Post: #1
Title: يمة معليش .. . .....!!
Author: الطاهر ساتي
Date: 07-16-2007, 10:32 AM
حقك مابيروح ..!!!!!!!!!!!!!
ماتبكى ..!!!!!!!!!!!!!!!!!!
بيتنا طين واقع مشرم
ولما حال الطيب يحنن
نشقى شان نلقى الزبالة ....!!
ماتهتمى للأيام ، ظروف بتعدى ..!!
حقك مابيروح ..ماتبكى ........!!
|
Post: #2
Title: Re: يمة معليش .. . .....!!
Author: shammashi
Date: 07-16-2007, 10:39 AM
Parent: #1
ابتلاءات يالطاهر.....
|
Post: #6
Title: Re: يمة معليش .. . .....!!
Author: الطاهر ساتي
Date: 07-16-2007, 11:19 AM
Parent: #2
شماشي ..مودتى . نعم ابتلاءات ..!!
أن تمتلئ الشوارع بالفشل .. ابتلاءات ..!!
أن تفيض الشوارع وتغرق البيوت .. ابتلاءات ..!!
|
Post: #3
Title: Re: يمة معليش .. . .....!!
Author: خالد الطيب أحمد
Date: 07-16-2007, 10:41 AM
Parent: #1
والحكومة ولا يهمها..
الحكومة دم البقر.. دمها!!
الله في يا يمة..
وماتهتمى للأيام ، ظروف بتعدى ..!!
شكرا الطاهر..
|
Post: #4
Title: Re: يمة معليش .. . .....!!
Author: حليمة محمد عبد الرحمن
Date: 07-16-2007, 10:49 AM
Parent: #3
(هاهي الارض تغطت بالتعب)..!!
|
Post: #5
Title: Re: يمة معليش .. . .....!!
Author: حليمة محمد عبد الرحمن
Date: 07-16-2007, 10:58 AM
Parent: #4
بيتنا وقع...
لو بتسمع تقول بيتنا وقع تقول ده قصر!!
لا والله .. حليل راكوبتو قريب العصر
********************
لو بتسمع بيتنا وقع تقول ده فيلا !!
هو بيتنا ذاتو ما معدود مع الحلة..
بس الحكمة .. وقدرة الله . الناس ما بتقعد بدون خلة
*******************
لو بتسمع بيتنا وقع تقول ده عمارة..
لو تصدق..
نحن افقر ناس في الحارة ..
والحارة ذاتها هي نان حارة
خانقانا المباني من جميع الجهات..
فعل الكرش مع الزرارة..!!
والليلة وين مع اولادي اضّاري..
مادام حكمتو فيها بصارة
السيل ما اظنو يكون خسارة
*******************
لو بتسمع بيتنا وقع تقول ده سرايا
يعلم الله بيتنا كلو عرااايا
ده ما فيهو حتي ملاااايا
ولو امرض اقول وينو دوايا
اتذكر واقول الشافي معايا
ومركوبي القديم يئن ويقول كفايا
وتوب مرتي منو للاولاد غطايا
ومناي السترة يا مولايا
********************
لو بتسمع بيتنا وقع تقول دورين..!
ده بيتنا في الخريطة ذاتها تلقاهو وين...؟
أبني اليت ولا اسد الدين
تصدق .. ما عندي حق مرقين
ما بسرق ولو دمرين
بس اجيب اللقمة بس من وين ..؟
وجيراني انشا الله ما نشوف فيكم شيتن شين.
معلمين الله .. لا سكر .. ولا شاي .. ولا حبيبة لبين..
اشربو الموية يمكن –يطرح فيهت ببركتو_ فيتامين.
لا تآخذونا.. فرجو قريب ..ما برجي الفي الجيب.. يوم او يومين
********************
لو تسمع بيتنا وقع تقول ده قلعة
ده في بيتنا يوم العيد نجيب ربع ضلعة
ومرات شهور لا نشوف لا حطب لا ولعة.
