Post: #1
Title: لنا الله وأصدقاء ..
Author: الشفيع عوض شوشتا
Date: 07-10-2007, 09:49 PM
Parent: #0
الغربة شارع الهم وثنائية الوجود والعدم ...
قلب يتسع للآخرين ويضيق بالذات ... ويحمل جثثا مكفنة بالخذلان ..
اليأس ثم اليأس ...
وفي باطن الأسئلة سؤال ...
الوطن...؟؟؟
وهل يموت الوطن ...؟
وانهيار السؤال حزنا أكثر من يعقوب ....
واللحظة تضيق باللحظات ...
والأزقة تقود ألي متاهة...
وفي نهد السر أحلام بسيطة ندخنها سيجارة ونلفظها حكايات قديمة من مهد الطفولة...
أصوات مذبوحة من الانتظار.....
نتذكر أصدقاء في زقاقات الوطن ... كل منا كان يشُد علي كتف الأخر
كلما ضاقت مساحات الوطن لأحلامنا الصغيرة المنسرحه في متاهات الوطن البائس .....
موسيقي وأمسيات قمرية... طفلة مدللة وقعها قُبلة .....
هواء بارد.. إيقاعات مقرونة بصفاء ...وحكايات متسعة...
ابتسامات تذوب معها أخطائنا وهفواتنا...
الموسيقي تنقش للدفء ساقية صوب أمنياتنا ...
ننمو في زوايا الحياة لهبا للشوارع الساكنة .. نؤرخ التواريخ بالحبيبة ..
والحبيبة في الأمسيات وطن تمنح قدرة الثبات علي التجاوز والاتساق...
نتشبث بالنجوم مهرجانًا .. وأنثي تأتي علي خجل لتقرأ أنوثتها في حظوظنا المثقوبة ..
واحتمال أن تنام منتشية بنظرة غير بريئة حركت في دواخلها الأنوثة ..
لا نضجر لأسئلة قد تأتي مع الريح .... فالليل ستار لخيانة الشمس والنهارات ...
حتى ولو سلمت مفاتيح المساء لأول موجة تحتضن النهار بأغنية مشروخة,..
نحن جند الله جند الوطن ...
نحفظ تراتيل الأغنية ... لأنهم قالوا لنا أحفظوا ما تيسر لكم إيمانا وتقوى...
حفظنا وسافرنا علي أجنحة الحلم (غربة) ....
وعروق أجسادنا مسمومة بالاشتهاء المستحيل والأحلام الساذجة.
أمسيات قاسية عند الاكتمال لحظة ولادة الشمس ......
والوجوه مشوهة بتضاريس خيالات لا يتسع العالم لها ...
زمن كافر لعن دينها.....
جدار أحزان أحلامنا المتشرنقة ما بين وحشة الوطن ورهبة الغربة وحبيبة لم تكتمل قصائدها ...
والمباني الشاهقة ترتدي أسرار العاهرات الجميلات ...
لا نقوى امامهن الا بالارتجاف ...
لنا الله وأصدقاء هم ملح الغربة في النهارات الصبية...
وصديقات حبيبات.. معهن نتوسد الصبر أمنيات ...
|
Post: #2
Title: Re: لنا الله وأصدقاء ..
Author: الشفيع عوض شوشتا
Date: 07-10-2007, 10:00 PM
|
Post: #3
Title: Re: لنا الله وأصدقاء ..
Author: Emad Abdulla
Date: 07-10-2007, 10:02 PM
مساء الخير يا شوشتا ..
تقول إيزابيلا الرسولة :
( الأصدقاء .. علكة القلب ) .
صادقة .
مساء الخير يا صاحب .
|
Post: #5
Title: Re: لنا الله وأصدقاء ..
Author: الشفيع عوض شوشتا
Date: 07-10-2007, 10:25 PM
Parent: #3
مساء بطعم الناس الحلوين (الحلوين) ..
شكرا عميقا (عمدتنا) لحضورك في دمي اولاً ثم هنا ثانيا
كون بعافية يا صديقي ..
وتحياتي للرايعة (إيزابيلا) ..
