يا اهل المروه يا بورداب الدوحه وتكساس وقرائهم ..المساعده.

الاعزاء بورداب الدوحه وتكساس وقرائهم التحيه لكم جميعا.

هذا البوست يتم كتابته بناء على طلب من الاخ سيف مساعد مقنع الكاشفات وعشى البايتات.

الاخ سيف مساعد وهو في طريقه من المانيا لبريطانيا ظهر اليوم بتوقيت المانيا.
التقى اخت سودانيه محتاره....في المطار....حيث تمت لخبطه في حجوزاتهم
الاخت اسمها آمنه محجوب سعيد ولها ابنه اسمها ايمان...
قادمات من تكساس للسودان عابرات بفرانكفورت و الدوحه.


الحجز تم لهم عن طريق وكالة سفر وسياحه سودانيه لصاحبها واحد اسمه (الحاج) بتكساس.

الحجز مفروض يكون كالآتي تكساس فرانكفورت,فرنكفورت الدوحه ,الدوحه الخرطوم.على
الخطوط القطريه.

في فرانكفورت اخبروها ان حجزها من الدوحه الخرطوم غير موجود.
وعليهم العوده لامريكا.
تحدث اليهم الاخ سيف مساعد واقنعهم بانه من الافضل لها الوصول للدوحه وبعدها يتصرفوا
الآن ستغادر طائرتهم مساء للدوحه من فرانكفورت ,ولانه عندهم اوراق امريكيه يمكنهم الدخول للدوحه بلا تأشيره.
المشكله لا اهل لهم بالدوحه.

عشمانين ان يحاول بورداب الدوحه وانتو تاريخكم مشرف في الفزعه ان تستضيفوهم .
وان تساعدوهم في تسخير علاقاتكم بايجاد حجز لهم باسرع فرصه رغم ظروف الاجازات.

ثانيا العشم في اهل تكساس البحث عن هذا (الحاج) وتبليغه باخطاء وكالته باسرع ما يمكن.
بهذا الخصوص اتصلت بعشى البايات ومقنع الكاشفات هباني
وطلبت عونه للاسف لم يعرف (الاخ الحاج) صاحب الوكاله وهذا طبيعي ايضا فتكساس ولايه كبيره
لكنه وعد ان يبحث عنه بين معارفه.

التحيه للاخ سيف مساعد
الذي اتصل بي حال وصوله لبريطانيا
ونسبة لعدم وجود انترنت عنده اليوم
طلب انزال هذا البوست
واشكره نيابة عنكم لاخلاقه وفزعته واهتمامه بالامر.
واشكره كل ما قدمه لهن من خدمات فهذه اخلاقنا التي يجب ان لا نتخلى عنها.
فقد حاول ان يمنحهن مفتاح شقته ليقيموا بها مدو الاسبوعين لكنه شكرنه
ورفضن,وحاول الاتصال بكل معارفه الممكن يكونوا موجودين وكلب الحضور منهم
للمطار لكنه كان وقت دوام معظمهم.

ويلا يا شبابا الفزعه منكم جميعا الي ان تصل اخواتنا بالسلامه للوطن
واصلوا رفع البوست ولو ب نقطه حتى يطلع عليه من يمكن ان يخدمهن.
وربنا يمكنكم جميعا من فعل الخير.

up

يا سلام عليك يا كستاوي
انت دائم ابو مروه.

الغاليه/ تراجى

تحياتى لكى وللاخ الصديق سيف مساعد


انا على استعداد لتقديم اى خدمه مطلوبه نيابة عن بورداب الدوحه وكل البورداب واليهك رقم هاتفى وسيظل مفتوحا وانا مقيم ومع اسرتى وعلى استعداد لاستضافتهم وتسهيل مهمة الحجز لهم 009745890823


وشكرا اخوك/ ضحيه ابراهيم

العزيز ضحيه
اشكر وعارفنكم ما بتقصروا
المشكله انه الموضوع معقد

Quote: الغاليه/ تراجى تحياتى لكى وللاخ الصديق سيف مساعد انا على استعداد لتقديم اى خدمه مطلوبه نيابة عن بورداب الدوحه وكل البورداب واليهك رقم هاتفى وسيظل مفتوحا وانا مقيم ومع اسرتى وعلى استعداد لاستضافتهم وتسهيل مهمة الحجز لهم 009745890823 وشكرا اخوك/ ضحيه ابراهيم

وهي انه لا اتصال لنا بهم الآن
لا نعرف حتى كيف نبلغهم بتلفوناتكم او غيره.
نحن قصدنا لو عندكم زول عنده علاقه بامن المطار
او شغال في المطار او الخطوط القطريه ان تستغلوا علاقاتكم
نحن لا نعرفهم ولا يمكننا الوصول لهم الأن.

بورداب الدوحة

بوصيكم على الضيف الهجوع عشوه...

شكرا اخي كامل كرار

Quote: بورداب الدوحة بوصيكم على الضيف الهجوع عشوه...

الأخت تراجي،

سأبحث عن إسم صاحب الوكالة في مدينة هيوستن تكساس وسأفيدك إذا وجدته..

شكرا اخي عزيز عيسى
وهذا هو اهم زول في الموضوع
لانه لو لاحظت لا نعرف رقم الرحله ولا حاجه.

Quote: الأخت تراجي، سأبحث عن إسم صاحب الوكالة في مدينة هيوستن تكساس وسأفيدك إذا وجدته..

ضوروي بالله يا عزيز.ربنا يوفقك.

Quote: الغاليه/ تراجى تحياتى لكى وللاخ الصديق سيف مساعد انا على استعداد لتقديم اى خدمه مطلوبه نيابة عن بورداب الدوحه وكل البورداب واليهك رقم هاتفى وسيظل مفتوحا وانا مقيم ومع اسرتى وعلى استعداد لاستضافتهم وتسهيل مهمة الحجز لهم 009745890823 وشكرا اخوك/ ضحيه ابراهيم

سودانا فوق
أفو
أهو دا السودان
شكرا ليك يا أستاذ ضحية و ربنا يغطي عليك و على الأسرة.

الاخت تراجي

اتصلت قبل قليل علي الاخوة جماعة الوكالة وهي وكالة حافظ ومندوبهم في تكساس هو الذي استخرج لهذه السيدة هذه التذاكر وهو هذه الايام في اجازة.... واخذ مكتب حافظ كل المعلومات التي ارسلتيها الي و ووعدوا انهم سوف يعملون ما بوسعهم لتلافي هذا الوضع.

اختنا تراجي

اتصل علي مشكورين الاخوة في مكتب حافظ للسفر والسياحة واكدوا لي انهم اخيرا تلافوا الامر وقد استطاعوا ان يجدوا حجزا لهذه السيدة يوم 4/7 القادم...شكرا للاخوة في مكتب حافظ.... وشكرا لك اختي الهميمة تراجــــــــــــــي ولابن عمي ود عوج الدرب الهميم.

هباني
تتعلى ما تدلا يابا

Quote: الاخت تراجي اتصلت قبل قليل علي الاخوة جماعة الوكالة وهي وكالة حافظ ومندوبهم في تكساس هو الذي استخرج لهذه السيدة هذه التذاكر وهو هذه الايام في اجازة.... واخذ مكتب حافظ كل المعلومات التي ارسلتيها الي و ووعدوا انهم سوف يعملون ما بوسعهم لتلافي هذا الوضع.

,
تشكر اهي واتمنى ان يعني هذا الفرج لهذه الاسره.
ونبههم يا هباني ان هذه السيده يمكنها مقاضاتهم
لو افسدوا عليها اجازتها بكل هذه الاخطاء.

الاخت تراجى لابد من توفر معلومات اكثر للتعرف عليهم رقم الرحلة تاريخ الوصول
للدوحة الساعة

الاخ ضحية وقفتك عجبتنا انا معاك اذا احتجت الى اى مساعدة و التنسيق معى على التلفون
5803757

شكرا اخي خالد محمد سليمان

Quote: الاخت تراجى لابد من توفر معلومات اكثر للتعرف عليهم رقم الرحلة تاريخ الوصول للدوحة الساعة الاخ ضحية وقفتك عجبتنا انا معاك اذا احتجت الى اى مساعدة و التنسيق معى على التلفون 5803757

وزي ما قلت لك اخي لا اعرف شيئا عن موعد رحلاهم او خلافه اتمنة انه هباني ينزل لينا
المعلومات دي لو تحصل عليها من وكالة حافظ زي ماقال.
وياكم ناس الحاره ديل اهلي تشكر اخي كثيرا.
تابعوا معنا.

الأخت تراجي سلامات
شكرا لك والأخ سيف
معلوماتي تقول أن القطريين يعاملون الأمريكان بالمثل
يعني دخول للدوحة دون تأشيرة صعب . ورغما عن ذلك دول
الخليج أى شئ فيها ممكن, فعلي الأخ ضحية الاستعداد لهكذا
موقف ولو استطاعوا ناس الوكالة معالجة الموقف يكون هذا
هو المطلوب

عافى منكم دني وآخرة
يديكم العافية

العزيز رأفت ميلاد
بعضا مما تعلمناه منك يا ملك

Quote: عافى منكم دني وآخرة يديكم العافية

Quote: معلوماتي تقول أن القطريين يعاملون الأمريكان بالمثل يعني دخول للدوحة دون تأشيرة صعب . ورغما عن ذلك دول الخليج أى شئ فيها ممكن

معلومة خطأ أخي عاطف
وعن عدة تجارب اخرها قبل شهريين
قطر من أكثر دول الخليج مرونة
مع الامريكان في الدخول الى الدوحة
مقابل رسوم زهيدة 100 ريال فقط
يعني لا حوجة لتأشيرة دخول للامريكان

شكرا اخوة متداخلين ومتصفحين
لا أدرى إن كانت المشكة حلت أم لا
ويسرنى تقديم أى مساعدة ممكنة
وهاتفى الجوال مفتوح 5030201

شكرا بدر الدين الامير

Quote: شكرا اخوة متداخلين ومتصفحين لا أدرى إن كانت المشكة حلت أم لا ويسرنى تقديم أى مساعدة ممكنة وهاتفى الجوال مفتوح 5030201

شكرا اخي عاطف مكاوي
ولكن حسب كلام الاخ سيف سماعد
انه ناس الخطوط قالوا ليهم ممكن تدخلوا الدوحه لانه اوراقكم امريكيه!!