ومن الهموم راسي بقي صلعة.
********************
لو بتسمع بيتنا وقع تقول ده سكن
ده الفقر بقي ولوف..اظنو اتمكن
حضن وليداتو ومعانا سكن
كان شلناهو رطن...!
وكان خليناهو انبطن..!
متلو متل كانوننا القديم هناااااك ..اتركن !!
بس شن نحكي ونقول مع الزمن ..!!
ما اماتنا الزمان حكن:
"يا من جعلت الشام عند اهـلها سكن "
بيتنا عندنا ...وطن..
وبيتنا امانة ... ما بقع !!
عمر رجب
هولندا
يناير 2002
|
Post: #8
Title: Re: يمة معليش .. . .....!!
Author: الطاهر ساتي
Date: 07-16-2007, 11:35 AM
Parent: #4
حليمة .. مودتى ..(هاهي الارض تغطت بالتعب)..!!
واللامبالاة..
والألم ..
|
Post: #9
Title: Re: يمة معليش .. . .....!!
Author: الطاهر ساتي
Date: 07-16-2007, 11:41 AM
Parent: #4
بيتنا عندنا ...وطن..
وبيتنا امانة ... ما بقع !!
عمر رجب .. هولندا
 
|
Post: #7
Title: Re: يمة معليش .. . .....!!
Author: الطاهر ساتي
Date: 07-16-2007, 11:26 AM
Parent: #3
خالد .. مودتى .. أيوة الله في ..
بقايا العفش هى الملاذ .. والله في .
|
Post: #10
Title: Re: يمة معليش .. . .....!!
Author: حليمة محمد عبد الرحمن
Date: 07-16-2007, 11:59 AM
Parent: #7
(ماذا بقي لنا قبل ان نتمدد في قبر بلا نوافذ)؟؟!!
|
Post: #11
Title: Re: يمة معليش .. . .....!!
Author: حيدر حسن ميرغني
Date: 07-16-2007, 12:16 PM
Parent: #10
الطاهر
زمان قالو فيها:
إن نجحت بجيك غانم
وإن فشلت يجيك ضراعي
.....
هسع الإثنبن بقو فى جهجهة
لانجاح لاضراع ... ولا حتى تغريدنا الحزين
الله يجازي من كان السبب
|
Post: #28
Title: Re: يمة معليش .. . .....!!
Author: الطاهر ساتي
Date: 07-17-2007, 12:42 PM
Parent: #11
حبيبنا حيدر .. مودتى ..
ان نجحت بجيك غانم ....
شوف العذاب ده .. طلع براسمالو ..
|
Post: #12
Title: Re: يمة معليش .. . .....!!
Author: دورنقاس
Date: 07-16-2007, 12:21 PM
Parent: #10
الاخت حليمة
| Quote: (ماذا بقي لنا قبل ان نتمدد في قبر بلا نوافذ)؟؟!! |
بقى لنا أن نرتب على اكتاف ولاتنا سكان القصور العالية ونقول لهم
يدرككم الموت ولو كنتم فى بروج مشيدة
|
Post: #13
Title: Re: يمة معليش .. . .....!!
Author: دورنقاس
Date: 07-16-2007, 12:27 PM
Parent: #12
الاخ الطاهر ساتى
كان الله فى العون
|
Post: #29
Title: Re: يمة معليش .. . .....!!
Author: الطاهر ساتي
Date: 07-17-2007, 12:46 PM
Parent: #13
دورنقاس ... مودتى ..
نعم .. كان الله في العون
وهو نعم المعين ....
[
|
Post: #14
Title: Re: يمة معليش .. . .....!!
Author: فيصل نوبي
Date: 07-16-2007, 12:52 PM
Parent: #1
UP
|
Post: #17
Title: Re: يمة معليش .. . .....!!
Author: abuguta
Date: 07-16-2007, 01:26 PM
Parent: #14
ياالطاهر
ما بتلقو زبون يشترى البلد
الصفار...
