الى متى الهلال ملطشة لفرق شمال أفريقيا وإلى متى التحكيم هو الشماعة/ فرضنا إلغاء الهدف الاول ؟؟؟

مبروك للهلال المحافظه على النتيجة حتى الدقيقة 85، لكن الى متى يستمر هذا المسلسل الذي نبرر به هزائم فرقنا بأن التحكيم كان السبب وبإعتبار ان الهدف الاول هدف غير اخلاقي وجاء من "زقه" لكن الهدف في مجمله فيه خروج خاطئ من المعز ورغم الخطاء فكان للمعز المعالجة فالمعز يفكر في جسم اللاعب قبل ان يفكر في الكوره ليجعل فلافيو يحرز هدفا سينمائيا

وبصرف النظر عن الهدف الاول ماهي الحجة في الهدف الثاني ؟؟؟؟


وحتى لاننوم اللاعبين في العسل علينا ان نحملهم الهزيمة دون تحمليها للحكم الذي جامل علاء جبريل من الطرد وهكذا نحن دائما تحكيم تحكيم تحكيم وننسى ان اللاعب السوداني دائما خارج بلده يلعب باسلوب دفاعي ولايتحمل تعب المباراه بالكامل لياتي وفي اللحظات الحاسمة للهيئة

المحللون وصفوا لاعبي الهلال بممارسة العنف عكس لاعبي الاهلي

علاء الدين بونية
وعلاء الدين شلاليت
والمعز "خمش"

يلا فكونا من سيرة التحكيم دي وورونا ماهو سر الهزائم الهلالية من فرق شمال القارة

ورغم اننا نجد ان العدد قد نقص من 5 لـ2

فهذا عاوزه دراسة من الخبراء


تحكيم قال


ابومصطفى

اخى كيقا

نحن ناس بندفن راسنا فى الرمل

الاهداف صحيحة ، ولا غبار على الحكم ، إصطدام غير مقصود لكن زولنا وقع وداك قام وإستغل الفرصة بمهارة
الهدف التانى هدف صحيح مية مية وتهاون من دفاع الهلال

لازم ننقد نفسنا مش نصلح للاعبينا عشان يصدقوا

لابد من معالجة نقاط الضعف ، فنحن نعتز بأى فريق سودانى يشرفنا فى المحفل الخارجى ويبيض وشنا

لكن نقعد نشوف ليهم عذر ده ما صاح

واقول ليك ، السودان جمهور رياضى كبير بدون لاعبين، صدقنى لو كان الشعب السودانى جمهور لفريق تانى
كان جابوهم فى السما ، لكن للاسف فى السودان فى جمهور جميل لكرة القدم لكن ، بدون لاعبين

ود اختى كيف حالك
هو فريق يمشى من اول كورة يبقى طيش المجموعه ده فريق
منه رجاء...
قال تحكيم قال،،،

عزيزى صديق ، كيف حالك والعيال

ترانا راكبين موجة الحكم غلطان ، والله كنت أتمنى ذلك ، ولكن بعد مشاهدة الفيديو ، ما لقيت اى حاجة
تعيب الحكم بالرغم من إنى هلالابى موت ، لكن لو قلنا الاعب المصرى دفر مدافع الهلال وجاب هدف ، طيب ما
كان فى مدافع تانى الزول جّبده ، ورقصه ، وكمان لقى ليك حارس المرمى برا الموضوع وخت الكورة بى مزاج

يا جماعة ريحونا لازم نتقن تكنيك اللعب ، ما نقعد نغنى للاعبينا بالفارغة والمليانة ،

يا جماعة إتغلبنا فى اللعبة دى ، نشوف ويين الخطأ ونعالجه ، بدل ما نزرف دموع التماسيح

ولكم ودى

عالم لا تستطيع أن تفرّق بين الحس القومي والإنتماء الضيق.

