Post: #1
Title: "كرومه" لعب وغنى لنادى الهلال
Author: أبوذر بابكر
Date: 07-09-2007, 10:16 AM
مبروك للهلال
فرح شديد والله فى زمن ندرت فيهو الأفراح والأخبار السمحة
وإنجاز هائل، كونه الهلال يفوز على الترجى التونسى، وما أدراك ما الترجى
أنا بحب الهلال لتلاتة اسباب
أول سبب
لأنه وأنا لسه شافع صغير جدا وما فارز الكورة كويس
لكين شايف الناس كلهم يا هلالاب يا مريخاب
سألت أول صديق لى فى حياتى
الوالد عليه الرحمة، قلت ليهو إنت هلالابى ولا مريخابى
قال لى أنا هلالابى
ومنها قررت إنى أكون هلالابى، وبعدها بقيت مفتون بى جكسا وأمين وسبت
تانى سبب
لأنى بعشق اللون الأزرق، سلطان الألوان
وأعتقد، والله أعلم، إنه هو لون الله المفضل لأنه خلق السماء لونها أزرق والبحار لونها أزرق
وتالت سبب
عشان سيد الطرب وزعيمه الأوحد عبد الكريم عبد الله مختار "كرومه" كان لاعب فى فريق الهلال وترك الكورة واتفرغ للغناء
وبمناسبة الفوز السمح ده
كرومة عنده أغنية مخصوص للهلال
هلا الهلال
والأيام صفنلو
وفيها تمجيد وتعظيم للنادى الأزرق ووصف لكل خانات الملعب وللاعبين
ما عارف ليه ناس الإذاعة ما بذيعو الأغنية دى
غالبا ما يكون عندهم ليها تسجيل، أو يمكن كمان ما يكونو عارفنها اصلا، ودى تبقى مصيبة
لكين معقول "عوض بابكر" ما يكون عنده فكرة، اشك فى ذلك
المهم أنا عندى تسجيل للأغنية فى شريط كاسيت قديم جدا، وللأسف يبدو إنه حتى النص الأصبى فى الأسطوانة ما كان مسجل كويس أو الأسطوانة برضو كانت قديمة عشان كده فيهو "شخشخة" كتيرة وأجزاء كبيرة من الأغنية غير واضحة
بالله يا جماعة أى زول عنده فكرة كويسه عن الأغنية دى، يتحفنا بيها، خاصة الكلمات
إيدك معانا يا صديق يا موج
ويا كل المهتمين بالحقيبة
ويا كل عشاق الأزرق
|
Post: #2
Title: Re: "كرومه" لعب وغنى لنادى الهلال
Author: حافظ العشا
Date: 07-09-2007, 11:52 AM
Parent: #1
Quote: وبعدها بقيت مفتون بى جكسا وأمين وسبت
عشان سيد الطرب وزعيمه الأوحد عبد الكريم عبد الله مختار "كرومه" كان لاعب فى فريق الهلال وترك الكورة واتفرغ للغناء
|
يامطر كيفنك شديد يابا
كدي ياخوي وريناوقت كنت صغير دي متين
ظنيتك كدي انت اقدم من ناس جنى وديس(محمد علي)
وانت من الزمن داك بتشجع الهلال
تحياتي
|
Post: #3
Title: Re: "كرومه" لعب وغنى لنادى الهلال
Author: أبوذر بابكر
Date: 07-09-2007, 12:13 PM
Parent: #2
Quote: وبعدها بقيت مفتون بى جكسا وأمين وسبت
|
ده ساى فى الخيال يا حافظ
فى الصور والكلام والونسة
نحن ياخ ناس الدحيش وقاقارين
يا ألله ويامين حصلنا لينا فيهم شوفه
بعدين تعرف شنو يا حافظ
أنا أى شى أحبه لازم أعرف عنه كل التفاصيل، حتى الما مهمة
عشان كده وبعد ما بقيت "هلالابى"
بديت افتش وأسأل عن أى شى بتعلق بالهلال
كده يعنى
الحمد لله الما قلت بقيت بريد "صديق منزول"
وعشان ما تقول الزول ده عجوز
أنا ود. حسن سعيد دفعة واحدة، كنا فى حنتوب سوا
ومحمد على ياسين أكبر مننا بى سنتين
سلم عليهو عليك الله
أنا عارفه زعلان منى
|
Post: #4
Title: Re: "كرومه" لعب وغنى لنادى الهلال
Author: حافظ العشا
Date: 07-09-2007, 02:42 PM
Parent: #1
بالمناسبة يامطر
د. حسن محمد سعيد العشا
موجود هنا بالسعودية (الرياض)
وبعدين حسن مواليد سنة 60
يعني ماكم صغار ماتصغر نفسك ساي
|
Post: #5
Title: Re: "كرومه" لعب وغنى لنادى الهلال
Author: أبوذر بابكر
Date: 07-09-2007, 03:01 PM
Parent: #4
تعرف يا حافظ الصدفة التانية شنو
أنا ود. حسن برضو جينا الرياض أول مرة فى نفس السنة
سنة 88
هو كان فى مستشفى الملك عبد العزيز فى شارع المطار القديم
ودفعتنا تانى ونديدنا وإتولدنا فى نفس السنة
عبد العظيم محمد دفع الله
وهو ود خالتى طبعا
ياخ سنة 60 دى أنا لسه متذكرا، تقول لى نحن كبار
ما تبقى حاقد وحاسد زى معتصم ود الحليلة
|
|