Post: #1
Title: ســلامـــات تانــي .. و .. شــوق .. الشــوق !!!
Author: معاوية كرفس
Date: 06-28-2007, 00:15 AM
Parent: #0
.
|
Post: #2
Title: Re: ســلامـــات تانــي .. و .. شــوق .. الشــوق !!!
Author: خضر حسين خليل
Date: 06-28-2007, 00:29 AM
Parent: #1
آرعاوة العرب الرحل ما لاقاكم في المطراني في كاويق الجرف الامحل عن ساساق الغيمة عليكم
..........
وهكذا تعود ياصاحبي تعود وما بالقلب بالقلب من تفاصيل أنت أدري بها تعود لتسكن هذا المنبر بموضوعيتك بنفسك الهادي بإبتسامتك الواثقة في الغد الاتي ياكرفس ألم نقل يوما ما ( بأن يوم بكرة جميل ضواي ووسيع) هذا المساء أيضاً هربت من تفاصيل هذه البلاد بمصطفي طريتك جنس طرية , وطوريتك في الطين مرمية وكوريتك يابسة ومجدوعة , هذا المساء لك إذن بكل تفاصيله التي نثرتها هنا وهناك , شوقاً , بحثاً حباً , إحباط , كلها بقرش ونص ياصاحبي وأجمل مافي الامر هوذا حضورك بيننا هاهنا , وماذا عن خرطومنا خرطوم العزيمة والهزيمة خرطوم المطاليق المطاميس العناء خرطوم الليالي الانيقة والاصحاب طيبي السيرة والسريرة أقرؤها هنا كلما مدني الحزن بمقترح جديد يضيفه السادة أولياء نغمتنا كرفس ياخ بي حنين شديد لونسة عريضة كعرض حال صاحبنا الذي يجلس دوماً أمام محكمة النظام العام ( هههههه) راجل ماعندو شغله ساي ... هكذا أجابني أحد الذين أكتوي ظهره بسياط السادة الذين يمثلون دوماً ظل الله في الارض الوارثين خلافته بأمر الصولجان والعسكرمافيا .... ثم بالله عليك أن تحدثني عن الشوق المقيم . أو تلك التي في الخاطر كرفس ياخ شكراً لك وأنت تهديني شجرة مسكيت أستظل بها يوم لا ظل في المنبر الا شجرتك هذه ومسكيتك الذي ينضح بالمحبة . أنا مبسوط مبسوط ونهال الطيب كذلك حتماً
|
Post: #3
Title: Re: ســلامـــات تانــي .. و .. شــوق .. الشــوق !!!
Author: نهال الطيب
Date: 06-28-2007, 00:29 AM
Parent: #1
كرفس
عشرات حبابك
سلامات يسلم شبابك
|
Post: #4
Title: Re: ســلامـــات تانــي .. و .. شــوق .. الشــوق !!!
Author: Salwa Seyam
Date: 06-28-2007, 00:54 AM
Parent: #1
مرحبتين حبابك ..
|
Post: #5
Title: Re: ســلامـــات تانــي .. و .. شــوق .. الشــوق !!!
Author: خضر حسين خليل
Date: 06-28-2007, 11:58 AM
نحنا ماصدقنا إنك بي جلالك جيتنا زائر
|
Post: #6
Title: Re: ســلامـــات تانــي .. و .. شــوق .. الشــوق !!!
Author: Nadia Elsir
Date: 06-28-2007, 12:05 PM
Parent: #5
العزيز كرفس,
الفتى الاسمر الهادي القسمات
وييييين اراضيك !
او فى رواية اخرى ..............
افتقدتك الله يعلم!
|
Post: #7
Title: Re: ســلامـــات تانــي .. و .. شــوق .. الشــوق !!!
Author: sudania2000
Date: 06-28-2007, 12:22 PM
Parent: #6
سلام يا شوق
وكلك ذوق
تفتح بوست ترد ع ناس في بوست ارشف دا منتهي الذوق
أديتني الفكرة وخفت أبوبكر يحمر لي ويصرخ الباندوث
كلك ذوق يا ذوق
بالرغم من انو كلامك سمح بالحيل لكن بالرقم حقتك زهجتني
|
Post: #8
Title: Re: ســلامـــات تانــي .. و .. شــوق .. الشــوق !!!
Author: طارق جبريل
Date: 06-28-2007, 04:20 PM
Parent: #1
على سبيل التحية
|
Post: #9
Title: Re: ســلامـــات تانــي .. و .. شــوق .. الشــوق !!!
Author: عاصم ابوبكر حامد
Date: 06-28-2007, 05:25 PM
Parent: #1
الف حمدلله على سلامتك يا بطل ...
كنا ننتظر طلتك الرائعة ....
الف حمدلله على سلامتك ...
|
Post: #10
Title: Re: ســلامـــات تانــي .. و .. شــوق .. الشــوق !!!
Author: Emad Abdulla
Date: 06-28-2007, 05:59 PM
Parent: #9
شكراً لكل من/ما أعادك ..
يا رجل .. مرقَتَك خَرَبَتْ الحِزية .
معاوية كرفس .. سلامات . سعيد بعودتك .
|
Post: #11
Title: Re: ســلامـــات تانــي .. و .. شــوق .. الشــوق !!!
