ترحيب ثاني بالصديق أزهري هاشم

صديقنا العزيز أزهري هاشم الذي يستحق أكثر من الترحيب ......
الأرشفة لم تتح لنا الفرصة للترحيب به كفاية..

عظيم شكري لكل من رحب بأزهري...
ولي عودة لهم

تانى اهلا بيك ازهرى وتالت كمان!

وعليك أن تحيا
وأن تعطي
مقابل حبة
الزيتون جلدك

(درويش)

ثم كان ما كان من أمر هذا الغريب




أزهري هاشم
الحبوب الدوغري الوسيم
هل أتيت ياصاحبي لتنقذني كعوائدك
الان لكم أحتاج لليل نؤسس تفاصيله
بمزاااج ليل يضيئ سماء الديم
بذات الصفاء النقاء الطهر الذي كنت
ولا ذلت بالتأكيد تضوي به تلك المساحات القليلة
التي كتب لنا أن نمشي في جمرها
ياااااااااااه ياحيمورة يا أم سلمي ويا أخت دمي
أزهري لدي مالدي من ونسات طازجة كنت أفكر في أرسالها
لك الكترونيا فالان إستحال لقاؤنا اليومي ( الاسبوعي)
وبالتالي يمكننا أن نرغي دون أن يتلصص لثرثرتنا أحد
الان يا أزهري يمكنني أن أخرج وأنا مطمئن جداً علي
الجمال الذي ستسكبه هنا
ولأن أولاد الحلال يا أزهري مجبولون دوماً علي الحياء
أدري جيداً بأنك ستتلصص قبل أن تدخل لهذا المكان
حينها ربما ستسمعني قاسم أمين أو نيرودا أو تحكي لي
عن مشاوير قضيتها حباً وكرامة وأحكي لك عن سهي
وعن ندوية الجدعة وحيمورة وعن حبيبات لا أذكرهم الله يذكرهم
هناك يا أزهري عند إكتمال التفاصيل عندما نكون في قمة
الصدق هناك حيث يقبع ثالث الاثنين كرفس هذا البني آدم
الجميل المريح هناك يا أزهري مابين الغرفة والمطبخ
مابين اللاب توب وجرعة ماء نبلل به صمت ريقنا
هناك كثير من التفاصيل التي يجب أن لا ننساه
بدوي ياصديق سأعمل علي ذلك فقط ثق بأني أحبك جداً والله
علي ما أقول شهيد أحبك يا أزهري يا واضح ياحبوب
يادوغري عديل .
ثم بالله عليك دع الارق يمر دعه يمر يا أزهري وما حلمنا به
( حيجيك ) .

لا شيئ ياصديقي غير أني أعدك بإقامة طويلة في هذا البوست المريح

شكراً اشراقة
شكراً ازهري
شكرا نادية
شكراً لكم وأعصروا علي بعض

خضر

الف مرحب بالرجل الخلوق والعزيز أزهرى ..

اتمنى له اقامة طيبة بيننا ....




فعلا الاستاذ ازهرى رجل رائع ويستحق الاشادة...


شكرا يا اشراقة وانتى ما بتجبى الا السمح يا سمحة(عمتو_وخالتو)

الأعزاء ريهان ..
نادية السر
خالد العبيد
السموأل بدر الدين
أميرة الشيخ
إنعام حيمورة

إنتو طبعاً عارفين أزهري سيد بيت وما زول غريب
كتر خيركم وبارك الله فيكم

أبوالحسين قواسيب المودة وكيمان المعزة

الصحافة 30 وينك يا رجل؟؟ تشكر

القردابي .... بدون تحفظ مرحب بيك

ربيع السماني... رفيق الزمن السمح سلامات يا زول

تماضر الخنساء
بت ملوك العز... أصلك صاحبة واجب

إنعام عبد الحفيظ

Quote: بت حيمورة المن تالك كلو سمح

تسلمي يا حبيبة

ونرحب تاني بازهري

اهلا ومرحبا بأزهري هاشم نورت المنبر،،،

مشتاقين يا هناية..

