Post: #1
Title: 7/7/2007 يوم للحب والسلام
Author: أبو ساندرا
Date: 07-05-2007, 10:33 AM
Parent: #0
السبت الموافق 7/7/007
تاريخ مميز ، بيكون مرة واحدة في السنة
كنت قد إحتفلت بالخميس 5/5/2005 لو تتذكرون
ولم أحتفل ب 6/6 /2006
عشان بخاف من الستات
ومن مسغبة سنة ستة
تعالوا نكرس اليوم للإحتفال
والبهجة الحلال
نفعل شييء مفيد
نروح عن النفس
نتصافى
نتعافى
غايتو العايزني ممكن يلقاني في يوم مفتوح
يبدأ من صباح السبت حتى الهزيع الأخير من الليل
قد يكون ذلك في:
- { بيلاجو } عند الحياة بلازا
- منطقة المطاعم والألعاب في اللاندمارك
- السيتي سنتر
- الانتركونتنيتال
وهذه جميعها مسقوفة ومكندشة
وضاجة بالحياة والحسان
والقرود والغزلان
ولو كان الجو جميل كحال الدوحة في الثلاث أيام المنصرمة
فسألهو وامرح في الفضاءات المفتوحة
في الكورنيش قبالة الخليج
أو في حدائق البدع
أو في منتزه دحل الحمام
والسلام
|
Post: #2
Title: Re: 7/7/2007 يوم للحب والسلام
Author: د.محمد حسن
Date: 07-05-2007, 10:46 AM
Parent: #1
اول واحد يحب
وكل حب وانت بحب
|
Post: #4
Title: Re: 7/7/2007 يوم للحب والسلام
Author: Emad Abdulla
Date: 07-05-2007, 10:55 AM
Parent: #2
Quote: - { بيلاجو } عند الحياة بلازا
- منطقة المطاعم والألعاب في اللاندمارك
- السيتي سنتر
- الانتركونتنيتال |
دنيا ..
أماكن ترفيهك و ( مراتع ) صباك .. كانت :
- الليق ..
- النيلين ..
- كوشة الجبل ..
- تُرب بلاع ..
- و حديقة القرشي - حين ميسرة - ..
و الله صحي : الما عارف يقول .. زي الشرا في القندول .
......
" مراتع " دي بالأمهرنجه .
|
Post: #3
Title: Re: 7/7/2007 يوم للحب والسلام
Author: خالد العبيد
Date: 07-05-2007, 10:52 AM
Parent: #1
سبعة سبعة يوم ميلاد زواجنا
مودتي يا ابوساندرا
|
Post: #5
Title: Re: 7/7/2007 يوم للحب والسلام
Author: أبو ساندرا
Date: 07-05-2007, 11:01 AM
Parent: #1
د. محمد حسن قال:
Quote: اول واحد يحب
وكل حب وانت بحب |
آخر العشاق أنا يادكتور
ياخ ماتحكي لينا عن أول حب
وآخر حب
|
Post: #6
Title: Re: 7/7/2007 يوم للحب والسلام
Author: أبو ساندرا
Date: 07-05-2007, 11:33 AM
Parent: #1
| Quote: " مراتع " دي بالأمهرنجه |
مراتع بالأمهرية
بتعني
العشش بالديامية
يا أيها المتحرش الفالت
هل نسيت { قنينة } كافوري على سور منازل العمارات
يا حليل حنان لبض
|
Post: #7
Title: Re: 7/7/2007 يوم للحب والسلام
Author: ابراهيم عدلان
Date: 07-05-2007, 02:32 PM
Parent: #1
| Quote: هل نسيت { قنينة } كافوري على سور منازل العمارات |
ذات الغطاء القسطيري الاخضر
و امعانا في مد اللسان و الحقد الطبقي اشتري احمد ود سيدة 6 لصقات جروح ليلصقها علي كل جرس باب بعد افراغ محتوي القنينة في الجوف و كسر الفارغ.
