ود الشلهمة

حظي شعر الدوبيت بأهمية كبيرة ومكانة عظيمة عند اهله بصورة عامة كيف لا ؟ وهو ديوانهم، وسجل مآثرهم وأيامهم وآمالهم وآلامهم.
وقد قال عمر بن الخطاب رضي الله عنه: "الشعرُ علم قوم لم يكن لهم علمٌ أعلمَ منه"
أحدثكم اليوم يا سادتي عن شاعر يوازي في قامته عنده اهله و ذواقته شعراء اللغة العربية الفحول ذلكم هو طه محمد علي الشلهمة الرجل البسيط الذي لم ينل حظا من التعليم لكن ذلك لم يحد من عبقريته كفنان ولم يحجم إبداعه ، فعبر عن موهبته بما توفر لديه من وسائل فخرج ناتجه صورا حية وبهية ، أنيقة وكاملة .
ولعل اهم ركائز النظم وقواعده عند شاعرنا الكبير هي الوزن والقافية والصور الحية ولا شك أن الإيقاع الناتج عن هذه الركائز هو ما يعطي لشعره ميزته، ويمنحه لذته وجماله المتميز. وعند سماع كلمات الدوبيت عند ود الشلهمة تشد الاذهان مباشرة صوب الصور الجميلة المتولدة عنه والتي تشبه حبات اللؤلؤ المنظوم في عقدٍ بهي تبرز جمال شعره وتجسِّده وتحفظه. كذلك فكلماته في وصف البطانة تنتظم في هذا الشكل مما يجعلها أبهى وأجمل وأكثر وقعاً على النفس.
يعتبر الشاعر المرحوم طه محمد علي الشلهمة واحدا من كبار شعراء الدوبيت ومن الذين يعرفون البطانه أكثر من غيره حيث توفرت لديه ملكة فريدة في التصوير الشعري ..فالصورة عنده كاملة لا ينقصها شي سوى فرشاة الرسام وألوانه...
والدوبيت ، مثله مثل انواع الشعر الأخرى ، قد تعرض لضروب مختلفة من الشعر..ففيه الغزل و قد تخصص في هذا الضرب شعراء بعينهم أبدعو فيهو بإقرار الشعراء أنفسهم وهنالك شعر المدح وله كذلك سدنته من الشعراء إضافة إلى شعر (الجُمال) وهو الشعر المتخصص في وصف الأبل أنواعها وأوصافها وسلالتها وميزاتها...

ومن الناحية الأخرى نجد ضربا آخر من ضروب الشعر تواضع أهله على تسميته بشعر الطبيعة ويرتكز أساسا على وصف البطانة أرضها وأشجارها وخيرانها وجبالها ونباتاتها وبهائمها ونعمها وحالة أهلها أبان الخريف وإنتقال عربها وترحالهم في رحابها من دار إلى دار ...وشاعرنا ود الشلهمة إضافة إلى إجادته الأنواع الأخرى من شعر الدوبيت هو احد هؤلاء الذين تخصصوا في هذا النوع الأخير من الشعر وأبدعو فيه....وهو الأمير المتوج بلا منازع على عرش هذا النوع من الشعر بشهادة أميز شعراء البطانة مثلما تربع الشاعر عبدالله ود حمد شوراني على عرش الشعر المتخصص في وصف الجُمال..وكان أحمد ودعوض الكريم ود أب سن ملك شعر الغزل والشاعر الكبير الحاردلو شاعر الصيد.

قصدت من التعرض لشعر طه حفظه في المقام الأول...فهو على الرغم من أنه محفوظ كاملا أو مجزئاً في صدور أهله وموجود في مدونة يحتفظ بها أبنه الشاعر الاستاذ/ عمر طه الشلهمة إلا أن قلبي لم يطمئنني أبدا ولم يساورني شك في إمكانية ضياع هذا الفن الرفيع وهو عرضة للضياع مثله مثل اي تراث آخر غير مدون...والوسيلة الوحيدة والأنجع لحفظ هذا الإرث الثقافي المتميز والفريد هي وسيلة التدوين والكتابة هذا من جانب.. ومن الجانب الآخر وددت مشاركة الجميع في الاستمتاع بهذا الوصف الدقيق للمناظر الطبيعية التي صورتها كلمات ود الشلهمة خاصة الذواقة من اهل الفن التشكيلي والرسامين بمدارسهم المختلفة ..أقول ذلك ويتملكني شعور قوي بأن هذه الفئة من أهل الفن ستستفيد من صور طه الشعرية..لا لشئ إلا لكونها تنبض بالحياة ، والصور المنقولة في شعره لا تحتاج إلا إلى ترجمة (غير فورية) بالفرشاة والألوان...والناتج غير شك سيكون لوحة بل لوحات لا تقل روعة عما أبدعه الأوائل ممن تخصصوا في رسم المناظر الطبيعية.

وحيث أن ضروب الفنون متداخلة ومتشابكة فأن الصور التي وفرها طه ستفيد كذلك الشعراء والمغنيين والرسامين وكتاب القصة السودانيون لأن معرفة هذه الصور لا غنى عنها لأي منهم فضلا عن ان الذخيرة اللغوية المتوفرة بشعره تحتفظ بقدر هائل من التعابير المفيدة والغنية الثرية...أقول ذلك وفي ذهني تجربة الروائي الكبير الطيب صالح الذي ترك الكم الهائل من الصور و(التصاوير) التي رفدنا بها الشعر العربي في وصف الطبيعة وركز على ما قرأه أو تناهى إلى سمعه من صور خطها الشاعر الكبير الحاردلو...وقد رأيته بأم عيني يكابد ويجتهد لشرح حيثيات مسدار الصيد لمذيعة لبنانية أجرت معه حوارا على قناة إل بي سي اللبنانية..

ملحوظة صغيرة : ذكر لى أحد الرواة والعهدة على الرواي أن شاعرنا طه ود الشلهة قد نظم هذه الأبيات الشعرية وهو طريح سرير مستشفى بحري الحكومي وكان ينظر من شباك العنبر إلى البروق التي بدأت تتقادح جهة الشرق إلى حيث ينتمي فجادت قريحته بما يلي:

لوحة أولى:


سِمحتْ ومن شنات الصيفـه لونها...اندسّا
وجبالك لبس من الخــــدار ....وإتكسى
يا المردا التليني مع الُجمال في الرسّا
فوقك زرقن الهذمي ...التكيكــو اتمسى

---------------------------
المردا: الأرض المستوية
تليني: تطيعي
الرس: أحدى مشيات الجمل
زرقن: أصبح لونه ازرقا
الهذمي: المطر
تكيكو: رعده وانهماره
اتمسا: انهمر مساءا أو ليلا

------------------------------
المخاطب هنا هو معشوقة أهلها البطانة ، هذا السهل الساحر الخلاب الممتد بلا حواجز أو عوائق طبيعية تذكر...ويخاطبها الشاعر وقد تغير لونها بعد انصراف فصل الصيف وقد تنعمت بالأمطار (فسمح) وجهها وانكسى بالخضار والنضار فإندس لون الصيف الكالح وحل مكانه اللون الأخضر الجميل... واستعارت جبالها غلالة من السندس الأخضر اتشحت بها فإصبح منظرها يخلب الألباب..

ثم يعود ليصف أرضها الطينية الخصبة ..فهي مرداء تطيع تحت أقدام الجمال أثناء سيرها العادي (الرسه). ولأهل البادية مسميات عديده لمشية الجمل فهي عندهم كتروس ناقل الحركة في السيارات..درجات ومراحل (رسه وكربته وخبيب الخ..)… والرسه هي أحدى هذه المراحل من سير الإبل...وهو سير هادئ عموما وصاحبه غير مستعجل..

وهذه الأرض الجميلة المخضرة موعودة كذلك بالمزيد من الأمطار فها هو الهذمي (السارية) التي تهطل ليلا على وشك أن تنهمر...مما يعني المزيد من النعمة والبسط للبشر وللحيوان.


يتبع .....

متابعين معك يا استاذ أبو حريــرة.
ليس الشعــر فقـط، وإنما هـذا الـ narration والشــرح والتوثيق من جانبك يجب أن يحفظ أيضـا.

Quote: وإنما هـذا الـ narration والشــرح والتوثيق من جانبك يجب أن يحفظ أيضـا

الأخ الكريم/ أبو الريش

شكرا على مرورك ونرجو أن نوفق ...ووقوفكم إلى جانبنا وتشجيعناسيكون له عظيم الأثر..خاصة وأنك من معارفنا (الإسفيرية) التي نعتز بوجودها او في الحقيقة وجودنا معها..

-------
موقع كلمة (إسفيرية) هنا لا علاقة له بموقع (فجأة) في النكتة المشهورة



ودم طيبا

يا أبو حريرة يا فنان. أطربتني أطربك الله.
وفي انتظار المزيد.

من قدحي البريقات ..مايقي سَقَدْ وحسّ
وقيام أخبار رحيلكم عندي مي مندسه
ما معاي حاجة من غير العضام والجثه
بي قلبي المعاكم يا حبيبي ..اتوصى

--------------------

سقّد: جفاه النوم
حس: ظل صاحيا

--------------------
يقول الشاعر إن البروق التي ظلت تتقادح صوب أرض البطانة قضت مضجعه وأصابت جفنه بالسهر وجافى طرفه النوم...وأفترض ان تقادح هذه البروق سيحدث التغيير الذي ينتظره أهل البادية حيث بداية موسم الخريف وهطول الأمطار التي تحييهم بعد ان يكون الصيف قد أماتهم بِحَرِهِ وعَطَشِهِ والكبد الذي يطال البشر والحيوان والحجر ...وبحلول هذه النعمة تتغير حياتهم ...فيبدءون رحلة الترحال المعروفة في كل بادية منذ ان خلق الله الأرض وما عليها وهي الانتقال من مكان الإقامة الدائمة في رحاب منطقتهم الواسعة سعيا وراء الماء والكلا..
والمخاطب الغائب في هذا المقطع هم احبابه وهم من يخاطبهم بأن اخبار رحيلهم معلومة لديه ويشرح حاله من مكان تواجده حيث لم يعد يمتلك سوى العظام والجثة بينما أنتقل قلبه مع احبابه وهو يوصيهم خيرا به..

Quote: يا أبو حريرة يا فنان. أطربتني أطربك الله. وفي انتظار المزيد.

الأخ العزيز/شنتير


كنت في خاطري ضمن نفر عزيز من الأخوة عندما أقبلت على هذا العمل...وعشمي كبير تشيلـ/وا معي في (راس العود) لحمل هذا البوست إلى بر الأمان..


وخليك قريب جدا

مفقود أب مرادةً في الضمير مُخْتَصة
وجرحاتو البياذن جوه ..عملن قَصَه
البسألني أهود منو .....آخذ حِصْه
لخبط كيِفْ كَيان مُخي وخَرَبلي الرَصّه
---------------
أهود: أشرد عنه بذهني وأنصرف عنه
حصه: برهة من الزمن

--------------------
يعرج الشاعر مرة أخرى في هذا المقطع على المحبوبة ويخصصه لها بالكامل....فيقول انه يفتقد التي اختصها بحبه، تلك التي امتلكت عليه كيانه وهيجت فيه لواعج الشوق...وأن جروحها قد طالت دواخله واحدثت في اعماقه اذىً عميق إثر الهوى والغرام...

وما حالته الراهنة سوى شرود في الذهن وإنصراف بالكامل عن كل ما سواها...

والنتيجة؟ (لخبطة) شاملة لترتيبه الذهني والعقلي و(خراب) في (الرصة) الطبيعية للبشر السوي.

ديران الرحيل نطحن ...تكَيكْ الضُلْ
جَابن ماء وخَدَارْ قَشاً بياسع الكُـلْ
قصدنو المِلاونَاتْ ...الأرايل الحُـلْ
خَلنْ قلبي يلعب ونومي ..مابي يطُلْ

---------------------------
ديران الرحيل: قوافل الرحيل
نطحن: إتجهن أو تحركن صوب جهة ما
تكيك الضل: موقع هطول (ضل) المطر
الملاونات: المتصفات بالجمال ولعل المصدر كلمة (ليّن)
الأرايل الحل: الإشارة للصيد وربما المعني الغيد الحسان
-----------------------------------------

لوحة اخرى ، حيث انتظمت قوافل الرحيل وظعائن الحسان صوب المواقع التي من المؤكد أن وابل الامطار قد أصابها والخبر المؤكد أن هذه الأمطار قد هطلت بغزارة وانبتت من النباتات (قش) ما يسِع الكُل أو الجميع من هذا الكم الهائل من العرب الراحلة صوب هذه المنطقة...

وحيث أن البشر علموا بخبر المطر فمن المؤكد ان الصيد كذلك قد عرف بحاسته الغريزية هذه المعلومة وهن الأحوج للنبات وللماء بعد استطالة شهور الصيف وامتداد ترحالها إلى مناطق اخرى غير التي اعتادت العيش فيها. هذا طبعا إذا كان الشاعر يشير بعبارة (الأرايل الحُلْ) إلى الصيد الحقيقي...وقد يكون المعني هو محبوبته وصويحباتها وفي كلٍ خير ، خاصة وان قلبه (لعب) وازدادت ضرباته وأصابه السهر بعد ان أستقوى عليه النوم ورفض أن يطل جفنيه..


يتبع .....

اها يا احمد اهمية ما ذكرت في ان اول المعجبيين اتنين رطانة انا البربري من الشمال وابوالريش من الشرق .. يعني الموضوع مهم ...

Quote: اها يا احمد اهمية ما ذكرت في ان اول المعجبيين اتنين رطانة انا البربري من الشمال وابوالريش من الشرق .. يعني الموضوع مهم ...

الباشمهندس والأخ الكريم/أبوبكر سيد أحمد

تعرف عبارتك التي ذكرتها في ذات بوست عن ضرورة تدريس الدوبيت لأولادنا في المدارس وجدت في نفسي موقعا معتبر... وكانت دافعا من ضمن دوافع كثيرة للتعرض لهذا الشاعر الذي سترى من إبداعه الكثير إذا اننا لا زلنا في بداية المشوار والتقيل جاي تباعا..



وخليك قرييييب

فى حضرة طه أحمد محمد على ود الشلهمة
ينبغى الجلوس والإستماع والإستمتاع باللوحات
التى ينظمها لفظا ويرسمها على الوجدان حسا.

نتابع بكلياتنا هذا الفن اللا متناهى...
أجزم أن هذا البوست المتفرد لن يتوقف أبدا
أحمد....
لاأجد جزاء يوافى هذا العمل..
ولا املك سوى ان اكون كلى آذان صاغية لك.

ودمتم.

Quote: فوقك زرقن الهذمي ...التكيكــو اتمسى

ابو حريرة اخوى خليني احكي ليك الصورة الجمالية لهذا البيت .

اعتقد ان الشاعر يقصد في هذا البيت اللحظات التي يكون فيها السماء منيّل من قدااااااااااام مع العصرية يعنى مافي سحاب ظاهر لكن السماء مزرقن سااااااااااااى وصبيبة تحت قدام
في الشروق لكن لو جالس العصرية قدام بيتك ورخيت اضانك بتسمع التكيك وهو صوت الرعد المطرتو بعييييييييييييدة .

وعادة عندما يكون السماء منيل من قدام مع العصرية قطع شك بتور البرق ابو فاتحة البخم السماء كوكريسة يعنى يجي مقلع سحابه من قدام . يا اخوى الناس العرافين مش ناس ناس ابو بكر هم البجيهو حالهم من بدري ان البيت بنقط الزول المايل ده بيكون وقت طلعته على محل النقيط بالتراب او القليبة او يصلح السبلوكة اكان بقت مفنترة لفوق .

نواصل

ها اها ياولد جبت كلام وجبت شاعر
من العيار التقيل ده كلامو دانات
عندى ليه واحده زى ماقال ودخير
مانى حافظه مقطفه بقول فيها

الضهرى الرزم كل الاراضى بسطا
رخا اطرافو رماجناحو دور ماوطا

ات عارف يا احمد هذا الشاعر من الشعراء
الافذاذ وله ملكه شعريه فيها خيال عجيب
والذى يعرف الدوبيت يلمس هذابالتاكيد

Quote: فى حضرة طه أحمد محمد على ود الشلهمة ينبغى الجلوس والإستماع والإستمتاع باللوحات التى ينظمها لفظا ويرسمها على الوجدان حسا. نتابع بكلياتنا هذا الفن اللا متناهى... أجزم أن هذا البوست المتفرد لن يتوقف أبدا أحمد.... لاأجد جزاء يوافى هذا العمل.. ولا املك سوى ان اكون كلى آذان صاغية لك.

الأخت سمية ،،،

ليس شكرا لك على المرور كما إعتاد الناس ان يرددوا ، لا... بل رابطي هنا وساهمي بالشرح والتحليل والتصويب ...ومنتظرين ، بل معتمدين كالعادة على مساهماتك وإضاءاتك.