زاوية :
في اي زول سكن الخفوت
مدد جناحتو و نزل
دخل الرواكيب و البيوت
آه يا صبر
نفد الصبر
ضلت قوافل الامنية
انشلت قبل حركة لساني
الاغنية
و الضحكة في الخاطر
قبل تمرق تموت
وين المغنين يا غنا ؟
وين الطنابرة
الجوقه
لمات البنات
وين العديل
والزين عبل
وسيرة شبال امسيات ؟
وين الغنا ؟
ضجت مسامع الليل سكوت
مظلة في كل المدن
منسوجة بي خيط عنكبوت
ضلك وراءك ما بشبهك
طفلك معاك ما بتعرفو
حتي الطريق ما بوصلك
و الذكريات ما بترصفو
املك تهدو و تنسفو
ما بوصلك
الالفة
الحن
الشجن
حتي الطفولة اتليفت
صوت الجبيبة
اللون
ملامحا
كل حاجه اتزيفت
ما الريد ركب أخر قطار
غادر موانيك يا خفوت ....
*قاسم ابو زيد
|
Post: #4
Title: Re: لنا الله وأصدقاء ..
Author: شمس الدين خواجات
Date: 07-10-2007, 10:08 PM
تبا لك ياشوشتا ,,
ولود البشرى,,
اما بعد ياصديقى ,,
المطر شهيد ,,
بغض النظر عن الحراز ,,
ودندناتنا القديمة,,
على ساعد النيل ,,
اول (النقرات) على دف الحنين ,,
ودى المدينة وديل ايدى***
التداعى والجلوس (قصيا) ,,
للتكيف مع الاختيار كفكرة ,,
يرهق طعمنا ,,
ويجعله لزجا باحتمالية القداسة ,,
ثم يكسونا (غبرة) ,,
وهناك اربعة احتمالات ,,
انا وانت وانا ,,
وذاك النهار ,,
شاهرا بطاقته الصفراء فى وجهنا ,,
تايم اوت ,,
ياصديقى ,,
دم بخير ,,
زقاق ,,
عماد عبدالله ازيك ,,
وتحياتى عبرك لصديقى بطرفكم ,,
ود رملية ,,
ـــــــــــ
***
اغنية لعقد الجلاد ,,
|
Post: #6
Title: Re: لنا الله وأصدقاء ..
Author: الشفيع عوض شوشتا
Date: 07-10-2007, 10:30 PM
Parent: #4
صديقي حطب المطر ...
الممنطق في جبين ال (شمس) ضداً لهزيمتي ..
متى تستقيم الحكايات ونفتح للزقاقات العتية شارعاً ...
ونكتب الحبيبة في اول السطر .... والوطن عنوانا ...
ونعانق الاصدقاء ونعيد ترتيب الثقوب والامكنة ...
ونوثق ارتباطنا بالشمس في انتظار الحبيبات السمر (فديت قلبن) ...
لك العافية وكن صديقي مع الله...
.....
(من بحة في نباح الكلاب .. يعرف اللص طعم الهزيمة) *
يصلون الفجر علي ايقاع النبيذ المستوردوالنهود الباذخة .....
و العقيدة مسرح للاكاذيب البيضاء ..
تشردناعلي باب الله ...
في الشوارع الساقطة ... في اماكن لا يشبهنا ولا نشبهها ...
لنا الله والأصدقاء ...
------
*عاطف خيري
|
Post: #7
Title: Re: لنا الله وأصدقاء ..
Author: نهال الطيب
Date: 07-10-2007, 11:24 PM
Parent: #6
الأصدقاء كدثار في ليل الشتاء
كنسمة في عز الهجير
كواحة في قلب الصحراء
كمطر بعد جدب طويل
أنهم ركيزتنا لهذه الحياة
أنهم ووطنا الصغير
وبهم نحلم بصباح ووطننا الكبير
الشفيع
مودتي
|
Post: #9
Title: Re: لنا الله وأصدقاء ..
Author: الشفيع عوض شوشتا
Date: 07-11-2007, 10:52 AM
Parent: #7
كلنا (للوطن) والوطن من (الأصدقاء) ...
هنا في منفانا الطوعي نعيش بزاد ذكرياتنا ..
متشبعين بالتفاصيل القديمة ..
الفنجرية (نهال الطيب) ...
