Post: #1
Title: الحـلقــة الأخـــيرة
Author: Ahmed Alrayah
Date: 06-30-2007, 09:51 PM
إنتو يا أخوانـّـا الكــِـضــِـب ده ما عاوزين تخلوهو؟
ما سمعتو بالFair Play ؟
|
Post: #2
Title: Re: الحـلقــة الأخـــيرة
Author: Tragie Mustafa
Date: 06-30-2007, 09:56 PM
Parent: #1
سمعنا بيها يا احمد الريحبال
لكن مع الخصوم الشرفاء؟؟؟
|
Post: #3
Title: Re: الحـلقــة الأخـــيرة
Author: Ahmed Abdallah
Date: 06-30-2007, 09:57 PM
Parent: #1
Quote: إنتو يا أخوانـّـا الكــِـضــِـب ده ما عاوزين تخلوهو؟
|
جاوبي على السؤال يا تراجي
جيبي ليمونكـ و تعالي
|
Post: #4
Title: Re: الحـلقــة الأخـــيرة
Author: Tragie Mustafa
Date: 06-30-2007, 09:59 PM
Parent: #3
انت من جماعة الليمون بالله برضوا؟؟؟
Quote: جاوبي على السؤال يا تراجي
جيبي ليمونكـ و تعالي |
اتاريك بتسأل منه طوالي؟؟؟
|
Post: #5
Title: Re: الحـلقــة الأخـــيرة
Author: Ahmed Abdallah
Date: 06-30-2007, 10:14 PM
Parent: #4
| Quote: انت من جماعة الليمون بالله برضوا؟؟؟ |
هو بالله انتي ........ ونحن ما عارفين ........
ليه حق كان طفش ??
|
Post: #6
Title: Re: الحـلقــة الأخـــيرة
Author: محمد الامين احمد
Date: 06-30-2007, 10:19 PM
Parent: #1
Quote:
سمعنا بيها يا احمد الريحبال
لكن مع الخصوم الشرفاء؟؟؟
|
تحية طيبة،
و مادام هم شرفاء بـ تخاصموهم ليه !!!
___
الموضوع ده كورة و لا سياسية يا بوحميد، لانو بـ يقبل الاتنين
|
Post: #7
Title: Re: الحـلقــة الأخـــيرة
Author: نيازي مصطفى
Date: 06-30-2007, 11:42 PM
Parent: #1
مع اني اخي احمد ما عارف قاصد منو بالضبط في الكضابين لكن قطعا حبله قصير جدا
لايزال المرء يكذب ويتحرى الكذب حتى يكتب عند الله كذابا نسال الله السلامة
تحياتي
|
Post: #8
Title: Re: الحـلقــة الأخـــيرة
Author: Deng
Date: 07-01-2007, 01:41 AM
Parent: #1
Are you coming out of the closet?
دينق
|
Post: #9
Title: Re: الحـلقــة الأخـــيرة
Author: سيف النصر محي الدين محمد أحمد
Date: 07-01-2007, 05:11 AM
Parent: #8
Quote: هو بالله انتي ........ ونحن ما عارفين ........
ليه حق كان طفش ?? |
التعديل تم لعدم تمكني من اضافة وجوه متعجبة و غاضبة و ..قرفانة.
|
Post: #10
Title: Re: الحـلقــة الأخـــيرة
Author: Tragie Mustafa
Date: 07-01-2007, 05:43 AM
Parent: #9
اخي سيف النصر لا تحزن
هذا مستوى الاتحادين هنا .
يطفش ولا يقعد ضفره بالف من مثلك.
اتعاطف مع القاعده معاك واقول ليها ضل الحيطه اخير من ضل رجال زي ديل.
|
Post: #11
Title: Re: الحـلقــة الأخـــيرة
Author: Ahmed Alrayah
Date: 07-01-2007, 03:58 PM
Parent: #1
ماراداونا جاب قوون بي إيدو في إنجلترا سنة 86 في كاس العالم، فـازت
الأرجنتين 2-1، وكانت الحادثة دي سبب في تبني الFifa لمشروع ال
Fair Play وهو مشروع يهدف لممارسة نزيهة لنشـاط كرة القدم على
كـافة المستويات الإدارية والتحكيمية وداخل الملعب وحتى بين
المشجعين.
الإيطالي باولو دي كانيو نال جائزة الFair Play في عام 2001 بعد
أن رفض تسديد الكرة في المرمى الخالي من حارسه المصاب في إحدى
مباريات الدوري الإنجليزي، وصفت الFifa هذا التصرف بأنه:
"A special act of good sportsmanship"
|
Post: #13
Title: Re: الحـلقــة الأخـــيرة
Author: Ahmed Khalil
Date: 07-01-2007, 04:20 PM
Parent: #11
Quote: Are you coming out of the closet?
