Post: #1
Title: أبوذر بابكر غاليري القصيدة
Author: mutwakil toum
Date: 10-30-2006, 10:26 PM
Parent: #0
القصيدة يا نعش الرهيف فينا *
(عاطف خيري)
أبوذر بابكر .جواهرجي القصيدة يوزنها بأمانة وشكيمة ،، المفردة تمسك خصر الوصف يمسك خصر المعنى يمسك خصر الموسيقى يرقص الكلام عشرة شعر،،
لا يكتب بحزن او بفرح كما يتهيأ لمتابعيه إنما يكتب بشعر ..
القالو واحد بنقسم
وطنا يجابد
وما انكسر
حلما يكابد
ما فتر
لون الكحل
روح الحليب
روح الكحل
لون الحليب
ممزوجة فى دم البلد
والريد حداهن منسجم
خت الحلم
سواهو ضل
لفحة هجيرك همبريب
لعناية البلد/ المنبر، مع خالص الحزن
، تتنكر القصيدة بهئية (سهلة) لكنها حقيقتها (صعبة) ..
يكيب بالعامية ..
( مدمدم متكى
والليل شرب باقى الدوايه
عطشك متاوقة البحر
تالا البيوت
ريقك نشاف عضم الحجر
همك ملافات البدايه
نوح الحروف
جمر السفر
ساعة مواعيد الحكى
طارت بعيد
ركت على رمش القمر
وتلت التلوت
القالو واحد بنقسم
وطنا يجابد
وما انكسر(
بنفس الحرفية التي يكتب بها الفصحى ..
صيف هابيل - سيف قابيل -- مرثية وطن حى
(كنت مغمض القلبِ
حتى لا أرى
حتى لا يرانى
قدرى الحزين
كيلا يدنس فرحتنا
صخب العابرين فوق همسنا
أو يخدشُ رقةَ ذلك البحر
غبارٌ يُضمِرُ الحسد
ويورث البعادَ والأنين)
مقطعان من سيرةِ الشمسِ
له مقدرة خارقة على إنجاز الوصف ..
(منذ أن درّ ثدىُ الكونِ
حليبه النجمى
أخضراً
أبيضاً
أزرقاً
بدأت طفلةُ الضوءِ
تحبو ..)
هذه المقدرة هي قناعتي - أنا الموقع أدناه -بانها التي تميزه والتي أجازته كشاعر..
تتحسس غشاء الشفافية - شفافية الذات ، أثناءها - القصيدة -..
(يطيلون صلاتهم وقوفا
ثم قعودا
أو ربما موتا
يشبه فى هيئته الأولى
لحظة الميلاد
خبر الحياة
إفتتاح شهوة الأرض
وهى تهز جسد البذرة
تغرس سرها الكبير
يطيلون صلاتهم
وقوفا
وقعودا
على وسائد الريح)
تصحى من دهشة الوصف لتصطدم بوصف آخر دون إتاحة فرصة للسكون والخمول ..
نافذة تمتهن الضوء والإبتسام -- نص
|
Post: #2
Title: Re: أبوذر بابكر غاليري القصيدة
Author: mutwakil toum
Date: 10-30-2006, 10:49 PM
Parent: #1
كحال الأدباء ذاكرته لا ترتاح ..
(أناس فى بلادى أعشقهم
يشاركون التراب تفتحه الأبدى
يكتبون على ألواحه:
إنا قديما كنا هاهنا
منذ أزل العشق..)
أصوات ملونة -- فى عشق الوطن
ملطخ بالغربة و مدجج بالحنين ،،
(أناس يبكون حين تأتيهم بعد غياب
ويبكون حين تفارقهم
وبين جدران البكاء
وصفحات كتاب الفراق
فرح يسيل مع الدمع، ومودة بطيبة الأرض والعيون
فكيف بالله لا تحبهم؟)
يمسك الماضي بالحاضر بالمستقبل كمروض زمن ماهر لا تتداخل عليه طلاسم الحكاية ..
(فى جوفِ حُوتِ الذهولِ
ما زلتُ
متدثراً بحلمٍ
سرقتِ الظلمة وجهَ ليلِه
و قميصُ الصباحِ
قُدّ عند فجره الكسولِ
ما زالت الأشياءُ
ترتدى عتمةَ الوهمِ الصريحْ
تسترقُ الضوءَ
وهى غرقى
فى صخرها الليلى
فى نومِ شهرزادَ
وموتها المباحِ)
|
Post: #3
Title: Re: أبوذر بابكر غاليري القصيدة
Author: ابو جهينة
Date: 10-31-2006, 01:21 AM
Parent: #2
الأخ متوكل
كل سنة و إنت طيب
شكرا على هذا البوست الرائع عن شاعرنا الرصين أبي ذر.
يستحق الرجل وقفة مثل هذه للتغلغل في وجدانياته الصادقة و المتلرعة بحب البلد و أهل البلد.
تابع يا أخ متوكل
عافاك الله
|
Post: #5
Title: Re: أبوذر بابكر غاليري القصيدة
Author: mutwakil toum
Date: 10-31-2006, 02:13 AM
Parent: #3
كاتبنا الرصين ابوجهينة..
انتم اولاد كرً واحد وتعرفون بعضكم افضل مما انا ..
أبوذر الشربكة فيهو متاهة يخش فيها الشليق ..
لكن القصد عمل refreshment للقصائد وبس ..
تسلم وياريت اشوفك تاني بي جاي
|
Post: #14
Title: Re: أبوذر بابكر غاليري القصيدة
Author: أبوذر بابكر
Date: 11-04-2006, 06:36 AM
Parent: #3
يا جلال
يا ابا جهينة الجميل
تربكنى والله كلمات الإطراء والمدح
ولا أظننى بلغت مرحلة أن أكون شاعرا
فكيف يكون "درويش" أو "أدونيس" شعراء
نحن نكتب ذواتنا كما هى، فإن أتى ما يخرج منها واسنحق أن يكون شعرا، فليكن إذن
تحياتى دائما لك وكل المحبة
ومثلها لمتوكل
|
Post: #4
Title: Re: أبوذر بابكر غاليري القصيدة
Author: mutwakil toum
Date: 10-31-2006, 02:03 AM
Parent: #2
الكلام عن ابي ذر كشاعر يتقازم في سباق عملقته الشاعرية .. شعره يفتح علي ناصية المعرفة ، يعجن الأسطورة بالحكاية ويطليها بالوصف ويزينها بالموسيقى ، كل هذه العناصر تصب في في زفة القصيدة لا يأتي عنصر دخيل على حساب بناء النص
فى البدءِ
وفى جب خطيئتنا
فى غيهب الرجس
تفتح وجه الحلم
فوق الأرض
تحت الشمس
أن
سبع ضحكات وضيئة
تطفئ سبع آهات عجاف
ونجتاز المهالك
والآن
وقوف نحن وظلنا يسير
يا شاردات القول
إدنينا
يا واردات الهول
إنسينا
فلا الآمال أطيار تنادينا
ولا نبت الجناح فينا
كى نطير
وقوف نحن وظلنا يسير)
ولـ أبي ذر دائماً مفردة تظن لولاها لأنهارت القصيدة، كما أن غيرها لا يؤدي وظيفتها ،،
كما في حالة (لو) أدناة ،،
ولمثل هذه المفردات سنفرش مساحة..
(حين يخلعُ النهارُ وجهَه
يعلقُ الأصيلُ جلدَه الفضى
فوق مشجبِ المساء
أو
حين ترتدى قناعتى
وحسرتى
ثوبَ عرسِها
أو
بردةَ النزيفْ
لطالما حدثتُ عنكم الحنينْ
آتيه)
حين إشتهاء الصبح لقبلة شمسية -- نشيد إليهم
|
Post: #7
Title: Re: أبوذر بابكر غاليري القصيدة
Author: أبوذر بابكر
Date: 10-31-2006, 05:04 AM
Parent: #1
براك يا متوكل داير الشِبك
ولما يهبشوك تقعد تكورك
شكلك كده الليلة فاضى، وأنا لا بشتغل بيك الشغله
غايتو بساعد بى حاجة واحدة
لو عايز النصوص "الفيها شوية رقشا"
أعمل سيرش بى إسم أبوذر بابكر وبتلقاها هناك
بعدين يا غبيان
"نافذة تمتهن" دى إتنقحت وإتعدلت لامن راسها سخن
وآخر نسخة منها والحتطلع فى الديوان بقى إسمها
نون النافذة
فى كل الأحوال إنت زول بتاع مشاكل
والبادى أجمل
والله أكبر عليك بعد كده
ولا نامت أعين الشعراء
|
Post: #9
Title: Re: أبوذر بابكر غاليري القصيدة
Author: mutwakil toum
Date: 10-31-2006, 02:10 PM
Parent: #7
سلا م يا أبي ذر ..
آ زول اولاً في التبادي ماتظلم يومي الفاضي .. تعرف أنا اليوم البكون فاضي فيهو ده أقيم عندي من 40 ساعة شغل..
جدول اليوم كان (الشاعر: ابوذر بابكر) أها كنت ناوي استمتع بي الشعر براي لكن وصلت حد التخمة وقلت النفرش بوست يعني فضل زاد:
او ممكن تقول الواحد يفشل في فكفكة المتاهة بعمل فيها اشتراكي . يعني حتى الإشتراكية منبعا أنانية الإنسان ،
المهم يا زول اشتغل بي شوية عشان نواصل البوست ده ..(انا بديت في دوامة الإسبوع ولم ارجع بحكي ليك)..
|
Post: #8
Title: Re: أبوذر بابكر غاليري القصيدة
Author: جورج بنيوتي
Date: 10-31-2006, 07:21 AM
Parent: #1
الصديق متوكل:-
يحين الوقت كل ساعةٍ وأخرى ..
