و بإسمك أغني و أغني ( خضر إنت وين ياخي ) عليك الله أنجدني من وردي و ( وردة صبية )

.

و بإسمك أغني لي عالم بسيط و جميل .


خدر سلامات

و نحن ما زلنا في اليوبيل الذهبي

لهذا العملاق .

و أنا الذي كنت أعتقد بأني

أعرف وردي منذ ميلادي و

أحفظ صم كل أغانيه ، لكنه لم

يخيب ظني مثله و صديقي ( مصطفي سيد أحمد ) .

الشاهد أنه قبل يومين تحصلت علي شريط كاسيت

إسمه ( عرس السودان ) من إنتاج نيو وردي فون و به أغنيتان

1/ عرس السودان

2/ وتر مشدود

في الأول كان فرحي و إحتفائي بأني تحصلت علي تسجيل كاست

لعرس السودان حيث أستطيع أن أسمعها و أنا أقود سيارتي ،

و لكن كان الإحتفاء عكسي !!

إذ تفاجأت بالأغنية الثانية في الكاسيت

وتر مشدود

لم أسمعها في حياتي

و شرفي كانت هي المرة الأولي التي أسمعها ..

هذا المساء حكيت كل هذه التفاصيل لصفيي

عمر حلاق

و أسمعته الأغنية من كاست السيارة

فضحك وذكر لي أن هذه الإغنية محفوظة في جهازي !!!!!!

كيف الكلام دا ؟؟؟؟

فذكر لي عدة ملابسات فرضت تناول مجموع أغاني كثيرة بيننا

و أن هذه الأغنية بالذات من ضمن تلك الأغاني

و هي محفوظة بإسم وردة صبية ..

لم أكن في حياتي في لهفة لكي أغادر أصدقائي

مثل اليوم .. فقط لكي أتأكد من تلك الأغنية ..

و صدق عمر حلاق ...................

خدر صاحبي عذراً

لكن و شرفك

وردي دا مالو علينا ؟؟؟؟؟؟؟؟؟؟؟؟؟؟؟




كرفس

.

و أحب إسمك

و أغني و أغني

.
اللللللللله عليك يا معاوية
وعلى الروعة ..

تعرف انا على عكسك
هذه الأغنية من الأغنيات المحببة جدا جدا عندي
سمعتها في وقت باكر من حياتي
وعلى حد علمي انو عندها تسجيل ( وحيد )



أها الأغنية دي كنت بفتش ليها سنين
بعد أن فقدت التسجل الوحيد ( شريط كاسيت ) الكان عندي
لغاية ما جاد بيها الأخ لؤي
في بوست أجاب فيهو على معظم طلباتنا
وللأسف الجهاز ضربو فايروس مرة
وراحت كل الفايلات
والمدهش لؤي اختفى نهائيا من المنبر
حتى الاحتفالات بالعملاق وردي ما خلتو يظهر !!

حسع بالله عليك يا معاوية تلحقني برابط الحفظ

شكرا ليك كتير ..
الليلة سهرتي وردة صبية.

وأخت إسمك علي باب الزمان أكليل

وخمسينيته كانت حاجة ترد الروح
غنيته ها هنا لوحد حرف حرف أتحفني
سيف الجامعة بمدخله (ونغني لك ياوطني
ثم ود الأمين ) بكيت ووردي يردد مع
أوتار ود الامين .... والله إنك لصاحب
عجيب .... تقتلك المفردات
ويقتلني الحنين وسلام لعمر حلاق
ولبنبن ول.... الليل والاصدقاء من حولك

خت رابط للحفظ يا جميل

.

الجميل/ hatim ibrahim ( الهلالابي ) ،

Quote: تعرف انا على عكسك هذه الأغنية من الأغنيات المحببة جدا جدا عندي سمعتها في وقت باكر من حياتي وعلى حد علمي انو عندها تسجيل ( وحيد )

تعرف زي ما قلت إنت أنا علي حد معلوماتي عرفت

إنو دا التسجيل الوحيد للأغنية دي ،

و حسب معرفتي بي وردي

كضاب البيقول سمع كل ما غناه وردي !!

عشان كدة أنا دهشتي بالأغنية ليها حدود أنا عارفها كويس .

المهم ..

