Post: #1
Title: من هو اول سائق وصاحب ركشة وما هي اول ركشة في السودان!!
Author: هشام هباني
Date: 07-03-2007, 04:17 PM
استفزتني جدا هذه( الركشة) وانا لم ارها علي ارض الواقع فقط اراها عبر وسائل اعلامنا السودانية وهي قد تطورت تحمل بشر سودان اليوم التعيس والذين صاروا في مقام اسطوانات الغاز في السودان القديم الجميل وقد تذكرتها شيئامن ذلك الزمن القديم والجميل جدا حيث كانت هي( الموتر اب تلاتة) ولم تك تصلح للاستعمال البشري للمواصلات بل كان يستعملها فقط وكلاء الغاز لحمل اسطوانات الغاز ولتوزيعها علي الزبائن في بيوتهم وايضا علي ما اعتقد ولست متاكدا كان يستعملها عاملو البان كافوري لتوزيع قوارير الحليب الانيقة وحطها علي حيطان بيوت ( المصارين البيضاء)!
لكن لا باس ان اصبحت شيئا واقعيا من تفاصيل سودان اليوم التعيس والذي تساوى مواطنه البائس باسطوانة غاز السودان القديم الجميل... لنؤرخ لها في هذا السايبر طالما تضامنت باسعارها الزهيدة وحنيتها وهي تجوب احياءناالشعبية تخدم اهلنا البؤساء في معاشهم اليومي بين السوق والدكان والبيت والمدرسة والمستشفي..لنحييها هذه الالة الصغيرة الطيبة المنحازة للغلابة والفقراء في وجه العاديات ضبحا من المارسدسات والهامرات والفارهات..يمتطيها السراق الاتقياء الملتحون المكرشون المقرشون سفحا ولفحا وضبحا!
من هو اول سائق ركشة سودانية..وما هي اول ركشة سودانية ولمن صاحبها ومتي دخلت السودان
وكم تقريبا عدد الركشات بالسودان ومن هو اكبر مورد للركشات في السودان!؟
|
Post: #2
Title: Re: من هو اول سائق وصاحب ركشة وما هي اول ركشة في السودان!!
Author: omar ali
Date: 07-03-2007, 04:27 PM
Parent: #1
ود هباني سلام
يا اخوي انت قفلت البوست بتاع هاواي
بآخر مداخلة ليك واصبح من المتعذر
الدخول للمشاركة...امسح الفيديو
الاخير واعملو في مداخلة منفصلة..
البوست داك لازم يكون فوق
|
Post: #3
Title: Re: من هو اول سائق وصاحب ركشة وما هي اول ركشة في السودان!!
Author: هشام هباني
Date: 07-03-2007, 04:39 PM
Parent: #2
حبيبنا عمر علي
والله ما قادر عليهو حاولت المستحيل والاستفادة من تعليمات الاخ قريبي عمار
المصيبة ما قاعد تجيني كلمة( تعديل) وصويحباتها اضف رد...او شاهد قبل نشره!
|
Post: #4
Title: Re: من هو اول سائق وصاحب ركشة وما هي اول ركشة في السودان!!
Author: omar ali
Date: 07-03-2007, 04:49 PM
Parent: #1
Quote: حبيبنا عمر علي
والله ما قادر عليهو حاولت المستحيل والاستفادة من
تعليمات الاخ قريبي عمار المصيبة ما قاعد تجيني
كلمة( تعديل) وصويحباتها اضف رد...او شاهد قبل
نشره! |
طيبر اتصل ببكري عشان يخش ويشطب آخر مداخلة
لفتح البوست للمشاركة
يا سيدي دي كرامات ناس هاواي
|
Post: #5
Title: Re: من هو اول سائق وصاحب ركشة وما هي اول ركشة في السودان!!
Author: هشام هباني
Date: 07-04-2007, 01:15 AM
Parent: #4
يا عمر حاولت الاتصال بالماسنجر ببكري وماسنجر بكري ما بطلع معاااي!
|
Post: #6
Title: Re: من هو اول سائق وصاحب ركشة وما هي اول ركشة في السودان!!
Author: هشام هباني
Date: 07-04-2007, 08:03 AM
Parent: #5
؟؟؟
|
|