اتابعك بإنبهار شديد
عميقا تحياتي ..
زاوية :
فيا جميلة .. خبرينى *
كيف بددنا الكذوب
ثم إنّا لم نعد ندرى بأنا
مذ حملناكِ .. جنينا
قد نسينا أن نضع فيه الملامح
لو سـُئلنا كيف ضيعنا إنبهارك بالخصوبة
وأرتضينا أن نسلم للعساكر
من ثمارك ما يطيب ..
عاطف خيري *
|
Post: #17
Title: Re: لنا الله وأصدقاء ..
Author: AL BOOS
Date: 07-15-2007, 07:30 PM
Parent: #4
انت يا العوض عاجبوك بجاي 
s
t
y
l
e
|
Post: #18
Title: Re: لنا الله وأصدقاء ..
Author: فيصل نوبي
Date: 07-15-2007, 07:36 PM
Parent: #17
Quote: انت يا العوض عاجبوك بجاي
s
t
y
l
e |
قبضتــــــــــــــــكـ يا عاطف
|
Post: #19
Title: Re: لنا الله وأصدقاء ..
Author: AL BOOS
Date: 07-15-2007, 07:39 PM
Parent: #18
انت راقد الكش يعني......
ما يكون شغااااااااااااااااااااااااااال بث
|
Post: #22
Title: Re: لنا الله وأصدقاء ..
Author: فيصل نوبي
Date: 07-15-2007, 08:04 PM
Parent: #19
قاعد يا عمك
راقد الكشين
ياخ مرة عملت ليك مداخلة جهجهتني عديل كده ببروفايلك
من اليوم داك خوك قاصي ليك
الاخبار ؟؟
__
شوشتا
عذرا للخرمجة
|
Post: #24
Title: Re: لنا الله وأصدقاء ..
Author: AL BOOS
Date: 07-15-2007, 08:08 PM
Parent: #22
Quote: قاعد يا عمك
راقد الكشين
ياخ مرة عملت ليك مداخلة جهجهتني عديل كده ببروفايلك
من اليوم داك خوك قاصي ليك
|
عارفكـ يا عمك والله..........
والله مشتاغوووووووووووووون يا فيصل
عليك الله لز موبايلك ياخ
|
Post: #25
Title: Re: لنا الله وأصدقاء ..
Author: الشفيع عوض شوشتا
Date: 07-15-2007, 08:11 PM
Parent: #24
| Quote: عليك الله لز موبايلك ياخ |
ياااخ لز ليهو الموبايل ..
واتخارجو من هنا ..
عالم وهم بشكل خرافي .
|
Post: #8
Title: Re: لنا الله وأصدقاء ..
Author: خضر حسين خليل
Date: 07-11-2007, 01:58 AM
شوشتا
إزيك يا لعين
هذه كتابة ( تشق لبضهر) الآن فقط أيقنت لماذا كان وجهي
دوماً يبحث عن رائحتك ,,,, فتيش ,,, واصل في هذه النكهة
أدامك الرب ,,, واصل وإنا هنا باقوون
|
Post: #11
Title: Re: لنا الله وأصدقاء ..
Author: الشفيع عوض شوشتا
Date: 07-11-2007, 04:16 PM
Parent: #8
اووه حضر حسين
ود الذين (احبهم)
هذه كتابة اخر المزاج (العفن) يا حضر ..
نطل علي نافذة الوجع .. نضرب علي اوتار اوردة الزكريات الضاربة في دماغ الوطن ..
الاصدقاء والنهارات الوردية.. الصبايا (المطر) والامسيات المجنونة ....وانام مصلوبا علي ظل وردة نوبية ..
وللسلطان نصيبه من اللعنة ....
كن هنا يا خضر وحدد قدرتك في الاتساع واكتب عن ثالوث الوجع (الاصدقاء/الوطن / الحبيبة)
لك العافية
ومن دمانا الأرض شربت
مويه عذبه
مويه احمر لونه قاني
فتقت ورد الاغاني
تهدي باسمك للوطن
كنز المحبة
|
Post: #10
Title: Re: لنا الله وأصدقاء ..
Author: فيصل نوبي
Date: 07-11-2007, 11:40 AM
هو بالله كدي ؟
وينو إسمي ؛ ما كلمتكـ !!
