دفعتى باقتصاد جامعة الخرطوم والكليات الاخرى (السنتر والاطراف90-94 !! اين ذهبت بكم الاقدار ؟؟؟؟

مابين منتصف 2007

وأواخر 1994

اثنا عشرة عام ، زمن كثيف الوجد ، الا انه لم يبهت لون الذكرى ، ولم ينشف حلق الماضى من كحته الاليفة وبسمة الخاطر الحميمة .

كتبت فى غلاف الخريج

هكذا كنا...

أغصان ابنوس تتمايل
تحت ايقاع المطر
تتداخل الرؤى عند كل وقفة نبيلة
قوس قزح يجمع بين قلوبنا
الشمس تدلو بشعاع بلورى التوهج
فتنساب فى عيوننا مكامن البريق
والتحديق فى الشموس .

وكتبت ايضا" :
الآن لا بدء
اذ دخلنا فى مساحات الختام
فالبرق اشارة الظلام
والوعد ان نلتقى
عند المصب
فى باحة الجرح الوطن

انتهى .

ولكننا لم نلتقى

سافر من سافر ومات من مات ويقى من بقى

هذا ماحدانى الى كتابة هذا البوست وهو ليس حصريا" على تلك الدفعة فهناك صداقات انبنت فى تلك الفترة ولم يكن هناك فرق بين الكليات فقد شكلتنا دهاليز السياسة والادب لان نكون بنمطية من يحمل جوازه عند صالات الجمارك .

لعلك بابكر زيكو
ود رفاعة
إنشاء الله تكون هو بنفسه
لأن نقاط التقاطع بيننا كثيرة
هو من رفاعة وأنا من الحصاحيصا
هو من إقتصاد وأنا علوم إدارية
حيث السنة الأولي مشتركة فى كل المواد
وجزء من مواد السنة الثانية
ولدينا العديد من الاصدقاء المشتركين
ومدارج السعي يومياً ما بين ليمون بيزنس وشراب الشاي
في بيت العرس ( كافتريا إقتصاد )
والله زمان
ولي عودة بإذن واحد أحد

فضل كرار

Quote: الآن لا بدء اذ دخلنا فى مساحات الختام فالبرق اشارة الظلام والوعد ان نلتقى عند المصب فى باحة الجرح الوطن انتهى . ولكننا لم نلتقى

وأنا علوم إدارية!

ناديا السر

بلاقيك فى مدخل بزنز

بسلم عليك طوالى

كان معاك زول رفيقك

تاج السر متكسى الزول السمح
والخير الامين الحسين المحبط جدا"

كان عندنا 11 لكشر وعندكم 40 فى الاسبوع
وكان التندر الصفة الملازمة لهكذا فراغ
نحن نستمتع باركان النقاش وانتم مخنوقين فى القاعات

ازيك ومشتاقين

كونى معنا


سلام للرفاق فى كل مكان


التعديل لخطأ مطبعى

نعم هو زيكو يافضل كرار

الحظك بعين المترقب فى كثير من البوستات

يا اخضر البصيرة
ودائم الابتسام
وبشوش المحيا

لن انساك فبينى وبينك الشركاء الاوفياء كما ذكر يحي فضل الله


خالد محمد الحسن ، محمد بكش ، ناصر ، الكثيرين/ت

يا ناس 90
مفروض نكون قابلناكم في الدفاع الشعبي في القطينة
او في ليمون بزنس
ما اظنكم كنتو بتقطعوا الغربي

محمد البشرى
هندسة - 90

محمد بشرى


نعم كنا دفعة (فار التجارب الاولى للانقاذ)

الدفاع الشعبى
تصفية السكن والاعاشة
التزوير
المقاطعة

لحقنا التكت كان الذهاب الوجبة كانك تود ان تركب بص سفرى اشبه بموقف حافلات السوق الشعبى

.............

