Post: #1 Title: هيئة حلمنتيش العليا Author: Mustafa Mahmoud Date: 07-21-2007, 04:04 PM
"هيئة حلمنتيش العليا"
.. these poems were said and owned by their poets whom unfortunately i do not recall their names
so my sincere apology if any member here knows who wrote any of them please feel free to put the names down
at the same time if you do have any more please feel free to post them here
thank you
dr mustafa
Post: #2 Title: Re: هيئة حلمنتيش العليا Author: Mustafa Mahmoud Date: 07-21-2007, 04:07 PM Parent: #1
this one is my favorite
so thank you Mr halamanteech for this wonderful poem
يا اللِذّيْذَه الكلكي جنك
تقول القصيدة:
قالو زهجانه واظنك ....ما عرفتي سؤالي عنك يا اللِذّيْذَه الكلكي جنك عايز اكون انا ابقى منك اي حاجه قريبه منك تبقي طربيزه ابقى كرسي تبقي راكب ابقى تكسي بيكي اسافر لام دقرسي وتبقي حافله ابقى بوكسي وياسلام لو ابقى ببسي تشربيني تقرطعيني تدفقيني وما مهم هي قرطعيني بس مهم شوفت عيونك ابقى منك اي حاجة قريبه منك *** تبقي وردي ابقى ترباس تبقي سانتو ابقى كدباس تبقي بنكي ابقى حراس تبقي برعي ابقى عباس تبقي اوبرا ابقى ترباس ابقى غرقان تبقي رفاس رفسيني وفتشيني وغرقيني وفنجطيني وماهم هي رفسيني بس مهم شوفت عيونك وابقى اي حاجه قريبه منك *** تبقي فالق ابقى مفلوق تبقي كسره ابقى طايوق تبقي منفوخ ابقى مطفوق تبقي ويكه ابقى لايوق تبقي شناق ابقى مشنوق تبقي حراق ابقى محروق وياسلام لو تبقي خازوق مقلبيني وزهجيني وعكريني ومامهم هي مقلبيني بس مهم شوفت عيونك وابقى اي حاجه قريبه منك *** تبقي حيطه ابقى طوبه تبقي روسيا ابقى كوبا تبقي جمباظ ابقى هوبا تبقي غنمايه ابقى لوبه تبقي فاطمه ابقى زوبه ابقى راس هي تبقي قوبه ألميني وعوريني وبشتنيني وزهجيني ومامهم هي عوريني بس مهم شوفت عيونك وابقى اي حاجه قريبه منك *** تبقي سكر ابقى ضبان تبقي بوليس ابقى بمبان تبقي كبده ابقى مصران تبقي شيته ابقى طرزان ابقى حفله وتبقي سكران فرتقيني وجهجهيني وبهدليني ومامهم هي فرتقيني بس مهم شوفت عيونك وابقى اي حاجه قريبه منك *** قالو زعلانه واظنك قالو قرفانه واظنك ماكي عارفه سؤالي عنك يااااااااااااا اللذيذة الكلكي جنك عايز اكون انا ابقى منك اي حاجه قريبه منك اي حاجه قريبه منك اي حاجه قريبه منك اي حاجه قريبه منك
Post: #4 Title: Re: هيئة حلمنتيش العليا Author: Mustafa Mahmoud Date: 07-21-2007, 04:09 PM Parent: #2
في الليلة ديك
في الليلة ديك القصة ذاتا بقت عليك يا عبدو وأدوك الشريط يوم قلنا ليك انضم معاها وانتظر شوف اليكون إن شاء الله خير أبيت تسمع كلامنا بقيت لميض قلتا احسن أكون تقيل أنا ما جميل باكر بعد باكر بكهربا ليك بي نظرة قتيل وبقيت تقيل لامن سقوك موية الغسيل وقعدت يا زينة الرجال كهربجي قال يوم جيت تلفلف زي زمان وتباري بقعر الشجر كيس كراسي الخيزران والبت تجي وتمشي وتلف مرات تقيف يا زول معاها ولد حريف صاحبنا بالحساس عرف وسالت والناس كلموك ملعون ابوك دنيا أم قدود بقت.. البقت وقعدت في شارع الزلط تبكي وتجعر والخدود اتورمت ضهر القميص كم القميص .. يد القميص حتى الفنيلة اتشرطت يا عبدو عيب قوم يا خي صلي علي الحبيب يا أخوانا لا أنا داير أموت أقع البحر أنا بنتحر يا عبدو عيب الدنيا حر والموية بتسخن عليك تلاتة ساعات كاملة زولنا يسب ويكيل ودموعو تتخرخر تسيل دموعو سايلات بالكفوف وشرايطو تلمع في الكتوف بقى فيلسوف في كلام عن الدنيا أم قدود وعلاقة بين يوم السبت وعين الحسود ومقارنات بين الجمال والجهل وسوء الاختيار قال شينه قال قال شينه قلنا كلام صحيييح وخطيبا زاتو ولد قبيح وكمان سنيح دا كلام صحيح بس ياخ قوم ا########## صبحت دار ننوم قام تاني جاب سيرة البحر...
Post: #46 Title: Re: هيئة حلمنتيش العليا Author: Mustafa Mahmoud Date: 07-22-2007, 08:03 AM Parent: #4
ناس دلعلع
إسم المؤلف غير متاح حاليا
ياخ قليبك لما قاليك أمشي ريدا ولما قاليك ياخ دي زولتك وإنت سيدا أجري حصل قبل ما واحد يصيدا كمان جكيت وجيت جاري وديل شاتوك وكانت شوتة ضفاري ومين داري؟؟؟
وما يقبل كمان يزعل ومد بوزو وخلاه زي وش شاحنة فوزو خلاه أطول من كدوسو زي رفارف حل قوسو لما تنش وحتى طرومو اللي دلاه وخلاه نازل زي مظلة وقاااااادر الله
وقال بريدك يا دلعلع وناس دلعلع خصر يطرح.. صدر يجمع عيون تشرح.. جسم يلمع تشوف العين تشوف البغلة في الإبريق وتبقى عليك يا إبليس الدنئ وبديك وبضبح ليك جدادة وديك نظر عينيو دا قرش البصلة فوق الريق كسر أنناس شهر ما بفيق ولابسة التوب وفيها جمالو أصلي أصول وخصر جميل تقول مربوط وجسم حرير بتلألأ ويمشي خيوط عيون تنعس رموشا تجوط وماخدة اللون من الشربوت وقوة كمان تقول الملكة حتشبسوت
وناس دلعلع ناس قروش فوق بيتو طابقين العروش فوق سورو ساوين النقوش مالك علي هوي يا القليب عارفني من ناس البروش ناس الكفاح ناسا غبش نص النهار ضارب الشموس الراس يدوش هوي يا القليب ما تنقرع خارب الطبع والحالة ما نشفت زمااااااان كرابا داير ينقطع وهوي يا القليب ما قلنا عيب لو كونو منقتنا الدليب أولى.. ورقادنا العنقريب رفعوا الملاح في المشعليب وحتى العجينة الخمرت بيكوسوا ليها فوق قرقريب وكونو الوليد الفوق نخيرتو قطع كديب عايش نصييييييح طول عمرو ما شاف الطبيب
وهوي يا القليب تنطر يوم الكت مسافر وجاي ضارب في البنادر؟ اليومة ديك ساعة الدغش حاج عبدو كان داخل المراح شايل ليه قش ساعة الوليد لفخو الدحش تنطر فاطمة وكيف كلاما؟ لما سالت دمعة من عينيها فوق سومة زماما وأبت ترجع راجية اللوري حد ما يمش رغم الحجل فوق الرجل سخن عليها من الشمش طاري الدلعلع وريدا داك متجاهلو بت البلد حارساك بي طولة الزمن تفتح خشيما وتقفلو
Post: #27 Title: Re: هيئة حلمنتيش العليا Author: Mustafa Mahmoud Date: 07-21-2007, 05:21 PM Parent: #2
يا عمو من فضلك أقيف
يا عمو من فضلك أقيف مشوار بسيط ..مشوار خفيف يا عمو ما العربية لنج وقف معاك شيل الضعيف
أقيف يا عم ..أقيف وارحم وسيب الذم وتقل الدم نأشر ليك معاك ياعم تمد البوز وتتكرضم
أقيف يا عم أقيف سِنّة معاك في السكة وصلنا واكان كترت في الوقفات محل ما تدور تنزلنا
أقيف يا عم عليك الله وشيل الحامل أم بلة وخلي انحنا ..بالرجلين بنتحلا حرام يا عم تسيب العمة والخالة وتمشي بعيد تشيل السمحة قبالا
حرام يا عم تقوم جاري تسيب الولدة شاقة السكة كداري غضب ربي بجيك جاري يصيبك زين وترجع تاني كمساري
أكيد يا عم بجي اليوم البتنشرّ تضوق الحارة والمّرة تشوف يا عمو كيف الناس من امثالكم بتنشرّ
Post: #34 Title: Re: هيئة حلمنتيش العليا Author: Mustafa Mahmoud Date: 07-21-2007, 05:37 PM Parent: #2
سموك ندى
قلتي ليّ سموك ندى!؟! وده منو السمّاك ندى؟ ده أكيد أبوك إنعل كِدة! فيك شنو يسمّك ندى!؟ في صوتك أتخن مننا إضنين كُبار زي دِشّنا وتقولي ليّ سمّاك ندى! خشمك ده ريحتو معفّنة ايدين كبار حقات بُنى وتقولي لي سمّاك ندى!؟ المشية كتّاحة وعلال كرشك تقول شايل جَنى وتقولي لي سمّاك ندى!؟ قالت لي "ها هدى في البطاقة إسمي ندى" شوف يا أخ.. مافيش علاقة بينك وبين ندى خلّيها ندى .. خالت قريبة جارت صديقة ناس ندى ما فيش علاقة ندى في العيون أكحل مجعّد مسوّدة انتي العيون فوقن قضى ندى في الحواجب زي هلال قصة نصوم دي مؤكدة! انتي الحواجب دلجة بس قلم الحواجب هاردها وتقولي لي سمّاك ندى!؟ ندى تبتسم آلالاف مؤلفة تسعدها وانتي الخشم شارّة التلاليش بس طبق ومغطّي صينية الغدا ندى في الوشيش نظرك بشيش.. ما يعقّدها وانتي الوشيش وش الجحيش نخرين كُبار كُرعين ردا وتقولي سمّاك ندى! قاتلي "آي أنا إسمي ندى" شوفي أوعك تقولي اسمك ندى ندى ما بس الاسم ندى الجمال زايد الأدب زايد العلم زايد الفهم ندى في الجمال ما شُفنا أجمل من كِده ندى في الدلال خصّاها بيو رب العباد حين أوجدها ندى في الأدب .. ربّوها بيو رجال ياكلو النار مولّعة موقدة ندى في الكلام طبيعي صوتا بيجيب صدى ندى في "البزاغ" .. شربتي "سفن أب" ياهو ده ! وتقولي لي سمّاك ندى!
Post: #35 Title: Re: هيئة حلمنتيش العليا Author: Mustafa Mahmoud Date: 07-21-2007, 05:40 PM Parent: #34
بُرَّهُ ---- قالت ليهو : بتاكل الرغيف صغار..صغار..انت فار؟ قال: بقيت مجنون بقيت محتار بعد مازول طويل وعريض اكون انا فار؟ يا احلى كديسه في الدنيا عليك ربك تبلعيني وما تفضلي شي ولو دا حصل بكون يا بره اسعد فار وانطط جوه في بطنك وانقب فيها للاسرار واقيف اتامل الكبده والطوحال تقول رادار اخزن جوه في المعده وافتش لي كسره وما القى اقلب جاي دا همبيرجر؟ كمان بي جاي جلي وكستر اقلب جاى عصير منقة وكمان اصفر مصارينا عدال مستفه بي عسل ..سكر ما عامله زي كوكو ..مصارينو ملفلفه زي حبال بنبر واطير ليك فوو وفي الفشفاش واتحكر وانط طوالي جنب قلبك واشوف الدم هداك احمار ابحلق جوه في قلبك اعاين القي صورتي انا صوره الفار هه يا عالم دا ما سبب البلع ذاتو اقول يا بره خارجيني تقول لي نو بحبك يا خى خارجيني تقول لي ناو وتتوكل تتطلعني من اجمل فيلا واحلي سجن يمين من جوه فيها بطن مفرهده زى زهور الفل بتحمل نكهه النعناع مطعمه بي طعم لبتون وفيها نسيم بجيك بارد مكندشه .. بس تقول هلتون دا من جوه ومن برا تحلف بس تقول يا زول بس واحد .. شال ليهو حبل وربطو في القمر جرا ولما تجي وهناك تقعد تقوم من تاني تنفرا اطول وتاني انصرا واشوف الخاش ماش برا واحس بي قلبي فرر..فرا سجنتيني؟؟ ما بنساك واتخلا حت لو الزمن عاند وحت لو السهم جلا بموت فيك موت لانك انت افريقيا وانا البهواك مانديلا
Post: #3 Title: Re: هيئة حلمنتيش العليا Author: Kamal Karrar Date: 07-21-2007, 04:09 PM Parent: #1
الأخ / مصطفى
إين هي القصائد..
لست أدري ربما كان من بين الشعراء الحلمنتيش
الرائع معتصم سرور - أو الرائع الآخر المرحوم/ عوض بلال
أقول لست أدري ولكن هما من اللذين شنفوا آذاننا بجميل الشعر الحلمنيشي
Post: #5 Title: Re: هيئة حلمنتيش العليا Author: فتحي البحيري Date: 07-21-2007, 04:11 PM Parent: #3
تحياتي يا صديقي
ومتعنا الله بوجودك هاهنا
وشفا الله من لا يريدك هاهنا
محبتي لك للأبد
Post: #14 Title: Re: هيئة حلمنتيش العليا Author: Mustafa Mahmoud Date: 07-21-2007, 04:28 PM Parent: #5
Post: #36 Title: Re: هيئة حلمنتيش العليا Author: Mustafa Mahmoud Date: 07-21-2007, 05:42 PM Parent: #14
ولاد مايعين ولاد صايعين قميص رقاش وقاش حشاش جسيم ناعم ممسح ديمة بالفازلين وحس مخفوض ولين ..لين حناكيش والله .. ما ناقشين بياكلوا الجبنه بالبيرجر والمايونيز ملخبط فيهو حب التين معلق جدول التسمين ووكت ما يجوك ..متلمين تقيف محتار.. تقول يا ناس ديلا رجال..؟ ولا عوين.؟ هه يا ..خذلان لوث مجد كان صنعوه بالدم الغزير والعزه والتحصين هه يا الخيبه وكنت امل معشش في قلوب اهلك وزي المويه ليك راجيين طلعت فشوش... دهب مغشوش.. وما بتنفع.. لا بجنيه..لا طراده ..لا ملين! منو القال ليك دروب العزه كان ركبوها بالفيسبا والبازوكه والفازلين.. منو القال ليك سيوف النصر كانت عند ولاد لامعين؟ اكان فراسا ركبو الخيل وصنعو العز لبست الليله انت الجينز ركبت البنز تدور مكنه بالبنزين وبعد دا ..خسرت الحرب وجيت راجع مع الفاشلين منو البسمع كلام مليان لما يقول: (الشعب العربي وي؟ الغضب العربي وين؟ وين الملايين..؟) ملايين كان وجودا زمان لكن صفر في دا الحين ملايين كان صداها زمان نعيق البوم فى دا الحين ملايين كانو فوق في العرش ووقعوا الليله جوه الطين من المحيط وللخليج ملايين كلهم فاشلين فرد غنيه لي جاكسون ملايين كلهم راقصين فرد طلقه من صهيون ملايين كلهم لابدين ملايين والله ما نافعين منو البيرجع التاريخ لمن كانت اسبانيا معقل وساحه للفاتحين منو البيصحى عين جالوت؟؟ بعد ما مات صلاح الدين منو البقطع رحط القدس؟؟ عروس بت عز ويا داب في عمر عشرين وبرضو تقول شباب عرب؟؟ اصح نقول شباب ضائع مشتت وفي قيود و سجين لكن يا ناس بقولو كلام تعالوا ننضف افكارنا نحارب الجور نحارب الردة والأثام نفكر في عروبتنا نخطط نمشي لي قدام وبعد اليوم فيا جوليا ويا ام عزين .. ويا الهام حلفنا نجدل العملاء وكل صهيونى ابقى حطام وتبقي العزه عربيه تعانق في سمانا غمام
Post: #40 Title: Re: هيئة حلمنتيش العليا Author: Mustafa Mahmoud Date: 07-21-2007, 08:09 PM Parent: #5
فتحي البحيري تحياتي يا صديقي
ومتعنا الله بوجودك هاهنا
وشفا الله من لا يريدك هاهنا
محبتي لك للأبد
it is individuals like you my dear friends who are warm civilised and elegant clear minded humans
i just can say to you and to your family all my love and all my respect
mustafa
Post: #6 Title: Re: هيئة حلمنتيش العليا Author: Mustafa Mahmoud Date: 07-21-2007, 04:11 PM Parent: #3
آه
آه علي قلبي وعلي أملاً حملتو دهور قطعت بحور سواد الليل علي ليلين صبرت كتير و راجي النور يا قطعة البلور يا رنة الطنبور يا سستر بنات الحور يا صاحبة مسز شنتور ويا قصبة جروف اهلي عليك إسم الله يا حاكم علي ما تجور ----- شفتك يوم عجبتيني قلت اقول أنا الفي أولي داير اخطب ده ما معقول !! بقيت ساكت و فرحان بيكي احدث زول و أدس من زول دا عادا حبا أصيل و عريق لف و دار عليهو الحول لكن صحيح الدنيا ما بتصفي و تروق للزول لو ربطوا المعاك محلول أتقدم و اتراجع و اتردد لمن حصل محصول إتمحن وقف فكر مشلول قليبي المكيل بالملح مكيول
--------
يا لينة يا شتلة فريع البان يا املا بنيتو عليك و عشت زمان أفكر فيهو لمن بان بقيت للحسرة و الآهات يا درة دامر المجذوب يا زينة الطالبات و يا امل السنين الفات ويا طفلي الرضيع المات إتحسرت اتبهدلت ما خليت ودمع العين نزل وكت قات لي oh too late !! ضيعني الدكتور عشا البايتات وعاد خطبوكي لزولا عريض و كبير وعلمو كتير و لابس ليهو نظارات عربيتو تسوي حي وا ليل وحافظ الكيميا في راسو و حاكي أشنابو نص رباط و عاد شغال و حالتو كويسة باني البيت رضيتو بيهو طوالي و ما قولتيلو oh too late !!
------
بعد الحصل قات لي : يا مولانا ادعو لينا معاك يجازيك الله يا فلانة ! زماني و فات و دايراني اجيب أبريقي و أتوضا و أفرش الفروة و اتمسكن و أصنقر ليكي للدعوات ؟ زمان ما كنت بدعو ليك و افكر فيك لكن الليلة بدعو عليك بركة البغدادي ود جابر و كية فيكي يا فلانة أبوك لا يرضي لا يخاطر ومما تجيبي شوط الخطبة في خشمك يعاين ليك و يحمر فيك يتكربن يشيل كرباجو يتكرب ويمسكك من طريف التوب طرفو الطويل نازل حدا العرقوب و أمك عاد تقول حي ووب و تتعارض سجمنا الليلة يا أبو فلانة !! يقول ليها يا فلانة كان عارضتيني طلقانة تقولو لا لا خليتك براك زعلان و تقعد تج و يجرك كر علي الديوان وتصرخي جآك بلا خجلة التقول شيطان لامن يسمعوا الجيران ينطوا الحوش يدقوا الباب ويطانش تقول طرشان يكسروا الباب يدخلوا عليه يقول ليهم : حلفت يمين البصلني قريب هدي السكين ! يزحوا بعيد يختوا الخمسة في الإتنين وتسمع جيت و تسمع واي و يا با كفاي عليك الله ! وتسمع جو و تسمع حي و حي حي حي و حي حي ووب ! وتسمع جيت و تسمع واي و يا با كفاي وتسمع جو و تسمع حي و حي حي ووب ! وتسمع جيت و تسمع واي وتسمع جو و تسمع حي وتسمع جيت وتسمع جو ديميعاتك يصبن جو و أمك برة تنبح هو!! وقت ينقطع سوطو و تفتري تب يملص ليكي مركوبو يقول فيك كب يمسكك طب و يكفتك طاخ ويكنكش فيك يخنقك خنقة بت الكلب!