Quote: الأخت تراجي سلامات شكرا لك والأخ سيف معلوماتي تقول أن القطريين يعاملون الأمريكان بالمثل يعني دخول للدوحة دون تأشيرة صعب . ورغما عن ذلك دول الخليج أى شئ فيها ممكن, فعلي الأخ ضحية الاستعداد لهكذا موقف ولو استطاعوا ناس الوكالة معالجة الموقف يكون هذا هو المطلوب

شفته الشغل النظيف ده كيف؟؟؟
لا جامعة دول عربيه ولا يحزنون.
شكرا لمرورك.

Quote: معلومة خطأ أخي عاطف وعن عدة تجارب اخرها قبل شهريين قطر من أكثر دول الخليج مرونة مع الامريكان في الدخول الى الدوحة مقابل رسوم زهيدة 100 ريال فقط يعني لا حوجة لتأشيرة دخول للامريكان

الأخ أحمد تحياتي
بشكل شخصي يهمني جدا تأكيد هذه المعلومة فهلا فعلت !
ورجوعا لموضوعنا خذوا ما قاله الأخ بدرالدين الأمير
مأخذ الجد. وبمعرفتي له فهو يستطيع القيام باللازم.

Quote: بشكل شخصي يهمني جدا تأكيد هذه المعلومة فهلا فعلت !

المعلومة صحيحة 100% يا عاطف
زرت انا الدوحة مرتين في الثلاثة
أشهر الماضية فلم أجد أي صعوبة
في الدخول يتاتا .... ( بدون فيزا)

شكرا لكل المتداخلين
اخوتي لانملك اي معلومات زياده.
لو عندكم طريقه لمعارف في المطار سودانين او قطرين ممكن يعملوا حاجه.
وينك يا هجو الاقرع؟؟؟؟

يا لصعوبة الموقف ، وياريت ناس مكتب حافظ يتوخوا الدقة ، لانو
البشتنة الزى دى صعبة وخصوصا زوجها ما معاها

فتحوا عيونكم المرة الجاية


ولكم ودى

العزيزة تراجي
اذا كانت السيدة مقيمة في هيوستن او اي حته في تكساس رقم تلفوني عندك بس انت أأمري ومستعدين نعمل اي حاجة تساعد.

هباني تحياتي مرة آخرى
وشكرا واتمنى ان يكونوا تمكنوا من علاج لك الاخطاء.

Quote: اختنا تراجي اتصل علي مشكورين الاخوة في مكتب حافظ للسفر والسياحة واكدوا لي انهم اخيرا تلافوا الامر وقد استطاعوا ان يجدوا حجزا لهذه السيدة يوم 4/7 القادم...شكرا للاخوة في مكتب حافظ.... وشكرا لك اختي الهميمة تراجــــــــــــــي ولابن عمي ود عوج الدرب الهميم.

المشكله يا هباني ..اين ستقيم هذه الاسره حتى يوم 4/7 هذا؟؟؟

بلير تشكر يا عظيم
وياكم ناس الحاره ديل اهلي:

Quote: العزيزة تراجي اذا كانت السيدة مقيمة في هيوستن او اي حته في تكساس رقم تلفوني عندك بس انت أأمري ومستعدين نعمل اي حاجة تساعد.

تشكر اخي ولكنها الآن في ظائره في طريقها للدوحه وربما وصلتها الآن.
لا عدمتك اخي.

ترهاقا كيفيك؟؟
وشكرا لمروك

Quote: يا لصعوبة الموقف ، وياريت ناس مكتب حافظ يتوخوا الدقة ، لانو البشتنة الزى دى صعبة وخصوصا زوجها ما معاها فتحوا عيونكم المرة الجاية ولكم ودى

ومعاك نقول لهم يا مكت حافظ توخى الدقه والا فانها دعايه سيئه لكم جدا.

متابعين معاكم.. لكن ما باليد حيلة..

سلامات
وعوافي
الاحباب
تراجي والزملاء ..
اذا كانت من حاملي الجواز الامريكي فقشة ما بتعتر ليها ..
فقط من الصالة تطلب الدخول وبيدوهو فيزا بي 100 ريال *"يمكن ان تقيم بها في قطر لمدة عشر سنوات" ..
واذا دخلت البلد "مطار الدوحة" فما عندنا اي مشكلة وجاهزين.
للخدمة والتواصل
موبايل :-
5810859
5327127
* هذه معلومة غير مؤكدة واتمني تاكيدها او نفيها من من لديهم المعلومة الكاملة..

التحية لبورداب الدوحة وتكساس الحقيقة سودانيز
او لان تنجز خدمات وزارة الخارجية..بصورة افضل
مليون مرة من السفارات السودانية التي اصبح طاقمها
امني بحت..لك التحية يااستاذة تراجي وسيف مساعد

الزميلة : تراجي
جاهزين

جوال 5493878

التحية لكم جميعا ايها الأعزاء ...
و الحمد لله جات سليمه ...
خاصة و الموضوع وقع فى ايد ناس بتاكل النار زى ود عوج الدرب و تراجى و الناظر هشام هبانى و رجالة الدوحة ...
الموضوع فعلا كان صعب لتلك الأسرة الكريمة لانى شخصيا عشت نفس الموقف و تجرعت مرارته أواخر التسعينات مع احدى وكالات السفر العربية هنا بمدينة ميامى اسمها CALEOPATRA TRAVEL ( اظنها قفلت الآن ! ) بس جات سليمة ( الوكت داك ! ) لأنو كان لا عندى ( فاطنه ! ) و لا ( أمحمد ! ) ... عزابى ( صر ! ) يعنى ... و من يومها أوقفت التعامل مع كل وكالات السفر الشرق اوسطية و كذلك خطوط طيرانهم !
فيجب على كل الاخوة و الزملاء التعامل بحذر مع مثل تلك الوكالات و خاصة تلك التى تظهر اعلاناتها فى الجرائد و المجلات و الدوريات و النشرات العربية بدول المهجر مثل أمريكا ...
عبدالماجد

رغم بساطة الفكرة لكنها عظيمة
و الإستجابة كانت أعظم
قيم سودانية حقيقية , ما بدلتها الغربة ولا أثرت فيها ضغوط الحياة
بدون معرفة السيدة , يكفي كونها إنسانة و سودانية في محنة و حوجة لإخوانها
موضوع يفتح النفس من الصباح - على غير العادة

التحية لسيف و تراجي
و لكل من دق سدره و أبدى إستعدادا طيبا من أهل الدوحة و تكساس
من الآن أرشح الموضوع لنجومية النصف الثاني

الاخت / تراجي والاخوان

ياريت اعرف رقم الرحلة فقط او ساعة الوصول وستحل المشكلة
باذن الله .

هارون دياب

أفوو يا تراجي
تكوسي الفزعة من الدوحة ونحن فيها
أها النقول ليك
ماحاينزلوا إلا في بيتي
ورشيدة جاهزة بالعدس
والشواء على الهوى ، على زعمات أميرة الشيخ

مليون مرحب بهن
الجوال 5052880
المنزل 4782860

بس ورينا هن حايصلن الدوحة متى لكي نكون في الإنتظار

بالأمس لم أدخل انترنت وسودانيز اونلاين لذا جاءت إستجابتنا متأخرة
فلزم التنويه والإعتذار

كتبت تراجي :

Quote: المشكله يا هباني ..اين ستقيم هذه الاسره حتى يوم 4/7 هذا؟؟؟

دي مشكلة يا تراجي ؟ نحنا متنا ولا فتنا؟
أظن المشكلة في راسك المدوقس ده

Quote: بوصيكم على الضيف الهجوع عشوه...

افو أيسأل عن القرى وبورداب الدوحة يسدون الافق؟؟ ولسان حالهم يقول "كباسين للدهم فوق البقول يا مروه"
شكرا لكل بورداب الدوحة الافاضل المتداخلين الذين فتحوا قلوبهم وبيوتهم مشرعة على هذه الروح الطيبة . ولا غرو فهذا ديدنهم.

اخت تراجى نحن على الرحب والسعة بس ملكينا معلومات تقبضنا فى الناس ديل والباقى حرم ما تشيلوا همو.