Quote: ابو حريرة اخوى خليني احكي ليك الصورة الجمالية لهذا البيت

العزيز ود شيقوق

شرحك وصورك الجمالية التي تستنبطها ستضيف الكثير لهذا الموضوع... والفكرة أصلا هي الإشتراك فيها ..وكل زول ح يتخيل اي صورة حسب خيالو عشان كدي أتمنى ان يتناول كل زول هذه الصور بالشرح حسب فهمه وتذوقه حتى ولو خالف ذلك شرحي ... ولا أمانع من النقاش حول معاني الكلمات فأنا لست محيطا بها كلها لكنني اجتهد..والشرح الذي أعرضه ليس شرحا رسميا...لكنه لتقريب الصورة فقط وأرجو أن لا يُفسِد المعني



ودمت

Quote: ات عارف يا احمد هذا الشاعر من الشعراء الافذاذ وله ملكه شعريه فيها خيال عجيب والذى يعرف الدوبيت يلمس هذابالتاكيد

العم خالد المحرب

ود الشلهمة شاعر باعو طويل ومبدع ما في ذلك شك...والصور الواردة في هذه القصائد لا توجد في الوقت الراهن إلا فيها فقط...لأن الدنيا إتغيرت...وما عاد العرب يرحلون على العُطف والهوادج وصار النشوق باللاندكروزرات وورود الماء لم يعد بالقِرّب الكبار والسُقا والدلاء والرِشاء...والماء لا يُرد من البئر أم عضل..والأجيال الحالية وإن كانت في قلب البطانة قد يغيب عنها الكثير من الألفاظ والمعاني التي أوردها ود الشلهمة في هذه القصيدة الرائعة..

عشان كدي انا بعتبر ود الشلهمة متحف تُحفظ فيه هذه الممارسات التي كادت ان تنقرض..


وخليك قريب قوي !!!

Quote: بي قلبي المعاكم يا حبيبي ..اتوصى

اها يا ود شيوخ العرب ... عليك الله اتوصى
وان كان الشاعر الشلهمه هنا يخاطب حبيبه
فانا هنا اخاطب اهلى وجيرانى البطاحين
وعموم اهل البطانه .

____________________________________________

تخريمه

ما علاقة الشاعر ود الشلهمه بال الشلهمه بالمايقوما شرق
على ومحمد وعمر وصديق
والشهيد المرحوم عميد مهندس / عمر الامين كرار واخوانه ؟؟

Quote: ما علاقة الشاعر ود الشلهمه بال الشلهمه بالمايقوما شرق على ومحمد وعمر وصديق والمرحوم عميد مهندس/عمر الامين كرار واخوانه؟؟

الأخ الكريم/علي محمد علي بشير

نتشرف نحن بجوارك ياخي وانت منا وفينا..

من ذكرتهم جميع من عُقبِ شاعرنا الكبير طه ومن اهله

------------
وخليك مداوم معانا فنحن لا زلنا في اول الطريق.

شالو الليله من دار الدَمَرْ .وإنقلو
حازما ضعينتم مِنجَمْعه ....ما بِنْفلو
سَقّد مايقي روقت الغمدة ...مابِتطلو
وقلبي مع الجُراسه البِنقُرّنْ قام كلو
-----------
شالو: أي نقلوا اغراضهم على ظهر الدواب
دار الدمر: منقطة الإقامة الدائمة
إنقلوا: تحركوا
ضعينتم: ظعينتهم
منجمعة: مجتمعة
ما بنفلوا: لا يتفرقون
الجراسه: جمع جرس وهو ما يربط بالعُطف والهوادج للزينة وله مآرب أخرى.
-------------------------
هنا يتابع شاعرنا بخياله حركة انتقال أحبابه في هذا اليوم من دار الدمر إلى الديار المؤقتة فيصف ظعائنهم التي تسير مجتمعة مع بعضها البعض في كتلة واحدة ...ورحيل العرب في هذه الرحلة مثير للاشجان ومنظرهم في غاية الروعة تكسو وجوههم فرحة ومسرة ونشوة عظيمة ... ولما كانت وسائل النقل خلال هذه الرحلة هي الدواب ففيهم من يسير ضمن القافلة راكبا بعير او حمار أو من يمشي راجلا ، وبينهم الشيوخ والأطفال والنساء والشباب وبينهم الغيد الحسان على العُطف والهوادج. ويحلمون معهم البروش والشُُمال والحنايات والشِعّبْ والحصائر والشُكّابْ واللدايات والعناقريب والدنبهوب والحبال والتباريق والاباريق والحلل والمشالعيب والقِرَبْ والسِعُونْ والجِربان والسحّارات والرُسانه والشكائم والصرائم والأخلة والسكاكين والسيوف والعصى والعكاكيز وغيرها مما خف وزنه.. تتبعهم معيز اللبن وكلاب الحراسة وكلاب الصيد...وقد سبقتهم قبل ايام قطعان الضأن والإبل والأبقار إلى مكان الإقامة الجديد وتقدمهم المزارعون بادوات الزراعة من سلاليك ومحاريث وملدات ونجامات وخلافه.. ..

وشاعرنا عندما استدعى هذه الصورة فقد القدرة على النوم ولم يغمد له جفن بعدها.. بل ان قلبه العليل قد تدوزنت ضرباته مع نقرات الأجراس التي تزين حور أو عطفة حبيبته الموضوعة على أكبر الجمال سنا وأهداها طبعا وأوهطها جلسه. فحسناء القافلة تحفها عناية الجميع ويحرسها غلاظ أشداء


يتبع .....

الاخ ابو حريرة، تحياتى
اخى جزاك الله خيرا على هذا التوثيق، والذى يحوى وسوف يحوى بين طياته الكثير الكثير من فنون هذا المبدع المدهش ود الشلهمة. بس عليك الله واصل فيهو ، وما يبقى عليهو البقى على ابقرش وتماسيحو._______________

Quote: مسك القبلة فى كوع الشمال براقك وقشط سدرو فى عامر سحابو وساقك تبونك قرنن والسيل دهك شقاقك الضايق نشوقك حار عليهو فراقك

عندما تصل هذه الجزئية عليك الله اسهب فى شرحها وادنى خبر بالتلفون.

تحياتى

Quote: طه محمد علي الشلهمة الرجل البسيط الذي لم ينل حظا من التعليم لكن ذلك لم يحد من عبقريته كفنان ولم يحجم إبداعه ، فعبر عن موهبته بما توفر لديه من وسائل فخرج ناتجه صورا حية وبهية ، أنيقة وكاملة ."

ود الشلهمة لم ينل حظه من التعليم ..وشوف جنس القول البقول فيهو دا ..
عشان كدي انا ما بحترم اي دوبيت يقطعو او يقولو زولاً متعلّم ..
ومتعلم دي بالمناسبة بتشمل اي زول هدومو بيضا ..!!!
الدوبيت كان ما قالوا زولاً هدومو مِحمرِبَة ..وراكب فوق جملو شن فايدتو تاني؟؟
المهم ..ما علينا ..

دحين يا اب حريرة ياخوي ..
أديني شوية زمن ..خلني الللقلي فَرَقة ..وانزلّك تسجيل من غُنا ود الشلهمة ..و (ظنيتو ) ياهو صوتو هو زاتو ..
وعلى اي حال فيهو نفس الغُنا الذكرتو إنتا دا هنا ..
وطالما الوجهة واحدة - التوثيق- خلنا نسمع برضو ..
والله شنو؟؟

--------------
شالو الليله من دار الدَمَرْ .وإنقلو
حازما ضعينتم مِنجَمْعه ....ما بِنْفلو
سَقّد مايقي روقت الغمدة ...مابِتطلو
وقلبي مع الجُراسه البِنقُرّنْ قام كلو

هلا هلا ..يا اب يا حريرة ياخوي ..الجُراسة البنقرن؟؟ قتا لي الجرس بربطوهو في العُطفة؟؟
دي حكاية عجيبة تعدل مزاج الواحد..

سلام للجميع
ولي عودة



--------------------------- * إشارة لابد منها:
الراحل المقيم الاستاذ الطيب محمد الطيب ..الباحث المعروف ..كان قد تناول طه ودالشلهمة وشعره في بحوثه عن التراث الشعبي في عدد من الاصدارات المختصة..لافتاً النظر لتلك اللوحات التي يرسمها طه بخياله.. شعراً عن ارض البطانة..
الف رحمة ونور على الاستاذ الطيب محمد الطيب ..

Quote: عندما تصل هذه الجزئية عليك الله اسهب فى شرحها وادنى خبر بالتلفون

ود النعيم

يا صاحبي وتُمامة كيفي

الزي كلام ود الشلهمة ما بشرحوهو للزيك إنت ، لأنو يجري فيك مجرى الدم وتتنفسه رئتيك وتنضح به مسامات جلدك..


بس إنت خليك قرييييييييييييييب

Quote: ود الشلهمة لم ينل حظه من التعليم ..وشوف جنس القول البقول فيهو دا .. عشان كدي انا ما بحترم اي دوبيت يقطعو او يقولو زولاً متعلّم .. ومتعلم دي بالمناسبة بتشمل اي زول هدومو بيضا ..!!! الدوبيت كان ما قالوا زولاً هدومو مِحمرِبَة ..وراكب فوق جملو شن فايدتو تاني؟؟ المهم ..ما علينا ..

قيسان (أرجو أن يكون كتبت الاسم صاح)

حبابك ملايين ، ووالله ومشاركتك شرف كبير لنا ...كنت قد تتبعت خطاك بالعاقب (الأرشيف) وتعرفت عليك من خلاله خاصة بوست (الهواد) ، وكم تمنيت لو انه نُقل إلى الصفحة الحية لكن السيف كان قد سبق العذل بالفعل...وقد اسمتعت فيه بصور خاصة بي دلوكة حميرا ولا زلت أعاوده لأن الشوق إلى هذا النمط من الطرب الشعبي (يتاورني) من حين إلى آخر فألجأ بكلياتي إلى حميرا والهواد. كما ان غيبتك طالت (بالحيل) ولم اراك بعد الهواد متداخلا او كاتبا...ونحمد لود الشلهمة أن جابك مطفح فوق زبد هذا البوست ..وعشمنا ان تضع عنده عصا الترحال..

اتفق معك أن المتعلم لن يجيد التعبير بالدوبيت مهما اجتهد ليس لنقص في شئ لكن لأن ذخيرته اللغوية اختلطت بالفصيح وربما ببعض اللغات الأجنبية مما يقعده عن التعبير مثلما يعبر ود الشلهمة وود شوراني وغيرهم من الفطاحلة..

Quote: دحين يا اب حريرة ياخوي .. أديني شوية زمن ..خلني الللقلي فَرَقة ..وانزلّك تسجيل من غُنا ود الشلهمة ..و (ظنيتو ) ياهو صوتو هو زاتو .. وعلى اي حال فيهو نفس الغُنا الذكرتو إنتا دا هنا .. وطالما الوجهة واحدة - التوثيق- خلنا نسمع برضو .. والله شنو؟؟

أغدو شاكرا ومقدرا خاصة وان الشريط الذي بحوزتي قديم ومتهالك وتسجيله ردئ جدا..والوجهة واحدة ما في ذلك من شك

Quote: --------------------------- * إشارة لابد منها: الراحل المقيم الاستاذ الطيب محمد الطيب ..الباحث المعروف ..كان قد تناول طه ودالشلهمة وشعره في بحوثه عن التراث الشعبي في عدد من الاصدارات المختصة..لافتاً النظر لتلك اللوحات التي يرسمها طه بخياله.. شعراً عن ارض البطانة.. الف رحمة ونور على الاستاذ الطيب محمد الطيب ..

رحم الله شيخ الطيب فقد كان المحمية الطبيعية التي حفظت الكثير من التراث ولولا مجهوداته لغاب وإنمحى أثره... وحبذا يا قيسان لو رفدتنا ببعض ما كتب وبرضو للتوثيق في هذه الذاكرة الالكترونية الجبارة..

وبإنتظار وعدك بالعودة

دُم طيبا

اتسمحتي ........وشـــــــك نَارْ
وفوقك زَرْقَن الهَزَمي السحابو كُبارْ
شقّاقِك مَحَــا السيل انكسيتي خدارْ
وكُلْ يوم البوادي مِجددين فيك دارْ

----------------------------
شقاقك: ومفردها شق ويقصد شقوق الأرض
البوادي: استعملها الشاعر هنا بقصد الإشارة إلى البدو

----------------------------
يخاطب الشاعر هنا البطانة مباشرة قائلا: لقد تجملتي (اتسمحتي) ونَارَ وجهك بعد الاكفهرار والكآبة التي لازمته طوال شهور الصيف الكالحة وتغير مناخك بشكل جذري فهاهو سمائك قد تلبد بالغيوم الماطرة التي حجبت أشعة الشمس وكست الجو غلالة خفيفة من الغمام وأصبح السائر فيك لا يخشى على نفسه ضربة شمس أو لفحة برد ...وأصبح الجو معتدلا والنسيم صافيا وهادئا ينزلق على صفحة وجهك ومسام جلدك كالماء البارد.

هذا ما كان من أمر السماء ، أما على الأرض فالسيول الكثيرة قد سقت الأرض و روتها ومحت الشقوق التي كانت سمة مميزة فيما قبل هذه النعم ، وإنكست الأرض في مجملها بالخضرة من مختلف انواع النباتات وبالتالي أصبح هذا البساط الأخضر الممتد دارا واسعة لعربانها يتنقلون فيها من دار إلى دار كيفما واينما شاءوا

Quote: يا المردا التليني مع الُجمال في الرسّا

المردا:كلمة فى قمة اللاغة وهى كما وضحتها يا أحمد
وكذلك كلمة أمرد : من لا لية أوشنب له
ويرادفهاكلمة مرهاء : أى مستوية الخدود ليست مشلخة
واصل...نتابع بإستمتاع.

متابعه ونقل كلو تمام واصل

حَنْتُوتَةً مَمَسْحه بالسيول ...فيك قَامَتْ
ورُكْبان دور تِعولِكْ يا المِمتِّعه حَامَتْ
قشِكْ بالندى مضِحي الرِزِقْ ما اتشامَطْ
تبقى مُغفَلَه العين(هن)رِضَتْ لي ونَامتْ

------------
الحنتوت : نبته تنبت في أرض البطانة وتفضلها الابل.
تعول: مفردها (تِعِل) وهو وابل من الأمطار يصيب بقعه بعينها.
المِمتِعه: الواسعة التي تسع الجميع والحاوية لكل صنف من اصناف النبات لمتعة الحيوان وذات الهواء والطبيعة الساحرة لمتعة البشر.
الندى: حبيبات الماء على اوراق النبات ..
الرِزِق: يقصد البهائم بانواعها
اتشامط: تشامط أو نشف
--------------------------
جاء موسم الجمال، ، قد نبت على أرضك ، والمخاطب دائما البطانة ، الحنتوت الذي سقته السيول المتعاقبة فهو نديان ورويان وشبعان موية ..لكن ذلك لم يكفي ...فقد ركب (جيابيين خبر المطر) على وصف أخونا الطيب شيقوق مطاياهم في ركبان (فرادى وجماعات) وانطلقوا (للدواره) وحاموا بحثا عن أماكن ممطورة أخرى في أطراف هذه الأرض الفسيحة ..

وبما ان السيول قد توالت فالأرض رويانة ويظهر ذلك على النباتات المختلفة التي تحتفظ بحبيبات الندى على أوراقها فيصبح وجهها رطباً ندياً..فهذا (القش) الرويان ذو القيمه الغذائية العالية يصبح أكلا وشرابا في نفس الوقت للبهائم فلا تحتاج للماء حتى وقت الضحى أي بعد ارتفاع حرارة الشمس وحتى ذلك الوقت يظل يقظا ومفرهدا لا يتشامط ..وهذه من طبيعة النباتات المعلومة للجميع حيث تتفاعل مع اشعة الشمس ..

وخاتمة هذا البيت هي من اجمل ما قاله ود الشلهمة.. فبعد هذا الوصف وهذه الحال تبقى مغفله عين الراعي وصاحب البهائم وعاشق هذا الجمال إذا استسلمت للنوم ولم تستفد منه كأقصى ما تكون الفائدة.

Quote: على أوراقها فيصبح وجهها رطباً ندياً.

اها يا ود ابو حريرة اعمل حسابك هنا ابعد من الموليته المندية تحتها شنات عقرب لدغتها تخليك تلعب بفد كراع

وانت يا ود المحرب الممسوخ احذر من محل القش المندى ما تقعد تحش ليها بالنجامة في ا
مليانة (ملج) وملجتها طول ابو سوميت .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أخونا ود اب حريرة ..
والذين معه ..سلام

أمس رجعتا افتش ليك في غَردَك الطالبو ..أها
وفي عدد منزوع الغلاف من مجلة الخرطوم (على ما أظن) ..يعود تاريخها الى فترة الستينات تقريباً (ودليلي على ذلك رسومات عمنا التشكيلي تاج السر احمد.. )..وجدت موضوعاً لاستاذنا الراحل الطيب محمد الطيب بعنوان:
من تراثنا القومي / طه ودالشلهمة ..شاعر الطبيعة
يقول في مقدمته:

Quote: ((بإجماع الناس قاطبة، الشعراء الملهمون في البادية الشرقية أربعة ، أحمد ود عوض الكريم ،والصادق من الشكرية وود شوراني من المرغوماب وشاعرنا هذا طه ود الشلهمة من البطاحين بعد أن إلتقينا في المرة السابقة بود شوراني نعود فنلتقي اليوم بشاعرنا طه وإن كان هذا النوع من الرجال يعايشنا في هذا العصر بذواتهم إلا أن نفوسهم هي تلك النفوس البدوية السليمة الفطرة التي تضوع عفة وسماحة دونما رياء وتجمّل تنحى في مسلكها العاطفي منحى السلف. وشاعرنا طه من قبيلة البطاحين ذات التاريخ الحافل بالبطولات ،درج في البادية جهة (أبرق) وابو "دليق" ومارس صناعة الشعر منذ صباه الباكر فبرز وسبق وطرق كل أبواب الشعر فأثرى وأبدع وتفوق في ضرب من النظم يتحاماه الكبار لوعورة مسلكه، ولا يتبتل في محرابه إلا الأفذاذ هو النظم في مرائي الطبيعة.)).