__
ليكـ يوم
|
Post: #12
Title: Re: لنا الله وأصدقاء ..
Author: الشفيع عوض شوشتا
Date: 07-11-2007, 04:35 PM
Parent: #10
| Quote: وينو إسمي ؛ ما كلمتكـ |
!!
loooooooo
جيت صنقرت بي جاي ...
اجيب اسمك كيف .. ..
يااااخ بتجيب لي الهوا (والكائنات الخرافية) ...
يا حليلك يا نازر خليفة كنت بترفع لينا الاغاني من غير ولا تعريفة ..
علي العموم يا نوبي شكرا علي المساعدة في الرفع..
(ونجازيك) ..
|
Post: #13
Title: Re: لنا الله وأصدقاء ..
Author: الشفيع عوض شوشتا
Date: 07-11-2007, 10:41 PM
Parent: #12
لنا الله وأصدقاء ...
....
الروح مشحتفه في البلود الفيها ريحتك* ...
للبعود من فزعة الغربة البساسق فوقا....
موراجع ولا بالحيل قريب ......
الروح مشحتفه في الحبيب القلب بكر الدنيا ما شافت جديدو ...
ولا الحزن دقالو باب ...
* القدال
|
Post: #14
Title: Re: لنا الله وأصدقاء ..
Author: الطاهر ساتي
Date: 07-12-2007, 01:17 PM
للحزن الف درب يا شوشتا ....
|
Post: #15
Title: Re: لنا الله وأصدقاء ..
Author: الشفيع عوض شوشتا
Date: 07-13-2007, 11:28 AM
Parent: #14
العزيز .. الطاهر ساتي ...
نعم للحزن الف باب ..
وحزن الوطن اكبر والفجيعة اعمق ..
قلوبنا معهم ...
كامل الود ..
زاوية :-
سلام والغربة لافي مدر فكر تحراها لاب تنقاس
قدر والفيهو ما كسناهو وين بعد الوطن بنكاس
يا حاحاي مسور الغير مسورنا الطير عليها كباس
|
Post: #16
Title: Re: لنا الله وأصدقاء ..
Author: الشفيع عوض شوشتا
Date: 07-15-2007, 07:21 PM
Parent: #15
من قمت من بيتنا ومشيت
بطاقتي صورة مصغرة
شايل معاي شنطة صفيح
حزمة هموم
ولدا متين بقي للسفر والاغتراب والدردرة
كان الزمان لسة رضى
والناس ظروفها مقدرةا
|
Post: #20
Title: Re: لنا الله وأصدقاء ..
Author: الشفيع عوض شوشتا
Date: 07-15-2007, 07:48 PM
Parent: #16
Quote: انت يا العوض عاجبوك بجاي
s
t
y
l
e |
.
علي قولو (دا ركوزك مع الناس)...
يامعفن (موشتاقوون) ...
|
Post: #21
Title: Re: لنا الله وأصدقاء ..
Author: AL BOOS
Date: 07-15-2007, 07:58 PM
Parent: #20
Quote: يامعفن (موشتاقوون) ...
|
1000 والله ::
قالو لي فلان في ماليزيا
حالتكـ صعبة لكن 
|
Post: #23
Title: Re: لنا الله وأصدقاء ..
Author: الشفيع عوض شوشتا
Date: 07-15-2007, 08:06 PM
Parent: #21
انت فلان دا متابع اخبارو كدا مالك ..
يقال والعهدة علي الراوي (بلاش فضائح) ...
الله يخلي لينا (ود القبائل)
..
يا منقة راس مالك بف باف و(شطة) ..
loooooooooooooool
|
Post: #26
Title: Re: لنا الله وأصدقاء ..
Author: AL BOOS
Date: 07-15-2007, 08:15 PM
Parent: #23
Quote: انت فلان دا متابع اخبارو كدا مالك ..
يقال والعهدة علي الراوي (بلاش فضائح) ...
الله يخلي لينا (ود القبائل)
..
يا منقة راس مالك بف باف و(شطة) ..
loooooooooooooool
|
برضو في ماليزيا
الجماعة مدلين علي بجاي تعال يا كوكو
|
Post: #29
Title: Re: لنا الله وأصدقاء ..
