Post: #2
Title: Re: دعوة للجمال والاستماع والاستمتاع
Author: تماضر الخنساء حمزه
Date: 07-09-2007, 09:22 AM
Parent: #1
بعد الجفا وطول النوى
والفرقة والشوق والسقام
جفاني لطفك يا حبيب..اياك سمير وانت الطبيب
يا الفي ظلال نعماك ريب
انا عشقي لي غيرك حرام..فيك شعري...يا روح القصيد..
إشراقة ..أنا الليلة بحبك زيادة
|
Post: #3
Title: Re: دعوة للجمال والاستماع والاستمتاع
Author: Ishraga Haimoura
Date: 07-09-2007, 09:29 AM
Parent: #1
الخنساء العزيزة
أسعدتني طلتك البهية
أريتك طيبة يا حبيبة؟؟ ربنا يسمح أيامك ويملاك فرح
|
Post: #4
Title: Re: دعوة للجمال والاستماع والاستمتاع
Author: انعام حيمورة
Date: 07-09-2007, 09:32 AM
Parent: #1
يا سلام الله عليك يا اشراقة والله سرحت واتذكرتك غنانا دااااك ..
ويا جماعة اشراقة دي غناااااي وحافظة كل اغاني الحقيبة ...
شكرا ليك يا صديقة على البوست الجميل دا
|
Post: #6
Title: Re: دعوة للجمال والاستماع والاستمتاع
Author: Ishraga Haimoura
Date: 07-09-2007, 09:41 AM
Parent: #4
نعومة يا شقيقة الروح
تسلمي ... انا عرفت الغنا دا بجيبك لأنك سميعة
|
Post: #5
Title: Re: دعوة للجمال والاستماع والاستمتاع
Author: أبوذر بابكر
Date: 07-09-2007, 09:33 AM
Parent: #1
إشراقة
ها أنتِ تشرقين وفى كفيكِ النور والزهور والعطر
ما أحوجنا يا صديقتى لبراح "تجقلب" فيه خيل الجمال وتظلله غيمات الفرح والطيبة والتسامح
وكم هو جميل إستهلالك لحديقتك البهية الندية
ب "عمر البنا" وإمتى أرجع لى أم در وأعودا
ليتك والله يا إشراقة تستمعى إليها من "كرومة"
حتما سوف تطربين، والملائكة ستنضم إليكِ ايضا
وهل من الصدف أن يتواجد عمر البنا ومعه محمد الشير عتيق
وقد كانا ضفتين مخضرتين معا، والإثنان من "حِلف" صالح عبد السيد طبعا ومعهم كرومة
وفى الجهة المقابلة كان يقف سيد وعبيد ومن معهم، فى حضرة سرور
لا أطيل يا إشراقة
وأهديك كل ما سكن فىّ الآن من طرب وفرح
ومعه كل ما أملك من معزة وتقدير وود
|
Post: #8
Title: Re: دعوة للجمال والاستماع والاستمتاع
Author: ibrahim fadlalla
Date: 07-09-2007, 09:57 AM
Parent: #5
كان كدة..حأخلي أضان واحدة.. مرخية في الحوش ده..24 ساعة...زي الرادار..وماها أضان "حامل"، بس عشان تتابع كل الجمال..الجاي...بي جاي
ومرة مرة ..كان لقيت لي حاجة حلوة..في مساككة الكيبورد ..حأجدع ليكم بيفوق الحوش...
أها ..الأضان التانية ...لزوم الإستخدام اليومي...شايلها معاي..لو مافي
إعتراض...
شكرا...وودا..منثوراً...
مزيج بمزاج...
|
Post: #7
Title: Re: دعوة للجمال والاستماع والاستمتاع
Author: Ishraga Haimoura
Date: 07-09-2007, 09:44 AM
Parent: #1
العزيز أبوذر
| Quote: وأهديك كل ما سكن فىّ الآن من طرب وفرح |
تشكر يا صديقي لعلي أرد بعضاً من ديونك عليَ
|
Post: #9
Title: Re: دعوة للجمال والاستماع والاستمتاع
Author: Ishraga Haimoura
Date: 07-09-2007, 10:02 AM
Parent: #1
ابراهيم فضل الله
| Quote: كان كدة..حأخلي أضان واحدة.. مرخية في الحوش ده..24 ساعة...زي الرادار |
أضان واحدة في حوشنا دا ما بتكفيك .. تعال بالإتنين ولو عندك واحدة إسبير جيبها معاك لأنه دا حيكون مهرجان استماع .... خليك قريب
|
Post: #10
Title: Re: دعوة للجمال والاستماع والاستمتاع
Author: abubakr
Date: 07-09-2007, 10:13 AM
Parent: #1
اذان صاغية ...
|
Post: #11
Title: Re: دعوة للجمال والاستماع والاستمتاع
Author: Ishraga Haimoura
Date: 07-09-2007, 10:17 AM
Parent: #1
الرجل باذخ الإنسانية م/ أبوبكر
شرفني حضورك كثيرا
وعليه سأهديك أغنية لقريبك خليل فرح
تسلم وتحياتي للمدام
في الضواحي
كلمات والحان : خليل فرح
في الضواحي وطرف المدائن
يلا ننظر شفق الصباح
قوموا خلوا الضيق في الجناين
شوفوا عز الصيد في العساين
يلا نقنص نمرح نعاين
النهار ان حر الكماين
كلبي يا جمجوم أصلو خائن
شوفو كيفن يبرا الملاين
هب شالا وكشح المراح
للقنيص الخيل خف راسن
نحن ما بنخاف من مراسن
المكارم غرقنا ساسن
والمجاهل من غيرنا ساسن
ان عطشنا نمز مر وآسن
وان عشقنا بنعشق محاسن
في المحاسن كفي يومنا راح
ويا الطبيعة الواديكي ساكن
مافي مثلك قط في الأماكن
يا جمال النال في ثراكن
يا حلاة البرعن أراكن
في قفاهن تور قرنو ماكن
لا غشن لا شافن مساكن
في الخزام والشيح والبراح
ومال نسيم الليل ببرودك
نامت الأزهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح
شوف صباح الوادي وجمالو
شوف خدارو وعاين رمالو
شوف يمينو وعاين شمالو
شوف نسيم الليل صاحي مالو
شوف فريع النال من أمالو
والبدر خجلان من كمالو
والصباح لاح بهل الوشاح
ويا أم لسانا لسع معجن
كلمه كلمه وحروفا ضجن
ديل خدودك غير داعي وجن
ديل عيونك من نظره شجن
دا دلال أيه دا دلال معجن
محن الأمات يا رداح
|
Post: #12
Title: Re: دعوة للجمال والاستماع والاستمتاع
Author: هاشم أحمد خلف الله
Date: 07-09-2007, 11:05 AM
Parent: #11
إشراقة حيمورة الشفيفة قبلنا دعوتك للجمال والإستمتاع وشبعنا طرب وبهجة وشكراً
ليك كتير يا مشرقة .
|
Post: #13
Title: Re: دعوة للجمال والاستماع والاستمتاع
Author: محمد عثمان
Date: 07-09-2007, 11:17 AM
Parent: #1
تسجيل حضور فى هذه
الواحة الجميلة..
شكرا اشراقة...
|
Post: #14
Title: Re: دعوة للجمال والاستماع والاستمتاع
Author: طارق جبريل
Date: 07-09-2007, 11:23 AM
Parent: #1
اشراقة كيفنك
جهجهتينا
يعني نقوم نقطع لينا تذكر ونجي السودان
|
Post: #15
Title: Re: دعوة للجمال والاستماع والاستمتاع
Author: أبو ساندرا
Date: 07-09-2007, 11:34 AM
Parent: #1
كتبت تماضر الخنساء حمزة :
| Quote: إشراقة ..أنا الليلة بحبك زيادة |
شرحو
و
إشراقة انت الليلة سكر زيادة
وموضوعك ده { أسكر *} منك
نقبل دعوتك ونأتيك خفافآ
كتر خيرك
أسكر : هذه ماعندها علاقة ب { خمرة هواك }
ولا بأي { خمرة } أخرى
{ أنكوليب بس }
--------------------------
التعديل لإضافة الحاشية
|
Post: #18
Title: Re: دعوة للجمال والاستماع والاستمتاع
Author: محمد البشرى الخضر
Date: 07-09-2007, 11:50 AM
Parent: #15
| Quote: ويا جماعة اشراقة دي غناااااي |
باللاااااي
و جايين تكلمونا اسي بعد شنو؟
ما مشكلة
غُنانا بنسمعه و ناخد حقنا و زيادة كان في البوست كان في السودان
تحياتي و اشواقي
|
Post: #27
Title: Re: دعوة للجمال والاستماع والاستمتاع
Author: Ishraga Haimoura
Date: 07-09-2007, 12:52 PM
Parent: #18
ود البشرى الملك
| Quote: غُنانا بنسمعه و ناخد حقنا و زيادة كان في البوست كان في السودان |
إنت بس تأمر
تحياتي لحتوت وإيناس
|
Post: #20
Title: Re: دعوة للجمال والاستماع والاستمتاع
Author: Ahmed El Gasim
Date: 07-09-2007, 11:59 AM
Parent: #15
اختي بت حيمورة
نقبل دعوتك....وما قدرت الا علي دي...وانشاء الله ايامك ديمة فرح وجمال
ولى المساء
ولى المساء الواله المحزون في جـوف الضباب
و أنا اهيئ زيـنتـي و اعد مفتخـر الثياب
آمـلا لقياك الحبـيـب و يصـدنـي زهو الشباب
“““““““““““““““““
أمسـي مـضـى بين التحسر والأنـين
و وسـادتي بـلـلتـها بالدمـع و الدمـع السخـيـن
مـع تباشير الصبـاح و بسمة الفجر الأميـن
غنـيـت مـثـل الطـيـر
فـرحا فـي ريـاض العـاشـقيـن
~~~~~~~~~~~~~~~~~~
تـسرى النسائم عذبة و أنا اهيم بلا ملال
و تقودني الآمال في دنيا المباهج و الخيال
وهناك أرقد في الرمال ولا أرى غير الرمال
““““““““““““““““““
غدا أذوب مهجتـي في حر أنفاس الغرام
ارنو اليك وا لوعتي ظمأا تأجج في ضرام
و أبيت أعشق في الدجى طيفا ينادى في منام
أنا لن أعيش (..) بحبه أنا غـيـر أحبابي حطام
~~~~~~~~~~~~~~~~
غدا نـكون كـما نـود و نـلتـقي عـند الغروب
غـدا تجـف مـدامـعـي و تزول عن نفسي الكـروب
غدا تعود مـبـاهجـي
غـدا حـبـيـبـي حـتـما يعـود!