بخصوص الغربى

غايتو انا الزول الوحيد المن الاقتصاد الكسرت القاعدة وكنت بمشى لهندسة وبشق الغربى
وبدخل الاكستنشن وبتشاكل مع عبادى الطويل واقارع اليسع والنور جابر واباذر المجنون واخريان واخريات

تحياتى لهم جميعا"

بمانسبة الهندسة دى
وين الزول السمح مهدى رابح برير

مهدي رابح آخر عهدي بيه في السودان قبل 4 سنوات
إنت عرفته من مدني و لا في الجامعة

بالنسبة لدفعة 90 في البورد هنا(العرفتهم)
محمد علي احمد البشير - هندسة
جعفر بشير - هندسة
سعيد زكريا - طب
ابوعبيدة حسن - إقتصاد
أسماء الأمين - آداب

(موضوع شكلتك لعبادي دي مسألة فيها نظر)

Quote: مهدي رابح آخر عهدي بيه في السودان قبل 4 سنوات إنت عرفته من مدني و لا في الجامعة

الاخ محمد البشرى

عرفت الاخ مهدى رابح من خلال العمل النقابى بالجامعة ، حيث كان عضو فى المجلس الاربعنى لاتحاد طلاب جامعة الخرطوم 91(المحايد) قبل تجميده وقد سير هذا الاتحاد قافلة إصلاحية من زراعة واقتصاد الى رفاعة وماجاورها لمكافحة التصحر وقد حضر الى فى رفاعة واكرمنى بالنزول فى بيتى للتمهيد والتنسيق مع العون الايرلندى والمحافظ بخصوص هذه القافلة ، وقد واجهنا عوائق كبيرة وكثيرة من الاتحاد العام للطلاب السودانيين ومن مكتب الامن ومن كل الاجهزة الحكومية بالرغم من ان العمل كان نقابى وليس سياسى البتة


تحياتى له وآمل ان لا يكون قد نسانى فمشاغل الدنيا اكبر منا

ويظل الإقتصاد العلم والكلية في قلوبنا

ونحن الإمتحنا بالرشاش مابين كلية الصحة وتربية امدرمان والمقاطعة وما ادراك ماهي

هل ياترى هناك احد من "القروب الرحلي بورتسودان 90"..

وكانت لنا ايام..

بت النيل

كيفنك


من بورتسودان اذكر الحبيب احمد ابوبكر كان الاول على دفعته وهو الآن فى بريطانيا اعتقد انه نال الدكتوراه

تحياتى النواضر



بابكر زيكو

حذف للتكرار

الاحمـــدي

ونهلة..
وزهير حمدنالله

ومجتبى ود الملازمين


ديل انا جيت الجامعة لقيتم في الفاينلست..

Quote: كان معاك زول رفيقك تاج السر متكسى الزول السمح والخير الامين الحسين المحبط جدا"

سلام و تحايا يانعات لكل من رافقناه فى تلك الفترة الصعبة حقا

ساعود حتما لاحكى و اسمع !

زيكو مشتاقين !

الاخت نادية السر


نحن فى انتظارك


بزبنز فيها رفيقات ورفاق رائعين على سبيل المثال


الشريك الحميم سامر حسن
الرائع محمد عجبنا
فيها النقر الزول النابغة
فيها روضة قبة
فيها مها عبدالله سليمان
الصديقة رشا الكاشف

والقائمة تطول

دكين


الناس القلتهم ديل (شركاء حميمين) (هذا المصطلح استقيته من لسان يحى فضل الله وعاجبنى عجب شديد خلاص)

الاحمدى الزول الجميل ، كان احد المحتفين بى وانا عريس فى بيته المضياف دوما"
مجتبى ، اشتاق له جدا" طال بيننا الامد