وترسلو لينا حقنا
مع التجار...
عشان يساعدنا فى دفع الايجار
مش فى ناس بتشترى الطين
والحجار...
وحكومات بتجلب للعشب الدمار...
ورئيس يحلف طلاقا لزوم الانتصار...
شايف وزير يخمج فى موية الامطار..
, ولابس جلابية مع الغلابة
والشفع الصغار ..
تلاقاها غسلوها وظهروها
وختوها فى الدولاب الفخار..
والناس الكان معاه
لسع ما لقو حاجة يلبسوها
وما سمعو ب حمام البخار
النبى فوقك لو جاكم زبون حارص
ماتفوتوه..
ولو عاوزين سكن للشعب
فى اى بلد بتلقوه..
بس احذرو الوزير السمسار
الذى باع شركات الخطوط
وما سلم من جشعو زنكى الخضار...
الى متى ننوى السفر
ونركب طائرة او قطار....
نعمر البلد الصفار
نخضر الارض الحمار
نحفر جداول من النيل
ونشتل تيراب الاشجار
|
Post: #31
Title: Re: يمة معليش .. . .....!!
Author: الطاهر ساتي
Date: 07-17-2007, 12:53 PM
Parent: #17
أبوقوتة الجميل .. كلامك صاح
ولو عاوزين سكن للشعب
فى اى بلد بتلقوه..
بس احذرو الوزير السمسار
|
Post: #30
Title: Re: يمة معليش .. . .....!!
Author: الطاهر ساتي
Date: 07-17-2007, 12:49 PM
Parent: #14
نوبي الحبيب ..شفت الحالة كيف ..؟
|
Post: #15
Title: Re: يمة معليش .. . .....!!
Author: Dr.Mohammed Ali Elmusharaf
Date: 07-16-2007, 12:56 PM
Parent: #1
الاخ الكريم الطاهر ساتي
معاك يمة معليش
سرقوك بسم الله وبنوها عمارات
لكن
ولا تحسبن الله غافلا عنما يعمل الظالمون.
احترامي لك
محمد علي المشرف مختار
|
Post: #32
Title: Re: يمة معليش .. . .....!!
Author: الطاهر ساتي
Date: 07-17-2007, 12:56 PM
Parent: #15
دكتورنا المشرف .. ان شاء الله الحالة زين ..؟
تسلم للبلد
|
Post: #16
Title: Re: يمة معليش .. . .....!!
Author: مجاهد عبدالله
Date: 07-16-2007, 12:56 PM
Parent: #1
حسبنا الله ونعم الوكيل..
الهم الطف بهم وخفف جللهم وأعنهم على قضائك ..
وأبكي يا بلدي الحبيبة...
شكراً الطاهر ...
|
Post: #33
Title: Re: يمة معليش .. . .....!!
Author: الطاهر ساتي
Date: 07-17-2007, 01:00 PM
Parent: #16
العزيز جدا مجاهد .. كيفك يازول ..
ربنا يلزمهم الصبر .. ويعوضهم خيرا ..
|
Post: #18
Title: Re: يمة معليش .. . .....!!
Author: سلمى الشيخ سلامة
Date: 07-16-2007, 03:19 PM
Parent: #1
كل عام نفس المشهد
كل عام نفس التعاسة
كل خريف القلوب مختوته فى الايد
حسبى الله ونعم الوكيل
|
Post: #34
Title: Re: يمة معليش .. . .....!!
Author: الطاهر ساتي
Date: 07-17-2007, 01:10 PM
Parent: #18
رائعتنا سلمى ... سلام
كل عام نفس الحزن ..!!
|
Post: #19
Title: Re: يمة معليش .. . .....!!
Author: صديق الموج
Date: 07-16-2007, 03:29 PM
Parent: #1
هذه ابتلاءات
هذه امتحانات يا اخى الكريم
يسمون غلطاتهم ابتلاءات
فى هذا العهد الغيب
وحكمة الله اى والى فيهم يردد نفس
هذه الجمل المسيخه
لك الله يا شعب الله المعذب،،،
|
Post: #20
Title: Re: يمة معليش .. . .....!!
