Post: #1 Title: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-01-2007, 09:05 PM
ماشهدناه وماسمعناه ومالم نسمعه عن ما دفعه المريخ وما سيدفعه في كوم الرواكيب البيسموهم محترفين ديل...شيئ يحير
Post: #2 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-01-2007, 09:07 PM Parent: #1
طالعت اليوم في الصحف بأن المريخ عرض مليون دولار للاعب من الاسماعيلي اسمه سيد معوض...
ياربي يكون دا الود سيد الشغال
Post: #3 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-01-2007, 09:11 PM Parent: #2
هل هو تحويل انظار الجمهور بعد اتضاح اصابة اخر راكوبة من المحترفين اسمو اليجا تانا بعد فاصل التهويل الاعلامي الذي لم يدم سوي مباراتين فقط...وانكشف المستور
Post: #5 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-01-2007, 09:15 PM Parent: #3
ملايين الدولارات المشتتة في الملعب لم تتمكن من الفوز علي اهلي مدني الصاعد حديثا الا بمساعدة الحكم.....ولاتعليق
Post: #4 Title: Re: بعد كل هذا الصرف الفلكي...هل تزحزح المريخ من مقعد الوصيف Author: ALGARADABI Date: 08-01-2007, 09:13 PM Parent: #1
العزيز دكتور ياسر انشاالله الوصيف دي ذااااتا يلمو فبها والله يوم كورة الاهلي الحال يحنن
كسرة: انتا العجب ده لما يغيرو ولما يضيع قون عندو كلام كتييييير كده ببرطم بيهو... ما عارفو بقول شنو؟؟؟
كدي أسأل ود الريح
Post: #6 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-01-2007, 09:28 PM Parent: #4
Quote: العزيز دكتور ياسر انشاالله الوصيف دي ذااااتا يلمو فبها والله يوم كورة الاهلي الحال يحنن
المشكلة ياصديقي العزيز القرضابي لما نحن لحالهم ونتحاشي احراجهم بيفتكروا انهم افضل من باقي الناس كما يصور لهم اعلامهم المدمر ليهم في الاول....وبغباء شاذ بيحاول يثبت ليهم انو الوصيف افضل من البطل..ودوري الكونفدرالية اعلي مستوي من الابطال....
Quote: كسرة: انتا العجب ده لما يغيرو ولما يضيع قون عندو كلام كتييييير كده ببرطم بيهو... ما عارفو بقول شنو؟؟؟
كدي أسأل ود الريح
يمكن تكون دي لغة اللاوندي البنسمع عنها.....
Post: #7 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-01-2007, 09:34 PM Parent: #6
وانا بقرأ خبر المليون دولار في جريدة الشرق الاوسط اليوم .. كان في ضيافتي صديق من الاخوة الشايقية...لما اخبرته بالخبر اجاب بسرعة:
ليييه....مليون دولار في شنو؟؟
ارفع سؤاله وفي انتظار الاجابة
Post: #8 Title: Re: بعد كل هذا الصرف الفلكي...هل تزحزح المريخ من مقعد الوصيف Author: essam&amal Date: 08-01-2007, 09:40 PM Parent: #1
سلام
يا اسياد البلد
ام وضاح
Post: #9 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-01-2007, 10:51 PM Parent: #8
Quote: سلام
يا اسياد البلد
ام وضاح
مرحب حباب بت البلد...ست البنات لي حدهن....عاشقة الموج الازرق
Post: #10 Title: Re: بعد كل هذا الصرف الفلكي...هل تزحزح المريخ من مقعد الوصيف Author: محمد حيدر المشرف Date: 08-02-2007, 00:57 AM Parent: #1
ياسر .. سلامات
اصلا لم نكن يوما وصفاء ..
كنا , مازلنا روادا فى صناعة الانجازات الكبري للكرة السودانية
وحتى اشعار آخر ..
وحدة المريخ من سجل اسم بلادك فى سجل الابطال
ودونك التاريخ ..
تحياتى
Post: #11 Title: Re: بعد كل هذا الصرف الفلكي...هل تزحزح المريخ من مقعد الوصيف Author: Ahmed Alrayah Date: 08-02-2007, 01:06 AM Parent: #1
Quote: محمد حيدر المشرف
Quote: وحده المريخ من سجل اسم بلادك فى سجل الابطال
لم أكن أعلم أنك على "دين" والدك حتى قرأت تعقيبك هذا يا محمد!
غايتو "عم حيدر" بالغ في "التوجه الما حضاري" ده!
Post: #13 Title: Re: بعد كل هذا الصرف الفلكي...هل تزحزح المريخ من مقعد الوصيف Author: محمد حيدر المشرف Date: 08-02-2007, 01:43 AM Parent: #11
أحمد سلامات ..كيفك وكيف كيفك
تقدميون بالوراثة ..
نكرة المؤسسات الرجعية
تحياتى ..
Post: #12 Title: Re: بعد كل هذا الصرف الفلكي...هل تزحزح المريخ من مقعد الوصيف Author: gamal Date: 08-02-2007, 01:40 AM Parent: #1
تحياتي
سؤال في السلك.
في الحقيقه مصدر فخر المريخاب اصبح فلوس جمال الوالي واقتنعوا بالوصافه
Post: #14 Title: Re: بعد كل هذا الصرف الفلكي...هل تزحزح المريخ من مقعد الوصيف Author: محمد حيدر المشرف Date: 08-02-2007, 01:51 AM Parent: #12
جمال ..
انت صلاح أدريس ده بقى رئيسكم بى راسو ولا كراسو ؟..
ولا امكن بى الحانو الخالدة ..
وقلمو الرشيق ..؟!