أحسنت في حقِنابما أتحت لنا النظر فيه بذات العين التي أغفلته ساعة رَهَقٍ ..
تُشكر كثيرا...
يسعدني أيضا أن ثمة ديوانٍ جامع في الطريق يا أباذر: ولن أقبل بنسخة إسفيرية!
و... ربما آخر وآخر وآخر
مودة وشكرا دائما أخي متوكل.
|
Post: #10
Title: Re: أبوذر بابكر غاليري القصيدة
Author: mutwakil toum
Date: 10-31-2006, 02:59 PM
Parent: #8
الأخ - الأديب -جورج ..
سلامات وكلو سنة وانت بخير ..
ابوذر شاعر ضخم القصيدة ..عريض الشاعرية ..مفتول الشفافية ،، يستحق تسليط الضوء عليه من محترفي نقد ، لكن القصيدة - ككل- اصبحت مظلومة داستها احذية الرأسمالية واللف وادوران الدائري بأمر الحياة ،وعناصر اخرى أكثر ، واقلً وحشية .رغماً عن ذلك يجب أن لا تمر قصيدة ابي ذر مرور عادي كما تمرً دبابة او مدفع دون لفت نظر ، القصيدة أكبر حجماً وأكثر ضجة من الدبابات ..
والي عوده لإمر الشعر ..
ولا نامت اعين الشعراء - كما قال -
تسلم
|
Post: #11
Title: Re: أبوذر بابكر غاليري القصيدة
Author: mutwakil toum
Date: 11-02-2006, 04:26 AM
Parent: #10
.
|
Post: #15
Title: Re: أبوذر بابكر غاليري القصيدة
Author: أبوذر بابكر
Date: 11-04-2006, 06:40 AM
Parent: #8
جورج البهاء
"دى جيتك ولا الخريف؟"
كيف يا صاحبى ورفيقى فى غار الكلام
وشوق عرمرم والله يا جورج، لك "كُلك"
لا أظن أن "مرقة" الديوان المزعوم ستكون هينة
وأدنى أدرى منى بمحاذير الخروج للناس
وقتئذٍ سوف لن يستر عورة الكتابة إلا جمالها ورسوخ المعنى فيها
وهذا ما يعيق فعلا، إذ ل بد من التمحيص والتدقيق
وحتما سوف آوى إلى "جبلٍ" من جبال الشعر، ليعصمنى من الغرق فى لجج الشعر
وما أعمقها
لك صافى الود وكل رحيق المودة
|
Post: #12
Title: Re: أبوذر بابكر غاليري القصيدة
Author: أبوذر بابكر
Date: 11-04-2006, 01:39 AM
Parent: #1
متوكل
صباحات ريدنا بى خيرن ونورن وعصافيرن
ومتوكل عليك يا الله دافر الليل
ومتوكل عليك إنت دافر ليك القصائد
ما دام خلاص اتلككنا
أبدا ليك بالنصوص الجديدة
قول واحد
Re: نحن أسرجنا براقَ النشيدِ
|
Post: #13
Title: Re: أبوذر بابكر غاليري القصيدة
Author: أبوذر بابكر
Date: 11-04-2006, 01:48 AM
Parent: #1
Re: لى حدِ سدرة منتهاكِ
ونقعد تحت ضلك المعطر يا متوكل
|
Post: #17
Title: Re: أبوذر بابكر غاليري القصيدة
Author: أبوذر بابكر
Date: 11-04-2006, 06:47 AM
Parent: #1
بعدين نسيت أسألك يا متوكل
"غاليرى" دى إستأذنت فيها من "إيزابيلا"
ولا ساى
هسه "إيزابيلا" تقول علينا شنو؟
|
Post: #19
Title: Re: أبوذر بابكر غاليري القصيدة
Author: أبوذر بابكر
Date: 11-04-2006, 07:48 AM
Parent: #1
قال ليهو
بالله فى شى أحسن من "قولة هاك"
قال ليهو آى فى
قال ليهو شنو؟
قال ليهو
"أقيف النزيدك"
تقاسيم
|
Post: #20
Title: Re: أبوذر بابكر غاليري القصيدة
Author: أبوذر بابكر
Date: 11-04-2006, 07:51 AM
Parent: #1
لو لسله عايز زيادة يا متوكل
قول لى عوك
Re: النهر -- الحلم -- الشمس
لسه جراب المنبر مليان
عُشرة 6 سنين ياخ
|
Post: #21
Title: Re: أبوذر بابكر غاليري القصيدة
Author: حبيب نورة
Date: 11-04-2006, 10:28 AM
Parent: #20
متوكل توم
المطر أبا زر
تحايا
فرحتونا خالص
|
Post: #22
Title: Re: أبوذر بابكر غاليري القصيدة
Author: mutwakil toum
Date: 11-04-2006, 07:17 PM
Parent: #21
ابوذر تزازييك العافية: قول أمين ..
انا آ زول إن دخلت في لج الأربعين ساعة شغل دي، ما يمرقني منها الا الشديد الأحد (الأحد ده الويك إند طبعاً),, إال لكن سيرة شمسك مشعشعة فوق رتسي ده .. بس ربك يدينا طول الأحد..
وعلي قدر ما تقدر ناولنا .. وإن شاء الله ربنا يجزيك القصيدة الواحدة بعشرة منها ،
أبنجيك راجع
|
Post: #23
Title: Re: أبوذر بابكر غاليري القصيدة
Author: أبوذر بابكر
Date: 11-05-2006, 01:23 AM
Parent: #21
حبيب نورة
صباحاتك قرنفل فرح
|
Post: #24
Title: Re: أبوذر بابكر غاليري القصيدة
Author: Emad Abdulla
Date: 11-05-2006, 01:34 AM
Parent: #23
صباحك يا متوكل ..
و يا سلام على صباح يبدا بأبوذر ..
الزول ده بديع , يهبش أي شي يحولو لقيمة ..
آظنه قلِق ..
ليس إلا قلقا مقيما ما يمنحه كل هذا الضي ..
ما عارف ليه بحس إنه أبوذر ده موجوع وجع كبير ..
وجع سمح و ناصع ..
يا أباذر ..
يا رجل نحن نحبك هكذا ..
مشع و قريب من القلب .
لك الشكر و الود يا متوكل
|
Post: #42
Title: Re: أبوذر بابكر غاليري القصيدة
Author: أبوذر بابكر
Date: 11-05-2006, 06:21 AM
Parent: #24
عماد عبد الله
نهاراتك ندى
وأنا أقول يا ربى الدنيا غيم وهمبريب سخى كده ليه
أتاريك إتفتحت هنا وعبير بنفسج حروفك ملا الفجة
فيا عماد
ال كل الجمال وهبوهو ليك
كيفنك يا سمح
أما عن ال
Quote: آظنه قلِق ..
ليس إلا قلقا مقيما ما يمنحه كل هذا الضي ..
ما عارف ليه بحس إنه أبوذر ده موجوع وجع كبير ..
|
والله الزول ساى لو ما بخاف، هسه يقوم يفتو ليك
يا زول ما مشكلة بلم فيك يوم، وأكلمك فى اضناك براك
ما تشوفنى كدى
أنا زول جبان وخواف
وتانى شنو
إنت ذاتك أنا داير لى فيك لمه، وأقوم أفتح ليك "غاليرى" زى بتاع متوكل ده
إنت ذاتك كون شاسع جدا ورحيب من الحاجات السمحة، ما بنفرط فيك
بس خلينى النفضى ليك
أما دى
Quote: يهبش أي شي يحولو لقيمة ..