Post: #15 Title: Re: هيئة حلمنتيش العليا Author: Mustafa Mahmoud Date: 07-21-2007, 04:30 PM Parent: #3
تبقي حيطه ابقى طوبه تبقي روسيا ابقى كوبا تبقي جمباظ ابقى هوبا تبقي غنمايه ابقى لوبه تبقي فاطمه ابقى زوبه ابقى راس هي تبقي قوبه ألميني وعوريني وبشتنيني وزهجيني ومامهم هي عوريني بس مهم شوفت عيونك وابقى اي حاجه قريبه منك ***
Post: #17 Title: Re: هيئة حلمنتيش العليا Author: Mustafa Mahmoud Date: 07-21-2007, 04:39 PM Parent: #3
الكروش :
وقالوا علماء حلمنتيش قسمو البطن لى تلاتة أنواع الأولى تنبلة ودى قالو البتظهر مع البنطلون وبيكون مثبتها الحزام، والتانية سموها تلاجة وقالو دى بتظهر فى الجلاليب، أما النوع التالت فسموه حنانة ودى بتاعت ناس أكل السوسة والعافية المدسوسة بتظهر صغنتوتة كده ودلعوها سموها حنونة وقالو فيها: (طبعا جزء بسيط منها)
على قدر مالإيدين تحوش تكتر قروش تكبر كروش من دون رتوش
حنونة ياكرش الدلع حنونة يالحوت البلع جواك كم فروج هجع كل الغطس فيك ماقلع
مايهمك الحلك ينشرط ولا الجسم يمسكو الضغط دار تبلعى ومابتسمعى وتتكردمى وتتجمعى ويا زولة ماتتوزعى أمشى الفخود زيدى الخدود إضيقى ولو بى كُسر أو أبقى سنكيت فى الضهر
==========
حنونة بتحب الغلال كان بالحرام كان بالحلال حتى التسالى تفسخى وتهدلى وتترخرخى ومن الصباح دار تنحشى وساعة الفطور تتحرشى لو ميرى ساكت تبلعى ولو فيو عضم بتقرمشى لا بتصغرى وتتفشفشى لا تقلى لا بتكرمشى لا تطقى لا بتنفسى يازولة ماغلبنا المشى
=============
يا (حننن) إنتى حنى وشوفى الضعيف كيف بتنهز وكتين يقيف والزول قصير بعد الفطور تلقاهو مشدود زى خابور وفوق السمين متل البقر وقتين يدر بالغتى بس أنفاسنا ماقادرين نجر يا حاجة ضايقتى الصدر
حنونة لاتنفك كمان لا زى ترلة بتنفصل حنونة لو عايزين نقوم تلقانا دايرين نتفتل حنونة ماسابت أكل الزول جنين داخل أمو كان عايش طفل وكت الخشيم كان منقفل حنونة شغالة بحبل
++++++++ شاعرها أب طاقية قلووز++++++++
Post: #29 Title: Re: هيئة حلمنتيش العليا Author: Mustafa Mahmoud Date: 07-21-2007, 05:24 PM Parent: #17
حظي التعيس الهردبيس الناس يرك فوقها الحمام وانا فوقي قد برك الكديس ******************* يوم انقشرت وقلت اكسح بيت عرس يوم الخميس طوالي فو تتفرتق الحفلة وتموت ام العريس ******************* حظي التعيس للترزي امشي عشان اقيس كل القماشات قاعدةface الا قماشي يدخل عليهو وياكلو تيس ******************* حظي الكعب من زمن شافع صغير بلعب اشيل النبلة اقلبا لب وتسمع رب ومن الجو يقع لي ضب ****************** حظي الدلم ما عندو دم في الكبدة يطلع لي عضم ******************** حظي الحشر النحس جواي منتشر في البسكويت القي القشر كرعي جوه البنطلون ما بتنحشر سنارتي في البحر الكبير تقبض جقر ******************** حظي الكعب حظي اللعين سايقني واصل بي وين الناس نضاف ومروقين وانا بي هناك مليان سكن وعجاج وطين ********************* الناس تكيس ماجدة رنده وماجدولين وانا بي هناك قايدني ناس بت الحسين ********************* حظي التعيس والدبرسة اي واحدة اكيسا يجي ود لزينة يعرسا
Post: #19 Title: Re: هيئة حلمنتيش العليا Author: Mustafa Mahmoud Date: 07-21-2007, 04:44 PM Parent: #3
الوداعية
الوداعية جلست في ظل النيمة
تتأمل في الودع المرصوص
قالت يا ولدي شيل شيلتك
وتسلح فالحرب ضروس
امامك مشوار طويل
الا ان تركب مخصوص
الموقف مكتظ مليان
ستدافر يا ولدي كثيرا
وستركب وسط النسوان
وستنشل كل نقودك
وستصبح دوما حزنان
الناس يا ولدي جيوش
مندفعة مثل الطوفان
فنصيحتي أن تذهب كداري
ولا تركب بص ام درمان
زواجك يا ولدي محال
أصبر يا ود الصًرة
حالياً وضعط بطال
وحتبقى حياتك مرة
فالمهر في كل الحلال
قد اصبح بالعملات الحرة
احببت فتاة مغرورة
لعبت بي قلبك كورة
أنساها وأبحث عن غيرها
ويا ريت لو شرطت الصورة
أنسى وتبسم
فالزوجة قسمة وتوتوكورة
***
Post: #21 Title: Re: هيئة حلمنتيش العليا Author: Mustafa Mahmoud Date: 07-21-2007, 04:56 PM Parent: #3
العذابة
العذابة
أقولها نصيحة ليك يا بابا
أحذر جيرة العذابة
أهل الضمنة والكشتينة
ديل أهل الطباع الشينة
ليهم مرة نحن مشينا
لا إتغدينا لا إتعشينا
***
لو وقعت ما بتنحل
حتى إن كان بقيت زي بله
ديل القوم في أي محله
نص الليل بشدوا الحلة
***
يعبوا البيت زي الباخرة
ما بعرفوا السراير الفاخرة
دفاتر الكل عليهم ساخرة
أصلوا خلاص بقت دين آخرة
يخلوا البيت مبشتن ديمة
يدخًلوا فيه عدة قديمة
كمان لو فيه شجرة نيمة
يكون وسخان وحالتو أليمه
***
الملاية ما مفروشة
وجوه الأوضة قامت كوشه
ست البيت تكورك فيهم
ديل أخواننا ضربوا قروشا
***
الغسًال يكورك فيهم
والتاجر أبا يديهم
والجزار مشرك ليهم خلاص يا اخواننا عرفوا الفيهم
زحمة شديدة في الشماعة
ريحة كريهة في البلاعة
ديل في الحلة عملوا مجاعة
شفطوا القدرة في نص ساعة
***
ضد العرس رفعوا الراية
ديل إنحلًوا من الداية
لا تطعيم كمان لا رعاية
مافي كرامة ولا سماية
Post: #30 Title: Re: هيئة حلمنتيش العليا Author: Mustafa Mahmoud Date: 07-21-2007, 05:27 PM Parent: #21
البت سيوبر بت
دي عاملة البت سيوبر بت= دي بت مكياج رسم برجل دي لما اشوفـا راسي بلف=وكل اموري تتبرجـــــــل واقرب بالمغص انشـــــقا=اكان ما الحلبة والحرجــل دي تمضغ في اللبانة تطق=طق طرق اصلو ما بتخجل وتلبس بنطلون الجينــــز=فنيلة cut وتتــــــــقدل دي مالا ومال ملي الازيار=ونقل الموية بالجــــــردل وقش الحوش وفرش الدار=تبشتن روحا تتبــــــــهدل دي ناوية تحج تزور باريس=وبي بوب مارلي تتوسل دي مايكل عامله ليها رسول=تقوم تعصاهو!! ما بحصل سيوبر بت ده لغز غميس=دحين شوفولو حالاً حل
Post: #32 Title: Re: هيئة حلمنتيش العليا Author: Mustafa Mahmoud Date: 07-21-2007, 05:31 PM Parent: #21
باص السرور
محبونا يا باص السرور قدامو نور ووراهو نور شاسيهو مليان بالرقع فوق الكسور جابو الحجاب من شيخ فلان فوق بابو راسمين الزهور دخانو زي قطر البخار والريحة زي صندل بخور سواقو ما ولداً حريف عشقلو بالترس الخفيف خلاهو يتخطا الطيور عفص الابنص خلا الغبار عامل جسور دكاها شارات المرور ركابو يوصلو بي عجل مرات يوصلن القبور لو مرّ ناحية ام غمد قالو ام غمد فيها الكجور عامل مزار البص ده في بطنو بالع ناس حرم في ضهرو شال سوسو ونزار البص ده قام نصت نهار سواقو دردم سفتو وختاها بالجنب اليسار نادا المساعد ونهرّو قال ليهو خليهو الكجار باص السرور مسك الدرب عادمو الكبير دفق الشرار لمح العوين الأشرّن رفس الفرامل وكبّسا حلت فراملو وسخنت طاساتو ولعت السيجار بانجوسو ما بعرف الهظار شوفوهو تلب بي عجل رمالو الكتلة سوالو الدقار الهزة قللت الوقار رجالة قالت يا لطيف وقتو الوقع رحل الخدار واتبهدلو الناس الكبار وتطاقشو وحضنو الصغار خايفين مصايب الدنيا قايلين الحرص بحمي الودار باص السرور قام انزلق وشتت الراكبنو في شارع المطار
بانجوس : هو الكمساري الصغير
Post: #24 Title: Re: هيئة حلمنتيش العليا Author: Mustafa Mahmoud Date: 07-21-2007, 05:00 PM Parent: #3
محمود عوض الكريم :
عنجليييييييزي
كل ما أقبّل وأعاين
ألقى عينيك جات في mine
حاجة very good
حاجة fine
يا suger مصنع كنانة
يا flour مالية البطانة
إنتِ fantastic banana
إنتِ my eyes رتينة
إنتِ where is مابتجينا
إنتِ عينيك فيها light
إنتِ شعرك dark night
إنتِ طبعك كولو right
إنتِ my heart إنتِ نورو
إنتِ my love البدورو
عايز أشوفك more tomorow
عايز أشوفك more tomorow
Post: #28 Title: Re: هيئة حلمنتيش العليا Author: Mustafa Mahmoud Date: 07-21-2007, 05:22 PM Parent: #3
كراسي
كراسي ان شاء الله اللقاك=دساك مني واحتواك يتوكحو الهم الشديد=ما يلقي من همو الفكاك ينشل يلزم عنقريب=لا فرشة لا غطاء لا حراك كراسي دا الشالك يعيش=طول عمرو بي مرضاً خطير بي ايدز بي جدري وجزام=بي كوليرا بي شر مستطير بي سل وبي جلطة دماغ=ودماغو يتفرطق يطير كراسي دا الشالك يشيل مولاي=عقلو يطش يجن ان شاء الله في سوق الخرد=لو باعو مايعادل شلن يا ربي يلفخو قندراني= يعجنو قبل الموت عجن ويفرمو فرم الخدرة زين=بعديها في الشبر يتسجن وبعد ما يموت ويشبع موت=في قبرو يلقي عذاب شديد ثعباناً اقرع يخبتو ليك=بي لسعة بتذوب حديد ويفضل يضوق لي قيامتو=في كل لحظة عذاب جديد يوم القيامة يتلتلوه=بعد السؤال يمشي الجحيم ويضوق عذاب الويل هناك=خالد مخلد وجد مقيم بعديها ان طلب السماح=ممكن اسامحو واكون رحيم
Post: #37 Title: Re: هيئة حلمنتيش العليا Author: Mustafa Mahmoud Date: 07-21-2007, 05:55 PM Parent: #3
Kamal Karrar الأخ / مصطفى
إين هي القصائد..
لست أدري ربما كان من بين الشعراء الحلمنتيش
الرائع معتصم سرور - أو الرائع الآخر المرحوم/ عوض بلال
أقول لست أدري ولكن هما من اللذين شنفوا آذاننا بجميل الشعر الحلمنيشي
thanks kamal
Post: #7 Title: Re: هيئة حلمنتيش العليا Author: Kamal Karrar Date: 07-21-2007, 04:13 PM Parent: #1
أظن الجن الكلكي بتاعة "معتصم سرور" وكان في
كلية الإقتصاد وهو من أبناء طابت والله أعلم
Post: #8 Title: Re: هيئة حلمنتيش العليا Author: الشفيع عوض شوشتا Date: 07-21-2007, 04:17 PM Parent: #7
د . مصطفي محمود سلااام يا احلي وامنقة زول في المنبر .. ولاعزاء لفيصل نوبي (الكوز) ...
Post: #9 Title: Re: هيئة حلمنتيش العليا Author: Mustafa Mahmoud Date: 07-21-2007, 04:18 PM Parent: #8
جيناك وما خليتنا
جيناك وما خليتنا يا القصيت دريبنا وجيتنا من دون الرجال ناديتنا قلت خلاص كتير حبيتنا لم شبكنا فيك وابيتنا يظهر ناوي تخرب بيتنا جيتنا وبالحنان وصيتنا لامن للاهل عصيتنا لامن في الدرج رصيتنا في الآوت بعيد باصيتنا ليه يا جكسا يعني طفيتنا هيا الغسلتنا ولويتنا ما اتكرمشنا ليه ما كويتنا اتشتتنا ما لميتنا في قفة هواك خميتنا في كانون جفاك حميتنا لامن زيتنا فاح شميتنا
Post: #10 Title: Re: هيئة حلمنتيش العليا Author: Mustafa Mahmoud Date: 07-21-2007, 04:21 PM Parent: #9
شلاديمك قرب تنخج جفون عينيك تدخل فارة امسيسي شقوق كرعيك تدخل ضب وقول سحلية راسها عديل
Post: #11 Title: Re: هيئة حلمنتيش العليا Author: Mustafa Mahmoud Date: 07-21-2007, 04:24 PM Parent: #10
يلوحن لي كريماتن
ظاهر في وجيناتن بشوفن... بشوفو في شنيطاتن
Post: #12 Title: Re: هيئة حلمنتيش العليا Author: Mustafa Mahmoud Date: 07-21-2007, 04:25 PM Parent: #11
طولي..
طولي يا طول العدو زي التقول ماطنّي مط ماشي في الشارع عديل وعشان طويل يقولوا بتّاوق بي الحيط رجليني الطوال الاتنين شمال رجليني جايات غلط الناس رجولا قدُر كِده تلبس في الجِزم وأنا رجولي قَدُر كده ألبس في الشنط! طولي يا سبب الأذيّة الناس طولها ميّة سنتي وإنتَ ألف وخُمسميّة الناس تِحت تصلي العشا وأنا لسه شايف المغربية طولي يا سبب الوجع الناس لو دايره تتكلم معاي إلا في كم وكم حاجة تطلع أدنقر في الباب أقوم ألقي الباب هنا انقلع أخش جوّه الأوضة ألقى العرش ارتفع طولي يا طول الهنا الساعة ديك أظن أمي كانت تفكّر في برج وبعد شوية جيت أنا ولادتي كانت متعثّرة وأظنها في كم سنة الظاهر كل يوم تطلع 10 متر ولسّه ما كملتَ أنا وفي النهاية، يومي الإتولدتَ شالتني الدهب ختتني في المخدّة نايم جوّة في الأوضة ورجليني برّة في البرندة طولي يا البقيت لي دليل مما دخلت المدرسة لا قريت أولى لا تانية دخلت ساته عديل قعّدوني في آخر كنبه عشان طويل والشُفّع يقولوا طويل عنقوق راسك ما فيو طايوق عشان طويل لكن نحنا الطوال حصّلنا القمر في النجوم نتشال نحنا طوال زي قصر الشباب والأطفال وزي قاعة الصداقة والناس القصار ديل، سكن عشوائي بتشيلن الكرّاكة
Post: #13 Title: Re: هيئة حلمنتيش العليا Author: Mustafa Mahmoud Date: 07-21-2007, 04:27 PM Parent: #12
لي إيــدينا بنــــــــرفع *** والعازب كلو بيســــــــمع نفوسنا كتير مشــتاقة *** للراعي دوام نتضـــــــــرع شعارنا عريس متواضع *** ياخي ياقدر اسمع أجمع نحن البايرات في لهفة *** والعمـــــــــر ولـــي وودع نحن مساكين ياجماعة *** وللجنة دوام نتطــــــــــلع لو واحد قام وأتقــــــدم *** في لحظة نلبي ونسمع *** بلاش عربيــــة خصوصي *** مالو الكداري دا هســـع بلاش من شبكة وشيلة *** بي أبســط حاجة بنقنع البيت ماشــــــرط عمارة *** دي مظاهر ساكت تخدع لي جنة نضيرة نحــــــول *** البيـــت الخرب البجمـــع ما شـــــرط تجيب تلاجة *** كفاية الزيـــــــــــر البنقع *** ما دايرين كبدة وشـية *** بي ويكة تقيلة بنشـــــــبع ما أصلو شــبابنا الودع *** ما ممكن تانــــــي بيرجــــع أحلامنا الكانت بــدري *** ما عادت تانـــــي بتنفــــــع دايرين الشاب الأغبش *** حتى لو فقــــــران ومقطع لانو الفيهو الفايــــــــدة *** ليهــــــــــــو دوام نتطلــــع حياة الســــــترة أملنا *** انشاء الله ربنــــــا يجمــــع يحن الله عليــــــــــــنا *** ونشــــــيل أيدينا ونرفـــــع *** للرب شـــــكوانا بنرفع *** والبايـــر كله بيســـــــــــمع في دربك يامـــا جرينا *** والعين الســــــاهرة بتدمع كم مرة ايدينا اتمـدت *** والرد الجــــــارح اقنــــــــــع احلامكم والله غريبــة *** وللعـــــــين بتزغلل وتذلــــع طلباتكم لينا تحيــــــر *** جايين تتواضعوا هســــــــــع ما جينا زمان شن قلتو *** يافقير يامقطـــــــع أرجــــع *** ما عندك حق الســــــــفة *** لابس دمـــــــور ومرقع دايرين العنــــــــــدو مصانع *** لو كان لي غيروا بيركع ما جينا زمان شــــــن قلتو *** يافقير يا مقطـــع أرجع في جيوبك ساكنة عناكب *** لو كان باعوك ما بتنفع دايرين العنـــــــدو الفـــــلة *** لو كان حنكوش ومدلع ما جينا زمان شـــــن قلتو *** يا فقير يا مقطـــع أرجع *** لو ماشـــي لآخر الدنيا *** تركــب رجليك تتبرطــــــع دايرين العنــــــــدو البنز *** لو يبقى عجـــــــوزاً أصلع ما جينا زمان شن قلتو *** يافقير يامقطع ارجـــــــــع يا البيتـــك مبني زبالة *** ومن غير فيضــــان يتزعزع دايرين العنــــــدو الفيلا *** لو كان صغيـــــر بيرضــــع ما جينا زمان شن قلتو *** يا فقير يامقطـــــع أرجــع *** وموكيتاً فخـــماً فاخــــــــر *** ونجفاً بالـــدر مرصــــع والكندشة فريون ضــــاربة *** وثلاجة فريــــــزر تجمع بي فيديو كاسـيت وأتاري *** نتسلى لو وكتنا نضيع ما جينا زمان شـــن قلتو *** يافقير يامقطع أرجــــع *** دايرين زنقيل ومقنــــــدل *** لو كان تمســـــاحا يبلع والعملة الحرة ضــــــروري *** والمهر دولارا يدفــــــــع وبشرط الشــيلة العامـرة *** والكرسي الجابر يلمـــع وذهباً مختوم وأســـــــاور *** مليانة الإيد للأصـــــــبع وضروري الحفــــــلة بوردي *** والكابلي اللحنو موقـع ونقضي عسل في أوروبــا *** ونطوف العالم أجمــــع بي لندن وروما وموســـكو *** وفينا المدن الأربــــــــع نلبس في الكاسي العاري *** ولو طلعت موضة بنتبع وناكـــل فاكهة طـــــــازجة *** وبالخير نتمتع ونشـبع أفلامـــكم والله عجيبـــــــة *** خلونا نحمض ونطبـــع ماجينا زمان شـــــــن قلتو *** يامبهدل أوعك تطمـع *** مد رجليك قـــــدر لحافك *** وشوف ليك طـورية وأزرع لي مين تتقــــــــدم انت *** يا قرد ياقبيح يا مبرقـــــع كيفن بتحـــــب يا أغبش *** من غير شاكوش تتفرقع لو كان بنحــــــــب الزيك *** ما أخير الموت الأســـــرع لو مت وفاتك تفــــــــــرح *** ولو عشت حياتك تفجـع ولو تبقي ضراعي الأيمن *** في لحظة بنقطع ونجدع *** ما قلنا الدنيا دي فانية *** وآمالنا مظاهـــــر تخــــدع اختاروا العندو ديانـــــة *** الديمة وشـــــــو بيلمـــــع قلتولنا خلاص انتظـــرو *** الحــور في الجنة بتنفـــــع الليلة قطـــــــركم صفر *** والعمـــــــــــــــر ولى ودع عجزتو قعــــــدتو تقولوا *** واشبابنا الأغبـــــش أجدع ماجينا زمان شن قلتو *** يافقير يا مقطــــع أرجــــــع *** ما جينا زمـــان ليه كنتو *** جاهــلننا زي الشــــــــفع ما خلاص الليلـة وقعتوا *** من قد القفة الأوســـــــع والليلة قطركــــــــم دور *** وقعتوا في وش المدفــــع رافعين الراية البيضـــــاء *** لكن هيهــات ما بتنفــــــع رافعين لعرس جماعي *** وفي العشرة ألف ما بنطمع وهنياً ليكم كبدة وشية *** بعـــد الأضراس تتخلــــــــع
Post: #18 Title: Re: هيئة حلمنتيش العليا Author: Mustafa Mahmoud Date: 07-21-2007, 04:43 PM Parent: #16
تأليف أحمد الشيخ : لما شفتك
لما شفتك
لما شفتك قلبي كان ناصع نضيف زي الطيور الراحلة في زمن الخريف عشت متألم وما قادر أقيف
زي زي مشرور وحيد
مستني باصات الجريف
أنا الكيشة صًدقت إدعائك
يوم قلتي لي دمك خفيف
وخدعني بوخ نظرات عيونك
مليانة بالكحل الظريف
قمت شلت الكيس من ايدك
ووقفت في صف الرغيف
دافعت ليك وسط الخلوق
عشان تقولي ولد حريف
واديتك العيش بابتسامة
نابعة من قلبي الرهيف وبعد ما شلتي العيش
نسيتيني ومشيتي بعيد
وانا المشدوه أعاين فيك
زي إقليمي جاي جديد
تاه في زحمة الخرطوم
وشاف الناس شمال وصعيد
ما تنبسطي يا حلوة
بعد نكرانك المعروف
أصلو الحي مصيرو يلاقي
ياما بيشوف
واصلو الناس حياتها ظروف
ويوم بلقاك في ورطة
لانو بلدنا كلو صفوف
Post: #20 Title: Re: هيئة حلمنتيش العليا Author: Mustafa Mahmoud Date: 07-21-2007, 04:54 PM Parent: #18
الفيكس :
تأليف : مشرور راجي الدّفار!
حاجة عجيبة ودنيا تنسّي
ناس اغتربت تمشي المانيا
تمشي اليابان ونيوجيرسي
حاجة عجيبة وجات بالعكس
من الصين وللسودان
الجكس اغترب وباع الفيكس
واحدين قالوا جونا هنا
لأنو هناك حرارة الطقس
واحد قال بكين بالنص
للسوق العربي رماهم بوكس
وميه الميه بايركس
وبايركسنا كمان بايركس
السودان ضاع وضح النهار
من غير ما لبس
والشوارع دقداق تفتل دركسون
وتحل جربوكس
ومن الصحافة زلط وللخرطوم بالعكس
ثقيف مشرور وتهتز زي البترول
وما يفضالك كرسي
نهارك ضاع من تصبح لامن تمسي
ركشه هنا وركشه هناك وللصالح العام
أحالوا التكسي ..