اخوك: على احمد النعيم
تلفون: 5300847

على حسب إفادة مكتب القطرية في الدوحة
فإن الطائرة وصلت الخامسة والنصف فجر اليوم 3/7
ولكن ماعارفين ناس الترانزيت ممكن ينزلوا وين
وأوضحوا أن هذه بتتحدد وفقآ لمكتب الحجز في الجهة القادمين منها { تكساس }

الاعزاء بورداب الدوحه
بالله ما تزعلوا من يا ابو ساندرا
ان سؤالي لهباني ما كانت بقصدكم
بقصد لازم يملككم معلومات اكثر عن رقم الرحله او كيف تلموا فيهم؟؟؟
او هل وكالة السجم دي حتحجو ليهم فندق مثلا؟؟

اما انتز يا ناس الدوحه الله ما يجيب يوم شكركم.
ونحن عارفنكم يا حلوين والله كان لميتوا فيهم تخلوهم يأخروا سفرهم
ذاته من ونستكم الحلوه ومحبتكم.

مازعلانين
لكن شفقانين عليهن من الجهجهة
لو هشام بيقدر يعرف ناس تكساس حجزوا لهن في أي فندق
حايكون أفادنا جدآ
يللا همتك يا تراجي

الاخت/ تراجى


والاخوه الاعزاء المتداخلون

لكم التحيه جميعا وانشاء الله مانعدمكم واهل حاره بالجد..

لقد تأكد وصول السيده / امنه محجوب سعيد وابنتها/ ايمان على , على الخطوط القطرية رقمالحجزYME5DUوالقادمة من المانيا/فرانكفورت الى الدوحه يوم غد الساعه السابعه مساء وستغادر الى الخرطوم بعد غد يوم 5/7 الساعه الواحده ظهرا على متن الخطوط القطرية.
مانود ان نفلت الانتباه اليه ان هاتان السيدتان من امس تقريبا فى مطار فرانكفورت وسيمتد انتظارهن تقريبا حتى غدا موعد الرحله الى الدوحه هل بامكان الاخوه فى فرانكفروت تامين راحتهم حتى وصولهم الدوحه لان الفتره من امس وحت مساء الغد طويله جدا وفوق للتحمل.
نحن فى بورداب الدوحه جاهزين لاستقبالهم وهنالك منزل جاهز لاستضافتهم وتامين راحتهم وسلامتهم..


جاهزين لتلقى اى اقتراحات اخرى او اى ستفسارات009745890823

ودمتم جميعا..

ابو ساندرا يا عسل انت
همتي وين يا اخوي الساعه واحد صباحا
عايزني اضرب لهباني صحبك بيكون بيشخر وبيأكل رز مع الملائكه زي ما بيقوا المصريه
او بيكون عنده كابوس عن مطاردة التاكسي العجيبه.
بعدين ام احمد مرته تقوم تقول لك كمان ده الفضل يا ناس الاون لاين بقينا
بتوع وكالة سفر وسياحه ولا شنو؟؟

انا مساهره لانه عندنا العيد القومي لكندا...والمدارس في اجازه اما غير كده ما
بتلقى زول صاحي المواعيد دي.الا ناس بشاشا ومحمد سليمان لانه توقيتهم متأخر عننا ساعتين.
يعني الساعه عندهم 11 وربع. شفت فوراق التوقيت دي كيف.
اها خليك في الورديه دي ودائما اعمل (فوق) لامن يصحى هباني يجيب لينا الاكيده واشبكوا
ماسنجرات بالله عليك.
انا خلاص ماشه انوم بعد شويه.

سلام اخت تراجى

15 دولار بدخل الامريكى للدوحه ولمدة 3 اسابيع قابله لتجديد لأسبوع أخر.. // 350 ريال فى اليوم فى الفنادق المتواضعه كالجزيرة للشقق الفندقية والبركه فى الجواز الأمريكى

فى بوست اخونا ودالامير فى رحلته البيروتيه كنت علقت بالاتى

من الصعب جدا ان تزور الدول الخليجيه من غير تأشيرة ونقول نحن عرب تخريمه.. الوالد والوالدة فى طريقهم من السودان لامريكابالقطريه وصلت الساعه 8:30 كنكشن (connection) طيارتهم لامريكا الساعه 2:00 ص قال لناس الجوازات انو ولدى منتظرنى بره داير اقابلو قالو ليهو مافى طريقة لانك انت سودانى قال ليهم انا عندى قرين كارد امريكى قالو ليهو الا يكون عندك الجنسية الأمريكية عشان نسمح ليك بالدخول .. قال ليهم ما قلتو جامعة الدول العربية واشقاء واخوة.. بالله عليك الله شوفو جنس المهانه دى.. الحمدلله انا افريقى امريكى اتكلم عربى..ولم احظى بمقابلة الوالدين at that time
البركة فى الجواز الامريكى.. والشخص فى امريكا امريكى حتى يثبت العكس لولا طرطشة المهوسين من اسلاميين وغيرهم

with best regard

Lutfi Ali Lutfi

Quote: انا خلاص ماشه انوم بعد شويه.

نوم العوافي يا الحبيبة
تهدهدك الملائكة

غايتو انا حا اسأل فندق فندقين كده

أخلاق سودانية أصيلة...و وزارة خارجية شعبية.

من الملاحظ أن الاخت المعنية وإبنتها لا يملكن التلفونات التي وضعها كل الاخوان هنا مشكورين لانهن في هذه اللحظة لا يملكن وسيلة للانترنت.
الاقتراح الصحيح أن يذهب من يستطيع من الاخوان للمطار و يرفعوا لافتة عليها اسماءهن وأن يكون ذلك بالتنسيق بينكم بحيث يغطي الصالات المختلفة للقدوم و الاوقات المختلفة، و هذا الشكل متبع في كثير من المطارات لاستقبال من لا تعرفه.

الاخت / تراجي
سلام واحترام ،،،
تشكري اختي على اهتمامك بهذا الموضوع
تقبلي تحياتي وتحياتي للأخ سيف مساعد
والتحية لأخونا العمدة ود هباني
وتحية خاصة جداً جداً للإخوة بورداب الدوحة
وديل أهلي وديل ناس المروة وقت الحارة بالجد جد
وإن شاء الله نكون دائماً مجتمعين لعمل الخير
فلكم التحية جميعاً
أبو كريم

الاعزاء بورداب الدوحه
الاخت / تراجي مصطفي
صباحكم خير

الان ومن مكتب الخطوط القطرية الرئيسي بالدوحة تأكد الاتي :

الطائرة تصل الي الدوحة رحلة رقم :QR028
الاربعاء 04/07/2007م الساعة السابعة مساء .
تغادر الي الخرطوم بتاريخ 05/07/2007م الساعة
12.55 دقيقة ظهرا علي الرحلة رقم :QR520

وسنكون في انتظارهم باذن الله .
هارون دياب

بالضبط زي ماقال هارون
أمنة محجوب سعيد
وبنتها إيمان علي
حايشرفونا غدآ مساءآ
وكلنا في المطار

كلنا ح نكون في المطار في المواعيد المحددة ..

شكرا سيف و تراجي ..
و كل الدوحاب الجميلين .

أفوووو

نادوس صحي كان غايب بس أنا حاضرة....وما حينزلوا الا عندي...

ام حازم

الله يخليك ويحفظك لعمل

الخير




حواء

تشكروا يا بوردات الدوحه كلم يا سمحين
والله رفعتوا راسنا زي عوائدكم دائما

Quote: أخلاق سودانية أصيلة...و وزارة خارجية شعبية. من الملاحظ أن الاخت المعنية وإبنتها لا يملكن التلفونات التي وضعها كل الاخوان هنا مشكورين لانهن في هذه اللحظة لا يملكن وسيلة للانترنت. الاقتراح الصحيح أن يذهب من يستطيع من الاخوان للمطار و يرفعوا لافتة عليها اسماءهن وأن يكون ذلك بالتنسيق بينكم بحيث يغطي الصالات المختلفة للقدوم و الاوقات المختلفة، و هذا الشكل متبع في كثير من المطارات لاستقبال من لا تعرفه.

الاه بشير قدم اقتراح عملي جدا
لكن اعتقد الاخ هارون دياب جاب الاكيده انه لموا فيهم؟؟

وعند هارون الخبر الاكيد

Quote: الاعزاء بورداب الدوحه الاخت / تراجي مصطفي صباحكم خير الان ومن مكتب الخطوط القطرية الرئيسي بالدوحة تأكد الاتي : الطائرة تصل الي الدوحة رحلة رقم :QR028الاربعاء 04/07/2007م الساعة السابعة مساء . تغادر الي الخرطوم بتاريخ 05/07/2007م الساعة 12.55 دقيقة ظهرا علي الرحلة رقم :QR520 وسنكون في انتظارهم باذن الله . هارون دياب

يعني الكلام ده بكره يا هارون الله يكون في عونهم ما عارفينهم قضوا الليل ده كيف.


المهم يا شباب ما قصرتوا
وما تنسوا كان شوفتهم تسملوا عليهم وقول ليهم كل ده من الشيخ ود عوج الدب الانتو لاقيته
وهو راجل بركه وعشانه ربنا سخر كل هؤلاء الطيبين ليهم.

لا اود ان انسى الاخ لقمان همام كان باكر معي على الهاتف
ووعدني ان يصل لمكتب القطريه بمبناهم بالجزيره ليعرف رقم الرحله واكيد فعل
كما طلب انهم ينزلوا في ضيافته,طبعا قلت ليه انا ما عندي فرصه ابغلهم لك عروضكم الحلوه دي بس ربنا يوريهم ان شاء الله كم انتم رائعين.
المهم كلكم رسمتوا لوحة انسانيه رائعه زي عوائدكم.