تحياتى
Post: #47 Title: Re: بعد كل هذا الصرف الفلكي...هل تزحزح المريخ من مقعد الوصيف Author: gamal Date: 08-02-2007, 11:44 AM Parent: #14
يامحمد حيدر الموضوع واضح للعيان صلاح ادريس لا يمجد الهلالاب امواله كما يفعل المريخاب مع الوالي. كتاب ومشجعين واداريين اقتنعوا بالوصافه وصاروا يحدثونا كل يوم عن اموال شخص اسمه جمال الوالي ?so what
Post: #15 Title: Re: بعد كل هذا الصرف الفلكي...هل تزحزح المريخ من مقعد الوصيف Author: تاج السر حسن Date: 08-02-2007, 01:55 AM Parent: #12
بحمد الله وبفضل حملة تنويرنا التى لن تتوقف اضحى شرفاء المريخ يتحدثون عن صنم العجوه "العجب" الذى اصبح فاقد للصلاحيه .. وقلنا حقيقته سوف تكشف خلال هذه المنافسه!! هذا فريق يسعى مشجعوه خاصة الصحفيون منهم لكى يتأهل ويحصل على الكأس الكونفدراليه بصورة شريفه، وفيه "بهاء الدين" ودامر ، وباولينو، ومجاهد، واليجا وايداهو، وقلق ، والزومه وما خفى اعظم!! بكره "العجب" يحرز هدف فى حمام ميت ويقيف باقى المباراة فيظهر لك الصحفى المشجع مرددا "عجبكو" !ّ! نحمد الله نحن فى الهلال لا نعرف هذا والا لأحتفظنا وحتى اليوم بجكسا والدحيش وقاقارين!!
Post: #16 Title: Re: بعد كل هذا الصرف الفلكي...هل تزحزح المريخ من مقعد الوصيف Author: ثابت محمد Date: 08-02-2007, 02:12 AM Parent: #15
Quote: "العجب" الذى اصبح فاقد للصلاحيه
العجب ثاني هدافي الممتاز السوداني العجب ثالث هدافي أفريقيا العجب رقم ( 18 ) في قائمة هدافي العالم
حالتو دي فاقد الصلاحية ؟؟ والله ياتاج السر ما بتخجل سااااااااي
Post: #17 Title: Re: بعد كل هذا الصرف الفلكي...هل تزحزح المريخ من مقعد الوصيف Author: تاج السر حسن Date: 08-02-2007, 02:16 AM Parent: #16
يا ثابت
Quote: العجب ثالث هدافي أفريقيا
اذكر لى اهداف العجب فى منو ؟؟ جكسا تم اختياره اللاعب رقم 30 فى افريقيا منذ أن انطلقت البطولات الأفريقيه فهل نطلب منه ان يرجع ويلعب من جديد؟؟
Post: #18 Title: Re: بعد كل هذا الصرف الفلكي...هل تزحزح المريخ من مقعد الوصيف Author: ثابت محمد Date: 08-02-2007, 02:25 AM Parent: #17
Quote: اذكر لى اهداف العجب فى منو ؟؟
تاج السر في مرمى الكاميرون الكاميروووووون .. رايك شنو ؟؟ بعدين ماعارف العجوز ده كيف بتقوق على شواطينكم ؟؟ كيف وهو عجوز بتفوق على قودوين وكلاتشي ؟؟ متفوق عليهم جوووة وبره ؟؟ مش غريبة
لكن إتخيل لي لو الموضوع عن ضريبة الدخل المضاف إنت لازم تدخل فيها العجب
والعجب حبيبي
Post: #19 Title: Re: بعد كل هذا الصرف الفلكي...هل تزحزح المريخ من مقعد الوصيف Author: محمد حيدر المشرف Date: 08-02-2007, 02:26 AM Parent: #17
تاج السر .. سلامات
بس ممكن نعرف منك تاريخ انتهاء صلاحية العجب ..
عشان نطلعو من التلاجة ؟؟..
عموما لسه ما اتسممنا !
تحياتى
Post: #20 Title: Re: بعد كل هذا الصرف الفلكي...هل تزحزح المريخ من مقعد الوصيف Author: ثابت محمد Date: 08-02-2007, 02:28 AM Parent: #1
Quote: المريخ عرض مليون دولار للاعب من الاسماعيلي اسمه سيد معوض...
العجب ده لو باريتو بجيب ليك السكري والله الزول ده عجييييييييب قون قونين طواااااالي تجييييب
Post: #21 Title: Re: بعد كل هذا الصرف الفلكي...هل تزحزح المريخ من مقعد الوصيف Author: ثابت محمد Date: 08-02-2007, 03:14 AM Parent: #1
Quote: تاج السر في مرمى الكاميرون الكاميروووووون .. رايك شنو ؟؟
تاج السر ويييييينك؟؟ ولا الكاميرون برضو حمام ميت ؟؟ كمان الهدف ما جابو إلا بعد راوغ الظهير الأيسر .. شفت كيف ؟؟
عارف حتى في مباراة الرد أمير دامر كان ماسك إيتو؟؟ تصدق كتم أنفاسو ؟؟ وطلعو ملوص
لو باريت إنجازات العجب بتحس بالعجب قلنا ليك العجب بجيب ليك السكري ما صدقتنا
Post: #22 Title: Re: بعد كل هذا الصرف الفلكي...هل تزحزح المريخ من مقعد الوصيف Author: محمود ريحان Date: 08-02-2007, 03:21 AM Parent: #21
ارجي الراجيك المريخ رامي قدام
Post: #23 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-02-2007, 05:19 AM Parent: #22
الاخ محمد حيدر المشرف
مرحب بيك
Quote: اصلا لم نكن يوما وصفاء
لا لا لا...حاشا وكلا ...انا قلت كدا....يمكن اكون قاصد طائر العنقاء بتاع هاري بوتر داك
انا خايف والله يوم يحظروا النشر في موضوع وصافة المريخ دا
واعمل حسابك يا احمد الريح ..وش خايف كدا
Post: #24 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-02-2007, 05:50 AM Parent: #23
Quote: انت صلاح أدريس ده بقى رئيسكم بى راسو ولا كراسو ؟..
ولا امكن بى الحانو الخالدة ..
وقلمو الرشيق ..؟!