( اتي افراغ القناني ضمن خطة طويلة الامد نري ثمارها الآن في وحدة رؤي اولاد الديم و العمارات)
|
Post: #8
Title: Re: 7/7/2007 يوم للحب والسلام
Author: خالد محمد سليمان
Date: 07-05-2007, 03:12 PM
Parent: #1
سبعه سبعه حبابو سبعه
دامت ايامكم كلها افراح
يا زعيم
|
Post: #9
Title: Re: 7/7/2007 يوم للحب والسلام
Author: Emad Abdulla
Date: 07-05-2007, 05:30 PM
Parent: #8
| Quote: ( اتي افراغ القناني ضمن خطة طويلة الامد نري ثمارها الآن في وحدة رؤي اولاد الديم و العمارات) |
و إمعانا في الإمعان تسكعنا مع ود سيدة بعد شرابنا لطيبات كافوري ذات البقرة السمينة المرسومة ..
( و كنت أرسم تلك البقرة الشبعانة , و معها أرسم الرسمة الأثيرة في كتاب المطالعة في درس الرجال البلهاء , فقد كان فيها ملامح كثيرة لجيرانٍ من أعمامنا ) ..
و " تخيلنانا " تعشقنا الحسان المغندلات من أول شارع واحد و حتى شارع تسعة و أربعين ..
و آمنا بذلك .. فـ( المؤمن صِدّيق ) 
و تجنبنا الكلاب خلف الأسوار أُمّات جناين و نحن " نستلف " قزازات الحليب ..
نرضعها ثم نكسر فقرنا فيها .. و نهرش من يتعرض أو يعترض :
طالعني التُرَب .
رؤانا " ديّامة و تراطيب " كانت تشبه بلداً حلواً .. ( لاحقا عرفت أن رؤانا كانت : ما بطالة ) ..
بلداً تساوينا فيه المدرسة و الشفخانة و الدافوري .. و الضحكات القلبية ..
( شرط الحاكم يبقى عادل ) .
الحب و السلام يا بركة .
ده إسم فيلم .. لم يُنتَج بعد .
مساء الخير يا ابراهيم .
|
Post: #10
Title: Re: 7/7/2007 يوم للحب والسلام
Author: Muna Khugali
Date: 07-05-2007, 05:47 PM
Parent: #9
كل سنه وانتو طيبين..
وجميل جدا نخلق ايامنا للحب والمرح..
خلاص بلاقيكم كلكم بوم السبت ان شاء الله..
مع كثير حبي ومودتي
|
Post: #11
Title: Re: 7/7/2007 يوم للحب والسلام
Author: أبو ساندرا
Date: 07-06-2007, 06:29 PM
Parent: #1
كتب خالد العبيد :
{سبعة سبعة يوم ميلاد زواجنا
مودتي يا ابوساندرا }
كان سنة كم يا خالد؟
مليون مبروك
والتهاني موصولة للأخت رقية
وأدام الله بينكم الحب
وأشاع السلام
أها ياخالد ، بكرة أعزم المدام على حسابي في أي حتة
والرقصة الأولى لكما ، للعريس والعروس
|
Post: #12
Title: Re: 7/7/2007 يوم للحب والسلام
Author: طارق الأمين
Date: 07-06-2007, 07:33 PM
Parent: #11
Quote: هل نسيت { قنينة } كافوري على سور منازل العمارات
يا حليل حنان لبض |
مادام فتيتونا في الاسافير
والله كانت سااااااااقطه
وهو البخليها منو لمن تحر
المحيرني
كان عندهم الحليب وما عندهم مدرسه
واولادهم قرو معانا في السجانه الجديده
لعلها كانت سياسه الغذاء مقابل التعليم
وكان ان اثمرت العلايق والحليب والحصص
كهجين
في نبوغ الدائره 23
بين العمارات والديوم شارع ظلط للعين يبين
لكنو ما شارع ظلط بل هو الاف السنين
اما حنان لبط
التي تطارد بولبس السواري
فاتمناها زائره وغائره لملاهي دوحتكم اعلاه
علها تعيد اليكم بعنفوانها المسلوب
بعضا من طعم الحليب المفقود
حتي لاهل العمارات التي صار اسمها
شمس العز غربت
حيث ماعادت للعز كثير علائق
بمنازل الافنديه الكبار
شهر سبعه حبابو سبعه
حنواصل
|
Post: #13
Title: Re: 7/7/2007 يوم للحب والسلام
Author: Abureesh
Date: 07-06-2007, 10:06 PM
Parent: #12
Quote: السبت الموافق 7/7/007
تاريخ مميز ، بيكون مرة واحدة في السنة
|
أبو سـاندرا،
تقصـد كل 10 سنـة يا حبيب.
