فتر الكلام ( محاولة للخروج من جو الهزيمة)

صدى الغنى المتلاشى
اتكسح امام

صدك
وصلد المنتهى
كان
عندى احساس بالغرام

ناغمنى وقت الحيل فتر
نادانى
صوتك
فى الخيال
كان الصدى

يهزم
كل التفاصيل الوضوح

حيرنى
كيف
الانتماء
لزول صعب

روادنى حسنك

والضفيرة

خيرت روحى

للوهم
تسرح
تجيبك لى
من وسط الزحام
واتخيلك
يا سمحة
مشروع للمسادير
الغناء
واللحن مستلف مباح
يا حظ
من جوار
وكان حلمى
اكون جنبك
اشاهد
غروب الحزن
من دنيانا
ما كان خيال
اتمناك
حولى
مقترح لعشق

وقدر ما اتمنى

وتتفتح قدامى مساحات

خيالية للتمنى
بلقى نفسى
بتتمناك
وبس
يا خاطر مسلوب
ومستعمر بيك
وليه اتمنى
يا غابة
مالية مساحاتى

ومغطيه خط الافق

يا حلوة

اه
لو عرفتى معنى الريد
كنت فهمتى
رطينى
وعبثى باللغة
ومجارات للخطوط الوهم

وبرضى بحبك
لو كان لحنى مشاتر
او موزون
او خارج خط الاستواء
متطرف
فى عشقك

واحلم
استلف لو ل لحظة
اكون لى حق
ان اعيد صباغة
الدنيا

لكان خليت الشمس تدور حولك
وخليت مدار

وخليت المدار
ياخد منك مسار

واتخيلتك
ماسكة زمام الامر
وصدور عنى

حق اختار
من غيرك

لكن يا وضاحة
لو خيرنى
العسكر

حكومة اليانكى
تحت التهديد
والتعذيب

ولوحوا بحور العين
ومناصب
وفلوس الدنيا
وخيرونى
ان اختار غيرك
والحزب

ولوموا الحور العين

وصكوك الجنة

لاخترتك
فقير
عاشق ليك خصوصياتى

وعاشق الحزب فى العام

يا سمحة
فيك صفق النيم


وطول النخيل
وخرير
شلال كجبار

وفيك العزة
وحنين للوطن الام
بلدى

الحنية
الجرف
النخل
اللوبيا
والساقية
وفيك
الحنية زمنبع شوق
خاص
للجبل
للارض

وحنين للوطن الام
بلدى

الحنية
الجرف
النخل
اللوبيا
والساقية
وفيك
الحنية زمنبع شوق
خاص
للجبل
للارض


حالة
لحظة تتوه
ما بتمسك
انسابت بين الاصابع المرهقة

اتعلمت مسك طورية
كا قدرت تمسك

مشاعر
يا لها من لحظة
متوهجة دقدقت
مشاعر
نايمة ومستلبة

واحساس
بكون انو المساء
فيهو التصالح
مع الغروب
تتهيج مشاعر

وتتكوم الذكرى
وتخدش فى الشعور

وتنصب خيام العزاء

واحلم انا بيك
والوطن

عاشق بدور

يرسم حروف اسمك
على جريد النخل
ويحوم معاك فى الامسيات
فى الجروف
ويغنى بالطنمبور
لحن يجارى الساقية
ومناحات طيبة
ودهبية
عاشق ما بنوم الليل

وجانى الصباح صادى

فتر من وحوحة العشق بالليل
عاتبنى

لم خيم الكسل احشائى
وروادنى ابليس
ان افط اليوم

وقف قدامى احساس
مستلف منك
قاومت الهزيمة
وجررت الاسى
معاى
بجينى
زمن يرسم فى الخيال
ذكرى

ويدفعنى
اقاوم مشاريع الهزيمة
المالية سماء الدنيا
واذاعات
المطر تنقل
استسلام
القائد العام
وجيوب المقاومة
فى نهر البارد

واحاديث انتصار الموت

بلقاك
فى العصر حيلة
وفى نهاية الاسبوع دافع

واتمنيت لو كنت معاى

واتمنيت لو كنت معاى


اجرجر بالكسل خطاى
اقاوم شدة الموجة

واكسر بالعزيمة محال

وانصي من صباح رحمن
مشاريع لهزيمة الغول

واتخن جلدى
من وحش الراسمالى

وابل شعرى ليوم
من الاستغلال
اكون فى ترس هذا اليوم

آلة
تصنع الدوار

واخدر وعى
بالحوجة
ابرر

للهزيمة
بحلم النصر
ويمر
يا حلوة
يوم
يومين

وان فى الخيال مسرح
وطن
وحلم

وسياط العسكر
المنصوبة فى القفا
معصورة بالدم البنزف
وعمال الحديد
وسكان القرى النائية
شهود

واتمنيت لو كنت معاى

تمسح

عرقى

وتشدى ذراعى
فى مشاور الحرب
ضد
المستغل

والموت

شرنوبي اخوي
مسكاقمي

Quote: يا حلوة اه لو عرفتى معنى الريد كنت فهمتى رطينى وعبثى باللغة ومجارات للخطوط الوهم

أنا لي في الكلاكلة جكوسة
خلاص وصلنا الكلاكلة
هكرفي

عزيز حمزاوى

بختك

سلم على كل البلاقيك

من طرح
جرجار
عمم

ومشخلين
وسمحين
غبش
سلم

بابة
وفانة
وكل الرجال
فخرهم
امهات

سلم
على كل من ما فارق هوية
وخاطب جموع الغير
بالكلام النوبى
الما خمج
وسلم

على اللفة
وكل المواقف
والمشاة
والعزة
والوطن الجرح

سلم
على الشرق
والقلعة
وكل المشاوير
التى
توصلك لزول
من هناك
من البلد
وسلامى .. الى كل افراد قريتى كويكة الذين يقطنون فى
الكلاكلة منهم عمى حامد.. وهانم عبدو زوجة خالى العزيز واسمهان... وبنت عمتى عاشة سكينة ونورة محمود..
وبنات عمى ارقية وعلوية ومحاسن نورى...وعبد الخاق عبد الله وابناء عبودية
محمد جمال وسيد وعبد الجليل... وشرف الدين سيد على ونجم الدين خليل,,
وحسن شريف.. وعمى عباس احمد صالح واسامة عبدون... ومحمد عبد حسين وعاطط ومامون فوقة..

وسعيدة نيمة... ونوال....بنات اختى المرحومة نعمة عبدون.. وعثمان عبدون.. وصلاح.. وكل من فى عجالة الكتابة سقط اسمه.. اليهم جميعا