Post: #1
Title: سهرة النيل الازرق مع سودانيز اونلاين
Author: awad okasha
Date: 07-31-2007, 11:22 PM
تابعت سهرة ( سهران يا نيل ) بقناة النيل الازرق والتي استضيف فيها صاحب الحوش وعدد من الاعضاء .
الخلاصة الاكيدة الطلعتا بيها من السهرة :
خير لك الف مرة ان تقرا لبعضهم من ان تراهم وهم يتحدثون .
ولي عودة
|
Post: #2
Title: Re: سهرة النيل الازرق مع سودانيز اونلاين
Author: AL BOOS
Date: 07-31-2007, 11:31 PM
Parent: #1
بس انا عاوز اعرفكـ عمك بكري ده بيخاف من الكاميرا والا شنو
|
Post: #3
Title: Re: سهرة النيل الازرق مع سودانيز اونلاين
Author: غباشي
Date: 07-31-2007, 11:34 PM
Parent: #1
الحقنا يا تــــمـــــبـــــس .....
يا جماعة و الله ما ممكن البتعملوا فيهو ده
أخوكم زي الأطرش في الزفة ....
طيب إن شاء الله أجدعونا بصور .
|
Post: #4
Title: Re: سهرة النيل الازرق مع سودانيز اونلاين
Author: awad okasha
Date: 07-31-2007, 11:38 PM
Parent: #1
ALBOSS
دي واحدة من الملاحظات في االسهرة .
ولي عودة
|
Post: #5
Title: Re: سهرة النيل الازرق مع سودانيز اونلاين
Author: awad okasha
Date: 07-31-2007, 11:43 PM
Parent: #1
غباشي
الصور والمقاطع دي ما تخصصنا ، نحنا حنتكلم عن محتوي السهرة .
تحياتي
|
Post: #6
Title: Re: سهرة النيل الازرق مع سودانيز اونلاين
Author: awad okasha
Date: 08-01-2007, 00:06 AM
Parent: #1
سوف الخص الحديث عن السهرة في نقاط متتالية حتى اتيح الفرصة للتعليق عليها
الملاحظة الاولى
زمن الحلقة ( 90 دقيقة ) لم يكن كافيا لاستضافة هذا العدد من الضيوف بالاضافة الى المداخلات الغنائية.
|
Post: #7
Title: Re: سهرة النيل الازرق مع سودانيز اونلاين
Author: awad okasha
Date: 08-01-2007, 00:36 AM
Parent: #1
الملاحظة الثانية
البعض كان في ارتباك لا يخفى امام الكاميرا .
|
Post: #8
Title: Re: سهرة النيل الازرق مع سودانيز اونلاين
Author: awad okasha
Date: 08-01-2007, 02:36 AM
Parent: #1
الملاحظة الثالثة
سعد الدين مقدم الحلقة كان الشخصية المحورية لدرجة انه لم يوفق في توزيع الفرص .