ما أدوكـم كيميـا واللا شنـو؟
المهـم..
حركاتك البتسوى فيهـا دى، بعد ما فتنـا، كلهـا مرصـودة.. بدايـة من دعوى الإحتفال بوداع سـاندرا..
والله فى..
|
Post: #14
Title: Re: 7/7/2007 يوم للحب والسلام
Author: أبو ساندرا
Date: 07-06-2007, 10:24 PM
Parent: #1
إبراهيم عدلان :
عمايلكم أنت وأحمد ودسيدة وعماد عبدالله وأزهري بركات وطارق الأمين وشروم
و { بقبقتكم } لقنينة حليب كافوري أم ضنب
جعلت من بنات العمارات
أخوات بالرضاع
كلو منكم
جعلتوهن محرمات
|
Post: #15
Title: Re: 7/7/2007 يوم للحب والسلام
Author: مدثر محمد ادم
Date: 07-07-2007, 05:54 AM
Parent: #14
صباح الحب
ابوساندرا عمدتنا
الله يجعل ايامك كلها حب
تيف تيف
|
Post: #16
Title: Re: 7/7/2007 يوم للحب والسلام
Author: أبو ساندرا
Date: 07-07-2007, 06:05 AM
Parent: #1
كتب طارق الأمين :
Quote: وكان ان اثمرت العلايق والحليب والحصص
كهجين
في نبوغ الدائره 23
|
فعلآ يا طارق
الحليب الذي آخى بيننا
والمدارس
وفرع الحزب
كلها كانت مدخلات نبوغ الدائرة 23
وصعود الغزالة
|
Post: #17
Title: Re: 7/7/2007 يوم للحب والسلام
Author: soma
Date: 07-07-2007, 06:26 AM
Parent: #16
ابو ساندرا
الشوق محنة يا رمز المودة والفرح المدور
عارف... ذكرتنى ايام كنت ما بتنسا الناس والمشغوليات خفيفة
هسه ده ما لوم ولا عتاب طبعا
لكن حليل اميلاتك البترش حوشى صباحى بالفرح الخرافى
هههههههه قلت لى بتخاف من الستات
عفيت منك ماعودتنا على الغتغيت بل الصراحه طوالى
ربنا يجعل ايامك كلها افراح ومحبة
وخلينى كده انداح معاك من الصباح
وافرش ليك كلمتين اليه
فى هذا اليوم المميز بوجود الاحبه معنا
تسلم يا ابو ساندرا وشكرا محبة لله فى الله
***
متاوقه
خالد العبيد كل سنه وكل يوم وانتو فى سعادة دائمه يا رب
رسالة غرام
انا ما حبيتك .. لكنى عشقتك ...
واتمنيتــــــــــــك ...
بى ريشة قلبى .. رسمتك...
وفى الاعماق ختيتك ...
بحنانى الفايض.. برضى شملتك ...
ما خليــــــــــــتك ...
واتخيلتك .. فى بستـــــــــــان ....
انى زرعتك ...
بى دمى رويتك ...
وكيف راعيتـــــــــــــــك ...
لما قطفتــــــــــــك ..
اتحسستك .. وريحة عطرك ...
نرجس نور .. ساحة بيتك ....
ويوم لاقيتك ..
لامست سحابة عرشك ...
واتنهدت عشان حسيتك ...
كتمت الاهه .. وراها التانيه ...
اتوهمت كمان ناديتك ...
كتبتك احلا قصائد ريد ...
كم لحنتك .. وكم غنيتك ....
وتانى بديتك .. وجيت تميتك ...
لما حفظتك واتوشحتك ...
واتغطتيــــــــــــــتك ...
ومن خوفى عليك ...
قريت حصنتك ...
وبى رمشى هناك ضاريتك ...
واتوسلتك .. واترجيـــــــتك ..
تعرف انى عشقتك ما حبيتك ..
والله عشقتك ..ما حبيتك ...
