يا ابو الحسين الحرب جاية انت جاهز

الاخ ابو الحسين
في قناة العربية امس وفي بانوراما الساعة العاشرة تم فتح احتمال توجيه ضربة عسكرية امريكية لايران وقد اجمع المتحدثون علي وجوب وحتمية بل وقرب هذه الضربة خصوصا بعد الاجتماع الوزاري لوزراء الداخلية الخليجيين في الرياض قبل ثلاثة ايام والذي فسره كثيرون بانه للاتفاق علي الخطوات التي يجب اتخاذها عند بدء الضربة مما يعني ان لديهم معلومات مؤكدة عن هذه الضربة.
شامخاني وزير الدفاع الايراني السابق وطبعا لانه المجوسي عابد النار ليس لديه القدرة علي ايذاء امريكا قال انهم سيضربون البني التحتية لدول الخليج مثل مصافي البترول ومحطات توليد الكهرباء ثم عاد ونفى هذه التصريحات التي ادلي بها لصحيفتين غربيتين محترمتين ولكن نائب وزير الداخلية الايراني الحالي عاد واكد هذه التصريحات بتصريحات تكاد تكون متطابقة ولعلك لاحظت اعلان الامير نايف عن تاسيس وحدات مختصة بحماية المناطق البترولية بما يمكن ربطه في هذا السياق.
المهم في الموضوع انا مع امريكا على ايران المجوس وبعيد نسبيا عن موقع الاحداث والشيعة بكرهم زي ما الرسول بكره المشركين وانت قلت ناس كويسين وحسن نصر الله عزانا في الهندي تحين شوف لك طريقة تحميك من صواريخ اصحابك.
اقول لك حاجة جيب رسالة المجرم المجوسي نصر الله وحاول اعمل بيها ساتر.

يجازي محنك يا محمد عمر الفكي زعيم شرق النيل قاطبه

Quote: اقول لك حاجة جيب رسالة المجرم المجوسي نصر الله وحاول اعمل بيها ساتر.

يا ابو الحسين ما تخاف بعمل واسطه مع اليهود اصحاب تراجي انت عارفني بعزك
وانت من الشايقيه البريدهم بهذا البورد
كدي شد حيلك مع عصام دهب واكربوا لينا (مولانا) اصلا الفيلم سخن في الجبهه الشرقيه
كان يقدر يأمن لكم الجبهه الغربيه عشان ترجعوا للوزارات اياها....خلونا من تهتدون
وفي الماء العكر تصطادون

يجازي محنك يا محمد عمر الفكي زعيم شرق النيل قاطبه

ام حازم دايرة تجيبي لي الهواء مالك؟ شرق النيل فيه رجال يبلعوني ومشكورة علي المجاملة

لعلك تدركين ان مسالة ضربة ايران اصبحت مسالة وقت لا اكثر ولعلنا سنري بعدها بفترة ليست طويلة شرق اوسط اهدا كثيرا اذ ان القضاء علي راس الحية يعني نهاية الاذناب كلها بداء من بداية الذنب سوريا ووسطه حماس وفتحة الشرج المسماة حزب الله في نهاية الذنب.

يا اخوي وحاتك مكانتك عندنا عاليه

Quote: ام حازم دايرة تجيبي لي الهواء مالك؟ شرق النيل فيه رجال يبلعوني ومشكورة علي المجاملة

Quote: وفتحة الشرج المسماة حزب الله في نهاية الذنب.

يجازي محنك انتهيت من نصر الله كله كله.

طولة لسان زي دي قايل بتلقاه وين غير عند ناس البطانه؟؟سرعة البديهه والفصاحه. ماشاء الله.

Quote: يا ابو الحسين ما تخاف بعمل واسطه مع اليهود اصحاب تراجي انت عارفني بعزك وانت من الشايقيه البريدهم بهذا البورد

عاااااااااارفك ماب تقصِّري ما تقصربك إنشاء الله قولي آمين...

Quote: كدي شد حيلك مع عصام دهب واكروبا (مولانا) اصلا الفيلم سخن في الجبهه الشرقيه كان يقدر يأمن لكم الجبهه الغربيه عشان ترجعوا للوزارات اياها....هلونا من تهتدون وفي الماء العكر تصطادون

هووووووووووي يا أُستاذة/ إياك ثم إياك من إدخال "مولانا" في مهاتراتك وفي بعض الأحيان مُكَاواتِك...