سلموا لي عليهم وقول ليهم عندك اختكم شوباره في كندا مسكوها طرف الموضو ع وفضلت مسمره في الانرنت
قرابة ال 12 ساعه ولسه مساهره بس بعد كده النمشي انوم الساعه 4 صباحا!!لاني فعلا مطمأنه الآن.
ويا سيف مساعد بركاتك يا شيخنا تفزعنا وتنجدنا يا ود عوج الدرب .

كمان بقت بمزازيكه يا رافت؟؟الله يخليكم كلكم ياكم اهلي ما احلاكم.

شكرا حواء سليمان وسلوى صيام
وكل من حرص على رفع البوست من غير اهل الدوحه وتكساس.

بالله مشيت انوم يا ابو ساندرا غلبني لاني شايله همهم بركه الطمأنتوني.

وآخرين اتصلوا ولم ياشاءوا ان نذكر اسمائهم
علمت انهم فعلوا الكثير للتوصل لهم حتى الاتصال بمطار فرانكفورت.
التحيه لفعلاي الخير بصمت.

ويا ضحيه سامحني لم اقرأ هذه المداخله الا الان واعتقد ان هارون دياب هو من احضر المعلومات
واتضح انه انت...لك الوج واعلم انك اول من كتب مداخله هنا اليوم.

Quote: الاخت/ تراجى والاخوه الاعزاء المتداخلون لكم التحيه جميعا وانشاء الله مانعدمكم واهل حاره بالجد.. لقد تأكد وصول السيده / امنه محجوب سعيد وابنتها/ ايمان على , على الخطوط القطرية رقمالحجزYME5DUوالقادمة من المانيا/فرانكفورت الى الدوحه يوم غد الساعه السابعه مساء وستغادر الى الخرطوم بعد غد يوم 5/7 الساعه الواحده ظهرا على متن الخطوط القطرية. مانود ان نفلت الانتباه اليه ان هاتان السيدتان من امس تقريبا فى مطار فرانكفورت وسيمتد انتظارهن تقريبا حتى غدا موعد الرحله الى الدوحه هل بامكان الاخوه فى فرانكفروت تامين راحتهم حتى وصولهم الدوحه لان الفتره من امس وحت مساء الغد طويله جدا وفوق للتحمل. نحن فى بورداب الدوحه جاهزين لاستقبالهم وهنالك منزل جاهز لاستضافتهم وتامين راحتهم وسلامتهم.. جاهزين لتلقى اى اقتراحات اخرى او اى ستفسارات009745890823 ودمتم جميعا.. (عدل بواسطة ضحيه ابراهيم on 03-07-2007, 06:25

المشكله يا ضحيه ان ناس فرنكفورت لم نشمله في العنوان لذا نعذرهم لو ـاهروا ولم يدخلوا هذا البوست.
المهم يازول ربنا يعينهم وياريت بس تورهم درب السرائر عدل والونسه ممنوعه لانهم تعبانين اكيد.

تشكر ضحيه مرة آخرى.

اللهم اجعله في ميزان حسناتكم
تسلموا

الأخت تراجي،

كتر خيرك وكتر خير الأخوان كلهم وأهو أبو نضال ما قصر قدر يعرف إسم الوكيل.

نرجو من وكالة حافظ للسفر والسياحة التوضيح من أين نتج الخطأ حتى لا تفقد سمعتها.

15 دولار بدخل الامريكى للدوحه ولمدة 3 اسابيع قابله لتجديد لأسبوع أخر.. // 350 ريال فى اليوم فى الفنادق المتواضعه كالجزيرة للشقق الفندقية والبركه فى الجواز الأمريكى

اذا بقي علي دا أدونا الشرف بس أدونا رقم تلفون الفندق وأنشاء الله كل شي يبقي تمام وأمان

Good job tragie

كستاوي
بلير
عزيز عيسى
السمؤل بدر الدين
بالله شوفوا شعبنا كيف؟؟؟
الا نستحق الحسد لاجل هذه الانماط من الترابط و التعاضد؟؟وتعاولوا شوفوا روعة زول زي بلير

Quote: 15 دولار بدخل الامريكى للدوحه ولمدة 3 اسابيع قابله لتجديد لأسبوع أخر.. // 350 ريال فى اليوم فى الفنادق المتواضعه كالجزيرة للشقق الفندقية والبركه فى الجواز الأمريكى اذا بقي علي دا أدونا الشرف بس أدونا رقم تلفون الفندق وأنشاء الله كل شي يبقي تمام وأمان

يا سلام عليك يا بلير
بالله مصر يقدم شيئ من الفضل وكمان يدفع فاتورة الفندق؟؟
بالله اليس واسفاي لو ناس الحاره ديل هم ما اهلي؟؟؟
تسملوا يا شباب
وانشاء الله النخوه الفينا دي لا تفوت لا تموت.

يا نسا الدوحه آمانه تقروأ الجماعه ديل كل البوست ده
بش عشان يعروفا انهم ينتموا لشعب لهم ان يفخروا به.
اتلمينا كلنا مسيحين ومسلمين
جنوبين وشمالين
شرقين وغربين
شيوعين واسلامين
رجال ونساء
شباب وكهول
وقلبنا على اهلنا الما بنعرف لهم شيء غير انهم سودانين..ما اروعكم جميعا.
فالترفع القبعات لهذا الشعب العظيم.

التحيه لك اخي سيف جبريل وانت متابع معنا من خلال الماسنجر

Quote: العزيزة تراجى ام المناضلين اخوى عصام جبريل شغال فى مطار الدوحة ويمكن ان يصل لهم فى الطيارة وتلفونو #########

والتحيه لك ولاخوك وفعلا ياهم ناس الحاره ديل اهلي
شكر يا ملك ولا عدمتكم الانسانيه جميعا.

فوووق..ومتابعين..

Quote: الاعزاء بورداب الدوحه الاخت / تراجي مصطفي صباحكم خير الان ومن مكتب الخطوط القطرية الرئيسي بالدوحة تأكد الاتي : الطائرة تصل الي الدوحة رحلة رقم :QR028 الاربعاء 04/07/2007م الساعة السابعة مساء . تغادر الي الخرطوم بتاريخ 05/07/2007م الساعة 12.55 دقيقة ظهرا علي الرحلة رقم :QR520 وسنكون في انتظارهم باذن الله . هارون دياب

تراجي والحلويين

الخطوط القطرية بتنزل الجماعة الترانزيت في فندق ما افتكر في مشكلة


واذا تعذر ذلك فالبورداب جاهزين وانشاء الله في العيون نبني ليها دارين


معليش يا تراجي ما بقدر اكتب موبايلي في البورد لانه بجيب لي الهبايب

لكن ودرملية وضحية بلمو فيني

بس انتي ارقدي قفا

الغاليه/ تراجى

تحياتى لكى وللاخ الصديق سيف مساعد


انا على استعداد لتقديم اى خدمه مطلوبه نيابة عن بورداب الدوحه وكل البورداب واليهك رقم هاتفى وسيظل مفتوحا وانا مقيم ومع اسرتى وعلى استعداد لاستضافتهم وتسهيل مهمة الحجز لهم 009745061566وعندنا حوش كبير


وشكرا اخوك/ مهلب

بسم الله الرحمن الرحيم

تقول لي قال أفصلوا تراجى من البورد والله حكاية !!!!!!!

يا سلام عليك يا أخت النضال مين غيرك يعمل كده ؟ ( وأغبثوا الملهوف )

الشكر موصول للأبطال ود مساعد وود عيسى وود هبانى إخوان فاطنة سودانا فوق ..

نعتذر للتاخير يا العزيزه تراجي

في انتظار ايمان وابنتها بمطار الدوحه وكل بيوت السودانيين وفنادق الدوحه من خمس نجوم فما فوق جاهزه للاستضافه.
تحياتي للاولاد وكمان سلام لحواء جديد.
للتنسيق 5864245

كان ما جيت من زي ديل كان أسفاي وا مأساتي وا ذلي

انا فى الدوام قريت البوست دة لكن من شفتة ضحية دخل البوست دة عرفتة انو الموضوع محلول

تاكيدا لمعلومات من بالداخل لمن بالخارج اصحاب الجوازات الاوربية فقط بيدفعو 33 دولار وبيدخلو

بدون تاشيرة مسبقة .....الخطوط القطرية خاصة الناس الجاية من اوروبا ديل بتوديهم فندق 5 نجوم

لا مشاكل البتة ...............مطار الدوحة صغير جدا والصالة واحدة للخروج وممكن يتعرف الغريب من

طلتو من باب الخروج لا حوجة لالافتة واصلا حا ينزلو فى فندق فقط يسال الكنترول عن مكان اقامتهم

وهو بيدل عليهم من الاسماء ودة فى صالة القادمين وراء الكاونتر ات,......زبس ضحية ظهر ارقدو قفا

آمنه محجوب وإبنتنا إيمان فى حدقات العيون,

أنا مع كامل أسرتى , بكره على الموعد فى المطار

ألف ألف تحيه ليكم ..

الشكر للجميع


واهل الدوحة خاصة....


يس ما تخلعوا الناس ديل طبعا هم ماعرفين الشهامة الماصلة فينا القامت هنا ..

وندعوا من الله اتها تدوم ....

نسقوا استقبالهم .....

ول دبا ضحية

هلا هلا .. رجل والرجال قليل ..

بقــــــــــــــــــارى أصيل ...

تراجى، ما أطلقتى الزغرودة ليه ..