وحقيقة الموضوع يتناول نماذج من شعر ود الشلهمة وبالشرح طبعاً تماماً كما تفعل -أخي أحمد يوسف - بل ان عمنا الطيب ذهب مقارنا قول ود الشلهمة تارة بما قاله شعراء الأندلس ، وتارة أخرى بقول أبي هلال العسكري، وقول الأعشى وعمر بن كلثوم . (إيّاها عاد طريقة الطيب محمد الطيب ..عليهو رحمة الله الواسعة).

بالتأكيد سارفد بوستك هذا بالموضوع كاملاً "أكثر من خمسة صفحات"..فقط تبقى مسالة زمن ..وجري الدنيا حاصل..

وكمان التسجيل برضو ماني ناسيهو ..

اقعد عافية..وفي امان الله..

والتحايا للجميع

Quote: سِمحتْ ومن شنات الصيفـه لونها...اندسّا وجبالك لبس من الخــــدار ....وإتكسى يا المردا التليني مع الُجمال في الرسّا فوقك زرقن الهذمي ...التكيكــو اتمسى --------------------------- المردا: الأرض المستوية تليني: تطيعي الرس: أحدى مشيات الجمل زرقن: أصبح لونه ازرقا الهذمي: المطر تكيكو: رعده وانهماره اتمسا: انهمر مساءا أو ليلا

يا احمد ...سأعلن سكوني في هذا البوست...بكل الصمت والادب والاحترام...

بس لي طلب صغيّر....(ما تشرح) الشرح بخرب الكلام...والما بعرف الكلام دا
الشرح ما بفيدو...هسي زمان المعلقات كان بشرحوها؟

شرح درر ود الشلهمة والصادق والحاردلو وود شوراني...يغير كثيرا من القدرة
علي الاحساس بهذه الدرر...

هسي تكيكو دي: وهي كلمة صوتية...شرها لتقريب معناها يفقدها بريقها..

عليك الله ما تتمسي في الشرح....الزول البتغلبو حاجة قول ليه اجتهد
وبعد الاجتهاد ان غلبتو اديه BEST OF Fife

Quote: شالو الليله من دار الدَمَرْ .وإنقلو حازما ضعينتم مِنجَمْعه ....ما بِنْفلو سَقّد مايقي روقت الغمدة ...مابِتطلو وقلبي مع الجُراسه البِنقُرّنْ قام كلو

شالو الليلة من دار الدمر وانقلو
حازمة ضعينتم منجمعة ما بنفلو
سقّد مايقي, روقة الغمضة ما بتطلو
وقلبي مع الجراسة البنقرن قام كلو


شفت كيف يا احمد ممكن "حازما" "والغمدة" "وروقت" ديل نكتبهم بدون ان تختل القافية
او النطق...وبهذه الطريقة لن تحتاج ان تشرح...المعاني....فيمكن لك لغرض التوثيق
ان تشرح الابيات كما تفعل الآن...وتبين لنا الصورة الجمالية لهذه الدرر...
وسوف اكون مرابط معاكم هنا...

اخوي ود شنتير... كذلك هوجرّق في هذا الضرب من الابداع....ارجو ان لا يبخل بوقته علينا..

Quote: عليك الله ما تتمسي في الشرح

حلوه جدا اخ نزار يعنى لا توغل فى الشرح

وبعدين ياخى والله فاقدنك ولو تصدق انا واب حريرة اليوم قطعنا فوقك. وقالوا المادارك ما لامك

تحياتى بلا حدود

Quote: بالتأكيد سارفد بوستك هذا بالموضوع كاملاً "أكثر من خمسة صفحات"..فقط تبقى مسالة زمن ..وجري الدنيا حاصل

جاتنا ليلة القدر نص النهار عديييييييييييل كدى

Quote: بإجماع الناس قاطبة، الشعراء الملهمون في البادية الشرقية أربعة ، أحمد ود عوض الكريم ،والصادق من الشكرية وود شوراني من المرغوماب وشاعرنا هذا طه ود الشلهمة من البطاحين بعد أن إلتقينا في المرة السابقة بود شوراني نعود فنلتقي اليوم بشاعرنا طه وإن كان هذا النوع من الرجال يعايشنا في هذا العصر بذواتهم إلا أن نفوسهم هي تلك النفوس البدوية السليمة الفطرة التي تضوع عفة وسماحة دونما رياء وتجمّل تنحى في مسلكها العاطفي منحى السلف. وشاعرنا طه من قبيلة البطاحين ذات التاريخ الحافل بالبطولات ،درج في البادية جهة (أبرق) وابو "دليق" ومارس صناعة الشعر منذ صباه الباكر فبرز وسبق وطرق كل أبواب الشعر فأثرى وأبدع وتفوق في ضرب من النظم يتحاماه الكبار لوعورة مسلكه، ولا يتبتل في محرابه إلا الأفذاذ هو النظم في مرائي الطبيعة

قيسان عشا الضيفان

شكرا لك وكتر خيرك على هذه الاضافات الغنية جدا ...وطبعا كلام عمنا/الطيب عليه الرحمه ما بِنعَقِب ولا يُعَقّب عليه خاصة وانو عايش هؤلاء الناس وسمع منهم وشافهم شوف العين ونحن لم تتوفر لنا هذه الفرصة ، يُضاف ذلك إلى موسوعيته وقدرته الفائقة على البحث والاستنباط والمقارنة..عشان كدي تجدني أكثر إلحاحاً عليك لإنزال الصفحات الخمس كاملة هنا لفائدتنا جميعا بما فينا شيخ الطيب رحمه الله..

انا لم أرى طه ود الشلهمة لكنني رأيت الصادق ود آمنه وعبد الله ود حمد شوراني عندما كنت طالبا بالمدرسة المتوسطة بأبي دليق..

وعايز أعمل إضاءة بسيطة على شعوري وأنا في حضرة هؤلاء الفطاحلة..فعلى الرغم من صغر سني وقتها وتقضية معظم وقت تواجدهم معنا تقريبا في (المراسيل) من قبيل جيب الموية وجيب الشاي ونقل الجبنة لكن ما توفر لي من وقت ما بينها كنت أقضيه في الإنصات بالكُليات والتفرس في الوجوه ..وكم تعجبت من قدرتهم الفذة في التعبير واحترام الحضور وتادبهم في حضرتهم...خاصة ود شوراني رحمه الله فقد كان اديبا بما تحمل الكلمة من معاني وبالمناسبة كان هو يعرف انه كذلك !!!

حتى انني قارنته بيني وبين نفسي بالمتنبئ ولا زالت الصورة الذهنية التي احملها للمتنبئ هي صورة شيخ/عبدالله كما يحلو لمحبية تسميته..



ونبقى منتظرين

شرح درر ود الشلهمة والصادق والحاردلو وود شوراني...يغير كثيرا من القدرة
علي الاحساس بهذه الدرر...
نزار سلوم
ات عارف يااحمد صاحبك اليومين ديل موفايق من التحضير عندهم هلوله كبيره
فى المنامه كويس انك ظهرت
رايك شنو يااحمد تنزل بوست جديد للاستمراريه فى هذا الفن الرايع
تكتب فيه( ودالشهلمه وشعراء البطانه الجزء الثانى)
حتى تكون الدايره واسعه

مسك القبلة في كوع الشمال براقِك
وقشط سدرو في عامر سحابو وساقِك
تبونك قرنن والسيل دهك شقاقِك
الضايق نشوقك حار عليهو فراقِك
******
بعد دور الجفاف قام عِفرتِك مِتباري
وسحابِك نيلتو زرقة وبرقك يلفح فاري
إتكسا بالخدار وجهك الكان عاري
وإنعقدن رواينك يام نداياً تاري
*******
نار وجهِك خلاس وأصبح عريسك باش
وسيلِك بالمعالي وبالمراتِع كاش
نفسِك من سماحتو تحلى جابلو دعاش
وعربِك لي جفافُن جبدو البرّاش
******
مبسوطة البطانة إتنعمت قدام
شابع قشها وقاسا المزرقن وقام
أخلو الدكة لا مخبر ولا حوام
ولي فيهن صديق روحاً ملاني غرام

يا ريت أخونا أبو حريرة يتفضل ويشرح لينا الأبيات دي ... باقي نحن ناس خرتوم ساكت والكلام دا صعب علينا

Quote: يا ريت أخونا أبو حريرة يتفضل ويشرح لينا الأبيات دي ... باقي نحن ناس خرتوم ساكت والكلام دا صعب علينا

هلا هلا يا اشراقة حيمورة اها وبعد شوية علاء حيمورة وبعد داك انعامحيمورة بسلامتكم
انتو مالكم ومال الدوبيت

الشقاوة ربنا خلقنا ليها نحن بشوكها ورعدها وصواقعها وخمج طينها انتو مالكم كمان يا سكان البرج العالي .

Quote: مسك القبلة في كوع الشمال براقِك وقشط سدرو في عامر سحابو وساقِك تبونك قرنن والسيل دهك شقاقِك الضايق نشوقك حار عليهو فراقِك ****** بعد دور الجفاف قام عِفرتِك مِتباري وسحابِك نيلتو زرقة وبرقك يلفح فاري إتكسا بالخدار وجهك الكان عاري وإنعقدن رواينك يام نداياً تاري ******* نار وجهِك خلاس وأصبح عريسك باش وسيلِك بالمعالي وبالمراتِع كاش نفسِك من سماحتو تحلى جابلو دعاش وعربِك لي جفافُن جبدو البرّاش ****** مبسوطة البطانة إتنعمت قدام شابع قشها وقاسا المزرقن وقام أخلو الدكة لا مخبر ولا حوام ولي فيهن صديق روحاً ملاني غرام

يا اشراقة...كان اجتهدت براك شوية بتعرفي الكلام دا من راسو لا قعرو...ما تكسلك الخرطوم وتتحوي فيها..

وحا أديك امثلة لفهم البيت الاول....صدقيني,,,الباقي حا تتميه براك...


مسك القبلة في كوع الشمال براقِك
وقشط سدرو في عامر سحابو وساقِك
تبونك قرنن والسيل دهك شقاقِك
الضايق نشوقك حار عليهو فراقِك

البيت الاول ما فيه كلمة ناس الخرطوم ما بعرفوها

قشط دي انتو بتقول جانا منقشط ساكت لا احم ولا دستور: سدرو دي صدرو وبرضو بتعرفوها
الباقي كلو بتعرفوه في البيت الثاني.
البيت التالت دا ممكن تفهميه من صورة البيتين الاول والتاني...اذا تصورتي انو الراجل
بتكلم عن خريفا عاتي بلحيل...والبراق القبلي البتموص مطرتو اطراف العاصمة دحين ما شفتيه



كلمة نشوق دي واردة في كثير من غناء الحقيبة وبالتالي اصبحت كلمة ام درمانية



البيت الرابع

الاخ نزار ترا الحمد لله بديت براك فى الشرح !! وانا وجهة نظرى يا نزار انو الشرح ضرورى لتقريب المعنى وكما طلبت الاخت الكريمة بت البندر.
والاخ اب حريرة كان عايز يناقشك فى مسالة الشرح وضروريته لكن اظن النت عندهم تعبان.
دمت

Quote: يا احمد ...سأعلن سكوني في هذا البوست...بكل الصمت والادب والاحترام...

نزار عريس الدار

فاقدنك بالحيل والله وشرفتنا كثيرا...

Quote: بس لي طلب صغيّر....(ما تشرح) الشرح بخرب الكلام...والما بعرف الكلام دا الشرح ما بفيدو...هسي زمان المعلقات كان بشرحوها؟ شرح درر ود الشلهمة والصادق والحاردلو وود شوراني...يغير كثيرا من القدرة علي الاحساس بهذه الدرر...هسي تكيكو دي: وهي كلمة صوتية...شرها لتقريب معناها يفقدها بريقها..عليك الله ما تتمسي في الشرح....الزول البتغلبو حاجة قول ليه اجتهد

اتفق معاك وانا شخصيا من أنصار أن الشرح يفسد المعنى...لأن الصورة التي ترد لذهن كل قاري او مستمع مفروض تكون قرينة احساسو وإلا لإضطر كل أديب او شاعر أن يصدر مذكرة تفسيرية مع كل عمل يبتدعه...لكن الكلام بعضو معقد تعقيد شديد ويحتاج لبعض التوضيح . والشرح ذاتو مرهق جدا لكنه يبقى اجتهاد لتقريب جزء من الصورة والباقي يتمو براهُن !!


.
.
.

وخليك قريب

يا ود شيقوق إنت مالك زعلان من مزاحمتنا ليكم في الدوبيت؟؟ ياخي المكان دا بحر واسع وبيسعنا كلنا

Quote: الشقاوة ربنا خلقنا ليها نحن بشوكها ورعدها وصواقعها وخمج طينها انتو مالكم كمان يا سكان البرج العالي

في سكان برج عالي بيعرفوا كلام زي دا؟؟؟؟


يا نزار حسين أنا فاهمة المعنى الإجمالي.. لكن طمعانة في الشرح الراسي ورايق بتاع أخونا أبو حريرة

Quote: يا ريت أخونا أبو حريرة يتفضل ويشرح لينا الأبيات دي ... باقي نحن ناس خرتوم ساكت والكلام دا صعب علينا

اشراقه كيفنك ؟

اولا أشكرك على إقتطاع هذه الأبيات وهي لنفس الشاعر وفي نفس الموضوع وانا مجهزها زي ما إنت كتبتيها كدي ...ولا أظن أنك غريبه على هذا النوع من الشعر وأمشي بعيد شويه وأقول إنك على علم بشعر ود السلهمة وإلا لما نقدتي كلماته نقد من حيثما وجدتي هذه الابيات...

وأبشرك ح نتعرض لها في سياق هذا الاستعراض لأنهن جزء مهم بل من صلب شعر ود الشلهمة..وانا هسع ماشي عليهن واحدة واحدة لحدي ما نوصلهن ...وده بخلينا نضمن تواجدك معانا (واوعي إيدك من ع الماوس) على زعم ناس الفضائيات...

ومع ود الشلهمة مش ح تقدري تغمضي عينيك

لدي سؤال انتي لميتي فيهم وين ديل ؟؟

أخونا أبو حريرة
أنا صحيح من الخرطوم لكن أحب شعر البطانة والدوبيت جدا
وقد قمت بكتابة دراسة عن وصف الإبل في شعر البطانة (ضاعت مني للأسف) كما درست وصف كلاب الصيد عند الفرجوني في قصيدته لشيخ المر. وأعرف عن المسادير وشعراءها وأستمتع جدا بشعر البطانة عند الفرجوني

Quote: كافح في حياتك وللبزاحمك راكب واتدور مع الايام نجوم وكواكب امش قرابي مره ومره خليك راكب اصلو الدنيا طوفان والمعيشه مراكب

Quote: أنا صحيح من الخرطوم لكن أحب شعر البطانة والدوبيت جدا وقد قمت بكتابة دراسة عن وصف الإبل في شعر البطانة (ضاعت مني للأسف) كما درست وصف كلاب الصيد عند الفرجوني في قصيدته لشيخ المر. وأعرف عن المسادير وشعراءها وأستمتع جدا بشعر البطانة عند الفرجوني

أختنا العزيزة/إشراقة حيمورا

مرجبتين حبابك في نادي الدوبيت وشعر الدوبيت لا يستسيقه إلا أصحاب الذائقات العالية والحس الأدبي الرفيع وهو ليس حكرا لأحد..

تعرفي من (نقدك) قصدي (اختيارك) لأبيات ود الشلهمة دي عرفت أن لك علاقة وطيده مع الدوبيت لأنو واضح انو دا ما كان صدفة..

وزي ردك على كلام أستاذنا ود شيقوق ، الدوبيت بحرا واسع وبياسع الكل..

سعيدون بتواجدك معنا ومرحبا بك وشكرا على بيت الحكمة أدناه ونتطلع قدما لرؤية مساهماتك هنا..

كافح في حياتك وللبزاحمك راكب
واتدور مع الايام نجوم وكواكب
امش قرابي مره ومره خليك راكب
اصلو الدنيا طوفان والمعيشه مراكب

-------

برقك .....حسس الراقد بعد مُو نايمْ
وهَدَر رعدِك..كَجَرْ فوقو السحاب متلايمْ
سيلك دَرْدَقْ الشدر الكبـــار وهَشايمْ
وجاب الدابي فوق زبدو المِطَفِحْ عَايمْ

------------------
كجر: غطى
متلايم: راكب على بعضه
الهشايم: ومفردها هشيمة وهي الشجرة اليابسه

---------------------
الملاحظ انو ود الشلهمة وجه التغريد شرقا على بطانتو و ترك احبابه وقنع من البشر ووجه خطابه كلو لها وهي في طور تهيئها لموسم الخريف ...حين يقول برقك حسس الراقد بعد مو النايم..يعني بعد ما الناس غرقوا في النوم تب ..زمجرت الرعود وسحبت السحب الكثيفة إليها وكجرتها عليها كما تكجر المرأه (القديمة) عليها الثوب حال رؤيتها نسيبها ...يعني السحاب كلو تجمع في مكان الرعد المزمجر أب كركاعة ده وإنعدل سمح للصبيب ....وهذا من دلالات الوعد بصيب كثيف. والواضح كذلك أنو البرق البصحي الراقد بعد ماينوم ده معناتو إنو الدنيا ليل وده وصف مطرة (سارية) مي معروفة تجي في أوله أو في نصو أو في آخرو..لكن المقطوع شكو تمام أنو ناسها الصباح بيلقو الدنيا كلها تمشي مويه..وهذه هي اللوحة الذكرها أخونا الطيب شيقوق عندما قال يتجمع ناس الفريق صباح هطول السارية كويمات كويمات لتقصي أخبارها ، أسقت وين؟ ووقعت وين ؟.