وبالمناسبة عندنا بعض الأملاك والعقار في مكة والمدينة بي نرحل عليها إن بقت سخنت بي جاي في الشرقية... يهودك ديل بس أصلنا ماني مقبلين عليهم... ينفعوك إنشاء الله!!

مودتي...


أبو الحســـــــــين...

محمد عمر الفكي ..

يا اخوي انت ابو الحسين دا اتاريهو شيعي ..

انا كنت فاكرو . شيوعي

Quote: محمد عمر الفكي .. يا اخوي انت ابو الحسين دا اتاريهو شيعي .. انا كنت فاكرو . شيوعي

أحمد حنين...

إنت عارف كثير من الناس بإسم أبو الحُسين دا بيفتكروني شيعي... تقول للواحد ليش؟؟؟ يقول ليك عشان الحُسين بتاع الشيعة... هنا طوااااالي أدخُل في الكلام الأصلي كايسلو... القال ليكم منو الحُسين حق الشيعة؟؟؟ ومن الذي قتل الإمام الحُسين عليه السلام غير شيعته في العراق... ويدور الحديث ما يوقفني منو إلا أصل المكان الماشي عليهو ولة ينفضى المجلس...

فهسع عاوز محاضرة من النوع إياها ولة كفاك... فقط يا حنين علينا الإعتراف بأن السنة والشيعة مسلمون يقولون بلا إله إلا الله محمد رسول الله... وعلينا أيضاً التقريب بالدخول من هذا الإتجاه...

لك مودتي...


أبو الحســــــين...

كتب أُستاذ/ محمد عمر الفكي...

Quote: المهم في الموضوع انا مع امريكا على ايران المجوس وبعيد نسبيا عن موقع الاحداث والشيعة بكرهم زي ما الرسول بكره المشركين وانت قلت ناس كويسين وحسن نصر الله عزانا في الهندي تحين شوف لك طريقة تحميك من صواريخ اصحابك. اقول لك حاجة جيب رسالة المجرم المجوسي نصر الله وحاول اعمل بيها ساتر.

صديقي الجميل محمد عمر الفكي...

صباحك زين يا اخوي...

إنت عارف أنا لمن قريت العنوان قلت يا ربي الحاصل شنو؟؟؟ يا أبو الحسين والحرب جاية كمان؟؟؟ يا ساتر يا رب حوالينا ولا علينا... أها دخلت لقيتك قاصد إيران... اللهم أبعد الحروب والمصائب والفتن من بلادنا وكل بلاد المسلمين يااااااااارب...

أها الأجيك في الكلام... يا اخوي أنا موقفي من إيران ومن الشيعة عموم واضح وعندي مقالات ومحاضرات كانت عن الشيعة هنا في الشرقية يشهد عليها كثير من بيوتات العزابة في الدمام "أُوسلي والأراك والكرفاب" وموقفي في عقيدتهم واضح لكن يا أخي الكريم لا أنفي أنهم مسلمون... مسلمووووووون يقولون لا إله إلا الله... وقد تيقنت يا أخي ود الفكي أن إقصاء الآخر لا يأتي بنتيجة يعني أول ما وصفت الواحد بمجوسي عابد نار أو مشرك لا فائدة منه... فهنا ينتفي الحوار وتبعد الشقة...

ونسأل الله يا أخي الكريم أن يبعد الحرابات من وطننا الإسلامي ونعيش في أمن وسلام قول آمين...

وجاييك ولي صديقتي اللدودة تراجي راجع...

مودتي...


أبو الحســـــــــين...

يا حنين
ابو الحسين ما شيعي ولا شيوعي لكن اكبر ظني انه ما دام هو في المنطقة الشرقية فقطع شك كفيله شيعي وعشان كده بتلقاه يزازي بجاي وبجاي.

