Post: #1
Title: انتو علي عثمان ما جا الاحتفال والا انا عيوني مطششات؟!
Author: د.محمد حسن
Date: 06-30-2007, 09:34 AM
امس وعلى الرغم من اني كنت مشغول بي اسبيستون لكن مرة مرة برجع لفضائية الانقاذ اشوف الحاصل شنو
لكن لاشفت سلف الخير ( سيلفاكير) ولا شفت على عثمان
وبعدين ذوقيا كا نوا يعزموأ الشيخ الترابي
والله ما عندهم ذوق
|
Post: #2
Title: Re: انتو علي عثمان ما جا الاحتفال والا انا عيوني مطششات؟!
Author: أبو الحسين
Date: 06-30-2007, 09:43 AM
Parent: #1
| Quote: انتو علي عثمان ما جا الاحتفال والا انا عيوني مطششات؟! |
تسلم عويناتك يا دكترة
إنت عارف بالرغم من إنو ذكروهو في عدة خطابات لكن أنا برضو ما شفتو.. لكن ماب أجزم ليك إنو ما موجود...
لكن المتأكدو هو عدم وجود سلفاكير...
لكن عليك الله يا محمد يا اخوي شفت خطاب السيدة تابيتا بطرس... شفت قوتو وترابطو ولغتو العربية الراقية من غير خطاب مكتوب...
إنت عارف أمس أنا إتكيفت منها تب... وقلت ليها أمك ما تلد نارك يا تابيتا...
لك مودتي يا صديقي...
أبو الحســـــــين...
|
Post: #3
Title: Re: انتو علي عثمان ما جا الاحتفال والا انا عيوني مطششات؟!
Author: د.محمد حسن
Date: 06-30-2007, 10:30 AM
Parent: #1
(إنت عارف بالرغم من إنو ذكروهو في عدة خطابات لكن أنا برضو ما شفتو)
بقينا اتنين
قواسيب مودة وبلح سكري
|
Post: #4
Title: Re: انتو علي عثمان ما جا الاحتفال والا انا عيوني مطششات؟!
Author: Nasruddin Al Basheer
Date: 06-30-2007, 11:04 AM
Parent: #3
الثعلب علي عثمان لم يحضر للاحتفال
أنا ما عارف السبب لكن ممكن يكون ما عزموهو
وهو قال ما بحب الضهب ولا بحب عيزومة المراكبية
لكن في الغالب يكون غايبلو فوق راي...
لكن عبد الرحمن سعيد كان موجود.. ما عاجبك ولا شنو؟
شفت ألقى الخطاب كيف؟ لغة عربية مكسرة ويتهجى في الكلام
بطريقة مملة ومخجلة..
بتاع الكاميرا لما زهج منو وجّه الكاميرا لواحد قاعد يوزع في الموية.
استفزاز شديد مش كده؟
أمس أول مرة أعرف إنو (منذُ) ممكن يكون ذالها مبني على النصب من سعادة الفريق..
في الأول افتكرتو أحمد الميرغني لكن لما قرأ عبارة
(والسلام عليكم ورحمة الله وبركاته) الأخيرة مقرونة بما سبقها من كلام،
قلت ده ما أحمد الميرغني..
لأنو أحمد الميرغني (الله يطراهو بالخير) كان من عادتو إنو بعد يغادر
المنصة قاعد يجي راجع ويفتح الورقة ويقرأ منها
(والسلام عليكم ورحمة الله تعالى وبركاته)..
أمس الفريق عبد الرحمن سعيد أكد لينا إنو تواصل الأجيال ما زال موجوداً
أنا كنت خايف إنو أحمد الميرغني ما يكون عندو خليفة..
لكن سعادة الفريق (الله يباركو) أكد لأحمد الميرغني إنو
(اللي خلف ما ماتش)..
وأمس تأكدت مربوطة التجمع السماها في قبولو
سقطت ليه..
|
Post: #5
Title: Re: انتو علي عثمان ما جا الاحتفال والا انا عيوني مطششات؟!
Author: د.محمد حسن
Date: 06-30-2007, 02:54 PM
Parent: #4
لو ما عزموه يكونوا تب اتلوموا
اما اخونا عبدالرحمن سعيد
فذكرني حكاية حصلت ايام نميري
سفير السودان بالقاهرة دعوه لحفل عشاء افتتاح سفارة العدو الصهيوني
السفير ضرب لخمة
اتصل بالخارجية
الخارجة حولت الموضوع لي ابعاج
الريس اتصل بالسفير
وقال ليه
( امشي
لكن ما تتعشي)
يعني اخونا بتاع التجمع المدجن ده لو ما اتعشى مش كان احسن ليه؟!!
|
Post: #6
Title: Re: انتو علي عثمان ما جا الاحتفال والا انا عيوني مطششات؟!
Author: د.محمد حسن
Date: 07-01-2007, 08:57 AM
Parent: #1
قال نصار
المعارضة ليست احزابا او افراد
انها موقف
ده كلام مضبوط 100%
|
|