الدفار جاك وهاك يا كوداك
تصل عرقان وقميصك وسخان
وحالتك يخسي
راسك زي سخّان يغلي غليان
وما يساوي الفلس
Post: #33 Title: Re: هيئة حلمنتيش العليا Author: Mustafa Mahmoud Date: 07-21-2007, 05:35 PM Parent: #18
واحدة سمينة دايره صاحبنا يحبها بالقوة وكتب فيها..
ريدى ليك يا أم شداق يقلب اللورى فى الدقاق ولما أغلط وأقول مشتاق عيونك جب تكرب جوه فى عيونى تبهدلنى وتبشتنى وتجقمت فى مصارينى وأتوكل وأقول آآآآآآآآى بريدك بريدك ياسجم خشمى يا أم إيدا قدر جسمى يا أم ريدا بعج بطنى ===== أريدك كيف وكيف يا ناس أريد فيل يحلنى الله يالبرميل
Post: #31 Title: Re: هيئة حلمنتيش العليا Author: Mustafa Mahmoud Date: 07-21-2007, 05:29 PM Parent: #16
اتململت في القعدة واتشهدت مليون مرّة بخاف المحنة والزرة لساني خفيف وقلبي رهيف واكان قالت صباح الخير اقّرب اقيف براي يوم داك رميت نفسي طردت الخوف ده من قلبي سألت السمحة مخطوبة ؟؟ قالت لي : لا ..لكن لييه ؟؟ سمعت قولة لييه تقول بندق وقلبي الماسكو بين يدي قنّب يدق ريقي نشف وحلقي يطق شعرت القول تقول في حُق واتململت في القعدة بدور امرق كان تاني سألتني لييه؟؟ كلامي راسو طار منو واتقفل عقلي واتدبس اتاري الخوف ده ما بندس قريت الحمدو عشرين مرة حتي قدرت اتنفس اخوها قال ليها : ساكت بس !! وعاد السمحة قالت كعبة وانا السجمان رقم سبعة الحر ..حسيت بالبرد تقول قرفان مرق في البر حاولت اقول باي باي لقيت خشمي بي كماشة ما بنفك
Post: #51 Title: Re: هيئة حلمنتيش العليا Author: Mustafa Mahmoud Date: 07-22-2007, 10:53 AM Parent: #8
الشفيع عوض شوشتا د . مصطفي محمود سلااام يا احلي وامنقة زول في المنبر .. ولاعزاء لفيصل نوبي (الكوز) ...
thank you
regarding our friend unfortunately he is here as paid ingaz mafia gang agent and not as normal human being
thanks
Post: #22 Title: Re: هيئة حلمنتيش العليا Author: Mustafa Mahmoud Date: 07-21-2007, 04:57 PM Parent: #7
الزمن الضائع
الزمن الضائع
متين يا الله ألم الفكه
أجيب الشيلة واسوي الشبكه
وأمي تزغرد بي طول صوتها
وأنا مبسوط وظابط الشكة
هدومي معطنة بالأرياح
ريحة الخمرة وريحة الدلكة
واطبع للعيزومة كروت
حاشاها الما زي كرت البنزين
جميله زاهية في ورق التوت
وتحت الإمضاء مشكورين
لأنها لحظة ما بتفوت
وإلا تكونوا مبسوطين
ويجوا الأولاد بوجوهاً نادية
يقشوا الفسحة الواسعة وهادية
نرًكب فيها الصيونات
ونعمل حفلة بود البادية
ولازمن حفلة تكون صباحي
أشفي غليلي وأداوي جراحي
من زمن العذابة الأغبر
السًود عيشتي وزاد لنواحي
أفك القيد من قلبي وأغني
حبيب الروح وغني يا صاحي
وفي العصرية نمرق سيرة
خلوق منتظمة ماشة مسيرة
زي صف دكانأً ناصية
فيه سجاير بالتسعيرة
بناتنا يغنن مبسوطات
دور بينا البلد ده
يلفن يدورن العربات
ولمن أصل بالسيف اتقدم
زي الفارس ماشي ملجم
وشي بينضح لمعه ونضرة
قميصي نضيف وماه مجلبط
بملاح خدره
أهز في البنوت بي سيفي
وابخبخ فيهن لبن البدرة
وفجأة يدق صوت الدلوكة
وتبقى الناس بالجد مربوكة
واحدة تصفق واحدة تزغرد
وواحدةتلوك في لبان بازوكة
جابوا عروسي وبدت الوقفة
سرحت بعيد في حق القفة
جابت قون بي رقة وخفة
ما اتجرست كلا وحاشا
الا هناك واقفين شماشة
قالوا اكيد شارب حرباشة
زعلت شديد وغلبني اللعب
لانو كلامن كلو كضب
قاموا اصحابي بصوت عالي
يا عبد الله اطلع بره إشاعة إشاعة
وحتماً يوم لي أمك عايد
قونها حقيقي ما اوف صايد
صوت أصحابي أثر فوقي
بحركة ذكية جبت القون
وانا والحلوة بقينا درون
وفجأة أضفت الهدف الثاني
وغمر الساحة فرح رباني
مرقوا اصحابي يكوركوا ويهتفوا
فاتوا الفسحة وسدوا الشارع
صوتهم طاغي ظاهر وطالع
يا عبد الله هايل ورايع
جبت القون في الزمن الضايع
Post: #23 Title: Re: هيئة حلمنتيش العليا Author: Mustafa Mahmoud Date: 07-21-2007, 04:59 PM Parent: #1
أقطعي
أقطعي
أقطعي يا الجنيتي على القطع
كمبيوترك ما بعرف الجمع
اقطعي خلينا نبكي بالدمع
اقطعي تكتر مصانع الشمع
وينقص رصيد ناس الضرائب
والحبايب ويا كهارب اقطعي
****
أسلاكك بس بيت عنكبوت
والبهبشك ما اظن يموت
أقطعي خليهن يبكن البنوت
وشًوفي الناس العجائب
يا كهارب اقطعي
***
أقطعي وخلينا بس نبقى الكبش
اقطعي اسعارك ما بتنهبش
اقطعي بنوًر بيوتنا بالشمش
وننفك منك يا ام مقالب
ويا كهارب اقطعي
****
اقطعي يا ربة الحسن والجمال
يا قاسية بكيتي الرجال
بتصيدي في الناس بالنبال
تعيشيهم في مقالب
وتخربشيهم بالمخالب
ويا كهارب اقطعي
***
فشلتي ما قدرت واصلت المسيرة
إيه فائدة البحر الدميرة
والكوابل والعواميد الكثيرة
دللوها واملوا بقروشها الخزائن
ورجًعوا الناس للرتاين
وينفكوا من كل المشاكل والمصاعب
والمتاعب يا كهارب اقطعي
***
أقطعي انت احوالك عجيبة
أقطعي ملينا عيشتنا الرتيبة
أقطعي ضلمي المدن الكئيبة
وتقرًص الناس العقارب
والدبايب ويا كهارب اقطعي
***
Post: #25 Title: Re: هيئة حلمنتيش العليا Author: Mustafa Mahmoud Date: 07-21-2007, 05:15 PM Parent: #23
تمساح توتي
Last week I was setting جنب ال river Smoking a cigarette والـــدمــــــاغ مــــتــــكــيـفــة Watching the moon و كراعي holding خـالــفــا I saw a man شــــابـــــــا صـــغــــيــــر But he was مـــتــــقــــنـــــــدفــــــا Driving a car وال car Corolla مــــــكـــــنـــــدشـــــــا He stop it ال جنب river Start clean it and then quickly يـــــنـــــشـــــفـــــــــا When he stop it جنب ال river تــمــســاح كــــبـــــيـــر ظــــهـــــر Swim to it وراح خــــاتـــــــــفـــــا The man كـــورك بصوت clear What did you do تـمــســـاح كـــبــــيـــــر؟ Why did you leave my ريـــــــحـــــة طــــــيــــر؟ هـــنـــــا التـــمـــســـاح Appear وقـــال أنـــــــا الـتـمـسـاح و Someone like to call me a Crocodile I am the king of this river وتــحـت الــكــبــري always صايل always جايل Do you think the Corolla back & so you قـــــــــايـــــــــل؟ This is your بُــــــعــــــــــد So لو عدت back by this مزاحي Or if you just move by this نـــــــواحــــــــــي I'll أصـــيــبـك بـالـجــراحــي ودي قــــوّة عــــــيـــــن It is better to you تــخـــلـــيــــك صــــاحــــي
Post: #26 Title: Re: هيئة حلمنتيش العليا Author: Mustafa Mahmoud Date: 07-21-2007, 05:19 PM Parent: #25
يا جزمتي
يا جزمتي الشالك يطير
يبلوه بي مرضا خطير بي الايدز بي شر مستطير يا جزمتي الشالك يقع في بركة في يوماً مطير لا يضوق سعادة ولافرح لا باسطة لا شاي بي فطير يا جزمتي الشالك يموت في السكة بي نطحة عتوت بي رفسة تتفطس مصارينو التجوط يا جزمتي الشالك يقع في السكة في اعفن ترع تتكسر الرجلين وتنحل الضلع واخر ختامو يكون صرع
Post: #38 Title: Re: هيئة حلمنتيش العليا Author: Mustafa Mahmoud Date: 07-21-2007, 06:35 PM Parent: #26
ريدى ليك يا أم شداق يقلب اللورى فى الدقاق ولما أغلط وأقول مشتاق عيونك جب تكرب جوه فى عيونى تبهدلنى وتبشتنى وتجقمت فى مصارينى وأتوكل وأقول آآآآآآآآى بريدك بريدك ياسجم خشمى يا أم إيدا قدر جسمى يا أم ريدا بعج بطنى ===== أريدك كيف وكيف يا ناس أريد فيل يحلنى الله يالبرميل
Post: #39 Title: Re: هيئة حلمنتيش العليا Author: عمار يس النور Date: 07-21-2007, 07:40 PM Parent: #38
د. مصطفى محمود
سلامات
شكرا ليك و الله أتحفتنا بشعر حلمنتيش القديم
في قصيده سمعتها مره و بتمنى أجد شخص حافظها و قصتها بتدور عن واحده في الجامعة متعوده تشر ليها واحد و كل مره ترمي ليه مكنة و توعدو و تخلف الميعاد مطلعها على ما أذكر:
جامعة تفتح في الخريف ناس تدبرس ناس تركلس ... ناس تقيف
برلم قصير ينشرق كوزة تقع تنزلق و القصة تطعن في الحلق
توعديني و ما تجيني و كل يوم أخد لي شره
......
أتمنى ان تكون أنت أو أحد الإخوان متذكرها و يكتبها لينا
تحياتي
عمار يس النور عاشق بخت الرضا
Post: #50 Title: Re: هيئة حلمنتيش العليا Author: شهاب الفاتح عثمان Date: 07-22-2007, 09:57 AM Parent: #38
قصـــائد حلمنتشيه كبيره
شكرا لك على المجهود والاختيـــار يا دكتور مصطفى .
Post: #52 Title: Re: هيئة حلمنتيش العليا Author: Mustafa Mahmoud Date: 07-22-2007, 11:43 AM Parent: #50
شهاب الفاتح عثمان قصـــائد حلمنتشيه كبيره
شكرا لك على المجهود والاختيـــار يا دكتور مصطفى
thanks dr shehab
enjoy
Post: #41 Title: Re: هيئة حلمنتيش العليا Author: Mustafa Mahmoud Date: 07-21-2007, 08:56 PM Parent: #26
والبت تجي وتمشي وتلف مرات تقيف يا زول معاها ولد حريف صاحبنا بالحساس عرف وسالت والناس كلموك ملعون ابوك دنيا أم قدود بقت.. البقت وقعدت في شارع الزلط تبكي وتجعر والخدود اتورمت ضهر القميص كم القميص .. يد القميص حتى الفنيلة اتشرطت يا عبدو عيب قوم يا خي صلي علي الحبيب يا أخوانا لا أنا داير أموت أقع البحر أنا بنتحر
Post: #42 Title: Re: هيئة حلمنتيش العليا Author: Mustafa Mahmoud Date: 07-21-2007, 09:15 PM Parent: #41
سيد بشبش
شعر: عصام السنوسي
سيد بشبش سيد بشبش عامل حازم وسيفه بيرقش أمره بيمشي وكفه بيطرش وعينه الحارة في يوم ما بترمش عند المكتب رسمي بيغضب جوة البيت يرفس ويضرب وسط أصحابه بيرقص ويلعب راجل نكتة وصاحب مقلب وآخر الليل يقابض ويهبش سيد بشبش راجل دين وراجل دولة وراجل خطوة وصاحب مطوة وصاحب خولة وصاحب جولة وبيني وبينكم سيد بشبش راجل واعي وفاهم فاهم فاهم وعامل انه الواحد يعني وغايتو وبرضه ولازم بالمفتوح ده كلام سر ما فيش واحد يمشي يسمع سيد بشبش راجل دوغري لكن في الليل هجيجه يولع وزي ما تقول بحب المنقة و الحاجات النايس ولظلظ وقبل ما ندخل ونحكي القصة لازم نعرف صورة بشبش أصلع أسمر بادية عليه علامة النعمة وعرجة خفيفة في حادث حركة شكل سيادته عموما مدهش وددايما شايل سبحة تسبح وحدها دون تسبيح أوتوماتيك حكمة ربك وقسمة صحيح سيد بشبش راجل Urgent Rich, intelligant Smooth and elegant But sometimes And this is really He appears slightly hesitant وفي عصرية وكانت جمعة سيد بشبش حكك دقنه وهذب شنبه وشه بينضح نظرة ولمعة طق عصايته وخت عبايته وخبط الباب من خلفة برزعة خلى البيت يتراجف كله حاجة نفيسة بناتها ثلاثة بالاولاد يكملوا سبعة في المرسيدس أخذ القعدة كدوسه البني تهبهب ناره هز دماغه هز يعني سيادته بحي في جاره وعاد البنز قال يا ليل وسط الشارع يلوي غباره وأثناء ما سايق وسط السكة كان بيدندن يعني بيمدح دشكا دشكا دشكا أو دشكا دشكا دشكا وأثناء ما سايق يغني ويمدح وعينه الزايغة بتجمع وتطرح هناك على زاوية لمح المنقة سيد بشبش تمساح لو يلمح قلبه ينطط جوه ضلوعه يطق الروب يثكلب ويردح لف ودور حول المنقة ودور ولف رسم الزاوية وكشف المسرح وبسمة أنيقة صناعة برة بسمة ثعلب حنكة وخبرة ما نتفاهم يا خلق الله وعاد خلق الله ما فهامة وناس واعين اشارة خفيفة وغمزة عين عارفين الحال والأمر الواقع كان الرد الفرح بشبش وخلى سيادته يهدي يمين مساء الخير آنسة مرمر اسمك روعة اسمك سكر أما سيادته سيد بشبش رائع مدهش اسمك منعش موسيقي ومطرب بس خازوق الناس تتمقلب وتمشي تقول لسيادتك شبشب لا يا بت يا نكتة صنفك متعب وهناك في شارع كم مش عارف البيت الناصية أشجار وزخارف عربات تتلاعب أنوار ورفارف كانت ربة وهيصة تولول ناس بتصفق وناس بتزغرد وناس بتهلل ناس بتنادي شيلي وختي وناس بتغازل أموت يا أنتي وناس مبسوطة غاسلة وكاوية وناس ركاني بتعزف زاوية وناب بتغني حني يا تتي وسيد بشبش أمير الموقف وبطل الساعة كان مشغول مع ناس مرمر يصلوا جماعة ولمن تم صلاته وسلم قام يسلم بالأحضان قال مشتاق وكاتلو الشوق في الحبان وزي ما قلنا قبيل عن بشبش راجل بهجة جد فنان جدع العمة هناك وعصايته ولحق جزمته والقفطان وهاك يا دانص ودارت حلقة عجاج وغبار ناس بتسوي ردحي جد وناس في الردحي رقيصها هزار وناس انبطحت وناس اندرشت ناس انكرشت عشان تنمد وفجأة في لحظة حصلت كبسة زي ما تقول البيت انهد الجو اتلغم فال اتسمم وصل الكومر شكله يخوف نزل امباشى معاه الأورطة عملت سد وجاط الموقف سيد بشبش ضرب اللخمة ربط الساعة مكان الجزمة لبس الجزمة فاكرها عمة لف العمة محل الساعة جذب قفطانه رمى الشماعة فكر ينط من فوق للحيطة تلب توف جوه البلاعة جوه الكومر بالبوليس الناس شحنوها البتباكى والبتوجع والبتعذر والبتشفع الضحكات باهتة وفي نص الكومر كان متمحن سيد شبشب ماسك سبحته مرة يقحقح ومرة يسب مشغول بأولاده وحاجة نفيسة وناس المكتب كيف القصة هناك بحكوها وكل ما مرمر تبسم ليه يسب للمنقة ويوم زرعوها
سيد بشبش
Post: #43 Title: Re: هيئة حلمنتيش العليا Author: عمار يس النور Date: 07-21-2007, 09:21 PM Parent: #41
د. مصطفي
Quote: والبت تجي وتمشي وتلف مرات تقيف يا زول معاها ولد حريف صاحبنا بالحساس عرف وسالت والناس كلموك ملعون ابوك دنيا أم قدود بقت.. البقت وقعدت في شارع الزلط تبكي وتجعر والخدود اتورمت ضهر القميص كم القميص .. يد القميص حتى الفنيلة اتشرطت يا عبدو عيب قوم يا خي صلي علي الحبيب يا أخوانا لا أنا داير أموت أقع البحر أنا بنتحر
ما اظن هذه بقية القصيدة التي اقصدها
بتذكر إنو صاحبنا بتكلم عن موضوع الشر و إنو كلو مره بيأخد ليهو مقلب
و يستمر في القصيدة و يقول إنو المرة دي وعدتو و صدقها و رجع البركس عشان يجهز نفسو للخلطة:
في عز الحر أغسل اشر .....
و يستمر في القصيدة
يقول مشى قبل الموعد بي ساعتين و إختار ليهو بنش مطرف
و جا وقت الموعد و زولك حس بالشره فقرر يتسلى "بالصعوط" و قال :
"جاتني الفكره في بالي و جيب الخلف طوالي"
المهم إستمر في الإنتظار و فجأة شاف زولتو من بعيد هناك ، و إرتبك يعمل شنو في السفه :
"أختها في رفرف القدوم تمطو تسوي ذي خرطوم
ألزها تحت لساني تحرق في مصاريني
أقول ابلع أقول هوي تكتل الزول تمرق الفول"
و لمن زولك إنزنق خلاص بلع السفة:
"أخوك راح بالع و خلت عيوني ذي شالع
و يمر الزول و تطلعي إنتي ما إنتي"
======================================
هذه قصة القصيدة التي مطلعها "جامعة تفتح في الخريف"
بس نسيتها و أتمنى لو في زول عارفها ما يبخل علينا بيها
تحياتي
عمار يس النور عاشق بخت الرضا
Post: #44 Title: Re: هيئة حلمنتيش العليا Author: عمار يس النور Date: 07-22-2007, 06:37 AM Parent: #43
مجموعة قصائد سمعتها عام 1977 و انا في الصف الرابع الإبتدائي و حفظتها من يومها و لا ادري من هو شاعره:
1)
و أذكر ما ذكرت وصية أمي تقول دايراك ان تصبح حريــفا
تزاحم في البكاسي اي زولا رجالا ام نساءا كالقطيــفة
وفي البصات صادم تجد مقعدا و أوعا للعجائز ان تقيــفا
و قم في الصباح الدقش بدري و أحشر نفسك في إحدى الصفوفــا
فحتما في نهاية الصف تجد خضارا ام إجارا أم رغيــــفا
فيا طاحونة الاحلام دوري فقلبي صار بوكسي للغلابه
تشعلق فيه حب النساء كما قرد تشعلق جوه غابـــه
وقل يا عباد الله أدعوا ربي و دعوات المعذب مستجــــابه
التنك مليان لي أضانو و اللساتك الخمسه بمبه EveryThing is well and Right
لا كاسره ياي و لا فاكه ركبه
..... حنواصل
عمار يس النور عاشق بخت الرضا
Post: #45 Title: Re: هيئة حلمنتيش العليا Author: Mustafa Mahmoud Date: 07-22-2007, 07:55 AM Parent: #44
عمار يس النور عاشق بخت الرضا
i can not thank more
i really enjoyed your contribution
keep passing bye as this post remind me of the golden days we spent at the university
thanks again
dr mustafa
Post: #47 Title: Re: هيئة حلمنتيش العليا Author: wadismail Date: 07-22-2007, 08:33 AM Parent: #45
سلامات يا دكتور ...
عندي ليك مفاجئة :
ناس هيئة حلمنتيش العليا ديل ( كلهم) أخوان مسلمين ... يعني بالعربي كدا : كيزان !!!!!!!!!!
Post: #48 Title: Re: هيئة حلمنتيش العليا Author: عمار يس النور Date: 07-22-2007, 08:45 AM Parent: #45
و احده تانية برضو من الشريط نفسه:
إتهمهمت في الكلمة و إترددت مليون مره
بخاف المحنه و الزره
لساني خفيف وقلبي رهيف
أكان قالت لي مساء الخير يقرب يقيف براي يوم داك رميت نفسي و سألت السمحه مخطوبه ؟
قالت لا و لكني ليه ؟؟
سمعت قولت ليه التقول بندق و قلبي الماسكو بين إيدي قنب يدق حلقي نشف و ريقي يطق حسيت كأني في حق
إتململت في القعده و بدور أمرق
كان تاني قالت لي "سؤالك ليه"
راسي كبس و كلامي الراصو طار مني و عقلي إتربس أتراهو الخوف ده ما بندس
قريت الحمدو خمسين مره حتى قدرت أتنفس
و قولت ليه هي ساكت بس !