نعم يااخي نحن بنعترف انو اهم مايميز الارباب صلاح ادريس هو دعمو المادي للنادي.... لكن الفارق في انو من ما دخل صلاح ادريس باب نادي الهلال وحاشا ما قالوا عليهو وصيف ولا كونفدرالي......وكل المحترفين الجابهم شباب زي اللوز {خطين تحت كلمة شباب } لا فيهم معطوب ولا منكوب......كدا كفاية ولا ازيدك من الشعر بيت.....
Post: #25 Title: Re: بعد كل هذا الصرف الفلكي...هل تزحزح المريخ من مقعد الوصيف Author: ثابت محمد Date: 08-02-2007, 05:54 AM Parent: #24
Quote: لا فيهم معطوب ولا منكوب......كدا كفاية ولا ازيدك من الشعر بيت
ياسر عبدالقادر يسعد أوقاتك بيتر جيمس كان عندو إلتهاب في اللّوز ؟؟ عالم كيف كيف ما عاااارف
المودة
Post: #26 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-02-2007, 05:55 AM Parent: #24
ارحب بكل الاخوة المتداخلين وسأعود لكم :
الاحصائية المدهشة دي لقيتها في احد البوستات المجاورة انقلها هنا بعد اذن صاحبها لاعلق عليها لانها عجبتني شديييد
Quote: ركب المريخ 20 الف كراسي فايبر مستوردة من ماليزيا فى استاده قبل 5 سنوات بتكلفة
قاربت على نصف المليون دولار ينطح دولار
والليلة ابو الهل فرحان بى كم كرسي ليبي تم تركيبها فى زريبة العيش
معليش على استخدام مصطلح "زريبة العيش " دة الواقع نفوت منو وين ؟؟
المريخ قام بشيد مقصورة حديثة مكونة من ثلاث طوابق بتكلفة ضخمة تتكون المقصورة من ثلاث طوابق وتحتوى على اكثر من 76 غرفة بالطوابق الثلاث .
وتم تاثيث بعض الغرف باثاث تم استيراده من السعودية خصيصا، اضافة لغرف اللاعبين والحكام وصالة كبار الزوار والمركز الاعلامي .. ودة كلو بى تمنو ؟؟؟
وباقي الغرف خليناها فاضية عشان العين وكدة
المريخ بدا يفكر نهاية هذا العام فى تركيب الطابق الثاني للاستاد .. تم تجهيز الخرط والتصاميم بل وحتى نماذج للمقاعد كلو جاهز موية ونور ...
ودفع كاش للشركة الماليزية المنفذة حوالى مليون دولار نقدا والمواد فى طريقها للشحن بعدايام للخرطوم ..
المريخ استورد قبل 5 سنوات نجيل امريكى من النوع البرمودا الهجين المخصص للمناطق الحارة بمبلغ يعادل 250 الف دولار نراه الان مخضرا طوال 5 سنوات
المريخ قام بتركيب نظام رى حديث اتت كل المعدات له من الامارات راسا و يسمي نظام الري بالمدفع لرى النجيل كلف اكثر من 100 الف دولار
المريخ استورد قبل 5 سنوات اول عربة اسعاف حديثة لملعب المريخ بتكلفة اكثر من 100 الف دولار
المريخ استورد معدات اذاعة حديثة من جنوب افريقيا وتم تركيبهابالاستاد وتعمل الان بكفاءة فى حدث يعتبر الاول من نوعه فى السودان ؟؟ مافى داعى اقول ليك بكم الف دولار
المريخ استورد مظلة للمقصورة بتكلفة فاقت ال 200 الف دولار ولم يتم تركيبها لظروف فنية .. وسيتم تركيبها مع الطابق الثانية مرة واحدة ..
المريخ استورد لوحة الكترونية حديثة بتكلفة 500 الف دولار فى حدث لاول مرة بالسودان وليس الاستادات الرياضية
المريخ اقام مضمار دولى حول الملعب بمواصفات عالمية وتم تكوينه وانشاءه من مواد تم اسيرادها من لبنان خصيصا بتكلفة قاربت ال 200 الف دولار
المريخ استورد حديثا ماكينة قص النجيل بتكلفة 200 الف ريال سعودي وهي تعتبر الاولى من نوعها فى السودان .. دي عشان النجيلة براها
المريخ تعاقد مع سبعة من العمال البنغلاديش خصيصا لنظافة المقصورة والاستاد يتقاضى الواحد منهم حوالي 750 الف جنية حتى يحافظ على مظهر ونظافة الاستاد
المريخ تعاقد مع احدي الشركات الزراعية للاعتناء بالنجيل شهريا والحفاظ عليه ونظافته من الطفيليات وتسميده وغيرها من العمليات الزراعية تتقاضي الشركة 2 مليون جنه شهريا
..
المريخ تعاقد مع احدى الشركات وتم التنفيذ لانشاء نظام تصريف متكامل لملعب المريخ من الامطار بتكلفة حوالى
100 الف دولار
بعد اذنك راكوية الحبيب ممكن اضيف الزيادة دي مشكور
المريخ تعاقد مع النيجيرى اندراوس ايداهو ثاني هدافي الكونفدرالية لثلاث سنوات مقابل مبلغ 200 الف دولار
المريخ تعاقدمع ثاني افضل لاعب فى بطولات الكاف للعام 2005 (بعد محمد بركات) وهو النيجيري ايفوسا اكوافين بمبلغ يعادل 300 الف دولار
المريخ تعاقد مع مدافع توجو فى كاس العالم (من المانيا طوالى للخرطوم عديل) وهو المدافع جين ابالو بمبلغ يقارب الـ 300 الف دولار لعام واحد فقط
المريخ تعاقد مع البرزيلي باولينو من الدورى الالماني القسم الثاني بمبلغ يقارب ال 200 الف دولار لعام واحد فقط
المريخ تعاقد مع خبير الفيفاوالمحاضر ومدرب توجو فى كاس العالم .. الخبير الالماني اتوفيستر
بمقدم عقد 100 الف دولار وراتب شهري 17 الف دولار وفيلا فى حى الصفا بالخرطوم
(ريكاردو مدرب الهلال يتقاضي 5 الف دولار)
المريخ تعاقد مع كابتن منتخب زامبيا فى بطولة افريقيا بمصر اليجا تانا بمبلغ 75 الف دولار لعام واحد فقط
المريخ جنس اللاعب اليمني على النونو فى يوم واحد فقط .. كما اكمل اجراءات جنسيةالمالي ابوبكر كوني قبل ان يصلاللاعب الخرطوم واستلم جنسيته وهو على سلم الطائرة
كما اكمل تجنيس الزامبى تانا فى يومين قبل ان يتعرف اللعاب على كبرى النيل الازرق من كبرى شمبات
المريخ هو النادي الوحيد فى السودان الذى يدفع لكل لاعبيه اعلى اعانة شهرية تعطي للاعب كرة قدم 500 الف جنية شهريا( الهلال يعطي لاعبيه 150 الف جنيه) .. دي العجب بشتري بيها فول وتسالى ودقة
خلاف حوافز الفوز فى المباريات
المريخ سجل اى لاعب يريده وباي مبلغ يطلبه اللاعب .. عنتر .. صلا الامير ... والبقية ...