يا جميل بس عشان فرحك دا بي وردي

و عشان ما تعنيه لك هذه الأغنية

و عشان أول مرة نتلاقي هنا ( حسب ما أعتقد )

ولاّ عشان أي حاجة تانية !!!.

هو وردي دا حق منو فينا عليك الله ؟؟؟

ماهو كان أصلاً بغني لأي زول ...



عزيزي hatim ibrahim

و أنا مبسوط جداً لحفاوتك و لهفتك لهذه الأغنية

أهديك رابط حفظها

و ر د ة صــــبـيـــــــــــة




لك كل ودي

كرفس

الله يكتلكم ..
أتماسك كيف هسع ؟؟

.


خدر

قريبك دا اليومين دي

حاميني النوم

بس وروني إنتوا قاعدين تعملوا معاهو شنو ؟؟؟


اللنك للأغنية أسأل منو hatim ibrahim

.


أوووههههههووووو

جميلنا / Emad Abdulla

Quote: الله يكتلكم .. أتماسك كيف هسع ؟؟

ونحنا نموت برانا يعني ،

ما تشيلوا معانا شوية يآخي ،

ولاّ شنو ؟؟

الان لاشيئ سوي النحيب

حلمت سلمت سلمت سلمت ياصاحبي

.


عفواً


يجب أن أنوهكم

بأني قد أهديت لها هذه الأغنية قبلكم ..

Quote: يجب أن أنوهكم بأني قد أهديت لها هذه الأغنية قبلكم ..

يا معاوية .. فاحذر ..
من الحب ما قتل ..





فأنت قاتل .. و الأمر لله .

ويجب ياعماد ياصاحبي
أن ننوه

إننا ناقشين الحنك دة ياكرفس
حنك الاهداء الاساسي
فنم قرير العين هانئاً
لك ولها الاحلام
الامنيات
وقيراطين مودة

معاوية
تسلم وتسلم وتسلم ليك كل الأرواح الإنت بتحبها
أسمح لي أهديها لي نفسي

سلمت .. سلمت
حلمت .. حلمت
قبلك كنت لا بحلم ولا موجود
معاك ..بحلم
معاك بحلم كأني على فرس
طائر..طائر.. بحلم
وبغني على وتر مشدود
واطير عبر السما الممدود
سما الوطن اللي مالو حدود
حمامة جناها لا خائف ولا مفقود
واشر الغيمة خيمة على النجم وأرتاح
سلامي لي غادة

.

أنا المقتول يا عماد

أنا المقتول

أنا المقتول

أنا المقتول

.

ههههههههههههههههه

أنت دئماً جميل يا خدر يا لماح

يعني الواحد ما يعرف يقول أي كلام هنا

طوالي تجيبوا آخرو ؟؟


المهم

وردي قريبك دا الليلة الله يسترنا معاهو

ووالله إنها لتستحق
لتستحق
لتستحق
ياصاحبي
فهنيئاً لقتلاها إذن

كرفس : ياصاحبي

وأبقي العاتي
زي سنطتنا
وزي صبراً
نلوك فوق مرو زي الذاد

.
شكرا أخي معاوية
شكرا ..وشكرا ..بقدر ما يردد الاستاذ وردي : وبأسمك أغني .. وأغني .. وأغني

Quote: هو وردي دا حق منو فينا عليك الله ؟؟؟

وردي ده ( هبة النيل ) لأرض المليون ميل ..

Quote: يجب أن أنوهكم بأني قد أهديت لها هذه الأغنية قبلكم ..

ومن يسعدها مثل هذه ( الكنز ) : محجوب شريف في الكلمات ، الموسيقار محمد وردي في اللحن والأداء
تستحق أن نحنى لها الهامات تقديرا واحتراما..
.

ووردي ومحجوب ديل ياصاحبي ما قصرو علي الاطلاق
شكلو ثنائية عجيبة أسهما بقدرة فائقة في صياغة
وجدان شعبنا لكم لكم يامعاوية ياصاحبي أنقذونا
بثنائيتهم المتفردة من دوائر لعينة تعلمها أكثر
من أي شخص هنا ياصاحبي .... أمد الله في آجالهما
ثم إنني : إشتاقك كلو كلو ولو تعرف ما فعله هذا
الرابط العجيب لكنت الأن بجانب قلبي ياوسيم
والله أنا أحبك جداً