اسماء الجنيد / مسقط
|
Post: #18
Title: Re: 7/7/2007 يوم للحب والسلام
Author: أبو ساندرا
Date: 07-07-2007, 06:34 AM
Parent: #1
ترحيب حار بالشاعرة المجيدة أسماء الجنيد
ونعود لمداخلتها القصيدة .
كتب طارق الأمين :
Quote: بين العمارات والديوم شارع ظلط للعين يبين
لكنو ما شارع ظلط بل هو الاف السنين
|
شارع ، تهدر على ضفتيه حياة صاخبة
شارع خلده إسماعين ود حد الزين بأبيات شعر معبرة
شارع كانت تقف عنده بنات الديم
بعد أن يقدمن أولاد العمارات
بعد ختام الحفلات
حماية لهم من أولاد الديم
وكلابها
|
Post: #19
Title: Re: 7/7/2007 يوم للحب والسلام
Author: محمد الطيب حسن
Date: 07-07-2007, 07:36 AM
Parent: #1
الحبيب ابوساندرا
هي كثر الايام التي نجد فيها الفرح في حياتنا
ولكن هناك أناس نلتقيهم مرة في حياتنا ..
فرصة واحدة فقط تمنحنا إياها الحياة ، لنعبرهم أو ليعبرونا !
مرة واحدة فقط ليترك كل واحد منا أثراً في الآخرْ ..
ويا ترى أيّ أثرْ ؟
هؤلاء ((وانت منهم)) لا يسمح لهم أو لنا بتكرار الخطأ مثلما هذا اليوم المميز..
هي مرة واحدة فقط .. وتصرخ الحياة فينا .
( Time >>> Over)
معلنة انتهاء الوقتْ ..
هؤلاء لا يمكننا تعديل أخطاءنا معهم ..
ولا يمكنهم أيضا هم فعل ذلك معنا ..
إنها الفرصة الواحدة التي لا تتكرر !
بعض الأحيان تقف في مكان ما ، فتجد إنسانا يدخلْ ..
يملأ المكان بطيبته ..وبعنفوانه و بخفة روحهْ ..
وتشعر بحق أنه ترك فيك أثراً طيباً كان اوسيئا ،
ولكن حضوره يكون كافيا لترك أثر ..
ولقد فعلت
فلك الود ايها المميز في اليوم المميز
|
Post: #20
Title: Re: 7/7/2007 يوم للحب والسلام
Author: haroon diyab
Date: 07-07-2007, 07:45 AM
Parent: #19
الغالي / محمد الحسن
Quote: الحبيب ابوساندرا
هي كثر الايام التي نجد فيها الفرح في حياتنا
ولكن هناك أناس نلتقيهم مرة في حياتنا ..
فرصة واحدة فقط تمنحنا إياها الحياة ، لنعبرهم أو ليعبرونا !
مرة واحدة فقط ليترك كل واحد منا أثراً في الآخرْ ..
ويا ترى أيّ أثرْ ؟
هؤلاء ((وانت منهم)) لا يسمح لهم أو لنا بتكرار الخطأ مثلما هذا اليوم المميز..
هي مرة واحدة فقط .. وتصرخ الحياة فينا .
( Time >>> Over)
معلنة انتهاء الوقتْ ..
هؤلاء لا يمكننا تعديل أخطاءنا معهم ..
ولا يمكنهم أيضا هم فعل ذلك معنا ..
إنها الفرصة الواحدة التي لا تتكرر !
بعض الأحيان تقف في مكان ما ، فتجد إنسانا يدخلْ ..
يملأ المكان بطيبته ..وبعنفوانه و بخفة روحهْ ..
وتشعر بحق أنه ترك فيك أثراً طيباً كان اوسيئا ،
ولكن حضوره يكون كافيا لترك أثر ..
ولقد فعلت
فلك الود ايها المميز في اليوم المميز |
والله سبقتني وابو ساندرا كما قلت فله التحية .
ياابو ساندرا ابن اختي احمد فؤاد حضر من فرنسا للسودان عشان يتزوج واليوم زواجه في بورسودان تهنئية قلبية حارة ابعثها من خلال بوستك الجميل .