|
Post: #29
Title: Re: دعوة للجمال والاستماع والاستمتاع
Author: Ishraga Haimoura
Date: 07-09-2007, 01:15 PM
Parent: #20
شقيقي أحمد
Quote: غدا نـكون كـما نـود و نـلتـقي عـند الغروب
غـدا تجـف مـدامـعـي و تزول عن نفسي الكـروب |
وبس......
|
Post: #16
Title: Re: دعوة للجمال والاستماع والاستمتاع
Author: Ishraga Haimoura
Date: 07-09-2007, 11:44 AM
Parent: #1
هاشم ود حلتنا
ألف مرحب بيك وأبقى داخل
شكرا على تلبية الدعوة
|
Post: #17
Title: Re: دعوة للجمال والاستماع والاستمتاع
Author: Ishraga Haimoura
Date: 07-09-2007, 11:49 AM
Parent: #1
محمد عثمان
نورت البوست ... شرفني حضورك
طارق جبريل
البوست دا شرك مخصوص لجهجهة الناس البعاد عشان يرجعوا السودان
وينك يا ولدنا؟؟؟
العتيق أبو ساندرا
خليك قريب ... والشجر الكبار فيه الصمغ
|
Post: #19
Title: Re: دعوة للجمال والاستماع والاستمتاع
Author: Ishraga Haimoura
Date: 07-09-2007, 11:51 AM
Parent: #1
ودي هدية ليكم كلكم
عليك الله يا أبوذر شوف شغل الرق دا هنا كيف!!!!!
جارو اهلك
لشاعر / محمد علي عبدالله (الأمي)
--------------------
جارو اهلك وجورم أمـر
بالبعـاد والأمـر الأمـر
في ديارم حجبـو القمـر
البديع الساحـر الفكـر
بالجمال والحياء إنشكـر
حسنو يرمي الزول في وكر
شوفتو تسكر من غير سكر
للقلوب ياصاحي إحتكـر
كي يخلف خالـد الذكـر
مفخر الأجيـال والدهـر
حسنو أعجب على ماظهر
في خدودو الحياء إزدهـر
والطبيعه تناجـي الزهـر
تدي منظر جـذاب بهـر
زي نجوم السماء في النهر
نـورو للبدريـن إحتقـر
البهيـج النضـر الاغـر
يـزدري البـراق بالثغـر
المحشـم مـن الصـغـر
منّو كل الناس فـي بغـر
فيه شارد الحسن إستقـر
من عيونو كيـف المفـر
كم بأفئده وأعيـان ظفـر
محيو فيـه البـدر السفـر
وجيدو جيد الظبي النفـر
كل عهد الحسـن الوفـر
زول ويوزن مليون نفـر
حبي هاك القـول الأبـر
والعيان يغنيك عن خبـر
كم نظرت في دهري العبر
نظرة الـي الحيـاة إعتبـر
الجزع في الناس والصبـر
شفنا طوع القضاء إنجبـر
لو بحجبو الأمـر الصـدر
مابحجبوا دمعي اللنحـدر
كل شي إن صفا أو كـدر
في أيادي القضـا والقـدر
أما دهري إن صد أو غدر
البعرفـوا الوفـاء مانـدر
|
Post: #23
Title: Re: دعوة للجمال والاستماع والاستمتاع
Author: أبوذر بابكر
Date: 07-09-2007, 12:07 PM
Parent: #19
أحسن زول فى الرق يا إشراقة
كان المبدع عوض شمبات
زول فنان جدا فى الرق، وصوت قوى لحد ما مرعب
اسمعى البداية بتاعة يا جوهر صدر المحافل
كدى هسه خليك من الرق
شوفى "الأمى" ده عامل لزوم ما لا يلزم كيف
شوفى القافية فى نهاية كل بيت
ناس ما عاديين ابدا
وأهدى ليك تحفة تانية من "الأمى" برضو
إنت حكمة
إنت آية
ولا إنسان
إنت صاحى
ولا نائم
ولا طرفك من طبعه نعسان
إنت راحى
إنت روحى
إنت إنسان عينى يا صاحى
إنت إحسان
ولا طرفك من طبعه نعسان
إنت نادى
إنت هادى
إنت ميسان
إنت ظافر
إنت ضافر اسود وفرسان
ولا طرفك من طبعه نعسان
إنت شادن
إنت لادن
إنت فتان
إنت ضامر
إنت تآمر
إنت هتّان
ولا طرفك من طبعه نعسان
إنت نادر
إنت ناضر
إنت بستان
إنت صافى
إنت نافى
زور وبهتان
ولا طرفك من طبعه نعسان
يا حياتى
يا مماتى
هاك سكران الصبابه
مر عذابى
قلبى إقران
ولا طرفك من طبعه نعسان
إنت ساهى
إنت لاهى
إنت بطران فى دلالك
فى حلالك يا سيدى مكران
ولا طرفك من طبعه نعسان
يا هنايا
يا وفايا
هاك برهان عن غرامى
كل هيامى
سابنى ولهان
ولا طرفك من طبعه نعسان
عز قربك
أما بعدك
ماله لى هان
قلبى خافق
هل توافق
قدرى ينهان
ولا طرفك من طبعه نعسان
يا حبيبى
كون طبيبى
أمرى حيران
طول نهارى
أما ليلى
ساهى سهران
ولا طرفك من طبعه نعسان
طال عذابى
صاح غرابى
جوى عكران
دمعى هامى
شوقى نامى
وفرشى نيران
ولا طرفك من طبعه نعسان
إنت حالى
إنت عالى
إنت سلطان
وأنا ساجع
بى غناك طان
طال أنينى
فاق حنينى
الحان لأوطان
واليلومنى
فى هواك
يا سيدى غلطان
إنت حكمة
إنت آية
ولا إنسان
إنت صاحى
ولا نائم
ولا طرفك من طبعه نعسان
|
Post: #21
Title: Re: دعوة للجمال والاستماع والاستمتاع
Author: Alsa7afa_30
Date: 07-09-2007, 12:00 PM
Parent: #1
ناس الصحـافة فوووووق..
|
Post: #24
Title: Re: دعوة للجمال والاستماع والاستمتاع
Author: علاء الدين حيموره
Date: 07-09-2007, 12:09 PM
Parent: #21
اها يا اشراقة جينا واتحكرنا ...
يلا بس راجنك تتحفينا بالجميل ..