العزيز ترهاقا حاليا الواحد يتوقع الجرائد والبوستات بتقول شنو لاي هزيمة وكان الواحد يعلم بالغيب ودائما نحن في شماعات التحكيم ولماذا اخطاء عمار مرق وتهاون في الكره رغم "الزقه"
الخال العزيز والله فعلا تحكيم قال

اسماعيل وراق فهم السؤال نفس الإجابة


ابومصطفى

الأخ أبو مصطفى
تعليقي كان على مداخلة الأخ الموج

Quote: هو فريق يمشى من اول كورة يبقى طيش المجموعه ده فريق منه رجاء...

إضافة إلى سؤالك القائل: إلى متى الهلال ملطشة لفرق شمال أفريقيا؟؟
.
.
المتابع المحايد يعرف تماما أن الهلال أدى مباراة كبيرة وأنا ضد تعليق الأخطاء على شماعة الحكام رغم قناعتي التامة بأن الهدف الأول.

سلام اخي كيجا والاخوة المشاركين

أولا اعلن اني مريخابي ، لكن بالامس الهلال شرفني كثيرا وقدم مبارة جيدة وقمة في المسئولية واشيد بصفة خاصة برتشارد ووقودوين فقد اديا مباراة كبيرة.
المباراة كانت عنيفة من الجانبين ورأينا كيف قام وائل جمعة برفس علاء الدين ، رغم انه الاخير ما قصر واخد حقه بيده.
الهدف الأول خطأ على لاعب الاهلي فلافيو الذي قام بدفع لاعب الهلال حتى القاه ارضا وليس تصادم كما يدعي البعض والاحباط الذي اعقب الهدف تسبب في الهدف الثاني ، فقد راينا كيف ان الهلال لم يتعرض لي فرص حقيقة كالتي جاء منها الهدف طوال شوطي المباراة اذن الاحباط والاحساس بالظلم كان السبب في الانهيار الذي جاء بسببه الهدف الثاني .
بالتالي الهلال انظلم هذه لا ينكرها الا مكابر.

الهلال لعب وشرف الكرة السودانية وشرفني انا شخصيا كمريخابي .

شرووم

انا بس المحيرني !!!

مرق ده مالو كل شوية بينبرش ويقع في الواطه!

ابتداءا" من برشة تونس مرورا" بالعجب حتي استاد القاهرة امس !!


شوفوا ليهو حل مرقكم ده أو غيروا ليهو بلالي ركب !!

اولا سلام
ثانيا اخالفكم الراي تماما لان الحكم ذبح الهلال من الوريد للوريد
الهدف الثاني جاء نتجة للهدف الاول اي اصاب اللاعبين بالاحباط
عمري لم اري مثل هذا الحكم
قولوا الحق حتي ولو انتو مريخاب
السموءل بدرالدين
عضو نادي المريخ لدرجة التعصب

عليكم الله أطلعوا من راسنا بلا هلال بلا مريخ

لعيبة صعاليك وقاشرين بي إنهم بلعبوا في الهلال والمريخ مقضينها كلها سهر وسكر وصعلكة في الجامعات ظاعطين ليك شعرهم والإدارة شغالة تجارة وخرمجة ما ليها حد ...

ما في كورة في السودان وما حيكون في كورة تشرفنا ما لم تحل كل الإدارات والاهتمام بالبراعم من خلال مدارس كرة قدم متطورة تدرس لعب الكرة بحرفية مش (نط جوز ..أمسك أخبت ... زفت طين...!!)


بالله شفت اللعيبة دي أمبارح لسانهم طالع كيف!!! ديل لو كانوا بلعبو في دوري أوربي كان هسع في عداد الموتى الله يخيب لياقتهم التعبانة دبي...


باقي المريخ كمان ياخد ليه كف كفين كدة ويرجع يتلمى.

الاخ وراق تحية طيبه

اسف ياخي والخال بحب المناكفه فقط ما اظن في سوداني برضى الهزيمة من المصريين خاصة ودول المشرق العربي لكننا ضد تعليق الهزائم دائما بشماعة التحكيم والهلال لو فكر في المهاجمة لكان احرز هدف كما فعل من قبل لكن حالنا دائما نلعب للتعادل في في بلد الخصم وماعندنا لياقة بتسعفنا وعمار مرق دا اظنو من الخماسية بتاعت تونس والإنبراشه المشهورة ماشارك يجي يشارك في مباراه مهمة