Author: Sawsan Ahmed
Date: 07-16-2007, 03:54 PM
Parent: #19
شكرا الطاهر ...
لامهات الجميع...الله ينظركم من فوق سماء عادله.. سيكون في عونكم!
|
Post: #21
Title: Re: يمة معليش .. . .....!!
Author: عبده عبدا لحميد جاد الله
Date: 07-16-2007, 04:12 PM
Parent: #20
العزيز الطاهر
تحية طيبة
شكراً كامل تضامني مع اهلنا
ونهديكم كاركاتير العزيز مصدق وهو يعبر عن الحال
|
Post: #37
Title: Re: يمة معليش .. . .....!!
Author: الطاهر ساتي
Date: 07-17-2007, 05:12 PM
Parent: #21
الحبيب عبده .. كيفك ياخى ..؟
شكرا ليك وللرائع مصدق ..
صرااااااااخ ..
|
Post: #36
Title: Re: يمة معليش .. . .....!!
Author: الطاهر ساتي
Date: 07-17-2007, 05:08 PM
Parent: #20
العزيزة سوسن ... تحياتى
كان الله في عونهم ..
|
Post: #35
Title: Re: يمة معليش .. . .....!!
Author: الطاهر ساتي
Date: 07-17-2007, 05:03 PM
Parent: #19
الموج .. مودتى ...
لك الله يا شعب الله المعذب،،،
.
.
له الله ..
|
Post: #22
Title: Re: يمة معليش .. . .....!!
Author: Alshafea Ibrahim
Date: 07-16-2007, 04:40 PM
Parent: #1
معليش ، في بلد كلها طين وموية و تعاني فيه الأسر سنين عددا لبناء غرفة جالوص واحدة تسع أربعة أشخاص ، يعني لغاية ما يكتمل أدنى سكن شرعي مكون من ثلاث غرف وصالون جالوص محتاجين تقريبا من خمس لعشر سنوات؟ وفي لحظة يصبح أثرا بعد عين ؟؟ ينهار الحلم الجميل؟ ولا معين ولا كفيل ، استخرجوا التصاريح وسددوا رسوم الأراضي ورسوم العقود ورسوم المحليات ورسوم النفايات وكل ما يظهر ويستجد من رسوم؟ ابتلعها الغول هي وتراب الغرف ويارب سترك ...
مودتي أخي الطاهر ساتي
الشفيع إبراهيم
|
Post: #38
Title: Re: يمة معليش .. . .....!!
Author: الطاهر ساتي
Date: 07-17-2007, 05:19 PM
Parent: #22
حبيبنا الشفيع ....مودتى
غول في غول ..
والنتيجة .......
|
Post: #23
Title: Re: يمة معليش .. . .....!!
Author: Ahmed musa
Date: 07-16-2007, 08:13 PM
Parent: #1
وحيكومات تجي
وحيكومات تغور
تحكم بالحجي , الدجل الكجور . . .
مرة (العسكري) كسار الجبور
ويوم بإسم النبي تحكمك القبور
هم يا الفنجري يا الجلف الصبور
كل السقتوا مات وباقي علي التمور
وأرشك راقدي بور
لا تيراب وصل
لا بابور يدور !!!!
|
Post: #39
Title: Re: يمة معليش .. . .....!!
Author: الطاهر ساتي
Date: 07-17-2007, 05:23 PM
Parent: #23
العزيز احمد .. تقديرى
وفعلا ..
وأرشك راقدي بور
لا تيراب وصل
لا بابور يدور !!!!
|
Post: #24
Title: Re: يمة معليش .. . .....!!
Author: الطاهر ساتي
Date: 07-16-2007, 08:22 PM
Parent: #1
الاحباب .. شكرا لكم ..