|
Post: #9
Title: Re: سهرة النيل الازرق مع سودانيز اونلاين
Author: ثابت محمد
Date: 08-01-2007, 02:55 AM
Parent: #1
من الملاحظات
الفنان المصاحب صدح بثلاث أغنيات
أخذت زمن أكثر من الزمن الذي أعطي للبورداب الخمس للحديث
وراااجع
|
Post: #10
Title: Re: سهرة النيل الازرق مع سودانيز اونلاين
Author: ثابت محمد
Date: 08-01-2007, 02:59 AM
Parent: #1
بكري أبو بكر .. الباشمهندس
إستعمل كثيراً جملة ( عاوز أضيف حاجة )
ضحكت وقلت في نفسي
في النيل الأزرق عاوز يضيف .. وهنا يحذف 
مودتي يا عوض عكاشة
|
Post: #11
Title: Re: سهرة النيل الازرق مع سودانيز اونلاين
Author: mohmmed said ahmed
Date: 08-01-2007, 06:33 AM
Parent: #10
شاهدت جزء كبير من الحلقة
بكرى تحدث بشكل طيب وقدم معلومات عن بداية البورد وانتشاره
د حيدر تحدث عن المواقع الالكترونية وتاثيرها وسقف الحرية التى تتمتع به وقال ان ة الحرية هى السبب فى نجاح المواقع
الجنرال احمد طه تحدث بانحياز واضح للصحافة المقروءة وانا معاهو فى كلامو عن متعة قراءة الصحيفة
محمد حامد جمعة قال انو تعرض لانتقادات كثيرة تعود على الصبر عليها لايمانه بالراى الاخر
ابوجهينة ما قصر مع بورداب الرياض وتحدث عن رواياته وقال ان النشر فى البورد يتيح الفرصة لعدد اكبر من القراء واضاف ضاحكا ويسبب خسائر مادية
الجماعة كانوا موفقين
لهم جميعا الشكر
|
Post: #12
Title: Re: سهرة النيل الازرق مع سودانيز اونلاين
Author: wadismail
Date: 08-01-2007, 07:05 AM
Parent: #1
يا أخواننا ما تلحقونا بلنك سريع للسهرة دي عشان نشارككم الأفراح أو ال........
|
Post: #13
Title: Re: سهرة النيل الازرق مع سودانيز اونلاين
Author: ابو عثمان
Date: 08-01-2007, 07:09 AM
Parent: #1
حسب رأيي السهره كانت موفقة
ووفق الأخ بكري وبقية الزملاء في اعطاء بعض الملامح عن الموقع رغم ان زمن البرنامج يكن كافيا"
اعجبت بالأخ محمد حامد جمعة رغم اختلافي معه فكريا"واحي فيه صموده وشجاعته في مواصلة الكتابة في هذا الموقع رغم ما يتعرض له من نقد جارح وعنيف احيانا"
الخلاصة السهره كانت مفيده وهادفة
|
Post: #14
Title: Re: سهرة النيل الازرق مع سودانيز اونلاين
Author: awad okasha
Date: 08-01-2007, 07:22 AM
Parent: #1
الاخ ثابت
لك التحية
صدقتا
الفنان كان اكتر واحد ( متجدع ) في السهرة واستهلك من زمنها الكثير .
اما بخصوص الااضافة والحذف اهي الحكاية ارزاق ناس يضيفوا ليها وناس يحذفوا ليها .
خالص المودة
|
Post: #15
Title: Re: سهرة النيل الازرق مع سودانيز اونلاين
Author: أبو عبيدة البصاص
Date: 08-01-2007, 07:27 AM
Parent: #14
ياجماعه مدونا برابط السهره
|
Post: #20
Title: Re: سهرة النيل الازرق مع سودانيز اونلاين
Author: abuguta
Date: 08-01-2007, 07:50 AM
Parent: #15
Quote: الفنان كان اكتر واحد ( متجدع ) في السهرة واستهلك من زمنها الكثير .
اما بخصوص الااضافة والحذف اهي الحكاية ارزاق ناس يضيفوا ليها وناس يحذفوا ليها .
خالص المودة |
والله العظيم دى الحقيقة
ياجماعة كتاباتكم حلوة...لكن الكلام دا عندو ناس
لكن انا بفتكر غير ابو جهينة الناس دى بعيدة عن البورد
محمد حامد جمعة تانى لا بخاف منك ولا حاجة
خاتى لينا صورة رجل امن وانت زول مسيكين
د..حيدر استطاع ان يصدح بكلمة جمهورى بعد نيف وعشورن عاما على قناة فضايئة سودانية
لكن زاحمت شداد فى الافركة والشعر
بكرى انت جضم لينا السرفر دا... حكمت على ان بين كل 10 يدخلون على النت منهم 8 سودانيز
دى لناس السودان فقط...ممكن تعرفها...لكن اغلب المشاركين والمتداخلين للموقع خارج الوطن
لذا ممكن ان تحصى عددهم فقط...عموما حبينا نمازحك
عموما عكست الاية..سعد الدين شغال بنظرية البحلقة وانت شغال بنظرية الدنقرة
ايو جهينة كلام.. كلام .. كلام بتشديد اللام
احمد طه ما بعرفو قبل كدا وانا من حراس النت 10 ساعات يوميا...