Author: بهاء بكري
Date: 06-28-2007, 10:34 PM
Parent: #1
يامعاوية كرفس نحن بنحبك ساكت كده ........ يعني حقك وشيوعيتي ماليهم دخل ............ انت بس تعال عشان نمزج حقك بشيوعيتي .......... احكي ليك ......... استاذي واخي الاكبر فيصل محمد صالح حينما كان مديرا لتحرير الخرطوم ( المعارضة ) بالقاهرة قال لي انتو والشيوعيون بتلعبوا بينا...... قلت ليهو خير يااستاذ في شنو ؟ .......... قال لي امبارح سالت سؤال للخاتم والتيجاني وكانت الاجابه متطابقة ........... اها ياصديقي نحن متطابقين لمائة سنة قادمة ........... الاسئلة واحدة والاجابات متشابهة ............ وبلدنا محتاج لتعاضدد الشرفاء .......... وجل عضويتنا وعضويتكم من الشرفاء .......... مودتي
|
Post: #12
Title: Re: ســلامـــات تانــي .. و .. شــوق .. الشــوق !!!
Author: معاوية كرفس
Date: 06-29-2007, 01:28 AM
Parent: #1
.
أحبائي/نهال الطيب , خضر حسين خليل
إنتو مافي كلام أقدر أقولو ليكم غير في الخاص
في المسنجر .
_______________________________________________
الأعزاء/ Salwa Seyam و طارق جبريل و عاصم ابوبكر حامد .
أنا منون جداً لحرصكم عليّ . _______________________________________________
العزيزة جداً/sudania2000
في البداية عايز أقول ليك
إني مبسوط شديد للتلفون التم بيناتنا اليوم داك
( بالرغم ) من إنو سببو كان حاجات بايخة
لكن أنا مبسوط منو .
بعدبن إنتي بي وشك قطعتي خبرك !!!!
و تانياً ناس الإرشيف ديل عندهم حق علينا
نعمل شنو ما بنقدر نتملص منو .
غايتو حقي الأدبي دا بتاع الرد لي ناس الإرشيف ديل أحفظيهو لي .
و كمان مشكورة شديد علي التصحيح اللغوي
إنتي بس ما قريتي كتابات لي صاحبنا خضر حسين خليل .
تعرفي
أنا أصلاً عندي إشكال مع اللغة الصارمة ذات القوانيين و ليست القواعد ،
هو أصلاً المطلوب شنو ؟؟
إنك تفهمي أنا عايز أقول ليك شنو
يعني أوصل ليك فكرتي
ولا أنا ألبس ليك بدلة وكرفتة
و أقول ليك قولي .
شان كدا دايماً ما تجدي معظم كتاباتي في هذا المنبر بالدارجي .
أنا الصرامة دي مكجنا شديد ..
و ( بالرغم) مما سبق لك كل ودي .
و بعدين راجي منك تلفون رد لي تلفوني ليك . _____________________________________________
أستاذي/ Emad Abdulla
وهو يا صاحبي هذا المنبر
من دون هوائكم النضيف مؤخراً
تفتكر كان ممكن السكن فيه .
حدثني صديقين عزيزين لدي عنك كثيراً
نهال الطيب و خضر حسين خليل
و ديل ناس هوائهم عليل
ليك حبي حتي يكون بيننا تواصل .
____________________________________________
الرائع/بهاء بكري
Quote: استاذي واخي الاكبر فيصل محمد صالح حينما كان مديرا لتحرير الخرطوم ( المعارضة ) بالقاهرة قال لي انتو والشيوعيون بتلعبوا بينا...... قلت ليهو خير يااستاذ في شنو ؟ .......... قال لي امبارح سالت سؤال للخاتم والتيجاني وكانت الاجابه متطابقة ........... اها ياصديقي نحن متطابقين لمائة سنة قادمة |
بس قرض علي كدا يا صاحبي و كلم كل الناس .
____________________________________________
أجمل زول و أعزّ زول
Nadia ELSIR
Quote: افتقدتك الله يعلم! |
إنتي عارفة أنا ما حأكتب ليك أي كلام هنا
لو ما إتصلتي بي بالتلفون
و عرفنا نحن مالنا ؟
راجيك شديد ..
_____________________________________
انا مبسوط بيكم شديد م.كرفس
|
Post: #13
Title: Re: ســلامـــات تانــي .. و .. شــوق .. الشــوق !!!
Author: نهال الطيب
Date: 06-29-2007, 09:43 PM
Parent: #12
سمع أهلا من الأحباب شروق آمال
ووصف البهجة بالكلمات محال يتقال
حلاوة العودة غنيناها في موال
يحكي عن الولف
وأصلو الولف كتال
جميلة جيت النوارس
|
Post: #14
Title: Re: ســلامـــات تانــي .. و .. شــوق .. الشــوق !!!
Author: معاوية كرفس
Date: 06-30-2007, 07:41 PM
Parent: #1
.
تسلمي نهال
و ودي م.كرفس
|
Post: #15
Title: Re: ســلامـــات تانــي .. و .. شــوق .. الشــوق !!!
Author: معاوية كرفس
Date: 07-01-2007, 09:34 AM
Parent: #1
.
سلامـــات
|
|