Author: فيصل نوبي
Date: 07-15-2007, 09:22 PM
Parent: #26
|
Post: #27
Title: Re: لنا الله وأصدقاء ..
Author: أبو عبيدة البصاص
Date: 07-15-2007, 08:20 PM
شوشتا ..
.
.
.
لمتين الجانا ونحنا نحنا نكابر
نوبي ..
.
.
.
لماذا دوما الوجع يكون خرافيا
للحب تتشابا تغرس غرسك ..
احبكم حقاً
البصاص
|
Post: #28
Title: Re: لنا الله وأصدقاء ..
Author: محمد عبدالرحمن
Date: 07-15-2007, 08:47 PM
Parent: #27
الشفيع ...
تحياتى
بدون اذن سرقت اللوحة الجميلة الفوق ديك ووضعتها
على بروفايلى ..وكلامك السمح دا لو (بتوضع) برضو كان وضعتو ..
مع الود
|
Post: #33
Title: Re: لنا الله وأصدقاء ..
Author: الشفيع عوض شوشتا
Date: 07-15-2007, 10:04 PM
Parent: #28
العزيز ..محمد عبد الرحمن ..
طالما سرقت اللوحة (المسروقة) اصلا ..تأكد تماما انك زول جميل ..
لك الود
وتحياتي عميقا
|
Post: #30
Title: Re: لنا الله وأصدقاء ..
Author: الشفيع عوض شوشتا
Date: 07-15-2007, 09:26 PM
Parent: #27
صديقنا النقي (البصاص) ...
لك الحب ورحمة الله تعالي وبركاته وكامل الاشواق ..
لك الود يا رجل نادر التكوين .. ...
يا صديقي أوجعتنا الزوايا ونحن لا نملك إلا الهتاف المنفلت..والشوارع منغلقة بالانكسارات ..في زمن شديد التوعك ..
كن بخير ..
(هارون الرشيد) خبرو ..
يااخ مشكلتكم انكم بتستوعبوا متاخرين حالة كون الواحد بيشتاق ليكم ...
وبلغ تحياتي الي سيدنا (معروف) قوليهو (مصيرك بكرة ترجع لينا)
ما السكة أبعد من مشيك
والجرح أعمق من حدود الاحتمال
السابلة والاطفال هناك
قدامك المشوار طويل
والريح وراك
كل البيوت اتشرفت لى طلعتك
والونسة ماكملت معاك
القرقراب والقهقهه
|
Post: #32
Title: Re: لنا الله وأصدقاء ..
Author: خدر
Date: 07-15-2007, 09:33 PM
Parent: #30
شوشتا
شريكــــــــــــــــ ... كـ
|
Post: #34
Title: Re: لنا الله وأصدقاء ..
Author: الشفيع عوض شوشتا
Date: 07-16-2007, 01:43 PM
Parent: #32
الشريكـ (خدر) ...
سلامات يا زول يا رايع ..
نفرح لما ندمع جد
مد البصر الامل يمتد
العمل يشتد البنا ينتم الغنا يمتد ..
عميق تحياتي
|
Post: #31
Title: Re: لنا الله وأصدقاء ..
Author: فيصل نوبي
Date: 07-15-2007, 09:31 PM
Parent: #27
البصاص يا صديقي
كن بخير و دعنا نعرف كيفية الوصول اليك في ارض لازرق !
مؤوونة عمر مديد من الشوق يا صديقي.
|
Post: #35
Title: Re: لنا الله وأصدقاء ..
Author: AL BOOS
Date: 07-16-2007, 08:24 PM
جميع الاحباب هنا مساء معطر بالشوق والحب لكم جميعا
وسلام خاس للاخ خضر وليس جدر (وقول للزمان ارجع يا زمان)
|
Post: #38
Title: Re: لنا الله وأصدقاء ..
Author: الشفيع عوض شوشتا
Date: 07-17-2007, 07:05 AM
Parent: #35
استايل ...
لنا الله وأصدقاء
|
Post: #36
Title: Re: لنا الله وأصدقاء ..
Author: REEL
Date: 07-16-2007, 08:50 PM
الشفيع
....
...
..