زهير الظريف الحبوب الاليف يدخلك من حيث لاتدرى

نهلة دى لو من قربهم اكيد بنعرفها

ديل كلهم برالمتى


عارف يادكين انت زاتك اكيد بعرفك

أخونا زيكو سلام و كل الحبايب الحلوين هنا
أيام جميله و الله. سألت منك الأخ عبد الرحمن حسن و أبوعبده و الظاهر الدنيا جدعتنا كل واحد في ركن
تعرف قابلت أخونا الصادق ثيوري بالصدفه في أحتفال للجاليه السودانيه و كان كل الكلام علي تلكم الأيام الخوالي
أخر عهدي بأخبارك أنك في بلاد العم سعود كما أختنا أسماء الأمين و كوكبه من النجوم السوامق

ود البشري يا لذيذ لسه التلفون مقفول ولا غيرتو (مكنه عايزه عمره) تحياتي للاسره الكريمه شوف لينا أبو عبده وين و خليهو يتكرم علي البوست بكلمه كلمتين.

تحياتي
محمد علي أحمد البشير
هندسه 90

زيكو
مودتي
الزمان
المكان
الشخوص
كلها أحداث يجب الوقوف عندها
لك الود يا زيكو ولكل الدفعة

وراق الحبيب

ازدواجية الدويم ببخت الرضا بجامعة الخرطوم

مثلث النبوغ

الطيب برير
دفع الله اسماعيل
اسماعيل وراق
ابى عز الدين
محمد همام
خالد همام
موسى البر

ياخو انت ناس رائعين خلاس

الاخ العزيز الباشمهندس محمد البشرى

سعيد بهذا اللقاء فى هذا البوست الاجتماعى البعيد عن المهاترات السياسية والزعل

مجرد ذكرى تطرب الخاطر سعيد جدا" كونك صورة وحبر امامى

تذكرت على محياك اصدقاء رائعين
عبدالرحمن حسن بينى وبينه الطين والسماء والهواء والذكرى اشتاقه جدا" آخر لقاء كان قبل 10 سنوات ، لابد ان اذكر فى محياه شخصين
هما رشاد ، وآدم عمر
حبى لهما

ثيورى فى امريكا

والله بركة الفتحت البوست ده عشان اعرف الخبر ده

تحياتى العميقة له

ابوعبيدة حسن نحن فى انتظارك

الى كل الذين فقدناهم فى ذلك الدرب الاخضر


الى بشير ،سليم ، التاية ،

الى طارق محمد ابراهيم

الى علية على عبدالرحمن

الى حمزة موسى

الى على حسن العمرابى

الى اميمة احمد

الى اميرة كرار


الى ارواح كل ابرياء الحركة الطلابية


اقدم الذكرى والترحم والتجلة

Quote: الى كل الذين فقدناهم فى ذلك الدرب الاخضر الى بشير ،سليم ، التاية ، الى طارق محمد ابراهيم الى علية على عبدالرحمن الى حمزة موسى الى على حسن العمرابى الى اميمة احمد الى اميرة كرار الى ارواح كل ابرياء الحركة الطلابية

نسأل الله لهم الرحمة والمغفرة وان يتقبلهم مع الشهداء والصديقين
العزيز بابكر
تحية طيبة
ياخي عنوان البوست خلانا رجل جوه ورجل بره دفعة 87 - 92
على العموم شكراً على البوست وذكريات تلك الايام الجميلة

عبده عبدالحميد - اسكول(ما عارف اسمها اصبح شنو مع المتغيرات دي)

الاخ الكريم عبده

انتم كنتم الساس والراس

تمتلكون الحكمة

وتتشبعون بنفس كلية غردون


ومابعدكم اختلطت الامور والجامعة اصبحت سوق شعبى كبييير

دفعتكم دى فى اقتصاد كان فى فطاحلة واعلام تعلمنا منهم الكثير

عابدين ود القطينة
مدثر داؤود
ايمان ابوريد
عبدالمنعم النصرى
كوثر السجان

القائمة تطول

ومنهم استقينا كل القيم وكل الجمال

خالص التحايا ..
بابكر عثمان مكي

استاذنا الذي لاينضب من الجمال..
نستقى منك الروح..
جئت من اجل التحية لك وللمعاك على سبيل المثال صديقناMohamed Elbashir

جميعا لكم التحايا النواضر..