العزيز

كرفس

وضيوفه الكرام

اغنية وردة صبية كتبها الاستاذ محجوب شريف وعند بثها كانت حدث ثقافى وفنى رفيع
وكان لحقت وقلت لى وردة من حقاتنا زمان
أخت اسمك على باب الزمان إكليل
او بإسمك أغني لي عالم بسيط و جميل
الكلام كمل
واذكر تماما فى ونسة على ايامنا اعتبر الدكتور صدقى كبلو
وردة صبية نقلة نوعية فى خارطة الغناء السودانى وقال مثلا
احبك لاقدر مكتوب ولا دمعا سقى المنديل ..فهم جديد لعلاقة المحبين
يضعها فى اطار انسانى, وينفى بالضرورة الفهم القدرى القديم الذى تغنى به
الفنان وردى نفسه مثل:-
دى الاراده ونحن مابنقدر نجابه المستحيل



فى داعى هسه تهيجو علينا الذكريات

تحياتى

الاخ معاوية
والاعزاء
الأغنية ليست لمحجوب شريف
ولكن للراحل عمر الطيب الدوش
له الرحمة:

سلمتا سلمتا خايف كنتا ما يسلم قلب مفصود
حلمتاحلمتا قبلك كنتا لا بحلم ولا موجود

معاك بحلم
كأني علي فرس طاير
أغني علي وتر مشدود
وأطير عبر السما المدود
سما الوطن اللمالو حدود
حمامة جناها لا خايف ولا مفقود


وأفر الغيمة خيمة علي النجم و ارتاح
أصادف أجمل الغابات
و أصادق غصنك الفواح
واشرد من زوايا القلب جنبك آخر الأشباح
وتفتح كلمة من عينيك لي مجرى الغنا المسدود


و أخت أسمك علي باب الزمان أكليل
وردة صبية تلمع فوق صدير النيل
وباسمك أغني لعالم بسيط وجميل
وانادي عليك
ملاذا في شتا الايام
وبردا في الحياه وسلام
وفي شدة هجير وزحام
جزيرة حنينة
بين نهرين حنان القاك عليك اتلم
وهودج في صحاري الهم
وعالي نخيل عليك اتلم


وفي السكة المابتعود
معاك لآخر المشوار
أغني علي وتر مشدود

Quote: الأغنية ليست لمحجوب شريف ولكن للراحل عمر الطيب الدوش له الرحمة:

فى داعى يا قردابى *ما فى داعى ؟

ما اتفكينا من وردى و محجوب تقوم تجيب سيرة الدوش عارف لى يومين بسمع اغنية الساقية لسه مدورة و بتوه مع الكم الهائل الفيها من الصور و المشاهد و النيل و صبرو و صبرنا نحن ذاتناالقرررررررررررررررررب يكمل !


معاوية و خضر اصحابى ازيكم و مشتاقين و تحايا منى عبركم لكل الورود الصبية!


*تانى خلى زول كمان يجيب سيرة كجراى نحنا ما ناقصين !

عزيزي القردابي :

حسب علمي بأن القصيدة للعم الاستاذ محجوب شريف
وسلام ليك وكتر خيرك علي إنك نزلتها كلها ...
وبي كدة صاحبنا معاوية حيحفظها سريع خالص

ثم : يانادية السر

أينك في هذا الزحام ؟

.
الأخ القردابي
سلام بنكهة انتصارات الهلال القادمة ان شاء الله

Quote: الأغنية ليست لمحجوب شريف ولكن للراحل عمر الطيب الدوش له الرحمة

مالك عاوز تلخبطنا ياخي
الأغنية للمبدع محجوب شريف متعه الله بالصحة والعافية
هكذا أعرف منذ أكثر من عشرين عاما
ولو طلعت معلوماتي غلط ( صعب ) بعد كل هذه السنوات اني اعمل ليها ( مسح )

للراحل الدوش روائع : الحزن القديم / الود / بناديها


نرجو أن يفيدنا من بحوزته دواوين لشاعر الشعب محجوب شريف .
.