مودتي
|
Post: #43
Title: Re: دعوة للجمال والاستماع والاستمتاع
Author: Ishraga Haimoura
Date: 07-11-2007, 10:12 AM
Parent: #21
الصحافة30
أنا عارفة ناس الصحافة ناس الذوق والسمع النضيف
دي هدية لناس الصحافة ولكل من يحب السمع
يا سليم الذوق
يا سليم الذوق يا الجمالك صار
زينة الأيام متعة الأبصار
**
سامي حسنك جل عن حصر وحصار
وكل جميل لجمالك نوره والإبصار
حسنك إنت يدوم والليالي قصار
هو في القصور آثار لمفاتن الأبصار
**
نور جمال متسلسل من خيار لخيار
نظم الكواكب سلسل كوكبه السيار
في الفرقدين والزهرة حبيبي ليه ديار
ما في سماء الدنيا بعيد على الطيار
**
يا كنوز الدنيا الضامر الأسرار
أنا غير هذا الوجه ما بي من أضرار
قرة عيوني جمالك وقلبي ليك كرار
إنت حاكم ظالم وحر من الأحرار
**
في كل شيء برهان رغماً عن الإنكار
مهما أداري هواك يهزني التذكار
أنشد قوافي ثناك وأتعمد الإنكار
من كل معنى طريف في غاية الأفكار
**
فوران عواطفي يمثل كل شيء صوار
أستنجد المستنجد وأنشد الغوار
وإذا عذولي بدالي وقصده يبدي حوار
أتناسى إسمك عمداً وأقول له دا النوار
|
Post: #22
Title: Re: دعوة للجمال والاستماع والاستمتاع
Author: محمد عثمان
Date: 07-09-2007, 12:03 PM
Parent: #1
اهااا...جينا بحقنا
كلمات الشاعر سيد عبدالعزيز
مسوا نوركم
شوفوا من جبينا صباح
الصباح إن لاح .. لافائدة في المصباح
***
هل أتاك حديث الكوكب النضاح
قمره تمطر خمره وحارسه الفضاح
أو تحيجنا محاسن الشمس للإيضاح
مابتحيجنا محاسن محيها الوضاح
***
القوام اللادن الأريج الفاح
من جسيمها الناعم الأثمر التفاح
خلا عقلي وخلا في هواي كفاح
جيش هواها أحتل قلعة الأصفاح
***
فيك نظرنا محاااسن يعلم الفتاح
لوقفلنا قلوبنا كان لهن مفتاح
أجرى أو لم أدري صرت كاللمتاح
لورضاك هلاكي أنا للهلاك أرتاح
***
يا لياالى احباابى ماشفيتي جراح
بل شقيتي فؤادي بمدية الجراح
كل هذا تراه مابيزيل أتراح
من يحبه تهالك أستراح وراح
***
نور جمالها دهشنا معر الفصاح
بين ناطق صامت وبين صامت صاح
غانية غانية محاسن فيها شوف ياصاح
الجمال الفيها كل معنى صاح
***
ماجنيت في هواك وماعلي جناح
أشتكيت للقمري لم يعيرني جناح
يكفي لساني الغنى ليك وليك كم ناح
لورثيت به حياتي ماإحتجت لي مناح
|
Post: #25
Title: Re: دعوة للجمال والاستماع والاستمتاع
Author: فدوى الشريف
Date: 07-09-2007, 12:19 PM
Parent: #1
تشكر علي عكس هذه اللوحه الجماليه
شكرا كتير وبجد استمتعنا بالجلوس في هذا الحوش
وفي انتظار المزيد
|
Post: #26
Title: Re: دعوة للجمال والاستماع والاستمتاع
Author: Ishraga Haimoura
Date: 07-09-2007, 12:47 PM
Parent: #1
إهداء للجميع
إهداء خاص للملكة نادية السر
يا رشا ياكحيل
يا رشا ياكحيل غيثنى .........الهــــــــــوى سباني
**********
يا الامرضنى وما طبانى ......في خديدك يلوح نور رباني
نيران أشواقك لاهبانى .......واسهام ألحاظك ناشبانى
ومن ضمن الحاله التاعبانى .....مهضوم كشحك صدرك باني
يتهادى يميل خصرك فريع باني
***********
من شفت الحسن الفتاني ..........نومي ترحل ووجدي اتانى
مال جيش حبك عتانى .........بى سهامو الما بتختانى
ومال صدرك لحشاك تانى......كتفك مال به فريع بستاني
يتكل في دروعه يبوس تانى
************
لولى الشعراء قصيد ومسانى .......ما بجيد وصفك غير لساني
في فؤادي الحب مساني ..........وأصبح بهواك وما سانى
ما بصح منك تنساني ............لوغاب شخصك عن انسانى
غير شك أوصاف حسنك مؤانسانى
***************
هبتلى روايح داهشانى .........يا نسيم عقب عود على شانى
قول ليه غرامك اغشانى ........وادركنى الدمع الرشانى
حسنك شانك والحب شانى.......يا نسيم روح بلغ واغشانى
بى حق من أنشاك وانشانى
***************
ليه ياملاك حسنه سجانى ......ليك نوره ولى نار سارجانى
طرفي اللمحك هو الجاني .....في بحور أشواقك زجانى
فيك خاطر بى وما نجانى ......اعلم اقبل سعدي وجاني
لو في الأحلام طيفك ناجاني
************
جمر الأشواق هب قلاني ........ما أنطفا بى دمعي البلانى
أنا لا اسلاك لو تسلانى ..........طرفي لى محاسنك دلاني
ملكني هواك وخلاني ........فارقت أقاربي وخلاني
حسنك والاك والحب والاني
********
زاد وجدي جيوشه مزاحمانى ......شتت فكرى وقلّ امانى
تلويح عازلك ما همانى ...........أوصاف حسنك ملازمانى
فاطرك يلمع در وجماني ......... في خديدك فصدة لمع لماني
.يالضامر وجوز نهدك رماني
|
Post: #28
Title: Re: دعوة للجمال والاستماع والاستمتاع
Author: أبوذر بابكر
Date: 07-09-2007, 01:03 PM
Parent: #1
والله يا إشراقة
مافى شى مزعلنى إلا إنى ما بعرف أنزل الأغانى
مخى تخين جدا
يا ريت لو كنت بعرف
عندى الأيام دى كاسيت "أولاد الموردة"
أعذب صوتين فى غنانا كله
عطا كوكو ومحمود عبد الكريم
كنت أنزل ليكم أول حاجة
هواك وهواى بى جارو
سبن أفكارى نظراتك
احب تعطف تزيل وجدى
وأحب كل اليحب ذاتك
|
Post: #35
Title: Re: دعوة للجمال والاستماع والاستمتاع
Author: Ishraga Haimoura
Date: 07-10-2007, 08:37 AM
Parent: #28
العزيز أبوذر
ودي عشانك
ولا تزعل ... نحن ننزل ليك كل ما تهوى
هواك وهواي
هواك وهواى بى جارو سبن افكارى نظراتك
احب تعطف تزيل وجدى احب كل اليحب زاتك
*******
بحب لونك بحب لوونك بحب ياحبى نفحاتك
بحب فى خدك الزهرة بخاف ترمينى لمحاتك
*******
بحب قربك بخاف بعدك بشوفك بين دوحاتك
بخاف صدك بخاف جورك واحب تتهنى فى حياتك
*******
بحبك حبى للعافية وكمان ياسيدى وحياتك
بحب فيك الحياء الفطرى وأذوب من حالى صيحاتك
*******
اذا فى حبكم ضعت اذا أقبر فى ساحاتك
أكون للحظ دوام شاكر واقبل انت راحاتك
*******
منعم يافريد عصرك سعيد وسعيدة ساعاتك
منزه يا رشيق صافى وعفافك مل مافاتك
*******
وديع وبديع مثال رقة حشيم والريم هى وصفاتك
اسرت فؤادى ياظالم ودمى خضاب فى كفاتك
*******
شعاع الشمس من لونك زهور الروض وجناتك
سكرت وتهت دون خمرة وكان اسبابى لجناتك
*******
حلاتك يوم أراك غافل فى منصب عز فى جناتك
اشوفك زى بدر كامل وبيك تنور دجناتك
*******
صب يادمعى فى سيلك وزيد ياصدرى زفراتك
حبيبك ودعك راحل وزيد ياطرفى عبراتك
*******
حمام الايك حين مر تعال أسمعنى نظراتك
طريت ام در مقر أملى زمانى كفاى عباراتك
|
Post: #36
Title: Re: دعوة للجمال والاستماع والاستمتاع
Author: أبوذر بابكر
Date: 07-10-2007, 08:55 AM
Parent: #35
بالله يا إشراقة شفتى عذوبة أكتر من كده
حاجة عجيبة جدا
أولاد الموردة ديل شى خطير جدا
فعلا
جمال وإستماع وإستمتاع
إن شاء الله يا إشراقة
تلقى السعادة والعافية والأيام الطيبة
سعادة الدنيا كلها
Quote: بحب لونك بحب نونك بحب ياحبى نفحاتك
بحب فى خدك الزهرة بخاف ترمينى لمحاتك |
النونات
ما سمعتى الجاغريو وأحمد المصطفى قالو شنو فى يا بنت النيل
أحبه وأحب نونانه
نوناته الفى وجناته
أطلب تانى يا إشراقة
ولا مافى طريقة
|
Post: #30
Title: Re: دعوة للجمال والاستماع والاستمتاع
Author: ALGARADABI
Date: 07-09-2007, 01:52 PM
Parent: #1
اشراقة حيمورة
أسعد الله أيامك
ياحنينة وكل طيبة
يارب يخليك ياربي
|
Post: #40
Title: Re: دعوة للجمال والاستماع والاستمتاع
Author: Ishraga Haimoura
Date: 07-10-2007, 02:12 PM
Parent: #30
قردابي
سلامات .. وينك يا راجل؟؟
اها هاك دي
الناحر فؤادى
ودالرضي
-----------
الناحر فؤادى مولع جوفى حر
أضرم نار وجدى نسام السحر
الكتف المهدل والجسم انبتر
والغيم المزمزم والصاد والتبر
والضهر المتنى والتيه يا الابر
دا الخلانى ساهر ماء عينى تبر
لاحم كتفه كفله ماج جيده الوفر
عمعم ديسه درعه فى بعضه إنضفر
حاكى الغيم تعرجن يا غالى النفر
قول للوزة غورى فى عينك ضفر
ما أطراك حبيبى الا وقلبى فر
اتلظى وأكظم الغيظ الوفر
ينعش روحى طيبك لو بدرك سفر
زى ما بى تفعل ذنبك مغتفر
شاغل غير شواغل بى سوحك مرر
على أسمعن من فاهك درر
من فولاذ قليبك وكبدك من حجر
ما أحلاك عندى إن زر أو هجر
|
Post: #31
Title: Re: دعوة للجمال والاستماع والاستمتاع
Author: انعام عبد الحفيظ
Date: 07-09-2007, 02:06 PM
Parent: #1
إشراقة
سلامات ومشتاقين
أغاني الحقيبة كلها جميلة لا ولن تتكرر
البوست دا واحة بالجد
|
Post: #32
Title: Re: دعوة للجمال والاستماع والاستمتاع
Author: نهال الطيب
Date: 07-09-2007, 04:37 PM
Parent: #31
جنني نغمات القمري
وخلني محتار في أمري
ذكرني الحبو ضيع عمري
من شوفتو صحاي وخمري
من وصلو طبي وسمري
المن بعدو ولع جمري
هالكني وما جايب خبري
أصبح جسمي زي خصرك مبري
أنا ليه ما أحبك يا جميل بالجبر
مادام من لونك صفا لون التبري
أدركني بنظرة يا بدري
أو ببسمة حنينة تشرح صدري
ليلة لقياك يا نفيس الدر
عندي أجمل ليلة زي ليلة القدر
أدركني يا غزال البر
أنا فاقد عقلي ومنامي وصبري
من صغري بحبك لي نهاية كبري
شوفتك يا روحي لي جروحي بتبري
محبوبي في هذا القطر
لا يوجد حسنو وعفافو الفطري
لو مر نسيمو بي أذكي العطر
يحيي الأرواح الأضحت في خطر
جنني نغمات القمري
وخلني محتار في أمري
إشراقة يابت أمي
ياسلام عليك وياسلام على بوست الجمال ده
وكل الغناء الفوق ده غناء بريده لدرجة ما تتخيليها
عاد أنا تاني ما مارقة من هنا
تسلمي ياحبيبة
|
Post: #47
Title: Re: دعوة للجمال والاستماع والاستمتاع
Author: Ishraga Haimoura
Date: 07-11-2007, 12:36 PM
Parent: #32
نهال الطيب
تشكري يا عزيزة
بافتش ليك نغمات القمري...