دينق |
افلس اخوكم دينق!!!
العبارة اعلاه تقال للمثليين(ل و اطيون و سحاقيات) الذين يخرجون للعلن و يصرحون بانتمائهم إلى تلك الفئة.
|
Post: #12
Title: Re: الحـلقــة الأخـــيرة
Author: Ahmed Alrayah
Date: 07-01-2007, 04:06 PM
Parent: #1
سيبو الكبـكبـة!
|
Post: #14
Title: Re: الحـلقــة الأخـــيرة
Author: Ahmed Alrayah
Date: 07-02-2007, 06:00 AM
Parent: #1
| Quote: Are you coming out of the closet |
Quote: افلس اخوكم دينق!!!
العبارة اعلاه تقال للمثليين(لواطيون و سحاقيات) الذين يخرجون للعلن و يصرحون بانتمائهم إلى تلك الفئة |
لا أظنه يا أخ Ahmed Khalil يفهم أن هذا التعبير يستخدم بصورة
حصرية على ما ذكرت في! لكن هذه العشوائية في "انتقاء التعابير"
تتماشى مع عشوائية أخونا Deng في كل شيء!
وطبعاً لو العبارة دي كتبتها أنا، فأنها ستكون كافية لينصب
Deng ورفاقه خيمة من خيم كزام الشهيرة للمناسبات والاستعانة
بSound System ليسمع بكري أبوبكر والقاصي والداني صوتهم
المطالب بضرورة إبعادي حرصاً على القيم والمثل والاخلاق!
من حسن حظ Deng أنني من الذين يغشـَـوْن الوغـى ويعفـّـون عند المغنم! 
|
Post: #15
Title: Re: الحـلقــة الأخـــيرة
Author: Ahmed Alrayah
Date: 07-02-2007, 06:00 AM
Parent: #1
نرجع لموضوع الFair Play...
|
Post: #16
Title: Re: الحـلقــة الأخـــيرة
Author: Mohamed E. Seliaman
Date: 07-02-2007, 06:12 AM
Parent: #15
إنت دحين موش جبت سيرة الكضب بس !!
والكضابون جوك ناطين وريش الأوز على رؤوسهم
|
Post: #17
Title: Re: الحـلقــة الأخـــيرة
Author: Ahmed Alrayah
Date: 07-02-2007, 07:11 AM
Parent: #1
مارادونا وبيتر شيلتون-The Hand of God goal
مارادونا سألوه عن الهدف عقب المباراة فقال إنه أحرزه بيد الله!
ولو كان من الناطقين بالعربية لقلنا إنه قال "وما رميت إذا رميت،
ولكن الله رمى"! ولو كان "كوزاً" لقال: هي بالله، هي بالله، لا باليد
ولا بالراس"!
يعني مارادونا استعمل أسلوب غير شريف للكسب الرياضي، كما اعترف
بذلك في مذكراته بعد أربعة عشر عاما، لكنه كان قد خدع الحكم، و
احتفل بهدفه كأن شيئاً لم يكن، ثم أنكر في بادئ الأمر، فهو إذاً
مخادع وكذاب يرفض الاعتراف بكذبه رغم أنَ العالم -أجمع- شهد على
يده التي نالت ما ليس لها. بالعربي الفصيح، مارادونا وقـِـح!
فالوقح هو قليل الحياء الذي يقترف القبائح ولا يعبأ بها.
وإذا كان مارادونا قد اعترف بعد أربعة عشر عاماً بكذبه، فإنّ هذه
الفترة طويلة -جداً جداً- في عالم المنتديات السودانية! فهي كافية
لأن يكذب المرء ويصر على كذبه ومعه آخرون فتمر السنوات ويأتي
جيل سايبري جديد لا نعلم مدى وقاحته(!)، جيل لا يكترث بدقة النقل
ومدى مصداقية ما ينقله، فتصبح الأكاذيب تأريخاً راسخاً لا شك فيه!
|
Post: #18
Title: Re: الحـلقــة الأخـــيرة
Author: Ahmed Alrayah
Date: 07-02-2007, 07:25 AM
Parent: #1
| Quote: الموضوع ده كورة و لا سياسة يا بوحميد، لانو بـ يقبل الاتنين |
لا كورة ولا سياسة يا محمد الأمين أحمد، الموضوع ده زرزرة عديــل.