انا لى عشرة سنوات ما مسكت جريدة فى ايدى الا جريدة اعلانية
كان من المفترض ان يستطاف شباب ...لكن الحلقة زمنها ضيق ضيق
الفنان الوحيد الذى اخذ حقه كاملا...شكرا طلال لقد اطربت بنتى ذات العشرين يوما
فنامت فنامت على نغمات صاحب الكمان المتجدع اكثر من سعد الدين
ابو لـــدن
|
Post: #21
Title: Re: سهرة النيل الازرق مع سودانيز اونلاين
Author: gamal elsadig
Date: 08-01-2007, 07:59 AM
Parent: #15
.
إستضافة جميلة لسودانيزاونلاين على قناة النيل الازرق المميزة
رغم قلة الزمن الا ان الحديث قد اوضح بعض النشاطات المهمة التي
يقوم بها الموقع ...
وقد اعجبني كثيرا حديث الاخ بكري عن الاهتمام بالتوثيق وحفظه للاجيال القادمة
وسهولة الحصول على المعلومة عبر الموقع .
.
|
Post: #16
Title: Re: سهرة النيل الازرق مع سودانيز اونلاين
Author: قرشـــو
Date: 08-01-2007, 07:34 AM
Parent: #1
لابد ان الحضور فى الخارج من المتمتعين بالاشتراك فى قنوات ايه ار تى ...
اما نحن معظم البوليتاريا فلا مجال لنا لمشاهدة هذا الترف الفضائى ...
يعنى تلفزيون السودان مالو بالله لو عملوا حلقتهم دى فيه ؟؟؟
يقينا اننى لم احضر الحلقة
ويقينا ان من سمع ليس كمن رأى ...
|
Post: #18
Title: Re: سهرة النيل الازرق مع سودانيز اونلاين
Author: badr alkalika
Date: 08-01-2007, 07:43 AM
Parent: #16
سهران يا نيل
لينا الله يا صالح الكامل ضيعتنا في الكورة وحرمتنا من اهلنا
قلت الجماعة اتجهجهوا
الجهجهن شنو البنات احلوات ولا الكاميرا غلبن النطقي
جيبونا وناس هباني ودينق ودكتور معز والطاهر ساتي وبتاع الشعبي المرفود داك اسموا منو بس ابعدونا عن السياسة عشان نتكلم صح ودايرين فنان من جيل عصام محمد نور ولفوق وبشرط اعيدوا لينا الدويتو بين محمد الامين ووردي وا خوفي منك
تحياتي
|
Post: #17
Title: Re: سهرة النيل الازرق مع سودانيز اونلاين
Author: awad okasha
Date: 08-01-2007, 07:40 AM
Parent: #1
الاخ محمد سيد احمد
شكرا على المرور
اتفق معك ان النقاش بشكل عام كان جيدا ولكن زمن السهرة وعدد المستضافين اثر على تغطية جوانب اخرى مهمة تخص سودانيز اونلاين سنعود لها بالتفصيل.
خالص المودة
|
Post: #19
Title: Re: سهرة النيل الازرق مع سودانيز اونلاين
Author: الطاهر عثمان
Date: 08-01-2007, 07:48 AM
Parent: #1
جاااااااااااري التحميل الأن علي موقع youtube لكامل السهرة فترقبوا
|
Post: #22
Title: Re: سهرة النيل الازرق مع سودانيز اونلاين
Author: awad okasha
Date: 08-01-2007, 08:03 AM
Parent: #1
الاخوة ود اسماعيل / ابو عبيدة / غباشي / قرشو
لكم التحية
| Quote: جاااااااااااري التحميل الأن علي موقع youtube لكامل السهرة فترقبوا |
اخونا الطاهر ( يديهو العافية ) شغال على تحميل السهرة .