وتلك هي بالضبط الصورة التي سيصحى عليها البشر صبيحة هذه السارية ، مطر غزير وسيول كاسحة ودنيا ..تدحرج الشجر الكبار والهشايم من مواقعها بقوة دفع الماء ، وربما كذلك الحيوانات ، وتحولها إلى مجراها ..وتخرج الحيات من جحورها لتجري مع الماء مجرى هذا السيل أبو زبد..ويقولون أنو الموية أقوى مخلوقات الله ...ما في شئ بيقيف في وجهها إلا وأكتسحته...

Quote: ات عارف يااحمد صاحبك اليومين ديل مو فايق من التحضير ، عندهم هلوله كبيره فى المنامه

شيخ العرب/أب أحمد

بالحيل وأنا متابعو بالطواله..

صاحبي شيخ عرب وصاحب ذوق رفيع ما في ذلك شك

وأنا عرفتو ودالشلهمة دا بنتلو ويجيبو..فمرحا به ونور داره

بِريقاتك بِلاون في السحاب..وسَهَارى
وتعّالك هَدَرْ رعدو...وصبيو اتجارى
بَاردِك خَتّّ جَامِعْ سيلو ..فُوقْ البارا
وعَوَالِيكْ اصَبَحْ إنقز بالصقايع فارا
-----------------
بريقاتك: بروقك
يلاون: يقاومن
تعال: ومفردها تِعِل كما في أعلاه
باردك: عرب البادية بيقسمو المطر إلى نوعين: يقولك شراب حار: أي أن الأمطار هطلت مباشرة على البقعة المعنية من الأرض .وشراب بارد: وتعني أن الأمطار وقعت في مكان لكن سيلها وصل إلى أماكن أخرى.
جامع السيل: وهو ما ياتي به السيل من حطب وأوراق شجر وعظام ، فالسيل يجرف كل شئ امامه وهذا المجروف هو ما يسمى بجامع السيل.
الصقايع: ومفردها صقيعه وتعني السهلة أو الأرض المنبسطة..

------------------------
عزيزي القاري (على قول أخونا بشاشا)

تخيل معي ما حل بفئران البطانة بسبب هذه السارية ...اصبحت تتناقز بالصقايع لا مأوى لها ولا دار !!

Quote: : شالو الليله من دار الدَمَرْ .وإنقلو حازما ضعينتم مِنجَمْعه ....ما بِنْفلو سَقّد مايقي روقت الغمدة ...مابِتطلو وقلبي مع الجُراسه البِنقُرّنْ قام كلو شالو الليلة من دار الدمر وانقلو حازمة ضعينتم منجمعة ما بنفلو سقّد مايقي, روقة الغمضة ما بتطلو وقلبي مع الجراسة البنقرن قام كلو

شيخ العرب /نزار

صباح الخير

طريقتك صحيحة وبتسهل الفهم لكنني خشيت ان يضيع الجِرس..


خليك متابع معانا ياخ..

وطلعات زي دي بتقوم الشغلانة وتضعها في مكانها الصحيح..


دم وداوم

انت عارف يا احمد اخوي...شعر ناس ود الشلهمة والصادق والحاردلو الكبير...وودشوراني

مفروض يكون مقرر بدل المعلقات....نحن مالنا ومال الا هبي بصحنك فاصبحينا...

وام من دار ام اوفي دمنة لم تكلم...ومالنا ومال حوامة الدراج...البطانة دي براها
حوامات لو الناس عرفت شعر هؤلاء العظماء.

سلام عليكم بعد الضحوة مانكربت وفكينا الريق
ات عارف والله انا زى كلب القنيص اتاقز داير الاذن
ونجيب كلام ودشورانى الزى مشى اللاندكروزر فى
الخلا 0 غناه انسيابى وفيه سسته ماتدينى ال
القرين لايت يااحمد ولدى 0

العزيز أحمد أبو حريرة

متابع معاك بالشرح السلس الجميل
فى إنتظار الحصول عى كل الحصيلة

ما أجمل نجمع تراثنا الذى بلا شك ضاع منه الكثير


لك كل إحترامى

رأفت

متابعة...
وفى شوق عارم للجديد من شعر هذا الفحل

أب احمد

هنيئا مريئا...وفكة الريق بتعدل الطريق

ما عندك إذن يا قول شيخ الباقر .. بتتذكروا ؟

ود شوراني يا أب احمد قامة كبيرة ومفروض يُفرَد له خيط منفصل لوحده...كدي خلنا النمرق حد ود الشلهمة دا فوق الطندبه ونرجع نشوف أوضاعنا..

ما دام الرزق عند الله مو بي ضراعنا
نرضيه ونبسطو..ونرجع نشوف اوضاعنا

والله بالصح غناهو فيه سوسته..شكبزوراتو جدددددددددديده لنج

شقيقنا رأفت ميلاد

مرورك الكريم أسعدنا جدا جدا

وإنشاء الله سوف نواصل انقاذ ما يمكن إنقاذه من هذا العمران بقدر ما نؤتى من جهد

ودم بالعافية



------------------
(ليس لعبارة شقيقنا الفوق دي اي مدلول سياسي )

فوق

ود المحرب

Quote: سلام عليكم بعد الضحوة مانكربت وفكينا الريق

فكيت الريق ولا الهانق اوفر
شوف كبود الابل وعتي البقر والشطة الخضراء والكمونية بتجيهك طااااااااااااااااااااااااااب - وكان لقيت ليك هبابا وسيييييير اتمددت فيهو وناديت الوليدات عصروا ليك ضهرك ياكي الانبسطة عديييييييييل بس مصيبتك وليدات الغربة ديل ما بيعرفوا التمسر انا خايف يمسكوك من اضنيك .

صاحبى الطيب الشيقوق على الطلاق مناى فى ها الدنيا
القاك فى سمبتمبر بعد الضراع ما يفوت والنتره والطرفه
يكربن تب ونركب اللاندكروزر ونشيل معانا (البتات كلو)
ونضرب ام هبج عووووك عقب المو نجيض مو معانا0

Quote: شوف كبود الابل وعتي البقر والشطة الخضراء والكمونية بتجيهك طااااااااااااااااااااااااااب -

Quote: يا اخوى الناس العرافين مش ناس ناس ابو بكر هم البجيهو حالهم من بدري ان البيت بنقط الزول المايل ده بيكون وقت طلعته على محل النقيط بالتراب او القليبة او يصلح السبلوكة اكان بقت مفنترة لفوق

.

اها جيتك بجاي .. اولا بيوتنا في حلفا جاها طوفان زاحف بالعرض ودخل من الباب يعني ما من فوق واصلو مافي موية عندنا هناك بتجي من فوق الا لما لما وليدا شيطان يطلع فوق السقف ويسويها ...
وبعدين بعدما ودونا البطانة لقينا السما مخرومة هناك والسقوف تتطاير فبقينا برمائيين ما محتاجيين لسبلوكة ...

ابوبكر العزيز نسبو وماصل حر
قشاش دمعة الدعجا الوضيبابجر
حبابك يالطلتك لى القلب بتسر
حبابك عشره

Quote: اها جيتك بجاي .. اولا بيوتنا في حلفا جاها طوفان زاحف بالعرض ودخل من الباب يعني ما من فوق واصلو مافي موية عندنا هناك بتجي من فوق الا لما لما وليدا شيطان يطلع فوق السقف ويسويها ... وبعدين بعدما ودونا البطانة لقينا السما مخرومة هناك والسقوف تتطاير فبقينا برمائيين ما محتاجيين لسبلوكة ...

ابو بكر انتو ايام جيتوا جديدين هل عملوا ليكم تمارين او بروفات على الترصد من الرعد والبروق؟
كيف كان استقبال الباعوض والسريته ( السريتة ابو بكر دى ضبانة قرصتها حارة بتجي ايام الجبهة وكان راكب ليك حمار مكادي بدنقر ياكل في الطريق وانت راكب على ضهرة بتجيهك جيهة تمام تخليك تبكي بالدموع .
وكمان اكان بقى عندك جمل خليته في الحلة وقلت تجيب ليهو كليقة رزة ( الرزة دى قشة اللانزورة واللانزورة قشة بيعملنها النسوان في الضفيرة مع السعف) وقت تغشى تقطع الرزة اها يا اخوى السريته بطيعك طاعة تماااااااااااااااام .

يا اخونا ود المحرب متابع -
وود بكار معانا هنا
الفاروق قطع شك تفرقت به السبل هاهنا
بت طلحة سمعينا حاجة في الرزة دى اكان عندك

Quote: ابوبكر العزيز نسبو وماصل حر قشاش دمعة الدعجا الوضيبابجر حبابك يالطلتك لى القلب بتسر حبابك عشره

ود المحرب اخوى انا بعاين في صورتك دى

دحين مضوى اسد البطانة سرك؟

Quote: صاحبى الطيب الشيقوق على الطلاق مناى فى ها الدنيا القاك فى سمبتمبر بعد الضراع ما يفوت والنتره والطرفه يكربن تب ونركب اللاندكروزر ونشيل معانا (البتات كلو) ونضرب ام هبج عووووك عقب المو نجيض مو معانا0

هلا هلا اكان الله مد في العمر قطع شك حاصلة وحرم كمان دى اياما تشيل خرطوشك وتعنى الميع لديكة ام عاج الوزين الكبار الفكج .

وانا كمان اتمنى تجينا ونتكامل بيك حظيرة الدندر عشان تشوف الويل هناك تشوف جداد الوادى يسيكك قدام عربيتك رقل رقل . وتشوف الصيد مرحات مرحات وتشوف الجاموس ماشي قطعان وتشوف الما شفتو حياتك . ويمكن تقع ليك في دلو حق عسل يت الناقصة ما عليك الا تولع دخانك للدلوا تخليهو براهو بلا نحل وتشيل وتغرف ساااااااااااااى . هلا هلا يا الفاروق ناس البندر وا شوقكم للنعمة دى .

نحن لا دايرين قسمة سلطة لا ثروة والبجينا في محل ثروتنا وسلطتنا دى بنسود ختوتو ابو بكر بنسود ختوتو معناها ( .......... اهلو) ود المحرب جيه الزول في الفريقه الفاضية دى .

Quote: ابو بكر انتو ايام جيتوا جديدين هل عملوا ليكم تمارين او بروفات على الترصد من الرعد والبروق؟

يا ودشيقوق دحين لو شالوك ورموك في الاسكيمو شن بتسوي ؟؟ اها شالونا من بكان السما سما النجوم نجوم والقمرة قمرة الي سماء تحتها بطانية .. اها اهلنا شافو تحت السماء بطانية ومرة مرة من خرم صغير في البطانية يشوفو ضوء مرة بيكون ضوء قمر ومرة شمس ومرة نجمة زغنونة وهم في الحالة دي قامت البطانية اتسحبت وهاك يابحر جاي من فوق وكوارييك ( عرفنا بعدين انو بسموها رعد) وعينك ما تشوف الا النور مرة من اليمين ومرة من الشمال وعقب داك اها داك البيقولو ليهو "حولينا ولا علينا" بشان يفوت .. اها جا ويااسبتس جاك بلا .. السقوف تتطاير كرو كرو واها عجائزنا قالو ياها يوم القيامة البيسمعو عنها وعلي طول استسلمو وعلي المقابر ( الحقيقة ما كانت في مقابر فسوينا بكان للمقابر)وحكمة ربنا الماتو منا في موسم واحد قدر الماتو من زمن تهراقا لحد زمن التهجيير ...
اها وبعد التسونامي (الزمن داك ما كان عندو اسم وناس البطانة ما خبرونا اها اتفرجو في العجم الجوهم من الشمال) راح وتعال يا كتائب المضرة .. جنس ناموس .. احنا كنا بس بنعرف الجراد مرة مرة يجي طاير من موريتانيا .. اها قنا جراد البطانة مالو زغنوني وكتير ..لكن طلع داهية بس واحد يرك في اي بكان في جسمك ياكا المحموم والرجيفة ما تخليك الا في المقابر ....

اها تقولي تماريين ...!!

Quote: البطانة دي براها حوامات لو الناس عرفت شعر هؤلاء العظماء.

Quote: ابو بكر بنسود ختوتو معناها ( .......... اهلو)

Quote: ود المحرب جيه الزول في الفريقه الفاضية دى ...

الزول أنت براك ما خليتلو فرقة جيهة

قام تاليك مفوفي...وحزم القواره
وزكك قنب يجدع في الكبار وصغارا
عربك عاسرا اللون من تولع نارا
وقرعك لي عشاهم بالفريق اتبارى
---------------------
قام تاليك: بمعنى أن العشب التالي (الجديد) نبت فوق العشب القديم.
مفوفي: مفرهد ومزدهر.
حزّم: احتضن.
القوارة: القش القديم
الزكك: الشبع (شبع البهائم و إفراطها في الأكل)
قنب: أصبح
يجدع في الكبار وصغارا:بمعنى أن العشب المتنوع وافراط البهائم الكبيره (ابل وابقار) والصغيره (ماعز وضأن) في أكله أصبح قاتلا لها..والشاعر عايز يدلل على أن الخريف عامر وكافة البهائم قد نالت مبتغاها...علما بأن أحد مواصفات الخريف العامر هو قياسه بمدى اشباعه للبهائمالصغيرة أولا والكبيرة ثانيا ولعل المقدار الذي يشبع كل منها هو المعيار الأساسي لهذا القياس.
عاسرا: عاسرها أو أصبح عسيرا
اللون: يقصد إبتلال حطب الوقود بالماء اي أن الحطب لين (ملودح) والمعنى أنهم لم يستطيعو أن يشبوا النار التي يطهى بها عشائهم.
قرعك: القرع معروف وهو إناء يحلب فيه اللبن.
إتبارى: بمعنى أن الفريق كله يئس من شب النار لذلك لجأوا إلى مِرحاتهم لحلب اللبن لزوم العشاء.

----------------
اللوحة أعلاه مهداه للطيب شيقوق

Quote: نحن لا دايرين قسمة سلطة لا ثروة والبجينا في محل ثروتنا وسلطتنا دى بنسود ختوتو ابو بكر بنسود ختوتو معناها ( .......... اهلو) ود المحرب جيه الزول في الفريقه الفاضية دى . [/QUOTE ات عارف يالشيقوق اخوى ناس الحكومة ديل فعلا كان جونا فى محلنا مابلقوا مننا غير ن 00000 ام اهلن لاننا ناس زى ما قلت انت مخلهن بدون محاسبه0 نحن فاقدين كتير من الخدمات فى مناطقنا (وساكتين)

---

Post: #70 Title: Re: ود الشلهمة Author: سمية الحسن طلحة Date: 03-02-2007, 06:08 PM Parent: #69 Quote: اللوحة أعلاه مهداه للطيب شيقوق دى لوحة أجمل من الموناليزا ياأحمد ولاتقدر بتمن...والله عاد... يكافيك عليها بى شنو ؟ الزكك : ( التخمة بلغة أهل البندر ) الزول الشبعان يقول لك والله مزكوك تب واصل فى إمتاعنا باللوحات الجميلة دى .ربنا يعينك .