كم جميلة هي العبارة
(لنا الله و...أصدقاء )
نعم هي الغربة
حارقة هكذا بامتياز
تلعب بقلوب العصافير الفتية
توسم كل أجنحة الطيور
فيكن لهن إضطراب لا يغادرهن ابدا
وقلق
وأوراق
ودخان السجائر
والهرولة
والنزيف اليومي
آآآه
فعلا لولا الأصدقاء
وأحاديث الذكريات
لما قدرنا على الوجل
لما إحتضنا كل ذلك الفيض من الأمنيات
...
.
لنا الله وأصدقاء
شكرا شوشتا
على كتابتك الشفيفة
ذات النبض
..
.
.
|
Post: #37
Title: Re: لنا الله وأصدقاء ..
Author: الشفيع عوض شوشتا
Date: 07-16-2007, 09:44 PM
Parent: #36
الغربة الأمنيات المستحيلة ...
جفاف الأمكنة .. وخصوبة الذكريات ..
وحدهم (الأصدقاء) من يملكون اعادة الحياة الي وريد العمر ...
ورسم التضاريس في خريطة الوطن المقهور ...
الوريفة(REEL)
لك التحياتي الغوالي ...
والشكر المعتق ...
وللأصدقاء الذين يحتكرون ظلي كامل الشوق ..
|
Post: #39
Title: Re: لنا الله وأصدقاء ..
Author: عبدالله داش
Date: 07-17-2007, 03:52 PM
شوشتا
هم كما أسلفت زاد العمر
تعرفهم تماماً
عندما يقصيك ظرفاً عنهم بعدا
وتعرفهم بما نضحــوا به من جمال
وحين تعتريك الوحــده
تبكى بحــرقه
تبكى لأجل أن يكونوا الآن بين يديك
لك الله
وأنت تذكرنا بهم
فهم حميمون للقلب أكثر
|
Post: #41
Title: Re: لنا الله وأصدقاء ..
Author: الشفيع عوض شوشتا
Date: 07-18-2007, 09:40 PM
Parent: #39
الجميل جدا (داش) ...
هكذا تعقيدات الحياة في عالم يجمع المتناقضـات ..
متى يفتح البحر باب السر ..
لنعرف المسافة بين الحلم والوطن ...
لك وللأصدقاء ود بحجم الوطن...
..
|
Post: #40
Title: Re: لنا الله وأصدقاء ..
Author: أبوذر بابكر
Date: 07-17-2007, 04:07 PM
يا الشف -بد-يع
ولنا أنت
ترى كم هى المسافة
بين أنين الورد
ومسمع آلهة المطر؟
ترى كم هى المسافة
بين هتاف الدرب
وإصغاء الرب؟
ولا أقول ليك
ما بين حروفك والمدى
هلت أناشيد من ندى
وبدت عصافير القصائد
تلقى بيناتن وطن
سمَت حروفك إشتِها
عطنت نعاس شمع الأماسى
معاها فى الليل والصدى
النصيحة والله يا شوشتا
ليس "لنا" الكثير
لكين نسوى شنو
سماحتك كتيرة جدا
مافى أكتر منها
إلا الحزن الفينا
|
Post: #42
Title: Re: لنا الله وأصدقاء ..
Author: الشفيع عوض شوشتا
Date: 07-19-2007, 07:28 PM
Parent: #40
الشاعر الجميل (حبيب الكل) / أبوذر بابكر ..
وفي ذلك النهار وانا اسمعك بلهفة كنت في افضل حالاتي ..
بيننا ايام مؤجلة يا صديقي ...
لاقتراح قوساً خامساً للريح ..
واطلب حق اللجوء بطرفكم ...
لك الود ...
|
Post: #43
Title: Re: لنا الله وأصدقاء ..
Author: الشفيع عوض شوشتا
Date: 07-23-2007, 09:19 PM
Parent: #42
|
Post: #44
Title: Re: لنا الله وأصدقاء ..
Author: أبو ساندرا
Date: 07-23-2007, 09:24 PM
Quote: لنا الله وأصدقاء هم ملح الغربة في النهارات الصبية...