ودي عربون محبة
ذبت وجدا في هواك
محمد بشـــير عتيق
+++++++++++
ذبت وجدا في هواك
يا حبيبــي لــــــم أزل
عايش على سفح الأمل
يا من صليتني بنار هواك
رفعــــت فنـــي لمسـتواك
أنا في الغرام حامـل لواك
في قربى أو في حال نواك
قـط لم أفــكر في ســــواك
رغم العـزل لي فيك غــزل
برتاح لأنشــــودة غـنـــاك
وأنظم عقود زي نور سناك
أنا في الغرام حافظ ولاك
شعوري ما أستيقظ بلاك
والحكمة يا زينة حـــلاك
تزداد جمال وأزداد هلاك
حسنك ضمر حامى السمر
تيهك أمــر ليـه يا قمـــــر
تتواري عنى في ثوب حياك
ويبهر عيوني شعاع ضياك
يا المن خيالك اختشاك
بخمور دلالك انتشـــاك
بحبي ليك لو انتشــــاك
بالله سل نسمات عشاك
وبيك جواي ومبلغ هواي
وأنا طبي في خمرة لماك
لكن محال ألحـــق سمـاك
|
Post: #39
Title: Re: دعوة للجمال والاستماع والاستمتاع
Author: Ishraga Haimoura
Date: 07-10-2007, 10:02 AM
Parent: #31
نعومة
تسلمي يا حبيبة
ودي عشانك مخصوص ومعاك الرائعة فدوى الشريف
حن يا قمر أوفى لي ميعادا
حن يا قمر أوفى لي ميعادا ......... منامي خاصمني و لي عادا
**************
غمضة اجفانى طال بعادا ...........وسال دمعي البقـالى عادا
أرجو من شوفتك الاعادا .......... جفاك شقا ونظرتك ســـعاده
**********
البدور ناظره ليك حساده ......... ودون حلى تضوي خلقه ساده
والشعر في القديم تساده .......... والردف باقـــى ليك وســــاده
*************
المحي اللمـــع تبـــــادا........... كم عـــوازل حــــرق اكبادا
نوره فرم كلاى ابــــــادا ..........وكان هواك يبقى لي عـــباده
************
ما الضمير الرنع تهادا ............. نظرته بى عيني زاد سهاده
يا نجم سالك الشهادة .............. كفاي عذاب وروحي طال جهادا
************
حزت شوقي الكتر ترادا ............ وبالجمــال حــازت لانفرادا
تومة البــدر قلبي رادا ..............وامـــــرى ســلمــته للاراده
***************
الشعور وأخر امــتدادا ............... مــع القـــديم اتصــل ودادا
والســـهام زايد اشــتدادا ............. جروحي هل تدرى بى عدادا
*************
ليك لحاظ ماسكه في القيادا ........... ولى جروح ماشه في الزياده
أرجو من صاحب السياده ............. قليـــل مـــراهم من العــــياده
|
Post: #33
Title: Re: دعوة للجمال والاستماع والاستمتاع
Author: نهال كرار
Date: 07-09-2007, 08:13 PM
Parent: #1
يا سلاااام يا إشراقة
دا بوست في غاية الجمال
تخريمة : مشتاقووون والله
|
Post: #34
Title: Re: دعوة للجمال والاستماع والاستمتاع
Author: Nadia Elsir
Date: 07-10-2007, 07:45 AM
Parent: #33
الحبيبة اشراقة ,
شكرا على الاهداء
و كل مساحات الجمال و الطرب الاصيل !
مودتى
|
Post: #37
Title: Re: دعوة للجمال والاستماع والاستمتاع
Author: علاء الدين حيموره
Date: 07-10-2007, 09:38 AM
Parent: #34
اشراقة كدي فتشي لي باقي دي :
ساهر طرفي ما نمت ومن يوم شفتك اعلنت
بأني اسير سلمت وبمن سواك آمنت
|
Post: #38
Title: Re: دعوة للجمال والاستماع والاستمتاع
Author: عبد الله عقيد
Date: 07-10-2007, 09:54 AM
Parent: #37
سلام يا علاء
| Quote: ساهر طرفي ما نمت ومن يوم شفتك اعلنت |
المكاشفي خضر بشير جنبك اضرب ليهو تلفون يلحقك بيها
الأستاذة إشراقة
سلامات
شكرا جزيلا والله على هذا الجمال والإمتاع
وفي انتظار المزيد.
أستاذي أبوذر
اشاركك حب أولاد الموردة والاستمتاع بأدائهما الراقي
بالله شوفم لمن يقولوا
أحبو
أفتخربو
أهو قربو
أخشى حربو
يزيد في حبي وهيامي
واسمع لي معاك (يا نسيم الروض زورني في الماسية)
لكم المودة
|
Post: #41
Title: Re: دعوة للجمال والاستماع والاستمتاع
Author: Ishraga Haimoura
Date: 07-11-2007, 08:35 AM
Parent: #37
العزيزة نهال كرار
مشتاقوووون شديد
تسلمي يا حبيبة
دي هدية ليك وللأخ علاء الدين حيمورة
خلي العيش حرام
كلمات: صالح عبد السيد ابوصلاح
خلي العيش حرام مادام اري الموت يحل ** ما بين الرميش والطريف الكحيل
هزاز صدره ميل فدع الخصر النحيل ** بالرجاج يقلع شبه المهر الوحيل
النوم مني فر وقلبي ناوي الرحيل ** من غير المنام طيف الخيال مستحيل
بنخوض الرماح لو كان تزيد او تقل ** ونهاب من ضمير الاهيف المنفقل
بنقابل المدافع بالثبات والعقل ** ونخاف سيف عيونه اللمعة يبرق صقيل
والاني اشتياق وقلبي اصبح وجيل ** واتمنت محاسنك روحي جيل بعد جيل
والاكي الجمال يرفع لقدرك يجل ** واتمني الهلال ينصاع لي قديمك حجل
يا المنك معار تكحيل شويدن الخميل ** علمتي الغصون مع النسيم كيف تميل
مختارك يحاكي الشولة دمعه الهميل ** والتختاره لي لا شك جميل يا جميل
أضيع في هواك
أضيع في هواك يا مهفهف حرام......ما ذنبي عندك خلاف الغرام
*********
حبيب قلبي زاد الفؤاد انضرام........يذوب قلبي لذكركم احترام
خلاف قربكم خلى مالي مرام........وقرب المحب من شئون الكرام
***********
وحيد في الجمال حبه لروحي سام.....يبق در عقيد فاطره في الابتسام
مسلح عيون لحظه لجروحي سام.....وسيف العيون أقوى من الحسام
**************
رقيق خصره سادل عليه الغمام..........يجاذبه النسيم في المرور كالذمام
يميل بالشمال والجنوب والأمام.........يكاد أن يرك فوقه غصنه الحمام
***********
بعادك صعيب يامدلل نعم...........وقربك الىّ من ألذ النعم
وذكراك شرابي وشوقي الطعام......وليلة لقاك خير من ألف عام
************
عن وصفك لسان العزول في بكم.........محكم جمالك دقيق الحكم
وكم أبدو ليك شكوىياخلى كم............وأنت خصيمى وأنت الحكم
***********
جمالك شهير في الخلوق زى علم..........تقيد من شعاعك كواكب الظلام
محال استنط لي عزولك كلام............أضيع في هواك يا بديع والسلام
أها ديل أغنيتين في أغنية .. رأيكم شنو؟؟
|
Post: #56
Title: Re: دعوة للجمال والاستماع والاستمتاع
Author: علاء الدين حيموره
Date: 07-14-2007, 11:13 AM
Parent: #41
تسلمي يا أم سلمى والله ما قصرتي معانا تب وأن شاء الله ما يقصرن ايامك ..