اقول ليك كلام سر مرة فى غرفة التسجيلات السنة القبل الفاتت جات العربية ومن الضهرية شالو شوال مليان قروش وجابوهو غرفة التسجيلات وكل لاعب اخذ نصيبو وانتحي فى جانب من الغرفة وفى كل ركن وساد صمت كبير فى المكان
الا من اصوات عد النقد .. طق طق .. ط..ق طق
المريخ اعاد اللاعب طمبل من جنوب افريقا من نادي اورلاندو بمبلغ 300 الف دولار فى اكبر صفقة للاعب سوداني
مع الشقة والعربية الفاخرة
المريخ هو اول نادي سوداني (ما دايرة تاكيد ) اول نادي يسافر بطائرة خاصة الى مباراة خارجية
تقريبا كانت لى جزيرة مدغشقر والفريق يوسكاف بطلها.. وكانت بعثة المريخ مثار تعجب فى تلك الجزيرة
شوف براك الطائرة دي كلفت كم
المريخ لو داير كاكا زاتو بجيبو ولا روناليدينهو بجيبو يعني بجيبو .. خليك من سيد معوض
المريخ استورد ...
والله فترت عديل .. بجيك راجع بعدبن ارتاح شوية نفسي قام
تقول لى سيد معوض وحبة المليون دولار دي بس
انت ماشفت جمال الوالى لمن كان مع خوان لابورتا رئيس برشلونة فى المقصورة
سمعنا تحت تحت لابورتا قال للوالي تبدل العجب بى صمويل ايتو ..لكن الوالي رفض
قاليهو العجب دة ثروة قومية ... بهاء الدين كيف ؟؟؟
Post: #27 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-02-2007, 05:57 AM Parent: #26
وانا شخصيا لو عندي رحابة صدر الوالي بعد كل الصرف دا.... ولسة وصيف وكونفدرالي ..كنت انتحرت عديل { للمبالغة فقط}.
Post: #28 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-02-2007, 06:27 AM Parent: #27
صديقي العزيز:
احمد الريح..
لك المايكروفون
مساحة حرة
Post: #52 Title: Re: بعد كل هذا الصرف الفلكي...هل تزحزح المريخ من مقعد الوصيف Author: محمد حيدر المشرف Date: 08-02-2007, 06:42 PM Parent: #23
ياسر سلامات ..
سؤال جانبي
انت ياسر / جامعة الخرطوم 88/صاحب تاج السر جعفر / المانيا؟...
عموما .. وفى الحالين تحياتى
أخوك محمد المشرف (حكصا)
Post: #53 Title: Re: بعد كل هذا الصرف الفلكي...هل تزحزح المريخ من مقعد الوصيف Author: محمد حيدر المشرف Date: 08-02-2007, 06:42 PM Parent: #23
ياسر سلامات ..
سؤال جانبي
انت ياسر / جامعة الخرطوم 88/صاحب تاج السر جعفر / المانيا؟...
عموما .. وفى الحالين تحياتى
أخوك محمد المشرف (حكصا)
Post: #29 Title: Re: بعد كل هذا الصرف الفلكي...هل تزحزح المريخ من مقعد الوصيف Author: sheba Date: 08-02-2007, 07:02 AM Parent: #1
المريخ ينطلق بعيدا عن اقرانه بملايين السنين الضوئية
والفريق وجماهيره تصبر على النتائج لان الفريق فى مرحلة بناء والفرق الكبيرة لا تنبنى فى يوم وليلة
اما عن الوصافة التى تتشدق بها اعود لاسألك ماذا كان مركز الهلال فى الدورى الممتاز
طوال الثلاث مواسم 2000 و 2001 و 2002 ...