|
ذكرتنى الزول الما خمج "جورج بنيوتى"
وبالله كان الدرب تانى جابك بى هنا، طلب خاص تقرأ نص موجود هنا إسمه "جورج، دى كفك ولا غيمة"
عشان تشوف كف الزول لما تهبش ليها أى شى بتحول لى شنو
كان قبل كده فى المنبر فى بوست، مش بوست "كون" كامل من الجمال فتحناهو لى الزول ده، وقامت جواهو عوالم عجيبة وغريبة من الدهشة والحاجات الندية
يا زول ما أطول الكلام
ودعتك الله
ومع الوداعة مهدى ليك
شاى سادة بالقرنفل والهبهان
وكمية كبيرة جدا من المحبة
|
Post: #46
Title: Re: أبوذر بابكر غاليري القصيدة
Author: mutwakil toum
Date: 11-12-2006, 05:35 AM
Parent: #24
Quote: ها إنتِ من جديد
تمنحين الأرض طعمها
وخصبها
يسير إليكِ
غناء النهر
فى اليمنى
يحمل صندل العشق الموشى
بالعطر
وفى اليسرى
مكتوب إسمك
معنى العيد
ذاك الذى تفتح
فوق خد الأغانى
من ورد النشيد
ها أنتِ من جديد
تبذرين نواة الضوء
فى قلب السنين
تهلل اللحظات خاشعة
تبارك وردك
تبارك وعدك
يمنح الضياء مولداً
لتصلّى قصائد العاشقين
فروضها
والآن
نسميكِ الحديقة
الآن
يتوجك الصباح
سيدة على ممالك الأريج
فتبارك وردك
الآن
لن ينبت اليباب
بين أقدام النخيل
الآن
لن تسرح العتمة
وسط أشواق المساء
أو فوق ذلك الحلم الجميل
الآن
لن تكدر المساء
خربشة الضجيج
ليسكن وردك
أوردة الغناء
يستقر بين قباب الروح
فوق مآذن الدم
ويولى القلب قلبه
شطر الإشراق
صوب أرضك
الله يا سيدة الإيراق
الله يا شوقنا
الطويل |
from
www.sudaneseonline.com
|
Post: #47
Title: Re: أبوذر بابكر غاليري القصيدة
Author: mutwakil toum
Date: 11-12-2006, 05:39 AM
Parent: #24
الأخ : عماد عبد الله ،،
كما يصلح ابي ذر لإمتاع الناس بكلام منمق و لذيذ : فهو - برضو- شرك للناس القيافة :
ياكم مقاس بعض ،
تحياتي
|
Post: #71
Title: Re: أبوذر بابكر غاليري القصيدة
Author: أبوذر بابكر
Date: 11-20-2006, 09:48 AM
Parent: #24
ما نسيتك والله يا عماد
لكين متوكل قوّم نفسى وإنشدهت فى المناولة
| Quote: القصيدة يا نعش الرهيف فينا |
شوف الزول ده بقلع ليهو فى جنس حاجات زى دى ويهابش فيها
هسه عليك الله عاطف خيرى ده بتهبش؟
عاطف والقدال وحميد
ديل غايتو اصلا مو بشر
بعدين يا عمدة أنا بصراحة كده
من قبيل بزازى واتمحرك كده وحاقص لى نضميك
Quote: ما عارف ليه بحس إنه أبوذر ده موجوع وجع كبير ..
|
أقرب أندفق لكين تانى اتحسبن واستغفر واقول يا زول قطعه ساى فى مصارينك
لكين عليك الله بس ورينى يا عماد
إنت الشى ده وقع ليك كيف؟
غايتو يا أولاد الخرتوم عليكن جنس شِدة
|
Post: #45
Title: Re: أبوذر بابكر غاليري القصيدة
Author: mutwakil toum
Date: 11-05-2006, 10:09 PM
Parent: #21
حبيب نورة ..
تسلم يا صاحب . ..
يغشاك الفرح أينما تولي وجهك
|
Post: #25
Title: Re: أبوذر بابكر غاليري القصيدة
Author: أبوذر بابكر
Date: 11-05-2006, 02:05 AM
Parent: #1
تصدق يا متوكل
فى غمرة المزازا، لقيت نصوص كنت ناسيها عديل كده
غايتو الليلة أنا قررت أستف ليك العفش كله
وبعد كده حيكون على مسئولية صاحبه طبعا
اللى هو إنت
يا جايه من عمق الألق
|
Post: #27
Title: Re: أبوذر بابكر غاليري القصيدة
Author: أبوذر بابكر
Date: 11-05-2006, 02:08 AM
Parent: #1
مدى ضل رمشك مرافى
|
Post: #35
Title: Re: أبوذر بابكر غاليري القصيدة
Author: أبوذر بابكر
Date: 11-05-2006, 02:16 AM
Parent: #1
مزامير -- نص
|
Post: #40
Title: Re: أبوذر بابكر غاليري القصيدة
Author: أبوذر بابكر
Date: 11-05-2006, 02:23 AM
Parent: #1
سنبلةٌ
|
Post: #41
Title: Re: أبوذر بابكر غاليري القصيدة
Author: أبوذر بابكر
Date: 11-05-2006, 02:28 AM
Parent: #1
سيرةُ الشمسِ -- كاملةً
بعد كده يا متوكل
ما عندك معاى أى لكلكة
اليوم أكملت لكم "غاليريكم"
غاليرى غاليرى
ده بقى متحف عديل
لكين والله بى تحت تحت
عملت فينى معروف سمح جدا
ياخى أنا هسه فى نصوص لمن لقيتها لامن اتخلعت
نسيتها عديل
خلاص كده يا زول يا متعب؟
لكين تعبك جميل زى بسمتك
|
Post: #43
Title: Re: أبوذر بابكر غاليري القصيدة
Author: الزاكى عبد الحميد
Date: 11-05-2006, 08:19 AM
Parent: #41
العزيز متوكل
شكراً على هذا البوست الرائع
روعة الدهشة التي تعترينا-كما فرحة الصغار بالعيد-
حين نقرأ لهذا الشاعر..
أجد في قصائده ضالتي لحظة ترويض القلق..
فما أروعك يا صديقي متوكل وأنت تشكر هذا الرجل بألسننا!!
لكما من الود رحيقه..
الزاكي
|
Post: #44
Title: Re: أبوذر بابكر غاليري القصيدة
Author: أبوذر بابكر
Date: 11-05-2006, 11:11 AM
Parent: #43
الزاكى العبير
كيف الأحوال
يا ريت يعرف مقدار الزهو الغبطة البتعترى الإحساس
لما يجى الإطراء والإعجاب
من زول ذواقة زيك يا الزاكى
أهديك الود والإمتنان
والمعزة والتقدير
وليك لمتوكل
حديقة محبة
|
Post: #48
Title: Re: أبوذر بابكر غاليري القصيدة
Author: mutwakil toum
Date: 11-12-2006, 05:46 AM
Parent: #43
الأخ الفاضل الزاكي ،،
تحياتي لك وشكرا علي كلماتك الصادقة .
تعرف انا لا أفعل شئياً لكني اشعر بأن قصيدة ابي ذر يجب أن لا تمر مرور الكلام ..
لك الحب ..
|
Post: #49
Title: Re: أبوذر بابكر غاليري القصيدة
Author: mutwakil toum
Date: 11-12-2006, 02:54 PM
Parent: #48
أبوذر مشكور يا اخي على المساعدات المقدرة ،،
عبر المنتدي بشحنات عاطفية آثرت التوقف ،،
لو باالأمكان تمدنا كمان وكمان . تكون (تب) ما قصرت..
|
Post: #50
Title: Re: أبوذر بابكر غاليري القصيدة
Author: mutwakil toum
Date: 11-12-2006, 06:52 PM
Parent: #49
عن ابي ذر نواصل الحكي :
Quote: إِقْنع بما تساقط حولك
من ريشِ الخسارة
فهو
بعض نشيدٍ
يستبيح دمَ العبارة
هو لفحٌ من لؤمِ الجهاتِ
يشارك الغريبَ
ظلَه النحيل
يشاطر الفرحَ
متاعَه القليل
ينادم النهرَ
خمرَ موجِه النبيل
هو
ما قالته الليلاتُ
سراً
عن فجيعة الأرضِ
عن قبورٍ تبيع نهارَها
جهراً |
..لـ أبي ذر - دائماً - مفردات صغيرة او (حروف) كـ (هو) أعلاه يعبئها بأكثر ما أعتادت عليه طبيعتها ..
يقول ..
يستبيح دمَ العبارة
هو لفحٌ من لؤمِ الجهات..
:
يصبح هذ الحرف المهمل كسلاسل حديدية يربط صلب المعني السابق باللاحق ، وهي ذات الطريقة التي تعامل بها مع (لو) التي اشرنا لها أعلاه : وهو ناتج من حساسيته المفرطة مع التعامل مع الحرف : أو ما يسمي بالحرفية ، وهي ما دعي الي اشارتي السابقة ان قصيدة ابوذر تتنكر في هئية سهلة ولكنها في الاصل مخاض ونزيف شاعري .
َ
خمرَ موجِه النبيل
هو
ما قالته الليلاتُ
سر
|
Post: #61
Title: Re: أبوذر بابكر غاليري القصيدة
Author: أبوذر بابكر
Date: 11-18-2006, 06:32 AM
Parent: #49
مساعدات يا مفترى
هديت حيلى ياخ
وأنا اشيل وأنقل وأعلق
ما خليت لى جدار فى محلك العجيب ده وإلا علقت فيهو حاجة
المهم قومت نفسى
لكين برضو القومة ليك يا زول يا أخدر
مافى طريقة تانى أمدك بى شئ
إلا المحبة بس
وليك منها أرتاك وجيوش
غير كده ما عندى ليك أى حاجة
|
Post: #51
Title: Re: أبوذر بابكر غاليري القصيدة
Author: Samau'al Abusin
Date: 11-15-2006, 02:40 AM
Parent: #1
يا أبوذر..
جميلة جدا هذه الصورة التي تفاعلت
فيها مع متوكل في هذا البوست، و بقى
فعلا قاليرى لقصيدتك.. بس ما
حيتحول لي متحف! و ما في فرصة، لأنو
ما فيه أي ملامح "متحفية".. كلو نبض
حي و دفق حار..
متوكل الذي علمني كيف أقرأ" المعاني
القميسة" في شعر عاطف خيري،
و أنا أعني ذلك حرفيا، ها هو
يفتح لي نافذة أخرى، وأنا أثق جدا في حساسيته
الشعرية، لقراءتك في هذا البوست الذي كنت فيه
في غاية الأريحية دون تصنع.
وليس للتأمل الخارجي. أن يقرأ
الشعر في مساحة كهذه، يبذل فيها
الكثيرون الكلام الكثير، مع هامش
الوقت القليل لو لم يكن في زول
"شليق" يستفيد من "ساعة فراغه"
الغالية بالصورة المنيرة دي..