مودتي
|
Post: #58
Title: Re: دعوة للجمال والاستماع والاستمتاع
Author: Ishraga Haimoura
Date: 07-14-2007, 01:30 PM
Parent: #37
العزيز علاء
أها دي الأغنية الطلبتها وبصوت خضر بشير شخصياً
مع كامل الود
|
Post: #86
Title: Re: دعوة للجمال والاستماع والاستمتاع
Author: Abdalla Abbas
Date: 08-19-2007, 10:51 AM
Parent: #58
Dear Ishraga
Thank you very much. Any more songs from Khidir Bashir
|
Post: #42
Title: Re: دعوة للجمال والاستماع والاستمتاع
Author: celecon
Date: 07-11-2007, 08:47 AM
Parent: #1
اشراقة مشتاقون .....
Quote: كل شي إن صفا أو كـدر
في أيادي القضـا والقـدر
أما دهري إن صد أو غدر
البعرفـوا الوفـاء مانـدر |
وبـــــــــس .....
____
كلام عجيب
|
Post: #45
Title: Re: دعوة للجمال والاستماع والاستمتاع
Author: الطيب شيقوق
Date: 07-11-2007, 11:40 AM
Parent: #42
Quote: في الضواحي وطرف المدائن
يلا ننظر شفق الصباح
قوموا خلوا الضيق في الجناين
شوفوا عز الصيد في العساين
يلا نقنص نمرح نعاين
النهار ان حر الكماين
كلبي يا جمجوم أصلو خائن
شوفو كيفن يبرا الملاين
هب شالا وكشح المراح
للقنيص الخيل خف راسن
نحن ما بنخاف من مراسن
المكارم غرقنا ساسن
والمجاهل من غيرنا ساسن
ان عطشنا نمز مر وآسن
وان عشقنا بنعشق محاسن
في المحاسن كفي يومنا راح
ويا الطبيعة الواديكي ساكن
مافي مثلك قط في الأماكن
يا جمال النال في ثراكن
يا حلاة البرعن أراكن
في قفاهن تور قرنو ماكن
لا غشن لا شافن مساكن
في الخزام والشيح والبراح
ومال نسيم الليل ببرودك
نامت الأزهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح
شوف صباح الوادي وجمالو
شوف خدارو وعاين رمالو
شوف يمينو وعاين شمالو
شوف نسيم الليل صاحي مالو
شوف فريع النال من أمالو
والبدر خجلان من كمالو
والصباح لاح بهل الوشاح
ويا أم لسانا لسع معجن
كلمه كلمه وحروفا ضجن
ديل خدودك غير داعي وجن
ديل عيونك من نظره شجن
دا دلال أيه دا دلال معجن
محن الأمات يا رداح |
والله يا اشراقة شرقتيني بحلاوة الكلمات وحلاوة اللحن الله يخليك يا الكل الجمال
|
Post: #49
Title: Re: دعوة للجمال والاستماع والاستمتاع
Author: Ishraga Haimoura
Date: 07-12-2007, 08:45 AM
Parent: #45
سيليكون
إزيك... بيني وبينك "البعرفوا الوفاء ما ندر"
الطيب شيقوق . إزيك يا عربي
إنت زول مسادير ساكت .. كلام ناس المدن دا مالك وماله
لكن عشانك إنت وسيليكون الهدية دي
كيف الحياة غير ليمك
كيف الحياه غير ليمك
في بعدك أصبح حظي زي لون هضليمك
يا نعيم الدنيا
يا حليف الخدري التايه في نعيمك
ما دام هاجرني أرسل لي نسيمك
و أنعش لي روحي بندى جسيمك
أو طيب المسك الفايح من تبسيمك
يا أماني حياتي البيك نور إقليمك
يتمنى التبري يلمع كأديمك
مشتاقه الشمس تظفر بي ليمك
تاخد من نورك تلثم لي قديمك
يا فرع البانه المايل في خميلك
من قامتوا حبيبي متعلم ميلك
يا البدر التم ما بتم تكميلك
لو ما تجعل لي محبوبي زميلك
سيوف الهندي من لحظة عينك
ليه بيها تصيبني إيه بيني وبينك
غير كوني بريدك و حياة خدينك
كف عني صدودك يا روحي و بينك
ليك حق في صدودك و تيهك و تذليلك
ليك حق تهجرني ... و يكتر تعليلك
ما دام فردي ... على جيلك
تمتاز بالعفه المانعني أجيلك
مع صدك و هجرك لا زلت أريدك
و منام عيني بين حظوظ جيدك
تيه بي نعيمك مولاي يزيدك
ضيعت حياتي تسلم لي إيدك
|
Post: #46
Title: Re: دعوة للجمال والاستماع والاستمتاع
Author: عبد اللطيف عبد الحفيظ حمد
Date: 07-11-2007, 11:52 AM
Parent: #1
يقول الشاعر عاطف خيري:
كتبنا علي حواف الأرض
نخيط قرمصيص بكرة
وكفن بكرة
مناديل للحبيبة تقيف
محل فسح خليل فرح الكلام
ومن وجعو هي تتمسح تشوف....
الشكر على هذه الدوحة الغنّاء
وعامرة بالجمال
والموسيقى الأصيلة!!!!!!!
والتحية لكل شعراء الوطن
|
Post: #48
Title: Re: دعوة للجمال والاستماع والاستمتاع
Author: تماضر الخنساء حمزه
Date: 07-11-2007, 12:42 PM
Parent: #1
لنكات الحفظ ياناس
البنزل اغنية ادينا لنك للحفظ
إشراقة يسمِّح ايامك
|
Post: #50
Title: Re: دعوة للجمال والاستماع والاستمتاع
Author: الطيب شيقوق
Date: 07-12-2007, 10:54 AM
Parent: #48
يا سلام يا ام سلمى يا رائعة والله كلك ذوق
والله انا هسع بسمع فيها باستمخاخ شدييييييييييد الله يحفظك وده ابداع جيل لا يتكرر
|
Post: #52
Title: Re: دعوة للجمال والاستماع والاستمتاع
Author: الطيب شيقوق
Date: 07-12-2007, 11:37 AM
Parent: #50
اشراقة كيفك
هاكم هذا الابداع
أعلى الجمال تغار منا
ماذا عليك إذا نـظرنا
هى نظرةً تنسى الوقارَ
وتسعدُ الروحَ المعنىّ
دنـياى أنت وفـرحتى
ومنى الفؤادِ إذا تَمَنىّ
أنتَ السماءُ بدتْ لـنا
واستعصمتْ بالبعدِ عنا
هلاَّ رحـمتَ مـتيمـا
عصفت به الأشواق وهنا
وهفت به الذكرى فطاف
مع الدجى مغنى فمغنى
هـزته مـنك مـحاسن
غنى بها لـمّـَا تـغنَّى
يا شعلةً طافتْ
خواطرنا حَوَالَيْها وطــفنــا
أنـسـت فيكَ قداسةً
ولــمستُ إشراقاً وفناً
ونظـُرتُ فـى عينيكِ
آفاقاً وأسـراراً ومعـنى
كلّمْ عهـوداً فى الصـبا
أسألْ عهـوداً كيف كـُنا
كـمْ باللقا سمـحتْ لنا
كـمْ بالطهارةِ ظللـتنا
ذهـبَ الصـبا بعُهودِهِ
ليتَ الطِـفُوْلةَ عـاودتنا
معزتي
|
Post: #54
Title: Re: دعوة للجمال والاستماع والاستمتاع
Author: Ishraga Haimoura
Date: 07-12-2007, 12:24 PM
Parent: #52
جانى طيفه طائف
كلمات : عبد الرحمن الريح
جانى طيفه طائف
لحاظه كالقذائف و انا من عيونه خائف
****
جانى طيفه طائف فى ثوب من الطرائف
خدوده القطائف وليه العنب شفايف
****
تلا فى هواى صحائف
لقى حبى غير زائف
قال لى اراك خائف و دون تشرح انا شايف
*****
يا ملهم العواطف و مهدل المعاطف
متى يا جميل تلاطف و تكون علينا عاطف
*****
حبيبى دمعى ذارف
غرقنى سيله جارف
لماذا عنى صارف ..هالكنى و أنت عارف
|
Post: #57
Title: Re: دعوة للجمال والاستماع والاستمتاع
Author: Ishraga Haimoura
Date: 07-14-2007, 01:01 PM
Parent: #52
الأستاذ الطيب شيقوق
كل المودة وشكراً على المرور
|
Post: #51
Title: Re: دعوة للجمال والاستماع والاستمتاع
Author: Ishraga Haimoura
Date: 07-12-2007, 11:37 AM
Parent: #1
أستاذ عبد اللطيف عبد الحفيظ
سعدت بمرورك الكريم
ومعك أحيي كل شعراء بلادي الذين وهبونا هذا الجمال
يا خنساء..
