Post: #1
Title: حيمورة اخوان
Author: ودقاسم
Date: 06-26-2007, 12:16 PM
إنعام
إشراقة
علاء
أخرجتهم إلينا أسرة واحدة ... ما شاء الله ، عيني باردة ... وهم أشقاء في سودانيزأونلاين دوت كوم...
عن قرب وبقدر كبير عرفت إشراقة، وعن قرب وبقدر متوسط عرفت إنعام ، وعن بعد عرفت علاء ... ومعرفتي ببعض أفراد الأسرة يعود للسبعينات .. وأخيرا عرفت حاتم ( العريس ) ..
هؤلاء - آل حيمورة - يفيضون بالحيوية والنشاط ، وعلو الهمة ... تابعت بعض ما يقوم به بورداب الخرطوم ووجدت إشراقة وإنعام دائما في المقدمة ...
ثم تابعت بعضا من حملة وليد دارفور - جناح بورداب الرياض - وكان علاء هناك ..
تابعت حملة دعم غادة نوري ، وكان آل حيمورة هناك يواصلون ويتواصلون ولا يهدأ لهم بال إلا بعد ان تكون رايات النجاح قد رفعت خفاقة في سماء الإنسانية ..
تتصف إشراقة وإنعام بروح اجتماعية عالية ... وتتمتعان بروح الفريق ، وتفيضان بالحميمية تجاه الأصدقاء واصحاب المودة ...
وأنا أخوض مع إشراقة في أحاديث شتى ، علمت أن بيننا مصاهرة ... وتأكدت أن السودان ضيّق للغاية رغما عن امتداداته الواسعة .
ليت القريبين من إشراقة وإنعام يكتبون لنا عنهما ..
وليت القريبين من علاء يكتبون لنا عنه ..
وليتنا نتعلم بعض ما يفعله آل حيمورة تجاه الإنسانية ،،، وليت الأيام تكشف لنا المزيد من وسامة الزملاء والزميلات ...
|
Post: #2
Title: Re: حيمورة اخوان
Author: هاشم أحمد خلف الله
Date: 06-26-2007, 12:20 PM
Parent: #1
التحية لآل حيمورة جميعاً .
|
Post: #4
Title: Re: حيمورة اخوان
Author: ALGARADABI
Date: 06-26-2007, 12:28 PM
Parent: #2
حاجز هنا
|
Post: #15
Title: Re: حيمورة اخوان
Author: علاء الدين حيموره
Date: 06-27-2007, 09:13 AM
Parent: #4
حبيبنا القرضابي
اهلا بيك ومكانك محفوووووووووووووووظ ..
تسلم ومودة الحيموراب ..
|
Post: #14
Title: Re: حيمورة اخوان
Author: علاء الدين حيموره
Date: 06-27-2007, 08:57 AM
Parent: #2
الحبيب هاشم
الف تحية ليك من آل حيمورة .. من عميد الاسرة والى اصغر حيمورابي ..
تسلم يا ابو أحمد ...
|
Post: #3
Title: Re: حيمورة اخوان
Author: saif massad ali
Date: 06-26-2007, 12:21 PM
Parent: #1
ود قاسم
سلام
ده السودان بلعك تب
التحية للحيموراب
|
Post: #16
Title: Re: حيمورة اخوان
Author: علاء الدين حيموره
Date: 06-27-2007, 09:39 AM
Parent: #3
أخونا سيف
تحيات نواضر
الف شكر وتسلم كتير ..
مودة الحيموراب كلهم
|
Post: #5
Title: Re: حيمورة اخوان
Author: انعام حيمورة
Date: 06-26-2007, 12:45 PM
Parent: #1
ود قاسم ...
برغم من اني اليوم كنت اود الوقوف عن الكتابة حدادا على زميل البورد الصحفي غازي السر ..
الاني قد رأيت ما كتبته .. لك التحية الى ان اعود ..
|
Post: #6
Title: Re: حيمورة اخوان
Author: Ishraga Haimoura
Date: 06-26-2007, 01:10 PM
Parent: #1
العزيز ود قاسم
نحن ما بنحب الشكر
| Quote: وكان آل حيمورة هناك يواصلون ويتواصلون ولا يهدأ لهم بال إلا بعد ان تكون رايات النجاح قد رفعت خفاقة في سماء الإنسانية .. |
دا بس من كرم أصلك
|
Post: #7
Title: Re: حيمورة اخوان
Author: HAYDER GASIM
Date: 06-26-2007, 05:17 PM
Parent: #6
الأخ ... ود قاسم
تسلم
أعرف هذا الثالوث ... وعن تجارب ضالعة
فى عمق التاريخ ... فهم كما قلت ... وأكثر .
