Post: #1
Title: يابورداب , يا كمبيوتراب , النجداااااااااااااااااااااة
Author: Ahmed musa
Date: 07-31-2007, 04:11 PM
إخواني وأعزائي الأفاضل من الكمبيوتراب المهتمين بهذا الغعلم العصيّ (الكمبيوتر) والمؤصل لاحقاً
بـ (الحاسوب) أنا أواجه أومة ديليتية مع هذا الكائن (ديليتية من ديليت | مسح) في المعتوق الإيميل الخاص بالعبدلله وملخصها شئ لوتري , مرة دايره تهرب ملايين الدولارات لحضرتنا , جماعة يهود يشكروني بإني واحد منهم , وهلم جرا . . . فيا إخواني شوفوا لي حلل أقطع طاري الجماعة ديل وتطونوا طالبني إستشارة قانونية مجانية بالمقابل ودمتموما نجيكم في عزيز لديكم
|
Post: #2
Title: Re: يابورداب , يا كمبيوتراب , النجداااااااااااااااااااااة
Author: خدر
Date: 07-31-2007, 04:12 PM
Parent: #1
تدفع كم اوريكـ ؟
|
Post: #3
Title: Re: يابورداب , يا كمبيوتراب , النجداااااااااااااااااااااة
Author: Elawad Eltayeb
Date: 07-31-2007, 05:13 PM
Parent: #2
Quote: إخواني وأعزائي الأفاضل من الكمبيوتراب المهتمين بهذا الغعلم العصيّ (الكمبيوتر) والمؤصل لاحقاً
بـ (الحاسوب) أنا أواجه أومة ديليتية مع هذا الكائن (ديليتية من ديليت | مسح) في المعتوق الإيميل الخاص بالعبدلله وملخصها شئ لوتري , مرة دايره تهرب ملايين الدولارات لحضرتنا , جماعة يهود يشكروني بإني واحد منهم , وهلم جرا . . . فيا إخواني شوفوا لي حلل أقطع طاري الجماعة ديل وتطونوا طالبني إستشارة قانونية مجانية بالمقابل ودمتموما نجيكم في عزيز لديكم |
عرف اليهود واللوتراب والنيجيريين كلهم سبام Spam وعينك ما تشوفش شر.
بعدين تعمل رايت كليك "أوعك من اللفت" على مكاتباتهم.. وفوراً تلقاهم كلهم ـ بطونهم طامة ـ ومهددين بالتراش trash
لازم تكون حنين وتزورهم مرة مرة وإلاّ عملوا للإيميل بتاعك حبس كبس.
|
Post: #4
Title: Re: يابورداب , يا كمبيوتراب , النجداااااااااااااااااااااة
Author: Ahmed musa
Date: 07-31-2007, 06:23 PM
Parent: #1
Quote: Date Size
winnin sponsor46 CHECK YOUR ATTACH AWARD_WINNING_2007 Tue Jul 31, 2007 214k
South-Africa sawcflp FREE-LOTTERY RESULT (CONGRATULATIONS)! Tue Jul 31, 2007 1711k
|
خدر
العوض
شفتوا التقول قروا إستنجادي بأخواني (أبّان مُروات) قاموا زادو الدوزز
خدر (براهو)
والله إنت أبعد ماتكون عن مشكلتي إلا إذا ....
عموماً حأنتظر شوية لو ما لقيت مساعدة مجانية حنخش بمفاوضات (بعد التاكد من مسألة خبرتك دي بي test من عينة أعمل كيف في مسألة الرسائل الوهمية دي ؟!!!)
العوض
والله كلامك زي كلام الطير في باقير النت , هو شكلو كلام زول فاهم لي زول مافاهم وزهجان من القصة دي
أنا ؟!!!!
أخوهم في اليهودية ؟!!! يهودية تطلع .....