ما بنعرف ننزل لنكات الحفظ... "يعني لازم تحرجونا"؟؟؟؟
الأستاذ الطيب شيقوق
تشكر يا سيدي على المشاركة
ولكم جميعاً:
غنى القمرى على الغصــــون ذكرنى الدر الصون
فريد عصره الما متلو شى
قمرنا الليــــك متربصون
يا الغصن البندى الغصون
ملاك محروس داخل حصون
شمس الكون تشبه وشى
****
قاسى سماع لهجو الحنــون
عظيم كالمال حلو كالبنون
بى ريقو يداوى الجنــون
شعاع محيو العين تختشى
***
جميل متلك ما اظن يكـــون
حياء ورقة وعفه و سكون
يا البدر الليه قلبى كــــــون
فى حسن الكون ما خلى شى
****
جميل خلقة ومتجلـــى لــــــون
تخافو يذوب من تيهو لون
معاطفـــــو دلال يتمايلــــــــون
عوم الوز تقليد مشى
***
هواى فى هواك ذات العيـــون
الفاتره اللافته العيون
من سحرك تشفى العيـــــــــون
ياالروض الباسم وشى
***
ليك عالى العالم يهـــــــون
يا الرشا اللدن المهون
مناظر فيــــــــك يتنزهون
يا البطران من ما تشى
|
Post: #53
Title: Re: دعوة للجمال والاستماع والاستمتاع
Author: هاشم أحمد خلف الله
Date: 07-12-2007, 11:58 AM
Parent: #51
إشـراقـة
انـا غـايـتـو إسـتـاجـرت لـي شـقـة فـي الـبـوسـت دا ومأ مـسـتـعـد أطـلـع مـن
هـنـا حـتـي ولـو جـيـبـتـو لـي الـشـرطـة . ومـط الـحـروف لـلـمـمأطـلـة وبـس .
قـال شـنـو (| Quote: دعوة للجمال والاستماع والاستمتاع |
) تـعـلـمـونـا الإدمـان
وعـايـزيـنـنـا نـقـراء ونـطـرب ونـمـشـي كـده بـس , والـلـه ده مـنـتـدي مـا حـصـل
قـبـل كـده وارشـح هـذا الـبـوسـت لـنـيـل جـائـزة الآوسـكـار .
|
Post: #55
Title: Re: دعوة للجمال والاستماع والاستمتاع
Author: Ishraga Haimoura
Date: 07-14-2007, 10:06 AM
Parent: #1
الأخ هاشم أحمد خلف الله
مافي داعي تأجر شقة ولا حاجة .. نحن نديك فيلا مفروشة وتاخد راحتك فيها زي ما عايز
وتشرف وتآنس
شفنا حبيب بنريدو غير علة
اهلا بيهو الهلال هل
الحزن ولى كوكب الأفراح في السماء اتجلى
نور حبيب الروح النور الحلة
اب قمر دورين في الارض اتدلا
اهلا بيهو الهلال هل
شوف سعادتنا بي قدوم محبوبنا الرحمة ظلتنا
سحب الحنان والعاطفة ظلتنا
بعد هم للبين من تاني لمتنا
أهلا بيهو الهلال هل
الحبيب جانا بي نغيم الريدة المطرب اشجانا
من سهام العين بي شوفتو نجانا
والمحبة الطاهرة لبسنا تيجانا
اهلا بيهو الهلال هل
نسال المولى يحفظنا من العين برعايته يتولى
نلقى في الدنيا الهيبة والصولة
يتم هنانا نفوز بي رضا المولى
اهلا بيه الهلال هل
ودي لذوقك الرفيع
|
Post: #59
Title: Re: دعوة للجمال والاستماع والاستمتاع
Author: Ishraga Haimoura
Date: 07-16-2007, 12:31 PM
Parent: #1
إهداء خاص للصيدق أبوذر بابكر
الزمان زمانك
عبدالرحمن الريح
--------------------
الزمان زمانك
أهدى لي مـن فـضـــلـك
نـظـره فى رمانك
يا الفريـــــــد فـى عصرك
قلبى فاقد امانك
حرام عليك تهجرنى
وترضى بى حرمانك
بالكـمــال شــرفـــــت
مـنــاطق ام درمانك
وبالجمال امــتــــــزت
عـلـى شباب أزمانك
يا أنيس الصـيـــــــد
أنــا فى الغرام إنسانك
انت روح شعـــرى
وانا فى الشعر حسانك
ان قصدت هلاكــى
تـجــدنـى مـن فرسانك
وان عـطــفــــت عــلـــى
ذاك مـن إحسانك
يا الحنـيـــن فـى نفـسك
قولى ويـنه حنانك
شلت قلـــــــبـى ودمــى
خـضـبـت بيهو بنانك
ان مرقت تـــمــر
فى الـروض عـلى افنانك
النجوم تـتـــــــغــزل
فــى بـيــــاض اسنانك
|
Post: #60
Title: Re: دعوة للجمال والاستماع والاستمتاع
Author: Ishraga Haimoura
Date: 07-18-2007, 01:04 PM
Parent: #1
البوست إهداء للعزيزة ريهان الريح
|
Post: #61
Title: Re: دعوة للجمال والاستماع والاستمتاع
Author: عاصم ابوبكر حامد
Date: 07-18-2007, 01:20 PM
Parent: #1
عمتو شروقة ..
لكى التحية
بعد هذا البوست لا يسعنى الا ان اتقدم باردتى ووعيئ
وكامل قوائ العقلية الى طلب الامورة ...
والغريبة ان والدتها تستمتع بهذا الجمال وتدعوا لها ...
والاورع من كل ذلك انها من عائلة حيمورة ويذاد روعة بان عمها السمؤال بدرالدين ...
شكرا على اطلالتك الرائعة ودعوتك الجميلة ....