ختيت جزمي بالقلبه و بديت البس
و عاد السمحه قالت قر
و انا السجمان رغم الكولر الضارب أحس بالحر أدور أنجر ذي غرقان طلع في البر
حاولت اقول باي باي لقيت خشمي بي كماشة ما بنفر
===============================================
و كمان :
تلفي يمين أجيك بشمال تلفي شمال أجيك بيمين
تمري امام ، اجيك بالخلف تمري خلف أجيك باك ورد
و ياني صعب و ياني كعب و ياني الما مفارقك تب و ياني اللصقه ماسك كب
و ياني الحقنه بت الكلب
بسهر بعيد عنك مجافي الناس و متلوم
عشان ما ليكم اتودد
اقول اقدم علي داركم أخاف من شوفتك اتردد
هلاويسا تشد قلبي
دي لا بتتحاش و لا بتتلم و لا بتتحد
أدق الباب و أقيف جنبو وقوف الضيف و اترصد
تجي فلانه تفتحو لي
يقول ليك كررررررررررر
و راك الباب يقول ليك صرر
و طق إنسد قول الليله يا بختي أظن الليله يومي سعد أشوف الاصلو ما بنشاف أشوف القمره إتجلت و إتجلت ، و إتجلت و إتجلت و إتجلت ......(20 مره) و فات الحد
بهر عيني جمال الزول زوق الزول غلاوة الزول حلاوة الزول و دل الزول و دلال الزول و جمال الزول و كمال الزول و آآآآآآآآآآآآآآآآخ يا زول
أفكر أقوم ، تقول لي : لا لا ما تمشي يا محمد يعطر جوي ريحه الند و زولك و قعد و إسطورة ابو الدرداق بقت جدد
أبحلق عينيا زي زولا غرق في عبادتو و إتهجد
أعض طرفي و أقرأ الفاتحه في سري
أقول يا فلانه أريت عين الحسود تنقد أكان شافك و بحلق فيك و ما أتشهد
ملحوظة : كل هذه القصائد لا اعرف كاتبها و لقد حفظتها من شريط كاسيت عام 1977 و كان عمري حينها 11 سنة
***********************
عمار يس النور
Post: #49 Title: Re: هيئة حلمنتيش العليا Author: Mustafa Mahmoud Date: 07-22-2007, 09:54 AM Parent: #48
تلفي يمين أجيك بشمال تلفي شمال أجيك بيمين
تمري امام ، اجيك بالخلف تمري خلف أجيك باك ورد
و ياني صعب و ياني كعب و ياني الما مفارقك تب و ياني اللصقه ماسك كب
و ياني الحقنه بت الكلب
Post: #53 Title: Re: هيئة حلمنتيش العليا Author: Mustafa Mahmoud Date: 07-22-2007, 02:08 PM Parent: #49
جيناك وما خليتنا
جيناك وما خليتنا يا القصيت دريبنا وجيتنا من دون الرجال ناديتنا قلت خلاص كتير حبيتنا لم شبكنا فيك وابيتنا يظهر ناوي تخرب بيتنا جيتنا وبالحنان وصيتنا لامن للاهل عصيتنا لامن في الدرج رصيتنا في الآوت بعيد باصيتنا ليه يا جكسا يعني طفيتنا هيا الغسلتنا ولويتنا ما اتكرمشنا ليه ما كويتنا اتشتتنا ما لميتنا في قفة هواك خميتنا في كانون جفاك حميتنا لامن زيتنا فاح شميتنا
Post: #54 Title: Re: هيئة حلمنتيش العليا Author: فيصل نوبي Date: 07-22-2007, 02:32 PM Parent: #1
توقفت الحياه بمنبر سودانيز أون لاين منذ أنو توقفت الدكتوره نجاة عن الكتابه وأصبحت كلمة (مسيخ) متلازمه أساسيه لكل البوستات التي ظهرت في المنبر والتي كانت تزينها الدكتوره بيان بمداخلاتها الرشيقه التي لاتصيب إلا كبد الحقيقه .. الدكتوره بيان رغم إختلافي معها في كثير من الأمور ورغم إفحامها لي في كثير من البوستات التي أصدرتها وآخرها (الإنقاذ في قلوبنا وحدقات العيون .. الدعوه لكل القواعد) والذي تداخلت فيه الدكتوره أكثر من مره ونبشت لي كل أخطاء الثوره من أول يوم لإنطلاقها وإلى الآن الأمر الذي جعل البوست يرتد إلى نحري مباشرةً ... لكن رغم ذلك لم أنزعج منها أبداً لثقتي الكبيره في أنها لاتكتب إلا لمصلحة هذا الوطن وأهله البسطاء المساكين ...
الدكتوره كانت قد تضررت كثيراً من مناكفات المدعو مصطفى محمود الغير منطقيه إطلاقاً وتخريبه المتعمد لبوستاتها بغض النظر عن محتوى البوست ومضمونه الأمر الذي يثير الشك حول أن هذا العضو يتعمد (تطفيش) الدكتوره بيان أو أنه (مسلط عليها) من قبل بعض من يخشون كلمة الحق ويخافونها ومن بعض من لايملكون القدره على الحوار مع الدكتوره بيان التي تدحض عادةً أكاذيب بعض المهووسين و(مدعي النضال) وذلك من ضمن دعوتها النبيله التي تدعو فيها من أجل إيجاد معارضه نظيفه وشريفه تساعد في بناء الوطن ...
قامت الدكتوره برفع بوست تشكو فيه بكل أدب وإحترام العضو مصطفى محمود وتطالب فيه الأخ بكري أبوبكر بوضع حد لهذا العبث الذي يقوم به هذا العضو فما كان من سيد الحوش إلا أن قام بحذف ذلك البوست الأمر الذي أغضب الدكتوره بشده ودعاها للتوقف عن الكتابه في المنبر بعد أن صرحت بأنه إذا تم حذف البوست فإنها ستتوقف عن الكتابه والدكتوره إذا قالت شيء فإنها ستفعله كما تعلمون ففقد المنبر بتوقف الدكتوره بيان الكثير من رونقه وأصبح كما ترونه الآن خراباً ينعق فيه البوم والغراب ...
لم نرى من الدكتوره بيان إلا كل ماهو جميل ونبيل وآخر إسهاماتها كانت الدعوه التي أطلقتها لإنقاذ الطفل محمد وبحمد الله الدعوه آتت أكلها وعوفي الطفل الأمر الذي جعل حتى الصحافه الهنديه تتحدث عن عظمة هذا الموقع الذي بنى بإسهامات من هم في قامة الدكتوره بيان ولم يبنى بعمليات الكوبي والبيست .. أتمنى من كافة الأعضاء التوقيع هنا من أجل أن يعيد بكري البوست المحذوف ومن أجل عودة الدكتوره بيان ...
وللجميع مؤونة عشرة أعوام من الود
Post: #55 Title: Re: هيئة حلمنتيش العليا Author: Mustafa Mahmoud Date: 07-22-2007, 03:15 PM Parent: #54
يا جزمتي
يا جزمتي الشالك يطير
يبلوه بي مرضا خطير بي الايدز بي شر مستطير يا جزمتي الشالك يقع في بركة في يوماً مطير لا يضوق سعادة ولافرح لا باسطة لا شاي بي فطير يا جزمتي الشالك يموت في السكة بي نطحة عتوت بي رفسة تتفطس مصارينو التجوط يا جزمتي الشالك يقع في السكة في اعفن ترع تتكسر الرجلين وتنحل الضلع واخر ختامو يكون صرع
Post: #56 Title: Re: هيئة حلمنتيش العليا Author: Mustafa Mahmoud Date: 07-22-2007, 05:47 PM Parent: #55
أقيف يا عم أقيف سِنّة معاك في السكة وصلنا واكان كترت في الوقفات محل ما تدور تنزلنا
أقيف يا عم عليك الله وشيل الحامل أم بلة وخلي انحنا ..بالرجلين بنتحلا حرام يا عم تسيب العمة والخالة وتمشي بعيد تشيل السمحة قبالا
حرام يا عم تقوم جاري تسيب الولدة شاقة السكة كداري غضب ربي بجيك جاري يصيبك زين وترجع تاني كمساري
Post: #57 Title: Re: هيئة حلمنتيش العليا Author: Mustafa Mahmoud Date: 07-22-2007, 08:09 PM Parent: #56
ندى في العيون أكحل مجعّد مسوّدة انتي العيون فوقن قضى ندى في الحواجب زي هلال قصة نصوم دي مؤكدة! انتي الحواجب دلجة بس قلم الحواجب هاردها وتقولي لي سمّاك ندى!؟ ندى تبتسم آلالاف مؤلفة تسعدها وانتي الخشم شارّة التلاليش بس طبق ومغطّي صينية الغدا ندى في الوشيش نظرك بشيش.. ما يعقّدها وانتي الوشيش وش الجحيش نخرين كُبار كُرعين ردا وتقولي سمّاك ندى! قاتلي "آي أنا إسمي ندى" شوفي أوعك تقولي اسمك ندى ندى ما بس الاسم
Post: #58 Title: Re: هيئة حلمنتيش العليا Author: Mustafa Mahmoud Date: 07-23-2007, 10:53 AM Parent: #57
سموك ندى
قلتي ليّ سموك ندى!؟! وده منو السمّاك ندى؟ ده أكيد أبوك إنعل كِدة! فيك شنو يسمّك ندى!؟ في صوتك أتخن مننا إضنين كُبار زي دِشّنا وتقولي ليّ سمّاك ندى! خشمك ده ريحتو معفّنة ايدين كبار حقات بُنى وتقولي لي سمّاك ندى!؟ المشية كتّاحة وعلال كرشك تقول شايل جَنى وتقولي لي سمّاك ندى!؟ قالت لي "ها هدى في البطاقة إسمي ندى" شوف يا أخ.. مافيش علاقة بينك وبين ندى خلّيها ندى ..
Post: #59 Title: Re: هيئة حلمنتيش العليا Author: Mustafa Mahmoud Date: 07-25-2007, 03:11 PM Parent: #1
إنشاء الله يا سيد اللبن ما تنفعك.. تاريك تجيهم كل صبــاح والسمحة تلمس أصبعك إنشاء الله يا سيد اللبن ما تنفعك..
سيد اللبن حتي الحمار شاف الجمال وقف إحترام! شافك بدون إحساس تقيف..لو نضم ..كان قال حرام! دفق اللبن..مرق اللبد..قطع اللجام إحتج عــار ولا حتي فكر يودعك..
إنشاء الله يا سيد اللبن ..ما تنفعك..
سيد اللبن.. خليني يوم لبــان أكون.. شان بس أشوف الزول .. في سحره وأغرق في العيون.. الزول جميل وسمح شديد.. شايل محاسن الكون فنون.. وبديك أضعاف مكسبك..
ولو كان أبيت.. . . . . . . . إنشـــــاء الله يا سيد اللبن ما تنفعك!!
Post: #60 Title: Re: هيئة حلمنتيش العليا Author: Mustafa Mahmoud Date: 07-25-2007, 04:23 PM Parent: #59
Post: #61 Title: Re: هيئة حلمنتيش العليا Author: Mustafa Mahmoud Date: 07-25-2007, 08:37 PM Parent: #60
"هيئة حلمنتيش العليا"
.. these poems were said and owned by their poets whom unfortunately i do not recall their names
so my sincere apology if any member here knows who wrote any of them please feel free to put the names down
at the same time if you do have any more please feel free to post them here
thank you
dr must
Post: #62 Title: Re: هيئة حلمنتيش العليا Author: عمار يس النور Date: 07-25-2007, 09:35 PM Parent: #61
الإخوة الكرام
ذي ما قال دكتور مصطفى إنو هذه القصائد من روائع هيئة حلمنتيش العليا و أنا حقيقة لا اعرف كتابها و لكنني احفظ الكثير منها و لن ابخل عليكم بها . أمسكو دي :
قرار العبوس الدنيا دار اللوم زايله و خربانه أم بناين كوم يبكنو البنات في جامعة الخرطوم ما حضر اللكاشر و ما شاف المدرج يوم ما بين النشاط و الجنكشن تلقهو يودع في بلوم و يرجع معها بلوم
و زايله و خربانه أم بناين كوم
في نص النشاط ياهو سيد القعده يحلل في المواقف يفكك أجعص عقده و إن شاف في النشاط واحده زي الورده تمسكو أم هلا هلا تجيه حمى و وِرده
و زايله و خربانه أم بناين كوم
غنو و شكرنو الليله يا حلوات أستاذ علم الخلط ما بيفتش الواسطات دفان الجنايز و مكفن الميتات الطب تبكي ليهو الفاتحه في شمبات
و زايله و خربانه أم بناين كوم
في الحفله قاعد حولو البلوم كيمان في الكوره عامل شكله في الميدان في السياسة إشتراكي بيأيد الأخوان و إن قلت القرايه دايما يقول زهجان
و زايله و خربانه أم بناين كوم
ما إتلفت وقف قال المراجع وين ما كاتب سطر ما حفظ حرفين في بصات الرحل أول الناطين و إن جات سيرة السكر تلقاه زي الطين
و زايله و خربانه أم بناين كوم
يا سيدنا العميد أديهو أخر chance ما زولا مفرفش بيحب الخلط و ال Dance بس ذنبو إيه أصلو البلوم عتراسو من تبع البلوم رافدنو مافي مناص
و زايله و خربانه أم بناين كوم
**********************
مع تحياتي
و عندنا المذيد ،،،،
عمار يس النور عاشق بخت الرضا
Post: #63 Title: Re: هيئة حلمنتيش العليا Author: Mustafa Mahmoud Date: 07-25-2007, 09:38 PM Parent: #62
thank you
مع تحياتي
عمار يس النور عاشق بخت الرضا
Post: #64 Title: Re: هيئة حلمنتيش العليا Author: كمال الدين بخيت اسماعيل Date: 07-26-2007, 00:15 AM Parent: #63
مواصلة لهذا الابداع الحلمنتيشي الرائع.....في انتظار ياسيييييييييده لا..... شكرا يا مصطفي
Post: #65 Title: Re: هيئة حلمنتيش العليا Author: Mustafa Mahmoud Date: 07-26-2007, 07:37 AM Parent: #64
كمال الدين بخيت اسماعيل مواصلة لهذا الابداع الحلمنتيشي الرائع.....في انتظار ياسيييييييييده لا..... شكرا يا مصطفي
thank you
has any one got ya syda la we are still looking
thank you
dr mustafa
Post: #81 Title: Re: هيئة حلمنتيش العليا Author: Dr.Saeed Zakarya Saeed Date: 07-27-2007, 05:13 AM Parent: #65
قصيدة حلمنشية صاغها الشاعرالدكتور / ع. م. خ عندما رسبت احدى جميلات امدر فى الجامعة وتم فصلها من الجامعة يا سيدة لا فايتانا وين مستعجلة الجامعة بعدك كوم رماد لا فيها طب لا صيدلة غلطات كتيره الكمبيوتر بعملها يمكن نسي ويمكن سهي وجاط النمر من أوله ما قالو بعرف كل شئ ليه ما عرف ست الحلاه فايتانا وين مستعجله القمره وكتين أختفت روحنا ليها بنسأله قلنالها ليه يعني الغياب؟ ساعة الضلام أيه طولها قالت خلاص بأرضكم مالي صله وفي شان سيده كت بجي للديار وأجملها فايتانا وين مستعجله
Post: #82 Title: Re: هيئة حلمنتيش العليا Author: Mustafa Mahmoud Date: 07-27-2007, 07:54 AM Parent: #81
قصيدة حلمنشية صاغها الشاعرالدكتور / ع. م. خ عندما رسبت احدى جميلات امدر فى الجامعة وتم فصلها من الجامعة يا سيدة لا فايتانا وين مستعجلة الجامعة بعدك كوم رماد لا فيها طب لا صيدلة غلطات كتيره الكمبيوتر بعملها يمكن نسي ويمكن سهي وجاط النمر من أوله ما قالو بعرف كل شئ ليه ما عرف ست الحلاه فايتانا وين مستعجله القمره وكتين أختفت روحنا ليها بنسأله قلنالها ليه يعني الغياب؟ ساعة الضلام أيه طولها قالت خلاص بأرضكم مالي صله وفي شان سيده كت بجي للديار وأجملها فايتانا وين مستعجله
Post: #66 Title: Re: هيئة حلمنتيش العليا Author: عمار يس النور Date: 07-26-2007, 07:47 AM Parent: #64
الأخت صفية (البيطرية)
طبعا إحنا إنتقلنا مع د. مصطفى بي هنا و حنقوم بتوسيق كل القصايد الحلمنتيشية الجميلة القديمة التي نعرفها.
بخصوص القصيده التي طلبتي تكميلتها في بوست "سيد بشبش" و جدتها ليك كامله هنا، مع تحياتي
جات الإمتحانات و رجفت و من بحر الندامه غرفت
لعنت الريده و الرايدات و قلت بلاش يقرو بنات ماهن حاجة ما عارفات غير الشاهي و الشربات
يا قانون زمانك فات و جن يقرنك الحرمات لو كان بقن عاقلات يقعدن يعوسن الدوكات
شوف جنس الزمن شن جاب و قالت بدرس الآداب فوق للركبه شايله خطاب ويمكن يسقطو القرقاب
الفي الهندسة مشاكلانا شايله المسطره و فالقانا في المطبخ طبيعي مكانا شان تقعد تسوي غدانا
المطرود انا و محروم و أصحابنا معاي بالكوم خليناه للحروم و بشتنن إقتصاد و علوم
الفي الطب مبشتن حاله كيف تكشف على الرجاله سته سنين قرايه بقاله و العجب العرس في باله
عاين للصيدله الممكونه في كيمان حريم مدفونه أحسن واحده فيها سكونه أما عن العقاب أعفونا
عاين الجات تهز في ضراعه قالت دايره اقرأ زراعه حرتت و تيربت بسراعه سوت في بلدنا مجاعه
عاد يا خواني واقعه حكيه في البت البقت بطريه حلف التور طلاق بالميه ما تكشف عليه بنيه
مفارق جاتني كم كيسوره الله يخت عليكم بوره لا تلقوا العرس بالكوره بعد الطرده كيف الشوره
يا الريدك فيني طبعة .. يا المكسرة فيني ضلعة ..يا البجيك في الجامعة دايش .. يوم خميس القاهو جمعة .. يوم أشوفك قلبي ينتف .. عرقي ينزف .. وأبقى أشوفك سبعة سبعة .. “أصلو ريدك جاني فجأة “ وأدى لي صنقوري كبعة .. ** يا الطبيبة .. يلا شيلي القرقريبة .. ويلا عوسي قليبي كسرة .. ويلا دنكلي منو لقمة .. والعبيبا .. عل بس شيليها مرة .. وابلعيها كالجاتوه .. خليهو يسأل جوه يسأل .. واللي بسأل ما بتوه .. ولما جات المعدة تهضم .. قيل مهلا اتركوه .. انه لا يطلب شيئا .. انه قلب متيم جاء يسأل عن أخوه .. ** قد سألتك لا تجافي .. انه حب خرافي .. ما بسيبك .. كان بترضي وكان تخافي .. ما بسيبك كان رضيتي وكان أبيتي وكان وقعتي وكان جريتي.. كان عقب طلعتي زيتي .. ما بسيبك كان خلطي الامة جملة .. كان طلبتي المهر عمله.. وإن طلقت علي نملة .. ما بفوتك أنت ملي .. كان بترضي وكان تملي .. ما بفوتك أنت للي .. انتي أقري .. كل معلومة بتفيدك .. يا حلاوة الميكروبايو .. جاري في موية وريدك .. كل جرثومة بتريدك .. صارو هيلك من عبيدك .. وانتي للباثولوجي تقري .. اصلو شيتا دمو بقري .. عله جنبك يبقى ساهل .. فيهو تجري .. وأنتي يا أشطر طبيبة يلا شرحي فيني حلا .. فرتقي الجواي وسلي .. تلقي روحي مناها ريدك .. والعلاج جاهز في أيدك .. ما هو كم كبسولة في اليوم .. اسبرين أو كان يورانيوم .ز العلاج جاهز في أيدك من سنين .. العلاج يا انت آخد حقنة حب أو حبتين .. من عيونك .. من كلامك .. كلو ريحة بنسلين .. وأسفي كل المواجع وأبقى زين ..
Post: #68 Title: Re: هيئة حلمنتيش العليا Author: عواطف ادريس اسماعيل Date: 07-26-2007, 08:12 AM Parent: #67
فوق !!!
تابعين بسعادة ونشوة ,,,
نقرأ وكأننا نسمع ,,,
شكرا لك يا مبدع ,,
Post: #113 Title: Re: هيئة حلمنتيش العليا Author: Mustafa Mahmoud Date: 08-02-2007, 04:24 PM Parent: #68
عواطف ادريس اسماعيل فوق !!!