أكاد أجزم أن درجة الصدق البسيط
في هذه الشعرية، شعريتك، عاميتها وفصحاها
هي العصب الأساسي في مبناك الشعري،
تأتي من بعد هذين العنصرين، عناصر
أخري، كتراكيب المعني، بيئة المفردة،
و ماعون الذاكرة، و فضاء المتخيل حيث
الزاد اللامنتهي للشاعر..
سأعود مرة أخرى للقراءة وليس
"للشلاقة"..
|
Post: #62
Title: Re: أبوذر بابكر غاليري القصيدة
Author: أبوذر بابكر
Date: 11-18-2006, 06:45 AM
Parent: #51
يا سموئل
يا خازن جنان الحرف النضير
جيت ليك ومابى غير وشاح الفرح
شال من غبطة وإزار من بهجة خضراء عميمة
كيف حالك يا سمح
Quote: متوكل الذي علمني كيف أقرأ" المعاني
القميسة" في شعر عاطف خيري،
و أنا أعني ذلك حرفيا، ها هو
يفتح لي نافذة أخرى، وأنا أثق جدا في حساسيته
الشعرية، لقراءتك في هذا البوست الذي كنت فيه
في غاية الأريحية دون تصنع.
وليس للتأمل الخارجي |
أنا متوكل علمنى كيف أقرأ روحى
تصدق
الزول ده بعاين بى "عين روحو"
يمدها لى جوه الحاجات ويتناولها منك
ولمن يرجعها ليك تانى، تلقاها بقت كاملة الدسم والطعم والمعنى
والله يا صاحبى
من اصعب الأشياء، عندى أنا على الأقل، هى قراية الشعر
والشعر ده حاجة متعبة ومضنية، كائن عجيب ما عنده شغله غير تلتلة خلق الله
لكين وراهو وراهو لحدى سماهو العاشرة
وقدر ما زول يسألك
ما تلك بيمناك؟
تقول ليهو وإنت مغمض
دى قصيدة
وإنت ذاتك قصيدة والله يا سموئل
"إنت إسمك ده كده صاح؟"
يخيل لى صاح
المهم
بحاول والله ما اتكلم عن النصوص، إنطلاقا من قناعة راسخة جدا ومن زمان
إنه القصيدة زى "الأنثى" كل زول بشوفها من زواية غير البشوفها منها الزول التانى
عشان كده وزى ما قال شيخنا أدونيس، إنه النص الشعرى عبارة عن سماء مفتوحة وشاسعة ومزروعة بالكلام، فأيى النبتات أو الأشجار تخيرت، فهى تغنيك
ومن هنا كل إنسان بعتقد إنه عنده قرايته الخاصة
ياخى فى لجة النضمى الكتير ده نسيت أرحب بيك وأقالد حروفك البهية
ف حياك خالق الجمال يا زول يا جميل
وأفاض عليك من طعمه ولونه وريحته ونكهته
أحلى ما فيها
وخليك فى شلاقتك الحلوة
أقرأ واتشالق
هسه عليك الله فى شلاقة أكتر من شلاقة متوكل دى
زول متعب جدا
|
Post: #52
Title: Re: أبوذر بابكر غاليري القصيدة
Author: السوباوي
Date: 11-15-2006, 04:54 AM
Parent: #1
الشفيفين ..
متوكل ...
أبو ذر ...
جئت لأحي الغمام بناصيتكما ...
يا متوكل الشكر من هنا لا عندك لما أتحته لنا ..
أبو ذر دا ثروة ما هينة ورجل حرفه طاعم وريحة إبداعو طاقة ..
يعني كان ونسك ونسة الله والرسول دي بيكون هبش فيك 56 وتر ...
وأبو ذر ولد
شامخ كما الأشجار ...
يدي الجبال قامة ..
ويهدي الحقول الطل ..
أخضر زي ضفاف النيل ...وأجمل من نضار الورد ..
تحياتي أقصى ما تراه عيون ،،،،
|
Post: #53
Title: Re: أبوذر بابكر غاليري القصيدة
Author: abuguta
Date: 11-15-2006, 05:31 AM
Parent: #52
متوكل..
سلام...
شكرا ياخى على حت النبق والحنبك والدوم والقنقليس
وجميع ثماراتنا البلدية من هذه الشجرة الشعرية التى تسمى ابوذر
فى حضرة بوستكم يطيل المكوث
احمد
|
Post: #54
Title: Re: أبوذر بابكر غاليري القصيدة
Author: ودرملية
Date: 11-15-2006, 03:20 PM
Parent: #53
سلامات
وعوافي
يامتوكل
حديثك دائما جميل .. حتي كتابتك عن ابوذر اجمل مافيها بساطتا..
ياخي مشكور علي "ايراق غصن المنبر "*الذبول".." ..
ابوذر المطر ..
ياسيدي هو تعويذتنا في هذا المنبر ..
كلما استفحل داء القبح "هرعنا لعطار القصائد" وصفات من الكلام الحنين ..
والكتابة العالية ..
له تمام المحبة والتقدير
ولك ياتوم شديد المودة ..
* تصريفها من عندي واتمني ان يكون سليما فانتم يا اهل الكتابة قلقون حيال استخدام الناس للمفردات
|
Post: #60
Title: Re: أبوذر بابكر غاليري القصيدة
Author: mutwakil toum
Date: 11-17-2006, 06:24 PM
Parent: #54
ودرميلة:
(لو) ولو تفتح أمل الإنسان :
لو كان المتسائل زول تاني غن تصريف مفردة كان عملنا لجنة من ناس ابوذر والسموأل ديل ، عرفنا تصريفك ده شايت وين ، لكن التصريف الجاي منك صحيح الي ان تثبت إدانته ،،
Quote: هو تعويذتنا في هذا المنبر ..
كلما استفحل داء القبح "هرعنا لعطار القصائد" وصفات من الكلام الحنين ..
والكتابة العالية ..
|
عجبني كلامك بي الحيل ووصف الحالة الكنت كايس ليها ،،
(لو) جيت من بدري كان وفرت عليً مشقة النقة الكتيرة بي سطرينك ديل
تسلم
|
Post: #66
Title: Re: أبوذر بابكر غاليري القصيدة
Author: أبوذر بابكر
Date: 11-19-2006, 01:47 AM
Parent: #54
إزيك يا ود رملية
كيف الأحوال
يا زول يا "هطول"
ومن مزن حرفك الجواد، ينهمر الندى زيبلل جلد واطاة الكلام
عشان كده بتخضر بيك وبيهو كل أماكن اللقيا السمحة
هسه "هطول" دى مش زى "ذبول"
زبرضو زى "عجول" و "ملول" وكلها على وزن "فعول"
وأعتقد إنه تصريف يراد بيهو تمكين نعت الموصوف
ما سمعت عمك أبو الطيب قال شنو
ليالى بعد الظاعنين "شكول" -- طوال وليل العاشقين يطول
يعنى تصريفك صحيح غصبا عننا وعن أبو السود الدوؤلى ذاتو
ياخى أنا ممنون ليك والله، وفرحان ومزهو بيك لدرجة التخمة
فإنت زول مليان بالجمال والمعنى، وتحتشد جواك كل عوالم الروعة
أحييك ومعاك متوكل وكل رفقة الإخضرار الحلوين هنا
|
Post: #64
Title: Re: أبوذر بابكر غاليري القصيدة
Author: أبوذر بابكر
Date: 11-18-2006, 06:56 AM
Parent: #53
أبوقوتة
إزيك يا ابو حميد وكيف أحوالك
وشكرا ليك إنت يا ود يا "قصب سكر"
على تطعيم المحل وتعطيره بى نكهتك السكرية
سلمت يا أبوحميد وسعدت إن شاء الله
|
Post: #65
Title: Re: أبوذر بابكر غاليري القصيدة
Author: mutwakil toum
Date: 11-18-2006, 03:46 PM
Parent: #53
Abuguta
Quote: شكرا ياخى على حت النبق والحنبك والدوم والقنقليس
وجميع ثماراتنا البلدية من هذه الشجرة الشعرية التى تسمى ابوذر
|
شكراً يا اخي انت علي كلامك الطاعم زي النبق والحنبك والدوم والقنقليس (شهيتني السودان) ..
تسلم
|
Post: #59
Title: Re: أبوذر بابكر غاليري القصيدة
Author: mutwakil toum
Date: 11-17-2006, 06:13 PM
Parent: #52
الأخ السوباوي
Quote: أبو ذر دا ثروة ما هينة ورجل حرفه طاعم وريحة إبداعو طاقة ..
يعني كان ونسك ونسة الله والرسول دي بيكون هبش فيك 56 وتر ...
وأبو ذر ولد
شامخ كما الأشجار ...
يدي الجبال قامة ..
ويهدي الحقول الطل ..
أخضر زي ضفاف النيل ...وأجمل من نضار الورد ..
|
يعني انا بعد كلامك ده ح أقدر اقول شنو : تعرف : واضح إنو البورد فيهو أكتر من ابي ذر واحد ، لكن طواحين البوستات بتدي الأولوية للشرً .
من هنا وقدام نحاول - مع بعض - ( ما أمكن) ندي الأولوية للكلمة القيافة.