معتز ، تروتسكى


افتقدك ايها الحكيم ، لماذا هذا الاختفاء الطويل

وسعيد ان تكون معى فى هذا التذكر

من مزايا هذا الاسفير انها تمهد للقاء معقول فيه المنطق والوعى والاستنارة

عموده الفقرى شخوص لانراها الا من خلال احساسنا العميق بوعيها فيما بين السطور


تحياتى النواضر لك ولكل الشركاء الحميمين

Quote: Quote: مهدي رابح آخر عهدي بيه في السودان قبل 4 سنوات إنت عرفته من مدني و لا في الجامعة الاخ محمد البشرى عرفت الاخ مهدى رابح من خلال العمل النقابى بالجامعة ، حيث كان عضو فى المجلس الاربعنى لاتحاد طلاب جامعة الخرطوم 91(المحايد) قبل تجميده وقد سير هذا الاتحاد قافلة إصلاحية من زراعة واقتصاد الى رفاعة وماجاورها لمكافحة التصحر وقد حضر الى فى رفاعة واكرمنى بالنزول فى بيتى للتمهيد والتنسيق مع العون الايرلندى والمحافظ بخصوص هذه القافلة ، وقد واجهنا عوائق كبيرة وكثيرة من الاتحاد العام للطلاب السودانيين ومن مكتب الامن ومن كل الاجهزة الحكومية بالرغم من ان العمل كان نقابى وليس سياسى البتة تحياتى له وآمل ان لا يكون قد نسانى فمشاغل الدنيا اكبر منا

اتمنى ان يكون فى هذا المنبر الكثير من الذين اشتركوا فى هذا القافلة وخصوصا" من الزراعيين

وكتبت ايضا


قدر ماتلاقينا
نلاقى حبور
بشيلنا ظن مسرور
وغصن وراق
وضل من تواليف سور

نضحك
تغمض عيونا من وهجه
تنور كل دواخلنا بدور
تكون اللحظة جوة الذات
غنية من طمبور
ويكون الجدول الرقراق
سقاية شتلة برية
فى هضاب النور

اخي بابكر..يادوب لميت في دفعتي في سفركم الإقتصادي هذا ..كوثر السجان..إيمان ابوريد ..مدثر ..واضيف الحلوين الزمزمية ..دولي..افراح..علي عباس..بت الجاك..هدية ..طلال..شبو ..الخ ..عقد فريد متعهم الله بالصحة والعافية اينما كانوا

واضيف لك كمان يابنت النيل

طارق المدنى
امانى ابوسليم
محمد على
عمر القليد
السر

والقائمة تطول

عمالقة ونبلاء

بقي نحن دخلنا خمسة وتمانين

وفي سنة اولي السكن بتاعتنا كان داخلية فلسطين مع ناس اقتصاد ونجوم اقتصاد

ناس معاوية السمين ودانيال وبرعي وعبد الواحد حجو وطارق القصير ود ابو عشر

بعدين نعرج علي ناس عصام جبرالله وعادل عبد الجليل وطارق ابوشوك

وبنات سمحات سماحة لو كنت حضرتيهم كان لحدي هسع ما اتخرجتو

Quote: بقي نحن دخلنا خمسة وتمانين وفي سنة اولي السكن بتاعتنا كان داخلية فلسطين مع ناس اقتصاد ونجوم اقتصاد ناس معاوية السمين ودانيال وبرعي وعبد الواحد حجو وطارق القصير ود ابو عشر بعدين نعرج علي ناس عصام جبرالله وعادل عبد الجليل وطارق ابوشوك