هارون دياب
|
Post: #21
Title: Re: 7/7/2007 يوم للحب والسلام
Author: عمران حسن صالح
Date: 07-07-2007, 07:55 AM
Parent: #20
تحية ود جارف
ومحنة من (جوة) ......
للتي من أجلها جعلت هذا اليوم 7/7/07
مميزاً ...
جددت فيه عهدي لها
بالوفاء
وبأن يظل هذا القلب ينبض بحبها...
ولها في بعدها (مسافة) ...
كل القبلات ...
|
Post: #22
Title: Re: 7/7/2007 يوم للحب والسلام
Author: محمد الطيب حسن
Date: 07-07-2007, 08:37 AM
Parent: #21
حبيبنا الرجل المحظوظ الجوكي الكبير هارون ((ديفيد بولاند)) من سبق الخيل وعييييييك
Quote: والله سبقتني وابو ساندرا كما قلت فله التحية .
ياابو ساندرا ابن اختي احمد فؤاد حضر من فرنسا للسودان عشان يتزوج واليوم زواجه في بورسودان تهنئية قلبية حارة ابعثها من خلال بوستك الجميل .
|
تحيه وتهنئيه فرنساويه للاخ احمد فؤاد وبيت مال وعيال وحياة زوجيه سعيدة وجميله وعلويه وسعاد....
وعقبالنا يارب
|
Post: #23
Title: Re: 7/7/2007 يوم للحب والسلام
Author: bukhary el amin
Date: 07-07-2007, 09:00 AM
Parent: #1
رقية العبيد و خالد العبيد
ضوء علي طول الطريق ...
كل سنة وانت طيبين
نجلاء سيد أحمد وانا ...
عبد الرحمن بركات ...
تلبية لدعوة الحب رأيك شنو انا ح امشي احتفل مع جمال عبد الرحمن أو حسن عطا المنان أو ميرغني عطا المنان ... واحد فقط منهم يكفي وان اجتمعوا ثلاثتهم أخشي أن ( يشقني ) الفرح واقوم أموت كمان
|
Post: #24
Title: Re: 7/7/2007 يوم للحب والسلام
Author: Nawal giha
Date: 07-07-2007, 11:38 AM
Parent: #23
ياابوساندرا
كيفك وكل سنة وانت طيب اجمل الأيام تلك التي لم نعشها بعد واجمل الحظات قادمات
تصور إنو اليوم عرس بت صحبتنا سبعة شهرسبعةسنة الفين وسبعة شارع سبعة
الساعه سبعة والمشروب حيكون 7UP
|
Post: #26
Title: Re: 7/7/2007 يوم للحب والسلام
Author: محمود ابوبكر
Date: 07-07-2007, 06:15 PM
Parent: #1
أبو ساندرا
7/07/07
يوم بحاجة الى احتفاء ..
حتى يحين موعد 08/08/08
الذي نتمنى ان نحتفل به ايضا اذا كان في العمر بقية
شكرا للفتة
وكل عام وانتم تعيشون حب وتحققون أحلام
محمود
|
Post: #27
Title: Re: 7/7/2007 يوم للحب والسلام
Author: ابراهيم عدلان
Date: 07-08-2007, 05:38 AM
Parent: #1
شارع 46 و ما ادراك ما زينب و العرش
و يا بركة لم تكن اخوة في الرضاعة و لكن اقتسام للثروة و السلطة
و تاني ما ادراك ما زينب و العرش
|
Post: #28
Title: Re: 7/7/2007 يوم للحب والسلام
Author: أبو ساندرا
Date: 07-08-2007, 05:45 AM
Parent: #1
كتبت نوال جحا :
Quote: ياابوساندرا
كيفك وكل سنة وانت طيب اجمل الأيام تلك التي لم نعشها بعد واجمل الحظات قادمات
تصور إنو اليوم عرس بت صحبتنا سبعة شهرسبعةسنة الفين وسبعة شارع سبعة
الساعه سبعة والمشروب حيكون 7UP |
ياها دي زاتها عجائب الدنيا السبع
السبعة القديمة
و السبعة بتاعت لشبونة
أنت سبعة دي حرم السبع ؟
|
Post: #29
Title: Re: 7/7/2007 يوم للحب والسلام
Author: أبو ساندرا
Date: 07-08-2007, 05:52 AM
Parent: #1
كتب خالد محمد سليمان :
Quote: سبعه سبعه حبابو سبعه
دامت ايامكم كلها افراح
يا زعيم |
وأبقوا سبعة على المبادي
نشهد بإنك راعيت المبادي وصنت القيم
وإحتفيت بإخوتك في الإنسانية
حضورك كان مميز بالكرم الغامر
والشيك الطاير
نشوفك الثلاثاء في المطار عشان
ريهام عزالدين محمد عثمان
|
Post: #30
Title: Re: 7/7/2007 يوم للحب والسلام
Author: أبو ساندرا
Date: 07-08-2007, 11:39 AM
Parent: #1
كتب عماد عبدالله :
Quote: الحب و السلام يا بركة .