زي زرزرة الهلال لي ناساراوا
وبعدين يابوحميد إنت لو قايل "عمايل" Deng وتراجي وصحبهم دي سياسة؛
تبقى مريخابي فعلاً! لأنو نحن -الهلالاب- عارفين إنو علاقة "Deng وتراجي
وصحبهم" بالسياسة، زي علاقة أبالو وباولينو وإيفوسا بالاحتراف!
الموضوع زرزرة بالكورة، أو كورة بالزرزرة، وزي ما شايف الخيارات
مفتوحة، ممكن أعملو كورة عديل والجماعة الشفقانين ديل يطلعوا رجـّـافات!
|
Post: #20
Title: Re: الحـلقــة الأخـــيرة
Author: عمر الفاروق
Date: 07-03-2007, 07:35 AM
Parent: #1
أحمد الريح :
تحياتي...
النايجيري نوانو كانو لاعب الارسنال السابق وفي مباراة في الدوري الإنجليزي والكورة تعادل لاعب من أرسنال أصيب قام لاعبين الفريق التاني طلّعوا الكورة في الأوت ..
لاعب الأرسنال شال الكورة ورماها لي حارس الفريق الخصم كرد من نوع الجميل المتعارف عليه في نظام ال Fair Play ..
أها قووووووووووووم يا كانو أجري للكورة وتووووووووووووشك شوووتا في القون وأجري ونطط بي الهدف والجميع مذهول من تصرف اللاعب لأنو المدافعين والحارس وقفوا...
الهدف كان في اخر الدقائق والكورة إنتهت بي فوز الأرسنال لكن الإتحاد الإنجليزي بعد شاف عمايل صاحبنا وعدم فهمه لل Fair Play ألغى نتيجة المباراة وتمت إعادتها ..
أها يا أبو حميد جماعتك الهنا ديل عاملين زي كانو ده ما فاهمين أي شي لل Fair Play وربما يجيدون ويعرفون وبدرجة ممتازة ال Fair & Lovely
تخريمة :
زرزرة ناساروا خلّيها جماعتك ديل زرزرهم زي زرزرة زيكو ..
|
Post: #21
Title: Re: الحـلقــة الأخـــيرة
Author: tmbis
Date: 07-03-2007, 07:55 AM
Parent: #20
Quote: تخريمة :
زرزرة ناساروا خلّيها جماعتك ديل زرزرهم زي زرزرة زيكو .. |
يا جماعة الكورة كم ...كـــم ؟؟
|
Post: #22
Title: Re: الحـلقــة الأخـــيرة
Author: تاج السر حسن
Date: 07-03-2007, 08:04 AM
Parent: #21
Quote: الإيطالي باولو دي كانيو نال جائزة الFair Play في عام 2001 بعد
أن رفض تسديد الكرة في المرمى الخالي من حارسه المصاب في إحدى
مباريات الدوري الإنجليزي، وصفت الFifa هذا التصرف بأنه:
"A special act of good sportsmanship" |
يا أحمد الريح يا اخوى بتكتب كلام زى ده لى ناس احتفلوا بى قون فلافيو الخجل ناس الأهلى؟
|
Post: #23
Title: Re: الحـلقــة الأخـــيرة
Author: Ahmed Alrayah
Date: 07-03-2007, 04:50 PM
Parent: #1
| Quote: زرزرة ناساروا خلّيها جماعتك ديل زرزرهم زي زرزرة زيكو |
زيكو يا عمر الفاروق له من الحياء ما جعله "يتخارج بالكورة"،
جماعتك ديل كان بكري أبوبكر أداهم كورتهم في يدهم وقال ليهم
اتخارجو بالباب الرئيسي بيجو بالأبواب الجانبية "حتى لو يختفو
تذكرة زول"!
زرزرة ناساروا "تقطع عرق وتسيـّح دمـّو"، حتى لو احتاج الأمر
ضربات ترجيحية!
نسأل الله الFair Play!!
|
Post: #24
Title: Re: الحـلقــة الأخـــيرة
Author: Ahmed Alrayah
Date: 07-03-2007, 04:59 PM
Parent: #1
تمبس
أمش استرزق "بي هناك" وخلينا نشوف رزقنا هنـا!
بعدين إنت تصريح الزرزرة بتاعك محدود [Hackers بس]
أنا الحمد لله عندي تصريح مفتوح
|
Post: #25
Title: Re: الحـلقــة الأخـــيرة
Author: عمر الفاروق
Date: 07-03-2007, 05:48 PM
Parent: #1
يا تمبس:
| Quote: يا جماعة الكورة كم ...كـــم ؟؟ |
طالما الزرزرة زرزرة زيكو (دي مالا بقت لي زي طبق طبقنا يطبق طبكم ..كدي قولا خمسة مرات ورا بعض) يبقا الكورة يا الحبيب 2-صفر لي أحمد الريح ومن قولة تيت وحالياً في ضربة جزاء وشايف زولتك شايلا الكورة وقالت الروب الروب ..