بالحساب الجماعي ... يتقد المركز الحيمورابي
كشعلة وسط الظلام , يمنحنون الأمل ويدعمون المحتاج
... ولوجه الله .
وبالحساب الفردي ... فكل واحد بينهم يتفوق على نفسه .
ربنا إحفظم ... ويغطيهم من { العين } ... ومن كل مكروه .
مع مودتي
|
Post: #20
Title: Re: حيمورة اخوان
Author: علاء الدين حيموره
Date: 06-27-2007, 02:15 PM
Parent: #7
الزعيم / حيدر
حبابك في حوش حيمورة ..
شكرا على كلامك المنمق ..
نرجع ونقول ما اهو نحن جزء من الاسرة الكبيرة ( مجتمع الخرطوم ) الجميل ..
اسرة الصحافة الفيافة ..
وشفت كيف وقفة الناس مع بعض ..
الافراح والاتراح ..
بجو اهل اي زول من ناس الصحافة بجو ضيوف ..
لانو ناس الصحافة ما بكونوا خلو شيء ..
يسلم ود قاسم وتسلموا كلكم ..
شكرا ليك يا زعيمنا ..
|
Post: #8
Title: Re: حيمورة اخوان
Author: خالدة البدوي
Date: 06-26-2007, 05:25 PM
Parent: #1
التحية لآل حيمورة
أنا قايتو تكفيني ابتسامه
هبوية ،،،
هبة الله علاء الدين حيمورة
البوردابية اللذيذة،،
تحياتي الصديق ودقاسم
والاسرة ،،،
لا يأتي بالجمال إلا الجميلين ،،،
|
Post: #22
Title: Re: حيمورة اخوان
Author: علاء الدين حيموره
Date: 06-27-2007, 02:19 PM
Parent: #8
الاستاذة / خالدة البدوي
ونحن بكفينا تعبيرك الجميل يا اصيلة ..
بادلتكم الحب هبة الله
فانتم من زرعتو فيها حب الناس والابتسامة ..
الله يديك الصحة والعافية ويخلي ليك اولادك ..
تسلمي ..
مودتي وهبة الله
شكرا تاني يا ود قاسم
|
Post: #9
Title: Re: حيمورة اخوان
Author: صديق الموج
Date: 06-26-2007, 07:38 PM
Parent: #1
ودقاسم اولا تحياتى لفوزيه والاولاد اول شى نسلم على اولاد امدرمان..
ثانيا التحيه ليك ولاهل العوض حيثما كانوا..
ثالثا بيننا ايضا شقيق علاء وانعام وهو بوردابى اصيل وعضو كسول
د.عماد حيمورة.
اشراقه تبقى بنت عمهم..
ثالثا يوجد هنا الحيموراب خالد وعمر وخالد كان يشاركك نفس المبنى...
فى شركة تداول ناشطيين اجتماعيا كسلانين اسفيريا..
لم يطلبوا الانضمام الى هنا فكلهم مجاهدون ورجال وطنيين بحق..
التحيات للحيمورابيات عندك وانا اسلم على (الحمامير) عندى،مش الجمع كده ياعادل جبارة..
باعتبار معاك الحروم وانا معاى الرجال...
التحايا للحيموراب حيثما كانو وتسلم يازول يا كيك بختك
قربت تبقى امدرمانست كلها 99 سنه وتاخد قرين كارد امدرمانى،،،
|
Post: #10
Title: Re: حيمورة اخوان
Author: طارق الأمين
Date: 06-26-2007, 08:42 PM
Parent: #9
هم اجمل من رايت
من الرجال والنساء
والبنات والبنين
والوفاء عبر السنين
عمر حيموره
وليد
انعام
اشراقه
علاء
واكثر
احبهم جميعا
حيرتموني ايها الحيموراب
عيني بارده
دايما مع الناس
هل الحنيه تورث
هل الوعي جينات
ربما هذا عكس قناعاتي
لكن لماذا احبكم جميعا
عيني بارده
ارشحكم جميعا
وانعام خصوصا
سفراء للنوايا الحسنه
فانا شاهد علي حسن نواياكم
منذ الثمانينات
ومافي داعي للتفاصيل
مودتي
اخوكم
طارق حيموره
|
Post: #31
Title: Re: حيمورة اخوان
Author: علاء الدين حيموره
Date: 06-27-2007, 08:26 PM
Parent: #10
اصدقاء الاسرة ما شاء الله عليهم ..