خالص الشكر
|
Post: #23
Title: Re: سهرة النيل الازرق مع سودانيز اونلاين
Author: قرشـــو
Date: 08-01-2007, 08:13 AM
Parent: #22
Quote: ÇáÇÎæÉ æÏ ÇÓãÇÚíá / ÇÈæ ÚÈíÏÉ / ÛÈÇÔí / ÞÑÔæ
áßã ÇáÊÍíÉ
| Quote: ÌÇÇÇÇÇÇÇÇÇÇÇÑí ÇáÊÍãíá ÇáÃä Úáí ãæÞÚ youtube áßÇãá ÇáÓåÑÉ ÝÊÑÞÈæÇ |
ÇÎæäÇ ÇáØÇåÑ ( íÏíåæ ÇáÚÇÝíÉ ) ÔÛÇá Úáì ÊÍãíá ÇáÓåÑÉ .
ÎÇáÕ ÇáÔßÑ |
يازول انا الليلة مسمبر ليك هنا ده
كدى النشوف كلام الناس ديل شنو
وعبروا عننا كيف .....
والمشاهد انطباعه شنو بعد السهرة دى عن منبرنا وناسه
لكن يا عكاشة سؤال صغنونى لو سمحت
قناة النيل الازرق دى عدد مشاهدنها قدر شنو من اهلنا الطيبين
يعنى نسبة كم تقريبا بشاهدوها ؟؟؟؟؟؟؟
السؤال برىء براءة الذئب من دم ابن يعقوب والله ...
|
Post: #25
Title: Re: سهرة النيل الازرق مع سودانيز اونلاين
Author: awad okasha
Date: 08-01-2007, 08:41 AM
Parent: #1
الاخ ابو لدن
لك التحية
بلا شك ابو جهينة كان الاكثر ثباتا وعبر بشكل جيد عن ما يدور من تساؤلات .
احمد طه هل هو عضو في سودانيز اولاين ؟؟ ( انا ما عتدي فكرة ) .
لو كان ما عضو ماكان احسن يستضيفوا اخونا محمد عكاشه ؟؟.
د. حيدر اعلن انتمائه وقالا عديل ( الاستاذ ) اشارة الى محمود محمد طه .
ود حلفا غنى وانبسط بس سرق زمن الناس .
ولنا عودة
** تحياتي للبنية .
|
Post: #26
Title: Re: سهرة النيل الازرق مع سودانيز اونلاين
Author: awad okasha
Date: 08-01-2007, 08:50 AM
Parent: #1
الاخ ابو عثمان
لك التحية
Quote: الخلاصة السهره كانت مفيده وهادفة
|
الى حد مرضي بس برضو في بعض المآخذ عليها .
- لم يمثل العنصر النسائي في السهرة.
- لم تستعرض اسئلة المشاهدين المرسلة ( SMS )
ولنا عودة
|
Post: #27
Title: Re: سهرة النيل الازرق مع سودانيز اونلاين
Author: محمد صلاح
Date: 08-01-2007, 09:37 AM
Parent: #26
التحية لبكري ولقناة النيل
كان يمكن تعريف المشاهد البسيط ببعض المصطلحات سيرفا ، بورداب ، بوستات وهلمجرا
على التلفزيون مواصلة الابحار في صفحات الانترنت ذات الفائدة وتعريف المشاهد بالفوائد والمواقع وطرق الاستفادة من الانترنت في البحوث وغيرها .وعدم الاكتفاء باستضافة اعضاء قد يمثلوا أرائهم الفردية في حلقة قد تبدو لبعض المشاهدين بالترف بينما هي عمل
عصري .