تسلمى
|
Post: #62
Title: Re: دعوة للجمال والاستماع والاستمتاع
Author: Ishraga Haimoura
Date: 07-19-2007, 11:02 AM
Parent: #1
الإبن عاصم
تشكر على المشاركة
أما الأمورة .. فالصف أمامك طويل
ياحليف الصون
سيد عبدالعزيز
---------------
ياحليف الصون
فلتدم في علاك
إنت زول معصوم
ولا إنت ملاك
إنت بدري وكيف الخدر ظلاك
أنت كوكب نور تشتهي الأفلاك
فيك كم آيات يالحياك جلاك
منظر الساحرات ومنظر الأفلاك
ياجميل النور ماسه من عيناك
منظر الأنوار طالعة من مغناك
والشباب يترنم بي معاني غناك
والجمال الفيك عن مديح أغناك
كل معاني اليوم طالعه من معناك
تبسم الأيام لوبسمت سناك
الزهور والنور بانو في وجناك
والزي جمال الحور زيه فته هناك
مهما أجيد أوصـاف أشوفها حامله صفاك
يانـقـي اللــون أيه أقول في صفاك
الحريــر يخشــى للصفا الصافاك
والتبــر يبـقــى زي صفر لصفاك
تخشع الأبصار من شعاع محياك
وعُقَّل الأفكار يسرحن في ضياك
النفـوس في هواك يالهواك في حياك
أنا عندي يوم الفوز حبيبي يوم رؤياك
الـرآك غير شك بي حبيبه رعاك
ليه لأنه يشوف كل شئ يرعاك
حتى نور الكون حجبوه معاك
يابـهـي الطلعة أنا كيف خلاصي معاك
|
Post: #64
Title: Re: دعوة للجمال والاستماع والاستمتاع
Author: عبدالله وداعه الامين
Date: 08-04-2007, 10:55 AM
Parent: #63
الاخت العزيزة اشراقة
ودي لك وتحياتي وتسلمي على البوست الرائع وجميل
وفعلا واحة من الجمال والروعة يديك الف عافية
مداخلتك في البوست بتاع الحقيبة لفتت انتباهي الى هذه الروعة
وقد فاتني كل هذا المهرجان الجميل من الطرب والتطريب العالي
ولو كنت اعلم لما قمت بانزال البوست المعني فالمادة على ما اعتقد متشابهه
وسانتظرك هنا وارقب ما ستقدمية واذا احتجتيني في شيئ فانا رهن الاشارة
ولا ادري اذا كان لديك نفس العدد الذي عندي من تلك الاغاني
فانا لدي اكثر من 80 اغنية لهؤلاء الرائعين
دمتي بالف خير وعافية وتسلمي على الجمال يا جميلة
|
Post: #66
Title: Re: دعوة للجمال والاستماع والاستمتاع
Author: Ishraga Haimoura
Date: 08-04-2007, 12:13 PM
Parent: #64
الأخ عبد الله
تشكر على مرورك وكرمك الحاتمي
وأيضاً على الدروس المجانية
أعتقد أنه لدينا نفس النسخة من هذه المجموعة فأنا لدي بالضبط 77 أغنية، ولكن لدي أغنيات حقيبة قديمة لفنانين آخرين إذا احتجت لأي أغنية
مع تحياتي
|
Post: #65
Title: Re: دعوة للجمال والاستماع والاستمتاع
Author: omar altom
Date: 08-04-2007, 10:58 AM
Parent: #1
اشراق حيمورة
انا اساســـــــــــي قبل الكراســــــــــــــــــي
محبة واحترام
عمر عثمان التوم
|
Post: #67
Title: Re: دعوة للجمال والاستماع والاستمتاع
Author: Ishraga Haimoura
Date: 08-04-2007, 12:14 PM
Parent: #1
عمر ود حلتنا... إزيك
انا عارفة ناس الصحافة جميلين وبيحبوا الجمال أينما كان
تسلم ياخي وحجزنا ليك في الصف الأول
|
Post: #68
Title: Re: دعوة للجمال والاستماع والاستمتاع
Author: Ishraga Haimoura
Date: 08-04-2007, 01:04 PM
Parent: #1
ودي عشان خاطرك يا عمر وتحية خاصة لعبد الله وداعة
|
Post: #70
Title: Re: دعوة للجمال والاستماع والاستمتاع
Author: Ishraga Haimoura
Date: 08-06-2007, 07:36 AM
Parent: #1
العزيز معتصم
مرحب بيك وجاهزين للطلبات... بس إنت تأمر
|
Post: #71
Title: Re: دعوة للجمال والاستماع والاستمتاع
Author: Ishraga Haimoura
Date: 08-12-2007, 09:17 AM
Parent: #1
في بنانك ازدهت الزهور
يا مداعب الغصن الرطيب
كلمات سيد عبد العزيز
يا مداعب الغصن الرطيب
في بنانك ازدهت الزهور
زادت جمال ونضار وطيب
****
يالمنظرك للعين يطيب
تبدل الظلمات بنور
وتبدل الاحزان سرور
ان شافك المرضان يطيب
****
تعجبني والشئ العجيب
هادي وأليف معاك النفور
بحصنك صنت السفور
والحسن والأصل النجيب
أنا وأنت في الروض يا حبيب
راق النسيم وحلى للمرور
بقى أحلى من ساعة السرور
وأدق من فهم اللبيب
****
والروضة في موضع خصيب
حضنوها واتلفوا النهور
ترى فيها انواع الزهور
من كل لون اخذت نصيب
يانع ثمارها وغض وطيب
اشبه بربات الخدور
الاتبرجن في يوم حبور
زادن جمال ونضار وطيب
****
في الروض غنى العندليب
ورددوا غناه الطيور
ترتيل اناشيد الحبور
وفتياتها يوم عيد الصليب
دنت الثريا بقت قريب
بين السلوك في تاني دور
في ثانية كم سطعت بدور
واهلة كان نوعن غريب
****
شئ ينعش الروح في الاديب
ويحي روح ميت الشعور
للقاه ترتاح الصدور
ويفرح القلب الكئيب
|
Post: #72
Title: Re: دعوة للجمال والاستماع والاستمتاع
Author: محمد المرتضى حامد
Date: 08-12-2007, 11:13 AM
Parent: #71
طلب عضويه يا إشراقه
|
Post: #73
Title: Re: دعوة للجمال والاستماع والاستمتاع
Author: Ishraga Haimoura
Date: 08-12-2007, 12:52 PM
Parent: #1
الأستاذ محمد المرتضى
تشرف مع "كل الحب"
|
Post: #74
Title: Re: دعوة للجمال والاستماع والاستمتاع
Author: محمد مكى محمد
Date: 08-12-2007, 02:16 PM
Parent: #1
العزيزةإشراقة
هذا من أروع بوستات الفترة الاخيرة واصلى خاصة الكلمات بعدأ نسينا الكثير منها لطول فترة بعادنا من الوطن ... ويديك العافية
مع الود
|
Post: #75
Title: Re: دعوة للجمال والاستماع والاستمتاع
Author: Ishraga Haimoura
Date: 08-13-2007, 08:55 AM
Parent: #1
الأستاذ محمد مكي
أسعدني تشريفك البوست... مرحباً بك
وإليك هذه الإهداء
اذكريني يا حمامه كلما ساجع ترنم في هواي وحب جمالك
اذكريني يا حمامه كلما هطلت غمامه في مساك او في صباحك
في غدوك او في رواحك
كلما بارق تبسم او نسيم الصبح نسم
عني دايما يكون سؤالك
في ما هجراني وعلى ما
يالهواك صار لي علامه
شاهرا لي دايما سلاحك
موتي واقف في اصطلاحك
طرفي عن رأياكي مغرم
زنبي ايه غير اني مغرم في هواك من بدري مالك
كل من في الكون نام
عيني ليك فقدت مناما
انتي يا الكاحلك نعاسي
يذدري الاغصان مجاسك
حظي ذي ليل فرعك اقسم
الجحيم من هجرك ارحم عني هل شغلك دلالك.
صرتا اعشق فيكي قامه
خصرها يعيرني السقامه
فيك اشرق نور صباحي
في ثنا البدر استضاحك
فكري زي خصرك مقسم
حظي زي ردئك مجسم هل يصير يرضيكي ذلك
روحي ليك وافت حماما
اذكريني يا حمامه
في ذهابك او في ايابك
ثم في فتره غيابك
الدرر شعري المنظم
دمتي يا الغدرك معظم
في نعيم جنه ظلالك شمبات ظلالك
اذكريني يا حمامه كلما ساجع ترنم في هواي وحب جمالك
|
Post: #76
Title: Re: دعوة للجمال والاستماع والاستمتاع
Author: Haytham Abdulaziz
Date: 08-13-2007, 09:16 AM
Parent: #1
إشراقة....
حتى تكون دعوة للإستماع و الإستمتاع الحقيقي .. أتيت لكي ألبي دعوتك و أجعل خلفية البوست لهذه الأغنية حية لكي يستمع و يستمتع الجميع ... و لك كل الشكر على هذه الدعوة.....
|
Post: #77
Title: Re: دعوة للجمال والاستماع والاستمتاع
Author: saadeldin abdelrahman
Date: 08-13-2007, 11:12 AM
Parent: #1
يا اشراقة
طمعااااان وعشمااان
لكـــن يميـن ما اطلب!
كيدا في اضاني الجاتا تخمة من الجمال المموسق دا
ياخي الله يديك العافية و راحة البال
قدر ما سريتينا و طربتينا
ما خيبتي ظني في ذوقك ابدا
عشتي
|
Post: #78
Title: Re: دعوة للجمال والاستماع والاستمتاع
Author: Ishraga Haimoura
Date: 08-14-2007, 08:06 AM
Parent: #1
هيثم عبد العزيز
تسلم يا راقي
شاكرة كتير على الأغنية الجميلة
سعد الدين عبد الرحمن
وينك يا راجل؟؟؟؟
يعني إلا يصطادوكم بالطرب الأصيل دا؟؟؟
إنت زول ذواقة وأضانك مابتصيبها أي تخمة
بس إنت أطلب ونحن علينا نلبي كل طلباتك
تسلم
|
Post: #79
Title: Re: دعوة للجمال والاستماع والاستمتاع
Author: saadeldin abdelrahman
Date: 08-14-2007, 02:08 PM
Parent: #1
أشوف نعيـم دنـيـتي و سعودا
امتى أرجع لامدر و أعودا
|
Post: #80
Title: Re: دعوة للجمال والاستماع والاستمتاع
Author: سيف الدين مصطفى كرار
Date: 08-14-2007, 03:10 PM
Parent: #1
ياحليل زمن الصباء الماضى
وحليل زمن الهوى............