تخريمة :
ناس كنانة أخبارهم شنو ؟
|
Post: #26
Title: Re: الحـلقــة الأخـــيرة
Author: Ahmed Alrayah
Date: 07-03-2007, 11:12 PM
Parent: #1
| Quote: يا أحمد الريح يا اخوى بتكتب كلام زى ده لى ناس احتفلوا بى قون فلافيو الخجل ناس الأهلى؟ |
وها هو تاج السر يعود بالموضوع للكورة المجردة!
ناس مزمل ديل يا التاج جايين عليهم.
|
Post: #27
Title: Re: الحـلقــة الأخـــيرة
Author: Ahmed Alrayah
Date: 07-04-2007, 02:31 AM
Parent: #1
طيّب يا جماعة،
نخش في الموضوع...
|
Post: #28
Title: Re: الحـلقــة الأخـــيرة
Author: Ahmed Alrayah
Date: 07-04-2007, 02:33 AM
Parent: #1
والموضوع هو إنو ندّي الكضابين فرصة يثبتوا فيها أكاذيبهم،
نجيب الكضب بتاعهم، ونشوف حا يقولوا شنو...
والبداية بالكذاب الكبير... Deng!
|
Post: #29
Title: Re: الحـلقــة الأخـــيرة
Author: Ahmed Alrayah
Date: 07-04-2007, 02:38 AM
Parent: #1
كتب الكذاب الكبير... Deng:
Quote:
أنا متأكد مية المية أحمد الريح ده مسح جزء كبير من مداخلاته من الارشيف.
ونحن زاكرتنا ليست بهذا الضعف. الكل يعرف مواقف أحمد الريح الكيزانية الانتهازية
وحملات الارهاب التي كان يقوم بها قبل عدة أعوام بهذا المنبر. لقد شارك في حملة لإهدار
دم عضوة بهذا البورد من قبل. بلاش كذب وخداع معاك يا أحمد الريح |
عندما يمسح العضو من أرشيفه تظهر كما هو معروف هذه الجملة:
(عدل بواسطة...) ومعها تأريخ التعديل.
أما الوحيد القادر على محو مداخلة بصورة كلية فهو بكري أبوبكر...
والHackers!
هل بكري متواطئ معي أم أنني Hacker؟!
|
Post: #30
Title: Re: الحـلقــة الأخـــيرة
Author: Ahmed Alrayah
Date: 07-04-2007, 07:05 AM
Parent: #1
واحد يقول ليك: إنتَ كوز وبتدافع عن الحكومة،
تقول ليهو: طيب ما تمشي الأرشيف القريب ده وتجيب دلائل كلامك ده،
يمشي ويجي ويقول: إنتَ أرشيفك ده مسحتو!
"الوهمة" الجديدة دي ماسك فيها Kostawi برضو!!
يبقى لحدي الآن الكضب لابس Deng وkostawi
|
Post: #31
Title: Re: الحـلقــة الأخـــيرة
Author: Ahmed Alrayah
Date: 07-04-2007, 07:10 AM
Parent: #1
طبعاً كل فيلم لازم يكون فيهو بطل و"خـَـيانة"، والمنبر ده عبارة
عن فيلم ما معروف يخلص متين، عشان كده لازم يكون فيهو أبطال
وخـَـيانة، أو مناضلين وكيزان،
العاوز يناضل، يناضل. بس العاوز يكضب ده حا ياخد على راسو لامن
يآمن! ومن هنا ولي قدام أي كضبة ستحسم في مكانها، وقد أعذر من
أنذر!
|
Post: #32
Title: Re: الحـلقــة الأخـــيرة
Author: bayan
Date: 07-05-2007, 07:06 AM
Parent: #31
Quote: وطبعاً لو العبارة دي كتبتها أنا، فأنها ستكون كافية لينصب
Deng ورفاقه خيمة من خيم كزام الشهيرة للمناسبات والاستعانة
بSound System ليسمع بكري أبوبكر والقاصي والداني صوتهم
المطالب بضرورة إبعادي حرصاً على القيم والمثل والاخلاق! |
قووووووووووووووووووووووووووووووووووووووووووووووون
قووووووووووووووووووووووووووووووووووووووووووووووون
قوووووووووووووووووووووووووووووووووووووووووووووووووون
احمد الريح يسجل قون رائع رااااااااااااائع..
|
|