الاجابة صعبة مش كدة
انا بعفيك منها
Post: #31 Title: Re: بعد كل هذا الصرف الفلكي...هل تزحزح المريخ من مقعد الوصيف Author: abuguta Date: 08-02-2007, 07:52 AM Parent: #29
ياسر
لقد اتصلت على ادريسو ابكرو ادريسو لاعب اسيك الدوار الذى احرز الهدف الجميل فى شبابك المعز لقد اتصلنا عليه انا وابن عمه محمدو سحقو ادريسو سواق الاميرة زمردة بنت نواف ال سعود الكبير ثلاثة ايام بنتصل عشان نتاكد بانه تم توقيفه ام لا...فوجدنا جواله خارج الخدمة تصور وجدت خبرا فى احدى جرائد الكورة المرموقة التى تهتم هى وصاحبها بنهضة الكرة السودانية بانهم اتصلو على ادريسو وقال لقد اخبرهم قد تفاجاة بخبر التوقيف وانه غير المعنى بذلك الم تكن فلوس اتصاله هذه اولى بها علاج لاعب معطوب قد ساهمت جريدته فى شرائه ترويجا نعيش ونشوف وصفاء اخر زمن شوف الزمالك دى محترمة كيف
سلام
Post: #30 Title: Re: بعد كل هذا الصرف الفلكي...هل تزحزح المريخ من مقعد الوصيف Author: sheba Date: 08-02-2007, 07:33 AM Parent: #1
سامع الشوالى قال شنو ؟؟؟
البطولة الوحيدة الاغلي المسجلة باسم السودان وانديته ؟؟؟؟
Post: #32 Title: Re: بعد كل هذا الصرف الفلكي...هل تزحزح المريخ من مقعد الوصيف Author: ثابت محمد Date: 08-02-2007, 08:01 AM Parent: #30
شيبة سلااااام والله إنت زول غيااااااااظ شديد هسي في داعي تخلي المعزوفة دي شغالة أتوماتيك ؟؟ غايتو سيد البوست ده لما يدخل بتجيهو صدمة
كان تخليها عاااادي العاوز يسمع يضغط
هذا هو المريخ الفريق الوحيد الذي جلب بطولات خارجية وليس في الأمر ( عجب )
Post: #33 Title: Re: بعد كل هذا الصرف الفلكي...هل تزحزح المريخ من مقعد الوصيف Author: abuguta Date: 08-02-2007, 08:10 AM Parent: #32
اما ثابت محمد وشلته انصار الصحفى المحسوب على الكرة
احيلكم الى قناةART سبورت 4 ودعايتهاالتى تقابلك حين تفتها دورىىىىىىىىىىىىىىى ابطال افريقييييييييا السبعة الكبــــــــــــار
لو واصلت فى تعليق الشوالى وكملت التنزيل كان سمعت ما ينسخ ما تكرمت بتنزليه وتبقى البطولة( الاهم ) فى افريقيا هى دورى الابطال والسبعة الكبار التى ينافس فيهاالموج الازرق
يس للامانة
Post: #34 Title: Re: بعد كل هذا الصرف الفلكي...هل تزحزح المريخ من مقعد الوصيف Author: تاج السر حسن Date: 08-02-2007, 08:39 AM Parent: #33
يا ثابت زمان قلنا اول كلية الصحة لا يستطيع أن يتطاول على ثانى كلية الطب !! (نشرح أكتر) ؟؟ وقلنا مريخ بورتسودان الصاعد من الدرجة الأولى للممتاز وترتيبه الأول وحاصل على كأس الصعود لا يستطيع التطاول على المريخ ثانى الدورى العام والذى يتفاصح انصاره الآن بأشتراكهم فى البطولة الوصيفه من خلال ذلك المركز الوصيف!! وقلنا الكأس الوحيده المحموله جوا بين ناديين سودانيين كانت لصالح الزعيم فى الدوحه !!لم يحدث ان انتصر الهلال على المريخ أو العكس خارجيا الا ما فعله بكم الزعيم فى الدوحه. ولا يهمتا ماذا قال الشوالى أو الوصيف طوالى لأننا لا تعرف عبادة الرجال والأصنام. فاذا صرح يوم الغد الفنان البعيو أنه ماجد "احرف" من جكسا .. طوالى نصدق كلامو؟؟ اما حول ما قاله ثابت:-
Quote: بعدين ماعارف العجوز ده كيف بتقوق على شواطينكم ؟؟ كيف وهو عجوز بتفوق على قودوين وكلاتشي ؟؟
لا أدرى أين ومتى تفوق العجب على شواطينا؟؟ وكلاتشى هو هداف الدورى الممتاز للعام الماضى ولم ينفع الخداع والتدليس ومؤامرة اخراجه من الملعب التى كان بطلها صالح سنار وساهم فيها الحكم .. طبعا الوالى المسكين كان يبحث عن بطولة حتى لو كانت هداف الدورى!! وحقو تعرف كونو لاعبين مثل كلاتشى وقودين لا يلعبان أساسيين فى منتخب بلادهم فهذا ضعف فى منتخبك الذى يشارك فيه لاعب مثل العجب كلاعب اساسى بسبب أشراف مازدا على المنتخب!! أهداف العجب التى تفتخرون بها كلها فى الحمام الميت فهدف وحيد فى منتخب الكميرون لا يجعله هدافا، واحراز هدف واحد فى منتخب أو ناد كبير لا تعنى انه يفعل ذلك فى كل مر ة الم يحرز "الزومه" الأطرش هدفا فى مرمى الزعيم فى وقت عجز فيه "ابو تريكه" عن ذلك؟؟ بطلوا الجقلبه وقلنا ليكم العجب المحك بتاعو بطولة الكونفدراليه لا الحمام الميت!! تخريمه:- العجب فاقد للصلاحيه منذ مباراة التوالى السابع الذى اخفق فيه المحترف الكنجولى زولو، وقد أكد هذا الأمر قطب المريخ محمد الياس!! لو فاز الهلال فى تلك المباراة لما وجد على ظهر الأرض شئ اسمه مريخ أو عجب !!!!!!
Post: #35 Title: Re: بعد كل هذا الصرف الفلكي...هل تزحزح المريخ من مقعد الوصيف Author: sheba Date: 08-02-2007, 09:07 AM Parent: #1
شايفك زغت من السؤال
الهلال فى الممتاز سنة 2000 و 2001 و 2003 كان ترتيبو الكم ؟؟؟
افتكر ما تتكلموا عن الوصافة لانو انت اسيادة ...
واذا كان المريخ هو الوصيف لاربعة سنوات فقد سبقه عليا الهلال منذ بداية الالفية
فريق انشي سنة 1930 وظل منذ ذلك التاريخ صفر كبير فى مسيرة الكرة السودانية ولم يجني سوى الصفر الدولي الكبير
ظل هذا الفريق يلعب ويخسر منذ 37 سنة ويفسر كل خسارة بانها احتكاك حتى خشينا عليه ان يحترق من كثرة احتكاكه
Post: #38 Title: Re: بعد كل هذا الصرف الفلكي...هل تزحزح المريخ من مقعد الوصيف Author: Omar Bob Date: 08-02-2007, 09:31 AM Parent: #35
Quote: الهلال فى الممتاز سنة 2000 و 2001 و 2003 كان ترتيبو الكم ؟؟؟
افتكر ما تتكلموا عن الوصافة لانو انت اسيادة ...