تابعين بسعادة ونشوة ,,,
نقرأ وكأننا نسمع ,,,
شكرا لك يا مبدع ,,
thank ya
awatif ya zoola ya raghia
thanks
mustafa
Post: #69 Title: Re: هيئة حلمنتيش العليا Author: Mustafa Mahmoud Date: 07-26-2007, 08:15 AM Parent: #1
أصبحت خيراً يا بلومةُوابسمي
من كل فظٍ ذي لسانٍ أبلم
يا ويح بوزي كيف يهجو نفسه
إنّ الهجاء لمِن فعال المجرم
فإذا هجوتُ فإن هجوي ناشفٌ
ينمو بجلدِك مثل حبِّ البُرجم
ولإن مدحتُ فإن مدحي طاعمٌ
كلُبانِ ماكسي في خشيمك فافهمي
كيف الهجاء وانت حلوةٌ كفتةٍ
والكستليتةُ فيها زيتُ السِمسِمِ
ولقد رأيتُكِ مرةً منشرةً
والآيسكريمةُ والقزازةً في الفم
تتلمَّظين بجغمةٍ وللحسةٍ
تتمطَّقين .. ومرةً تتبسمي
فهريتِ مُصراني بعاجل نظرةٍ
من مقلتيك فيا بلومةُ فارحمي
قلباً إذا ما شاف زولاً قطعةً
تلقاهو يمرُقُ طائعاً مستسلمِ
أنسيت ساعات خَلَتَ بِجِوَارِكُم
أشكو إليك بصوتي المتلعثم
ويدوش رأسي مثل ساكن دَردَرٍ
ويكون حِسِّي كبالعِ دُردُم
أنسيتِ يوم رجالتي قِدَّامكُم
نافخ جضيماتي كجوز طماطم
يا من سلقتي كاحلي ككوارعٍ
خذي رأسي فإنه هو ((باسمي))
المستعرب الخلوي /عضو هيئة حلمنتيش العليا
Post: #70 Title: Re: هيئة حلمنتيش العليا Author: Mustafa Mahmoud Date: 07-26-2007, 09:15 AM Parent: #69
اتململت في القعدة واتشهدت مليون مرّة بخاف المحنة والزرة لساني خفيف وقلبي رهيف واكان قالت صباح الخير اقّرب اقيف براي يوم داك رميت نفسي طردت الخوف ده من قلبي سألت السمحة مخطوبة ؟؟ قالت لي : لا ..لكن لييه ؟؟ سمعت قولة لييه تقول بندق وقلبي الماسكو بين يدي قنّب يدق ريقي نشف وحلقي يطق شعرت القول تقول في حُق واتململت في القعدة بدور امرق كان تاني سألتني لييه؟؟ كلامي راسو طار منو واتقفل عقلي واتدبس اتاري الخوف ده ما بندس قريت الحمدو عشرين مرة حتي قدرت اتنفس اخوها قال ليها : ساكت بس !! وعاد السمحة قالت كعبة وانا السجمان رقم سبعة الحر ..حسيت بالبرد تقول قرفان مرق في البر حاولت اقول باي باي لقيت خشمي بي كماشة ما بنفك
Post: #73 Title: Re: هيئة حلمنتيش العليا Author: عمار يس النور Date: 07-26-2007, 10:10 AM Parent: #69
و قال أحدهم أيضا :
و أذكر نجوى إذ ما طال شوقي
و أصرخ قائلا .. يا نجوى أحييييييييييييي
و أذكر نجوى في زحمات بص ٍ و أنا متشعلقاً رافعا يدي
و أذكر نجوى في صف الرغيف ِ إذ ما الوقفة هدت ركبتي
و أذكر نجوى إذ شاهدت لحما ً
و إني قد عشقت اللحمَ ####
* مع الإحتفظ بالحقوق الأدبية لكتاب هذه القصائد.
*****************
تحياتي
عاشق بخت الرضا
Post: #71 Title: Re: هيئة حلمنتيش العليا Author: Mustafa Mahmoud Date: 07-26-2007, 09:21 AM Parent: #1
جيناك وما خليتنا جيناك وما خليتنا يا القصيت دريبنا وجيتنا من دون الرجال ناديتنا قلت خلاص كتير حبيتنا لم شبكنا فيك وابيتنا يظهر ناوي تخرب بيتنا جيتنا وبالحنان وصيتنا لامن للاهل عصيتنا لامن في الدرج رصيتنا في الآوت بعيد باصيتنا ليه يا جكسا يعني طفيتنا هيا الغسلتنا ولويتنا ما اتكرمشنا ليه ما كويتنا اتشتتنا ما لميتنا في قفة هواك خميتنا في كانون جفاك حميتنا لامن زيتنا فاح شميتنا
Post: #72 Title: Re: هيئة حلمنتيش العليا Author: Mustafa Mahmoud Date: 07-26-2007, 09:57 AM Parent: #1
آه آه علي قلبي وعلي أملاً حملتو دهور قطعت بحور سواد الليل علي ليلين صبرت كتير و راجي النور يا قطعة البلور يا رنة الطنبور يا سستر بنات الحور يا صاحبة مسز شنتور ويا قصبة جروف اهلي عليك إسم الله يا حاكم علي ما تجور ----- شفتك يوم عجبتيني قلت اقول أنا الفي أولي داير اخطب ده ما معقول !! بقيت ساكت و فرحان بيكي احدث زول و أدس من زول دا عادا حبا أصيل و عريق لف و دار عليهو الحول لكن صحيح الدنيا ما بتصفي و تروق للزول لو ربطوا المعاك محلول أتقدم و اتراجع و اتردد لمن حصل محصول إتمحن وقف فكر مشلول قليبي المكيل بالملح مكيول -------- يا لينة يا شتلة فريع البان يا املا بنيتو عليك و عشت زمان أفكر فيهو لمن بان بقيت للحسرة و الآهات يا درة دامر المجذوب يا زينة الطالبات و يا امل السنين الفات ويا طفلي الرضيع المات إتحسرت اتبهدلت ما خليت ودمع العين نزل وكت قات لي oh too late !! ضيعني الدكتور عشا البايتات وعاد خطبوكي لزولا عريض و كبير وعلمو كتير و لابس ليهو نظارات عربيتو تسوي حي وا ليل وحافظ الكيميا في راسو و حاكي أشنابو نص رباط و عاد شغال و حالتو كويسة باني البيت رضيتو بيهو طوالي و ما قولتيلو oh too late !! ------ بعد الحصل قات لي : يا مولانا ادعو لينا معاك يجازيك الله يا فلانة ! زماني و فات و دايراني اجيب أبريقي و أتوضا و أفرش الفروة و اتمسكن و أصنقر ليكي للدعوات ؟ زمان ما كنت بدعو ليك و افكر فيك لكن الليلة بدعو عليك بركة البغدادي ود جابر و كية فيكي يا فلانة أبوك لا يرضي لا يخاطر ومما تجيبي شوط الخطبة في خشمك يعاين ليك و يحمر فيك يتكربن يشيل كرباجو يتكرب ويمسكك من طريف التوب طرفو الطويل نازل حدا العرقوب و أمك عاد تقول حي ووب و تتعارض سجمنا الليلة يا أبو فلانة !! يقول ليها يا فلانة كان عارضتيني طلقانة تقولو لا لا خليتك براك زعلان و تقعد تج و يجرك كر علي الديوان وتصرخي جآك بلا خجلة التقول شيطان لامن يسمعوا الجيران ينطوا الحوش يدقوا الباب ويطانش تقول طرشان يكسروا الباب يدخلوا عليه يقول ليهم : حلفت يمين البصلني قريب هدي السكين ! يزحوا بعيد يختوا الخمسة في الإتنين وتسمع جيت و تسمع واي و يا با كفاي عليك الله ! وتسمع جو و تسمع حي و حي حي حي و حي حي ووب ! وتسمع جيت و تسمع واي و يا با كفاي وتسمع جو و تسمع حي و حي حي ووب ! وتسمع جيت و تسمع واي وتسمع جو و تسمع حي وتسمع جيت وتسمع جو ديميعاتك يصبن جو و أمك برة تنبح هو!! وقت ينقطع سوطو و تفتري تب يملص ليكي مركوبو يقول فيك كب يمسكك طب و يكفتك طاخ ويكنكش فيك يخنقك خنقة بت الكلب!
Post: #74 Title: Re: هيئة حلمنتيش العليا Author: Mustafa Mahmoud Date: 07-26-2007, 11:29 AM Parent: #72
أقطعي أقطعي يا الجنيتي على القطع كمبيوترك ما بعرف الجمع اقطعي خلينا نبكي بالدمع اقطعي تكتر مصانع الشمع وينقص رصيد ناس الضرائب والحبايب ويا كهارب اقطعي **** أسلاكك بس بيت عنكبوت والبهبشك ما اظن يموت أقطعي خليهن يبكن البنوت وشًوفي الناس العجائب يا كهارب اقطعي *** أقطعي وخلينا بس نبقى الكبش اقطعي اسعارك ما بتنهبش اقطعي بنوًر بيوتنا بالشمش وننفك منك يا ام مقالب ويا كهارب اقطعي **** اقطعي يا ربة الحسن والجمال يا قاسية بكيتي الرجال بتصيدي في الناس بالنبال تعيشيهم في مقالب وتخربشيهم بالمخالب ويا كهارب اقطعي *** فشلتي ما قدرت واصلت المسيرة إيه فائدة البحر الدميرة والكوابل والعواميد الكثيرة دللوها واملوا بقروشها الخزائن ورجًعوا الناس للرتاين وينفكوا من كل المشاكل والمصاعب والمتاعب يا كهارب اقطعي *** أقطعي انت احوالك عجيبة أقطعي ملينا عيشتنا الرتيبة أقطعي ضلمي المدن الكئيبة وتقرًص الناس العقارب والدبايب ويا كهارب اقطعي ***
Post: #75 Title: Re: هيئة حلمنتيش العليا Author: عمار يس النور Date: 07-26-2007, 11:50 AM Parent: #72
Quote: بعد الحصل قات لي : يا مولانا ادعو لينا معاك يجازيك الله يا فلانة !
عرف يا دكتور مصطفي أعتقد إنو قصيده مولانا دي قبلها الشاعر بتاعها نشر قصيده برضو عن مولانا صاحبو ده القلب و بقي يحب و يكيس البنات
إليك نص القصيده:
مولانا قال :
مولانا قال أسد الخلا الجنجر وفار شنباتو زي عنتر
مطرشق وشو ما بنفر و لاصق لصقه في مصلاتو ما بنجر ولا بد لبده لا تيبان و لا فستان أكان أحمر أكان أصفر
و كت شروه قال و الله ما منشر واقف ساكت أتمنظر
حريف مولانا ألعب غيرها واقف ساعه ! ياهو الشــر
أكان هيمان أكان عرمان أكان عنتر تضوق الشر
يقيت تخلط بعد فرادي ما تســعر
أكنت زمان وكت تشوفها تعوم تمش بالبر و كان قعدت حداك تنتر وكان حردت بعد طولك تمش تنصر
تمرق السبحه لي مولاك تستغفــفر
و تتحصن من الجن المغطيك توب و ما فاضل غير تقول : حيييي وووب و كت تنزر و في اللكشر تقول كفاي يا ناس أمرقوني فسخني الحر و ما بقدر
أكنت زمان بي تتدشدش و جاي الليله تتهندس و تتلبس و تتملس و زي الفانتا تتلون
و تجلس في النشاط تركين و تشرب شاهي للتسخين و تشوف السمحه بي فد عين و تغض الطرف بالتانيه و تتمتــم زيــــن ! و تقول و الله كنا زمان دراويش ساهي و ما عارفين و في خلط البلوم زاهدين
و لو بالغلط قالت ليك: "هي يا مولانا بالغته" يتنحنح ، يجر الكرسي في قعداتو يتصلح يخلف كراع في كراع يخلي التانيه تتمرجح يفول في سرو: توفيق من المولى و علينا يدوم و من ما جينا للخرطوم دنانير كوم أكلنا المنقة و الانناس خليناه كدّ الدوم شراب الحلبة و الكمون و قرش البصلة بالليمون أكان موجود أكان معدوم يا مولانا يوماً شووم
عليك الله ارحم على السمحه الكساها الهم و لو تنجم و أمضي الشيك و أصرف للبنيه بريك و لو رمشه بقيت تخلط بعد فرادي بالكمشه و كت زمان أكان شافنك السمحات يقولن كرّ و كان شافنك الشينات يقولن جرّ أريت يا يابا تتدغور
أكنت زمان بتتهرب و تتعجب من السايقين بنات آوى وواقعين sub و جاي الليله تتكبكب تفتش خلطه تتدرب تركب تكس تجقلب في محاور Y و تطلع لي محاور X وتوصل تاني للإرديكس
و تقول ترتاح و عرقك يصب تشوتك واحده ضفاري و تقع أوررررب
و عاد مولانا طرشق كيف و فك الخانه
******
أنتهت هذه القصيده و بعد داك تبدا قصة نفس البنت بعد ما خطبوها و رجعت لي مولانا نفسو و قالت ليه "ادعو لينا معاك"
* مع الإحتفاظ لكل الحقوق الادبية لاصحاب هذه القصائد تحياتي
عمار يس النور عاشق بخت الرضا
Post: #76 Title: Re: هيئة حلمنتيش العليا Author: عمار يس النور Date: 07-26-2007, 12:13 PM Parent: #75
و قال ايضا :
جيناكم يا ناس عشه ناكل و نتعشى نشرب و ندشــه بالمويه نترشه كشونا جنس كشــه
و قال ايضا :
أحبها و تحبني و يحب شنطتها كتابي إذ ما شاهدتها بحلقت فيها و غرزت رمشي في الثيابِ و أطرحها إذ ما شاء حظي و عشانها أترك صحابي و نخلط بعضنا خلطاً شديداً و أنسى جوه جزمتها شرابي
* مع الإحتفاظ لكل الحقوق الادبية لاصحاب هذه القصائد
**************
تحياتي
عمار يس النور عاشق بخت الرضا
Post: #77 Title: Re: هيئة حلمنتيش العليا Author: Mustafa Mahmoud Date: 07-26-2007, 01:31 PM Parent: #76
مولانا مولانا
مولانا قال أسد الخلا الجنجر وفار شنباتو زي عنتر
مطرشق وشو ما بنفر و لاصق لصقه في مصلاتو ما بنجر ولا بد لبده لا تيبان و لا فستان أكان أحمر أكان أصفر
و كت شروه قال و الله ما منشر واقف ساكت أتمنظر
حريف مولانا ألعب غيرها واقف ساعه ! ياهو الشــر
أكان هيمان أكان عرمان أكان عنتر تضوق الشر
يقيت تخلط بعد فرادي ما تســعر
أكنت زمان وكت تشوفها تعوم تمش بالبر و كان قعدت حداك تنتر وكان حردت بعد طولك تمش تنصر
تمرق السبحه لي مولاك تستغفــفر
و تتحصن من الجن المغطيك توب و ما فاضل غير تقول : حيييي وووب و كت تنزر و في اللكشر تقول كفاي يا ناس أمرقوني فسخني الحر و ما بقدر
أكنت زمان بي تتدشدش و جاي الليله تتهندس و تتلبس و تتملس و زي الفانتا تتلون
و تجلس في النشاط تركين و تشرب شاهي للتسخين و تشوف السمحه بي فد عين و تغض الطرف بالتانيه و تتمتــم زيــــن ! و تقول و الله كنا زمان دراويش ساهي و ما عارفين و في خلط البلوم زاهدين
و لو بالغلط قالت ليك: "هي يا مولانا بالغته" يتنحنح ، يجر الكرسي في قعداتو يتصلح يخلف كراع في كراع يخلي التانيه تتمرجح يفول في سرو: توفيق من المولى و علينا يدوم و من ما جينا للخرطوم دنانير كوم أكلنا المنقة و الانناس خليناه كدّ الدوم شراب الحلبة و الكمون و قرش البصلة بالليمون أكان موجود أكان معدوم يا مولانا يوماً شووم
Post: #78 Title: Re: هيئة حلمنتيش العليا Author: Mustafa Mahmoud Date: 07-26-2007, 02:33 PM Parent: #77
بُرَّهُ ---- قالت ليهو : بتاكل الرغيف صغار..صغار..انت فار؟ قال: بقيت مجنون بقيت محتار بعد مازول طويل وعريض اكون انا فار؟ يا احلى كديسه في الدنيا عليك ربك تبلعيني وما تفضلي شي ولو دا حصل بكون يا بره اسعد فار وانطط جوه في بطنك وانقب فيها للاسرار واقيف اتامل الكبده والطوحال تقول رادار اخزن جوه في المعده وافتش لي كسره وما القى اقلب جاي دا همبيرجر؟ كمان بي جاي جلي وكستر اقلب جاى عصير منقة وكمان اصفر مصارينا عدال مستفه بي عسل ..سكر ما عامله زي كوكو ..مصارينو ملفلفه زي حبال بنبر واطير ليك فوو وفي الفشفاش واتحكر وانط طوالي جنب قلبك واشوف الدم هداك احمار ابحلق جوه في قلبك اعاين القي صورتي انا صوره الفار هه يا عالم دا ما سبب البلع ذاتو اقول يا بره خارجيني تقول لي نو بحبك يا خى خارجيني تقول لي ناو وتتوكل تتطلعني من اجمل فيلا واحلي سجن يمين من جوه فيها بطن مفرهده زى زهور الفل بتحمل نكهه النعناع مطعمه بي طعم لبتون وفيها نسيم بجيك بارد مكندشه .. بس تقول هلتون دا من جوه ومن برا تحلف بس تقول يا زول بس واحد .. شال ليهو حبل وربطو في القمر جرا ولما تجي وهناك تقعد تقوم من تاني تنفرا اطول وتاني انصرا واشوف الخاش ماش برا واحس بي قلبي فرر..فرا سجنتيني؟؟ ما بنساك واتخلا حت لو الزمن عاند وحت لو السهم جلا بموت فيك موت لانك انت افريقيا وانا البهواك مانديلا
Post: #79 Title: Re: هيئة حلمنتيش العليا Author: Mustafa Mahmoud Date: 07-26-2007, 06:33 PM Parent: #78
Post: #80 Title: Re: هيئة حلمنتيش العليا Author: Mustafa Mahmoud Date: 07-26-2007, 08:34 PM Parent: #79
وفجأة في لحظة حصلت كبسة زي ما تقول البيت انهد الجو اتلغم فال اتسمم وصل الكومر شكله يخوف نزل امباشى معاه الأورطة عملت سد وجاط الموقف سيد بشبش ضرب اللخمة ربط الساعة مكان الجزمة لبس الجزمة فاكرها عمة لف العمة محل الساعة جذب قفطانه رمى الشماعة فكر ينط من فوق للحيطة تلب توف جوه البلاعة جوه الكومر بالبوليس الناس شحنوها البتباكى والبتوجع والبتعذر والبتشفع الضحكات باهتة وفي نص الكومر كان متمحن سيد شبشب ماسك سبحته مرة يقحقح ومرة يسب مشغول بأولاده وحاجة نفيسة وناس المكتب كيف القصة هناك بحكوها وكل ما مرمر تبسم ليه يسب للمنقة ويوم زرعوها
سيد بشبش
Post: #83 Title: Re: هيئة حلمنتيش العليا Author: Mustafa Mahmoud Date: 07-27-2007, 07:55 AM Parent: #80
قصيدة حلمنشية صاغها الشاعرالدكتور / ع. م. خ عندما رسبت احدى جميلات امدر فى الجامعة وتم فصلها من الجامعة يا سيدة لا فايتانا وين مستعجلة الجامعة بعدك كوم رماد لا فيها طب لا صيدلة غلطات كتيره الكمبيوتر بعملها يمكن نسي ويمكن سهي وجاط النمر من أوله ما قالو بعرف كل شئ ليه ما عرف ست الحلاه فايتانا وين مستعجله القمره وكتين أختفت روحنا ليها بنسأله قلنالها ليه يعني الغياب؟ ساعة الضلام أيه طولها قالت خلاص بأرضكم مالي صله وفي شان سيده كت بجي للديار وأجملها فايتانا وين مستعجله
Post: #84 Title: Re: هيئة حلمنتيش العليا Author: Mustafa Mahmoud Date: 07-27-2007, 10:47 AM Parent: #83
عايز أكون منك قريب ..
أي حاجة قريبة منك
أبقى تاكا وتبقي كسلا ..
أبقى حلة وتبقي بصلة
وتحرقيني ,,,
وما مهم لو تحرقيني ...
بس مهم شوفة عيونك !!
Post: #85 Title: Re: هيئة حلمنتيش العليا Author: Mustafa Mahmoud Date: 07-27-2007, 07:42 PM Parent: #84
البت سيوبر بت دي عاملة البت سيوبر بت= دي بت مكياج رسم برجل دي لما اشوفـا راسي بلف=وكل اموري تتبرجـــــــل واقرب بالمغص انشـــــقا=اكان ما الحلبة والحرجــل دي تمضغ في اللبانة تطق=طق طرق اصلو ما بتخجل وتلبس بنطلون الجينــــز=فنيلة cut وتتــــــــقدل دي مالا ومال ملي الازيار=ونقل الموية بالجــــــردل وقش الحوش وفرش الدار=تبشتن روحا تتبــــــــهدل دي ناوية تحج تزور باريس=وبي بوب مارلي تتوسل دي مايكل عامله ليها رسول=تقوم تعصاهو!! ما بحصل سيوبر بت ده لغز غميس=دحين شوفولو حالاً حل
Post: #86 Title: Re: هيئة حلمنتيش العليا Author: عمار يس النور Date: 07-27-2007, 09:30 PM Parent: #85
تمام يا دكتور
إستمر في هذا الحلمنتيش
و ح أرجع ليك بقصائد ح تحيرك و تعجبك شديد
تحياتي
عمار يس النور عاشق بخت الرضا
Post: #87 Title: Re: هيئة حلمنتيش العليا Author: Mustafa Mahmoud Date: 07-28-2007, 06:39 AM Parent: #86
تمام يا دكتور
إستمر في هذا الحلمنتيش
و ح أرجع ليك بقصائد ح تحيرك و تعجبك شديد
تحياتي
عمار يس النور عاشق بخت الرضا dear amar thank you we are all waiting
keep the good work
Post: #88 Title: Re: هيئة حلمنتيش العليا Author: Dr. Ahmed Amin Date: 07-28-2007, 06:56 AM Parent: #1
دكتور مصطفى
تشكر كتير وكتر الله خيرك على القصائد المعبرة والمفرحة
وحقيقى كثير من الشعر الحامنتيشي تعالج مشاكل أجتماعية
بقالب محبب ..
تشكر على فكرة البوست الموفقة ..