تسلمى أنت وول دبا ضحية وسيف مساعد


بريمة

Quote: ول دبا ضحية هلا هلا .. رجل والرجال قليل .. بقــــــــــــــــــارى أصيل ... تراجى، ما أطلقتى الزغرودة ليه .. تسلمى أنت وول دبا ضحية وسيف مساعد بريمة

عارفك ح تجي البوست و تخربو

ضحية سوداني أصيل وده هو المهم.



قوم عامل طاقيتك الملونه بالكركدي دي

يبدو أن محنة هذه الأسرة قد إنتهت بفضل سخاء وجهود الخيرين والخيرات من أبناء وبنات بلادي.

ولكنني إنتبهت للأعلان الذي ظلت تضعه وكالة حافظ على واجهة هذا المنبر منذ أكثر من عام, ويشير الى

الخدمات المميزة والأسعار المنافسة والحجوزات المؤكدة. يبدو أن الذي حدث قد أهدر جهود الوكالة في

الدعاية والأعلان في نفس المكان الذي حاولت أن تروج فيه لحدماتها.

شكرا لسيف وتراجي وهباني وكل الذين تدافعوا للمساعدة.

كوستاوى
أخوك ح يشوبر ب ول أبا ضحية خريف كامل.

Quote: عارفك ح تجي البوست و تخربو ضحية سوداني أصيل وده هو المهم. قوم عامل طاقيتك الملونه بالكركدي د

ضحية بقـــــــــــــــارى أصيل ..
وأصالته جاءت لأنه بقارى قبل ما يكون سودانى بس.

بريمة

Dear Tragie, Dear Mamoon and the rest of the family Salamat

Yes indeed I remember that for the connection they don't need visa or the visa will be paid by Qatar Airway as well the Qatar Airways will take them to the hotel for free of charge

Lutfi Ali Lutfi

الاحباء
بورداب الدوحه
وبقية الاعضاء المتفاعلين مع موضوع البوست
التحيه لكم جميعا
ونتوقع من ضحيه ان يخبرنا غدا كيف سارى الامور

Quote: انا فى الدوام قريت البوست دة لكن من شفتة ضحية دخل البوست دة عرفتة انو الموضوع محلول تاكيدا لمعلومات من بالداخل لمن بالخارج اصحاب الجوازات الاوربية فقط بيدفعو 33 دولار وبيدخلو بدون تاشيرة مسبقة .....الخطوط القطرية خاصة الناس الجاية من اوروبا ديل بتوديهم فندق 5 نجوم لا مشاكل البتة ...............مطار الدوحة صغير جدا والصالة واحدة للخروج وممكن يتعرف الغريب من طلتو من باب الخروج لا حوجة لالافتة واصلا حا ينزلو فى فندق فقط يسال الكنترول عن مكان اقامتهم وهو بيدل عليهم من الاسماء ودة فى صالة القادمين وراء الكاونتر ات,......زبس ضحية ظهر ارقدو قفا

ويا ضحيه يا بختك
اهي شهاده بحقك من رجلا ما هو هين كمان
التحيه لكم جميعا.

الاخت تر اجي والاخوه المتداخلون

ارجوا ان نوضح الاتي من اداره وكاله الحافظ للسفريات

1 - بداءت رحله الاخت ايمان من منيابلس - منسوتا علي رحله خطوط دلتا
لفرانكفورت السبت 30-6

2 -تم اصدار بطاقه شحن ا لعفش حتي الدوحه وهذا يؤكد تثبيت الحجز حيث لا يمكن ان تصدر دون حجز مؤكد
3 -من الفترض ان تلحق المسافره بر حله الخطوط القطريه من فرانكفورت الي الدوحه علي حجزها اامؤكد

4 - عند الوصول الي فرانكفرت لم تتمكن المسافره من التبليغ لدي كاونتر القطريه مما ادي الي اعتبارها متخلفه من الرحله وهذا علي حسب قول مسؤل القطريه بفرانكفوت عند استفسارنا من سبب عدم تمكنها من اللحاق بالرحله المتجه للدوحه وهذا مبرر ضعيف و تلاعب بحجزها من قبل موظفيها
في فراكفورت

5 -وعند علمنا بما حدث تمت الاتصالات بخطوط دلتا اكدوا لنا صحه كل حجوزاتها الي محطه وصلها الاخره والا لم يسمحوا لها بالسفر مالم تكن كل المحطات مؤكده الحجز و هذا جزاء من المسؤليه تجهاه المسافره

6 عند علمنا بالمشكل من زوجها السبد سعيد والذي يعلم بان كل الحجوزات مؤكده سعينا بما رسمي وشخصي لتفادي ما يترتب علي هذا التلاعب من قبل
القطريه و عرضنا كل ما نسطيع لاركابها في اقرب رحله متوجه للدوحه وان كانت علي الدرجه الاولي ولسؤ الحظ لم توجد اماكن علي اي رحله قبل 4-7

وحولنا ايجاد مقر لها بفندق قرب المطار و لم يسمح لها بالدخول لامانيا

هذا مالزم توضيحه و نحن علي استعداد لتزويد زوجها باي بيانات و وثائق تثبت صحه ما سردناه و دعمه في مقضاه الخطوط القطريه ان راي لك


ونود ان نشكر كل من ابداء تضامن ومساعده وشهامه ونخوه سودانيه اصيله لا تصدر الا من سوداين

ونوضح لمن استعجل الحكم علينا مبكرا دون درايه و قد فضلنا حل الاشكال اولا ثم التوضيح لاحقا ونشكر هشام هباني و الاخ ضحيه لمتابعتهما الامر و استبيان حقيقه ما حدث

up

اختنا الغاليه/ تراجى

الساده/ العزيز عمر سعد.. الجميل/كوستاوى ..ابن عمى بريمة م ادم.. مامون احمد ابراهيم زنصرالدين صلاح . الاستاذ عبد الرحمن ابو شيبة/ الاخ نصرالدين صلاح.


لكم الود والتقدير جميعا وشكرا على الاهتمام والمتابعه والمؤازره..


اتصل بى امس مشكورا الاخ الاستاذ / الحاج ابراهيم مدير وكالة حافظ للسفريات وحقيقة سعدت جدا بالماكالمه الطويلة والرجل اوضح لى كل ملابسات الرحله وان الوكالة ليست سببا فى ذلك انما (الدربكة) التى حدثت سببه كاونتر القطرية برانكفورت وتعللوا ان هذه السيده لم تسجل حضورا عند كاونتر العبور فى فرانكفورت فاعتبرت متخلفه عن الرحلة..


شكرا لكم اخى الحاج ابراهيم وشكرا لزوج السيده امنه محجوب الذى كان ولازال متابعا للبورد ولهذا البوست تحديدا ولكل من كتب وهو بيشكركم جميعا على وقفتكم هذا والشكر اجزله للاخ الهميم سيف مساعد والاخت الهميمه الغاليه/ تراجى مصطفى وشكرا لكل من ابدى تضامنا او تضامن مع ظروف هذه الاسره الكريمة فهذا هو السودان وكلنا السودان عند المحن تذوب الفوارق وتزول الحواجز ويبقى السودان..


بورداب الدوحه


هاتان السيدتان هن ضيفات عزيزات علينا اليوم وسيصلن فى تمام الساعه السابعه مساءا بتوقيت الدوحه على متن الخطوط القطرية على الرحلة القادمه من فرانكفورت..

عليه سيكون هنالك نفر كريم من بورداب الدوحه فى استقبالهم بالمطار وعلى رأسهم الاستاذه الجسوره والتى تعمل فى صمت وكانت على اتصال منذ الامس بمكتب القطرية بالدوحه وفرانكفورت وكانت على اتصال دائم بى وتشمرت واصرت على استضافتهن معها بالمنزل وتلك هى السيده / رندا حاتم بالله حيو معى هذه المرأه الشامخه..

حسب ماهو متبع لدى كل الخطوط فان جميع مسافرى الترانزيت يكونون على ضيافة الخطوط والقطرية هى من الشركات المشهورة بجودة خدماتها وضيافتها عليه ربما تتم استضافتهم فى احد الفنادق على القطرية ولكن هذا لا يمنع ان نستضيفهم عند اى اسره من بورداب الدوحه وانا على على استعداد100% لكن ارى كبيرنا وشيخنا ابوساندرا وقبله كريمتنا واختنا الفاضلة بت حاتم وام حاتم قد اصرو على استضافتهم..


على الجميع الحضور اليوم الساعه السابعه مساءا الى صالة القدوم بمطار الدوحه الدولى..


شكرا لكم جميعا وشكرا لوكالة حافظ التى بررت من جانبها انهم لم يكونوا السبب فى هذا الذى حدث وشكرا الاخ سيف مساعد وشكرا المناضلة تراجى..