الاخ خضر
استاذي العزيز حاتم( ليث الاطلسي)
وقرط لي غلي استاذي دي بالله ( أها الأزرق كيف؟)
تحياتي

Quote: ولو طلعت معلوماتي غلط ( صعب ) بعد كل هذه السنوات اني اعمل ليها ( مسح )

وانا شرحو
بس انا حافظ الاغنية دي لي أكتر من ربع قرن
وكنتا بحبها حب غريب
مره قلتها في الكلية في حشد من الطلاب ( بدون مناسبة) وكان من ضمنهم برلومة من الجبهة الديمقراطية
التجاني الطيب خالهااسمها سهير عمر الفاروق( تحياتي لها حيثما كانت)...
بعد انتهيت من القصيدة قالت لي في بيت ناقص:
احبك لاقدر مكتوب ولا دمعا سقى المنديل
ولأني كنت حافظ القصيدة كدة ,ما قدرتا أحفظ البيت لكن البرلومة ما نسيتا
ولأنها(البرلومة)من بيت تقدمي لا أستبعد أن تكون القصيدة لمحجوب شريف رغم أني كنت متأكد 100%
انها لي عمر الدوش وزي ما قلتا:
ولو طلعت معلوماتي غلط ( صعب ) بعد كل هذه السنوات اني اعمل ليها ( مسح )
لذلك اتمني أن تكون معلوماتي صحيحة

حسدت نفسي علي أني لسة متذكر الاغنية كاملة رغم البعد وعوامل التعرية
ولكم الود جميعا

احبك لاقدر مكتوب ولا دمعا سقى المنديل




يا سلااام



و أخت أسمك علي باب الزمان أكليل
وردة صبية تلمع فوق صدير النيل
وباسمك أغني لعالم بسيط وجميل
وانادي عليك
ملاذا في شتا الايام
وبردا في الحياه وسلام
وفي شدة هجير وزحام
جزيرة حنينة
بين نهرين حنان القاك عليك اتلم
وهودج في صحاري الهم
وعالي نخيل عليك اتلم

.
.
الأخ الأزرق القردابي ..

غايتو اللون الأزرق ده شكلك حتقرضو حتقرضو
وبعدين ( استاذ ) شنو بالله عليك ..
اخوك في التكنولوجيا( صفر )
بس ( بهابش ) كتير ..
مرة بتصدق
ومرااات كتيرة الكمبيوتر المسكين بيتحمل النتائج

ــــ
غايتو في واحد صاحبي ( مدمن) وردي زي حالاتي
أكد لي انو ( وردة صبية ) لمحجوب شريف
والأغنية دي أنا مش كنت بحبها وبس
كنت بشغلها في اليوم اكتر من مرة
أصلا التسجيل البنسمع فيهو ده كان في حفل ( حي ) بمدينة الرياض
وكان عندي شريط الفيديو بتاع الحفل
ومن كتر ما كنت بشغل الشريط
وصل لمرحلة انو ( الصورة ) اتمسحت .. وبقيت اسمعها صوت بس


وبالمناسبة ..من الحاجات البتخلي الواحد ( يرجح ) انو الأغنية كلمات ( محجوب شريف )
ما قاله الأخ عمر إدريس محمد :

Quote: واذكر تماما فى ونسة على ايامنا اعتبر الدكتور صدقى كبلو وردة صبية نقلة نوعية فى خارطة الغناء السودانى وقال مثلا احبك لاقدر مكتوب ولا دمعا سقى المنديل ..فهم جديد لعلاقة المحبين

فالغهم الجديد لعلاقة المحبين دي بتلقاهو ( واضح ) جدا في ( سنبلاية ) محجوب شريف
شوف المبدع ده بيقول شنو :
ــــــــــــــ
وبينى وبينك الضحكه..ورحيق الشاى
وطعم الخبز والسُتْره.. ومساء النور
وعمق الإلفه..
بين النهر ... والنخله ...وغنا الطمبور
وصدق العُشْره بين الأرضِ..
والإنسان
وبيني وبينك الفكره..
وجمال الذكرى
والنسيان
وحسن الظن
ومشوار الحيا اليوماتى
ما بين الجبل والسهل..
ما بين الصعب والسهل
عزّ الليل..
وفى سكّه مطر بكّاى
فلا هماً تشيلى براكْ
ولا جرحاً أعانى براى
ولانا على بعض نمتن
***
وتزعلى يوم.. وازعل
وننفعل مرات
تقبّلى منّى..
واتوسّد ضُراعى سكات
وفينا حنينه
تتشابك موده..
تشابك الغابات
ونحن اذا اختلفنا سوا..
بنطيع الصاح
ولو بتنا القوا بنرتاح
اذا تمن الملح والعيش..
رُضا الشمّات
***
وتتكى سنبلايه على ضراعى.. .واميل
كأنى غنا الطفوله العذبْ
كأن الدنيا طى القلبِّ والمنديل
كأنّ الدنيا طىِّ القلب والمنديل
ـــــــــــــــــ
.