يا ام حازم
ابو الحسين دا يوم بتكتليه بالمكاواة دي

يا ابو الحسين

الدعوات ما لم تقرن بارادة ايرانية لن تاتي بفائدة فايران مصصمة علي اعادة ايام النعمان بن المنذر والفرس ديل لحدي هسي ما نسوا القادسية ولا نسوا ابو محجن وسعد بن ابي وقاص وتارهم مع العرب بدا من يوم سلق كسري موفد الرسول صلعم
سؤال بسيط
عليك الله حصل لقيت ايراني بكره كسرى او رستم او اي من قادتهم الحاربوا المسلمين زي ما بنكره نحن ابو لهب عم الرسول او الوليد بن المغيرة ابو سيف الله المسلول خالد؟

شايف يا ابو الحسين
اها انا هنا ارى الجانب الممتلا للكوب

Quote: ومادام ما أها الأجيك في الكلام... يا اخوي أنا موقفي من إيران ومن الشيعة عموم واضح وعندي مقالات ومحاضرات كانت عن الشيعة هنا في الشرقية يشهد عليها كثير من بيوتات العزابة في الدمام "أُوسلي والأراك والكرفاب" وموقفي في عقيدتهم واضح لكن يا أخي الكريم لا أنفي أنهم مسلمون... مسلمووووووون يقولون لا إله إلا الله... وقد تيقنت يا أخي ود الفكي أن إقصاء الآخر لا يأتي بنتيجة يعني أول ما وصفت الواحد بمجوسي عابد نار أو مشرك لا فائدة منه... فهنا ينتفي الحوار وتبعد الشقة...

بتكره الشيعه فهذا يجمعنا لا يفرقنا لاني زيك لا اكرههم ولا اكفرهم.
وهنالك فرق بين الشيعه كطائفه اسلاميه والشيعه كقيادات سياسيه
فانا اختلف مع حسن نصر الله جدا.

Quote: يا ام حازم ابو الحسين دا يوم بتكتليه بالمكاواة دي

ابو الحسين يبرأ يا يابا ولا يفوت ولا يموت....والبورد بلاه مسيخ.

ود الفكي كيف حالك يا اخوى

دحين متابع اخبار خريف السنة دى الغرّق الناس في العصى الرويانة اها اكان مشى في الغريق هناااااااااااااك الجبهة والخيرسان شن بنسوى؟ - ربك يستر .

يا التراجي الله يستر لاهلنا ناس دار فور من الخريف التقيل ده . طبعا كسلا القاش حيدمرها كلها يا ساتر .

ياخوانا

الخال الحنين ود الحسين دا

لاتقطعو قلبو ساااكت

الراجل لا شيعي لاشيوعي

اتجاهو سنجكاوي بحت

ابسط واطيب مما تتخيلون

حتي ان مدخله الي الختمنه

هوالسنجكه

واسع ايتي ان ضمنلو عنقريبا تحت التمر

وعراقي هبابي وحرفا نجيض بي ويكتا بيضا

وجازا يقرعبو بالسبوع

وانقايتين تلاتي اللات لوبي وبرسيم للبهم

وجرفا رقووويق للملاح والفلفليي الخدرا

ونعيجتن لايشاركو لبنا زول

قسما عظما يفندر فسرع علي المقل

ان فكالكن الطنبور تاني لوموني

اماني الجنا مو طيب وضكران

التقول جا مشاشق بالبطانه ااود الفكي اخوي

لا تهجمو الراجل بي حربا ماها اللتو

قيلو عافي

Quote: يا حنين ابو الحسين ما شيعي ولا شيوعي لكن اكبر ظني انه ما دام هو في المنطقة الشرقية فقطع شك كفيله شيعي

أبداً يا ود الفكي كفيلي ما شيعي... لكن بيني وبينك ثلاثة من الموظفين معانا شيعة أشكى الخَبر... وفي واحد مرة إتناقشت معاهو قررررررربت أعملو ختمي إيه رايك؟؟؟

Quote: يا ام حازم ابو الحسين دا يوم بتكتليه بالمكاواة دي

زي ماب يقولو كترة الريد دِعِي وقِمِّيد يا صديقي...

Quote: سؤال بسيط عليك الله حصل لقيت ايراني بكره كسرى او رستم او اي من قادتهم الحاربوا المسلمين زي ما بنكره نحن ابو لهب عم الرسول او الوليد بن المغيرة ابو سيف الله المسلول خالد؟

أخي الكريم ود الفكي...