(لحظة أراجع اللائحة وأجي أواصل الجزئية دي لأنوا فيها كلام عن السب وكدة فداير أشوف اليهود ديل مشمولين بقصة عدم اسب ولا مستثنين ولا اللائحة ما فسرت عشان انا ما بقصر ولا طرفك من طرفوا نعسان)
بعدين واحد بتاع شركة شكلومحترم بعرض لي أنا السوداني القُح سليل عثمان دقنة صابون شنو كدة ماعارف بسوي شنو كدة ماعارف(إنجليزي لط !!!) طيب نقول أنا وافقت , القبيلة سكتت,يلاقيني وين ؟!!!!
العوض
شكلك ود ناس عيد لي كلامك بالدارجي كدة واحدة واحدة وشكلك بتحتاج إستشارة قانونية مستقبلاً
خدر ده سيبو طبعوا خربتو الألبان والأجبان الأشكال وانواع , بقي جبان
|
Post: #5
Title: Re: يابورداب , يا كمبيوتراب , النجداااااااااااااااااااااة
Author: خدر
Date: 07-31-2007, 06:42 PM
Parent: #4
ياخي عليكـ ماتشمت فينا بورداب الولايات المتحده اونلاين 
امشي للخيارات بتاعت ايميلكـ و اختار انو تجيكـ رسائل من الناس الفي لستتكـ بس
او الرسائل الجاتكـ دي اقفلها انو ما تستقبل منها رسائل تاني .. فضحتنا
المهم
| Quote: يابورداب , يا كمبيوتراب |
الناس البشربو البنقو اسمهم منو ؟
بنقواب ؟
|
Post: #6
Title: Re: يابورداب , يا كمبيوتراب , النجداااااااااااااااااااااة
Author: Ahmed musa
Date: 07-31-2007, 07:28 PM
Parent: #1
Quote: ياخي عليكـ ماتشمت فينا بورداب الولايات المتحده اونلاين
امشي للخيارات بتاعت ايميلكـ و اختار انو تجيكـ رسائل من الناس الفي لستتكـ بس
او الرسائل الجاتكـ دي اقفلها انو ما تستقبل منها رسائل تاني .. فضحتنا
|
خدر :
1. خلاص جبت الديب من إسفيرو؟!!!!
2. والله أنا شكّي الأول في قصة الولايات المتحدة دي
3. أمشي للخيارات ؟!! (نشنت يافالح ؟!!!) مشيت يا سيدي ـ الظاهر ثلقتنا واحدة ـ وعملت بلوك للشركات دي :
أ. في شركات نفعت معاها , لكن أظنها كلمت شركات تانية بدلها
بـ . في شركات بقت زي صراصير سمير غانم تأخد البلوك وتقول (كمان!!) وبقت أنشطكأنما الأوبشن كان تنشيطمش بلوك
4. أقفل الإيميل علي لستتي ؟!!!! ظهر الحاقد جواك يا(خدر) ياخوي أنا محامي يعني من هنا لي 2012ـ2013 حيجيني شغل من برة السودان عبر الإيميل يعني أعمل بوصيتك وتجي الإيميلات بالدولارات وتدق في قائم إيميلي وترجع ؟!!!! بالغت يا خدر ماكان العشم ياحبيب
|
Post: #7
Title: Re: يابورداب , يا كمبيوتراب , النجداااااااااااااااااااااة
Author: Ahmed musa
Date: 07-31-2007, 07:41 PM
Parent: #1
خدر
اها هاك !!
musa dulla IMPORTANT LETTER TO YOU, READ AND REPLY !!!!!!!!! Tue Jul 31, 2007 5k
حقيقي بديت أشك فيك , لأنوا الرسائل كترت بعد البوست (جيت اكحلها عميتها)
والله يا خدر أنا ما غايظيني إلا ناس أخونا اليهودي ديل
الناس البشربو البنقو اسمهم منو ؟
بنقواب ؟
أأي عند اهل البنقو
وبنقوواب بواو زائدة عند ناس البوليس
|
|