---

Post: #71 Title: Re: ود الشلهمة Author: خالد المحرب Date: 03-02-2007, 06:27 PM Parent: #70 إتبارى: بمعنى أن الفريق كله يئس من شب النار لذلك لجأوا إلى مِرحاتهم لحلب اللبن لزوم العشاء. ---------------- اللوحة أعلاه مهداه للطيب شيقوق والله عاد ماقصرت تب لوحه تتحدث عن نفسها دايره زول يرسما بى خيالو وينزله الى الواقع المعاش من قبل

---

Post: #72 Title: Re: ود الشلهمة Author: الطيب شيقوق Date: 03-02-2007, 09:34 PM Parent: #71 Quote: يا ودشيقوق دحين لو شالوك ورموك في الاسكيمو شن بتسوي ؟؟ اها شالونا من بكان السما سما النجوم نجوم والقمرة قمرة الي سماء تحتها بطانية .. اها اهلنا شافو تحت السماء بطانية ومرة مرة من خرم صغير في البطانية يشوفو ضوء مرة بيكون ضوء قمر ومرة شمس ومرة نجمة زغنونة وهم في الحالة دي قامت البطانية اتسحبت وهاك يابحر جاي من فوق وكوارييك ( عرفنا بعدين انو بسموها رعد) وعينك ما تشوف الا النور مرة من اليمين ومرة من الشمال وعقب داك اها داك البيقولو ليهو "حولينا ولا علينا" بشان يفوت .. اها جا ويااسبتس جاك بلا .. السقوف تتطاير كرو كرو واها عجائزنا قالو ياها يوم القيامة البيسمعو عنها وعلي طول استسلمو وعلي المقابر ( الحقيقة ما كانت في مقابر فسوينا بكان للمقابر)وحكمة ربنا الماتو منا في موسم واحد قدر الماتو من زمن تهراقا لحد زمن التهجيير ... اها وبعد التسونامي (الزمن داك ما كان عندو اسم وناس البطانة ما خبرونا اها اتفرجو في العجم الجوهم من الشمال) راح وتعال يا كتائب المضرة .. جنس ناموس .. احنا كنا بس بنعرف الجراد مرة مرة يجي طاير من موريتانيا .. اها قنا جراد البطانة مالو زغنوني وكتير ..لكن طلع داهية بس واحد يرك في اي بكان في جسمك ياكا المحموم والرجيفة ما تخليك الا في المقابر .... اها تقولي تماريين وووووووووووووووووب ووووووووب ووووووووب دى لوحة عدييييييييييييل كده الفاروق وينك انت ود المحرب ما لقيت لوحتك الا منابيذك شكيتك على الله بت طلحة اكان كترتى الحديث انا بتكلم بقول استعنت بصديق لمعاني ود بكار والصديق كان مستعجل ما جيه لى الوصف

---

Post: #73 Title: Re: ود الشلهمة Author: Ahmed Yousif Abu Harira Date: 03-02-2007, 09:41 PM Parent: #72 Quote: بت طلحة اكان كترتى الحديث انا بتكلم بقول استعنت بصديق لمعاني ود بكار والصديق كان مستعجل ما جيه لى الوصف أبوبكر وين يا أخوانا

---

Post: #74 Title: Re: ود الشلهمة Author: Ahmed Yousif Abu Harira Date: 03-03-2007, 12:13 PM Parent: #73 بجيكم راجع

---

Post: #75 Title: Re: ود الشلهمة Author: الطيب شيقوق Date: 03-03-2007, 04:16 PM Parent: #74 Quote: أبوبكر وين يا أخوانا ما تعشم في النوبي تاني كان حاحيت ليهو العيش ما بجيك ( العيش يا ابا بكر مش الرغيف هو عيش العلوقة حق المغربية )

---

Post: #76 Title: Re: ود الشلهمة Author: Ahmed Yousif Abu Harira Date: 03-03-2007, 06:08 PM Parent: #75 Quote: ما تعشم في النوبي تاني كان حاحيت ليهو العيش ما بجيك شيخ العرب الطيب شيقوق آآ زول والله براك سوداء سوادا أسود من قعر الطاجن.... وحبابك إنت في كل وقت وفي كل حين...فأنت والله بالنسبة لينا ريحانة هذا المنبر وجماله المطلق... النوبي الأصيل بجي قطع شك ... لكن إنت أبوبكر ده بجيب التفاصيل الدقيقة دي من وين؟؟ ... الشئ العارفو أنا الزول ده زول إمارات وإنت في مسقط ...عرف من وين هنديك القفل الباب داك وخلاك برا وحفلة عصام والتفاصيل الدقيقة دي ؟؟ . . . غدا نهدي لك لوحة أخرى من عمك طه ود الشلهمة....نديك إياها وكتا بدرررري مع قهوة الصباح ... دحين خليك قريب

---

Post: #77 Title: Re: ود الشلهمة Author: Ahmed Yousif Abu Harira Date: 03-03-2007, 08:52 PM Parent: #76 سيارات بواديك ......قلعن دقاقن ومن دار الدمر اتواعدن بي فراقن وديانك رون ....ربط الزبد شقاقن وروس قشك ...نسيسيم الهبيب ساقن ------------------- لن أعلق على هذه اللوحة لأنها مهداة لأستاذنا الطيب شيقوق ...وزي ما بقولوا ناس الحفلات (يا اخوانا الرقصة الجاية دي للعريس والعروس)فهذه اللوحة مخصصة لطيب لوحده للتعليق عليها... بس عايزكم تركزوا لي شوية علي عبارة الشاعر الأخيرة: ورؤوس قشك نسيسيم الهبيب ساقـ(هـ)ـن الطيب حرم تقطع الغنوة دي وتلزقها في اي مكان وتعلق عليها التعليق الذي تراهو مناسب......نحن عايزين صورة حية ...وما عندي شك مطلقا في أنك لها.. ودم طيبا

---

Post: #78 Title: Re: ود الشلهمة Author: مامون أحمد إبراهيم Date: 03-03-2007, 09:25 PM Parent: #77 الرائع أحمد أبو حريره , هل يمكن أن نعتبر أنو بادية أرض البطانه, فى السودان , هى نسخه أصليه أو صوره مصغره لبوادى الجزيره العربيه فى القرن السابع ؟! .. وأنو نفس البيئه وتلك الظروف المشابهه إنتقلت بشكل آخر إلى هذا الجزء من السودان ؟!

---

Post: #79 Title: Re: ود الشلهمة Author: الطيب شيقوق Date: 03-03-2007, 09:45 PM Parent: #78 Quote: الرائع أحمد أبو حريره , هل يمكن أن نعتبر أنو بادية أرض البطانه, فى السودان , هى نسخه أصليه أو صوره مصغره لبوادى الجزيره العربيه فى القرن السابع ؟! .. وأنو نفس البيئه وتلك الظروف المشابهه إنتقلت بشكل آخر إلى هذا الجزء من السودان الله يطول عمرك يا عظيم سؤال مهم جدا بس معاى ضيوف وبرد عليك انشاء الله

---

Post: #80 Title: Re: ود الشلهمة Author: الطيب شيقوق Date: 03-03-2007, 10:57 PM Parent: #79 Quote: سيارات بواديك ......قلعن دقاقن ومن دار الدمر اتواعدن بي فراقن وديانك رون ....ربط الزبد شقاقن وروس قشك ...نسيسيم الهبيب ساقن احمد اخوى انا جاييك منسرق ساى معاى ضيوف عزاز قلت ليهم عندنا بتا تااااااااااااامة معاها الداية امشى اطلهن واجيكم والمساكين صدقوا وجيت تاوقت بجاى ولقيت كلامك العسل ده لكن اكان صنقرت اشرح بنكشف خلونى لبكرة اجيه الضيوف واتكاملكم طوااااااااااااالي . لكن احمد اخوى كلامك تور شعر راسي سبيبة سبيبة قلت اتلوم اتوهط ليهو لكن عاينت بقفاى

---

Post: #81 Title: Re: ود الشلهمة Author: Shinteer Date: 03-03-2007, 11:02 PM Parent: #79 يا أب حريرة .. شن حالك آ عَيْسي ياخي المداخلات الكتيرة دي خربت علي الرصة. نديك سلام ونقول لك هِد لا غادي. Quote: وديانك رون ....ربط الزبد شقاقن وروس قشك ...نسيسيم الهبيب ساقن شوف الكلام التريان ده. ياخواننا ما تخلبتوا العِدّة. يا ركّاب على ماصعاً بِقوم بالعِدّة (عشان ما تقولوا العدّة القاصدنها هي عدة الديك). بارْد الوادي جاب زبَدو وسَوام وبَعَشَّم والقش شابى روسو وللمنايِح عشِّم الخ واصل. وتشكر كتير. مرقتنا من تـَنـَت البوستات الآخرى ووخم وديانها ووديتنا العفا البنعرفو؛ زي عفا مخيريق في زمانو. ديفة الردَّن القيقي وعفا مخيريق.

---

Post: #82 Title: Re: ود الشلهمة Author: على احمد النعيم Date: 03-04-2007, 06:29 AM Parent: #81 Quote: ما تعشم في النوبي تاني كان حاحيت ليهو العيش ما بجيك ( العيش يا ابا بكر مش الرغيف هو عيش العلوقة حق المغربية ) ود شيقوق سلام يعجبنى جدا شرحك وتوضيحك للاخ الكريم ابو بكر وهذه الجزئية تذكرنى: ساعيك من صغير لامن زرقت النايب شتات عيشك بركز المعز البجنو ربايب واظن هو العليقة التى تذكرها. دمت وواصل مع الاخ الرائع ابو حريرة لتعطو هذا المنبر حلته الزاهيه

---

Post: #83 Title: Re: ود الشلهمة Author: الطيب شيقوق Date: 03-04-2007, 06:57 AM Parent: #82 Quote: شتات عيشك ود النعيم على الطلاق سرت جواى بصورة ما عادية ده شتات العيش وقت العلوق لما الجمل يملا شلاليفو ويلوي رقبتو عشان يحك بطنو من الضبان . وما احلاها لوحة عندما تشم نسام بولو مع الرزة بعد ياكلها كلها ويتمرمغ في باقيها . وما احلاها لما مطر الرشاش ينزل ويتور الشتات ويبقى ضان فارة ( ابو بكر ضان فارة دى اول مرحلة نمو للذرة يعنى الحبة بتذمم ثم تفقش ثم ضان فارة وهنا العراريف ، ناس ود المحرب ، بميزو العيشة من العدارة لكن نوعك يا ابا بكر كلو عندو ليمون ) آآآآآآآآآآآآآآآآآآآآآآآآآآآآآه ود النعيم لا تنكئ الجراح فنحن في ضياع مع الغربة .

---

Post: #84 Title: Re: ود الشلهمة Author: على احمد النعيم Date: 03-04-2007, 07:28 AM Parent: #83 Quote: ود النعيم على الطلاق سرت جواى بصورة ما عادية الاخ ود شيقوق اشكرك جدا على هذه المساحة الشاسعة التى افردتها لى، وانا والله سمعت بك من افواه نفر كرام كما ذكرت لك آنفا وفى طليعتهم الفاضل ود المحرب وباقى العقد الفريد، والحمد لله كما يقولون "وافق شن طبقة" او كما يقول المثل الانجليزى Birds of feather flock together . وياخى النفوس من بعضيها كما يقولون. وهذه والله نعمة لا تعادلها نعمة ان اصبح جواك وتمتد الاواصر الى كل ما هو سام وجميل. اطنان من الشكر اخى على هذا الاطراء ، وابقى لنبقى.

---

Post: #85 Title: Re: ود الشلهمة Author: الطيب شيقوق Date: 03-04-2007, 09:19 AM Parent: #84 Quote: الشئ العارفو أنا الزول ده زول إمارات وإنت في مسقط ...عرف من وين هنديك القفل الباب داك وخلاك برا وحفلة عصام والتفاصيل الدقيقة دي ؟؟ ابو حريرة عليك الرسول ارمي لي بالك هنا ابو بكر مشغل ود المحرب جستافو وبرسل فلوس في حساب ود المحرب من ابو ظبي للرياض ات عارف ليش ؟ عشان ود المحرب يسري فيني بالليل ونسة وكضب بالتلفون وانا اجر معاهو الحكى وبحكي ليهو بالمغطى كلوووووو للصباح يعنى (Confidential issues ) وزولك حرم الفيهو عرفتها طاااااااب ما عندو احترام للكونفدنشيالتيز هو اصلو بطحاني والبطحاني اصبعو بوشو على التتك الزول عندو زى الطيرة دحين بدوهو كونفديالتيز . وحياة اسم الله يا احمد اخوى زولك ده حت ايامي الكنت في السودان حمانا النوم انا والسمحة ام ولدي يتصل فينا للصباح منعنا الانجمامة ؟؟؟؟؟؟؟؟؟؟؟؟؟؟ الفاروق ود حامد عاين هنا؟؟؟ وسوى القول .

---

Post: #86 Title: Re: ود الشلهمة Author: الطيب شيقوق Date: 03-04-2007, 09:27 AM Parent: #85 Quote: افواه نفر كرام كما ذكرت لك آنفا وفى طليعتهم الفاضل ود المحرب وباقى العقد الفريد، وووووووووووب وووووووووب ضيعتني طااااااااب طالما ود المحرب بقى من النفر الكرام ده حرم من ناس الاجرام يقلع حقك ضحى . واقول ليك كلام ود النعيم اخوى / بحرام ابو بكر الرطاني راشي ود المحرب عشان ينقل ليهو اخبار ود شيقوق . وقعوا معي لالغاء عضوية ود المحرب من المنبر العام عاجلا عشان القريفة .......... اهلو.

---

Post: #87 Title: Re: ود الشلهمة Author: Ahmed Yousif Abu Harira Date: 03-04-2007, 10:12 AM Parent: #86 ضُلِكْ خَتّ من رَفَ السِحَابْ ...الكَوَعْ وبراقك مَمَاسَكْ..وبالفجيج اتبوعْ اتفقع سماك نازل...صبيبو منوعْ وشَقّاقِك شِبِعْ في الموية لامن توعْ ---------------------------- يا اخوانا المنبر ده ما فيهو فنان تشكيلي بَاتِعْ يصور لنا الموقف ده بالفرشاة والألوان... انا يا جماعة وقفت من الشرح دا بعد كدي لأن الصور دي لا تشرح بالكلمات...واخوانانزار حسين وود المحرب وسمية وعلي النعيم وود شيقوق سوا البيقدرو عليه وما قصرو...وشنتير داك تراهو عنبب ساكت ...والجميع في حالة إنجذاب كامل... الكلام ده موجه لأخوانا الفنانين: قيسان عشا الضيفان ونور الهادي واي تشكيلي آخر يأنس في نفسه الكفاءه.. المره دي نحن عايزين لوحة جدارية نعلقها في صدر المنبر ده للغاشي والماشي ------------- شنتير لابد انك ملاحظ : Quote: اتفقع سماك نازل...صبيبو منوعْ وشَقّاقِك شِبِعْ في الموية لامن توعْ دحين عليك الله ود الشلهمة ده الله يرحمو ما التقول كان عايش لو في شق؟ أولا السماء وليس السحاب هو الاتفقع صبيبو منوع وثانيا الشق شبع في الموية لامن توع .......بووووووووووووووع الخرابل !!!

---

Post: #88 Title: Re: ود الشلهمة Author: Ahmed Yousif Abu Harira Date: 03-04-2007, 10:22 AM Parent: #87 Quote: ابو بكر مشغل ود المحرب جستافو وبرسل فلوس في حساب ود المحرب من ابو ظبي للرياض ات عارف ليش ؟ عشان ود المحرب يسري فيني بالليل ونسة وكضب بالتلفون وانا اجر معاهو الحكى وبحكي ليهو بالمغطى كلوووووو للصباح يعنى (Confidential issues ) وزولك حرم الفيهو عرفتها طاااااااب ما عندو احترام للكونفدنشيالتيز هو اصلو بطحاني والبطحاني اصبعو بوشو على التتك الزول عندو زى الطيرة دحين بدوهو كونفديالتيز . فيها دفِع كمان ؟

---

Post: #89 Title: Re: ود الشلهمة Author: الطيب شيقوق Date: 03-04-2007, 10:46 AM Parent: #88 Quote: ضُلِكْ خَتّ من رَفَ السِحَابْ ...الكَوَعْ وبراقك مَمَاسَكْ..وبالفجيج اتبوعْ اتفقع سماك نازل...صبيبو منوعْ وشَقّاقِك شِبِعْ في الموية لامن توعْ هيييييييييييييع احمد ود يوسف اخوى خليني اتضرع ليك في شرحو لناس الفاروق ضلك خت يعنى صبيبك بدأ من طرف السحابة المكوعة يعنى مجنحة هنااااااااااااك ومنتكية قريبة ل وعند الحاردلوا ضلك خت يعنى بيها الشخيتير النزل من السحابة تشوفو هناك اكان مطرتو كارسة ( يعنى بدون هواء ) تجد الشخاتير متوازية في خيوطها واكان في هواء مع الصبيب بتشوف الشخاتير متعوقبة ومتقاطعة في بعضها وما احلى هذه اللوحة لما يفجها البرق ابو حرقوص وتسمع الدوداي من بعيييييييييد . هلا هلا هلا اتفقع سماك نازل صبيبو منوع . اتفقع معناها السماء اتقدقد كلووووو بالصبيب هنا يا اخوانا العارفين بقدروا بيعرفوا محل المطرة صابة وشقاقك شبع في الموية لامن توع لا اله الا الله على الطلاق انا بكتب وشعر راسي قائم من الكلام ده . الشقاق بيعني بيهو شقوق ا وغالبا تكون شقوق الارض البادوب ودى المطر الرشيش ولا الجبجاب ما بجيب فيها خبر الا تعلا يخلى الميع رهود . والشقاق دى نجد فتحتها كبييييييرة في الميعة الطول منها المطر . تلقى شقوق ها الميعة كباااااااار يربى فيها الجراد وربما يبني فيها النحل للعسل ومرات بقوم فيها عريق حق تبر اخضااااااااااار واكان قريبة من الحلال بتور عرق البطيخ البشاتي ( عارفين ليش؟ ) والتتوع زى شبعتك يا ابا بكر في البيتزا مش بتقول باااااااااااااااااااااع من الشبعة اها يا ها دى التتوعة او التدشية .