تسلم
|
Post: #63
Title: Re: أبوذر بابكر غاليري القصيدة
Author: أبوذر بابكر
Date: 11-18-2006, 06:52 AM
Parent: #52
إزيك يا سوباوى
أول التبادى
إنت ياخى ما عايز تخلى فسالتك وبخلك ده ابدا؟
والله العظيم تتعلق ذنبنا كلنا وربنا يوم القيامة يسألك
ولو ما سألك
أنا بكلمه عليك
ياخى وين النصوص الشهية والقصائد البهية؟
لاميها عندك و "ميت بيها براك" يعنى
وتانى التبادى
شوق شديد ليك والله يا سوباوى ولى حضور حرفك التريان
وكلماتك الرتاين الباقه
وتالت التبادى
إمتنان ممزوج بالفرح القوى
على إطرائك المبهج فعلا
وكل خرف هنا بمثابة قلادة مزينة بورد السماحة والألق منك
أعلقها طوالى حول رقبة الزهو العريض
فشكر ومحبة بلا حدود ليك يا زول يا زين
|
Post: #55
Title: Re: أبوذر بابكر غاليري القصيدة
Author: أبوذر بابكر
Date: 11-16-2006, 11:05 AM
Parent: #1
متوكل
ورهط الضوء
سموئل والسوباوى وأبو قوتة وودرملية
الليلة وبكرة الويك إند حقنا
وعندى معاكم نضمى كتير جدا
أجيكم بالمهلة
وأرقدو سعادة لحدى ما أليكم
مع وفير المحبة
|
Post: #85
Title: Re: أبوذر بابكر غاليري القصيدة
Author: أبوذر بابكر
Date: 12-05-2006, 10:14 AM
Parent: #55
فى حضرة بهاء العشب
جلس يزين وجه الرياح
ويغسل جسد النهر
بماء من ريق الأملاك
فأصرت العصافير على أن تتوجه سلطاناً على ذلك الحقل
ولما رفض ملحاً
خلع العشب ثوبه الفيروزى وباع لونه لليل
كتبت العصافير وصاياها وغادرت الغناء
اشاح النهر بوجهه وقطبت الضفة جبين صفصافها
وافق أخيرا، بعد أن رأى دموع الطين غزيرةً
ربت على صدر النهار
فأبتسمت الشمس
|
Post: #56
Title: Re: أبوذر بابكر غاليري القصيدة
Author: الجندرية
Date: 11-16-2006, 02:39 PM
Parent: #1
والله خبر
غاليري ومتحف وكل هذا القدر من الجمال
وانا اسوي في ملاح التقلية ؟!!!
|
Post: #57
Title: Re: أبوذر بابكر غاليري القصيدة
Author: ودرملية
Date: 11-16-2006, 09:00 PM
Parent: #56
سلامات
وعوافي
متوكل توم ..
اين انت يا رجل ..؟
المطر ..
في انتظارك ياباهر الجمال ..
|
Post: #58
Title: Re: أبوذر بابكر غاليري القصيدة
Author: mutwakil toum
Date: 11-17-2006, 06:06 PM
Parent: #57
صديقي الأول : السمؤال أبوسن :
سلامات :
تعرف من الركلسة الكتيرة في المنتديات نمت خبرة جديدة : بي قرنا إستشعار البوست :
قبل تضغط علي Send بتعرف وعلي حسب الموضوع الداخل ليك منو والمارق منك منو أها وكت تحتاج
تسمع الناس الحلوة ناس ابوجهينة أو الجندية(أماني) أو أبو رميلةأو عماد عبد الله ,وجورج والزاكي و ابوقوتا وجبيب نورة ، وباقي الناس السمحة الجات داخلة دي بتقوم تقدم الحسنة
وأحلى حسنة تجيك بي عشرة مثلها :
أها انت مثلاً يا صاحبي انا مشيت لحدي دبي لميت فيك رقراق رقراق ، اسوي شنو غير اشرك ليك بي الزول اللذيذ ده ،
أبوذر ربك يدهو العافية بعرف كيفن يطبطب علي قلبي بي قصيدتو، والمجال هنا مجال ونسة ومهرجان سغيروني ليهو ، محاولة عاجزة لرد جميل ، جميل مفروش من بداية الروح لي نهايتا ، مكان الـ Exit الخروج : إكزيت الروح .
شلاقتك بتمرق المجال : مجال الونسة والمهرجان لي حوش العلم: نقد، وقرايات ، وبرضو - نيابةً عن ابي ذر - بنرحب بيها :
في إنتظارك :
تسلم يا سام
|
Post: #69
Title: Re: أبوذر بابكر غاليري القصيدة
Author: أبوذر بابكر
Date: 11-19-2006, 09:39 AM
Parent: #57
إزيك يا ود رملية
داير لى ياخ قعدة "مدوزنة" زى قعدتك دى
بالمناسبة
ما تشوفنى كدى
أنا عازف ماهر جدا جدا على هذا الكائن الحميم الإسمو العود
إن شاء فى يوم من ايام الدنيا البايخة دى نتلاقى يا ود رملية
وكل واحد فينا يتأبط عوده
أنا حأعزف ليك أغانى أبوداد كلها، ما زى برعى طبعا، لكين بى طعم أبوداود
بس أوعى تقول لى غنى، لأنه لو غنيت ليك حأبوظ الدنيا كلها
شكرا يا سمح على سؤالك وفقدتك لينا
قاعدين ومتوفرين والله
أنا قاعد أناول متوكل الطوب
وهو الأوسطى بتاعنا طبعا
|
Post: #67
Title: Re: أبوذر بابكر غاليري القصيدة
Author: أبوذر بابكر
Date: 11-19-2006, 01:52 AM
Parent: #56
تحياتى يا أمانى
وفاقدين والله حروفك الأنيقة، ومواضيعك الوريقة
والجمال يا جندرية فضلة خيرك
وملاح التقلية، برضو نوع من الإبداع الشهى
تحياتى ليك ولتراث والعيال
وسعدنا كلنا بإطلالتك المبهجة
|
Post: #68
Title: Re: أبوذر بابكر غاليري القصيدة
Author: mutwakil toum
Date: 11-19-2006, 03:57 AM
Parent: #56
الأماني الجندرية.
سلامات ،
ياتو جمال بفوتك ، ؟ تسلمي لينا انت ،مكان موجودة الجمال موجود ، وبالمناسبة ما فاتتك حاجة نحن يادوب إبتدينا (ما زال الشعر طفلاً بعد)
|
Post: #70
Title: Re: أبوذر بابكر غاليري القصيدة
Author: mutwakil toum
Date: 11-19-2006, 07:55 PM
Parent: #68
عن أبي ذ نواصل الحكي ..
في قصيدته مزامير- أو قصائده مزامير -والتي تتقطع الي عدة مقاطع أو تتشابك في بعض مقاطع* كـ كمدخل إفتتاحي لمبنى القصيدة والتي بوابتها (الغياب) صيغة تساؤلية يقول..
Quote: ترنيمة الغياب
كم يا ترى هى المسافة
بين أنين الورد
ومسمع آلهة المطر؟
كم يا ترى هى المسافة
بين هتاف الدرب
وإصغاء الرب؟
|
يرمي ابوذر السؤال في رحم الغياب ثم يمضي إلي حال قصيدتة متجاوزاً أنين الورد الذي ينتظر رحمة المطر إنتظاراً ترهلياً . ثم يقفز الي النهر ..
Quote:
ترنيمة النهر
نحن
كلما مرت دمعة
تحت عرائش التعب
تصطك فينا
مفاصل الأمانى
تؤرقنا سقيا العظام الخائفة
ونحن
كلما نام ظل
توسد قبر جسده
يستيقظ الغمام فينا
ليصعد نوم الظمأ
إلى مراقد النهر
ليهبط خرف الطين
على لهاة الأغانى
نحن
جرح الموج النائم
بين بكاء الماء
وضحك الجمر
|
حين يتسرب الكلام الي مساماماتك الداخلية تحس بخيبة أمل وإحباط لا ينجح فخامة الوصف في التستر عليها.( نحن جرح الموج النائم بين بكاء الماء وضحك الجمر ترنيمة الخيبة) هذا المقطع وحده كفيل بتدبير أمر الإحباط وإدارته.
يترك أبوذر الغياب دون إجابة التساؤل ليمضي الي النهر ، لكنه أيضاً يترك النهر يدس اشياءه في المساء ..
Quote:
هل المساء
إلا جثة خائبة
لنهار خائبٍ؟
نهار
فضّل أن يبيع الشمس
مقابل حفنة نجمات
شربت الشمس حليب عشبها ونامت |
إنه شيطان الشعر . نعم شيطان ، فتلك الحركة الكونية اليومية غياب الشمس لتفسح مجالاً لـ الليل والنجوم والقمر يصورها أو ينظر اليها ابوذر بشاعريته بشكل مختلف متآلف مع سيرة إحباطاته من تفاصيل هذا الكون فهذا هو النهار المرابي الذي يبيع شمسه من أجل حفنات من النجوم ويمضي في حال سريره كأن لم يكن شيئاً يشرب حليبه وينوم. هذا الوصف فيه من العبقرية ما يكفي.
Quote:
نهار
ما علم أن القمر
طفل يبخل بحلوى الضياء
وفتات الأغنيات الذابلة
|
هل المساء
إلا محض نهار كاذبٍ؟
لا يترك ابوذر النهار في حاله ويرجمه بآخر الحجارة ، دون أن يترك له عبقرية أخرى (يقبل) عليها.
|
Post: #72
Title: Re: أبوذر بابكر غاليري القصيدة
Author: ودرملية
Date: 11-22-2006, 04:58 PM
Parent: #70
سلامات
وعوافي
اخونا في الدنيا الزايلة متوكل توم ..
عساك بخير"ياصديق الكتابة الساحرة" ..