وباسمك أغني لعالم بسيط وجميل
وانادي عليك
ملاذا في شتا الايام
وبردا في الحياه وسلام
وفي شدة هجير وزحام
جزيرة حنينة
بين نهرين حنان القاك عليك اتلم
وهودج في صحاري الهم
وعالي نخيل عليك اتلم

وفي السكة المابتعود
معاك لآخر المشوار
أغني علي وتر مشدود


وبينى وبينك الضحكه..ورحيق الشاى
وطعم الخبز والسُتْره.. ومساء النور
وعمق الإلفه..
بين النهر ... والنخله ...وغنا الطمبور
وصدق العُشْره بين الأرضِ..
والإنسان
وبيني وبينك الفكره..
وجمال الذكرى
والنسيان
وحسن الظن

رزاز مطر الخرطوم أمطر ها هنا حنينا وجمالا
كسى أيامنا بزهاء خضرة الأشجار هذا الصباح
ندى يتساقط حبة تلو أخرى تبعث فينا الحياة
رائحة الدعاش تعبق أرواحنا
لأن الحب هو لحن الحياة


مودتي

الصديق الزمان كرفس
كويس إنك حي وقاعد في الخرطوم
ولسة محتفظ بعلاقتك بالغنا والحاجات السمحة
مهم إنو الواحد يخش الحتات الزي دي عشان يلقاك
بس حاول مدنا من روحك شوية

ايووووووووووووووووووووووااااااااااااا دي حركاااات جديدة يا معاوية
انتا و خدر بتجيبو الحاجات السمحة دي و بتدسوها مننا في الصفحة التالتة و الرابعه

سمح

كــــــــــــــــــــــــــــــرفس
يا جميل
اهتديها لها قبلنا
ونحن قابلانيييييييييييييييين هديتك يا جميل
وبنحبك كمان
شديييييييييييييييييييييييييييييييييييييد
بس اظهر لينا في المسنجر عليك الامان
وتحياتنا عبرك لجميع الاصدقاء

بجبكم فرداً فرداً

و أكيد



دمتم
كرفس

.


سلمتا سلمتا خايف كنتا ما يسلم قلب مفصود
حلمتاحلمتا قبلك كنتا لا بحلم ولا موجود

معاك بحلم
كأني علي فرس طاير
أغني علي وتر مشدود
وأطير عبر السما المدود
سما الوطن اللمالو حدود
حمامة جناها لا خايف ولا مفقود


وأفر الغيمة خيمة علي النجم و ارتاح
أصادف أجمل الغابات
و أصادق غصنك الفواح
واشرد من زوايا القلب جنبك آخر الأشباح
وتفتح كلمة من عينيك لي مجرى الغنا المسدود


و أخت أسمك علي باب الزمان أكليل
وردة صبية تلمع فوق صدير النيل
وباسمك أغني لعالم بسيط وجميل
وانادي عليك
ملاذا في شتا الايام
وبردا في الحياه وسلام
وفي شدة هجير وزحام
جزيرة حنينة
بين نهرين حنان القاك عليك اتلم
وهودج في صحاري الهم
وعالي نخيل عليك اتلم


وفي السكة المابتعود
معاك لآخر المشوار
أغني علي وتر مشدود

.

الأعزاء أجمعين شكراً لكم علي مروركم من هنا

و شكراً لوردي و هو ينتحب فينا ..

أولاً :

صاحبي / هدر هسين هليل

حسب رواية جدته .

و خدر ( و ليس خضر ) حسب روايتي أنا .

معاك بحلم
كأني علي فرس طاير
أغني علي وتر مشدود
وأطير عبر السما المدود
سما الوطن اللي مالو حدود
حمامة جناها لا خايف ولا مفقود

___________________

ثانياً:

نهال الطيب

وأفر الغيمة خيمة علي النجم و ارتاح
أصادف أجمل الغابات
و أصادق غصنك الفواح
واشرد من زوايا القلب جنبك آخر الأشباح
وتفتح كلمة من عينيك لي مجرى الغنا المسدود

_______________________

ثالثاً:

أصدقائي

Abdelmoniem ALHAJ و Amjed


شكراً لمروركم من هنا
_______________________

رابعاً:

معتصم ود الجمام

أدروب يا عظيم

شكراً علي روحك الجميلة دي

أنا بدخل المسنجر بإستمرار لكن يبدو فرق التوقيت عامل مشاكل ،

تحياتي لأريج و مرهف .
____________

خامساً:

الأخت / فايزه محمد داؤد

تسلمي يا فايزة

و خلينا نهديها معاً لكل الناس .