كل واحد من الحيموراب لما يكون عندو صديق مقرب للاسرة ببقى عدد الصداقات بتكون كبيرة جدا ...
اها في واحدين بحتلوا عديل ويكسرو ركبة في حوش حيموره ..
يلا طوالي بنلصق ليه اسم حيموره ..
اها طارق الامين ده كان شعلة وسط اسرة حيموره .. وصديق لكل افراد العائلة ..
الله يديه العافية..
فاهلا بيك طارق حيموره ..
نورت البوست ..
وشكرا على كلامك الجميل .,
شكرا ليك ياود قاسم ..
|
Post: #23
Title: Re: حيمورة اخوان
Author: علاء الدين حيموره
Date: 06-27-2007, 02:24 PM
Parent: #9
الله يستر على الحيموراب من الانقسام والانشقاق ...
اها با ود الموج قول الله اكبر وتعرف لو كنت حيمورابي كان زمنا بقينا 10 اسر حيمورابية ..
تسلم يا موج والله يهدي سرك ..
تحياتي للعقرب الكبيرة والعقارب الصغار ..
وشكرا ودقاسم
|
Post: #11
Title: Re: حيمورة اخوان
Author: غباشي
Date: 06-27-2007, 02:56 AM
Parent: #1
علاء ... إشراقة ... إنعام
مثلث الإنسانية القائم الزاوية
ربي يحفظهم و يسهل طريقهم
شكرا ود قاسم فهم أهل معروف و أولاد أصول
مودتي لا تنقطع
|
Post: #25
Title: Re: حيمورة اخوان
Author: علاء الدين حيموره
Date: 06-27-2007, 02:40 PM
Parent: #11
الحبيب غباشي
اهلا بيك ..
شكرا على كلامك الجميل ..
ربي يقبل دعواتك .. اتمنى ان نكون عند حسن ظن الجميع ..
مودتي
|
Post: #12
Title: Re: حيمورة اخوان
Author: علاء الدين حيموره
Date: 06-27-2007, 07:37 AM
Parent: #1
الاخ الفاضل / ود قاسم
تحية عطرة
ونيابة عن كل آل حيمورة اتقدم اليك بوافر الشكر وعظيم الامتنان ونحن نطالع ما تسطره ..
نعم ده من أصلك .. ونحن وكما اسلفت الاخت أشراقة نجد أنفسنا في العمل العام منذ الطفولة ..
فعلا نسعد بسعادة الناس ونبتسم لابتسامتهم ..
لقد زدت من حماسنا ونعدك بان نكون كما يريد لنا الناس ان نكون ..
شيالين تقيلة .. ناصرين ضعيف ..
لك منا كل الود ..
اهلا بكل الاحباب في حيمورة الكبير ..
|
Post: #17
Title: Re: حيمورة اخوان
Author: إسماعيل وراق
Date: 06-27-2007, 09:52 AM
Parent: #13
لهم التحية والتقدير، وهذا يدل على طيب اصالة معدنهم
.
.
دائماً وفي وصادق يا ودقاسم
لك الود.،
|
Post: #26
Title: Re: حيمورة اخوان
Author: علاء الدين حيموره
Date: 06-27-2007, 02:52 PM
Parent: #17
الاخ وراق
الف تحية ليك وما عرف اعبر ليك عن شكرنا نحن آل حيمورة ..
تسلم يا راقي ..
شكرا ود قاسم
|
Post: #18
Title: Re: حيمورة اخوان
Author: ودقاسم
Date: 06-27-2007, 11:19 AM
Parent: #1
الاخوة والأخوات وآل حيمورة
لكم التحية جميعا ، ولكم المودة ..
حيمورة اخوان ، وأصدقاءهم ، وكل من يودهم ، لكم المعزّة الصادقة والوفاء النبيل ..
الحمد لله أن التاس يرون بعيون متفحصة كل عمل إنساني . ويسعدون به وبمن عمله .. بورداب الخرطوم هنا يتمتعون بعلاقات واسعة وحميمة مع ابنتي حيمورة ، وهما أيضا تحتفيان بصداقاتهما ، وما جلست إلى إشراقة إلا وتذكر لي بالخير إنعام عبد الحفيظ ونادية السر .. وما حضرت مجلسا ضم البورداب إلا ووجدتهما في رأس قائمة الحضور ..