أحمد
Post: #89 Title: Re: هيئة حلمنتيش العليا Author: Dr. Ahmed Amin Date: 07-28-2007, 07:18 AM Parent: #1
منقول من موقع " سودانتوب "
يا طبيبة
يا اللي ريدك فيني طبعة .... يا المكسرة فيني ضلعة يا البجيك في الجامعة دايش .... يوم خميس ألقاه جمعة
يوم أشوفك ... قلبي ينتف .... عرقي ينزف وابقى اشوفك سبعة سبعة " أصلو ريدك جاني فجأة " .... وأدى لي صنقوري كبعة
عل بس شيليها مرة .... وابلعيها كالجاتوه خليهو يسأل جوة يسأل .... والبيسأل ما بتوه ولما جات المعدة تهضم .... قيل مهلاً اتركوه أنه لا يطلب شيئاً إنه قلبُ ُ متيم .... جاء يسأل عن أخوه
******* قد سألتك لا تجافي .... إنه حب خرافي ما بسيبك .... كان بترضي وكان تخافي ما بسيبك كان رضيتي وكان أبيتي كان وقعتي .... وكان جريتي كان عقب طلعتي زيتي
ما بسيبك .... كان خلطتي الأمة جملة كان طلبتي المهر عملة وإن طلقتي علي نملة
ما بفوتك إنت ملي كان بترضي وكان تملي ما بفوتك إنت للي
إنتي أقري .... وكل معلومة بتفيدك يا حلاوة المايكروبايو .... جاري في موية وريدك كل جرثومة بتريدك .... صارو هيلك من عبيدك وإنتي للباثولوجي تقري .... أصلو شيتاً دمو بقري علة جنبك يبقى ساهل .... وفيهو تجري
العلاج جاهز في إيدك من سنين العلاج يا انتي آخذ حقنة حُب أو حبتين من عيونك .... من كلامك .... كلو ريحة بنسلين واشفى من كل المواجع .... وأبقى زين
Post: #90 Title: Re: هيئة حلمنتيش العليا Author: Mustafa Mahmoud Date: 07-28-2007, 09:05 AM Parent: #89
تبقي حيطه ابقى طوبه تبقي روسيا ابقى كوبا تبقي جمباظ ابقى هوبا تبقي غنمايه ابقى لوبه تبقي فاطمه ابقى زوبه ابقى راس هي تبقي قوبه ألميني وعوريني وبشتنيني وزهجيني ومامهم هي عوريني بس مهم شوفت عيونك وابقى اي حاجه قريبه منك
Post: #91 Title: Re: هيئة حلمنتيش العليا Author: Mustafa Mahmoud Date: 07-28-2007, 09:32 AM Parent: #90
تلفي يمين أجيك بشمال تلفي شمال أجيك بيمين
تمري امام ، اجيك بالخلف تمري خلف أجيك باك ورد
و ياني صعب و ياني كعب و ياني الما مفارقك تب و ياني اللصقه ماسك كب
و ياني الحقنه بت الكلب
بسهر بعيد عنك مجافي الناس و متلوم
عشان ما ليكم اتودد
اقول اقدم علي داركم أخاف من شوفتك اتردد
هلاويسا تشد قلبي
دي لا بتتحاش و لا بتتلم و لا بتتحد
أدق الباب و أقيف جنبو وقوف الضيف و اترصد
تجي فلانه تفتحو لي
يقول ليك كررررررررررر
و راك الباب يقول ليك صرر
و طق إنسد قول الليله يا بختي أظن الليله يومي سعد أشوف الاصلو ما بنشاف أشوف القمره إتجلت و إتجلت ، و إتجلت و إتجلت و إتجلت ......(20 مره) و فات الحد
بهر عيني جمال الزول زوق الزول غلاوة الزول حلاوة الزول و دل الزول و دلال الزول و جمال الزول و كمال الزول و آآآآآآآآآآآآآآآآخ يا زول
أفكر أقوم ، تقول لي : لا لا ما تمشي يا محمد يعطر جوي ريحه الند و زولك و قعد و إسطورة ابو الدرداق بقت جدد
أبحلق عينيا زي زولا غرق في عبادتو و إتهجد
أعض طرفي و أقرأ الفاتحه في سري
أقول يا فلانه أريت عين الحسود تنقد أكان شافك و بحلق فيك و ما أتشهد
Post: #92 Title: Re: هيئة حلمنتيش العليا Author: Mustafa Mahmoud Date: 07-28-2007, 11:49 AM Parent: #1
باص السرور محبونا يا باص السرور قدامو نور ووراهو نور شاسيهو مليان بالرقع فوق الكسور جابو الحجاب من شيخ فلان فوق بابو راسمين الزهور دخانو زي قطر البخار والريحة زي صندل بخور سواقو ما ولداً حريف عشقلو بالترس الخفيف خلاهو يتخطا الطيور عفص الابنص خلا الغبار عامل جسور دكاها شارات المرور ركابو يوصلو بي عجل مرات يوصلن القبور لو مرّ ناحية ام غمد قالو ام غمد فيها الكجور عامل مزار البص ده في بطنو بالع ناس حرم في ضهرو شال سوسو ونزار البص ده قام نصت نهار
Post: #93 Title: Re: هيئة حلمنتيش العليا Author: Mustafa Mahmoud Date: 07-28-2007, 02:14 PM Parent: #92
سموك ندى قلتي ليّ سموك ندى!؟! وده منو السمّاك ندى؟ ده أكيد أبوك إنعل كِدة! فيك شنو يسمّك ندى!؟ في صوتك أتخن مننا إضنين كُبار زي دِشّنا وتقولي ليّ سمّاك ندى! خشمك ده ريحتو معفّنة ايدين كبار حقات بُنى وتقولي لي سمّاك ندى!؟ المشية كتّاحة وعلال كرشك تقول شايل جَنى وتقولي لي سمّاك ندى!؟ قالت لي "ها هدى في البطاقة إسمي ندى" شوف يا أخ.. مافيش علاقة بينك وبين ندى خلّيها ندى .. خالت قريبة جارت صديقة ناس ندى ما فيش علاقة ندى في العيون أكحل مجعّد مسوّدة انتي العيون فوقن قضى ندى في الحواجب زي هلال قصة نصوم دي مؤكدة! انتي الحواجب دلجة بس قلم الحواجب هاردها وتقولي لي سمّاك ندى!؟ ندى تبتسم آلالاف مؤلفة تسعدها وانتي الخشم شارّة التلاليش بس طبق ومغطّي صينية الغدا ندى في الوشيش نظرك بشيش.. ما يعقّدها وانتي الوشيش وش الجحيش نخرين كُبار كُرعين ردا وتقولي سمّاك ندى! قاتلي "آي أنا إسمي ندى" شوفي أوعك تقولي اسمك ندى ندى ما بس الاسم ندى الجمال زايد الأدب زايد العلم زايد الفهم ندى في الجمال ما شُفنا أجمل من كِده ندى في الدلال خصّاها بيو رب العباد حين أوجدها ندى في الأدب .. ربّوها بيو رجال ياكلو النار مولّعة موقدة ندى في الكلام طبيعي صوتا بيجيب صدى ندى في "البزاغ" .. شربتي "سفن أب" ياهو ده ! وتقولي لي سمّاك ندى!
Post: #94 Title: Re: هيئة حلمنتيش العليا Author: Mustafa Mahmoud Date: 07-28-2007, 06:18 PM Parent: #93
بعد الحصل قات لي : يا مولانا ادعو لينا معاك يجازيك الله يا فلانة ! زماني و فات و دايراني اجيب أبريقي و أتوضا و أفرش الفروة و اتمسكن و أصنقر ليكي للدعوات ؟ زمان ما كنت بدعو ليك و افكر فيك لكن الليلة بدعو عليك بركة البغدادي ود جابر و كية فيكي يا فلانة أبوك لا يرضي لا يخاطر ومما تجيبي شوط الخطبة في خشمك يعاين ليك و يحمر فيك يتكربن يشيل كرباجو يتكرب ويمسكك من طريف التوب طرفو الطويل نازل حدا العرقوب و أمك عاد تقول حي ووب و تتعارض سجمنا الليلة يا أبو فلانة !! يقول ليها يا فلانة كان عارضتيني طلقانة تقولو لا لا خليتك براك زعلان و تقعد تج و يجرك كر علي الديوان وتصرخي جآك بلا خجلة التقول شيطان لامن يسمعوا الجيران ينطوا الحوش يدقوا الباب ويطانش تقول طرشان يكسروا الباب يدخلوا عليه يقول ليهم : حلفت يمين البصلني قريب هدي السكين ! يزحوا بعيد يختوا الخمسة في الإتنين وتسمع جيت و تسمع واي و يا با كفاي عليك الله ! وتسمع جو و تسمع حي و حي حي حي و حي حي ووب ! وتسمع جيت و تسمع واي و يا با كفاي وتسمع جو و تسمع حي و حي حي ووب ! وتسمع جيت و تسمع واي وتسمع جو و تسمع حي وتسمع جيت وتسمع جو ديميعاتك يصبن جو و أمك برة تنبح هو!! وقت ينقطع سوطو و تفتري تب يملص ليكي مركوبو يقول فيك كب يمسكك طب و يكفتك طاخ ويكنكش فيك يخنقك خنقة بت الكلب!
Post: #95 Title: Re: هيئة حلمنتيش العليا Author: Dr. Ahmed Amin Date: 07-29-2007, 06:31 AM Parent: #1
Post: #96 Title: Re: هيئة حلمنتيش العليا Author: salma subhi Date: 07-29-2007, 06:40 AM Parent: #95
الأستاذ الفاضل مصطفى محمود متابعة و مرور لالقاء السلام
كل التقدير
Post: #97 Title: Re: هيئة حلمنتيش العليا Author: Mustafa Mahmoud Date: 07-29-2007, 07:18 AM Parent: #95
thank you dr Ahmed
we look for more
Post: #98 Title: Re: هيئة حلمنتيش العليا Author: عمار يس النور Date: 07-29-2007, 11:18 AM Parent: #97
يا دكتور
رجعت ليك بقصيده جنونيه جميله للمتجهجه الأمممي :
يا الله حي ياني الزمان البحكو بي و الليله عاد جني القديم فار ، قام عليّ
بطلع في راس البيت نهار أعرض أتور في العلال أسمع طبول بتدق لي دق دق ددق يا الله حق طق طق ططق الحيطه سالمه و مافيها شق تل تل تتل حجاره تقع من راس جبل كر كر كرو الكيتا ضاربه و خالقه جو و دق دق ددق حداد يسمكر في حُقق و دق دق ددق البت رموشا تقول درق شبه الQueen بت الورق لمحا الوليد بالكولا قرقر و إنشرق لبعوه زي زول إنخنق
أكل السجار الشيالو ني يا الله حي فارس هلال ولداً صِبيّ ضكران يفوح دخان تمام ولداً شِقيّ بينادي لي : أعمل صفا ضم إنتباه قم راقداً أرقد قيام قم بس كفــا أمرق جري و كيف اوصفا البت دي تب ما بعرفا بعرف رموشا اللاعبه بي كان مته فجأه منو البقوم يردح علي الفاتحه لي ... الفاتحه لي
* مع الإحتفاظ بالحقوق الأدبيه لأصحاب هذه القصائد الحلمنتيشية
تحياتي
عمار يس النور عاشق بخت الرضا
Post: #99 Title: Re: هيئة حلمنتيش العليا Author: عمار يس النور Date: 07-29-2007, 12:10 PM Parent: #98
أمسك عندك كمان،
المتجهجه الأممي يتغزل في بت سستر :
أنا العيان حرارتي الضاربه في متين و لا بنفع بخور تيمان و لا بتنزل بي نوفلجين رقدت سنين
سريري تعب مركب في وريدي درب جحر عيني يدخل فارة أم سي سي أجر نفسي بالسيسي تقول مخنوق مصنقع فوق و كل ما يوم بيشيلو الدم يذيدوا الهم يقولوا مقاسوا طالع كم و طالع كم و انا الساكت وغالبني محل ما اشوقك أتكلم و ما بسلم و حاتي البلي و الشمبر أكان قمت بفع في السلم أتكسر عشان تظهر تمر بي سراير العنبر و تأخد نبضي بت سستر
عيونا الذي عيونا براها تطعن بالإبر مرضاها و إبره ريكو في منديل و ما بتتعب تكركب في البلاط كركب و قلبي يدق يسوي رب .. رب و نارو الليله تتعلب ده عنبر كم ... و شايل كم و دكاترتو كم ... و فت سستر حايمه براها في السنتر تجهجه في خلايق الله و أنا العيان حرارتي المابيه تتدله أدوش دوشه أهضرب هضربه زولاً رقد في برش و خته رويسو في بنبـر و لمن الناس تقول هستر و تتغالط: أظن هستر ! أظن دستر ! أظن باميه و أظن كستر أظن شيزو ... و أظن أكتر أدق الطار و أتحكر أدوبي ... أشكر السستر و أوصف في بنات آوى كضب كان قالوا بداوى و آخر المداوه الكي و ما أظن ذاتو ينفع في
أتوه كل ما العيون ترمش و كل ما السلسلة تكش كش أزوق أضاره في الكلدور أخضر لابسه بقت نور و خاته الكاب على جنبه و راشه الريحه فايحه زهور تموت كرعي و أقع و أزحف وراك طرطور عشان أرتاح عليك الله .... تفجخي راسي بي ساطور
************************************
تحياتي
عمار يس النور عاشق بخت الرضا
Post: #100 Title: Re: هيئة حلمنتيش العليا Author: Mustafa Mahmoud Date: 07-29-2007, 12:51 PM Parent: #99
الله حي ياني الزمان البحكو بي و الليله عاد جني القديم فار ، قام عليّ
بطلع في راس البيت نهار أعرض أتور في العلال أسمع طبول بتدق لي دق دق ددق يا الله حق طق طق ططق الحيطه سالمه و مافيها شق تل تل تتل حجاره تقع من راس جبل كر كر كرو الكيتا ضاربه و خالقه جو و دق دق ددق حداد يسمكر في حُقق و دق دق ددق البت رموشا تقول درق شبه الQueen بت الورق لمحا الوليد بالكولا قرقر و إنشرق لبعوه زي زول إنخنق
thank you very much amar
Post: #101 Title: Re: هيئة حلمنتيش العليا Author: Mustafa Mahmoud Date: 07-29-2007, 04:50 PM Parent: #100
المتجهجه الأممي يتغزل في بت سستر :
أنا العيان حرارتي الضاربه في متين و لا بنفع بخور تيمان و لا بتنزل بي نوفلجين رقدت سنين
سريري تعب مركب في وريدي درب جحر عيني يدخل فارة أم سي سي أجر نفسي بالسيسي تقول مخنوق مصنقع فوق و كل ما يوم بيشيلو الدم يذيدوا الهم يقولوا مقاسوا طالع كم و طالع كم و انا الساكت وغالبني محل ما اشوقك أتكلم و ما بسلم و حاتي البلي و الشمبر أكان قمت بفع في السلم أتكسر عشان تظهر
Post: #102 Title: Re: هيئة حلمنتيش العليا Author: Mustafa Mahmoud Date: 07-29-2007, 04:54 PM Parent: #101
عشان تظهر تمر بي سراير العنبر و تأخد نبضي بت سستر
عيونا الذي عيونا براها تطعن بالإبر مرضاها و إبره ريكو في منديل و ما بتتعب تكركب في البلاط كركب و قلبي يدق يسوي رب .. رب و نارو الليله تتعلب ده عنبر كم ... و شايل كم و دكاترتو كم ... و فت سستر حايمه براها في السنتر تجهجه في خلايق الله و أنا العيان حرارتي المابيه تتدله أدوش دوشه أهضرب هضربه زولاً رقد في برش و خته رويسو في بنبـر و لمن الناس تقول هستر و تتغالط: أظن هستر ! أظن دستر ! أظن باميه و أظن كستر أظن شيزو ... و أظن أكتر أدق الطار و أتحكر أدوبي ... أشكر السستر و أوصف في بنات آوى كضب كان قالوا بداوى و آخر المداوه الكي و ما أظن ذاتو ينفع في
أتوه كل ما العيون ترمش و كل ما السلسلة تكش كش أزوق أضاره في الكلدور أخضر لابسه بقت نور و خاته الكاب على جنبه و راشه الريحه فايحه زهور تموت كرعي و أقع و أزحف وراك طرطور عشان أرتاح عليك الله .... تفجخي راسي بي ساطور
Post: #103 Title: Re: هيئة حلمنتيش العليا Author: Mustafa Mahmoud Date: 07-30-2007, 04:34 PM Parent: #102
و أذكر نجوى إذ ما طال شوقي
و أصرخ قائلا .. يا نجوى أحييييييييييييي
و أذكر نجوى في زحمات بص ٍ و أنا متشعلقاً رافعا يدي
و أذكر نجوى في صف الرغيف ِ إذ ما الوقفة هدت ركبتي
و أذكر نجوى إذ شاهدت لحما ً
و إني قد عشقت اللحمَ ####
Post: #104 Title: Re: هيئة حلمنتيش العليا Author: Mustafa Mahmoud Date: 07-31-2007, 07:15 AM Parent: #103
قصيدة حلمنشية صاغها الشاعرالدكتور / ع. م. خ عندما رسبت احدى جميلات امدر فى الجامعة وتم فصلها من الجامعة يا سيدة لا فايتانا وين مستعجلة الجامعة بعدك كوم رماد لا فيها طب لا صيدلة غلطات كتيره الكمبيوتر بعملها يمكن نسي ويمكن سهي وجاط النمر من أوله ما قالو بعرف كل شئ ليه ما عرف ست الحلاه فايتانا وين مستعجله القمره وكتين أختفت روحنا ليها بنسأله قلنالها ليه يعني الغياب؟ ساعة الضلام أيه طولها قالت خلاص بأرضكم مالي صله وفي شان سيده كت بجي للديار وأجملها فايتانا وين مستعجله
Post: #105 Title: Re: هيئة حلمنتيش العليا Author: عمار يس النور Date: 07-31-2007, 10:17 AM Parent: #104
دكتور مصطفى سلام،
أمسك دي من بيت الكلاوي:
تغشي علينا بي بسمه و تخلي عقولنا مشطوبه و تصدي و تنسي يا إنتِ و راكي دموعنا مسكوبه و كيفن تنسي إنسانا قلب في حبكم هوبه صبح أطرش وسط زفة صبح في إيدك إلعوبه يشوفك يقعد إتراجف تقول بالله راكوبه يساهر الليل يبيت ممكون تقول متعشي بي لوبه ده من ما سمع الخبر في الحي و قالوا ليه مخطوبه درع طاقيتو في كراعي لبس نعلاتو مقلوبه و قع في الواطه تقول لابعنو بي طوبه
** مع الإحتفاظ بالحقوق الادبية لشعراء هذه الروائع الحلمنتيشية
تحياتي
عمار يس النور عاشق بخت الرضا
Post: #106 Title: Re: هيئة حلمنتيش العليا Author: Safia Mohamed Date: 07-31-2007, 03:02 PM Parent: #104
قصيدة حلمنشية صاغها الشاعرالدكتور / ع. م. خ عندما رسبت احدى جميلات امدر فى الجامعة وتم فصلها من الجامعة يا سيدة لا فايتانا وين مستعجلة الجامعة بعدك كوم رماد
لا تنفع آداب لا اقتصاد
لا فيها طب لا صيدلة غلطات كتيره الكمبيوتر بعملها يمكن نسي ويمكن سهي وجاط النمر من أوله ما قالو بعرف كل شئ ليه ما عرف ست الحلاه
لو كان عرف كل النمر كان عدلها وعشان عيونك يا ... كان خت اسمك أولا
Post: #107 Title: Re: هيئة حلمنتيش العليا Author: Safia Mohamed Date: 07-31-2007, 03:04 PM Parent: #104
قصيدة حلمنشية صاغها الشاعرالدكتور / ع. م. خ عندما رسبت احدى جميلات امدر فى الجامعة وتم فصلها من الجامعة يا سيدة لا فايتانا وين مستعجلة الجامعة بعدك كوم رماد
لا تنفع آداب لا اقتصاد
لا فيها طب لا صيدلة غلطات كتيره الكمبيوتر بعملها يمكن نسي ويمكن سهي وجاط النمر من أوله ما قالو بعرف كل شئ ليه ما عرف ست الحلاه
لو كان عرف كل النمر كان عدلها وعشان عيونك يا ... كان خت اسمك أولا
شكرا دكتور: انا اضفت سطرين لكن افتكر لسع ناقصة صفية البيطرية سابقا
Post: #108 Title: Re: هيئة حلمنتيش العليا Author: Mustafa Mahmoud Date: 07-31-2007, 05:28 PM Parent: #107
تغشي علينا بي بسمه و تخلي عقولنا مشطوبه و تصدي و تنسي يا إنتِ و راكي دموعنا مسكوبه و كيفن تنسي إنسانا قلب في حبكم هوبه صبح أطرش وسط زفة صبح في إيدك إلعوبه يشوفك يقعد إتراجف تقول بالله راكوبه يساهر الليل يبيت ممكون تقول متعشي بي لوبه ده من ما سمع الخبر في الحي و قالوا ليه مخطوبه درع طاقيتو في كراعي لبس نعلاتو مقلوبه و قع في الواطه تقول لابعنو بي طوبه تغشي علينا بي بسمه و تخلي عقولنا مشطوبه و تصدي و تنسي يا إنتِ و راكي دموعنا مسكوبه و كيفن تنسي إنسانا قلب في حبكم هوبه صبح أطرش وسط زفة صبح في إيدك إلعوبه يشوفك يقعد إتراجف تقول بالله راكوبه يساهر الليل يبيت ممكون تقول متعشي بي لوبه ده من ما سمع الخبر في الحي و قالوا ليه مخطوبه درع طاقيتو في كراعي لبس نعلاتو مقلوبه و قع في الواطه تقول لابعنو بي طوبه
Post: #109 Title: Re: هيئة حلمنتيش العليا Author: Mustafa Mahmoud Date: 07-31-2007, 09:43 PM Parent: #108
+++++++++++++
Post: #110 Title: Re: هيئة حلمنتيش العليا Author: Safia Mohamed Date: 08-01-2007, 12:10 PM Parent: #109
وين ال +++++++++++++++++++++++++++ يا دكتور منتظرين؟????????????????????????????