الاخ الكريم خليل

كيفك

فلسطين فى عهدنا داخلية الطالبات ومازالت

الناس القلتهم ديل كلهم اعلام ومميزين

طارق ابشوك نقابى معروف

وكذلك اذكر ابراهيم باخت واسماعيل وداى

سمعنا بكم ولكننا لم نراكم ولم نحضر عهدكم

Quote: وبنات سمحات سماحة لو كنت حضرتوهم كان لحدي هسع ما اتخرجتو

لكل عهد عمالقته ولكل زمن جماله


لك جزيل الشكر

شقيقتي نادية عمر محمد صالح
تخرجت في كلية العلوم الإدارية
جذبها بريق الإغتراب .أمضت في دولة الإمارات العربية المتحدة أربع سنوات .
لم تجد نفسها ومستقبلها في بلاد الغربة .
إتخذت قراراً شجاعاً بالعودة .
تعمل الآن في ديوان المراجع العام
سعيدة هي الآن مع زوجها وإبنها وعملها

Quote: شقيقتي نادية عمر محمد صالح تخرجت في كلية العلوم الإدارية جذبها بريق الإغتراب .أمضت في دولة الإمارات العربية المتحدة أربع سنوات . لم تجد نفسها ومستقبلها في بلاد الغربة . إتخذت قراراً شجاعاً بالعودة . تعمل الآن في ديوان المراجع العام سعيدة هي الآن مع زوجها وإبنها وعملها

عاطف


الآن فقط ادركت لماذا هذه النادية اخت رجال

لم اربط نهائيا" بين الاسمين الا بمداخلتك

سبحان الله ياخى الواحد (مسطح فى لورى ماشى شندى عديل )

عزائى لها فى الوالد ياعاطف وتحياتى العميقة لها



بابكر زيكو

يجب الا تفوتنى التجلة والامتنان لكل اساتذة كلية الاقتصاد ومشرفيها واداريها

واخص العلامة والاب الودود بروفيسر محمد هاشم عوض

Quote: واخص العلامة والاب الودود بروفيسر محمد هاشم عوض

تحية له والله....
رجل بيعرف اقتصاد من اوله لآخره...
يعرف كيف يعطى العلم لتلاميذه ....
تحية له...
جوك

صدقت اخى الكريم جوك

قرأت فيما قرأت عنه أنه فضّل الاستقالة علي انتهاج الاساليب المدمرة للاقتصاد الوطنى عندما رفض القرار الجمهورى الذى اصدره جعفر نميرى، والخاص بزيادة سعر السكر بواقع (قرشين للرطل) عندما كان وزيراً للتجارة في 1978م .





حاليا الزيادة فى السكر آخر من يعلم بها هو الوزير

العزيز عاطف وصاحب البوست الصديق زيكو ازيكم ,,


العزيزة نادية عمر محمد صالح بت رفاعة دفعتى لها اندى التحايا منى

لك التحية مرتين يانادية

مرة لانك دفعة نادية

ومرة لانك دفعتى

العجايز الزينا ديل

ما بلقوا فرقة معاكم يا برالمة البرالمة


تحياتى لكم جميعا و أنتم تعيدونا لذكريات اقتصاد الخرطوم

Quote: العجايز الزينا ديل ما بلقوا فرقة معاكم يا برالمة البرالمة تحياتى لكم جميعا و أنتم تعيدونا لذكريات اقتصاد الخرطو

التحية لك انت ايضا" يا اخ عصام

من ميزات جامعة الخرطوم ان االماضى يعلق على جدرانها كغبار الازمنة


فيلتصق بالاجيال جيل بعد جيل


عشان كدا بصمتكم موجودة مهما طال الزمن .

Quote: الآن فقط ادركت لماذا هذه النادية اخت رجال لم اربط نهائيا" بين الاسمين الا بمداخلتك سبحان الله ياخى الواحد (مسطح فى لورى ماشى شندى عديل ) عزائى لها فى الوالد ياعاطف وتحياتى العميقة لها

زيكو
ما تراني قائل بعد عظيم إطرائك هذا ؟؟
من أفضال نادية علينا أنها تعرفنا كل حين بأخوان تنتقيهم كما أمهر الصاغة ، فهي لا تعرف من الدر إلا نفيسه ومن الجياد إلا أكرمها .
وتقبل أنت عزاءها لك في عمك المغفور له بإذن الله عمر محمد صالح .