ده إسم فيلم .. لم يُنتَج بعد |
لكن مناظرو عرضت يا عمدة
غايتو لو كنت معاي
في فيلاجيو
لشفت العجب
والمناظر
غايتو لو عايز تستفيد
أعمل بنصيحتي
لاتدع السبت يفوتك في فلاجيو
حتى تجني الأحد
|
Post: #31
Title: Re: 7/7/2007 يوم للحب والسلام
Author: أبو ساندرا
Date: 07-08-2007, 09:38 PM
Parent: #1
كتبت الوجيهة/ منى خوجلي :
{خلاص بلاقيكم كلكم بوم السبت ان شاء الله..}
و إنتظرناك
يا آخر النبيات
قبالة شواطيء الخليج
ولم تأتي
|
Post: #32
Title: Re: 7/7/2007 يوم للحب والسلام
Author: أبو ساندرا
Date: 07-09-2007, 09:06 AM
Parent: #1
كتب ابوالريش :
Quote: أبو سـاندرا،
تقصـد كل 10 سنـة يا حبيب.
ما أدوكـم كيميـا واللا شنـو؟
المهـم..
حركاتك البتسوى فيهـا دى، بعد ما فتنـا، كلهـا مرصـودة.. بدايـة من دعوى الإحتفال بوداع سـاندرا..
والله فى.. |
الحبيب ريش
أخوك قادي عربي ذاتو
أها ورينا بيحسبوها كيف
أنا قاصد إنو اليوم حايتكرر يوم 8/8 2008
دي مش بعد سنة ؟
الجاب العشرة شنو !
ماقلنا ليك أقعد الفرح جاي
لفحت { الصينية} بمطايبها وإتخارجت
منتظرين تلفونك بشأن التنسيق لموضوع اللغة الهيروغلوفية
|
Post: #33
Title: Re: 7/7/2007 يوم للحب والسلام
Author: أبو ساندرا
Date: 07-09-2007, 11:45 AM
Parent: #1
كتب مدثر محمد آدم:
Quote: صباح الحب
ابوساندرا عمدتنا
الله يجعل ايامك كلها حب
|
يسعد صباحك يا تيف تيف
وكل المنى أن يعشعش الحب في دارك
وترفرف فوقه أجنحة السعادة
|
Post: #34
Title: Re: 7/7/2007 يوم للحب والسلام
Author: أبو ساندرا
Date: 07-10-2007, 06:54 AM
Parent: #1
كتبت سومة / الشاعرة المجيدة أسماء الجنيد :
Quote: ابو ساندرا
الشوق محنة يا رمز المودة والفرح المدور
عارف... ذكرتنى ايام كنت ما بتنسا الناس والمشغوليات خفيفة
هسه ده ما لوم ولا عتاب طبعا
لكن حليل اميلاتك البترش حوشى صباحى بالفرح الخرافى
|
متلوم وسافي التراب يا غالية
وقبل ما أكون مقصر فيك
مقصر في حق نفسي
إذ حرمتها من صباحاتك الندية
إميلاتك كانت زخات مطر تروي عطشي
كنت أبدأ بها صباحي
لذا كان الحظ حليفي
ده كلو من المشغوليات بت الكلب
المشغوليات برضو أنثى { ست } يا سومة ؟
|
Post: #35
Title: Re: 7/7/2007 يوم للحب والسلام
Author: أبو ساندرا
Date: 07-10-2007, 07:07 AM
Parent: #1
وكتبت الشفيفة سومة :
Quote: هههههههه قلت لى بتخاف من الستات
عفيت منك ماعودتنا على الغتغيت بل الصراحه طوالى
ربنا يجعل ايامك كلها افراح ومحبة
وخلينى كده انداح معاك من الصباح
وافرش ليك كلمتين اليه
فى هذا اليوم المميز بوجود الاحبه معنا
تسلم يا ابو ساندرا وشكرا محبة لله فى الله
