Post: #1
Title: حنيني اليك وليل الغربة اضناني
Author: يسرى صلاح
Date: 07-03-2007, 02:36 PM
تعبنا من الغربة كان رجعنا البلد
بنعيش ولابنتجهجه
عايز اجابة انا وكتيرين
|
Post: #2
Title: Re: حنيني اليك وليل الغربة اضناني
Author: الرفاعي عبدالعاطي حجر
Date: 07-03-2007, 05:32 PM
Parent: #1
ياخي جهجتنا معاااك والله أنا دخلت بعشم أن أجد محمد ميرغني وبصوته (تسجيل اذاعة) بيغني حنيني إليك وليل الغربة أضناني وضيف ذكراك بدمع القلب بكاني , لما تلقى الاجابة بلغنا عشان نكون في استقبالك في مطار الخرطوم الدولي.
|
Post: #4
Title: Re: حنيني اليك وليل الغربة اضناني
Author: Muna Khugali
Date: 07-03-2007, 06:03 PM
Parent: #2
| Quote: ياخي جهجتنا معاااك والله أنا دخلت بعشم أن أجد محمد ميرغني وبصوته (تسجيل اذاعة) بيغني حنيني إليك وليل الغربة أضناني وضيف ذكراك بدمع القلب بكاني , لما تلقى الاجابة بلغنا عشان نكون في استقبالك في مطار الخرطوم الدولي. |
انا ذاتي والله!
كدي بفتشها عندي لو لقيتها عندي بجيبها ليكم ..
تحياتي
|
Post: #8
Title: Re: حنيني اليك وليل الغربة اضناني
Author: يسرى صلاح
Date: 07-04-2007, 01:28 PM
Parent: #2
ياخي لوماعملنا ليكم كدة يجيبوكم كيف
لازم تعرف اسلوب العمل الصحفي ياشيخ
الرفاعي اهي حنيني اليك جاتك عبر الاثير
الانترنتي
|
Post: #3
Title: Re: حنيني اليك وليل الغربة اضناني
Author: مهلب خلف الله القريش
Date: 07-03-2007, 05:56 PM
Parent: #1
بطل الجرسة يا زول
ناس شهد ديل لازم تزبط لهم
الامور بعد داك بنطلق سراحك
يا زول الارزاق بيد الله
والله موجود هنا وفي السودان
المهم تفكر في الموضوع كويس
وتتريث وتحسب الامور برواقة
لكن برضو نحن ما قبلانين
ولا شنو يا صباحية
ابو التومات
|
Post: #5
Title: Re: حنيني اليك وليل الغربة اضناني
Author: Alsa7afa_30
Date: 07-03-2007, 06:52 PM
Parent: #1
فنان دوحتنا الجميل
وليه ما تسمعنا ليها بصوتك ؟؟؟
ما سمعنا ليك أي حاجة في البورد!!
|
Post: #6
Title: Re: حنيني اليك وليل الغربة اضناني
Author: محمد عثمان
Date: 07-03-2007, 09:18 PM
Parent: #1
متين الليل يصاافينى,,؟؟
|
Post: #7
Title: Re: حنيني اليك وليل الغربة اضناني
Author: عبدالرحمن عبدالله أبوشيبة
Date: 07-03-2007, 09:31 PM
Parent: #6
يا يسري ياحبيب الشعب
لو راجع دربك أخضر لأنك فنان وكبير مشرفي الشئون الجمركية// تاتي عايز شنو بالليل دندنة وبالنهار دوزنة.