---

Post: #90 Title: Re: ود الشلهمة Author: Ahmed Yousif Abu Harira Date: 03-04-2007, 10:53 AM Parent: #89 بوركت يا شيخ الطيب .. يا اخوانا انا بستعمل كلمة (شيخ) دي كتير مع الطيب شيقوق ده وأرجو ما تفهمونا غلط.... نحن راجيين شرحك في الأولى برضو ---- ولا لإسقاط عضوية ود المحرب من المنبر

---

Post: #91 Title: Re: ود الشلهمة Author: الطيب شيقوق Date: 03-04-2007, 11:02 AM Parent: #90 Quote: ولا لإسقاط عضوية ود المحرب من المنبر افهموا الحاصل يا اخونا الرطاني استعمل ود المحرب عشان يشق اهل البطانة عديييييييييييل كده وود المحرب حرم يبيعكم ليهو بعبار ......... شنو يا الفاروق

---

Post: #92 Title: Re: ود الشلهمة Author: خالد المحرب Date: 03-04-2007, 12:31 PM Parent: #91 Quote: [ نحن راجيين شرحك في الأولى برضو Iwill speak with you in an official language السيد الطيب انت مطالب بشرح الاولى انت الذى سعيت لهذه الجفوه بينى وبينك وكان ممكن تجد منى المساعده زى كل مره فى شرح الغنوه الاولى عبر الماسنجر الداخلى زى كل مره ومرات عديده

---

Post: #93 Title: Re: ود الشلهمة Author: الطيب شيقوق Date: 03-04-2007, 12:37 PM Parent: #92 Quote: فى شرح الغنوه الاولى عبر الماسنجر الداخلى زى كل مره ومرات عديده هلا هلا البلاقيك متشمر يا ود المحرب تلاقيهو مشنق ؟؟؟؟؟؟؟؟؟؟؟؟؟؟؟؟؟

---

Post: #94 Title: Re: ود الشلهمة Author: احمد حماد ادريس Date: 03-04-2007, 03:12 PM Parent: #93 اخى الكريم / احمد يوسف ابو حريرة - كيف قيلت وكيف امسيت انت ومن حبيت حقيقة عندنا مشكلة فى التوثيق لمثل هؤلاء المبدعون والموهبون ناس ود الشلهمة وناس ود شورانى وغيرهم كثر فى تلك الاصقاع والبرارى - عملت عملا طيبا بالقاء الضو على ود الشلهمة وبداية التوثيق له- الالتصاق بالارض هو وفاء للحياة ففى احشائها نضرة الوجود والذى يجنى ثمارها يهنا وتهنا له -يملك روحها ويجمع المسرة والصفاء فهى تجود كل يوم بكل جديد وتتبدل فى ازهى لبوس تمشى النشوة فى الاوصال - ناس ود الشلهمة هم اهل الخيال والحواس البيض بيض العلا وسمر اللداة وفى مناخ ليس فيه اعتلال بل اشفاق وحنان - قول للسمحة بشورة الرحيل مين شارك جيت عارقك لقيت محلا مغطى ديارك قلت لنفسى عاد الليلة انقح طارك كم كم عندها اب كوعا مفاسح بارك استمالت الخضرة وجدانه وحال الندى فى قلبه شمولا فيه الصيد والطيور تتوج عنده الاحاسيس والذكريات والخواطر وتمتزج بكل نجم زاهر فاستقرت حياته نارا بلا لفح يتضرم وسط ماءا لا يتبخر ولا يذوب وكانه بقايا سحر بابل -- اخدر ليهو ضل فوقو المحاسن شرن افلج فاطرو زى برق السوارى الكرن يتقسم مقاطع فى المشى ويتحرن زى فرخ القطا الاماتو ركن وفرن اصبح لا يستيقظ الا على جمال ولا تغمض عيناه الا على تكبير الله وحمده - فالفته هذه الطبيعة الخلابة فتكشف له روضة حسن ومودة واضحى عمره صفاء وخضرة - جاشت قريحته بالشعر والرقة -واول ما عالج الشعر الوصفى والوصف عنده تمتمات وزهيرات اثمرتها احوال الطمانينة والامن والسكينة -وكم تراه يود ان يذوب فى وصف الطبيعة وكان الطبيعة خمر صافية حلت له ليشرب منها فلم يشرب ومن ثم يكون الابداع فى وضوح الرؤية - دره لله ود الشلهمة

---

Post: #95 Title: Re: ود الشلهمة Author: الطيب شيقوق Date: 03-04-2007, 05:37 PM Parent: #94 Quote: اخدر ليهو ضل فوقو المحاسن شرن افلج فاطرو زى برق السوارى الكرن يتقسم مقاطع فى المشى ويتحرن زى فرخ القطا الاماتو ركن وفرن هيييييييييييييييييع ود حماد اخوى ده الكلام . تمشى مننا وين انت ؟ بجيك راجع احمد اخوى افسر النضم الحلووووو ده للاعاجم

---

Post: #96 Title: Re: ود الشلهمة Author: Shinteer Date: 03-04-2007, 09:01 PM Parent: #95 يا حاج أحمد أب حريرة. أنا فاتح خشمي وبعاين .. ولو عارف درب المطمورة البتغرف منها انت دي .. عليك أمان الله أخمش منها كِيلْتي وأختِر. بقول لك المداخلات سوت لي زغللة .. وود الشلهمة داير الزول يربّع ايديه ويرخي أضانو .. وكفى. دحين أكان عندك الكلام ده مكتوب وجاهز .. عليك الله أنهرو لي في رسالة خسوسية عشان أجلِّدو حجاب وأدرعو في ضراعي وأعنابو ِكرِّيتة. سَوْ سَوْ

---

Post: #97 Title: Re: ود الشلهمة Author: الطيب شيقوق Date: 03-05-2007, 06:32 AM Parent: #96 Quote: يا حاج أحمد أب حريرة. أنا فاتح خشمي وبعاين .. ولو عارف درب المطمورة البتغرف منها انت دي .. عليك أمان الله أخمش منها كِيلْتي وأختِر. بقول لك المداخلات سوت لي زغللة .. وود الشلهمة داير الزول يربّع ايديه ويرخي أضانو .. وكفى. دحين أكان عندك الكلام ده مكتوب وجاهز .. عليك الله أنهرو لي في رسالة خسوسية عشان أجلِّدو حجاب وأدرعو في ضراعي وأعنابو ِكرِّيتة. سَوْ سَوْ ود شنتير آآآآآآآآآعيسي ( تمديد الالف وفتح العين وكسر السين والياء) هلا هلا ود شنتير خليني افسر رسالتك الفوق لناس البندر : ود شنتير يا اخوانا بخاطب الاخ الكريم احمد آب حريرة وبيقول ليهو الاتي : انا فاتح خشمى وبعاين يعنى متعشم في المطمورة والمطمورة يا اهلنا هي حفرة مدورة قد تسع عشرة او الف جوال من الذرة وبغرف منها يشيل منها بالجردل او القروانة . واخمش منها كيلتي واختر _ هنا ود شنتير يقصد انه سيتناول منها كيلتو( بكسر الكاف) والكيلة مش الكيلة بتاعة العبار لالالالالالا دى بكسر الكاف والكيلة للعبار بفتح الكاف ويعنى بها ما يكفيه من قوت لمدة محددة . اما الحجاب القاصدو ود شنتير هو حجاب كف العين فود شنتير من شدة تقديسه لغناء ود الشلهمة تمنى ان يصروهو ليهو في حجاب يكون معاهو ليل ونهار . الشاعر قال يا سيدى الحسن اب قبة لبنية اربط لى حجاب من راسي لى كرعية اها ود شنتير عايز يربطوا ليهو حجاب بس فيهو غناء ود الشلهمة ومن راسو لكرعيهو ودعتكم الله

---

Post: #98 Title: Re: ود الشلهمة Author: على احمد النعيم Date: 03-05-2007, 06:55 AM Parent: #97 Quote: ضُلِكْ خَتّ من رَفَ السِحَابْ ...الكَوَعْ وبراقك مَمَاسَكْ..وبالفجيج اتبوعْ يا ود اب حريره الله يديك العافية لتوثيقك اعمال هذا الفحل ، وقولك هذا فى هذه السحابة المجنحة زى ما قال ود شيقوق يذكرنى هذا المشهد: قدمك يسعد الساحة الخدارها مشيط كفلك عالى اردافك تفر وتخيط دغمة خشمك الضحوى السحابو مبيت التوب فى الصدر موجا مقاصر الميت فالسحابة لامن ترسى وسحابها يكون بايت بكون مطرها مضمون وصبيبو حلو واصل يا اب حريره لله درك

---

Post: #99 Title: Re: ود الشلهمة Author: Ahmed Yousif Abu Harira Date: 03-05-2007, 06:55 AM Parent: #97 أستاذنا احمد ود حماد ود دريس تحية وإحتراما شرفتنا كثير بحضورك البهي هنا ويا ريت تكون قرييب معانا ليحلو الانس والسمر..

---

Post: #100 Title: Re: ود الشلهمة Author: Ahmed Yousif Abu Harira Date: 03-05-2007, 07:07 AM Parent: #99 Quote: أنا فاتح خشمي وبعاين .. ولو عارف درب المطمورة البتغرف منها انت دي .. عليك أمان الله أخمش منها كِيلْتي وأختِر. بقول لك المداخلات سوت لي زغللة .. وود الشلهمة داير الزول يربّع ايديه ويرخي أضانو .. وكفى. دحين أكان عندك الكلام ده مكتوب وجاهز .. عليك الله أنهرو لي في رسالة خسوسية عشان أجلِّدو حجاب وأدرعو في ضراعي وأعنابو ِكرِّيتة. سَوْ سَوْ أبشر آآآ شنتير الضو أنهر لي إنت إيميلك بالماسنجر عشان ندفرو ليك في (أتاشمنت) على إنجلات العبارة دي (عشان أجلِّدو حجاب وأدرعو في ضراعي وأعنابو ِكرِّيتة) نحن بي كدي بنديك المطمورة كلها لكن ما تَخَتِر..

---

Post: #101 Title: Re: ود الشلهمة Author: Ahmed Yousif Abu Harira Date: 03-05-2007, 07:10 AM Parent: #100 نواصل ، وهاكم العايلة دي بدون تعليق: سحابك جَرّ بالقِبْلَة ......ووسامك زرّقْ وساريتك تَكَلْ فوقها السحاب ما اتفرّقْ مجاريك خَوّفَتْ ....حَابسْ الغَرِبْ ما شَرّقْ وعَوَالِيكْ البِسِنْدُو عليها ...مَاهِنْ غَرّقْ ------------

---

Post: #102 Title: Re: ود الشلهمة Author: على احمد النعيم Date: 03-05-2007, 07:27 AM Parent: #101 Quote: سحابك جَرّ بالقِبْلَة ......ووسامك زرّقْ وساريتك تَكَلْ فوقها السحاب ما اتفرّقْ مجاريك خَوّفَتْ ....حَابسْ الغَرِبْ ما شَرّقْ وعَوَالِيكْ البِسِنْدُو عليها ...مَاهِنْ غَرّقْ يا الله يا اب حريره واسمح لى ان استميح الاخ ود شيقوق وود المحرب والمتيم بلوحات البطانة البديعة شنتير ان ادلو بدلوى: اولا سحاب القبلة مطرو لا يخيب ابدا بعد ان يكتسى سماء البطانة بالزراق اما عن السارية التى تكل سحابها اظنها هى التى لا ينقطع مطرها "ساريتن تبقبق لا الصباح ما انفشت وزول الشرق دا قولو اصبر شويه ما تغرب لانو حتى الامكنة العالية رحراحها رقبة اى يعنى تغرق من الرحراح . ارجو ان اكون قد وفقت

---

Post: #103 Title: Re: ود الشلهمة Author: سمية الحسن طلحة Date: 03-05-2007, 07:43 AM Parent: #102 Quote: رحراحها رقبة اى يعنى تغرق من الرحراح كلام تأخد همام!!! حديث تاخد دريس!

---

Post: #104 Title: Re: ود الشلهمة Author: الطيب شيقوق Date: 03-05-2007, 11:17 AM Parent: #103 Quote: سحابك جَرّ بالقِبْلَة ......ووسامك زرّقْ وساريتك تَكَلْ فوقها السحاب ما اتفرّقْ ود النعيم يطول عمرك ما قصرت لكن خلى اخوك يقول ليك : سحابك جرة بالقبلة بيقصد ام رهيد الجات منقلّة من قدام يقّلب فيها البرق اب فاتحة ( ابو وسيعة) ووسامك زرق بيقصد السحابة الباريها العفرت ومتقلقل قدامها . وساريتك تكل - التكل بيقصد التكل حق الاكل والشراب ناس البندر بسموهو مطبخ والتكل ده عندنا وقت عمره يطول ودوكتو حقت اللقمة دوام نارها مولعة بمسك السكن ( السكن هو ثاني اكسيد الكربون المتردّم ) في عرشو ومرات - ودى مهمة جدا - التكل ذاتو بتكون فيهو حبيلات متدلدلة من الفلكاب والحبيلات ديل بتردم فيهن السكن اى سكن التكل ويبقى سقف التكل بى جوة اسواااااااااااااد اها ده وصف السارية الفوقها السحاب ما اتفرق . ابشروا بالخير

---

Post: #105 Title: Re: ود الشلهمة Author: على احمد النعيم Date: 03-05-2007, 12:01 PM Parent: #104 شكرا ود شيقوق على الايعاز وبعدين انا عقبتك بى غادى كايس تار ود المحرب

---

Post: #106 Title: Re: ود الشلهمة Author: Ahmed Yousif Abu Harira Date: 03-05-2007, 08:13 PM Parent: #105 راجعين

---

Post: #107 Title: Re: ود الشلهمة Author: الطيب شيقوق Date: 03-06-2007, 06:36 AM Parent: #106 Quote: شكرا ود شيقوق على الايعاز وبعدين انا عقبتك بى غادى كايس تار ود المحرب هلا هلا آآآآآآآآ البطاحين رزقكم كمل كلوووووووو وبقيتوا ناس بندر ساااااااااااى ضاربين النت وقاعدين .

---

Post: #108 Title: Re: ود الشلهمة Author: Ahmed Yousif Abu Harira Date: 03-06-2007, 06:52 AM Parent: #107 ------------- رَعَدْتِكْ كّوَعَتْ فوق الصبيب اتدلتْ وساريتك مِزَرقّنه مي الغِبيشا الجَلَتْ شقّاقِكْ قَبَضْ زَبَدُو وحفايرو اتملّتْ وعربك تُوتَلَتْ فوق الضِهُورْ انسلّتْ ----------------

---

Post: #109 Title: Re: ود الشلهمة Author: على احمد النعيم Date: 03-06-2007, 07:05 AM Parent: #108 Quote: رَعَدْتِكْ كّوَعَتْ فوق الصبيب اتدلتْ وساريتك مِزَرقّنه مي الغِبيشا الجَلَتْ شقّاقِكْ قَبَضْ زَبَدُو وحفايرو اتملّتْ وعربك تُوتَلَتْ فوق الضِهُورْ انسلّتْ الاخ ابو حريره لا يسعنى الا ان اقول ليتنى كنت رساما لكى ارسم هذه اللوحة البديعة ببيوتها التى تراصت فى منظر بهيج. واصل لله درك ونحن متابعين بشغف.

---

Post: #110 Title: Re: ود الشلهمة Author: abuguta Date: 03-06-2007, 09:31 AM Parent: #100 بوست مدنكل بشعر بطانة مو فلهمة تركت الدوام شنو فائدة جمع الدرهمة خضار فوق عوالى ..لتلك القوافى الهما نفسى طلع وادلى مع تيس ود الشلهمة انا موجود ومتابع وحضور فى صمت

---

Post: #111 Title: Re: ود الشلهمة Author: Ahmed Yousif Abu Harira Date: 03-06-2007, 09:54 AM Parent: #110 Quote: رَعَدْتِكْ كّوَعَتْ فوق الصبيب اتدلتْ وساريتك مِزَرقّنه مي الغِبيشا الجَلَتْ شقّاقِكْ قَبَضْ زَبَدُو وحفايرو اتملّتْ وعربك تُوتَلَتْ فوق الضِهُورْ انسلّتْ إنت يا ود النعيم الرعده دي بتكوع كيفن؟ وكدي شوفها كوعت فوق شنو؟ السارية مزرقنة زي النيله وليست من النوع الإغيبش المجلي... يعني البِتْصُبْ طُقْطُقتين وتَتَنِبْ تقيف ......هاهاهاها....والله جِنِسْ حديس !!! العرب ما رحلو ما بتشوف بويتاتن على الضهور ...شوف ذكاء الشاعر عليك الله يا علي...ما قال توتلو ساكت في اي بقعة من الأرض..لا ...بل وقعوا الضهور العوالي البسندوا عليهن (توتلو يعني سوو بويتاتهم في صف واحد ممتد) كيف لا والدنيا مطر ولو نزلوا المهاوي لجرفهم هذا السيل العرمرم... هذا شعرٌ بديع وشاعره لم يترك شيء لمحض الصُدفة فقد كان يعني ما يقول.. حديث وحات ود دِرِيس (أو كما قالت سمية)

---

Post: #112 Title: Re: ود الشلهمة Author: Ahmed Yousif Abu Harira Date: 03-06-2007, 10:00 AM Parent: #111 أب قوته يا زول إنت بِتَحَتِلْ وتَقَلِعْ من وين ؟؟ وحات من أنزل القرءان وفرض الحِجْ نوحي عليهو مِتل الفاقِــدْ البِتْعِجْ يابدر التمـام وكتين سحابتو تَفِجْ إن وين كُنْتَ باقي..مِخلي عيني تَلِجْ ؟ ------- تخريمه خارج إطار ود الشلهمة

---

Post: #113 Title: Re: ود الشلهمة Author: Balla Musa Date: 03-06-2007, 06:02 PM Parent: #112 *******UP******

---

Post: #114 Title: Re: ود الشلهمة Author: على احمد النعيم Date: 03-07-2007, 06:26 AM Parent: #113 إنها دعوة منى لأعضاء هذا المنبر النير أن يتابعوا قول هذا الشاعر الفحل فى الوصف والطبيعة ، وارجو من الاخ ابو حريره ان يبحر فى هذا البحر الزاخر ويسهب فى شرحه الشائق . ودمتم.