اعجبني قولك ..
| Quote: لا يكتب بحزن او بفرح كما يتهيأ لمتابعيه إنما يكتب بشعر |
فقلت في نفسي وهل يليق هذا الوصف بكائن غير هذا "المطر" ..
|
Post: #73
Title: Re: أبوذر بابكر غاليري القصيدة
Author: mutwakil toum
Date: 11-24-2006, 06:52 PM
Parent: #72
أحونا ود رميلة .
يا أخي - والله - أهلاً بيك ..
طبعاً إذا كان دي صورتك فأنت تكون فنان بالطول والعرض (بي الحرف والعود) ..
ابوذر برضو حريف عود (شايف يا اباذر بقيت أحكي عن حاجاتك السرية) ..
البوست ح يطرشق فن ..
خليكم جلوس
- أنا-أقيف أتفرج ..
|
Post: #74
Title: Re: أبوذر بابكر غاليري القصيدة
Author: ودرملية
Date: 11-24-2006, 07:29 PM
Parent: #73
سلامات
وعوافي
اصحاب الواحة الوريفة ..
متوكل وصاحبه "الجميل" ..
صدقوني البوست دا .. عذاب لذيذ ..
فعندما اقرأ كلاما "نظيفا" "انيقا" تشتهي خلاياي كتابته .. تشتهي خاطرتي "ملكيته" ..
ولو لي بعض قدرة وفيض "حديث" لبذلته لكم "ولقلت ان كل ماكتبه ابوذر ..وماكتبه توم" لهو من صميم "كتاباتي" ..
اصبغ علي كتابتكم "صفتي" .. لعجزي امام هذا الابهار العالي..
التمني ..
تمنيت لو انني كتبت قصائد "المطر".. ولو انني "خرجت" من عباءة الكتابة ودخلت "عباءة متوكل" لاقرأ بزاويته ..ومن ثم اكون انا "الشاعر" و "والكاتب الناقد" ..
ترفقوا بنا يا اهل "الجمال الكثيف" ..
ولا تغيبوا .. فباب التمني عندي "مفتوح علي مصراعيه" ..
لكم المودة جميعها وجحافل الاحترامات ..
...
مع حبي
...
يامطر ..
اخوك طبعا بيني وبينك كدا "يخربوا" في عزف العود ..لكن استمتع حد المتعة بالاستماع ..
وهذه الصورة لاني "احبه" ففضلت ان يكون فيها مضموما الي "صدري" ..
تحضروا ماتغيبوا ياحبان ..
قولوا امين ..
|
Post: #76
Title: Re: أبوذر بابكر غاليري القصيدة
Author: أبوذر بابكر
Date: 11-25-2006, 02:50 AM
Parent: #74
ود رملية
صباحك أنس وندى وعافية
وسعادة "تتلحك"
على بالإيمان مافى "أورف" منك
أورف دى تصريفها مظبوط كده يا حاج
بعدين إنت يا ودرملية ياخ
نبع نمير من كوثر الكلام وسلسبيل المعانى
مدادك يسقى أرض المنبر هنا، عشان تقوم وتخضر وتثمر الحروف وتبقى شتلات يانعة وجميلة
وكلماتك تبقى دوحات عامرة بالضل والسكينة والمودة والسماحة
ونحن نقيل تحتها ونرتاح
أما عن العود يا صديقى
فالمحبة اصل الإيمان، وطالما بتعشق هذا الكائن الولوف، صدقنى يمكن يتجاوب معاك بكل سهولة وبأيسر مما تتخيل
أنا حصل معاى كده، كنت شايف إنه اصعب حاجة فى الدنيا هو إنه الزول يعزف العود ويطلع منه أنغام كاملة وجميلة
ولقيت الموضوع أسهل حاجة صعبة، أو اصعب حاجة سهلة
وإن شاء الله تلقى الدايرو فى "مراضك" يا ود رملية
وليك حزم سميكة جدا من الأمنيات الخضراء
|
Post: #75
Title: Re: أبوذر بابكر غاليري القصيدة
Author: أبوذر بابكر
Date: 11-25-2006, 02:40 AM
Parent: #73
متوكل يا صاحبى البديع
صباحاتك قرنفل يا سمح
Quote: ابوذر برضو حريف عود (شايف يا اباذر بقيت أحكي عن حاجاتك السرية) ..
|
لسه إنت ما دخلت فى الحاجات السرية
الله لا وراك ليها يا متوكل
خلى الطابق مستور بس
| Quote: - أنا-أقيف أتفرج .. |
كيف يعنى تقيف تتفرج
"الأسطى" يتفرج؟
طيب يعنى الباقين يعملوا شنو
بطل لكلكة بالله يا متوكل
|
Post: #77
Title: Re: أبوذر بابكر غاليري القصيدة
Author: أبوذر بابكر
Date: 11-29-2006, 09:27 AM
Parent: #75
عارفك يا متوكل ما "فاضى"
ودائما "معشق"
وخليتنى أنا "مع الشق"
مافى شى تانى مجدوع فى المنبر عشان ألملمه وأجى أعلقه ليك فوق حدران الغاليرى
رايك شنو بعد كده نجرب ال stands
المهم
إنت عارف أنا بحبك ولا ماك عارف نهائى
وزورنا مره
شوف بالله بالصدفة
السؤال والنداء
الإتنين طلعو من أغنيات الكاشف
يا حليل ود أزرق يا متوكل
|
Post: #78
Title: Re: أبوذر بابكر غاليري القصيدة
Author: mutwakil toum
Date: 12-01-2006, 11:51 AM
Parent: #77
ود رميلة
ابوذر ..
شايفكم من قبل كم يوم ، أها ودرميلة مازولاً بكتبوا ليهو من اسبير زمن ، وكنت عشمان في وكت بالطول والعرض وكتابة تهز الأرض لكن يظهر انو الكلام ده اضغاث أحلام . نو وي .
ويا أبوذر البوست بتاع الكورة الكشف حالك في حاجاتك الداسيها كان امتع استراحة، يعني برضو ساكيك : كدي نتلاقى بعد بكرة . رغم انو تلقى الزمن ما تلقى الكتابة ، تلقى الكتابة الزمن يابي  .
تلقواالعافية بكان ما تقبلوا
|
Post: #79
Title: Re: أبوذر بابكر غاليري القصيدة
Author: أبوذر بابكر
Date: 12-01-2006, 01:49 PM
Parent: #78
عاجل
زى البجيبوها ليك ديك فى لما يقطعو النشرة فى التلفزيون
العاجل يا سيدى إنه أنا تغولت على حق سيادتكم وإتصرفت بدون "موجب التوكيل" الممنوح لى
وطلبت من عمنا بكرى إنه يخلى لينا البوست ده فى السنة الجديدة، لأنه لسه فى نضمى كتير جدا
عليك الله أنا هسه نضمت يا متوكل ولا قلت ليك الكلام الداير اقوله؟
المهم سا حاج ولا تزعل ولا شى
قول لى ليه
قلت لى ليه
لأنه يا سيدى أنا قلت لى بكرى، إعتبر البوست ده ماى بروبرتى وأنا الذى وضع له حجر الأساس بيدى، مش أنا عندى فرصة أطلب بوست واحد، أوكى، خلاص أنا كده بكون طلبت
طيب وفرصة متوكيييييييييييييل
الجره فى اليا دى طبعا عشان تديك طعم السؤال، مش الزول بجرها كده
فرصة متوكل تتحول لى فرصتى أنا
نحن برضو جدعان
"فى اللحظة دى قاعد أبرم فى السايد اليمين من الشنب"
أما بخصوص الزول البستان المدعو "ود رملية"
فده موضوع نخليهو للمرة الجاية
أرقد طيبة وسعادة
نسيت أقول ليك أنا مستعجل ليه
بتفرج فى الإفتتاح بتاع دورة الألعاب الآسيوية فى الدوحة
فيرى مارفلس انوقيوريشن
أكتر حاجة بتعجبنى فى إفتتاح الدورات الزى دى
الإستعراض، وناس الدوحة عاملين شغل خطير جدا فى الإبهار والعروض والرقصات، آه من الرقصات الآسيوية يا متوكل، كيروغرافى بديع بديع، العيب الوحيد فيهو إنه مدته قصيرة طبعا عشان بكونو محكومين بى وقت محدد، عشان كده بتحس بيهم زى المستعجلين، لكين حاجة سمحة خلاص والله
خلينى أتابع
|
Post: #80
Title: Re: أبوذر بابكر غاليري القصيدة
Author: mutwakil toum
Date: 12-01-2006, 10:58 PM
Parent: #79
| Quote: "فى اللحظة دى قاعد أبرم فى السايد اليمين من الشنب" |
ابوذر .. كيف آ زول ..
البوست ده بروبرتي ليك ، وقبل ما أموت اكتب ليك وصية (تشيلوا تختو بعيد في شاطي من عين الموج .. شان ترجع) وده كلام ع. خيري ...
وبرمة الشنب اليمين حقت الجدعان لكن بقولوا البرمة بي الشمال حقت الشيوعية . قلت انبهك إيدك ما تفلت وتبرم بي الشمال وتدخل حساب الله.
أها عشان اوريك نحن برضو جدعان .. وريني عايز ترفع ياتو بوست وانا أقول لي بكري ترفعوا . هيع . رفعت رجلي فوق وقت لي المكيت كدي دذ. (شفت كيف المكيت).