وصديقات حبيبات.. معهن نتوسد الصبر أمنيات |
لولاهن لقتلتنا الغربة يا مولاي
بلاهن العالم مسغبة
وعوز
الله يخلي الحبيبات الصديقات
الله يخليك
|
Post: #45
Title: Re: لنا الله وأصدقاء ..
Author: الشفيع عوض شوشتا
Date: 07-24-2007, 09:46 PM
Parent: #44
كبيرنا (ابو ساندرا) ..
الرجل الذي لا يذبل
معهن نقاوم الحياة تحت ضجيج الشمس ..
كلما استيقظنا على وقع إرتطامنا المزمن ..
فقط هن من يملكن أن يمنحوننا كعكعة الفرح الفاخر ...
والله يخلي الحبيبات الصديقات ..
ويخليك لينا ...
تحياتي عميقا
|
Post: #46
Title: Re: لنا الله وأصدقاء ..
Author: الشفيع عوض شوشتا
Date: 08-03-2007, 07:06 PM
Parent: #45
طق خااااااااص .....
خالد ماسا ..
(لك البحر ولي الحمى)
او..لكلما سكن البحيرة طائر الاشواق هزته ترانيم البكاء علي هدير الوقت عشق لا يعود..,
|
Post: #47
Title: Re: لنا الله وأصدقاء ..
Author: AL BOOS
Date: 08-03-2007, 07:08 PM
لنا الله ...ثم اصدقاء
|
Post: #48
Title: Re: لنا الله وأصدقاء ..
Author: الشفيع عوض شوشتا
Date: 08-03-2007, 07:13 PM
Parent: #47
| Quote: لنا الله ...ثم اصدقاء |
لنا الله وأصدقاء
ومن ثم صديقات حبيبات.. معهن نتوسد الصبر أمنيات ..
..
شتت
|
Post: #49
Title: Re: لنا الله وأصدقاء ..
Author: REEL
Date: 09-15-2007, 01:15 AM
لنا الله وأصدقاء ....
أصدقاءُُ ينتوون نفس الممرات اللتي نحن داخليها..
يقتفون لنا الفرح
يحطون كالحمام على كتف الشقاء... ليمكثوا طويلا هناك...
لا يحتملون لنا الحزن ..
نقتسم معهم شتات الغربة وحرائق الوطن
ونتعجل معهم مواسم المطر...
نحدق في الطريق... ونتوجس من الغرق
نتعوذ من الفرقة ...
ونرقي أنفسنا من سطوة الغربة على الأرواح حين يحيرها التعب...
لنا الله
وآصفياء
نبتني معهم مظلات حنينة .. للشوق
والعشق
ونتقي
نزلات برد طوييييييلة تزكمنا حين يغدو لا لون ولا رائحة لكل أشياء هذا الكون
فقط
حين نلقاهم...
حين هم هنا وهناك
وحول التفاصيل العميقة ..العميقة اللتي تأخذنا من كل شيء وتقربنا إليهم حيث لا كلام أو حين يحلو الكلام..
حينها
بهجة جبارة ... تفتت القهر
والضجر
والضرير من الأمنيات
تذيب الهم
وتفتح ابواب الموسيقى من كل الجهات
في الضحك المعافى هي ..وفي الحزن الصحيح
في الإيمان العميق
وفي وجه النهار
أصدقاء
للليل .. والوحدة
أضواء ..
وشلالات إحتواء
هم
هذه الزغرودة الحرة... فرح بصوت ضاج وحار
لنا في ودار الغربة
الله العظيم
وصفوة أصدقاء
...........
|
Post: #50
Title: Re: لنا الله وأصدقاء ..
Author: سلمى الشيخ سلامة
Date: 09-15-2007, 02:14 AM
Parent: #49
وما الوطن يا صديقى؟
ماهو سوى روح الاصدقاء وذكراهم وضحكهم
اغنياتهم التى تغدو ربابة تنقر عليها كلما جاشت تلك الذكرى
هم الذين يرتبونك حين تتلخبط عليك الاوراق
يرتبونك فلا ترتاب فى نواياهم
وما اكثرهم يا صديقى
مااكثرهم لدى روحى يهدهدونها
باغنيات وكلمات
وقصص تقرا فيها روحك وارواحهم من ثم
لنا هم وهم لنا
|
|