Post: #111 Title: Re: هيئة حلمنتيش العليا Author: Mustafa Mahmoud Date: 08-01-2007, 07:10 PM Parent: #110
Safia Mohamed وين ال +++++++++++++++++++++++++++ يا دكتور منتظرين؟????????????????????????????
just tell us what you want
we will be very happy to oblige if we can
thanks
Post: #112 Title: Re: هيئة حلمنتيش العليا Author: Mustafa Mahmoud Date: 08-01-2007, 09:24 PM Parent: #111
شفتك يوم عجبتيني قلت اقول أنا الفي أولي داير اخطب ده ما معقول !! بقيت ساكت و فرحان بيكي احدث زول و أدس من زول دا عادا حبا أصيل و عريق لف و دار عليهو الحول لكن صحيح الدنيا ما بتصفي و تروق للزول لو ربطوا المعاك محلول أتقدم و اتراجع و اتردد لمن حصل محصول إتمحن وقف فكر مشلول قليبي المكيل بالملح مكيول
--------
يا لينة يا شتلة فريع البان يا املا بنيتو عليك و عشت زمان أفكر فيهو لمن بان بقيت للحسرة و الآهات يا درة دامر المجذوب يا زينة الطالبات و يا امل السنين الفات ويا طفلي الرضيع المات إتحسرت اتبهدلت ما خليت ودمع العين نزل وكت قات لي oh too late !! ضيعني الدكتور عشا البايتات وعاد خطبوكي لزولا عريض و كبير وعلمو كتير و لابس ليهو نظارات عربيتو تسوي حي وا ليل وحافظ الكيميا في راسو و حاكي أشنابو نص رباط و عاد شغال و حالتو كويسة باني البيت رضيتو بيهو طوالي و ما قولتيلو oh too late !!
Post: #114 Title: Re: هيئة حلمنتيش العليا Author: Mustafa Mahmoud Date: 08-02-2007, 06:33 PM Parent: #112
شوفو الجهجهة دي
دينا غريبة ناس ضايقاها ماكنتوش وناس دافساها صحنين بوش ناس نادوها ناريمان نهى وإيمان نزار هيثم أسامي رشوش وناس نادوها يا كلتوم ويا فطوم وود بعشوم أبو طربوش أسامي بروش ناس في الحب بتدخل توش بدون تقديم بدون تلميح معاها قروش شبح موديل سنة ألفين بيملى الحوش وناس بتريد بكاها يزيد وما بتوصل دوام يدوها بالشاكوش عشان تعبان مفلس تب ما عندو ماكنتوش وتسمع لب و لب لب لب وراسو يدوش ويبقى عموش يقولوا عليهو شهيد في الحب ومات مغشوش وحالي البي أصبح كيف ده من شفتك غشاني خريف مطر من جسمي نازل شو ويوم سيرتك يجيبوها أبقى أخاف أكون رجاف بدل رفدور أرش بف باف قميصي الساوي لي غلبة مسكتو لبستو بالقلبة أدور أنضم أتمتم زين أمرق الكلمة من علبة واتلخبط كراع جزمة واعاين التانية ألقى شبط وأكون ملخوم .. أشوف سنير .. أقول برلوم أمش شمبات .. أقول أم دوم أشوف شندي .. أقول خرطوم أقلب الحال .. ليلي سهر .. صباحي أنوم واحلم يوم تكوني معاي ونطلع في مكاناً هاي تشربي كولا واقعد ساي أتوه واسرح وانم دوباي وا أسفاي وا أسفاي على قلبي الصبح بكاي وشن بنسوي لما نشوف قمر ضواي يطلق النار يشع جواي ويبقى مناي .. أعاين ليك صباح ومسا واجر السبحة أقول مدحة سراي سراي مناي ألقاك يا السمحة مناي تجودي بي عينيك فد لمحة ولمن تلبسي الطرحة .. تصاب معدتنا بالقرحة ويجربوا فينا كل علاج : هستامين .. كلوركوين ده لا ينفعنا إنتستين ولا يشفينا درب كينين وما عارفين إنو علاجنا كافلجين وكافلجين علاج لكل مرض خطري علاج للبشري والبطري وأشوف قدري أكان حبيت وشاع خبري أكان كفت الهموم كفري وقبل أموت .. أقول كلمات أوصي بدفني في الأحفاد ويبقى فراشي في شمبات
Post: #115 Title: Re: هيئة حلمنتيش العليا Author: Mustafa Mahmoud Date: 08-02-2007, 06:40 PM Parent: #114
سماحتك عقّدتني عديل
أعاين ليك دموعي تسيل
أكُر في الحمدو عشرين مرّة
وأقرى معاها سورة الفيل
ولمن تمسكي المنديل وتمسحي بيو كحل عينيك
لمّي الدمعة فوقوا تسيل
أعاين في عيونك ديل
وأقول أريتني كان منديل
ما بنفع كلام يا ريت
نوعي ده ما شَبَه منديل
ملامحي قريبة للصارقيل!
كيفن بس أكون منديل
ولمّا تقومي منعدلة
وتقدلي ليك كم قدلة
أفنجط بي وراك ســــــــــــاي
التقول سخلة
أعاين وأقول هَمَلة
وحلاة القدلة في أهلها
حليوه وتمشي بي جَهلها
وتتقصّد مشي الأصلة
Post: #116 Title: Re: هيئة حلمنتيش العليا Author: Mustafa Mahmoud Date: 08-02-2007, 06:54 PM Parent: #115
حــبــيـــبـــتـــي I love you ومـــــن حـــبـــك I shall die مــن شِــدّة مـــا إنـــتِ beatiful شــعــري الــفــي راســــي fly I see فـــــي عــيــونــك sea I can't swim بــــــــــــراي when I see you فـــــــي الـroad going to the shop بــــي جــــاي cutting the زلــــــــــــــط on foot with shoes small and high I don't know what I can do I can't believe my eye سـمـاحـتـك عـقّـدتـنـي عــديــل أعـايـن لـيــك دمـوعــي تـسـيـل أكُـر فــي الحـمـدو عشـريـن مــرّة وأقــرى معـاهـا ســـورة الـفـيـل ولمن تمسكي المنديل وتمسحي بيو كحل عينيك لـمّـي الـدمـعـة فـوقــوا تـسـيـل أعـايــن فـــي عـيـونـك ديـــل وأقــول أريتـنـي كـــان مـنـديـل مــا بنـفـع كــلام يـــا ريـــت نـوعـي ده مـــا شَـبَــه مـنـديـل مـلامـحـي قـريـبـة للـصـارقـيـل! كـيـفـن بـــس أكـــون مـنـديـل ولــمّــا تـقـومــي مـنـعـدلــة وتـقـدلـي لـيــك كـــم قــدلــة أفـنـجــط بــــي وراك ســــاي الــتـــقـــول ســـخـــلـــة أعــايــن وأقـــــول هَـمَــلــة وحـــلاة الـقـدلـة فـــي أهـلـهـا حلـيـوه وتـمـشـي بـــي جَهـلـهـا وتـتـقـصّـد مــشــي الأصــلــة وأنــا الفجـغـونـي بـــي عَـدلــة أنــا الـيـادوب فــي دنـيـا الـريـد منـاي يــا رب ســلام فــي الإيــد عـيـونـك زي عـيــون الـصـيــد كُـبــار زي خــــروف الـعـيــد تـكـهـربـي بـيـهــا خــلــق الله ونـوعـي ده عــاد جنـونـو يـزيــد وأقـول يـا رب تسلّـم لــي أو سـاكـت تأشّر لـي، وكـان غمـزت ده يـوم العيـد وعينـيـك طالـعـا بينـهـا طـــوّاف لا الـكـبـكـابــة لا الـــرجّـــاف تـقـول رشّـونـي بـــي البـفـبـاف يــجــيــنــي رعــــــــاف وأقـعـد ألــف، عـيـونـي تـــرِف وأقـول أكيـد ده أثـر فـطـور الـفـول لـمــنّ تضـحـكـي فـــي نُـكـتـه التـقـول لبـعـونـي بـــي شـنـطـة وأكــب فــوق العـصـيـر شـطّــة وأقـرطـع مـــا أسـيــب نُـقـطـة وأقـول "يـا ســلام عصـيـر لُقـطـة" وإنتِ تقولي"بالغت وشربت الشطّة يـا إنـتَ" مالها الشطّة، مـا شربـات عصيـر كُفتـه عصـيـر جـركـان مـــن الـدُكّــان يـتـرشّـه فـــي صـحــن فـتّــة مـــا مـهــم شـرابــي الـشـطـة والـمـهــم الـكـلـمـة "بـالـغــت " و "شـربـت الشـطّـة يـــا إنـــتَ"
Post: #117 Title: Re: هيئة حلمنتيش العليا Author: Mustafa Mahmoud Date: 08-02-2007, 06:59 PM Parent: #116
القمر بوبا عليك خفيف القمر بوبا عليك خفيف القصيرونة مدردمـــــا الاصلو شينة ومتقرضما لو تكالمك ما بتفهما ديمة زعلانة مطرمـــــــا العيونة قراب للعما اي شي في البيت يدكما القديمة قديم البعام ما بتمشي الكيلو في عام طرشا ما بتعرف الكلام كل يوم تشكي من الزكام واليشوفة يقول ياسلام ام وجيها زي السجم المحبتها تجلب الالم في مشيها تحاكي الرخم اليشوفها يمسكو الرخم يقول هل دي انسان يا زعم العجوزة ومتعكننة ديمة بي روحا مشركنا تجلب الشر لي بلدتا يخس للام الجابتا في خلا العتمور ولدتا بالصعوط مليان حقتا ترمي صقر الجو سفتا ياخي بوصف ليك خلقتا زي جبنة الطين صلعتا زي ظلام الليل بسمتا ترعب التمساح نظرتا امر من الحنظل كلمتا تصحي سابع جار شخرتا في المجالس بي سمعتا بورت بنوت حلتا المكرشة من غير ضمير واقفة فوق بير تسقي الحمير التنظف في التناقير لابسة دمور ماركة غفير والرقيبة سنتميتر ام قواما متكي ونحيف الرجولها تقول مقاديف راسها افراق مالا الشنيف فيها وقة ونص شلاليف تمشي خطوة وتفتر تقيف لو لقيتها تقول يالطيف الفيفيق الاصل ني راقدة فوق الكلمة ام قفي الكلامة يجيب لك الكي مارضة اهلها وساويلهم الكي يوم تشوفها تقول يالله حي الديوان الماهو معروش لا برندة ولاعندو حوش بي ودك عجالي مرشوش فيهو ساكنة ام عينا عموش طول نهارا ترقد بروش
القصيدة لعمنا الشاعر محمد حسن خناقي
Post: #118 Title: Re: هيئة حلمنتيش العليا Author: Mustafa Mahmoud Date: 08-02-2007, 07:05 PM Parent: #117
شاكــوش المســيد
سلام أهل الشواكيش جملة ما خصصت
جيتكم بالعديل مالصت ولا حقصت
شاكوشي العجيب المنو مبسوط بسطة
برويلكم حكايتو الكاملة ما نقصت
*****
الشاكوش يمين في ده الزمن بقى راحة
ما زي حق زمان ما تزيلو الا جراحة
يا رفقا الكفاح والله بكل صراحة
شاكوشي اللذيذ ما كان عنيف براحة
*****
يا رفقا النضال هاكم خبر شاكوشنا
ما المقدور وقع قبال نضري عيوشنا
ماف أعذار بتنفع و ما بتفيدنا رتوشنا
شاكوشنا الظريف بنشيلو جوة رموشنا
*****
شاكوش المسيد مالك مبدل حالي
خليت عيني ساهرة ترى المنام بقى غالي
ادمنت الوساوس و يوت تبعت خيالي
حصلت القبيل عدو النجم قبالي
*****
شاكوش المسيد والله فريد في نوعه
ما بدور ضجه في سرية تامه وقوعه
طقتو بارده لكن قاسي قاسي طلوعه
سيدو تشوفو اتبسم و بالا دموعه
*****
شاكوش المسيد الشفتو فوق لي هاوي
ما بفلق يمين بعدل بصلح اداوي
اهل الخبرة قالو على لسان الراوي
حمد السيد مكافح وبرضو زي مكاوي
*****
الدنيا العجيبة دي ما بتحقق اماني
شاكوشي البولول جوه في البيت جاني
يا عزال خلاص انبسطو بالمجاني
أشمتو ورو شاكوشي البعيد والداني
*****
شاكوشي الملفق شامي لي فيك ريحه
لي هذا الاوان ما جابو لي تصريحا
الداير نهاية ريدنا قصدو يزيحا
سائل المولى يبلاهو وعروقو يسيحا
*****
مابننغش لكن اصحى يا مغشوشنا
ترسم في الخطط قصدك تجينا تحوشنا
كضبك انت والله بفهمنو دحوشنا
سبحان الكريم جايينا في نص حوشنا
*****
مو موضوع فلان ماف زولا انغشابو
التلفيق ببين من لهجة الليك جابو
كان شيتا بجيب الريح اخير سد بابو
و الشاكوش صعيب لكن حبابو حبابو
*****
مالو فلان حلت ليهو الحكايه بعدنا
بقى اتجارى لمن شافو بادي سعدنا
قام اتناطى كجنا الحكايه قعدنا
ما بنسيبو الا يشوف برقنا رعدنا
*****
يااهل الدرايه اليوم دحين افتونا
مالا الناس بقت بي اللخبتات مفتونا
تبسم ليك و الحقد الدفين في عيونا
في نشر الحكايات زي وكالة سونا
*****
الحاسدين خلاص نار حقدهم عمتنا
لفقو للحكايات شان تروح كلمتنا
كضبة ناس فلان و الله ما همتنا
والنسوان يمين ما بفرقن لمتنا
*****
سلام للغوث هناك حارس الديار العامره
طابت مركز الدين ام فيوضا غامره
طلاب سيدي بي توجيهو ناهية و امره
قوم الجيلي راكبين الخيول الضامره
*****
الصلاة و السلام للمصطفى العدناني
شافع الامه نبراس الهدى الرباني
سائل المولى بي جاهك غسيل ادراني
والقلب الجريح ما يصيبو شاكوش تاني
Post: #125 Title: Re: هيئة حلمنتيش العليا Author: Mustafa Mahmoud Date: 08-03-2007, 08:00 AM Parent: #114
واحلم يوم تكوني معاي ونطلع في مكاناً هاي تشربي كولا واقعد ساي أتوه واسرح وانم دوباي وا أسفاي وا أسفاي على قلبي الصبح بكاي وشن بنسوي لما نشوف قمر ضواي يطلق النار يشع جواي ويبقى مناي .. أعاين ليك صباح ومسا واجر السبحة أقول مدحة سراي سراي مناي ألقاك يا السمحة مناي تجودي بي عينيك فد لمحة ولمن تلبسي الطرحة .. تصاب معدتنا بالقرحة ويجربوا فينا كل علاج : هستامين .. كلوركوين ده لا ينفعنا إنتستين ولا يشفينا درب كينين وما عارفين إنو علاجنا كافلجين وكافلجين علاج لكل مرض خطري علاج للبشري والبطري وأشوف قدري أكان حبيت وشاع خبري أكان كفت الهموم كفري وقبل أموت .. أقول كلمات أوصي بدفني في الأحفاد ويبقى فراشي في شمبات
Post: #129 Title: Re: هيئة حلمنتيش العليا Author: Safia Mohamed Date: 08-04-2007, 08:22 AM Parent: #111
Dear Dr., I just wanted to say that we are following.
Thank u Safia
Post: #137 Title: Re: هيئة حلمنتيش العليا Author: Mustafa Mahmoud Date: 08-06-2007, 12:57 PM Parent: #101
خطيبتي بلدوزر مادام بقيتي فيني بتتحدي تاني مابدخل معاك في تحدي اصلو قنعت خلاص من عرسك وعلى الفراق ياسمينه استعدي وما جاييكم تاني في بيتكم وانتي علي اوعاك تاني تعدي يوم خطبتك كنت غلطان وندمان يوم لبست خاتمك في ايدي بي قروشي بقيتي زي البلدوزر الحيطة بي يدك ليها تهدي تفطري باللحوم والبيرقر وبالجداد المشوي يومي تتغذي ولمن عرفتي كمل كل العندي وبعت حتى خاتمي الفي ايدي بقيتي مغرورة وعلى بتستبدي اضرب ليك في التلفون ما بتردي اجيك في البيت للباب تسدي جاتكم امي دايره تعرف الحاصل دايره تدقيها ولي عينيها تقدي اخوي بالكرباج دايره تجلدي صاحبي بالشلوت للاخرة دايره تودي ومادام بقيتي زي البلدوزر احسن اتخارج وامرق بي جلدي ويا امي لي ربك والله احمدي دي كان عرستها ليكم وجبتها البيت كل يوم تشبعك بونية وشلاليت ولي نجوم الضهر تخليك تعدي والعرس منك انتي عدييل مادايرو وشوفي عوير غيري للاخرة ودي
Post: #119 Title: Re: هيئة حلمنتيش العليا Author: Mustafa Mahmoud Date: 08-02-2007, 07:07 PM Parent: #100
برمودا
هو زى طالع
وما طالع
وزى واسع
وما واسع
وزي واقع
وما .. لا اظن واقع
إكون دا بنطلون شافع !!؟؟
إكون دا شنو؟؟
إكون لابساه بالمقلوب؟
إكون نص توب؟
هه يا المتخرجين يا دوب..!
إكون دا الروب؟
إكون دا شنو ..؟
كيف يا شاب
إكون شراب..؟
الشراب تحت ما فوق
إكون دا بنطلون مشنوق؟
حاجة عجيبة مالية السوق
إكون طاقية ممطوطة؟
إكون فوطة ...؟
غايتو عمل جنس جوطة!
إكون دا شنو...؟
إكون ماكسي ..؟
إكون عراقي بالعكسي؟
غايتو يا ناس جنس لبسه
تخلى الزول اموت هسي
إكون دا شنو..؟؟
ناس قالوا إكون فركه!
وناس قالوا
إكون باقيهو
واقع منو في السكه!!!
وواحد قال:
إكون سروال بدون تكه!!!
دي ما شبكه
إكون دا شنو؟؟؟
إكون دا بنطلون نص كم
إكون دا ردا وعندو جضم
إكون بى كم ؟؟
إكون دى بلوزة مجروره؟
إكون دي ملايه مفروره؟
ولا اكون لبس كوره!؟
دخلو موضه كندوره
دا برمودا .. دا برمودا
امانه وقعتك سودا
لبستي الليله برموادا؟؟
بكره تجينا بالشراب
وبرضو تقولي لي موضه...
برمودا...
مثلث فقري جنب امريكا
قالوا برمي هيلوكوبتر
تخشي الجامعه بي برمودا
جاكسون ابقي زي عنتر
تخشي الكوره بي برمودا
خايف آناس
اخش القون من السنتر
برمودا..امانه وقعتك سودا
حليل التوب
حليلنا نفخنا في الفاضي
وكانت قربة مقدوده
Post: #120 Title: Re: هيئة حلمنتيش العليا Author: Mustafa Mahmoud Date: 08-02-2007, 07:09 PM Parent: #100
هذه الأبيات الحلمنتيشية لشاعر هندي علشانك يا حلا
أسمعي
إنت في واحد قمر ************ إنت يحب كل نفر
إنت ما يعرف أنا ************ أنا في يموت قهر
إنت لو ينسى أنا ************ أنا يبكي مطر
إنت ما يكلم أنا ************ أنا في مسكين نفر
إنت في نوم كتير ********** أنا في كتير سهر
Post: #121 Title: Re: هيئة حلمنتيش العليا Author: Mustafa Mahmoud Date: 08-02-2007, 07:15 PM Parent: #120
حلمنتيش... ياطيبة
يا اللي ريدك فيني طبعة .... يا المكسرة فيني ضلعة يا البجيك في الجامعة دايش .... يوم خميس ألقاه جمعة
يوم أشوفك ... قلبي ينتف .... عرقي ينزف وابقى اشوفك سبعة سبعة " أصلو ريدك جاني فجأة " .... وأدى لي صنقوري كبعة
عل بس شيليها مرة .... وابلعيها كالجاتوه خليهو يسأل جوة يسأل .... والبيسأل ما بتوه ولما جات المعدة تهضم .... قيل مهلاً اتركوه أنه لا يطلب شيئاً إنه قلبُ ُ متيم .... جاء يسأل عن أخوه
******* قد سألتك لا تجافي .... إنه حب خرافي ما بسيبك .... كان بترضي وكان تخافي ما بسيبك كان رضيتي وكان أبيتي كان وقعتي .... وكان جريتي كان عقب طلعتي زيتي
ما بسيبك .... كان خلطتي الأمة جملة كان طلبتي المهر عملة وإن طلقتي علي نملة
ما بفوتك إنت ملي كان بترضي وكان تملي ما بفوتك إنت للي
إنتي أقري .... وكل معلومة بتفيدك يا حلاوة المايكروبايو .... جاري في موية وريدك كل جرثومة بتريدك .... صارو هيلك من عبيدك وإنتي للباثولوجي تقري .... أصلو شيتاً دمو بقري علة جنبك يبقى ساهل .... وفيهو تجري
العلاج جاهز في إيدك من سنين العلاج يا انتي آخذ حقنة حُب أو حبتين من عيونك .... من كلامك .... كلو ريحة بنسلين واشفى من كل المواجع .... وأبقى زين
Post: #122 Title: Re: هيئة حلمنتيش العليا Author: Mustafa Mahmoud Date: 08-02-2007, 07:19 PM Parent: #100
اني خيرتك فاختاري ما بين الخلطه في الشلتر او. نمشي الشهدة كداري اختار البنش او الرجلين ويكون اريح الا تختاري لاتوجد سانحه للبري جوا القاعه فاللكشر اولى بخيالي اختاري الشعر او المنثور فانا لا ارضى بالحنك العادي قومي وانفعلي وهاجميني مثل الكمساري واسالي عن بطاقة ترحيلي او دفعيني حق راكب عادي اختاري الشاي او القهوة ولا تطمعي في اكتر من كده تاني اني خيرتك فاختاري
Post: #123 Title: Re: هيئة حلمنتيش العليا Author: Mustafa Mahmoud Date: 08-02-2007, 08:54 PM Parent: #122
-------------------------------------------------------------------------------- لما شفتك ------------ لما شفتك قلبي كان ناصع نضيف زي الطيور الراحلة في زمن الخريف عشت متألم وما قادر أقيف زي زي مشرور وحيد مستني باصات الجريف أنا الكيشة صًدقت إدعائك يوم قلتي لي دمك خفيف وخدعني بوخ نظرات عيونك مليانة بالكحل الظريف قمت شلت الكيس من ايدك ووقفت في صف الرغيف دافعت ليك وسط الخلوق عشان تقولي ولد حريف واديتك العيش بابتسامة نابعة من قلبي الرهيف وبعد ما شلتي العيش نسيتيني ومشيتي بعيد وانا المشدوه أعاين فيك زي إقليمي جاي جديد تاه في زحمة الخرطوم وشاف الناس شمال وصعيد ما تنبسطي يا حلوة بعد نكرانك المعروف أصلو الحي مصيرو يلاقي ياما بيشوف واصلو الناس حياتها ظروف ويوم بلقاك في ورطة لانو بلدنا كلو صفوف
Post: #124 Title: Re: هيئة حلمنتيش العليا Author: Mustafa Mahmoud Date: 08-02-2007, 09:00 PM Parent: #100
اديك واحده من ديوان المشوكش ابن المشوكش الزهجى صاحبنا كان ماشي السوق قاشر..جمعت الصُدفة بوحدة ... و لسوء الحظ، صاحبتنا ما كانت هاضماهو، و دخلو في مناقرة... الله وحده بيعلم نهايتها !!!
