لمياء زوجة أنيقة تتحدث مع صديقتها عبر الهاتف البوبار في بيت الايجاروالموبايل في الحال المايل

Quote: آلو سوسو؟ كيفك امبارح مشيتى السوق؟ نص عمرك ضايع طقم عشاء يجنن يجنن! بألف ريال والله ما عارفة اختو وين! حتى البلكونة مليانة اتخيلي! بس لازم استعملوا قبل ما واحدة تجيب زيو تمسخو علي!! إحسان ؟ملايات وتياب من دبي؟ ليه ما ضربت لي ليه ؟شفتى الخاتم الإكسسوار اللابساه؟ يجنن اسمعى انتى بتكركبي كده بتعملي شنو؟ طبيخ شنو ! الأكل الجاهز مالو ؟ لذيذ ومامكلف بالمناسبة جيمي قال يومتا اتعشى عندكم بفول لذيذ كده جبتوهو من وين ؟ عملتيه براك ؟ كيف يعنى شديتيهو في البيت؟ طيب انتي جايه من السودان ليه ؟ أنا ؟ برى برى ! لكن عندى جارتى بلديه بشكل !جنها ويكة وقراصة وعصيدة بالله كأنها لسه لسه في السودان اسمعى الظاهر جيمى جاء يلآ باى لمياء: هاي جيمي جمال: هاي ليلا لمياء : طلبت لينا للغداء شنو الليلة مشويات؟ جمال :لا رز لمياء :لا لا ما ممكن! انت عارف أنا ما بحب الرز 000عشان الرجيم وكده جمال: ده شنو ده البيت ده مقلوب كده ليه؟ لمياء: الشغالة ما جات 0000ووب علي يا جمال ضفري اتكسر! جمال: يا حرام ضفرك اتكسر ؟ والله دى عين لمياء: يخس عليك ما تسخر منى جمال: أسخر منك كيف يا ليلا انا برضو ضهري اتكسر لمياء: يخس عليك ليه بتقول كده انت الليلة ما عاجبنى كلو كلو جمال: عارفه ليه ؟ أنا خلاص سعودوا وظيفتى وأدوني خطاب انذار ولازم أرجع السودان خلال شهر لمياء: لا .. لا .. لا ما ممكن سودان شنو؟ غبار وحر وقرف لا لا ما ممكن استحالة يا جمال استحالة ولا أنا ولا اولادى بنقدر نعيش في السودان جمال: ما بتعيشوا في السودان ليه ؟ انتو أحسن من الناس العايشين هناك لمياء: لالا ديك ناس اتعودوا على الدردرة لا لا انا خالس ما بقدر جمال: يا لمياء ده الامر الواقع كده حاولي ستفي العفش ده شوية شوية وخلينا نبيع باقي الحاجات ونتوكل على الله لمياء : استف العفش ؟ اودي وين ؟ بيت ناس امك ؟ والا بيت ناس امي؟ووب علي يا جمال نحن حنقعد وين ما نحنا ما عندنا بيت ؟

د. حسام !!!

يديك العافية ,,,

بوست واقعي وغاية في الروعة تصور الدراما دي بتحصل يوميا هنا في الإمارات وما عارفين آخرتها شنو

عموماأمتعتنا وربنا يسعدك ,,,

تخريمة :

واحدة راجلها فنشوهو فتحت بيت عزا عشان ما اشترت ملايات وعدة ونهاية الخدمة أقل من السلفية بتاعة

البنك طبعا دي كانت طيلة العشرين سنة الفاتو هاك يا بوبار ودهب وإجازات سنوية ومكاواة في أهل

راجلها بالدهب و التياب ,,,

thank you
a classical typical story

i hope those who read it take notice of it

thank you again

and good luck poor Jamaal
and may god bless you
dear Jamal
dr mustafa