وبرجع ليكم تانى وتالت باذن الله
|
Post: #25
Title: Re: يمة معليش .. . .....!!
Author: عصام عبد الحفيظ
Date: 07-16-2007, 09:22 PM
Parent: #24
ويا ها المحرية فيك
وربى الطف بانسان السودان
واجعل له مخرجا
|
Post: #26
Title: Re: يمة معليش .. . .....!!
Author: Mustafa Mahmoud
Date: 07-16-2007, 09:31 PM
Parent: #25
thank ustaz AL tahir
god bless you
|
Post: #27
Title: Re: يمة معليش .. . .....!!
Author: معتصم ود الجمام
Date: 07-16-2007, 11:16 PM
Parent: #26
العذاب مكتوب علينا
والشقا بقى ذي اخونا
|
Post: #42
Title: Re: يمة معليش .. . .....!!
Author: الطاهر ساتي
Date: 07-17-2007, 05:35 PM
Parent: #27
العزيز معتصم .. محبتى ..
العذاب مكتوب علينا
والشقا بقى ذي اخونا
مش ذي .. بقى ..!!
|
Post: #41
Title: Re: يمة معليش .. . .....!!
Author: الطاهر ساتي
Date: 07-17-2007, 05:32 PM
Parent: #26
مودتى .. وتقديرى ياد. مصطفى ..
تسلم من كل شر ..
وربنا يوفق .. ويحفظ الكل
عيادة عائمة ..!!
|
Post: #40
Title: Re: يمة معليش .. . .....!!
Author: الطاهر ساتي
Date: 07-17-2007, 05:27 PM
Parent: #25
حبيبنا الانسان الجميل عصام ..
آمين ..
رب الطف ...انهم ضعفاء فقوهم
واحفظهم ..
|
Post: #43
Title: Re: يمة معليش .. . .....!!
Author: الطاهر ساتي
Date: 07-17-2007, 05:42 PM
Parent: #1
شكرا للزملاء الاعزاء ...صلاح عمر.. سلمى فتح الباب .. وليد كمال
شكرا لهم على توثيق هذه المشاهد ...
وشكرا لكل من انفعل بالحزن .. صادقا
|
Post: #44
Title: Re: يمة معليش .. . .....!!
Author: Anwar Ahmed
Date: 07-17-2007, 06:16 PM
Parent: #1
الاخ الطاهر ساتي تعجبني أصالتك و وطنيتك ودفاعك عن من أشقاءهم التعب وهموم الحياة و وقوفك ضد من يرتشفون نقود الشعب.
أنور أحمد
|
Post: #45
Title: Re: يمة معليش .. . .....!!
Author: Yasir Elsharif
Date: 07-18-2007, 07:09 AM
Parent: #1
الطاهر سلامات،
وشكرا على الصور ونشرها في منبر السودان الحر..
سمعت مواطنا في منطقة أم ضبان يقول: "شوارع الظلط دي هي السبب".. يقصد أن بناء شوارع الظلط تم من غير مراعاة سير المياه والخيران.. "ألف باء" في مسألة بناء الطرق ولكن السبهللية والإرتجال ومحاول إظهار أن الحكومة أنجزت.. تخطيط للأحياء بدون الإهتمام بالتصريف والبنية التحتية.. ماذا ننتظر غير الكوارث؟؟
الحكومة السودانية حكومة فاشلة، وسوف يستعلن فشلها أكثر وأكثر..
ياسر
|
Post: #46
Title: Re: يمة معليش .. . .....!!
Author: د.محمد حسن
Date: 07-18-2007, 08:34 AM
Parent: #1
بحثت في كل قواميس الابجديات
فلم اجد الا ان اقول
حسبنا الله ونعم الوكيل
|
Post: #47
Title: Re: يمة معليش .. . .....!!
Author: Ashraf el-Halabi
Date: 07-18-2007, 08:59 AM
Parent: #1
الخزي للسناجب (و)الحيوانات
|
Post: #48
Title: Re: يمة معليش .. . .....!!