يعجبني كثيرا الشخص المبادر بطبعه ، وذلك الذي لا ينتظر أن يكون ذيلا ، وهؤلاء هم آل حيمورة . دائما مبادرين .. ودائما في الريادة ..
|
Post: #19
Title: Re: حيمورة اخوان
Author: انعام عبد الحفيظ
Date: 06-27-2007, 01:38 PM
Parent: #1
ود قاسم
يا سلام عليك وانت بتتكلم اليوم عن آل حيمورة
بالجد اتشرفت بمعرفتهم عن قرب
كنت بعرف قريبتهم صديقتي من ايام الدراسة
والآن عبر المنبر عرفت انعام واشراقة
بنات يسدوا عين الشمس والله
وعرفت عبرهن أسرهم وما إستغربت التربية ولا القيم الجميلة
البتميزن بيها لأنو لقيتهن سليلات أسر عندها قيم وعندها أخلاق جميلة
ونادرة في زمننا دا بالجد أسر تشرف الواحد يتعرف بيها ويتواصل معاها
انا مبسوطة شديد بمعرفتهم
ويا رب يدوم الود والاحترام بيناتنا
|
Post: #21
Title: Re: حيمورة اخوان
Author: AmroKamal
Date: 06-27-2007, 02:16 PM
Parent: #19
أول حاجة (حيمورة أخوان ده مسجل رسمى ؟؟؟؟؟
أوعى ناس الضرائب والمحلية يفتكروها شركة ويجوا طايرين
آل حيمورة... وقفة تحية وإحترام..
أسرة ممتدة لو صح التعبير
تحتفى بكل ما هو جميل..تصادق ،تحب،تعانق،تمتزج معك ومع كل ما يجئ من ذاكرة الوطن الجميل..
أنظر لهذه الإبتسامة الوضاءة والتى تشع فى من حولها وتبعث الأمل
وانظروا لهذه الإشراقة المشرقة..والبسمة لا تفارقها،،، تسأل عن الجميع بقلب الأم والصديقة، فيض من فيض .....من فيض
وأخوانهم وأخواتهم كانوا حضورا ،جميع الأسرة تأهبت للمشاركة كل بما لديه،من وقت وعزيمة وعمل..
وكم سعدت بمقابلة رضاءحيمورة زميل الدراسة الثانوية(وانا من الكبر والخرف ما ركزت فى نطابق الأسماء، حتى فوجئت به حاضراً مع اسرته).
ولأحدثكم قليلا عن أطفال هذه الأسرة الذين ينشأون على حب الخير والناس... كثيرون مثلهم فى هذه الأرض الطيبة وحسبى قلتهم أن تجتمع فى أسرة واحدة.
هذه الحلوة الأمورة دعاء ..دعواتى لله العلى القدير بحفظها
كانت آخر من غادر حفل اليوم الختامى لحملة وليد دارفور،، وحين هب النداء فزعت ولبت الواجب بتعرفوا زين..تربية وسلوك وممارسة..عينى باردة
وكذلك كان بقية أطفال الأسرة الكريمة، كانونا يطوقون السيارات ونحن بمدينة الصحافة يتسارعون متبارين فى التجوال والنداء ودعوة أصدقائهم وجيرانهم...يتسابقون لخدمتنا والإتيان لنا بالماء وما شابهه من لوازم (السخانة الشديدة) من دون نداء أو طلب...
حملوا معنا الأكياس والحقائب و ( البقج ).... أطفال بقامة وطن
|
Post: #35
Title: Re: حيمورة اخوان
Author: علاء الدين حيموره
Date: 06-28-2007, 10:58 AM
Parent: #21
تسلم يا ود كمال ..
وما عارفين نشكرك كيف .. الله يديك العافية ..
سوف اعود اليك
مودتي وتحيات كل الحيموراب
|
Post: #27
Title: Re: حيمورة اخوان
Author: علاء الدين حيموره
Date: 06-27-2007, 02:56 PM
Parent: #19
الاستاذة انعام عبد الحفيظ
اهلا بيك
وبالجد كلامك محل تفدير واعتزاز ..
ربنا يديم الود
شكرا ليك كتييييييييييييييييييييييييير
|
Post: #24
Title: Re: حيمورة اخوان
Author: حمزاوي
Date: 06-27-2007, 02:31 PM
Parent: #1
التحية والتقدير لآل حيمورة هنا وهناك وأينما حلو
كيفك يا الخال (سابقاً)
|
Post: #29
Title: Re: حيمورة اخوان
Author: ضحيه ابراهيم
Date: 06-27-2007, 03:36 PM
Parent: #24
يا سلام
يا سلام يا آل حيمورة
زرت هذه الاسره الراقية الكريمة فى احدى اجازاتى نهاية العام الماضى وكانت المبادرة من الاخ المشاكس منعم سليمان وخالد ماسا بان بورداب الخرطوم لهم تجمع مساء ذلك اليوم بمنزل آل حيموره بالخرطوم لم اتردد ذهبت لهم وبرفقة اسرتى وكانت الدهشة تملأنا حيث استقبلونا استقبالا حارا وكأنى اعرفهم من سنين وقابلت عدد من بورداب الخرطوم معهم اذكر منهم الاخت عبير خيرى والاخ الجميل الفاتح وديدى.