الإخوة الأعزاء
سلام واحترام ،،،
هذه هي اخلاقنا السودانية الاصيلة
والتي يجب ان نحافظ عليها مهما كانت الظروف
فالتحية لكم إخوتي على هذا الموقف المشرف
وتحية خاصة جداً جداً للأخوان سيف مساعد وتراجي
وكل الإخوة بورداب الدوحة الاعزاء
وبرضو نقول تصور كيف يكون الحال لو ما كنت سوداني
وندعو الله ان يصلوا بالسلامة وإن شاء الله اخوتنا بورداب الدوحة ما حا يقصروا
لانهم اهل حارة .
أبو كريم

يا سلام يا جماعة

الحقيقة الواحد فخور جدا بكل من تفاعل فى هذا البوست

بداية (بالمناضلة) تراجى التى كان لها السبق

وختاما ببورداب الدوحة اهل الشهامة والكرم

لكم التحية والاجلال

هكذا انتم ابناء بلادى
لكم التحية دوما وابدا

ولكم كامل تقديرى وحبئ

الاعزاء الاخت تراجى , الاخ سيف والاخ ضحيه والجميع

حقيقى ابكيتونى من الصباح ..والله موقف جميل لكن ما غريب علينا , نحن معروفين بجنس دا ودا هو المصبرنا على محن السودان كرم وشهامة اهله
والله الجماعه ديل لو كانوا فى مطار امستردام ما كان اتلفتنا انا وابومهند كنا نشيلهم فى عيونا
شكرا لك شعبى الكريم
تحياتى
حليمه

هذه محاولات جيدة فى تسخير الانترنيت ومنابر النقاش لحل المشاكل الطارئة عبر الدول والاقطار.
وهى صدفة سعيدة التى سهلت لقاء سيف مساعد والسيدة السودانية وبنتها. وذكاء سيف واهتمامه بتوصيل المعلومة لتراجى ومن تراجى للعالم بأسره.
وهكذا رنت التلفونات فى تكساس وفى فرانكفورت وفى كندا وفى قطر وغيرها من المدن والبلدان لحل هذه الازمة الطارئة.
وتساءل الناس عن السبب. وقد اوضحت وكالة حافظ للسفر السبب بالقول:

Quote: - عند الوصول الي فرانكفرت لم تتمكن المسافره من التبليغ لدي كاونتر القطريه مما ادي الي اعتبارها متخلفه من الرحله وهذا علي حسب قول مسؤل القطريه بفرانكفوت عند استفسارنا من سبب عدم تمكنها من اللحاق بالرحله المتجه للدوحه وهذا مبرر ضعيف و تلاعب بحجزها من قبل موظفيها في فراكفورت

وهذا اتهام خطير من وكالة حافظ للسفر لمكتب الخطوط القطرية فى فرانكفورت بالتلاعب فى حجز السيدة السودانية وبنتها ، ولقد ترتب على هذا التلاعب الكثير من المشقة والاذى والقلق.
الكورة الان فى ملعب الخطوط القطرية.
ما رد شركة الخطوط القطرية على اتهام مكتبها فى فرانكفورت بالتلاعب فى الحجز؟
وهى شركة ذات سمعة دولية جيدة.
وما التدابير التى سوف تتخذها الشركة لمعاقبة المتلاعبين حال ثبوت هذا الاتهام؟
وتعويض السيدة المتضررة وبنتها عن المشقة والقلق وزيادة الاعباء والتكاليف؟

ارجو ان نسمع من شركة الخطوط القطرية توضيح عاجل ورد سريع على هذا الاتهام الخطير..

وشكرآ لكل الذين ساهموا فى مساعدة السيدة وبنتها فى تجاوز هذه المشكلة الطارئة.

لكم جمعيا

اولا وجدت الاخت امنة وانا في طريقي لطائرة حاولت اخر ججزي ففشلت

ثانيا في فرانكفورت تحدثت اليهم واكدوا لي في الكاونتر بان ليس لديهم

حجز وعليهم الرجوع الي امريكا
اوقفتهم وتحملت مسؤلية سفرهم للدوحة علي ان يتم في نفس اليوم واخدوا
تلفوني
ولكن اليوم اتضح لي كذب ناس الخطوط فامنة وبنتها كانا داخل المانيا
لايحتاجون لفيزا دخول
يعني توجد عدة هوتيلات بالقرب من المطار

شكرا لكم جميعا
الي ان اعود لهذا الجمال و المحبه.

طمنونا ياناس الجماعة وصلوا
ولا لسه ,

شكرا اخي ابو ايمان
وان شاء الله اسرتك تصل بالسلامه وتطمأننا بنفسك عليهم
تلفونات بعنضا تجدها هنا في بروفايلاتنا

Quote: وشكرا لزوج السيده امنه محجوب الذى كان ولازال متابعا للبورد ولهذا البوست تحديدا ولكل من كتب وهو بيشكركم جميعا على وقفتكم هذا والشكر اجزله للاخ الهميم سيف مساعد والاخت الهميمه الغاليه/ تراجى مصطفى وشكرا لكل من ابدى تضامنا او تضامن مع ظروف هذه الاسره الكريمة فهذا هو السودان وكلنا السودان عند المحن تذوب الفوارق وتزول الحواجز ويبقى السودان..

او هي :
19053883918
وكان ما لاقيتني خت لي رساله برقمك واكيد برجع لك.
بس عشان نطمأن.
احلى الامنيات لهم باجازه سعيده.

ويا حليمه شدي حيلك
لو سافرنا يانا الجاينك هولندا,لك الود
وربنا يخليكم كلكم.

سلامات
وعوافي
الحمد لله وصلت الدوحة الاخت امنة وابنتها وكان في استقبالهم في مطار الدوحة
ضحية ابراهيم
عبدالرحمن بركات وحرمه الاستاذة رشيدة
وهارون دياب
ورندا حاتم
واستاذ حامد موسى
واستاذ خالد سليمان
استاذ مامون احمد ابراهيم وابنته النابغة مهاد
وشخصي الضعيف
واتمني ان لا اكون قد نسيت احد من الزملاء ..
كما اكرر شكري للاخت تراجي
والشكر اجزله للاخ سيف مساعد الذي قام بالواجب وزيادة في مطار فرانكفورت ..
ونقبلوا محبتي وسلامي

يا سلام ناس الدوحة ... دى المحرية فيكم

لكم منى الاحترام و التقدير

احمد حامد بماكو مالى

الاخوه الاعزاء

مساءكم سعيد


تقاطر بورداب الدوحه اليوم صوب مطار الدوحه الدولى وفى مقدمتهم كبيرنا ورفيقنا الاستاذ ابو ساندرا ورشيدته والاستاذ مامون احمد ابراهيم وابنته مهاد والاستاذ خالد محمد سليمان والاخ هرون دياب والاستاذ عبدالرحيم(ودرمليه) والاستاذه رندا حاتم وابناءها والاستاذ المترجم /حامد موسى مراهد وشخصى الضعيف .

وظللنا نحسب الدقائق حتى اعلنت المضيفه الارضيه عن وصول رحلة القطريه القادمه من فرانكفورت فى موعدها فى السابعه مساءا وكلنا اعين شاحصة تبحث عن امنه وبنتها حتى بانت لنا وبدانا ننادى جميعنا امنه.. امنه ..امنه وهى تتلفت يمينا ويسارا من هو هذا الصوت الذى ينادينى فى هذه الديار التى لا اعرف فيها احدا؟

اننا بورداب الدوحه.. نعم تنادينا لكى يا امنه ملبين نداء الاستاذ سيف مساعد والاخت الغاليه تراجى مصطفى .. فاجهشت بالبكاءولا ندرى وقالت فعلا السودانيون مازالو بخير..

استقبلها الكل ورحب بها واتصلنا بزوجها وتحدثت معه وابنتها كذلك وبدا الجميع فى جدال مع الاخر لاستضافتهم بمنزله خاصة الاخت الجليله رندا حاتم والاستاذ ابو ساندر والاستاذ حامد موسى مراهد ..وعلى فكرة الاستاذ حامد موسى مراهد من قدامى السودانيين بالدوحه ويعمل مترجما باللجنه الاولمبيع الاهليه القطريه.. ومن المتابعين للمنبر ومن قرائه المميزين وطالع هذا البوست من بدايته وجاء للمطار بمحض ارادته قبلنا كلنا اتمنى ان ينال عضوية هذا المنبر..


المهم اخذناهم للفندق وخلصنا اجراءاتهم ولكن حدثت مصادفة غريبه جدا مع الاخ الزميل هرون دياب حيث تجاذب اطراف الحديث مع احدى السيدات زكانت خرجت من الصاله برفقة السيده امنه فافتكرها الاخ هرون هى من ضمن السيدات اللائى كن ننتظرهن واستلم منها جواز سفرها وراجعنا ادارة القطريه فاتضح انها قادمه من سوريا على القطرية وفى طريقها الى امريكا ولا تعرف احدا فى الدوحه ففضلت ان تذهب مع امنه رفيقتها بالطائره على ان تذهب الى الفندق..

اتفقنا برضا تام ان نذهب جميعنا الى منزل الزعيم ابوساندرا وكالعهد بها ام ساندرا دوما جاهزه ووجدنا كل الامور مرتيه كما يجب ان تكون حيث الضيافه الماخمج.. وتركناهم يغطون فى نوم عميق وسيواصلون رحلتهم غدا على القطريه الى الخرطوم..



كما اتصل بنا ايضا من امريكا الاخ الاستاذ/ الحاج ابراهيم من وكالة حافظ واطمأن على سلامة وصول هذه السيده وبنتها وشكر بورداب الدوحه وشكر بصوره خاصة الاخ سيف مساعد والاخت تراجى مصطفى..

موقف سوداني اصيل ...
يا سلام علي بوردب الدوحة ....
الذين يؤكدون علي الدوام اصالة الانسان السوداني ..
كامل الاحترام

ديل اهلى
ناس الدوحة
وسيف مساعد
وقريبتى الصنديدة تراجى
عند الشدائد تنجلى معادن البشر

الأعزاء الكرام ,

هذا يوم سودانى محضور ومشهود ! تمثل فيه كل السودان الحقيقى
بكل حزافيره ! وأنواره الكثيفه .. وإشراق أهله الميامين .