***
|
مش المثل بيقول { الضايق عضة الدبيب بيخاف من الحبل }
أها أنا ضايق قرصة النحل فكيف لا أخاف من العسل
بلاهي أيه رأيك في المثل الجديد ده :
{ الضايق قرصة النحل بيخاف من العسل }
قرأت القصيدة على { نحلتي }
وحا أقراها ليها تاني يوم الخميس
حتى يفيض عسلها
وأشرق
ويرتفع السكر في الدم وفي الروح
شكرآ يا أسماء
وأدام الله المحبة بيننا
|
Post: #36
Title: Re: 7/7/2007 يوم للحب والسلام
Author: soma
Date: 07-11-2007, 06:33 AM
Parent: #35
ابو ساندرا
يسعد صباحك بريحق الازهار
ويسعدك انت ونحلتك حد الارواء
وربى يكفيكم شر عين خلقو
لكن المثل الجديد ما عندك
رايك شنو تعملوا شعار بوست جديد
تبرا يا يابا انت من سف التراب
عارفه المشغوليات وزحمتها
مكويه بيها انا وسارقة منى الزمن السمح
والزمن فى الغربه دى على قول قريبا لينا
الزمن التقول شايلين ليه صوت عنج
شكرا ابو ساندرا على الطلة الجميله
والشوق الماطر..
شكرااا يا يوم باكر
وبهيدك انت وست الحسن والخصال
لحن الخاطر.....
**
لحن الخاطر ..
مدفون جواك..
فى عمق الخاطر ..
لامى معاك ..
الريد الدافر..
بتهجاك..
واجمع فيك ..
بقدرة قادر ..
واستناك ..
افكر فيك..
لى يوم باكر
واترجاك ..
تشيلنى معاك .
غيما ماطر.
اتوه فى سماك ..
وليك اسافر ..
اعيش جواك..
الملم فيك
ونبضك طاهر..
اتمناك
اغنى معاك
لحنا عاطر
حروف منثوره..
درر وجواهر ..
وبيك اتحدى
قيس الشاعر ..
واحلم ديمة
باجمل حاضر ..
يحلق يرفرف ..
بى جناح طائر ..
يناجى الماضى..
ويفضل فاكر ..
كلمة رواها ..
البدر الدائر ..
عم شذاها ..
النسم الحائر..
يا يوم باكر .....
انت الامل
الاخضر ناضر
وانت الريد
الفيه بذاكر
وانت القلب
الكلو ازاهر
يا يوم باكر....
انت النيل
البجرى مشاعر..
وانت الحلم
الليه بخاطر
ادمر بيه
قيود وعساكر ..
اكسر تحته
الحظ العاثر..
وابدأ معاك
العمر الزاخر
بالافراح الليها بداية
ومن دون آخر ..
بالافراح الليها بداية
ومن دون آخر ..
***
اسماء الجنيد
مسقط
|
Post: #37
Title: Re: 7/7/2007 يوم للحب والسلام
Author: Emad Abdulla
Date: 07-11-2007, 07:11 AM
Parent: #36
( المتاريس دماء الكادحين ) ..
و ( المتاريس ستبقى شامخات لبلادي ) ..
ترسنا البحر يا صاحب ..
و ترسنا ما ترسنا من وشائج و علائق ..
و نهارات الحياة القلاية ترسناها رفقةٌ حسنة و هم أخوان و جدعنة ..
ثم .. ما ترسنا فجوة الجن التي يدخل منها الشيطان و السلطان و الطاغوت و الصولجان و الحنوط . فذلك ضربٌ من الحكي ..
ليس حباً و لا سلاما كل ذاك الطنين و اللغو و الكيل الباخس نتبادله أنخابا في دار إتحاد جامعة الخرطوم .
