...
يروى في عطبرة قصة عن نادي الأمير الرياضي والعهدة على الراوي ..
يقال أن فريق الأمير في غابر الزمان كان له شنة ورنة .. وقد كانت له مباراة قوية جداً فإستعان بفقيـــــــــر كـــارب لضمان نتيجة المبارة .. وقد صدق الفقير رغم المقولة التي مفادها ( كذب المنجمون ولو صدقوا ) وفاز فريق الأمير فوزاً ساحقاً .. وعندما طلب الفقـــير قروشــه الجماعة زاغو بقروش الفقير ..
أه من اليوم داك فريق الأمير لليوم ماقامت ليهــوا قايمـــه .. راح في ستين داهيــة..
وأنا وحسب ظني ..( وإن بعض الظن إثم ) بعتقد الساسة بتاعننا ديل بتاعين فقــــره .. وحسب ظني ( وإن بعض الظن إثم ) فيهــم ناس زمتهم واســــعة وساع السنين .. فأعتقد جازم أنهم ضربوا ليهم قروش فقير كارب .. ووداهم في ستين دهية .. وغطس حجر السودان ..
لكين عندي ليك سؤال .. الأستاذ مرغني الشايب ده .. كلامه إنشاء الله تكونوا سجلتوه .. لأني كل ما أفهم كلاموا العلمي الجميل .. يجيب ليهــوا مصطلح يخلعني ليك .. ألقى نفسي مرقت من محاضرته الجميلة .. بالله ياأخوانا الترجمــــة مهمـــــــــة جداً ..
تحية خاصة عبرك لصديقي العزيز الأستاذ/ مرغني الشايب ( إبن كردفان) .. إنه إنسان مبدع .. ونحن نحبه كثيراً .. فهو ثروة قوية يجب الحرص عليها .. ونحن جميعاً موعودون بندوة يحفها الإبداع من كل حدب وصوب .
تحياتي ليك .. يازول ياجميل ..
خالد الأرباب
خارج النص :
ناداني حميدة ( قال لي العشاء كيف .. قلته ليهو كويس .. ومشيت .. قال ليك مالك عامل ذي أمي .. تقول لي كويس وتقبل وشك مني  )
|
Post: #3
Title: Re: في الليلة (الهجين) رقص الهلباوي ( رونالدينو) وهارون على انغام الجلابة
Author: ادم الهلباوى
Date: 08-02-2007, 01:33 PM
Parent: #2
بسم الله الرحمن الرحيم
يا دك. ( أنأ أضحك إذن أنا مبسوط )
هذه الوجوه الطيبة التى لم ولن تخذلناأبدا
هذا السيل المتدفق المنساب من المساهمات والتبرعات
هذه الخطوة المباركةوهذه الكميات الهائلة مع هؤلاء الأشاوس الغيورين
من أجل هذا الوطن العزيز وأهل هذا الوطن المعطاء وأهلنا في دارفور
من أجل كل هؤلاء المجتهدين المثابرين وهؤلاء المتبرعين الأكارم الله يكرمهم
ومن أجل كل هذا النجاح المنقطع النظير ومن أجل أهل الفكرة أمس واليوم وبكره
لأجل كل هذا ( أنا اشارك إذن أنا سعيد ) فكله لأهلى في دارفور..
|
Post: #4
Title: Re: في الليلة (الهجين) رقص الهلباوي ( رونالدينو) وهارون على انغام الجلابة
Author: ادم الهلباوى
Date: 08-02-2007, 01:38 PM
Parent: #3
بسم الله الرحمن الرحيم
عارف يا سعادة الدكتور
بس حكاية ( رونالدينو دي! ) محلك سر .. دى قصة ونهايتها لسع !!
|
Post: #6
Title: Re: في الليلة (الهجين) رقص الهلباوي ( رونالدينو) وهارون على انغام الجلابة
Author: د.محمد حسن
Date: 08-04-2007, 07:09 AM
Parent: #3
| Quote: لأجل كل هذا ( أنا اشارك إذن أنا سعيد ) فكله لأهلى في دارفور.. |
الاخ الهلباوي ابوقلب حليب
كلنا السودان
تقديري واعزازي
|
Post: #7
Title: Re: في الليلة (الهجين) رقص الهلباوي ( رونالدينو) وهارون على انغام الجلابة
Author: د.محمد حسن
Date: 08-04-2007, 07:41 AM
Parent: #2
Quote: خارج النص :
ناداني حميدة ( قال لي العشاء كيف .. قلته ليهو كويس .. ومشيت .. قال ليك مالك عامل ذي أمي .. تقول لي كويس وتقبل وشك مني ) |
الجميل خالد
انا لو كنت جنبو كنت كفيتو السؤال
تقرييييييييييييييييط
|
Post: #5
Title: Re: في الليلة (الهجين) رقص الهلباوي ( رونالدينو) وهارون على انغام الجلابة
Author: معتصم دفع الله
Date: 08-02-2007, 04:16 PM
Parent: #1
دكتور محمد حسن سلااام ..
ما عارف أعلق على حفلة يوم أمس ..
ولا على كلامك الطاعم دا ..
التحية لكل من ساهم في هذه الحملة من كيانات ومؤسسات وأفراد ..
والتحية لبورداب الرياض صناع هذا اليوم الرائع كروعتهم ..
وتحية خاصة ..
للشاعر يوسف حمد النيل ..
والشاعر حسين حمزة ..
والشاعر ياسر الحسن ..
والفنان سيف نورين ..
والفنان أسعد عبده ..
والفنان ياسر الحلفايا ..
والفنان حسن الشيخ ..
والفرقة المصاحبة لهم ..
بيكا ..
أمين ..
عثمان قرنف ..
بورداب الرياض إن شاء الله يوم شكركم ما يجي ..
|
Post: #8
Title: Re: في الليلة (الهجين) رقص الهلباوي ( رونالدينو) وهارون على انغام الجلابة
Author: د.محمد حسن
Date: 08-04-2007, 07:43 AM
Parent: #5
Quote: وتحية خاصة ..
للشاعر يوسف حمد النيل ..
والشاعر حسين حمزة ..
والشاعر ياسر الحسن ..
والفنان سيف نورين ..
والفنان أسعد عبده ..
والفنان ياسر الحلفايا ..
والفنان حسن الشيخ ..
والفرقة المصاحبة لهم ..
بيكا ..
أمين ..
عثمان قرنف ..
]
والكاميرا وومان |
|
Post: #9
Title: Re: في الليلة (الهجين) رقص الهلباوي ( رونالدينو) وهارون على انغام الجلابة
Author: ادريس خليفة علم الهدي
Date: 08-04-2007, 09:11 AM
Parent: #8
| Quote: كثر منهم في حالة (مخاواه ) |
وانت يا دكتور التعريجة ليك شنو؟
|
Post: #10
Title: Re: في الليلة (الهجين) رقص الهلباوي ( رونالدينو) وهارون على انغام الجلابة
Author: ahmed haneen
Date: 08-04-2007, 09:46 AM
Parent: #1
يا
شباب
رونالدينو دا منو ؟؟
|
|