|
Post: #10
Title: Re: حنيني اليك وليل الغربة اضناني
Author: يسرى صلاح
Date: 07-04-2007, 02:26 PM
Parent: #7
كبير المشرفين دي هنا المهم لمن ارجع
اكون كبير ناس منو جد الواحد نفسو
يرجع انتا عارف ياابو شيبة المغتريبن
وخاصة قدامي المغتربين عندهم مشمكلة
كبيرة جدا بمعني انو الواحد طالع بقيم
الفترة الهو سافر فيها من البلد ولمن
يرجع برجع بنفس القيم القديمة واعتقد
انو كلو يوم في تغيرات في البلد للاسواء
ولا للاحسن الله اعلم بس الحاجة المتاكد
منها انو لو رجع البلد 100 مغترب البستمر
اربعة اوخمسة والباقي بيعاود الكرة مرة اخري
الي المهجر العيب في منو برضوالله اعلم
|
Post: #9
Title: Re: حنيني اليك وليل الغربة اضناني
Author: أبوذر بابكر
Date: 07-04-2007, 01:44 PM
Parent: #6
تحياتى يا يسرى
وكل المنى نرجع اهلنا ونعود تانى من تانى
يا محمد عثمان
والله العظيم
كنت متوقع ألقى الأغنية الندية دى، يمكن بصوت محمد ميرغنى أو أى مطرب تانى
وكنت ناولى أكتب إنه أجمل من غنى حنينى إليك هو ملحتها اللى هو العاقب طبعا
ولما بدت الأغنية، قرب يغمى على والله يا محمد
ياخ أنا التسجيل ده، ومعاه برضو "الظروف يا حلوة دائما لى عيون حلوة بتجيبنا" بتاعة حمد الريح
الأغنيتين الإتنين ديل أنا "بركت ليهم" الفقرا عشان القاهم بى صوت العاقب
فهسه عليك الله وينولك ثواب
أول شى تعمل رابط للحفظ
وتانى شى تفتش لينا الظروف يا حلوة دائما، بى صوت العاقب
وما عندى ليك شى غير الدعوات والأمنيات والمحبة
معليش يا حاج يسرى
سرحنا فى حنينك وحنينا
|
Post: #11
Title: Re: حنيني اليك وليل الغربة اضناني
Author: يسرى صلاح
Date: 07-04-2007, 03:15 PM
Parent: #9
انتا ياابوذر بتعزف عود وفنانك المفضل عبدالعزيز
ابوداؤد لازم حنيني اليك تعمل ليك ربشة وسمعنا
من اريج نسمات الشمال بالعود بصوتك يافنان
رجعنا للاصالة والنغم الموزون ( حليل ايام زمان )
|
Post: #12
Title: Re: حنيني اليك وليل الغربة اضناني
Author: أبوذر بابكر
Date: 07-04-2007, 03:44 PM
Parent: #11
والله يا يسرى
أكعب صوت سمعته فى الغناء فى حياتى كلها
صوتى أنا
المزعلنى شنو
ياخ أنا حافظ أغانى الدنيا دى كلها
وما بطال يعنى فى العود بمشى الحال
لكين فتحة خشمى كده
الدنيا تبوظ
بعدين عندى مشكلة تانى كمان غير الصوت الكعب، أكيد بكون عندك ليها تشخيص
ممكن زول يغنى وأنا أعزف ليهو فى أمان الله
لكن مجرد ما أحاول أنا أغنى، حتى لو سرا
اقوم الخبط ليك العزف كله
دى جنسه شنو ده يا يسرى
بس ما تكلم زول عليك الله
فضيحة مش؟
رايك شنو أغنى ليك "زرعوك فى قلبى"
بس سراً
|
Post: #13
Title: Re: حنيني اليك وليل الغربة اضناني
Author: محمد عثمان
Date: 07-05-2007, 05:48 AM
Parent: #9
الجميل ابو ذر...
نفس الاحسااس انتاابنى و ان اهم بانزال الاغنية
يوجد لدى تسجيل بصوت محمد ميرغنى...و لكنى مثلك
استمتع بهذه الاغنية بالعود و بصوت ملحنها الراحل العاقب
نفس الشئ لكثير من الاغنياات الاخرى التى لحنها العااقب
لفنانين اخرين...مثلا يا حليلك يا اسمر التى يتغنى بها
نجم الدين الفاضل..طريق الشوق لعبد العزيز المبارك
و ايضا اغنية ود القرشى الت يتغنى بها الشفيع زهور الروضة...
و عفوا يسرى..لو طلعنا بر الخط
يديكم العاافية...
لينك للحفظ
|
Post: #14
Title: Re: حنيني اليك وليل الغربة اضناني
Author: Nader Abu Kadouk
Date: 07-05-2007, 06:25 AM
Parent: #13
والله اضناني
ودابكدوك
|
|