ريهان الريح
نحن بالأكتر يا هناية

المعز
تشكر كتير والجاي أجمل

رشا سالم عروستنا...
والله مشتاقين

مصطفى سري.... إنت قايل أزهري دا قدرك ولا شنو؟؟؟
أزهري دا صغير وجاهل

الإبن عاصم
تشكر يا بطل وسلمى دي إنت قايلها هينة لمن يلعبوا بيها؟؟

عمرو كمال
زي ما قلت إنت كمان:

Quote: زولك ده ياهو البجيك براه ، لا داير( باص ويرد) لا إشتراك ولا دعوة

المعز أبو نورة.... وصلت تب.. ياهو أخو نجم الدين

خدوري

Quote: هناك يا أزهري عند إكتمال التفاصيل عندما نكون في قمة الصدق هناك حيث يقبع ثالث الاثنين كرفس هذا البني آدم الجميل المريح هناك يا أزهري مابين الغرفة والمطبخ مابين اللاب توب وجرعة ماء نبلل به صمت ريقنا هناك كثير من التفاصيل التي يجب أن لا ننساه

شوقك تاني....

نهال الطيب
يكفي إنك تتشاركي هذا الاسم البديع مع البت النسمة نهال كرار... تسلمي

الف الف مرحب

ترحيب حار و سلأم مربع

يا إشراقة أنا ماشفت الترحيب الأول بالعزيز الغالي أزهري هاشم
لكن حتى ولو شفتو وبه رحبت
ممكن تاني أرحب به هنا
بل ممكن أرحب به في كل صباح
الزول ده احد رفاق أواخر الزمن السمح
وزولآ وارث المرجلة والبطولة من عمو ، الرائد فاروق حمدالله
ووارث الوسامة مننا

الجابو يجيب كمان عقابو
ناس بشرى المكي
علا بالمناسبة وين دكتور صلاح أحمد إدريس { الاحيمر }؟

الف مرحب بيك

وتانى نضبح ليك


البيت بيتكم
تحياتى
محمد

مرحبااااااااا تانى يا اشراقة وتالت ورابع..

بس حاجتين محيرنى..

الحاجة الاولى..

انو ازهرى يا دووووب عضو هنا....

والحاجة التانية...

خضر حسين برة السودان وكمان فى السعودية...

اهلا يا برلوم...( ازهرى)

ومرحب كبيره بأزهري..

وكيفنك يا اشراقه..

بت حيمورة ، سلامات
يعني الزول دة تعملوا ليهو صبحية ، ما رحبنا المرة الفاتت
بعدين انا اصغر من ازهري بعشر سنوات ، الزول دة قرا
في العراق ولف ودار ونحن طلبة متوسطة ، هو اصغر من اب ساندرا
بسنتين فقط ، طيب نرحب بيهو تاني .
شايف اب ساندرا داير يلم جماعتو هنا صلاح الاحيمر وبشري المكي
وبعد شوية يقول ليك شنان ، ما مكفيك فيصل هليل ، هوي ما تعمل
شارع عباس زلط دة هنا، قيلها باشدار عجبي

Quote: والحاجة التانية... خضر حسين برة السودان وكمان فى السعودية...

لأميرة الشيخ السلام كله وهي تتفقد أحوالنا
التي إنقلبت بين يوم وليلة . فهانذا صديقتي
أميرة أعود الي هذه البلاد ولسان حالي يردد
مع طيب الذكر الوسيم الدوش ( أتوه من مرفأ لي مرفأ)
أميرة سلامي للخرطوم ولكل مراكز التنوير فيها
سلامي للاصدقاء/ت الذين لم يكن هناك وقت حتي لوداعهم

ثم بالله عليكي يا أميرة
جيبو لينا أذهري دة سريع فلم نعد نحتمل غيابه أكثر
بلغيه ذلك وحيجي براهو

طـــق خااااص


الوريف أزهري ..

يا ابن هذا التراب ..
يا رجلا من زمن ابيض ..
اتذكر دوما كتفك الذي لا يستدير ..
طلتك البهية ... وحديث لم نكملة سويا عن وطن يخصك ..
يخصهم .. يخصنا ..

هل ما زلت تنظر في البعيد ...

كن بيننا ..
أو كن فينا ..



كن لنا ..

بهجة الدنيا وشبابا
وإبتساماتك حبابا

كيف الحال يا إشراقة

أكيد الجاى من تالاك مضوى

آلاف المراحب بالأزهرى

اهلا بيك استاذ ازهري

منور البوست ..

يلا ابدأ لينا بداية قوية كده ..


شكرا اشراقة ..

هل ...... لساهو الزول دة ما جا

أزهري بتعرفني كويس لو ما جيت أقلاها
يوم باكر صدقني حتتعب معاي

يا مراحب

عاش من سمع عنك

منور

مرحبا بالأخ أزهري هاشم
و تحياتي الحارة
للأخت الراقية إشراقة

كل الود
غادة

Quote: يا ابن هذا التراب .. يا رجلا من زمن ابيض .. اتذكر دوما كتفك الذي لا يستدير .. طلتك البهية ... وحديث لم نكملة سويا عن وطن يخصك .. يخصهم .. يخصنا ..