واذا كان المريخ هو الوصيف لاربعة سنوات فقد سبقه عليا الهلال منذ بداية الالفية
لمن يقولو فلان سيد الحاجه معناها انو كرر الحاجه دي كتير لامن اتقنها بهذا المنطق يا شيبا
1/ الهلال وصيف = ثلاث سنوات 2/المريخ وصيف = اربع سنوات والخامسه في الطريق
يبقي مين سيد الوصافه؟
Quote: فريق انشي سنة 1930 وظل منذ ذلك التاريخ صفر كبير فى مسيرة الكرة السودانية
عليك مراجعه تاريخ الكره السودانيه مره اخري يا عزيزي
Post: #36 Title: Re: بعد كل هذا الصرف الفلكي...هل تزحزح المريخ من مقعد الوصيف Author: السمؤال بدرالدين Date: 08-02-2007, 09:07 AM Parent: #1
الرشاشات قلنا نسلم غايتو الشعور بالدونية ما عندو علاج ابدا
Post: #37 Title: Re: بعد كل هذا الصرف الفلكي...هل تزحزح المريخ من مقعد الوصيف Author: sheba Date: 08-02-2007, 09:09 AM Parent: #1
تجتوج .. صديقى العزيز
اعذرنى نسيت اصبح عليك ...
والله انا بدعو ليك كل صباح فى صلاة الصبح .... ربنا يفك كربتك ويشفيك .. امين يا رب العالمين
مسكين ويستحق الرثاء
Post: #39 Title: Re: بعد كل هذا الصرف الفلكي...هل تزحزح المريخ من مقعد الوصيف Author: omar altom Date: 08-02-2007, 09:45 AM Parent: #1
صباح الخير ياخ
ناس المريخ ديل خلو اللعب في ميدان الكورة ....كورتهم بقت في الجرايد والا نترنت و بقوا حرفاء في
يعرفوا يوقعوا العقود ويعقدوا اتفاقيات وتوامة,وووووو......كلام ساي لكن لمن يجي اخر اسبوع في
الدوري تلقاهم نمرة 2 !!!!!!!!!.ياخ والله حيرتونا ....يامريخاب عليكم الله اغلبونا ياخ وشيلو
الدوري ده خلونا مررررررة كدة نلعب في الكونفدرالية دي عشان نطقطق الحمام دة .
احترامي للجميع
Post: #40 Title: Re: بعد كل هذا الصرف الفلكي...هل تزحزح المريخ من مقعد الوصيف Author: ود المايقوما Date: 08-02-2007, 09:54 AM Parent: #1
Post: #41 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-02-2007, 10:16 AM Parent: #40
الاخ العزيز شيبا
Quote: والفريق وجماهيره تصبر على النتائج لان الفريق فى مرحلة بناء والفرق الكبيرة لا تنبنى فى يوم وليلة
جماهير تصبر اكتر من خمس سنوات ..ياخ دا سيدنا ايوب ذاتو لو كان حي...كان قام ورفع ليكم القبعة....
وقلت لي في مرحلة بناء....من سنة كم في مرحلة بناء...هو ناديكم دا مش قلتو اتأسس سنة كم وتلاتين كدا...لي يوم الليلة في مرحلة بناء
Post: #42 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-02-2007, 10:22 AM Parent: #41
بعدين يا شيبا اعلامكم اكبر منكم دايما...وزي ماقالوا الشباب هنا انصحك بمراجعة اعلانات ال ارت عن مباريات السبعة الكبار افريقيا,,,يمكن يكون اسم المريخ فيهم ززولا اقول ليك ارفع مذكرة احتجاج قول ليهم كي يسقط اسم المريخ انتو ماعارفين كاساتو ودولاراتو...ولا اقول ليك خلي الوالي يدفع لي ناس ال ارت مليون دولار عشان يختوا اسم المريخ مع السبعة الكبار افريقيا...دي الطريقة الوحيدة
وعن سؤالك
شايفك زغت من السؤال
الهلال فى الممتاز سنة 2000 و 2001 و 2003 كان ترتيبو الكم ؟؟؟
ومالك وقفت في 2003 غلبك تكمل لي 2004 , 2005, 2006, 2007
Post: #43 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-02-2007, 10:30 AM Parent: #42
العزيز ثابت
Quote: بيتر جيمس كان عندو إلتهاب في اللّوز ؟؟
تعر ياثابت بيتر دا بالذات كنا عايزين نرجعه من سنين لكن لما سمعنا انو عقدة المريخاب اشتغلت وهم بيحبوا مخلفاتنا من اللاعبين والوالي كشكش دولاراتو ليهو ...غلاسة كدا احتفظنا بيهو
Post: #44 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-02-2007, 10:46 AM Parent: #43
الاعزاء الزرق:
احمد الريح
تاج السر ابوقوتة عمر بوب عمر التوم
احنا من زمان بنراعي مشاعر اخوانا في المريخ وما بنحب نقض مضاجعهم وبنقول الفيهم مكفيهم لكن للاسف اسءوا فهم رسالتنا وافتكروا سكوتنا هوانا وانكسارا...لذلك من الان وصاعدا لن نترك لهم جنبا ينومون عليه...مش لو كبوا كل مال السودان في نادي المريخ..ولو جنسوا ليهم كل لاعبي افريقيا في رمشة عين...برضوا وصايف وبيلعبوا مع الحمام الميت ي الكونفدرالية وبيهزموا الاهلي بمساعدة التحكيم الفضيحة الذي رفض احتساب ضربة جزاء وطرد الحارس عندما علي مرأي ومسمع الجميع في فضيحة يندر ان تحدث في العالم زززومش لو جابوا حي العرب قبل اسبوعين وعملوا ليهو معسكر في الخرطوم عشان يعرقل الهلال ..لكن هيهات ولو صرف الوالي مال قارون...برضو هيهات
دي مابقت رياضة ولا كرة قدم
كفانا صمت..اما منافسة شريفة او خلوها
Post: #46 Title: Re: بعد كل هذا الصرف الفلكي...هل تزحزح المريخ من مقعد الوصيف Author: abuguta Date: 08-02-2007, 11:40 AM Parent: #44
Quote: ...لذلك من الان وصاعدا لن نترك لهم جنبا ينومون عليه...مش لو كبوا كل مال السودان في نادي المريخ
الاخ ياسر
ناسك ديل نحن العنقالة ديل بنبشتن بيهم خليك من قامات فى شخصك وتجتوج واحمد الريح انا بقولك امس بفتش لى ود عم ادريسو فى القصور ,الذى قابلته قبل سنتين فى حملة عمرة وفتشت عنوانو قلت عشان الحق حد الصحفى الصحاف دا...قاعد ياكل بعقول الناس حلاوة قال اتصل على ادريسو وقال ليه ما عندى خبر بالتوقيف...شوف كمان فداحة الفياقة فرضنا دوروكبا ذاتو لاعب ضد الهلال يعنى شنو...الواحد يخدم بلدو وفريق بلدو مش فرق الاخرين انا شايف تطور الهلال هو تطور للمريخ... فرضا ان الهلال شال كاس افريقيا ,,, المنافسة القادمة الوصيف سوف يرتقى لدورى الابطال,,,شفتو المنفعة التى سوف تجنوها من فوز الهلال بالبطولة عشان كدا حقو تعملو ليل نهار لفوز الهلال اذا بهمكم تطور المريخ والا سوف تظلون وصفاء وتلعبون فى دورات الترضية... ودمتم....