هو بغضٌ و ضغين و غل و .... ماذا ؟
ولاء الشهيدة .. ولاء القائدة .. ولاء الضحية .. ولاء العالية .. ولاء المظلومة .. ولاء .. ولاء .. ولاء ..
فأين من كل تلك الولاءات ولاءٌ واحدٌ وطنيٌ يسمي البلد فوق أسماء الغرض و اللون و الجهة و الكتلة و الحزب ؟
أين : القضية الوطنية ؟؟
أين ذياك الحب و السلام ( عنقاؤنا المجنحة ) ؟
كلام فشوش .. يشبه دفن الليل أب كُراعاً برّه .
و .. ( الثورة " الإيمان " قاد الشعب في اليوم الرهيب ) .
يا كلنا يا كفرة .
يا أخو ..
صباح الحب و السلام ( مطلق حبٍ و مطلق سلام ) .
|
Post: #38
Title: Re: 7/7/2007 يوم للحب والسلام
Author: أبو ساندرا
Date: 07-11-2007, 09:19 AM
Parent: #1
كتب عماد عبدالله :
Quote: يا أخو ..
صباح الحب و السلام ( مطلق حبٍ و مطلق سلام ) .
|
يا أخو ..
يطلق رجليك ياخ ، أنت طوالي يا { مطلق } يا { طالق }
أنا منتظرك في { لن أستثني }
عشان تجيي تعلق لي على الصوت الجبلي { على زعمات فيصل عباس }
وكمان تعليق لي على طعم { الدفيق }
و { الليل يطول لأسايا لأسايا }
القاك رادمني هتاف هنا
لا ولاء لغير الله
البقاء لله وحده يا عمدة
الزول الفارق أمبارح ده زول ركن
كان معلمي
مليار رحمة تتنزل على قبرك يا أستاذ صلاح
الديم أمس كان حزنان باكي فاقد
|
Post: #39
Title: Re: 7/7/2007 يوم للحب والسلام
Author: أبو ساندرا
Date: 07-15-2007, 09:29 AM
Parent: #1
كتب محمد الطيب حسن :
Quote: الحبيب ابوساندرا
هي كثر الايام التي نجد فيها الفرح في حياتنا
ولكن هناك أناس نلتقيهم مرة في حياتنا ..
فرصة واحدة فقط تمنحنا إياها الحياة ، لنعبرهم أو ليعبرونا !
مرة واحدة فقط ليترك كل واحد منا أثراً في الآخرْ ..
ويا ترى أيّ أثرْ ؟
هؤلاء ((وانت منهم)) لا يسمح لهم أو لنا بتكرار الخطأ مثلما هذا اليوم المميز..
هي مرة واحدة فقط .. وتصرخ الحياة فينا .
( Time >>> Over)
معلنة انتهاء الوقتْ ..
هؤلاء لا يمكننا تعديل أخطاءنا معهم ..
ولا يمكنهم أيضا هم فعل ذلك معنا ..
إنها الفرصة الواحدة التي لا تتكرر !
بعض الأحيان تقف في مكان ما ، فتجد إنسانا يدخلْ ..
يملأ المكان بطيبته ..وبعنفوانه و بخفة روحهْ ..
وتشعر بحق أنه ترك فيك أثراً طيباً كان اوسيئا ،
ولكن حضوره يكون كافيا لترك أثر ..
ولقد فعلت
فلك الود ايها المميز في اليوم المميز |
يا سلام عليك يا محمد يا طيب
مداخلتك الجميلة ، أفضل رد عليها
أن نعيدها مرة أخرى
مع خالص الود والإمتنان
بس البت دي لو كانت راحت في شربة مية
انت وطارق المكي وسمعة كان تشوفوا ليكم جبل يعصمكم مني
|
Post: #40
Title: Re: 7/7/2007 يوم للحب والسلام
Author: فيصل محمد خليل
Date: 07-15-2007, 04:36 PM
Parent: #39
يا عبدرحمن بركات انتو لما كنتو بتقرطعو في لبن كافوري
بتاعت فوزية البرجوازية انا كنت بذاكر وانجح.
اذاكر و انجح الاتنين مع بعض
|
|