وصلت آمنه وهى آمنه ! وتصحبها إيمان . ووصلت معاهن كمان علويه , إمرأه أخرى إتلاقت
معاهن فى الطياره ... ووصلن كلهن بالسلامه .. ولقن السودان حاضر بى كل أهلو التمام,
الكرام العظام !

ركبنا السياره أنا وإبنتى مهاد , فإذا بها تتحول إلى طياره أخرى فى إتجاه المطار ثم
إنطلقنا فى لهفه شديده وشوق عارم للقاء آمنه وإيمان , أها وربك رب الخير كمان زادنا فوق لى
آمنه وإيمان كمان علويه .. وكلهن حبيبات قسا , وبنات حشا , وبنات أهل زاد الحبان والخلان .

أها ولقيت قدامى بنات وأولاد عشا البايتات ! ... و كان فى الإستقبال أبوساندرا , وضحيه , وودرمليه
وخالد سليمان , وهارون , والزعيمه العزيزه رشيده , والرائعه رنده بت حاتم الحاتميه! ومهاد مامون .
وكل بورداب الدوحه الميامين كانوا حاضرين .. فنعم الأهل ونعم الإخاء ونعم المحبين !

أها وخليناهم فى أيدى أمينه , وكلهم بايتين فى بيت من بيوت أهلن الكرام , بيت أبوساندرا العامر
ومعاهن رشيده , وماهيتاب , وسولارا , ودينا , وأميره , ومهاد مامون ..

فياله من شعبٍ فريد ! ويالها من بلد زاخره ومفعمه بالحب والخير والمحبه !!!

شكراً الهميمه , تراجى مصطفى .... شكراً عشا البايتات سيف مساعد .

شكرا مأمون اثلجتم صدورنا انهم الآن بايدي امينه
فاليهنأوا بمحبتكم وطيبتكم.
وتابعوا معنا بوست الشكر من الاخ زوج السيده آمنه.

شكرا خاص لبكري ابوبكر من صنع هذا الوطن.
يا شباب الدوحه
زكوا معنا الاعزاء
سعيد علي سعيد
وآمنه محجوب سعيد
لعضويه مشتركه بمنبر بكري
وقولوا لامنه انا حسه بس عرفتك اخت صديقتنا نعمات محجوب
وبيتكم جوار الترزي همه بنيالا.

.

أبو مهيار :
السيدة آمنة قبل وصولها لإمريكا كانت في اليمن السعيد
وبتعرف أخواتك اللذيذات
والألذ عثمان تراث

للعالم أجمع :
- السيدة علوية أوصلتها مطار الدوحة والآن في طريقها إلى نيويورك
- السيدة آمنة تغط في نوم عميق وكذلك الأمورة ايمان
وسيأتي ضحية في العاشرة لأخذهن إلى المطار
- رندا حاتم وهرون دياب ومامون ومهاد مازالوا معانا لحظة بلحظة
- أميرة زوجة ضحية حرقت الحلة
- أما ضحية فقد حرق فشفاشنا

ابو ساندرا يا اخو الاخوان تسلم انت يابا

Quote: أبو مهيار : السيدة آمنة قبل وصولها لإمريكا كانت في اليمن السعيد وبتعرف أخواتك اللذيذات والألذ عثمان تراث للعالم أجمع : - السيدة علوية أوصلتها مطار الدوحة والآن في طريقها إلى نيويورك - السيدة آمنة تغط في نوم عميق وكذلك الأمورة ايمان وسيأتي ضحية في العاشرة لأخذهن إلى المطار - رندا حاتم وهرون دياب ومامون ومهاد مازالوا معانا لحظة بلحظة - أميرة زوجة ضحية حرقت الحلة - أما ضحية فقد حرق فشفاشنا

الله يخيلكم لبعض....يعني آمنه حتسافر من غير ما تضوق عدس رشيده؟؟

الاستاذة /تراجي مصطفي
بورداب الدوحه الاعزاء
في رعاية الله وصحبته غادرت الان السيدة امنه وابنتها ايمان مطار الدوحه في اتجاه الخرطوم وقد تم عمل اللازم وليطمئن الجميع .

تخريمه :

سوداني اصيب بوعكة صحية وحالة اغماء في احد دول المهجر وتم نقله الي المستشفي وبعد ماعملوا ليه اللازم الدكتور كتب ليه روشته وقال ليه لازم تشتري الدواء وتستعمله والراجل ماعنده التقش وشه غير انوا سوداني , المهم اخونا مااحتار ولاحاجة شال الروشته واداها للممرض وقال ليه شوف قدام المستشفي ده اذا لقيت ليك اي سوداني اديه الروشته دي وقول ليه الدواء ده لي واحد سوداني موجود بالداخل ..... والبقية اظنو معروفة .
تسلمي استاذه تراجي مصطفي .

هارون دياب

Quote: سوداني اصيب بوعكة صحية وحالة اغماء في احد دول المهجر وتم نقله الي المستشفي وبعد ماعملوا ليه اللازم الدكتور كتب ليه روشته وقال ليه لازم تشتري الدواء وتستعمله والراجل ماعنده التقش وشه غير انوا سوداني , المهم اخونا مااحتار ولاحاجة شال الروشته واداها للممرض وقال ليه شوف قدام المستشفي ده اذا لقيت ليك اي سوداني اديه الروشته دي وقول ليه الدواء ده لي واحد سوداني موجود بالداخل ..... والبقية اظنو معروفة

قصتك دي لو حكيتها في الإمارات ,ما في حد حا يصدقك
قبل موقف ناس الدوحة الرائع ,كنت قد كفرت بكل اساطير الشخصية السودانية المتكافلة و الإجتماعية و ...إلخ
لكن يبدو ان الذهب حقا لا يصدا في الدوحة
من حظ آمنة أن رحلتها ليست عن طريق دبي

الان فقط يمكن ان ينام بورداب الدوحة فمنذ ان اطلقت تراجى صيحتها
يا اهل المروه يا بورداب الدوحة طار النوم من عيونهم فى انتظار
امنه و بنتها ايمان
كنت هناك مع هؤلاء الاصيلين - لا شى اصدق من الدموع - بكت امنه عندما
وجدت كل هؤلاء فى انتظارها فابكت معها رشيده و رندا حاتم و بت مامون
و امتلأت الاعين بالدموع كان لقاء سودانيا اصيلا
بارك الله فيكم جميعا يا بورداب الدوحة
و سلمت يا ابو ساندرا

تحياتي للجميع
هذا البوست وسام على صدور كل الذين
اشتركوا فيه وكل الذين قاموا بالواجب
وكل من دق صدره.. التحيه لهم جميعا
ويستحقون ان نفخر بهم ونحن في اخر الدنيا
التحيه لهم وللأخ سيف مساعد والأخت تراجي على
التصرف السليم والسريع لطلب هذه المساعده
بهذه الطريقه الغير مسبوقه..
اقول هذا الكلام وابنتي باذن الله ستغادر
الى السودان من كندا يوم الأثنين القادم 9 يوليو
وستمكث بالدوحه حوالي 24 ساعه وستكون بمفردها
وعلي الخطوط القطريه.استميحكم عذرا واستغل هذا البوست
واطلب من الأخ ابوساندرا بمقابلتها والتعرف عليها وهي
اول مره تسافر لوحدها واتمنى ان لا تحس بغربه في الدوحه
ساوافي الأخ ابوساندرا بالتفاصيل وربما اسم الفندق
المن المفترض ينزلوهم فيه..
ولكم مودتي

عزالدين

عزالدين عثمان ,

أها أبشر بالخير ونوم قفا ,

الدوحه دى بلد المباريك , والناس دى كلها

أهلك , وبنيتك بنيتنا , ( وكان ضيفنا مانحجا وندافع عنو,

نرمى نفوسنا , ليه تانى القلم ساعنو ! )

نرجو المتابعه وتأكيد المواعيد .

مامون والأسره

الأخوة الأعزاء بورداب الدوحة
الأخ سبف مساعد
الأخت تراجى

مشكورين ماقصرتو تب ودى المحرية فيكم
أبناء وبنات بلدى.. قمتو بالواجب
وزيادة .. ظللت أتابع البوست منذ
البداية وهو يتدفق جمالاً وروعة ومروة
قل أن نجدها وسط أى شعب غيرنا ..
فهنيئاُ لكم شعبى وأهلى بخصالكم النادرة..

الأخوات آمنة وأيمان الف حمدالله على السلامة
ويا للصدفة علمت الآن من مداخلة فوق للأخت
تراجى بأنكن من مدينتى نيالا البحير وأنكن
أبنة وحفيدة عمنا المرحوم محجوب سعيد ...
أليكن التحية والتجلة...

أبوساندرا , رشيده , وينكم

عزالدين ده مابتكلم معاكم من كندا ,

إنتو فى الكورنيش وأللا شنو ؟!!!

عموماً يا عزالدين ما مشكله الناس هنا كلها واحد ,

ورسالتك وصلت .. نرجو المتابعه لمعرفة التفاصيل .

مامون , مهاد والأسره .