ملحوظة زكية غياب العنصر النسائي عن الحلفة .
التحية للاستاذ أحمد طه والى سنوات ستظل كفة المقارنة مائلة بين اعداد مستخدمي الانترنت والاطلاع على الصحيفة الورقية خاصة في بلد مثل السودان المنكوب . بالمقابل من حق المستطيع والراغب بالاطلاع عبر الشبكة التي لا غنى عنها وتعتبر احدى انجازات العصر
حديث بكري عن اعطاءه فرص لبعض المتجاوزين ومن ثم الحزف غير موفق لن يستطيع شخص او ثلاث ادارة منتدى ضخم كسودانيزاونلاين
كانت ومازالت على ما اعتقد تجارب لادارة المنتدى لم يشار اليهاحتى تجربة انتخاب المشرفين قبل عدة سنوات !
بعض سلبيات المنتدى هو تأثير العلاقات الشخصيةبالمجاملة في البوستات .
بالاضافة لحملة وليد دارفور كان يمكن الاشارة ايضًا لعدة اعمال جماعية.
|
Post: #28
Title: Re: سهرة النيل الازرق مع سودانيز اونلاين
Author: Safia Mohamed
Date: 08-01-2007, 12:51 PM
Parent: #27
| Quote: كان يمكن تعريف المشاهد البسيط ببعض المصطلحات سيرفا ، بورداب ، بوستات وهلمجرا |
بصفتي عضو جديد ،يعني زي وزي المواطن العادي ، أقصد من غير أعضاء المنبر:
نعم غياب تعريف بعض الصمطلحات أدى لانفطاع التواصل بين المشاهد العادي والمتحدثين، مما ادى إلى عدم تمكني من مشاهدة الحلقة كاملا لأن كل الموجودين في البيت ، من غير أعضاء المنبر، كان رأيهم انها مملة أو بالأصح تخص ناس معينين يتحددثون بلغة يفهمونها هم، هذا يؤكد اهمية تعريف بعض المصطلحات المتداولة في الحلقة.
| Quote: ملحوظة زكية غياب العنصر النسائي عن الحلفة . |
جندر وكدة.
لكن بصورة عامة يعتبرهذا اللقاء خطوة للأمام، وبالتأكيد لقاء قصير كهذا لا يستطيع أن يحقق طموحات ورغبات كل أعضاء المنبر، لكن أهميته لديها ابعاد عديدة على رأسها تثبيت حقيقة ان المنبر استطاع ان يحقق بعض أهدافه ففكرة استضافة بعض أعضاء المنبر في حد ذاتها تعتبر نجاح حقيقي يؤكد دور المنبر كصوت اعلامي مؤثر في الساحة بكل أبعادها السياسية ،الاجتماعة،الفنية، الأدبية، الاقتصادية والرياضية وغيرها من المجالات.
سعدت كثيراً برؤية وجوه كنت أقرا لها.
انطباع وليس راي حول الفترة البسيطة التي حضرتها:
المحاور التي تم تناولها جيدة نعم ليست كافية لتغطية سبعة أعوام ولكنها معقولة مقارنة بزمن الحلقة.
صفية
|
Post: #29
Title: Re: سهرة النيل الازرق مع سودانيز اونلاين
Author: awad okasha
Date: 08-01-2007, 02:28 PM
Parent: #1
الاخ صلاح
لك التحية
من ضمن الاشياء التي تؤخذ على السهرة هو عدم التطرق بالسؤال عن هذه المصطلاحات التي لا يعرفها الكثيرين ، اعتقد ان السبب الاساسي كان ضيق وقت السهرة . اما موضوع المجاملات والنخبوية فهذا لا شك فيه والدليل العناصر التي تم اختيارها للمشاركة .
خالص مودتي
|
|