أها لمن ننشفك تب من القصيدة كنت بفكر نشكل البوست يعني ممكن ينقلب لي حوار ، بس عشان يكون مكرب وحديد عايز روقة بال وانا وحاتك دخلت في المعمة بتاعة الجامعة وبراك عارف قراية الكبر ، وفكرتي الهيلت الحوار كان بقصد انها تتوضع هنا وتتنشر في جريدة اكان سودانية او خليجية .
وده عربون إفادة .
قت شنو يازول؟ ..
لكن موضوع القصيدة -طبعاً- لسة ما انتهى .
اها يا لذيذ .
نتلاقى هنا . أوكي
|
Post: #81
Title: Re: أبوذر بابكر غاليري القصيدة
Author: mutwakil toum
Date: 12-01-2006, 11:02 PM
Parent: #80
المداخلة الفوق دي كتبها لكن ما رفعت البوست .
شفتوا تقلتوا البوست كيف
|
Post: #82
Title: Re: أبوذر بابكر غاليري القصيدة
Author: أبوذر بابكر
Date: 12-02-2006, 10:11 AM
Parent: #80
Quote: أها عشان اوريك نحن برضو جدعان .. وريني عايز ترفع ياتو بوست وانا أقول لي بكري ترفعوا . هيع . رفعت رجلي فوق وقت لي المكيت كدي دذ. (شفت كيف المكيت).
أها لمن ننشفك تب من القصيدة كنت بفكر نشكل البوست يعني ممكن ينقلب لي حوار ، بس عشان يكون مكرب وحديد عايز روقة بال وانا وحاتك دخلت في المعمة بتاعة الجامعة وبراك عارف قراية الكبر ، وفكرتي الهيلت الحوار كان بقصد انها تتوضع هنا وتتنشر في جريدة اكان سودانية او خليجية .
|
يا متوكل سلام عليك
وسلام يحمل سلام يحمل محبة
بعدين لسه ما عرفت الحُكما والأطباء حيحتارو فى دواى ولا لا
لأنه ما مشيت ليهم لحدى دلوقت
سيبك من عبيد الطيب وغناهو السمح
أنا ما عايز أى بوست وخليت ليك الفرصة
المثل بقول ليك أخوك كان بقى عسل
ألحسه كله ما تخلى فيهو الحبة، عشان تانى يطلع العسل الفيهو كله
لا بالجد كده يا متوكل
أنا مفكر والله أعمل مراجعة نقدية جادة جدا لكل النصوص، على الأقل الواحد يعرف محل واقف
وهل يواصل و"يتوسع فى الشغلانة" ولا نخليها هواية على الطاير كده بس
مشكلتى أنا يا متوكل تعرف شنو
إنه بحس إنى لسه ما كتبت قصيدتى
لم أنجز النص المطلوب بعد
عشان كده محتاج وقفة صارمة جدا للجرد الشعرى العام
وهسه أنا لقيت الغاليرى ده فرصة عشان الزول يعرف البيهو والعليهو
يعنى بالعربى كده عشان أعرف
أدق صدرى وأتقدم
ولا البت دايره تقرأ
وبنتلاقى يا حلو
|
Post: #83
Title: Re: أبوذر بابكر غاليري القصيدة
Author: Alia awadelkareem
Date: 12-02-2006, 03:15 PM
Parent: #82
Quote: إنت عارف أنا بحبك ولا ماك عارف نهائى
وزورنا مره
شوف بالله بالصدفة
السؤال والنداء
|
متوكل
وابو ذر
معكم احسست ان العالم يمكنه الجمال
فشكرا علي هذي الظلال
محبتي
عاليه
|
Post: #84
Title: Re: أبوذر بابكر غاليري القصيدة
Author: أبوذر بابكر
Date: 12-03-2006, 05:12 AM
Parent: #83
السلام أخضراً
والود أبيضاً
عليك يا عالية
ونحن
يستعظم الإحساس بالجمال فينا
طالما بقى حرفك الوريف ظلاً يهب الندى والحياة
فأنتِ
معنىً عالٍ ومكانةٌ أعلى
|
Post: #86
Title: Re: أبوذر بابكر غاليري القصيدة
Author: أبوذر بابكر
Date: 12-09-2006, 10:26 AM
Parent: #84
نبدأ يا متوكل خلاص
ولا نخلى السنة لحدى ما تبدأ
بعدين أقول ليك حاجة
أنا بعد اسبوعين "متوكل" البلد تب
يعنى تانى نادر ما أجى حايم بى جاى
وحأكون مع السودانيز أون سودان
اكشوال سودان
شهرين بيات سودانى نضيف
"وإنعطانات" حتى الثمالة
|
Post: #89
Title: Re: أبوذر بابكر غاليري القصيدة
Author: mutwakil toum
Date: 12-10-2006, 02:17 PM
Parent: #86
ابوذر آ خوي ده كلام شنو . البلد عديل كدي ، والبوست ده البراعيو منو؟ . وبعدين انت فكرتك لسه قديمة عن ودراوة ، تلقاها اسي بي كافي نت في كل ركن ، يعني من شجرة النيم البتحلم تقعد تحتها ممكن تمد إيدك للكي بورد تصلني هنا في امريكا - انت قايل النت بتاع ودراوة ساهل كمان
اها تمشي وتجي بالسلامة - اقولا ليك بمنتهى الحسادة- . وتحياتي للاهل والجيران - جيرانا المشتركين- ونسمع منك طيب ..
|
Post: #90
Title: Re: أبوذر بابكر غاليري القصيدة
Author: أبوذر بابكر
Date: 12-10-2006, 02:38 PM
Parent: #89
إنت يا متوكل يعنى تصدق أنا أخليك هنا براك
أكيد طبعا النت حيكون "قاب قلبين وأدنى"
وبديك إطلالات من حين لآخر
صاح ما حأكون فاضى زى "الفضاوة" الهسه دى، لكين برضو ما بتهون على والله
وحتى لو غبت أنا، عمنا بكرى حيخلى لينا الغاليرى ونرجع نلقاهو تامى ولامى
وزى ما قلت ليك لسه نحن ما قلنا أى شى، وما دخلنا فى الموضوع
وأوصيك ونفسى بمحبة الناس والشعر
|
Post: #88
Title: Re: أبوذر بابكر غاليري القصيدة
Author: mutwakil toum
Date: 12-10-2006, 02:01 PM
Parent: #83
الاخت عالية :
تسلمي ، وتشكري . وتنعمي بي غيم المطر ابي ذر :
|
Post: #87
Title: Re: أبوذر بابكر غاليري القصيدة
Author: معتصم دفع الله
Date: 12-09-2006, 02:00 PM
Parent: #1
الرائعون مثلك يا متوكل يأتون بالرائعين ..
تحياتي لك ولأبي ذر المطر ..
|
Post: #91
Title: Re: أبوذر بابكر غاليري القصيدة
Author: أبوذر بابكر
Date: 12-10-2006, 02:43 PM
Parent: #87
معتصم الباهى
آنست يا جميل
وليك المنى السمح والمحبة
|
Post: #92
Title: Re: أبوذر بابكر غاليري القصيدة
Author: أبوذر بابكر
Date: 12-13-2006, 08:16 AM
Parent: #1
لسه يا متوكل باقى اسبوعين على السفر
عندك أى وصية
أوصلها ليك أى محل عايزه فى السودان
|
Post: #93
Title: Re: أبوذر بابكر غاليري القصيدة
Author: أبوذر بابكر
Date: 12-20-2006, 08:41 AM
Parent: #1
Quote: القصيدة يا نعش الرهيف فينا *
(عاطف خيري)
|
Refreshing ya Mutawkil
ما يقوم بكرى ينسى الموضوع ده
عشان نبدأ يا حلو
|
Post: #94
Title: Re: أبوذر بابكر غاليري القصيدة
Author: mutwakil toum
Date: 12-20-2006, 10:22 PM
Parent: #93
الاخت عالية :
شكراً ليك وعفواً ليً تأخير الترحيب بيك
الدار دار نشوفك لمن يبداء ابوذر الحكي
|
Post: #95
Title: Re: أبوذر بابكر غاليري القصيدة
Author: mutwakil toum
Date: 12-20-2006, 10:23 PM
Parent: #94
الاخ معتصم ..
وتحياتي ليك ،،
تسلم
|
Post: #96
Title: Re: أبوذر بابكر غاليري القصيدة
Author: mutwakil toum
Date: 12-20-2006, 10:28 PM
Parent: #95
أبوذر : انا بعاين ليك (وش مليان إنتظار)
وبحسب ليك (اسي باقي ليك خمسة يوم ) - قبل دينق بي 7 يوم-
والاجازة شهرين : أمشي اعملا لينا ما لقيت حجز - حركات المغتربين دي -
او تجي قبل شهرين من البعوض والملاريات ..
البوست ده انا برضو ما قلت فيهو حاجاتي : يعني تلقاني حارسو ..
بس تمشي وتجي بي السلامة ..
|
Post: #97
Title: Re: أبوذر بابكر غاليري القصيدة
Author: أبوذر بابكر
Date: 12-27-2006, 07:35 AM
Parent: #96
من اليوم يا متوكل
تبقى فقط يومان
ونشوف الحبان
وهسه دى بمثابة ال "مع السلامة"
وموعدنا اللقيا الجديدة والشعر
قريبا بإذن واحد أحد
|
Post: #98
Title: Re: أبوذر بابكر غاليري القصيدة
Author: DKEEN
Date: 12-27-2006, 11:17 AM
Parent: #97
من الامور التي استغربت فيها
هي مقدرة هذا االابو ذر وصلاح شتات على قدرة انتاج الجمال في عالم لايوفر لك في احسن حالته سوى القبح..