الأخ / سيف

الأخت/ تراجي

الأخ/ بكري أبوبكر

جميع بورداب الدوحة الميامين اقول ليكم

"الفينا مشهودة
عارفانا المكارم نحنا بنقودا
و الحارة بنخوضا"

Quote: عزالدين عثمان , أها أبشر بالخير ونوم قفا , الدوحه دى بلد المباريك , والناس دى كلها أهلك , وبنيتك بنيتنا , ( وكان ضيفنا مانحجا وندافع عنو, نرمى نفوسنا , ليه تانى القلم ساعنو ! ) نرجو المتابعه وتأكيد المواعيد . مامون والأسره

الأخ الأكرم مامون سلامي
والله يا أخي كلامك اثلج صدورنا
وياها المحريه فيكم وانشاء الله نردها ليكم
ابنتي اسمها ريهام وستصل الدوحه باذن الله
يوم الثلاثاء يوم 10 يوليو السابعه مساء بتوقيتكم رحله رقم 28
وستغادر يوم الأربعاء 11 يوليو باذن الله الى الخرطوم في الساعه12:55
وحسب التذكره ستقوم الخطوط بانزالهم في فندق ولكنها تريد رؤيه الدوحه
وارجو ان تتفق مع الأخ ابوساندرا عشان اللوم..
ولكم مودتي
عزالدين

عزالدين الهُمام , ريهام على العين والراس ,

ووألله ما بتنضام .. البت جايا لى أهلها , ولى ناسا

وحتلقى قداما أمها فدوى , وأخواتا وشاح ومهاد ومنى ,

ده كان ناس أبوساندرا ورشيده خلونا ! الناس ديل بقالعو فى الضيف قلع !

فما بالك لمن تكون ضيفه وكمان بت أهل !!!

عزالدين الرحله 28 الإقلاع من أى مدينه ؟!!

كونوا بألف خير ..

مامون , والأسره

كتب المناضل عزالدين محمد عثمان:
{
اقول هذا الكلام وابنتي باذن الله ستغادر
الى السودان من كندا يوم الأثنين القادم 9 يوليو
وستمكث بالدوحه حوالي 24 ساعه وستكون بمفردها
وعلي الخطوط القطريه.استميحكم عذرا واستغل هذا البوست
واطلب من الأخ ابوساندرا بمقابلتها والتعرف عليها وهي
اول مره تسافر لوحدها واتمنى ان لا تحس بغربه في الدوحه
ساوافي الأخ ابوساندرا بالتفاصيل وربما اسم الفندق
المن المفترض ينزلوهم فيه..
ولكم مودتي}

أهلآ يا عز الدين
والله مشتاقين
بنتك بنتنا
يللا أطلع منها
من المطار وعلى البيت بعد جولة في الدوحة
ولا محتاجين لمرحلة الفندق دي

منتظرين بوست منك بالتنسيق مع العزيز إبراهيم عدلان
عن مايجري في الطيران المدني

يعني معنى كلامكم ده نقوم نغير التذاكر من مطار لاس فيغاس لمطار الدوحة?

يعني معنى كلامكم ده نقوم نغير التذاكر من مطار لاس فيغاس لمطار الدوحة?

Quote: عزالدين الهُمام , ريهام على العين والراس , ووألله ما بتنضام .. البت جايا لى أهلها , ولى ناسا وحتلقى قداما أمها فدوى , وأخواتا وشاح ومهاد ومنى , ده كان ناس أبوساندرا ورشيده خلونا ! الناس ديل بقالعو فى الضيف قلع ! فما بالك لمن تكون ضيفه وكمان بت أهل !!! عزالدين الرحله 28 الإقلاع من أى مدينه ؟!! كونوا بألف خير .. مامون , والأسره

العزيز مامونالأقلاع من المانيا فرانكفورت
والله انا اتمني انها تكون معاكم كلكم
ولو انه الأخ ابوساندرا زميل من ناس الطيران
المدني عشان كده انا خايف من اللوم لكن
كلكم واحد ..وربنا يقدرنا على جزاكم

Quote: كتب المناضل عزالدين محمد عثمان: { اقول هذا الكلام وابنتي باذن الله ستغادر الى السودان من كندا يوم الأثنين القادم 9 يوليو وستمكث بالدوحه حوالي 24 ساعه وستكون بمفردها وعلي الخطوط القطريه.استميحكم عذرا واستغل هذا البوست واطلب من الأخ ابوساندرا بمقابلتها والتعرف عليها وهي اول مره تسافر لوحدها واتمنى ان لا تحس بغربه في الدوحه ساوافي الأخ ابوساندرا بالتفاصيل وربما اسم الفندق المن المفترض ينزلوهم فيه.. ولكم مودتي} أهلآ يا عز الدين والله مشتاقين بنتك بنتنا يللا أطلع منها من المطار وعلى البيت بعد جولة في الدوحة ولا محتاجين لمرحلة الفندق دي منتظرين بوست منك بالتنسيق مع العزيز إبراهيم عدلان عن مايجري في الطيران المدني

الأخ الأكرم ابوساندرا ..
والله ليك وحشه وخبار الأسره عساكم بخير
وانا متاكد ان ريهام بنتكم وليكم فيها اكثر مني
وهي باذن الله سترجع بنفس الطريق يوم 8 اغسطس ولكنها لن تدخل
الدوحه.. للعلم ريهام عمرها 18 سنه..
فيما يخص موضوع الطيران المدني اخونا ابراهيم مابيظهر
وماعارف هل هو مشغول ولا ماعنده الرغبه وساحاول الأتصال به
للتنسيق ..
ولك تحياتي وسلام من ريهام لك وللأخ مامون وهي سعيده
جدا بالكلام الكتبتوه
ولكم مودتي

عزالدين

العزيز عزالدين محمد عثمان
بناتي سارا وسولارا ودينا من لهفتهن على مقابلة ريهام
عايزات من هسع يروحن المظار
وقالن لي كلم عمو عزالدين يخليها معانا يومين تلاتة

نحن في إنتظارها

بالنسبة لموضوع الطيران المدني حا أنسق مع إبراهيم عدلان للقيام باللازم

تحية للهمام مامون
وللدكتورة مهاد

الأخ ابو ساندرا
تحياتي للبنات وانشاء الله
يقدروا يقنعوها ويلقوا ليها حجز
بس في معلومه نسيت اذكرها
وهي ان ريهام تسافر بي وثيقه
اضطراريه لانها كانت مضافه في
جواز امها واستطعناان نستخرج
ليها الوثيقه..بالرغم من ان
ست الوكاله قالت مافي مشكله لكن
كل شيء وارد ..وهي سوف تستخرج جواز
من السودان خاص بيها بعدين..
وممكن لو اقنعتوها ولقت ليها حجز
في وقت مناسب ممكن في العوده
تاخد معاكم اسبوع بحاله ما مشكله..
بخصوص الطيران المدني هناك موضوع
خاص بالتحقيق في حادث طائره وبالرغم
من عدم وجود مستندات ولكني ساحاول
من الذاكره عله يكون بدايه ونجد من يشارك
بصوره اكبر او من يمدنا بتفاصيل ومعلومات
ومستندات اكثر ..
ولكم مودتي
عزالدين

الدوحة اثبتت انها دوحة فعلا ..
ده بفعل اهلها طبعا ..

كتب عزالدين محمد عثمان :
{في وقت مناسب ممكن في العوده
تاخد معاكم اسبوع بحاله ما مشكله..}

كلام زي العسل
بعد ماتستخرج جواز من السودان
جواز شنو؟
أمريكي واللا سوداني
بالجواز الأمريكي تدخل توووش
معززة ومكرمة
أما بالجواز السوداني فحدث ولا حرج

بخصوص الطيران المدني
فقد تسربت معلومات عن نية الحكومة خصخصته

الأكرم ابوساندرا تحياتي
جواز سوداني لانها بتستحق الكندي
السنه الجايه ..واذا بالسوداني بتحتاج لي
فيزا وفي امكانية ان تعماها في السودان
فسوف تحاول..باذن الله..
بخصوص الطيران المدني فعلا دايرين
يخصخصوا لكن حاولنا انا والأخ يوسف
امين (كان في امن النقل الجوي زمن حسن محمد حسن
وكان في المطار) اقول حاولنا ان نفهم كيفية هذه
الخصخصه ولم نستوعب وساحاول الحصول على معلومات اكثر
بالرغم من دسدسة الجماعه للمواضيع الزي دي ..
ولكم مودتي
عزالدين

أهلآ يا عزالدين
بالطبع يمكن لريهام الدخول للدوحة يوم الثلاثاء
وفي طريق العودة يسمح لها بالدخول إذا كانت
حاتغادر بعد أكثر من ثمان ساعات

سلام وتحيات عطرة للأخ يوسف أمين
أذكره جيدآ
وأذكر إحسان الجاك
وطبعآ حسن محمد حسن الدشوني علم في رأسه نار

ياريت كشعب نعرف قيمتنا!

كلام للمرة الاولي يبدو غريب لكنو حقيقة.

مافاهم، في شنو مغري في الموجود عند الاخرين، حتي ندعي زوا هوية الغير؟

والاغرب هم زاتم لي روحم، معجبين بالعندنا، ولكننا رغم ذلك، بنرمي الماس العندنا، عشان ما نشحد الخردة العند الاخرين!

شئ عجيب!

بالنسبة لي تراجي، ياريت الناس من باب استنباط الدروس، يسترجعو شريط السحل والضرب بلا رحمة، تحت الحزام، الذي تعرضت له، هذه السيدة، الكريمة، المحبة للجميع من دون فرز في هذا الفضاء!

الفارسة تراجي،
فخور بيكي.

السنة دي نرقص المردوم في الطينة، قولي امين!

العزيز بشاشا لست سوة تلميزه مجتهده في مدرستك
مدرسة التواضع و المحبه و التسامح
يظنونك عدواني ولا يعرفون انك اطيب اسنان.

Quote: الفارسة تراجي، فخور بيكي. السنة دي نرقص المردوم في الطينة، قولي امين!

آمين يا رب.