Quote: العزيز عاطف وصاحب البوست الصديق زيكو ازيكم ,, العزيزة نادية عمر محمد صالح بت رفاعة دفعتى لها اندى التحايا منى

مراحب أختي نادية السر
تحياتك وصلت وتبلغك تحايا أندى وأجمل

Quote: زيكو ما تراني قائل بعد عظيم إطرائك هذا ؟؟

حا اقول ليك قول السماسرة ياعاطف


(حرم انتو الاتنين ماتقولو حاجة )

العزيز زيكو انا ما عارفةلكن بالجددفعتكم دى مشت وين نادر ما تقابل منهم احدالا نادر قابلت هام سراج يا زيكو تسال منك لو شفتها ما بتعرفها لابسة النقاب بس لسة متذكرة الناس بس رابطة رفاعة ما عارفة الناس اتشتت بس قابلت نادية عمر ونهلة ادم هشام الحين بالتلفون اشرف محمد ومرة ست الجيل ابوريد الايام دى نعمان اللورد عريس قلت ليه بعد صراع طويل مع العزوبية لك التحايا والى كل الروائع الذين تشرفنابمعرفتهم فى تلك الايام التى لن تتكرر طبعاانا يا زيكو يا خوى ما قدركم صغيرة جاهلة نحن القرينا الاساس ههههههههههه لك كل الشوق

Quote: زيكو يا خوى ما قدركم صغيرة جاهلة نحن القرينا الاساس

صح يامواهب ، اصلو كضب مافينا


مبروك للورد وتحياتى لكل هؤلاء الاحبة

صديقي

زيكو00


مليون سلام


تعرف يا زيكو أول ما شفت البوست ده اتذكرت فيهو شخصيات اثرت فيني في يوم من الايام بشكل غير عادي ، شخصيات لقاءها مرة يعتبر الف مرة ، وده ياهو ( زيكو) الحبوب الحنين الظريف اخو الاخوان ، وبس سؤآلك ده عن دفعتنا وعن احوالهم وماذا فعلت بهم الاقدار ! ينم عن نفس نقية نشطة محبه للكل 00
ومن هنا بحيي كل الرائعيين المشاركين في البوست الظريف ده


الباشمهندس محمد على

الباشمهندس محمد بشرى

وغيرهم من هذه الباقة الرائعة المشاركه

وغيرهم من أتي ذكرهم في المداخلات المختلفة :

الصديق الظريف عبدالرحمن حسن ( توتر)
رشاد عثمان00
آدم عمر00
والصادق ثيوري

يا سلام يا زيكو عليك وعلى ايام الجامعة 00

لن ننسى اياماً مضت 000


وتحياتي حتى عوده آخرى 00

ابوعبيدة ، الشريك الحميم


لجامعة الخرطوم سطوتها

فى العلاقات العميقة ،

رابط لا يتآكل ولا ينقطع

المؤلم جدا"


تسرب هذا الكم الهائل من خريجيها


الى المنافى دون ان يستفيد منهم السودان


والسبب الاول طبعا".. (لقمة العيش المخبأة فى تجاويف السفر)

والسبب التانى هذا القمع الدكتاتورى ومصادرة

الحريات

والسبب الثالث ، مآل الوظيفة الى الجهوية المطلقة


من المضحك جدا" ان تصبح قدراتنا (بول ) العير فى رمضاء الرمال






أنا برضو جاييك راجع تانى يابوعبيدة

يداهمك فى مدخل كليةالتربية

شعور الريف والاصالة


عمر الشين

نجلاء جعفر

فاتن عبد الماجد

الصادق ود كوستى

بدرية على

آخرين وأخريات


لهم التحية من هنا مضمخة بهذا الغياب الذى هو مسيرة طبيعية للحياة

وفى مدخل كلية الطب

تنتابك رهبة اكاديمية

وتشعر بان هذا المكان اكبر مستودع للنظارات (قعر الكباية )