مايلفت الانتباه تصديهم للعمل العام والخيرى بشكل خاص حيث تجدهم اينما طرقت ابواب الخيراو الحاجه لعمل جماعى اسأل الله ان يديم الصحه والعافية على هذه الاسره.
وتحيه للاخ علاء الدين والفضليات انعام واشراقه..
|
Post: #36
Title: Re: حيمورة اخوان
Author: علاء الدين حيموره
Date: 06-28-2007, 12:26 PM
Parent: #29
يا سلام عليك انت يا ضحية
اهلا بيك وتشرفنا بمعرفتك ..
دام الود والف مرحب بيك في حوش حيموره
مودتنا .
|
Post: #30
Title: Re: حيمورة اخوان
Author: رأفت ميلاد
Date: 06-27-2007, 03:38 PM
Parent: #24
أحب آل حيمورة لى حدهم
إنعام النعمة
إشراقة الإشراق
ويا علاء دمت فى العلا
شكرآ ود قاشم
|
Post: #37
Title: Re: حيمورة اخوان
Author: علاء الدين حيموره
Date: 06-28-2007, 01:13 PM
Parent: #30
ودمت يا رأفت ود ميلاد
تحياتي ليك وتحيات كل الحيموراب ..
افتقدنا مساديرك ..
مودتي ..
|
Post: #32
Title: Re: حيمورة اخوان
Author: علاء الدين حيموره
Date: 06-28-2007, 06:44 AM
Parent: #24
التحية والتقدير ليك انت ياخال حمزاوي ..
شكرا ليك وانت تزور الحيموراب ..
مودتي
|
Post: #28
Title: Re: حيمورة اخوان
Author: abubakr
Date: 06-27-2007, 03:29 PM
Parent: #1
تحية وتقدير لمجهودات شباب حيمورة في زمن قاس يحتاج الي جهد وحميمية وصدق امثالهم في الاسهام بانسانية كما يفعلو الان متصدرين قوافل الامل في بلاد كاد الامل ان ينزوي خجلا من سوء ادارة للبلاد والعباد..
_________
قابلت اشراقة لوقت قصير ولم يسمح لي نظام حياة وعمل قاس من ان اتمكن من معاودة مقابلتها وهي في زيارة قصيرة للبلد الذي اعيش فيه
لها التحية ولانعام وعلاء
|
Post: #33
Title: Re: حيمورة اخوان
Author: Ahmed El Gasim
Date: 06-28-2007, 07:15 AM
Parent: #28
ال حيمورة
اخواني في الرضاعة...
احبكم جميعا...وافخر بكم..تستاهلوا بوست محبة فعلا..
احمد ودعمكم علي سيد اللبن
شكرا ود قاسم
|
Post: #39
Title: Re: حيمورة اخوان
Author: علاء الدين حيموره
Date: 06-29-2007, 10:52 PM
Parent: #33
أخونا في الرضاعة كما يحلو لنا ويحلو له
البروف أحمد القاسم ود عمنا الجليل علي ..
لا نتركك تغادر حوش حيمورة ابدا فنحن أشفء طلما الود أمتد لعقود من الزمان ..
الف تحية والف شكر
دمتم أشقاءنا ..
لك ود كل الحيموراب
|
Post: #38
Title: Re: حيمورة اخوان
Author: علاء الدين حيموره
Date: 06-29-2007, 03:25 PM
Parent: #28
|
Post: #34
Title: Re: حيمورة اخوان
Author: Ishraga Haimoura
Date: 06-28-2007, 08:37 AM
Parent: #1
دي هدية بسيطة لكل المتداخلين وإهداء خاص لود قاسم، وإن شاء الله تعجبكم
|
Post: #40
Title: Re: حيمورة اخوان
Author: HAYDER GASIM
Date: 06-30-2007, 04:38 AM
Parent: #34
بموجب الخيط الحيمورابي... الرفيع هذا
أين خالد حيمورة ... الصحافة مربع 23
وشقيقته إخلاص ... وما تيسر من معلوم .
ليتهم بخير ...
|
Post: #41
Title: Re: حيمورة اخوان
Author: علاء الدين حيموره
Date: 06-30-2007, 10:03 AM
Parent: #40
|
|