Post: #45 Title: Re: بعد كل هذا الصرف الفلكي...هل تزحزح المريخ من مقعد الوصيف Author: gamal Date: 08-02-2007, 11:34 AM Parent: #1
اكبر فضيحة محمولة جوا تسعة حبشية في شباك المريخ
Post: #48 Title: Re: بعد كل هذا الصرف الفلكي...هل تزحزح المريخ من مقعد الوصيف Author: sheba Date: 08-02-2007, 12:40 PM Parent: #1
الذى يستغرب من صبر جماهير المريخ على فريقها معزور لانه لا يعلم او يعلم ويتجاهل تماما انها صفوة
والفريق الان تحت قيادة مدرب مونديالي كل الاسرة المريخية لا تنتظر النتائج السنة دي .. لكن بعد سنتين او ثلاث .. وممكن كمان تتنظر اكثر
اما الهلال فحين كان المريخ هو سيد الساحة .. كلنا يذكر كيف ان جماهيره طاردت اللاعبين بعد احد المباريات ... فى شوارع العرضة
بل وان احد اللاعبين تم قلب الركشة التى كان بداخلها وكلو موجود فى الحفظ والصون
اما الذى يتحدث عن هزيمة المريخ بالتسعة فقد سبقه عليها الهلال بنفس التسعة
وانهزم الهلال قبل ثلاث سنوات من المقاولون العرب بالسبعة فى مباراة ودية
وانهزم من الترجى بالستة فى ربع ساعة .. مشيت اشرب موية وجيت بتاعاة ترباس
وانهزم بالخمسة اكثر من مرة
خمسة الترجي .. وخمية الرجاء (مرتين ) البطولة العربية بالقاهرة وخماسية المغرب الاخيرة .. خمسة الوحدات الاردني .. خمسة الفريق اليمنى
وانهزم بالاربعة كثيرا من الاشانتي ومن الرينجز ومن...
اما الثلاثيات فعدد ولا حرج
النصيحة لله بس الثمانية هي الوحيدة التى لم يهزم بها
تعرف بعد كورة الرجاء فى المغرب .. بكي كليتشى وقال عمرو فى حياتو الكروية ما اتغلب بى خمسة
اما الذى يتحدث عن تاريخ الهلال وقال ان اراجع التاريخ .. كدي ورينا انجازات الهلال
اصلى انا كنت علمي و تعبان فى التاريخ ...
اما الفضائح فيكفى الهلال انه الفريق السوداني الوحيد ... خلى بالك من الوحيد دى
الذى ثبت تعاطي احد لاعبيه للمنشطات فى بطولة عربية .. اقول ليك منو ؟؟
طيب ما انت اهو عارف ؟؟
الغريبة ريكاردو مدرب الهلال قال انو تلقي عروض تدريب من اندية اخرى لكنه والحديث لريكاردو متمسك بالهلال حتى يحقق معه بطولة خارجية
قال حا يدرب الهلال لحدي ما يحقق معاهو بطولة خارجية
تعرفو دة معناهو شنو ؟؟
معناهو انو حا يقعد فى السودان ويدرب الهلال لحدى ما يعتزل الدنيا كلها
Post: #49 Title: Re: بعد كل هذا الصرف الفلكي...هل تزحزح المريخ من مقعد الوصيف Author: Ahmed Alrayah Date: 08-02-2007, 04:51 PM Parent: #1
مبدئيا كده يا دكتور ياسر:
مبروك القفزة الكبيرة في التصنيف العالمي...
الهلال الآن في المركز 125 عالميا وفي المركز الخامس عربيا والثامن إفريقيا بعد فوزيه على الترجي وأسيك اللذين أضافا له 18 نقطة
الفوز يمنح الفريق 9 نقاط في دوري الأبطال والتعادل يمنحه 4.5 و الفوز في الكونفدرالية يمنحه 7 نقاط والتعادل 3.5
دي معناها شنو؟! ________________________________
طبعا "عالمية" هذا التصنيف أمر فيه نظر لكن وجود اسم الهلال فيه يسعدنا ويمنحه الدافع نحو التقدم لمركز أفضل.