وبرضو تستعجب فى الدكاترة الحاتلين فى كفتريا اقتصاد بيباصو كيف


وينكم ايها الشركاء الحميمين

خالد حسن
مامون السر
ابوبكر عبدالقادر
ياسين
عثمان اللورد
.
.
.
.
والقائمة تطول بلا ترتيب فى المعزة ولا عشواية فى المحبة



عثمان بشير ارباب (آخر عهدى بك وداع اليف على صالة جمارك بائسة )

سلام على ذكريات الجامعة

إحنا ذي ما قال ابو خليل دفعة 85-90

Quote: بقي نحن دخلنا خمسة وتمانين وفي سنة اولي السكن بتاعتنا كان داخلية فلسطين مع ناس اقتصاد ونجوم اقتصاد ناس معاوية السمين ودانيال وبرعي وعبد الواحد حجو وطارق القصير ود ابو عشر بعدين نعرج علي ناس عصام جبرالله وعادل عبد الجليل وطارق ابوشوك

و اضيف عليهم حاتم معني و محمد السيد فطاحلة كرة القدم الغلبوا ناس خليل 5 صفر مع الرأفة.


تحياتي لنسايبي ناس الإقتصاد


عمار يس النور
مدرسة العلوم الرياضية

85-90-95

مرحبتين الاخ عمار

من الملاحظ جدا" فى عهدنا تفاعل مدرسة العلوم الادارية بالجامعة اجتماعيا" ، هم اكثر تاثيرا" على الناس واكثر لطفا" ووعيا" والغريبة ان دراستهم جافة ورقمية من الدرجة الثانية بعد مدرسة العلوم الرياضية (اسكول) طبعا"


ناس معنى جينا سمعنا بيهم وحكت عنهم ميادين الجامعة بس ماحضرناهم وماشاهدناهم


تحياتى لك عامرة بالتقدير والاحترام

ثم قانون ، ومطرقة القاضى على منصة الحب المحكوم عليه بالاعدام شنقا" على تواتر الايام وظروفها

قاسية هى هذه الكلية مرصوفة ببلاط الجدية والحزم ، مرتبين هم طلابها ولطيفين ويجيدون الحديث

ولهم حس ادبى رفيع وقوى

أسجى التحايا

الى معتز عوض

وحاتم الفاضل

وبكرى المقبول

ونهلة آدم

وسلمى الطيب

وتهانى عثمان


و
و
و
و

تطول المسافة التى تشمل مصفوفتى الاليفة من أحجبة الصحاب

تحياتى لهم جميعا"

ثم آداب

والمقولة المشهورة (الجامعة آداب وماعداها مهن وحرف )


جدو.. عبدالرحمن على

والطيفور صلاح

والكباشى منير

والجعلى ايمن

والكرار محمد

وسليمان


وأيضا" القائمة تطول وتطول


أمسيات منتدى الفلاسفة


ربما سهى قلمى فى التوقيع لدخول اقتصاد

فكل حواسى تكمن فى آداب

تحياتى لهم جميعا" اينما كانو

Quote: لكل عهد عمالقته ولكل زمن جماله بابكر ما اظن في حلاوة بنات خمسة وتمانين كافتريا اقتصاد وعبد الحليم حافظ يغني رميت الورد طفيت الشنع يا حبيبي وازمة السجاير الا في كافتريا اقتصاد والله ايام يا زمان ببكي واتحسر عليك وما بقول العشنا كان وارمي حبة لومي فيك