الاخوة شروم وابوعثمان والسمؤال التحية لكم همنا عدم تنويم اللاعبين في العسل بحجة التحكيم ومعالجة التقصير وخاصة وان المباراة القادمة مع الترجي في ام درمان واصبح الهلال طيشاً للمجموعة في اول اسبوع ولازم لازم نخرج اللاعبين من الجو الإنهزامي لمقابلة المباراه القادمة ويجب ان يتحمل اللاعبين الهزيمة بعدم احرازهم هدف في الاهلي الذي كان حاله لايسر المصرين وكان فرصة للهلال


وانسونا من التحكيم


المباراه 90 دقيقة يمكن فيها هزيمة الحكم لو مثل اللاعب رقم 12

ابومصطفى

Quote: هو فريق يمشى من اول كورة يبقى طيش المجموعه ده فريق منه رجاء... قال تحكيم قال،،،

ها يا صديق اخوي
الجماعة من قولت تيت بقوا الطيش
والطيش عند الله يعيش

أبو مصطفى

حرام عليك والله بسألك من الكلام الكتبتو دا.
كيف تقول الحكم كان كويس
لو كان طاهر ابوزيد الأهلاوي نفسو قال الكورة فاول واضح
مشكور يا ابومصطفى عموماً على تحيزك لفريق الأهلي المصري


أبوفتحية

الهلال يستحق الاشاده عن المباراه التي ادها امس وفقدها ظلما ,
سيستحق اشادتنا تمام لو نظم صفوفه وقدم مباريات قادمات اروع وبنتيجه
ايجابيه ليعلن تاهله فارسا عن المجموعه
الي العمل ماذا يفيد التباكي يا هلالاب.


الي العمل الي العمل.

اطلع منها يا كيجا وهي تعمر ...

الهلال يستحق الاشاده عن المباراه التي ادها امس وفقدها ظلما ,
سيستحق اشادتنا تمام لو نظم صفوفه وقدم مباريات قادمات اروع وبنتيجه
ايجابيه ليعلن تاهله فارسا عن المجموعه
الي العمل ماذا يفيد التباكي يا هلالاب.


الي العمل الي العمل.

Quote: اسماعيل وراق فهم السؤال نفس الإجابة

الأخ كيجـا ..

حبي وتقديري ..

إنت عارف أجمل ما في المسألة شـنو ؟؟

أجمل ما فيها ليست هزيمة ولدنا الصغير ابو الهل


أجمـل ما فيها ظلـم الحكـم !!


آي والله ..

حتى يعيشون احساس الظلم الذي
تعاني منه الأندية السودانية
حين يتلاعبون بولدنا الصغير
ولا ينقذهم إلا ظلم الحكم ..

فأصبحت مباريات ولدنا الصغير أبو الهل
زي المطـرة ،مافي زول بعرف ح تنتهي متين ..


(حقوق الطبع للرائع سلك)


والتسوي كريت في أمبدة تلقاهو في فلافيو ..

معقولة لكن

معقولة لكن

اذا فرضت الغاء الهدف الأول يا كيغا والمباراة في دقائقها الاخيرة...


كل السيناريو الباقي حا يتغير...

بدءا من المكان الذي ستلعب منه الكورة وهو المعز محجوب...+ انذار فلافيو (ديل براهن دقيقتين)

لعيبة قدرت تحافظ علي شباكها 85 وبتفوق حا يغلبها4 دقائق باقية

ولكن هو الظلم...البخليك ما تشوف قدّامك...ولو استمرت المباراة تاني عشرة
دقائق تحت هذا الظلم لأنهزم الهلال 5 صفر...