Post: #50 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-02-2007, 04:58 PM Parent: #49
احمد الريح ..والكلام بالدليل والبرهان
Quote: الهلال الآن في المركز 125 عالميا وفي المركز الخامس عربيا والثامن إفريقيا بعد فوزيه على الترجي وأسيك اللذين أضافا له 18 نقطة
Quote: دي معناها شنو؟
احمد انت بتخاطب في منو؟....خليها مستورة
Post: #51 Title: Re: بعد كل هذا الصرف الفلكي...هل تزحزح المريخ من مقعد الوصيف Author: Ahmed Alrayah Date: 08-02-2007, 05:05 PM Parent: #1
Quote: بالمناسبة في التصنيف أعلاه:
الفوز يمنح الفريق 9 نقاط في دوري الأبطال والتعادل يمنحه 4.5 و الفوز في الكونفدرالية يمنحه 7 نقاط والتعادل 3.5
عارف السبب شنو يا دكتور؟
ناس التصنيف قالو في الموقع بتاعهم:
The widening difference in standard and performance between the two club competitions within each continent, as well as the increasing number of matches played in the less important competition of each continent
بالعربي كده
الفرق الشاسع في المعيار والأداء بين بطولتي الأندية في كل قارة إضافة لأن عدد المباريات أكثر في البطولة الأقل أهمية في كل قارة
___________________________
يا أخوانا في زول عندو "صافرة" عشان يعلن نهاية هذا الpost بفوز الهلال قبل ما الجماعة يشيلو الكورة ويفرتقو؟!
Post: #54 Title: Re: بعد كل هذا الصرف الفلكي...هل تزحزح المريخ من مقعد الوصيف Author: ALGARADABI Date: 08-02-2007, 07:05 PM Parent: #51
أحمد الريح الله يريحك دنيا و آخره
Post: #55 Title: Re: بعد كل هذا الصرف الفلكي...هل تزحزح المريخ من مقعد الوصيف Author: Ahmed Alrayah Date: 08-02-2007, 07:37 PM Parent: #1
Quote: أحمد الريح الله يريحك دنيا و آخره
آمين... و جمعا يا ALGARADABI. ________________________
يا أخوانا المريخاب:
هنالك 7 بطولات شارك ويشارك فيها الهلال والمريخ:
البطولات الإفريقية البطولات العربية بطولة سيكافا الدوري الممتاز دوري السودان كأس السودان دوري الخرطوم المحلي
متفقين ولا عندكم اعتراض؟ قبل ما نمشي لى قدام.
Post: #56 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-02-2007, 08:02 PM Parent: #55
ابوحميد...معاك go a head
بس ياربي الناس ديل طلعوا قبل المباراة ماتنتهي ولا شنو
Post: #57 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-02-2007, 08:05 PM Parent: #56
قال محمود ريحان
Quote: ارجي الراجيك المريخ رامي قدام
يامحمود المريخ دا رامي لقيمات ولا شنو
Post: #58 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-03-2007, 11:59 AM Parent: #57
Quote: كل الاسرة المريخية لا تنتظر النتائج السنة دي .. لكن بعد سنتين او ثلاث .. وممكن كمان تتنظر اكثر
انت بي صحك يا زول ....انت فريقك دا فيهو تلاتة لاعبين فوق سن الاربعين وسبعة فوق سن التلاتين وماعندك حارس مرمي .... سنتين او تلاتة شنو البتنتظرهم ...انتو لسة بتصدقو اعلام الوهم بتاعكم دا
Post: #59 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-03-2007, 12:04 PM Parent: #58
نتوقف قليلا...لندعم ونؤازر نادي المريخ في معركته غدا امام دولفين ومن كل قلبنا نتمني له الفوز لانه يلعب بأسم السودان
Post: #60 Title: Re: بعد كل هذا الصرف الفلكي...هل تزحزح المريخ من مقعد الوصيف Author: yasir Abdelgadir Date: 08-03-2007, 12:28 PM Parent: #59
الاخ ابوقوتة...حاشاك من ان تكون عنقالي..وانت سيد الفاهمين...ناخد بريك شوية ونجيهم راجعين بعد نهاية مباراتهم مع دولفين
Post: #61 Title: Re: بعد كل هذا الصرف الفلكي...هل تزحزح المريخ من مقعد الوصيف Author: تاج السر حسن Date: 08-03-2007, 04:06 PM Parent: #60
تصحيح معلومه حتى لا تمر .. الهلال انهزم 9/1 من الهونفيد المجرى حينما كان اعظم فريق فى العالم، وليس من فريق برازيلى .. وناس المريخ فرحانين لأنهم انهزموا من نفس الفريق 5 "بث" !!!!
الهلال فاز على الأهلى المصرى بدار الرياضة بأم درمان 5 وأحرز هدفين من اهداف الهلال ابو العائله اعظم ادارى فى تاريخ المريخ ، وبسبب ذهابه للمريخ سمى المريخاب "بالهلالاب الزعلانين" !! وفى تلك المباراة كان يلعب للأهلى المصرى السد العالى، يعنى لا أدرى لو لم يلعب لهم السد العالى ماذا كان يحدث ؟؟ _____________
اما الفضيحه الكبيره والريحه النتنه فقد كانت حينما انتصر سانت جورج الأثيوبى على المريخ فى عصره الذهبى "بشاره، سانتو، كمال، بشرى وهبه، محسن العطا، كاوندا، عبدالعزيز عبداله" ب 9 اهداف مقابل هدف!! لو انتصر فريق اثيوبى على الهلال بهذا الرقم لما شجعته فهذه فضيحه ما بعدها فضيحه !! مخارجه:- الهلال انتصر على نفس الفريق 6/1 !!
Post: #62 Title: Re: بعد كل هذا الصرف الفلكي...هل تزحزح المريخ من مقعد الوصيف Author: Ali Amer Date: 08-03-2007, 04:30 PM Parent: #1
بسم الله الرحمن الرحيم
السلام عليكم ورحمة الله وبركاته
الأحمر ... & .... ألازرق
هات من الآخر.....
من يأمل فى لعب مباراة السوبر .... ( بطل الانديه الابطال v. بطل الكنفدراليه)...... ????
