كيف تصبح وزيرا او مستشارا فى حكومة البشير

ان تصبح وزيرا اومستشارا فى حكومة البشير اسهل بكثير ان تحصل على وظيفةفى اى مكان اخر والموضوع ما محتاج كتير بس بتكون بتفك الخط يعنى بتعرف تكتب اسمك كويس
عشان التوقيع . ولكى تحقق ذلك عليك بالاتى 1-ان تكون عضو فى حزب ما صغير او كبير وما عليك الا وان تلم معاك مجموعة لا تقل عن الخمس اى كان موقعكم فى الحزب انشاء الله جاركم بس يكون من قواعد الحزب وطوالى تمشوا اقرب جريدة انشاء الله (الوسيط)
ودى جريدة توزع مجانا او جريدة قون وطوالى تعلنوا انسلاخكم من الحزب فى مؤتمر صحفى وتعلنوا انضمامكم الى مقطوع الطارى الموتمر الوطنى بعد ساعات بس عشاء فى القصر وتعديل وزارى واقلاها وزير دولة او مستشارفى رئاسة الجمهورية بعد كدا اليتيم ما بوصوه على البكاء
2- ودى صعبة شوية لانه فيها مجازفة وسلاح بس العائد ما بطال كبير مساعدى الرئيس ودى ما بتكمل وما محتاجة تعديل وزارى وما فيهافائض عمالة يعنى ممكن تكونوا 10000
وتبدا بان تلم ليك كم عاطل كدا وزهجان من اولاد الحلة ويا حبذا لو كنت من الاقاليم وشوية سلاح كدا وممكن تنتهز فرصة الفيضان وتدعى التهميش وبدل الغابة تدخل المناطق الدمرها الفيضان وبتلقى عقاب خرابة كدا سويها معسكر وياريت لو لميت فى قناة الجزيرة او بالعدم تلفزيون الجزيرة الريفى داك دا لو كنت من عرب الجزيرة المهم خبرك يصل الخرطوم والدنيا تقوم مفاوضات وحجج فى كاب الجداد او الهبيكة بس ما تطول القصة عشان الامم المتحدة دى لو جات بتبوظ الطبخة سرعة كدا وزير دولة او مستشار وبالله ما تنسوا حق الاستشارة بس معتمد او بالعدم والى انشاء الله لرفاعة

المعلومات دى سريه جدا كيف اتحصلتى عليها؟؟؟؟
وما عملتى بيها ليه؟؟؟؟؟
مش برضو كان مفروض تكونى وزيرة او مستشارة طالما انك بتمتلكى ما تمتلكى
واهو بتفكى الخط الناقص شنو تانى؟؟؟؟؟