ابوذر دآب على تشكيل هذا المكان بعالم جميل وموغلُ ُ في الياسمين والندى..
ابوذر حالة مستمرة من خيالٍ جميل واشواقٍ سافرة..
ابوذر كانما ولِـد على سفح غمامة يا متوكل..
|
Post: #100
Title: Re: أبوذر بابكر غاليري القصيدة
Author: أبوذر بابكر
Date: 02-28-2007, 01:30 PM
Parent: #98
يا دكين
يا بن الورد فى أقصى تجليات "عروة" الوجد الأخاذ
أنا مثلك والله يا دكين استغرب
وفى الخاطر دائما يربض بيت أبى الطيب، ذلك الذى يصف فيه حال رقيص الطير
ويوصى الناس بألا يحسبوا "فرفرة" روحه طربا
وأنت أيضا يا دكين
كائن تشع مؤتلقا بكل الألوان التى تشتهيها النفس
يندلق الحبر من لدنك فتتشكل بحيرات من الأنس والندى العميم
وتمتشق اللحظة خيالها ونعتلى نحن صهوات الطرب
بك يا سيدى
ومتشكرين على البهجة العميمة
|
Post: #99
Title: Re: أبوذر بابكر غاليري القصيدة
Author: أبوذر بابكر
Date: 02-28-2007, 01:22 PM
Parent: #97
يا متوكلاً
على آلهة البهاء الزرقاء
ها نحن نعود لمعاقرة التحبير وسكب ما تيسر من مداد القلق
لم تكتمل هناك محافل العودة السنارية
وقد شابها الكثير من الوجل وقعقعة غبار الأحزان
أنا قد عدت
ولكن من يعيد لى الشعر؟
وعلى الوعد القديم نبقى، ولنا من القول الكثير
وموعدنا ضفة القوافى
|
Post: #101
Title: Re: أبوذر بابكر غاليري القصيدة
Author: عبدالأله زمراوي
Date: 02-28-2007, 01:40 PM
Parent: #99
يا سلالالالالالالالام عليك يا أبوذر والله لا يصدر هذا الجمال الا من انسان جميل. لقد طبعت القصائد والنصوص لآقراها عندما ينشد قلبى اتكاءات الحروف الجميلة...
تسلم يا متوكل وتسلم شاعري الشفيف!
|
Post: #102
Title: Re: أبوذر بابكر غاليري القصيدة
Author: mutwakil toum
Date: 03-01-2007, 12:30 PM
Parent: #101
Quote: أنا قد عدت
ولكن من يعيد لى الشعر؟
|
""بالشعر وحده يحيا الإنسان""
يا صديقي الشعر لا ينفصل عنك ومنك، الحزن أثقل وزناً على كتف وجدان الشعراء"" يمكنني تفهم ذلك""
ولكنك وبما إنك حي تحزن، فإن دورتك الدموية موكد، مخلوطاً بها الشعر يلوثهابفيروس الحزن أحيانا، وينقيها بالفرح أحياناًً،
|
Post: #103
Title: Re: أبوذر بابكر غاليري القصيدة
Author: mutwakil toum
Date: 03-01-2007, 12:36 PM
Parent: #102
الاخ زمراوي ..
المشاركة في الاستمتاع بقصيدة تزيد متعتي بها وبالتالي تعيدني اليها،
تشكر "شاركتني نشوتي" وأعدتني للغاليري قصيدة قصيدة ..
|
Post: #105
Title: Re: أبوذر بابكر غاليري القصيدة
Author: أبوذر بابكر
Date: 03-02-2007, 08:06 AM
Parent: #102
وبالمحبة وحدها يا متوكل
يعلو قدر الأشياء وتسمو أسماء الناس لتمنحها السماء صك إنسانيتها
وتتجسد معانى جميلة
سنعود للشعر
فهو خبزنا الأول والأخير، وبه نحيا
فقط دعنى الآن أحدث نلك الريح الماسخة
وكل ذلكالسأم الذى يفوح على غير هدى
دعنى أنادى هذاالغريب
هذا الذى تختبئ تحت جلد الوجع
دعنى أقول له
خذ روحك أيها الغريب وإمضى
فما عاد فى الروح متكأ لعذاب
ما عاد بمسام الذكرى، سوى الذكرى
دعها تنام فى غفلتها، ولا توقظ التعب مرتين
هناك أيها الغريب
هناك خبأت القلب
تحت عباءة هواء ملون ببسمات ملونة
خلف "نيمة" صبية، تتناول أنخاب النشوة
مع عصافير النهار
هناك أيها السأم
تنسرح الدروب صعودا تجاه المحبة
ونزولا صوب الود
صوب الحياة
أرى الآن
روائح الزائرين
لا لا
لا أشتمها، فقد توحدت الحواس وانحازت لهذا الهم الغريب
أضحت الرؤيا هى الحاسة المقيمة
أرى الآن
رائحة الفرح تفوح فى الطرقات
رى الأطفال وهم يحتضون تشوقهم
أرى عطرها
وهو يكتب إفتتاح موسم البهجة
وأنا أختتم البكاء
أما زلت تذكر رائحة العيد؟
وتلك لنشوة التى تعربد فى الدروب
كم كانت تهزمنى اللحظة
فأتكئ على جناح أغنية صديقة
سنعود للشعر يا متوكل
والشمس والقمر شاهدان
|
Post: #106
Title: Re: أبوذر بابكر غاليري القصيدة
Author: mutwakil toum
Date: 03-05-2007, 11:08 AM
Parent: #105
Quote: سنعود للشعر
فهو خبزنا الأول والأخير، وبه نحيا
|
Abu Zar
let's get back to poems,
|
Post: #107
Title: Re: أبوذر بابكر غاليري القصيدة
Author: أبوذر بابكر
Date: 03-06-2007, 05:16 PM
Parent: #106
متوكل
عوافى ماكنة وتريانة ليك
وجاييك يا مبتدأ الألق، يا خبر الخريف
|
Post: #108
Title: Re: أبوذر بابكر غاليري القصيدة
Author: mutwakil toum
Date: 03-06-2007, 05:25 PM
Parent: #107
عناء الصندل - غِبطةُ الجمر
سيدتى
أبى الليل
أن يحمل قصيدتي
حملتها وحدى
عاشقاً جهولا
أبى الليل
خرّت نجماته
وهى تبتهل
ثم سجدن
أمام قبرى
أمام بريق طيفكٍ الوضاء
وأنا أشعلت
صندل عشقكِ العصى
علنى بإحدى الميتتين أفوز
إما ضياءاً يؤنس ميتتى
أو قبرا من الجمرِ
حملتها وحدى
عاشقاً جهولا
ثم اشرعت فى القلب
عتمتى
وتحت ألحفة المساء
خبأت هيامى وخيبتى
الآن تذكرتُ
قد ضاع منى
يا سيدتى
ضاع منى
خاتم أمنياتى القديم
طفقت أبحث عنه
عنى وعنكِ
فى أصقاع الروح
عاشقاً جهولا
فلم أجدنى
لم أجدكِ
نبشت كل مفاوز العناء
عرضا وطولا
قد ضاع منى
تذكرت الآن
حين كنت به
أقرأ إسمكِ
فيستحيل الوقت
قرنفلاً و بهاء
حين كنت به
أرسم وجهك
على أجنحة الأغانى
ألف جدايل الياسمين
جسراً بين القمر
وبين النهر
قُبلاً على خد النهارً
حدائقاً
وموعداً يهدينى عمرا
يلون جدران السنين
حين كنت به
أرشف من رحيقكِ الضنين
خمر الحنين
فأراكِ تمتطين فراشة
يضج لونها
في مدائن الفضاءْ
سيدتى
الشوق موت فى الخفاء
ووجهكِ البستان
يربض باسما
في قلب كُرَّاسَتي
تبتسم الأناسيد الندية، غبطةً
يضحك الجمر اللئيم، غبطةً
وينهزم البكاء
الشوق قبرى
والعشق قدرى اللعين
يا سيدتى
الموت قدر العاشقين
يا سيدتى
ناديت فجركِ
لأعلن فيكِ حياتى
فخاصمنىِ النداءْ
أسميتكٍ الحديقة
نسيتنى الفصول
واستباحنى العناء
والآن أسميك
أرضى التى
تنبت من مسام خدها
بشارات الحالمين
بخُّلب الرجاء
يا سيدتى
أطوف الآن
حول صندلك البهى
أمد فرائض صبوتى
فيحسدنى الأريج
ويسكننى الضياء
ضاع منى
خاتم أمنياتى القديم
كنت به
اسألك قطرة
من ريق لحنك الندى
فتجود لحظاتى بفيض الإرتواء
كنت به
أراود نافذتى عن الشمسِ
عن طيفكِ الحميم
فينتصب الغناءْ
الآن كتبت إسمكِ
أيقونة وزهرةً
يا نقية
مثل أحلام العصافير
مثل نوايا الأنبياء
يا سيدتى
طيفكِ مدينتى
تميمتي التى بها
أعرج صوب مدائن السناء
حيث أعراس الأزاهير
يا قصيدتي
يا قوافل نشوتى
يا رحلتى الندية
يا ابدية البقاء
ها أنا الآن أؤدى فرائضى
لصندل عشقك الذى
تحترق الآمال فيه
زيدثر صبوتى
ببردة الفناء |
|