---

Post: #54 Title: Re: دفعتى باقتصاد جامعة الخرطوم والكليات الاخرى (السنتر والاطراف90-94 !! اين ذهبت بكم الاقدار ؟ Author: عبده عبدا لحميد جاد الله Date: 07-22-2007, 07:13 PM Parent: #53 العزيز بابكر تحية طيبة يارائع Quote: طارق المدنى يا سلام ذكرتنا صديق راقي له التحية اينما كان آخر مرة تقابلنا عام 2000 واضف ليك من هذه الدفعة الاعزاء خالد المدني (اخو طارق) احمد سعيد عصام عبدالرحيم(الرخ ) ود امتداد ناصر احمد وعصام حالياً بايرلندا لهم خالص التحايا تحياتي

---

Post: #55 Title: Re: دفعتى باقتصاد جامعة الخرطوم والكليات الاخرى (السنتر والاطراف90-94 !! اين ذهبت بكم الاقدار ؟ Author: بابكر عثمان مكي Date: 07-23-2007, 06:42 AM Parent: #53 الاخ الكريم خليل لاشك ان أواخر الثمانينات كانت الجامعة ترفل فى نعيمها ودعتها أحيانا (الحلاوة ) بتجى بالدعة والراحة يعدنا تم اختراع ما يسمى بصندوق دعم الطلاب أنزلتنى الحافلة فى شارع البلدية وتقدمتنى طالبة الى مدخل الجامعة وقبل وصولها الى البوابة الرئيسية وفجأة وبدون مقدمات سقطت مغشى عليها أسعفناها وتبين انها كانت تقف قرابة الست ساعات فى صفوف دعم الطلاب وهى تعانى من انيميا حادة زماننا كانت كفتريا اقتصاد لمتعهد جميل اسمه معاوية كان كريما" وشهما" ومتعاونا" وكان الصوت النابع من هذه الكفتريا دائما" دائما" هو صوت مصطفى سيد احمد

---

Post: #56 Title: Re: دفعتى باقتصاد جامعة الخرطوم والكليات الاخرى (السنتر والاطراف90-94 !! اين ذهبت بكم الاقدار ؟ Author: بابكر عثمان مكي Date: 07-23-2007, 06:51 AM Parent: #55 الاخ العزيز عبدة طارق المدنى صديق عزيز وتربطنى به صلة قرابة بعيدة للاسف الشديد لا اعرف اين هو الآن عصام الرخ استضافنى فى بيته فى افطار رمضانى جميل احمد سعيد ايضا" اعرفه وكمان اضيف لك الزول اللطيف الحميم محمد عدوى تحياتى لهم اينما كانو وامنياتى لهم بالعافية والسعادة

---

Post: #57 Title: Re: دفعتى باقتصاد جامعة الخرطوم والكليات الاخرى (السنتر والاطراف90-94 !! اين ذهبت بكم الاقدار ؟ Author: بابكر عثمان مكي Date: 07-23-2007, 03:33 PM Parent: #56 الشمباتة رجال الجامعة هكذا كان الهتاف طبعا" تليها مباشرة الكلمة المشهورة (سكرتيرات اولاد وبنات ) فيحتدم الغضب الا انه غالبا" مايكون الفوز من قبل الشمباتة برغم غضب اقتصاد لانهم فعلا" رجال الجامعة مقدرة على التحمل لكل الظروف ابتداءا" من الباعوض والعزلة وحتى معاقل الامن ودهااليزها وسطوة البنمبان عمر صديق ، اين انت ايها الشهى الدسم الذى تقتات الافق وتتدثر النضال ترى هل تعبت مت مصارعة الطواحين الهوائية انك اسمى من القضية وانضف من لعبتها القذرة حمزة موسى ايها النقابى الفطن لك الرحمة والدعوات الصادقة بنور فى قبرك انت وعلى حسن العمرابى .لم نعد نستقى جدول ضحكتكما الرقراق ثم شقائق النخيل منال بابكر ، وسهام سراج ، ووجدان على قسم الله ثنائيات الزواج الروحى للاصدقاء نادر فريجون وهالة بابكر وسلمى هيثم النوش وماجدولين لكم التحايا النضرة ولاطفالكم السمر