غادة بخير و غادرتنا أمس للأردن .

__________________________

سادساً و أخيراً :

الأعزاء:

خضر حسين خليل و hatim ibrahim و عمر ادريس محمد

و ALGARADABI و Nadia Elsir .

أشكركم علي المرور من هنا

و أحييكم علي إهتمامكم بكل ما هو جميل ،

في ما يختص بشاعر الأغنية أنا أرجح كفة ( القرضابي ) الوحيد

إذ رجعت لصديق لي مهتم جداً ولصيق بغناء وردي و أنا أثق فيه تماماً

فذكر لي أن وردة صبية من كلمات الدوش .

و إن يكن الدوش أو محجوب أو بشري الفاضل أو جيلي عبد الرحمن أو حميد

هذا لا يهمني

ما يهجسني أنني إكتشفت كنز لم أستطع أن اعود خارجاً من أسوار حمايته ،

منذ ما سمعت هذه الإغنية لأول مرة و حتي هذه اللحظة لم أستطع أن أخرج من إسارها ،

هذا ما يهمني هنا ، الكلمات و الأداء

و ليس من هو الذي صاغ هذا الشعر ..

تمعنوها مرة ثانية و ثالثة و ............

ولسوف لن تملوا الإستماع لها ..


ودي لكم
كرفس

Quote: فذكر لي أن وردة صبية من كلمات الدوش .

الاخ العزيز

كرفس

الوتر المشدود او.. وردة صبية

كلمات الاستاذ محجوب شريف .. حرف حرف وكلمة كلمة

ورنة رنة

بعدين انت رجل مدقق وحصيف ومحجوب على بعد خطوات منك

والشهود لا عد لهم

Quote: هذا ما يهمني هنا ، الكلمات و الأداء و ليس من هو الذي صاغ هذا الشعر ..

معقول بس ..!

وقال لها..يامعاوية.. مثلا

وأشر الغيمة خيمة علي النجم و ارتاح
أصادف أجمل الغابات
و أصادق غصنك الفواح
واشرد من زوايا القلب جنبك آخر الأشباح
وتفتح كلمة من عينيك لي مجرى الغنا المسدود

يازول الكلام دا اصاحبو حيين
وبقرو فيك

Quote: و إن يكن الدوش أو محجوب أو بشري الفاضل أو جيلي عبد الرحمن أو حميد

ياساتر تستر

تستمع ماشى .. لكن تنقل كلمات القصيدة غلط

وتستهون بمن قال وتقول من لم يقل بالجد حاجة غريبة

الشعر تعب روح و بصمة شرايين وفوق دا التاريخ

لا يرحم




واخيرا لو لم تكن كرفس لما كتبت لك حرف


تحياتى

الاخ العزيز معاوية
وجميع الاخوة المتداخلين
يقول العرب ( قطعت جهيزة قول كل خطيب )
اليك هذا الرابط من مكتبة المبدع لؤي شمت
ارجو الاطلاع عليه
Re: أغنيات حسب الطـّلب وبرنامج مجّاني للجميع