Author: الطاهر ساتي
Date: 07-25-2007, 04:31 PM
Parent: #1
شكرا لكم ....الى ان اعود لنبل مشاعركم
مودتى ....
وهنا ماتت - بالصالحة - حواء .... لها الرحمة
|
Post: #49
Title: Re: يمة معليش .. . .....!!
Author: Tragie Mustafa
Date: 07-25-2007, 05:01 PM
Parent: #48
يارب الطف بهم وارحمهم وهون لهم سبل الحياره الكريمه.
شكرا لك يا الطاهر ساتي.
|
Post: #50
Title: Re: يمة معليش .. . .....!!
Author: HAYDER GASIM
Date: 07-25-2007, 05:23 PM
Parent: #49
الأخ الطاهر ساتي
كان الله فى عونهم ,
وكأنهم ناقصين ... فلا
حول ولا قوة إلا به .
مع كل هذا الخراب فلأحظ أن
كثيرين من أبناء شعبي طريحي
الوجه وفي إشارة بالغة للرضى
بقضاء الله وقدره , بل هناك من
يترسم على وجهه الإبتسام رغم
الدمار { الشامل } ... أو هكذا
أهل بلدي .
ليتني كنت بين هؤلاء لأرفع عن نفسي
إحساس الهروب من الواقع ولأغسل من
مياه الفضيان وزر الأنانية ومسغبة
الحلول الفردية . أكتب الآن وأنا
متربع فى إحدى البنايات العالية
... نظيف ... شبعان وأي شئ ... لكن
إحساسي بأن هؤلاء الغبش الحيارى الذين
رأيتهم فى صورك ... لهم أكرم مني ...
تخريمة:
الطاهر ساتي يا أخوي ... والللللهي
مشتهي { أخوج } فى موية المطر ...
فيا بختكم ... تخوجوا ... سآآآآآي
مع مودتي
|
Post: #51
Title: Re: يمة معليش .. . .....!!
Author: الطاهر ساتي
Date: 07-27-2007, 04:13 PM
Parent: #50
الحبيب حيدر ...
| Quote: ليتني كنت بين هؤلاء لأرفع عن نفسي إحساس الهروب |
انت معهم .. باحساسك بآلامهم .. بصدق مشاعرك .. أراهم في حروفك
وآراك في آمالهم .. مودتى
|
Post: #52
Title: Re: يمة معليش .. . .....!!
Author: الطاهر ساتي
Date: 07-27-2007, 04:19 PM
Parent: #49
الاخت تراجى ... مودتى
رب الطف بهم ..آمين
|
Post: #53
Title: Re: يمة معليش .. . .....!!
Author: Ahmed musa
Date: 07-27-2007, 06:16 PM
Parent: #1
والله يا طاهر الفكر والقلم واللسان
لا نملك سوي ان نقول ونسأل
كيف لأولئك القابعون بالفواخر من مكاتب بمال الشعب
وحوجة الشعب
وذله
كيف لهم الشعور بطعم الحياة ؟!!!
أشهد الله علي يقين أن كل اولئك القابعون بين عدسة مصورك
وإحساس الضيق فينا
اكرم
وأشرف
وأنزه من كل الحكومات الفقُر
الحكومات اللئيمة
(وأشرف من لسنات الفجرة)
وليس لنا اليوم سوي
أأأأأأأأأأأأأأأأأأأه
ولنا غداً
حلم
وامل
ورغبة حقيقية في التغيير نحو الاجمل
|
Post: #54
Title: Re: يمة معليش .. . .....!!
Author: الطاهر ساتي
Date: 08-01-2007, 11:21 AM
Parent: #53
الأخ احمد موسى ... مودتى
وانا أيضا حائر ..
كيف لأولئك القابعون بالفواخر من مكاتب بمال الشعب
وحوجة الشعب
وذله
كيف لهم الشعور بطعم الحياة ؟!!!
|
|