لابراهيم الكاشف
اغانى الحقيبة تراث جميل ورائع
قديما قيل ( الماعندة قديم ماعندة جديد)
شكرا لكى لاغانى الترات الخالدة.
|
Post: #81
Title: Re: دعوة للجمال والاستماع والاستمتاع
Author: Ishraga Haimoura
Date: 08-15-2007, 11:14 AM
Parent: #1
الأخ سيف الدين مصطفى
شرفني حضورك... أبق معناولك هذه
حليل زمن الصبا الماضى حليل زهر الحياة الزاهر
حليل زمن الحبيب راضى حليل زمن الهوى الطاهر
حليل زمن الحبيب طائع
حليل زمن الحبيب آمر
زمنا الكنا لا ندرى
بما كان الزمن ضامر
حليله الأبلج الباسم حليله الكاحل الناير
حليل قمر السما القاس
آه لو آه تفيد مجروح والمثل القديم ساير
رهاب ما حصلوا الجارى وسماك ما بحصلوا الطاير
فداك نوم عيوني يا نايم وهل بلغك أنا مساهر
أراقب فى كواكب الليل أرك بيناتها ماك ظاهر
أغض الطرف وأتناوم أقول للحسنة لى جاهر
متين أنظر جمال نورك ووين يا كوكبي الزاهر
جمالك يسعد الشافك صباحك يشرح الخاطر
مياسك الهلك ناسك ودلالك وبسمة الفاطر
عيونك وإزدهار لونك زهور وشما الندىالقاطر
وروحك زي نسيم الروض إذا مزجوا الشذىالعاطر
تعود لى مسالمتك سالم بعودة سلامة يا مسافر
أِشوفك زى ملاك رحمة أشوفك زى غزال نافر
تجدنى مراقب أخبارك إذا النسمات بها تخابر
تجدنى على الفراش مضنى تجدنى على الأسى صابر
أنا البعدك أصون عهدك وليتك كنت بى خابر
وليتك مرة تذكرني ولو فى ذكرة الغابر
أشوف فيك هيبة الظافر
أشوف فى محيك البدر البفوق بدر السما السافر
ذكرى أهاجت الذكرى دوام فى فكرتى تخامر
حليل الماضى وأيامه حليل الرونق العامر
|
Post: #82
Title: Re: دعوة للجمال والاستماع والاستمتاع
Author: خضر حسين خليل
Date: 08-15-2007, 11:54 AM
Parent: #81
يا من أحبك وأشتهيك
أنا لي روح هيمانة بيك
ماعارف من أصبحت لقيت روحي بردد في المقطع أعلاه
فاللهم أجعله خير
إشراقة ياخ مشتاقين
|
Post: #83
Title: Re: دعوة للجمال والاستماع والاستمتاع
Author: Ishraga Haimoura
Date: 08-15-2007, 11:56 AM
Parent: #1
أعطف علي يا ريم
أبوصلاح
أعطف على يا ريم .. يا نافر الغزلان
خصرك رقيق وعلىّ .. قلبك حجر ما لان
بحسب دقائق الليل .. أنا والنجم زملان
تابع هواك ومجافى .. الأهل والخلان
يا العالي صدرك .. ومالو ضميرك الهذلان
لو عينى تنظر خدك .. ومتّ ما زعلان
أنا يا جميل بهواك .. فعلاً وقول لسان
بالنظرة تسقينى .. وبالنضرة والميسان
فادع رحح خصرك .. ولسيف لحاظك سان
وأنا يا مدلل قصدى .. من الحسن احسان
يا آية الحسن .. وريحانة السودان
غاية محاسنك جيل .. في كافة البلدان
ساكن بشاطىء النيل .. وبداخل الأبدان
في حارة فيها محاسن .. جنة الولدان
يا أكحل العينين .. يا نائر الأوجان
شكلك بيشيل .. قلب الأنس والجان
شوفنا البدور تسرى .. في البسمة كالسريان
ما بين بياض الدر .. وخضرة المرجان
يا آية الحسن .. وريحانة أم درمان
غاية محاسنك جيل .. في كافة البلدان
يا آية الحسن .. وريحانة السودان
غاية محاسنك جيل .. في كافة البلدان
|
Post: #84
Title: Re: دعوة للجمال والاستماع والاستمتاع
Author: Ishraga Haimoura
Date: 08-19-2007, 09:42 AM
Parent: #1
إهداء إلى الأخ سيليكون
اطرد الاحلام ياجميل واصحى
قوم نقضى الليل فى ضفاف النيل ننشد الفسحة
شوف جمال الليل يا جميل اصحى
و اسمع البلبل و لهجته الفصحى
الغصون ماخدات مع النسيم كسحة
والطبيعة تخيل ثوبها كاسى النيل من جمال مسحة
عير كلامى معاك ياجميل لمحة
قوم معاى و ميل قامتك السمحة
كل شىء ميسور والظروف سامحة
منظر النوار يغنى عن انوار ولى الظلام يمحى
ديك شواطى النيل بالسرور طافحة
لابسة بدر التم وللنجوم لافحة
شتلة الياسمين مايلة بصفحة
ميلها بيشجيك و من شذاها يجيك كل حين نفحة
شوف وجوه الروض باسمة منطرحة
وتضحك الازهار ميتة بى الفرحة
ليه شجرة الفل ياخى منشرحة
والورود بالمر لونة ليه احمر كأنه منجرحة
شوف طيور منظوم روقة زى سبحة
طايرة كالامال فى الفضاء سابحة
فى جوارنا قريب ظلالها جات شايحة
ياخى ما فايتات اظنهن بايتات وفى الرياض صابحة
النسايم لو غادية او رايحة
بى ندى الازهار و العبير فايحة
و الفروع بتميل بالطرب مايحة
و السواقى تئن بى نغم تلحين صوتها كالنائحة
منظر البدرى و بهجته الفاضحة
تبدو ليك فى النيل كالدرر واضحة
و الطيور تختال فى الغصون صادحة
و السرور ميل روق و اتخيل كفتة الراجحة
|
Post: #85
Title: Re: دعوة للجمال والاستماع والاستمتاع
Author: celecon
Date: 08-19-2007, 09:50 AM
Parent: #1
| Quote: ياخى ما فايتات اظنهن بايتات وفى الرياض صابحة |
وانا بايت هنا الليلة وما طالع ...
تشكرات آلاف على النغم الحلو والكلام السمح...
|
Post: #87
Title: Re: دعوة للجمال والاستماع والاستمتاع
Author: خالد علي محجوب المنسي
Date: 08-19-2007, 11:34 AM
Parent: #85
Quote: قوموا خلوا الضيق في الجناين
شوفوا عز الصيد في العساين
يلا نقنص نمرح نعاين
النهار ان حر الكماين
كلبي يا جمجوم أصلو خائن
شوفو كيفن يبرا الملاين
هب شالا وكشح المراح |
يا جميلة وكلك ذوق تسلم آذنك المرهفة للسماع
الفاضلة اشراقة
تحية وسلام
ضربتي على الاوتار الحساسة جدا وجبتي الحمار للطين ( حشاني ماني حمار لكن واقع المثل العميق )
روعة وجمال الضواحي دعت الملهم الأحساس خليل فرح أن يجار شعراء عصره بهذه الرائعة التي ابدع فيها عثمان الشفيع وسكب فيها كل الجمال صوت واداء
كانت الدعوة لاهل الحضر والمدن اللذين متنفسهم فقط في الجنائن والحدائق أن يخرجو للضواحي والبادية حتى يروا جمال الطبيعة البديع التي جاد بها الخالق على خلقه وهم غافلين ونزحو للمدن
اجاد وابدع فرح في وصف الطبيعة في الضواحي
وأبدعتي اشراقة أن فتحتي لنا نافذة ومتنفس عله ينزل درجات تيرمومتر حراتنا المرتفع دوماً
لك التحية والاحترام اشراقة
خالد
|
Post: #88
Title: Re: دعوة للجمال والاستماع والاستمتاع
Author: Ishraga Haimoura
Date: 08-19-2007, 12:52 PM
Parent: #1
الأخ خالد المنسي
شرفني حضورك ومشاركتك
ويا ليت الجميع يسعون لنشر الجمال ومحاربة القبح
تسلم سيدي
|
Post: #89
Title: Re: دعوة للجمال والاستماع والاستمتاع
Author: Ishraga Haimoura
Date: 08-21-2007, 11:26 AM
Parent: #1
قـلبي هـمالو صالح عبدالسيد أبو صلاح
----------
قـلبي هـمالو خـديدك وجـمالو
مـعذب فـي هـواك مـالو
بـدر حـسنك لاح والـقليب مالو
لي هواك وشوق قلبي عمالو
يافريع ياسمين متكي في رمالو
قولي عاشقك وين ضاعت آمالو
شـعره حـاكا الـليل وحاجبه هلالو
فر بسميو الغيم والبروق لألو
مـافي مـانع لـو مـوتي حلالو
نهدو جوز تفاح صدره لو لالو
الشادن المحكول قلبي يصبالو
وأخشى من لحظو ومن رمي نبالو
كـم جـريح سهام عينه ضاربالو
وبيه لايدري ولا علي بالو
الـجوهر الـفردي الـما إتلقي مثالو
ليهو قلبي يلين وقلبو يقسالو
حبه صبحني وحسنو مسالو
غير رشيم في خدودو دماعي ماسالو
خصره ناحل زاد جسمي إنحالو
طرفه ناعس نام وطرفي يصحالو
الـفريع الـلان دمـعي سحالو
يانسيم أرجوك شوفو كيف حالو
فـي الـنجوم مرفوع مجده يبنالو
بين سماك أعزل حظي مانالو
وحـرسه حـولو يدور إستعدالو
والبدر لو غاب يضوي في بدالو
|
|