وعاطر الامنيات

وردة صبيّة

العملاقان
وردي ومحجوب شريف


سِلِمْتَ .. سِلِمْتَ
خايف كُنت ما يسلم قلب مفصود
حِلِمْتَ .. حِلِمْتَ
قبلِك كُنت لا بحلم ولا موجود
معاك بحلم
كأنّي على فرس طاير
بغنّي على وتر مشدود
وأطير عبر السماء الممدود
سماء الوطن اللي مالي حدود
حمامة جناها لا خايف
ولا مفقود
*****
وأشُر الغيمة خيمة على النّجم
وأرتاح
وأصادف أجمل الغابات
وأصادق غُصنك الفوّاح
وأشرّد من زوايا القلب جنبك
آخر الأشباح
وتفتح كلمة من عينيكِ لي
مجرى الغُنا المسدود
*****
وأخُت إسمك
على باب الزّمان إكليل
وردة صبيّة
تلمع فوق صديري النّيل
وبإسمك أغنّي وأغنّي
أغنّي لي عالم بسيط وجميل
وأحبّك .. وأحبّك
أحبّك لا قدر مكتوب
ولا دمعاً سقى المنديل
وأنادي عليك
ملاذاً من شتاء الأيّام
وبرداً في الحياة وسلام
وفي شدّة هجير وزحام
جزيرة حِنَيْنَة بين نهرين حُنَان
ألقاك عليك أتلم
وهودج في صحاري الهم
وعالي نخيل عليك يتلم
وأنادي عليك
وفي كلّ السلالم ليك
وفي السكّة اللي ما بتعود
معاك أنا معاك
معاك لآخر المشوار
نغنّي على وتر مشدود

.

الأخ/ عبد الدائم سيد أحمد

شكراً علي هذا الرابط

الشحمان طرب ..


و لؤي شمت أنا مشتهيهو و ما لاقيهو ..

هو من القليلين الذين

يعدلوا مزاجي بهذا المنبر .


لك و له كل الود


كرفس

.

عمنا العزيز و أستاذنا/ عمر ادريس محمد

أو فجراوي كما يحلو لك ،

Quote: Quote: الاخ العزيز كرفس الوتر المشدود او.. وردة صبية كلمات الاستاذ محجوب شريف .. حرف حرف وكلمة كلمة ورنة رنة بعدين انت رجل مدقق وحصيف ومحجوب على بعد خطوات منك والشهود لا عد لهم Quote: هذا ما يهمني هنا ، الكلمات و الأداء و ليس من هو الذي صاغ هذا الشعر .. معقول بس ..! وقال لها..يامعاوية.. مثلا وأشر الغيمة خيمة علي النجم و ارتاح أصادف أجمل الغابات و أصادق غصنك الفواح واشرد من زوايا القلب جنبك آخر الأشباح وتفتح كلمة من عينيك لي مجرى الغنا المسدود يازول الكلام دا اصاحبو حيين وبقرو فيك Quote: و إن يكن الدوش أو محجوب أو بشري الفاضل أو جيلي عبد الرحمن أو حميد ياساتر تستر تستمع ماشى .. لكن تنقل كلمات القصيدة غلط وتستهون بمن قال وتقول من لم يقل بالجد حاجة غريبة الشعر تعب روح و بصمة شرايين وفوق دا التاريخ لا يرحم واخيرا لو لم تكن كرفس لما كتبت لك حرف تحياتى

Quote: واخيرا لو لم تكن كرفس لما كتبت لك حرف

Quote: واخيرا لو لم تكن كرفس لما كتبت لك حرف

Quote: واخيرا لو لم تكن كرفس لما كتبت لك حرف

__________________________________________________________________________________



و التحيات لك يا أستاذي ( طاقين ) فوق تحياتك

و يا عمنا بوصيك سلم لي علي كل الأصحاب عندكم .



ودي و إحترامي لك .


كرفس

.


و من ضمن التحايا

التي فاتتني عاليه

يا أستاذي/ عمر إدريس محمد

أرجو أن لا تنسي صديقي و صديقكم

الأستاذ الفنان عاطف أنيس

بلغه تحايايا هو و أسرته

( غادة و إلفة )

و صديقيي عاصم كتة و هاجر سيد أحمد

و ملاز إبنتهم النافرة .

و ناجي ميرغني الشقي

و أستاذي و رفيق المعتقل

الأستاذ/عدلان أحمد عبد العزيز

يا عمنا

دي أمانة في زمتك

تبلغهم سلامي واحد واحد .

Quote: و أحب إسمك

ودي و حبي لك

كرفس

معاك بحلم
كأني علي فرس طاير
أغني علي وتر مشدود
وأطير عبر السما المدود
سما الوطن اللمالو حدود
حمامة جناها لا خايف ولا مفقود

Quote: معاك بحلم كأني علي فرس طاير أغني علي وتر مشدود وأطير عبر السما المدود سما الوطن اللمالو حدود حمامة جناها لا خايف ولا مفقود

وأخت إسمك علي باب
الزمان إكليل


نهال : والله مشتاقين

كرفس ... لك ما غنيناه ذات مساء ياصاحبي