عزيزتي ... إشراقة

تسلمي


كل من طرفك ... مرحب به من طرفي


ومودتي

كتب المتمرد مصطفى سري:

Quote: شايف اب ساندرا داير يلم جماعتو هنا صلاح الاحيمر وبشري المكي وبعد شوية يقول ليك شنان ، ما مكفيك فيصل هليل ، هوي ما تعمل شارع عباس زلط دة هنا، قيلها باشدار عجبي

ياريت والله
شنان
وكمان
محمد عوض أمان

عباس زلط ؟
يا سلالالالالالالالالالالالام ياخ
فتحت فينا نهر ذكرى وريد

مساهم الله بالخير جميعآ
ومساك
وسمية ثيرتفكيت

الزول ده أنا مرحب بيه لأسباب كثيرة :
1- سوداني
2- آل حيمورة (مرقهم ما فيه شق)
ناس السر حيمورة وأبناء جدى ابراهيم أبوعاقلة
3- الدخلوا في البوست ده من (ملح الأرض) ما شوية
4- صديقي اللدود (أبوساندرا) ما تخليها مستورة
وبلاش (بشرى المكي) رغم أني أشتاقه كثيرا وصديقه
(ياسر نصر)
5- فيا أزهرى هاشم (أبقة داخل) ولو في طريقة يكون
معاك أحدهم (محمد- وليد - عصام أبناء جدى ابراهيم
أبوعاقلة )
وشكرا ليك يا اشراقة علي هذه الهدية .
لا لا يا اشراقة أنا نسيت أهم حاجة ذكرها أبوساندرا
فالقادم ابن أخ الشهيد البطل حمدالله وقرانا في ريفي
واحد هم من الخولاب ونحن من المناصير والجداع برمي
حجره في الحلة التانية وفي هذه نقف تعظيما
(وهذا هو التعديل)

الأخ أشرف الباقر
تشكر على الترحيب
أسعدتني مشاركتك

أبو ساندرا... الرجل العجوز
إنت ترحب بأزهري ولا على كيفك

محمد مختار الزيادي
ألف مرحب بمشاركتك وتشكر على الترحيب

أميرة الأميرة
أزهري كان عضو من منازلهم ...
وتانياً إنتي سفر خضر دا يطرشك ما سمعتي بيه؟؟

بت الخليفة ...منى
العروس المفاجأة
يا ست الواجب... والله شوقنا بحر وياريت العريس دا يجيبك السودان

مصطفى سري... عليك الله أزهري عندو زي صلعتك دي؟؟

خدوري
باين عليها السعودية عملت فيك عمايلها... شوق شديد

الوريف خالد ماسا
دي من كرامات أزهري إنك ظهرت... ياخي .... والله أتحداك

الجميل أبوذر
الدنيا خريف وريحة الدعاش ماليانا
بالله طل علينا وأدينا رشة من النوع البيغسل جووووووه

شقيقي علاء
سلامات يا أبو هبة تشكر كتير

هادية محمد
مرحب بيك وتشكري كتير على الترحيب

العزيزة غادة عبد العزيز
سلامات يا زولة يا راقية

حيدر قاسم رفيق الأيام السمحة
وود الحلة
البعيد القريب
سعيدة بطلتك... أبقى قريب

عاطف مكاوي
نسيبنا وقريبنا
نورت شرفت

وليكم كلكم
أزهري جاييكم بي رواقة

أزهري هاشم
مرحبا بك ونورت
البورد ونحن في أتم الاستعداد للمساعدة في المهمة الجديدة
وىسف للترحيب المتأخر

العزيز اشراقة
تحياتي
قبل ساعتين كنا في سيرتك الجميلة
رقية وعوض الفاضل وصديق آخر

ازهري
يا بن عمي
حليلك يا الارشفوك
تعال ما تطول الغيبة

Quote: حليلك يا الارشفوك

دي شديدة..

قال ثم من ؟

قال أزهري

كتبت شرروق

Quote: أبو ساندرا... الرجل العجوز إنت ترحب بأزهري ولا على كيفك

رحبنا بدل المرة مرتين
وممكن نرحب الف مرة

وأهو انا رفعت ليك البوست من غياهب الجب
من ص 46

ده كلو بأمل أن يتفضل أبوالزهور
ويخرق الدستور
ويشاركنا الكتابة

مرحب ياازهري وبرضوا بيسلم عليك عزالدين الطيب الخضر