---

Post: #116 Title: Re: ود الشلهمة Author: Ahmed Yousif Abu Harira Date: 03-07-2007, 08:15 AM Parent: #114 الأخ/ بله موسى شكرا على مرورك الكريم ولك شكري وتقديري

---

Post: #115 Title: Re: ود الشلهمة Author: gessan Date: 03-07-2007, 08:07 AM Parent: #1 -----------------------* أتمنى ان يكون الملف يعمل بشكل صحيح .. وهو تسجيل قديم لود الشلهمة..فلنأخذ منه نماذج بصوته..اتمنى ان يضيف للموضوع الكثير .. وهل هنالك اسمح من سماع الغُنا من خشم سيدو؟؟ أها يا اب حريرة قول واحد ..ولسع الباقي بجيك .. وخالص التحايا لكم جميعاً.. ----------- ** قالها: "وشقّاقِك شِرب في المُوية نامن توّع .."..

---

Post: #117 Title: Re: ود الشلهمة Author: Ahmed Yousif Abu Harira Date: 03-07-2007, 08:45 AM Parent: #115 قيسان عشا الضيفان حبابو آآآزول أنعلك طيب وعربك كلهن ؟ حررم اشتقنالك جوابي وصلك؟ مشاركتك دي يا قيسان مشاركة فاعلة وتاركه... Quote: تسجيل قديم لود الشلهمة..فلنأخذ منه نماذج بصوته..اتمنى ان يضيف للموضوع الكثير .. وماها إضافة وبس دي الموضوع كلو.. شكرا لك أيها النبيل وكان مانا عارفين مشغوليتك كنا بنقولك زيد...

---

Post: #118 Title: Re: ود الشلهمة Author: Ahmed Yousif Abu Harira Date: 03-07-2007, 08:58 AM Parent: #117 قَشِــكْ قلّعَ الدُرّابْ ...وطَــاتِه أنحَلّتْ وفي الزَكَكْ البِشُقْ مُرياح ..سعيِتك تَلّتْ فيك نزل اب لسانا بي قبيح ما اتفلّتْ مِتْجَادعين بعيد ...خافو الرزق يتخلّطْ ------------------- فيك نزل أب لسانا بي قبيح ما اتفلت...حلو المعشر حلو اللسان وكثير الاحسان... يا اخوانا المقصود هنا دا راجل ولا أمرأه...هل هي حسناء ام فارس؟؟ متجادعين بعيد خافو الرزق يتخلط...ودي كمان صورة بديعة جدا جدا ------ يا الطيب؟ إت ود الشلهمة دا قال تَكَلْ ولا تُكُل؟

---

Post: #120 Title: Re: ود الشلهمة Author: خالد المحرب Date: 03-07-2007, 11:10 AM Parent: #118 احمد سلام عليك Quote: فيك نزل اب لسانا بي قبيح ما اتفلّتْ مِتْجَادعين بعيد ...خافو الرزق يتخلّطْ فيك نزل المخاطب هنا فرد ولكن على مااظن ودالشلهمه قاصد كل من زل فى البطانه يعنى هنا يخاطب الجمع ولك ان ترسم فى خيالك متجاعدين بعيد مى داير شرح بين كل خشم بيت مسافه ديل اولاد فلان ودييييلك اولادفلان

---

Post: #119 Title: Re: ود الشلهمة Author: أبو الحسين Date: 03-07-2007, 09:42 AM Parent: #1 في حضرة حوش العرب يحلو الجلوس والمقيل... متابعة وحضور دائم... وتسلم أُستاذي أبو حريرة وكل الشباب المتداخلين... كميات مودتي... وفد حِكِّيرة... أبو الحســــــــين...

---

Post: #121 Title: Re: ود الشلهمة Author: على احمد النعيم Date: 03-07-2007, 11:24 AM Parent: #119 Quote: اتمنى ان يضيف للموضوع الكثير .. الاخ قيسان الله يديك الف عافيه ويبارك فى عمرك. اريد ان اؤكد لك انها اضافة حقيقية وبدون اى مجاملة. ولو عندك المزيد عليك الله اتحفنا لله درك . الشكر الوف الوف

---

Post: #122 Title: Re: ود الشلهمة Author: Ahmed Yousif Abu Harira Date: 03-07-2007, 11:49 AM Parent: #119 Quote: وفد حِكِّيرة... أبو الحسين الراجل الزين تفضل الدار دارك...وشرفتنا كثيرا وسواقي مودتي

---

Post: #123 Title: Re: ود الشلهمة Author: Ahmed Yousif Abu Harira Date: 03-07-2007, 11:54 AM Parent: #122 Quote: ديل اولاد فلان ودييييلك اولادفلان أب أحمد حبابو .. بالله عليك في اجمل من هيك تصوير؟؟

---

Post: #124 Title: Re: ود الشلهمة Author: Balla Musa Date: 03-07-2007, 05:16 PM Parent: #123 Quote: عقدة الليل بالشعاع انحلت

---

Post: #125 Title: Re: ود الشلهمة Author: على احمد النعيم Date: 03-08-2007, 06:48 AM Parent: #124 ----------- UP --------------

---

Post: #126 Title: Re: ود الشلهمة Author: Ahmed Yousif Abu Harira Date: 03-08-2007, 07:07 AM Parent: #125 Quote: عُقدَةْ الليل بي الشُعَاعْ انِحَلّتْ الأخ/بله موسى حررم فِهمتّك... مع تقديري الشديد لمتابعتك وإهتمامك.. ---------- نومي وصبري بِليّنْ والمعاهن قَلّتْ فاقد المنو ملسوعه الفؤاد انِعَلّتْ احسب في النجوم الطالعه والاتدلتْ لامن عُقدَةْ الليل بي الشُعَاعْ انِحَلّتْ ---------------- يا بله أدينا رأيك في البيتين الأخيرين ديل ياخ Quote: احسب في النجوم الطالعه والاتدلتْ لامن عُقدَةْ الليل بي الشُعَاعْ انِحَلّتْ

---

Post: #127 Title: Re: ود الشلهمة Author: الطيب شيقوق Date: 03-08-2007, 07:12 AM Parent: #126 Quote: احسب في النجوم الطالعه والاتدلتْ لامن عُقدَةْ الليل بي الشُعَاعْ انِحَلّتْ فوالله هذا القول لا يقل عما قاله ابو فراس الحمداني ولا عنترة بن شداد .

---

Post: #128 Title: Re: ود الشلهمة Author: على احمد النعيم Date: 03-08-2007, 08:43 AM Parent: #127 Quote: فوالله هذا القول لا يقل عما قاله ابو فراس الحمداني ولا عنترة بن شداد . واظنه ايضا يعنى: أقلب طرفى فى السماء لعله ** يوافى طرفى طرفها حين تنظر

---

Post: #129 Title: Re: ود الشلهمة Author: خالد المحرب Date: 03-08-2007, 10:22 AM Parent: #128 Quote: أقلب طرفى فى السماء لعله ** يوافى طرفى طرفها حين تنظر اللرنب والعصا احمد والله بلحيل اجتهدت كان اصيد شريط لى الشلهمه لكن ما لميت فبه0

---

Post: #130 Title: Re: ود الشلهمة Author: Balla Musa Date: 03-08-2007, 03:41 PM Parent: #129 أحمد ياودابحريرة السلام جاك سابق.. وسيدو يحبى فى حضرة هذا الولى اللسمو ود الشلهمة. يازول البحر الغايس فيهو دا طول نفسك وواصل فى قلع الدر لسع راجيك فى دفتر البطاحين كتاااار بعد تخلس ود الشلهمة وتقبل على ودجماع. سعلتنى: Quote: يا بله أدينا رأيك في البيتين الأخيرين ديل ياخ احسب في النجوم الطالعه والاتدلتْ لامن عُقدَةْ الليل بي الشُعَاعْ انِحَلّتْ وجوابى انو النضم دا لدنى وقالوا الصادق ودآمنة لمن يكون حايصلو مسدار ولا كليمة بتكلم وبتدور حول نفسو ويصنقع فى السما ويردد (جات.. جات.. جات..) وعينك ماتشوف إلا الشعاع البحل عقدة الليل. أها آخوى الحالة دى قالوا مابتحصل إلا للرسل فى لحظة نزول الوحى. فالكلام الموحى به له مفسرون ومجتهدون وعارفون بالتأويل ولهم حظ من العلم وإجازة. واحد منهم حاسد إسمو نزار حسين مابدور الشرح عشان ينوم بالدر براهو حلالى!! والتانى غتييييت إسمو شنتير دا يخمش ويدس وان داورتو يديك بالقطارة!! وآخرين فى بوستك دا منهم ودحماد وبت طلحة وود المحرب وود شيقوق وود النعيم وقيسان. أها ديل قال كبيرهم: Quote: Quote: احسب في النجوم الطالعه والاتدلتْ لامن عُقدَةْ الليل بي الشُعَاعْ انِحَلّتْ فوالله هذا القول لا يقل عما قاله ابو فراس الحمداني ولا عنترة بن شداد . وتناهو طبيقو وقال: Quote: واظنه ايضا يعنى: أقلب طرفى فى السماء لعله ** يوافى طرفى طرفها حين تنظر وجا ود المحرب أمن على قولم (مكوتا) له. لكن والله ووالله لم أجد أى شبه فى الجودة والجرس وروح الشعر والمعنى الغميس فى البيت المذكور وهذين الشطرين. كدى شوف عقدة الليل بالشعاع انحلت دى والزقا فى أى مكان تلقاها لافقة حتى لو هتفت بيها فى مظاهرة ضد حكم ديكتاتورى يمثل عقدة الليل. أو جرب أكتبا حجاب لمريض هالكو الإكتئاب النفسى وكتر فى الكتابة من (بالشعاع إنحلت) وخليهو يلبسو أسبوع واحد. لومنى ياابحريرة كان مانفض المرض وقام صاغ سليم!! ود شيقوق; بل قل: والله هذاالقول لم يقله أبوفراس وعنترة ومن لف لفهم(حلوة لف لفهم دى..الأيام دى بقت موضة فى عناوين المنبر). فى زول بتسلل هنا بشوييييش وبتخارج نرجو القبض عليه حيا أوصافه محسن فى المعانى وخالد بين الأدباء.

---

Post: #131 Title: Re: ود الشلهمة Author: Ahmed Yousif Abu Harira Date: 03-09-2007, 08:09 AM Parent: #130 Quote: أحمد ياودابحريرة السلام جاك سابق.. وسيدو يحبى فى حضرة هذا الولى اللسمو ود الشلهمة. يازول البحر الغايس فيهو دا طول نفسك وواصل فى قلع الدر لسع راجيك فى دفتر البطاحين كتاااار بعد تخلس ود الشلهمة وتقبل على ودجماع. سعلتنى: يا بله أدينا رأيك في البيتين الأخيرين ديل ياخ احسب في النجوم الطالعه والاتدلتْ لامن عُقدَةْ الليل بي الشُعَاعْ انِحَلّتْ وجوابى انو النضم دا لدنى وقالوا الصادق ودآمنة لمن يكون حايصلو مسدار ولا كليمة بتكلم وبتدور حول نفسو ويصنقع فى السما ويردد (جات.. جات.. جات..) وعينك ماتشوف إلا الشعاع البحل عقدة الليل. أها آخوى الحالة دى قالوا مابتحصل إلا للرسل فى لحظة نزول الوحى. فالكلام الموحى به له مفسرون ومجتهدون وعارفون بالتأويل ولهم حظ من العلم وإجازة. واحد منهم حاسد إسمو نزار حسين مابدور الشرح عشان ينوم بالدر براهو حلالى!! والتانى غتييييت إسمو شنتير دا يخمش ويدس وان داورتو يديك بالقطارة!! وآخرين فى بوستك دا منهم ودحماد وبت طلحة وود المحرب وود شيقوق وود النعيم وقيسان. أها ديل قال كبيرهم: احسب في النجوم الطالعه والاتدلتْ لامن عُقدَةْ الليل بي الشُعَاعْ انِحَلّتْ فوالله هذا القول لا يقل عما قاله ابو فراس الحمداني ولا عنترة بن شداد . وتناهو طبيقو وقال: واظنه ايضا يعنى: أقلب طرفى فى السماء لعله ** يوافى طرفى طرفها حين تنظر وجا ود المحرب أمن على قولم (مكوتا) له. لكن والله ووالله لم أجد أى شبه فى الجودة والجرس وروح الشعر والمعنى الغميس فى البيت المذكور وهذين الشطرين. كدى شوف عقدة الليل بالشعاع انحلت دى والزقا فى أى مكان تلقاها لافقة حتى لو هتفت بيها فى مظاهرة ضد حكم ديكتاتورى يمثل عقدة الليل. أو جرب أكتبا حجاب لمريض هالكو الإكتئاب النفسى وكتر فى الكتابة من (بالشعاع إنحلت) وخليهو يلبسو أسبوع واحد. لومنى ياابحريرة كان مانفض المرض وقام صاغ سليم!! ود شيقوق; بل قل: والله هذاالقول لم يقله أبوفراس وعنترة ومن لف لفهم(حلوة لف لفهم دى..الأيام دى بقت موضة فى عناوين المنبر). فى زول بتسلل هنا بشوييييش وبتخارج نرجو القبض عليه حيا أوصافه محسن فى المعانى وخالد بين الأدباء. بله موسى كدي خليني من ودالشلهمة والصادق ود آمنه فقد وصفتهم جليل الوصف ووضعتهم في المراتب التي يستحقونها... علي بالطلاق أنا براي ولي وصالح كمان !! قول لي لي شنو؟ انا ما بعرفك لكن عرفتك معرفة قصاص الأثر!!! وإنت اول مداخلة ليك في الموضوع ده كانت "فوق" بس ...لا زايد ولا ناقص ؟ أنا سكت ساكت وقلت لي رقبتي حرم الزول ده سدرو فيه كلام كتير لكن النشوف آخرو... قت لك شكرا على مرورك والكلام الفارغ البكتبوهو ساكت دا..صاح ؟ جيت انت جبت شطرة "لامن عقدة الليل بالشعاع انحلت" أكدت لي انو بله ده عندو ستين مليون رأي في الموضوع ده.. قلت لي روحي كدي النهبشو بي كلامو ده زاتو يمكن يفش غبينتو ونعرف رأيو شنو؟ يعني هل هو مجرد زول عتالي ساكت (بموجب"فوق" رافعة البوستات) ولا زولا عندو رأي؟؟ علما بانو المقطع الذي يحتوي على "عقدة الليل" ده يجي تالت في ترتيب التسلسل الأخير من غنا ود الشلهمة لكن خربت الرصة عشان أعرفك الزول منو.. الناس الذكرتهم ديل أياهم امهم وأبوهم البعرفوا الكلام ده معرفة صحيحة وقد احسنت إذ أوجزت وصفهم ومو ناقصنا شيء غير حضور محسن خالد يجي يفلفل لناالكلام ده حته حته... وصفك في نزار ياهو زاتو "ظط رط" ووصف شنتير ما فيو شيل ولا خت وكذلك وصفك لي شيقوق وودالمحرب وود النعيم وقيسان عشا الضيفان.. انا متأكد أكان محسن شاف ود الشلهمة ما كان بيفوتو بغض النظر عما أكتب انا أو إنت أو غيرنا...فمحسن ياهو زول ود الشلهمة وود الشلهمة ياهو زولو ، أحدهم ظهر في القرن العشرين والثاني في الواحد وعشرين وكلاهما مبدع بطريقته الخاصة .. تابع معانا ياخي وبطلو غتاته كلكن ضِيار...وونسونا ...هو في شنو غير الونسة دي؟؟ تحياتي وسلامي ----- التعديل لزوم التصحيح

---

Post: #132 Title: Re: ود الشلهمة Author: Balla Musa Date: 03-09-2007, 01:43 PM Parent: #131 شيخ أحمد ابحريرة بجيك صاد بس فى حاجة حايصه لى فى كلام ود شيقوق دا خلينى اللنأترا. شيخ الطيب قال فى شرح ( ساريتك تكل فوقا السحاب ما اتفرق) الآتى: Quote: وساريتك تكل - التكل بيقصد التكل حق الاكل والشراب ناس البندر بسموهو مطبخ والتكل ده عندنا وقت عمره يطول ودوكتو حقت اللقمة دوام نارها مولعة بمسك السكن ( السكن هو ثاني اكسيد الكربون المتردّم ) في عرشو ومرات - ودى مهمة جدا - التكل ذاتو بتكون فيهو حبيلات متدلدلة من الفلكاب والحبيلات ديل بتردم فيهن السكن اى سكن التكل ويبقى سقف التكل بى جوة اسواااااااااااااد اها ده وصف السارية الفوقها السحاب ما اتفرق . والكلام دا قدر ما حاولتو يركب راسى تب لاجج وابى. ليييييش؟ أولا ود الشلهمة رضى الله عنه قال تكل بفتح التا والكاف ما بضمهما.. سمح الكلام؟ تانيا ناس ودالشلهمة ديل ناس نارن تقابة برة مابتضاريها حيطان تكل. وكمان الناس ديل ناس حنية وبرش وكسيدة وسرير وصريفة وحبال قد. شعبتين معلق فيهن مشلعيب وبخسة سمن وسعن روب وقرعة لبن وقربة موية زايد صحن دبكر كبير بينك وبين المواكلك فى الوجبة الكلام دايرلو مبلغ عشان ينقل الرسالة لزوم التسميع زى الماموم فى الصلاة. والنار لدايات فرقن حطب وان حكمت كوم بعر إبل ناشف. ثالثا شاعر البطانة إن وصف البطانة بمفردات البندر او وصف شى فى البندر بمفردات البطانة بعتبر فيهو ضعف والناس ديل عندهم نقاد لصيصيين ولاذعين مابرحموا. فيبقى ياود شيقوق تكل فوقا السحاب معناها آخر الشطرة ( ما اتفرق) يعنى اتردم فوقا, والسحاب لمن يتردم مطرو بتكون ماليها حد تروى الشقاق لمن تتوع وتكسر العوالى. والتكل كمان معناها استناد بعض فوق بعضه. شيخ ود شيقوق الكلام دا كلو جابو لأنك نزلت مستوى ود الشلهمة لمستوى عنترة وابوفراس الحمدانى. واحد عب محندقنوا بى بنية والتانى امير مصاب بالقرانديوزتى وراكب فوق غيرو ومدلدل رجلينو. لكن كدى أسمع نبرة صوت ودالشلهمة دا مابذكرك تواضع العارف اللامن تظهر كرامتو بضاريها وبعتبرا عورة؟ يازول ديل لله درهم الماسكين قرون السودان كلما يخور ويقع يسندوهو لافوق. ياشيخ الطيب نحن حاسبنك من أهل التأويل دحين ابقى (تكلا)قوى مو مايل.