أنا ما يربطني بإيران من مودة لهم هو أنهم مسلمون فقط... أما بعض الهنات في عقيدتهم وكرههم للسادة الخلفاء والأئمة من بعدهم فهذا موضوع تاني... لكن لا ينفي إسلامهم... بل يجب علينا التوضيح لهم والتقرب منهم بدل كيل السباب لهم من بعض الإخوة وتكفيرهم في أحيان أخرى...

لك مودتي... ونسأل الله يهدي المسلمين للخير كله...

ونسأله تعالى أن يجنب بلادنا ولاد المسلمين من الفتن ما ظهر منها وما بطن... قول آمين...


أبو الحســـــــين...

Quote: ياخوانا الخال الحنين ود الحسين دا لاتقطعو قلبو ساااكت الراجل لا شيعي لاشيوعي اتجاهو سنجكاوي بحت ابسط واطيب مما تتخيلون حتي ان مدخله الي الختمنه هوالسنجكه واسع ايتي ان ضمنلو عنقريبا تحت التمر وعراقي هبابي وحرفا نجيض بي ويكتا بيضا وجازا يقرعبو بالسبوع وانقايتين تلاتي اللات لوبي وبرسيم للبهم وجرفا رقووويق للملاح والفلفليي الخدرا ونعيجتن لايشاركو لبنا زول قسما عظما يفندر فسرع علي المقل ان فكالكن الطنبور تاني لوموني اماني الجنا مو طيب وضكران التقول جا مشاشق بالبطانه ااود الفكي اخوي لا تهجمو الراجل بي حربا ماها اللتو قيلو عافي

يا طارق نوع النضم دا علا تكون اتعلمتو في كبرك دا

والله ماني قايلك بتعرف الويكة البيضا والانقاية..

الي جميع الاخوات والاخوة
حتى لا يساء فهمي انا لست اقصائيا او تكفيريا او متطرفا ولو رجعتم الي بوست سابق كتبته عن الشيعة فقد بينت انني عندما اكتب عن المجوس والفرس وعبدة النار فانا اكتب عن الشيعة جناح ايران الذين يؤمنون بعلي خامئني وولاءهم لايران وليس لاوطانهم العربية التي يسكنون فيها ورائي في حماس هو نفس رائي في شيعة جناح ايران رغم ان ناس حماس سنة (بالاسم بس) لذا لزم التوضيح.
لدي صداقات جيدة مع عدد من الشيعة ولي مراسلات مع المتنورين منهم كرجل الدين الليبرالي العراقي المعروف السيد اياد جمال الدين النائب بالبرلمان العراقي عن حزب السيد اياد علاوي الذي احترمه جدا واقدره.

العم ود شيقوق
انت في دا ولا انا اشتريت كتاكيت وخايف عليها من المطرة وربنا يستر وحياتك انت ادينت مرتبي لمدة شهرين تلاتة لقدام عشان اشتريهم ومن ما دفعت قروشهم الجماعة قالوا لي والله المطرة يوم واحد ما غبت، كدي يا ابو الحسين انده لي السيد علي وكدي التقدر تجيهم حاجة عشان انت والسيد علي تشوفوا لكم طريقة تنحلوا بيها مني.يا زول بهزر معاك والسيد علي اجله واقدره واحترمه كرجل دين وكرجل سياسي واؤمن بافكار حزبه لكن عليك الله ما تدخل لي واسطة بيني وبين ربي.

الاخ طارق الامين
شكرا للمرور والاخ ابو الحسين رجل طيب ولكني صراحة زعلان منه في مهابشته لوسام ولم اكن اتمني ان ينقاد مع المنقادين في حملة التشويه التي طالت وسام.

ابو الحسين
عندنا واحد صاحبناانصاري سنة متشدد مرة جاه واحد جنوبي لابس اخضر في اخضر قال له انا خليت النصرانية وبقيت صوفي فصاحبناقال له (والله النصرانية اخير لك من دينك الجديد دا) وانا بقولك واصل مع صاحبك الشيعي دا والختمية اخير له من الشيعة (كمان ما تقول هو متعود علي اكل الرز) يعني الفرقة بقت له قريبة.
الاخ نزار
شكرا للمرور