لقاها يوم في سوق الغرام.. أخونا كان قاشر تمام.. شاكي القميص و كارب الحزام، و الجزمة بتلمع في الظلام.. لابسة اسكيرت و البلوزة...حاجة لخبطت النظام.. أخونا ما بكّاي خلاص، طوالي قام رصّ الكلام.. " هووووي يا بنية، حبيني أوعك تابي ريدي أنا الناعم زي الفينو..انا الطاعم زي الفتة ما تبقي مسيخة زي الفتة...أخير ترضي و تريديني" *أريدك أنا يا عولاك يا عرة يا شحات يا عرة يا العنقرته مسلولة لبرّه و خشمه مارق لبرّه؟ أريدك أنا يا الكل ما أعاين ليك مورم خشمك بالسفة و في الكَم مرة شفتك بس تجيني الدوخة و اللفة...أريدك أنا؟؟* " هوووي استني يا مفجوخة النخرة، غبارك وراكي رابط تقول الزولة دبابة! * أريدك؟ يا سلامة الريدة..ريدة التابه و اليابه، هوي يا أبو راس تقول كورة يا أبو شلوفة مبهولة، يا كبكاب يا ريّال، يا أبو نخرة أتقول ماسورة* *تريدني أنا السمّوني أمورة، أريدك انت الدايش الملخوم بأكل الدوم تقول دلدوم! "شناتك شلتي مني النوم يا أبو قدوم، خلاص سِبتك يا جربانة يا الماسكاكي كاروشة يا الجزمة الخلاص كملت، قامو رموكي في الكوشة، يا الطوالي حبوبتك مكملة فيكي برطوشا! الكان زمان أمك تغمض عشان تشيل بوسة..يا مربوشة يا أوضة وقع حوشا! "أنا...أنا الطاعم زي الكفتة أنا الناعم زي الفينو"
Post: #126 Title: Re: هيئة حلمنتيش العليا Author: Mustafa Mahmoud Date: 08-03-2007, 07:13 PM Parent: #124
قمت شلت الكيس من ايدك ووقفت في صف الرغيف دافعت ليك وسط الخلوق عشان تقولي ولد حريف واديتك العيش بابتسامة نابعة من قلبي الرهيف وبعد ما شلتي العيش نسيتيني ومشيتي بعيد وانا المشدوه أعاين فيك زي إقليمي جاي جديد تاه في زحمة الخرطوم وشاف الناس شمال وصعيد ما تنبسطي يا حلوة بعد نكرانك المعروف أصلو الحي مصيرو يلاقي ياما بيشوف
Post: #127 Title: Re: هيئة حلمنتيش العليا Author: عمار يس النور Date: 08-03-2007, 09:05 PM Parent: #126
تمام يا دوك
واصل هذا الإبداع
تحياتي
عاشق بخت الرضا
Post: #128 Title: Re: هيئة حلمنتيش العليا Author: Mustafa Mahmoud Date: 08-04-2007, 07:55 AM Parent: #127
thanks amar
Post: #130 Title: Re: هيئة حلمنتيش العليا Author: Mustafa Mahmoud Date: 08-04-2007, 03:30 PM Parent: #128
إنتي أقري .... وكل معلومة بتفيدك يا حلاوة المايكروبايو .... جاري في موية وريدك كل جرثومة بتريدك .... صارو هيلك من عبيدك وإنتي للباثولوجي تقري .... أصلو شيتاً دمو بقري علة جنبك يبقى ساهل .... وفيهو تجري
العلاج جاهز في إيدك من سنين العلاج يا انتي آخذ حقنة حُب أو حبتين من عيونك .... من كلامك .... كلو ريحة بنسلين واشفى من كل المواجع .... وأبقى زين
Post: #131 Title: Re: هيئة حلمنتيش العليا Author: Mustafa Mahmoud Date: 08-04-2007, 05:49 PM Parent: #130
تململت في القعدة واتشهدت مليون مرّة بخاف المحنة والزرة لساني خفيف وقلبي رهيف واكان قالت صباح الخير اقّرب اقيف براي يوم داك رميت نفسي طردت الخوف ده من قلبي سألت السمحة مخطوبة ؟؟ قالت لي : لا ..لكن لييه ؟؟ سمعت قولة لييه تقول بندق وقلبي الماسكو بين يدي قنّب يدق ريقي نشف وحلقي يطق شعرت القول تقول في حُق واتململت في القعدة بدور امرق كان تاني سألتني لييه؟؟ كلامي راسو طار منو واتقفل عقلي واتدبس اتاري الخوف ده ما بندس قريت الحمدو عشرين مرة حتي قدرت اتنفس اخوها قال ليها : ساكت بس !! وعاد السمحة قالت كعبة وانا السجمان رقم سبعة الحر ..حسيت بالبرد تقول قرفان مرق في البر حاولت اقول باي باي لقيت خشمي بي كماشة ما بنفك
Post: #132 Title: Re: هيئة حلمنتيش العليا Author: Mustafa Mahmoud Date: 08-04-2007, 06:09 PM Parent: #131
جاتنا السمحة جارية زي نوبــــــــــــــيرا لا داست كلتش ولا غــــــــيرت تغيــــيرا
السبب المخلي عقولنا في جناح طـــــيرة إيديهن زُرق والوشيش مغلي في كفتيرة
Post: #133 Title: Re: هيئة حلمنتيش العليا Author: Mustafa Mahmoud Date: 08-05-2007, 07:29 AM Parent: #132
تغشي علينا بي بسمه و تخلي عقولنا مشطوبه و تصدي و تنسي يا إنتِ و راكي دموعنا مسكوبه و كيفن تنسي إنسانا قلب في حبكم هوبه صبح أطرش وسط زفة صبح في إيدك إلعوبه يشوفك يقعد إتراجف تقول بالله راكوبه يساهر الليل يبيت ممكون تقول متعشي بي لوبه ده من ما سمع الخبر في الحي و قالوا ليه مخطوبه درع طاقيتو في كراعي لبس نعلاتو مقلوبه و قع في الواطه تقول لابعنو بي طوبه
Post: #134 Title: Re: هيئة حلمنتيش العليا Author: Mustafa Mahmoud Date: 08-05-2007, 01:24 PM Parent: #133
حلمنتيش
Post: #135 Title: Re: هيئة حلمنتيش العليا Author: Mustafa Mahmoud Date: 08-05-2007, 09:42 PM Parent: #134
صاحبنا كان ماشي السوق قاشر..جمعت الصُدفة بوحدة ... و لسوء الحظ، صاحبتنا ما كانت هاضماهو، و دخلو في مناقرة... الله وحده بيعلم نهايتها !!!
لقاها يوم في سوق الغرام.. أخونا كان قاشر تمام.. شاكي القميص و كارب الحزام، و الجزمة بتلمع في الظلام.. لابسة اسكيرت و البلوزة...حاجة لخبطت النظام.. أخونا ما بكّاي خلاص، طوالي قام رصّ الكلام.. " هووووي يا بنية، حبيني أوعك تابي ريدي أنا الناعم زي الفينو..انا الطاعم زي الفتة ما تبقي مسيخة زي الفتة...أخير ترضي و تريديني" *أريدك أنا يا عولاك يا عرة يا شحات يا عرة يا العنقرته مسلولة لبرّه و خشمه مارق لبرّه؟ أريدك أنا يا الكل ما أعاين ليك مورم خشمك بالسفة و في الكَم مرة شفتك بس تجيني الدوخة و اللفة...أريدك أنا؟؟* " هوووي استني يا مفجوخة النخرة، غبارك وراكي رابط تقول الزولة دبابة! * أريدك؟ يا سلامة الريدة..ريدة التابه و اليابه، هوي يا أبو راس تقول كورة يا أبو شلوفة مبهولة، يا كبكاب يا ريّال، يا أبو نخرة أتقول ماسورة* *تريدني أنا السمّوني أمورة، أريدك انت الدايش الملخوم بأكل الدوم تقول دلدوم! "شناتك شلتي مني النوم يا أبو قدوم، خلاص سِبتك يا جربانة يا الماسكاكي كاروشة يا الجزمة الخلاص كملت، قامو رموكي في الكوشة، يا الطوالي حبوبتك مكملة فيكي برطوشا! الكان زمان أمك تغمض عشان تشيل بوسة..يا مربوشة يا أوضة وقع حوشا! "أنا...أنا الطاعم زي الكفتة أنا الناعم زي الفينو"
Post: #136 Title: Re: هيئة حلمنتيش العليا Author: Mustafa Mahmoud Date: 08-06-2007, 11:52 AM Parent: #135
أنا العيان حرارتي الضاربه في متين و لا بنفع بخور تيمان و لا بتنزل بي نوفلجين رقدت سنين
سريري تعب مركب في وريدي درب جحر عيني يدخل فارة أم سي سي أجر نفسي بالسيسي تقول مخنوق مصنقع فوق و كل ما يوم بيشيلو الدم يذيدوا الهم يقولوا مقاسوا طالع كم و طالع كم و انا الساكت وغالبني محل ما اشوقك أتكلم و ما بسلم و حاتي البلي و الشمبر أكان قمت بفع في السلم أتكسر عشان تظهر
Post: #138 Title: Re: هيئة حلمنتيش العليا Author: Safia Mohamed Date: 08-06-2007, 01:37 PM Parent: #136
على سبيل المتابعة وكدة
Post: #139 Title: Re: هيئة حلمنتيش العليا Author: Mustafa Mahmoud Date: 08-06-2007, 03:49 PM Parent: #138
Safia Mohamed على سبيل المتابعة وكدة
always welcomed
thanks
Post: #140 Title: Re: هيئة حلمنتيش العليا Author: Mustafa Mahmoud Date: 08-06-2007, 06:37 PM Parent: #139
خطيبتي بلدوزر مادام بقيتي فيني بتتحدي تاني مابدخل معاك في تحدي اصلو قنعت خلاص من عرسك وعلى الفراق ياسمينه استعدي وما جاييكم تاني في بيتكم وانتي علي اوعاك تاني تعدي يوم خطبتك كنت غلطان وندمان يوم لبست خاتمك في ايدي بي قروشي بقيتي زي البلدوزر الحيطة بي يدك ليها تهدي تفطري باللحوم والبيرقر وبالجداد المشوي يومي تتغذي ولمن عرفتي كمل كل العندي وبعت حتى خاتمي الفي ايدي بقيتي مغرورة وعلى بتستبدي اضرب ليك في التلفون ما بتردي اجيك في البيت للباب تسدي جاتكم امي دايره تعرف الحاصل دايره تدقيها ولي عينيها تقدي اخوي بالكرباج دايره تجلدي صاحبي بالشلوت للاخرة دايره تودي ومادام بقيتي زي البلدوزر احسن اتخارج وامرق بي جلدي ويا امي لي ربك والله احمدي دي كان عرستها ليكم وجبتها البيت كل يوم تشبعك بونية وشلاليت ولي نجوم الضهر تخليك تعدي والعرس منك انتي عدييل مادايرو وشوفي عوير غيري للاخرة ودي
Post: #141 Title: Re: هيئة حلمنتيش العليا Author: Mustafa Mahmoud Date: 08-07-2007, 09:30 AM Parent: #140
يا لينة يا شتلة فريع البان يا املا بنيتو عليك و عشت زمان أفكر فيهو لمن بان بقيت للحسرة و الآهات يا درة دامر المجذوب يا زينة الطالبات و يا امل السنين الفات ويا طفلي الرضيع المات إتحسرت اتبهدلت ما خليت ودمع العين نزل وكت قات لي oh too late !! ضيعني الدكتور عشا البايتات وعاد خطبوكي لزولا عريض و كبير وعلمو كتير و لابس ليهو نظارات عربيتو تسوي حي وا ليل وحافظ الكيميا في راسو و حاكي أشنابو نص رباط و عاد شغال و حالتو كويسة باني البيت رضيتو بيهو طوالي و ما قولتيلو oh too late !!
Post: #142 Title: Re: هيئة حلمنتيش العليا Author: Mustafa Mahmoud Date: 08-07-2007, 04:20 PM Parent: #141
حلمنتيش
بخاف المحنة والزرة
اتململت في القعدة واتشهدت مليون مرّة بخاف المحنة والزرة لساني خفيف وقلبي رهيف واكان قالت صباح الخير اقّرب اقيف براي يوم داك رميت نفسي طردت الخوف ده من قلبي سألت السمحة مخطوبة ؟؟ قالت لي : لا ..لكن لييه ؟؟ سمعت قولة لييه تقول بندق وقلبي الماسكو بين يدي قنّب يدق ريقي نشف وحلقي يطق شعرت القول تقول في حُق واتململت في القعدة بدور امرق كان تاني سألتني لييه؟؟ كلامي راسو طار منو واتقفل عقلي واتدبس اتاري الخوف ده ما بندس قريت الحمدو عشرين مرة حتي قدرت اتنفس اخوها قال ليها : ساكت بس !! وعاد السمحة قالت كعبة وانا السجمان رقم سبعة الحر ..حسيت بالبرد تقول قرفان مرق في البر حاولت اقول باي باي لقيت خشمي بي كماشة ما بنفك
Post: #143 Title: Re: هيئة حلمنتيش العليا Author: Mustafa Mahmoud Date: 08-08-2007, 08:07 PM Parent: #142
حاج مختار ود عبد القادر بعد ما وجباتو الكانت وويكة و سكرو الراقي العرقي الداشر
بعد ما المزوة ما كانت بصله بعد ما الحقة ما كانت عجله قام إطور و اصبح يجيب الكليك الفاخر من مالطين ...الشمبانيا بلاك ليبل الشيه الفاهمه تهج في بيتو و الاسماك و انواع الطير سبحان الله سبحان الله وفي خلقو شئون حاج مختار ! حاج مختار ! أصبح يمزمز بالزيتون !! حتى و نستو كلامها إتغير و اصبح لبسو يسر الخاطر
قاااادر الله و حكمتو بالغة إتجلت في مختار ود عبد القادر
و الحاج مختار خلطة بديعه تقول مسطول دمو تقيل أأأى دمو تقيل و لكن مرغوب كل الناس مشتاقة لي ودو و كل الناس بتقبل يدو جيبو تقيل و اهو المطلوب ! و أحسن نرجع حبه شويه نهبش الماضي عشان نحكيه بس في ذهنك خلي حقيقة لو دورتا تعرف الراجل و طبعو و كيف النعمة مؤصله فيهو ما تهتم لي اكلو و لبسو راقب خدو و اصابع إيديهو بقدر نعومه خدو و اصابعو بتلقى عراقتو و عظمة تيهو وخد مختار و د عبد القادر حتى المبرد ما بيواسهو و ده الموضوع الجنن ناس تحت تحت كانت بتنقنق ! خالفه كراع في كراع و خاته الحقه و قاعده تصفق : خاينه ، ما بتدي حريفا حاج مختار ! بقى مليونير و كان ما بيساوي فِرد تعريفه ! أسكت ساهي ده عرس تاني و عندو عماره و عشره لواري الكتله !!! ده قبل سنتين ما كان سمسار هي سيبك من سمسرتو الظهرت هســع ماك طاري قعادو في نص الحله يباري الضلله يشاغل في النسوان و الشفــع
يا ساده !! دي لعبه كبيره There is something secret … secret !! و ح أحكي القصة بالتفصيل Detail … detail : حاج مختار مره في العوامه إتعرف على شخصية مهمه يعني وكيــل و كانت نقطه ضعف سيادتو القاتله ... إنو سيادتو ... ريــاد بالحيل و بخصوص الريده مش ح أتعمق في التوضيح أصلو الريده ... يعني و .... يعني و الواعي بيفهم بالتلميح و حاج مختار راجل سمسار فهم اللعبه و بقي متعهد للعوامه يورد عجوه يورد منقه يور قشطه يورد زبده يورد ياما و ياما ... أصبح كاتب سر الشله Up to date عارف أخباره مين إترقى و مين suspended و مين عشان خاطرو فتحوا ســفاره أما وكيلنا فكان ساعدو الايمن لي بهجاتو كان دلاعتو و كان شكارتو و كان متخصص في طلباتو يورد أجود مافي ال market يظبط أحسن قعده لسعادتو و مبادلةً في المنفعه و تأكيداً لحسن النيه و كيلنا سهل لي مختار كل أمورو الماليه : - تحويل من بنك السودان ... تلفونات لي اصحابو - توريد من اليابان .... الفضل يرجع ليجنابو - أسمنت من اليونان ... مختار عارف ابوابو و حاج مختار إصبح شخصيه شايل الشنطه السومسونايت حايم في مكاتب الدوله day and night ضارب الونسه Speaking English whenever possible As indeed , never mind and that is right و أصبح يردد أفضل مثلين في حياتو قدم السبت تلقى الاحد ، و ألأختشوا ... ماتوا
و الما مصدق قصة مختار يمشي لحد النيل مشوار يكفي الراجل السمسار بالليل إتحول لي جزار يساوم في اللحمه الحيه ما بيعرف تثبيت الاسعار و ما بيخاف من ضابط البلديه.
Post: #144 Title: Re: هيئة حلمنتيش العليا Author: Mustafa Mahmoud Date: 08-09-2007, 01:40 PM Parent: #143
و كيفن تنسي إنسانا قلب في حبكم هوبه صبح أطرش وسط زفة صبح في إيدك إلعوبه يشوفك يقعد إتراجف تقول بالله راكوبه يساهر الليل يبيت ممكون تقول متعشي بي لوبه ده من ما سمع الخبر في الحي و قالوا ليه مخطوبه درع طاقيتو في كراعي لبس نعلاتو مقلوبه و قع في الواطه تقول لابعنو بي طوبه
Post: #145 Title: Re: هيئة حلمنتيش العليا Author: Mustafa Mahmoud Date: 08-10-2007, 02:47 PM Parent: #144
ويوم سيرتك يجيبوها أبقى أخاف أكون رجاف بدل رفدور أرش بف باف قميصي الساوي لي غلبة مسكتو لبستو بالقلبة أدور أنضم أتمتم زين أمرق الكلمة من علبة واتلخبط كراع جزمة واعاين التانية ألقى شبط وأكون ملخوم .. أشوف سنير .. أقول برلوم أمش شمبات .. أقول أم دوم أشوف شندي .. أقول خرطوم أقلب الحال .. ليلي سهر .. صباحي أنوم واحلم يوم تكوني معاي ونطلع في مكاناً هاي تشربي كولا واقعد ساي أتوه واسرح وانم دوباي وا أسفاي وا أسفاي على قلبي الصبح بكاي وشن بنسوي لما نشوف قمر ضواي يطلق النار يشع جواي ويبقى مناي .. أعاين ليك صباح ومسا واجر السبحة أقول مدحة سراي سراي
Post: #146 Title: Re: هيئة حلمنتيش العليا Author: عمار يس النور Date: 08-21-2007, 08:30 AM Parent: #145
نرفع هذا البوست الجميل إلى حين عوده دكتور مصطفى محمود
و نساهم فيه بهذه القصيده من عهد حلمنتيش الرائع في سبعينيات القرن الماضي وهي من القصائد المنسية جدا و التي لا يذكرها إلا القليل
أحبك كيف و اهواك كيف و كيف يا إنت تتحبه و داير اراك مطروح و ريحة الخلطة فيك تفوح و قلبك ذي سفينة نوح
متين يا سيدي تقوم ترضى و للمشرور هناك سنوات و رجلو بتاكوله الارضه متين يا سيدي يجينا الدور و عاد يوم داك بتحضر و أتقندر و أخلي القبة تتقنطر و حتى الجزمة تتعطر و ارشها بفتيل رفدور و جوه القعده اتحكر أجر الكرسي أتسنتر و أجيب الببسي و أتقنجر
سجارتي يلالي دخانه تحلفوا ! تقولوا جبخانه جزيرة إنشق بركانه كانوا الدنيا خرمانه و أقبض الجو مع ... فلانه
و أتفلسف تقول شاعور و اقول ليكي يا دقليشه و تقولي لي : يا حنكيشة عاد يوم داك بتغشه و من الحرقة بتفشى و اقول ليك بالله نتمشى و نغشى النادي نتعشى
و اخوك يا السمحه ما رجافه ما كبكاب و ما عامل لي جيبو اي حساب
يخمخم ليكي و لي اصحابك الحلوين و الفي الشارع الماشين و حتى العم غفير الباب و أخر الخلطة أقول ليكي: باي باي و أجري جري... أقفل قلبي في الدولاب و أهبش الجيب ! ألاقي الجيب صبح شراب خربتو خررررررراااااااااااااب غرامكم يا بنية الحور يشق الراس بدون ساطور طمام و صداع جفاف للريق و حاله تضارب الشرشور و نعيش الفلسة الف شهور و جيبنا ينافس القرقور و رغم الواقع المذكور ما ذلت في إنتظار الدور
** مع الإحتفاظ بالحقوق الادبية و الفكرية لصاحب القصيدة الحلمنتيشية الجميلة
تحياتي
عمار يس النور عاشق بخت الرضا
Post: #147 Title: Re: هيئة حلمنتيش العليا Author: عمار يس النور Date: 09-17-2007, 08:13 PM Parent: #146