لو كنت لعبت كورة حا تعرف انا قاصد شنو؟

الاخ الصادق صديق

نحن ماقلنا الحكم ظالم ولاشئ قلنا انو المباراه خلص وحرام نلوم الحكم ونترك اللاعبين ينوموا في العسل وهكذا تجي هزيمة الترجي وبعدها الاهلي في السودان

ياخي خلونا من حكاية الحكام واظرف ما في الموضوع قالوا صلاح ادريس تقدم بشكوى دا اتحاد شداد ولاشنو قايلو ؟؟؟؟؟

يعني كلامي انا اذا كان اللاعب "زق" مرق ما هو السبب الخلاها داريوكان يتركه يراوغه والمعز يلعب الكوره من فوقه لوب

اتركوا الشماعة المعتادة دي

التحية لكل المتداخلين وموضوع بوستنا عدم جعل الحكام هم سبب الهزيمة وترك اللاعبين وعدم تحمليهم الهزيمة لماذا لم يحرزوا هدفا لماذا تركت الكوره تلعب للامام

ابومصطفى

Quote: الأخ كيجـا .. حبي وتقديري .. إنت عارف أجمل ما في المسألة شـنو ؟؟ أجمل ما فيها ليست هزيمة ولدنا الصغير ابو الهل أجمـل ما فيها ظلـم الحكـم !! آي والله .. حتى يعيشون احساس الظلم الذي تعاني منه الأندية السودانية حين يتلاعبون بولدنا الصغير ولا ينقذهم إلا ظلم الحكم .. فأصبحت مباريات ولدنا الصغير أبو الهل زي المطـرة ،مافي زول بعرف ح تنتهي متين .. (حقوق الطبع للرائع سلك) والتسوي كريت في أمبدة تلقاهو في فلافيو

..


ده الكلام القاعدين نقول فيهو من اول امبارح و ما في زول قادر يفهمه


الحكم ممكن يكون فعلا ظلم الهلال لكن برضو الناس مفروض

تعالج الاخطاء الحصلت اثناء المباراه

ولسع بنقول

ونقول ان الإبقاء على هيثم مصطفى ومشاركة مرق بعد طول غياب
والتكتل الدفاعي واندفاعية المعز الهوجاء من اسباب الهزيمة


وصلاح ادريس تقدم بشكوى

يارب بكسبه؟؟؟؟؟؟

غريبة رئيس نادي يعتبر تاني فريق في العاصمة الثانية يتقدم بشكوى ضد حكم المباراه؟؟؟


نعيش ونشوف


ابومصطفى

Quote: غريبة رئيس نادي يعتبر تاني فريق في العاصمة الثانية يتقدم بشكوى ضد حكم المباراه؟؟؟

أكيد العبارة دي كتبتها وانت مغمض وعاضي شلوفتك...وكان ما اخاف الكضب تكون عاضي جلابيتك



يا راجل...تاني مين...والمنافسة البتكتب عنها هنا تشهد...ان كان الاول ام الثاني...


تعرف الهلال دا حا يكون التاني في حالة واحدة بس! حزّر فزّر يا ابا مصطفي

إلى نزار حسين

بالنسبة للعبي الكره والله بت الكلب مابتدي حريف انا بديت بمدرب لاندادي ولاعب وهذا يعني التفوق دائما وافهم في الكوره ما لايفهمه صلاح ادريس ذاتو واستغرب في تفصيلك للمباراه

عليك الله الشوط الاول ماكان اشبه بقيم النص

تكتل هلالي وهجوم اهلاوي بعدين صمود الهلال 85 دقيقة ليس بسبب ادائه بل بسبب سوء الاهلي في تلك المباراه والاهلي كان في اسوء حالاته بعدين لو قلنا مرق "انزق" ان دفعه المهاجم ماهو تبرير مراوغة المهاجم لداريوكان كان الذكرتنا بهدف العجب وماهو العذر للمندفع دائما المعز الذي قال عنه المدرب المخضرم حاليا واللاعب سابقا حامد بريمة انه يفكر في لاعب الخصم اكثر من الكوره

بعدين انت متابع كوره شفت ليك شكوى في حكم كوره بكسبوها

بعدين التصنيف الثاني اعطيناكم ليه من حيث الإنجازات والكاسات المحموله جوا يعني لو فريق الموردة كان احزر كاس خارجي كان اعطيناكم الثالث

ولو محتج من التصنيف الثاني دا مامشكلة نعطيكم الثاني مشترك لان جميع فرق السودان مثلكم ما احرزت كاس خارجي

وطول بالك يانزار وخليك رياضي وماتنفعل

ويعطيك العافية ياحبيب


ابومصطفى