---

Post: #133 Title: Re: ود الشلهمة Author: Ahmed Yousif Abu Harira Date: 03-09-2007, 11:47 PM Parent: #132 قَبَضْ القِبلي في كُوع الشمال برّاقِكْ وقَشّطْ سدرو في عَامِر سحابو وسَاقِكْ تِبُوبِكْ قَرّننْ السيل دَهَجْ شقاقِكْ والضايق نُشُوقِكْ حَار عليهو فُرَاقِكْ

---

Post: #134 Title: Re: ود الشلهمة Author: الطيب بشير Date: 03-10-2007, 10:27 AM Parent: #133 . ود أب حـريرة وضـيوفـو أريتكـم طـيبين لازمآ أجي راجـع .

---

Post: #135 Title: Re: ود الشلهمة Author: Ahmed Yousif Abu Harira Date: 03-10-2007, 08:07 PM Parent: #134 هلا هلا الطيب بشير فاقدنك يا رجل... لينا زمن نفتش ليك وجيتنا الليله كايسنا...

---

Post: #136 Title: Re: ود الشلهمة Author: الطيب بشير Date: 03-11-2007, 00:57 AM Parent: #135 . Quote: قَبَضْ القِبلي في كُوع الشمال برّاقِكْ وقَشّطْ سدرو في عَامِر سحابو وسَاقِكْ تِبُوبِكْ قَرّننْ السيل دَهَجْ شقاقِكْ والضايق نُشُوقِكْ حَار عليهو فُرَاقِكْ أحمد يوســف يا ود القبايل السـر انكـشـف يا الخـيمة بي رقـراقـك أنا جابني الدرب ما يقولوا من سـراقـك الضـايق نُشُـوقِكْ و حـسـو فـيو عشـراقـك أحـمـد يوســف البـخـتم عـلـي أوراقـك .

---

Post: #137 Title: Re: ود الشلهمة Author: على احمد النعيم Date: 03-11-2007, 04:02 PM Parent: #136 Quote: وكمان الناس ديل ناس حنية وبرش وكسيدة البارح رقادى فوق كسيدة فوقها بريش وساريتن تجيب صقتن معاهو رشيش الاحمانى ما اشهل جمال العيش هنهينن بسونو الدغش بيشيش الاخ بله يا خوى كيف حالك ، والله لقد افصحت وابنت واخرست الالسنة وانا والله من اول مداخلة لك فى هذا البوست عرفت انك من الذين يشار ايهم بالبنان ، وما نحن اخى الا نفر يحاولوا ان تستمتعوا ببعض ما يفهموه من هؤلاء الفحول . وارجو اخى ان تواصل مع الاخ ابو حريره وتقربوا لنا هذه المعانى وكلنا آذان صاغية، فهلا؟!! ودمت خالدا كخلود شعر ود الشلهمة.

---

Post: #138 Title: Re: ود الشلهمة Author: على احمد النعيم Date: 03-11-2007, 07:17 PM Parent: #137 --------- UP----------

---

Post: #139 Title: Re: ود الشلهمة Author: Ahmed Yousif Abu Harira Date: 03-11-2007, 08:04 PM Parent: #138 رعدك سَكَّْ براقك سعيتو تَخَتِفْ مَايِعْ عَفْرَتِكْ جاري وصبيبو يهتفْ يا الرَيِّْكْ مِنْ الهَبّاكْ مَلُوهو تِقِطِفْ نِيلِكْ زاد وتَبَرِكْ يا المَرِيّا بِكَتِفْ

---

Post: #140 Title: Re: ود الشلهمة Author: على احمد النعيم Date: 03-11-2007, 09:54 PM Parent: #139 Quote: نِيلِكْ زاد وتَبَرِكْ يا المَرِيّا بِكَتِفْ هذا الوصف البديع يذكرنى الخصوبة التى تمتاز بها الجزر عندنا بعد ان يغذيها النيل باطنان من الطمى ثم ينحسر عنها، ومن بعد ذلك تزرع باللوبيا وهذا هو ما ذكرنى بتبر البطانة والذى كم تمنيت ان اراه. فكان يساق الجخس (وهو الثور) الشراد تجاه اللوبيا لانه لا يستطيع ان يجرى مما يمكن الطارد من الامساك به بكل سهولة بعد ان تعيق حركته نباتات اللوبيا المتماسكة. فهل كلمة "المريا" يا ابو حريره معناها الارض الخصبة؟ ام هى اسم من اسماء البطانة؟؟

---

Post: #141 Title: Re: ود الشلهمة Author: Adil Al Badawi Date: 03-12-2007, 00:34 AM Parent: #140 Quote: نِيلِكْ زاد وتَبَرِكْ يا المَرِيّا بِكَتِفْ شوف عيني دي، في بطانةً تِحِت ما فوق وموطيّة تَبْ باللواري، فِرِد نَفَر ملالو لوري اللِّيل تَبَر في فَدْ عصرية والحال مو ياهو داك التَبَر البِكَتِّف. Quote: الخرابل !!! دحين آبحريرة أبْ حريرة، الحِلّة، عِنْدَك فيها عَقَاب؟

---

Post: #142 Title: Re: ود الشلهمة Author: Ahmed Yousif Abu Harira Date: 03-12-2007, 03:49 AM Parent: #141 عادل البدوي مرحبا بك وشكرا على المرور والإضافة الجميلة Quote: دحين آبحريرة أبْ حريرة، الحِلّة، عِنْدَك فيها عَقَاب؟ لدي في قرية أبحريرة بعض المعارف والأصدقاء لكن لا علاقة من ناحية الاسم ودم طيبا

---

Post: #143 Title: Re: ود الشلهمة Author: Ahmed Yousif Abu Harira Date: 03-12-2007, 06:00 AM Parent: #142 عُقُبْ برقِكْ خَطَفْ نيلا سِحَابتو انقلّتْ وجَاَب سحبه وصبيباً بالظلام اتْجَلّطْ اتفقع سِحَابِكْ ريحو كاتمة وَفَلّتْ وعَرَبِكْ يا المريه بِجَففو الانْبَلّتْ

---

Post: #144 Title: Re: ود الشلهمة Author: Balla Musa Date: 03-12-2007, 10:30 AM Parent: #143 شيخ أحمد أبحريرة (ضنب العقرب القالب حوارو هشيمة) تلحقنى وتنجدنى يازول إنت مادام طايف فى كعبة جمال البطانة ومتكرف ريح الصبا.. دى براها تورث ولايتن نورا براقن قبلى . ياود ابحريرة قبة اخوك بلة ماتحتا فكى.. عليك امان الله ضلالى بتصيد الحروف وبعشقن بس. واصل فى شغلك دا عشان النت يتبارك وخيرو يزيد.

---

Post: #145 Title: Re: ود الشلهمة Author: Balla Musa Date: 03-12-2007, 03:01 PM Parent: #144 على أحمد النعيم كيفك يابحر رقابة معرفتى مابتحمل قندولك المليان شكر دا.. والله ياشيخ على إنكسرت أو كادت. ياعلى ياخوى نحنا الزمن خشانا فى سعن كرتوب ومخضنا مخض لئيم وحشر يدو فى السعن وشال الفرصة بكل دسامتها وجدعا بعيد وقال عليها مليئة بالكلسترول وخطيرة على القلب.. عليك أمان الله هذا اللئيم تركنا غباشة روب خالية من أى دسم معرفة تستطيع تسليك مثل هذه المعانى الجميلة. على ياتساب العينة أنهر ساكت وخلينا نغرف من مطاميرك.. التقانت البينا وبينك كسرا وماتخلى لبقة مقفولة ومرحب بأى سريريق محبة من تالاك.

---

Post: #146 Title: Re: ود الشلهمة Author: على احمد النعيم Date: 03-12-2007, 03:21 PM Parent: #145 Quote: رقابة معرفتى مابتحمل قندولك المليان شكر دا.. والله ياشيخ على إنكسرت أو كادت. ياعلى ياخوى نحنا الزمن خشانا فى سعن كرتوب ومخضنا مخض لئيم وحشر يدو فى السعن وشال الفرصة بكل دسامتها وجدعا بعيد وقال عليها مليئة بالكلسترول وخطيرة على القلب.. عليك أمان الله هذا اللئيم تركنا غباشة روب خالية من أى دسم معرفة تستطيع تسليك مثل هذه المعانى الجميلة. على ياتساب العينة أنهر ساكت وخلينا نغرف من مطاميرك.. التقانت البينا وبينك كسرا وماتخلى لبقة مقفولة ومرحب بأى سريريق محبة من تالاك. يا شيخ بله ياخى والله اسكرتنى حتى الثمالة دونما خمر، وصدقنى والله لقد شممت فيك ريحة اهلى وجدودى وريحة برم الطلح والجروف وريحة الطين . ويسعدنى جدا ان اتعرف عليك لانو كلامك هذا قد شاقنى جدا ، وآمل كما قلت انت، بل واصر ان تنكسر كل التقانت البيناتنا وانا والله اجيك زى العوتيب عنيف يجرى مش سراق لكى اغرف من معينك الذى لا ينضب . وكلامى هذا يا شيخ بله ليس زخرف كلمات لا والذى طاف الحجيج ببيته بل هو نوايا حب صادقة فى الله بعد ان قرات اول مداخلة لك فى بوست ود الشلهمة ومن يومها عرفت انو سيكون لى معك شأن . والان لو اطلعت على بوست "دلوا كابس العتبة وختا النشال" ستجدنى اننى قد اخترتك ضمن معيتى، فهلا؟ اطنان من الشكر والتقدير

---

Post: #147 Title: Re: ود الشلهمة Author: Ahmed Yousif Abu Harira Date: 03-12-2007, 04:33 PM Parent: #146 سَحَاِبكْ جَرّ ....بالقِبْلَه وتَقِيلَه رَعّدْتِكْ وافر ...ومن هوا الكشّاحَة مبروك خَتِكْ البَرَدْ البِيتوَاقَعْ.........بِنّزِلو حَتِكْ وبخيته علي الجَديّنْ يا المَرِيَه وحَدْتِكْ -------------- مطرة راسية ومبروكة لا كشاحة تضر ولا شعفوفة تخرب...تسقي وتخدر ...لا تكتل ولا تودر...ورب العزة يجيب الصقط قدر الغطاء المتاح ...والمطرة البتحت البرد دي غالبا ما تكون نتاج دهاريب متعددة ومتكررة يعني السماء ملبدة بالغيوم على زعم ناس النشرة الجوية منذ فترة ودرجة الحرارة الفوق دي وصلت مرحلة أحالة حبات المطر إلى حبات من الثلج تكبر وتصغر حسب الحالة...تلج عديييل!!... وان صحت رواية الراوي الذي قال أن ودالشلهمة نظم هذا المدح الجميل في الطبيعة الخلقها الله دي وهو طريح سرير المستشفى ، فالبيت الأخير يعزز ويعضد روايته..حين قال الشاعر مخاطبا البطانة "بخيته على الجدين يا المريه وحدتك"..يعني مبروك عليك استفراد الصيد والجديّن وخليناك لي صيدك ده ولي وحشك ولي طيرك وحياتك الفطرية وتبرك وحنتوتك وصفيراتك وجمالك الكائن فوق سطح الأرض وتحت ظل السماء...نحن لم يعد لنا نصيب في هذه المتعة التكيل العين ...وشاعرناالكريم بغران وليس حاسدا بالتاكيد...

---

Post: #148 Title: Re: ود الشلهمة Author: على احمد النعيم Date: 03-12-2007, 05:04 PM Parent: #147 Quote: رعدك سَكَّْ براقك سعيتو تَخَتِفْ يا الله ...... كيف اهتدى هذا الشاعر الى هذه الحقيقة العلمية "رعدك سك براقك" وهى كيفية حدوث الرعد والبرق ، والمعروف علميا ان الرعد هو تفريغ كهربى بين سحابتين وهو يحدث اولا ثم يأتى البرق بعد ذلك ولكن لان الضوء اسرع من الصوت يحدث ماعناه الشاعر الذى خبرت عنه انه امى!! فسبحان من علم بالقلم علم الانسان ما لم يعلم.

---

Post: #149 Title: Re: ود الشلهمة Author: Ahmed Yousif Abu Harira Date: 03-12-2007, 06:45 PM Parent: #148 Quote: قبة اخوك بلة ماتحتا فكى.. عليك امان الله ضلالى بتصيد الحروف وبعشقن بس. العزيز بله موسى ،، آآآزول نحن القُبه التحتها شيخاً شيخ (ماهو فِكَي) بنعرفها قُبال ما نتطفر عتبتها...إنت بتتواضع وده في حد زاتو ميراث وادب محفوظ ومتوارث ومجدا تليد... ذكرتني شيخ عبدالله ودشوارني ...ود شوراني قبل ما يبدأ في قراءة شعره كان يستعيذ بالله من الشيطان الرجيم ويستغفر الله العظيم عندما يفرغ منه...وخلال قراءته بيدي مستمعيه احساس بأنهم أعرف منو بالشعر وأكثر منه إدراكاً للمعاني...وده يتضح لك جلياً عندما تستمع لشعره بصوته. وود شوراني عليه الرحمة بعد مجونه الظاهر في شعره ده كلوا لم يشاهد معاقرا للخمر أو منفردا بغانية...وكل المسادير التي سيرها نحو حسناواته المفترضات كانت محض خيال في غالبها الأعم. حدثني والدي عليه رحمة الله بي قصة واحد من جمال ودشوراني (نسيت أسم الجمل) ربما يكون (الضير أو الشراد) لا أذكر ، وقد أبدع ود شوراني في وصف الجمل ، دوماته وخريرها المتواصل وسرعة كفه وما بعرف (جاهن كفو زي مكن الخياطة يرص)وكلام من القبيل ده ، لدرجة جعلت والدي يعجب بذلك الجمل ويتمنى رؤيته...فقابل ود شوراني وسأله عن الجمل... عن نسبه ونسله وأصلو وفصلو وأمه من وين وابوه منو ولا اشتراه من وين؟ وإنت بتعرف قصة نسب الإبل دي عندها رواة وثقاة ومختصين في تلك النواحي.. فضحك ود شوراني وقال له والله يا شيخ يوسف الجمل العجبك ده أكان شفتو بي قرشين ما تاخدو.. قال له: كيفن؟ بعد الوصف ده كلو؟؟!! قال له أولا المُسدار ده انا ما مشيتو ولا جملي ده مشاهو...والجمل بطل المسدار ده كان جِمِيلْ وإجِيرِبْ بارطو الجَرَبْ ومربوط لو في شِايِه وبعالِجْ فيهو بالقُطران ...والمسدار نظمتو وانا فوق عنقريبي وقاعد لي في ضل عصُر قِدَام بيتي ..اعاين في الجِمِيل الاجِيرِبْ ده وأغني .. القصة دي أنا جبتها لي شنو؟؟؟ أيواتلك.. ميراث وادب التواضع..السِيدو يتواضع ويعجبك تواضعو وتفتكرو حقيقة لامن فَتْ يِنبُُلْ عليك بي شيتًا لاك حاريهو ولاك داريهو...غارة بي خيول القدره... يا زول اتونس وبس ... وربنا يعيد فُرصتكم لكرتوب سِعِنكن...أنتو أكان قلتو خير الملّصق مِنّها في جوف السعن وتعاريج كرمشاتو بقضيلنا ونستنا دي.. لكن إت قايل الفضلت فيهو فرصة منو؟؟

---

Post: #188 Title: Re: ود الشلهمة Author: طلال عفيفي Date: 03-16-2007, 05:05 PM Parent: #130 أستاذي أحمد .. لأقد أعجبت وإستفدت جداً من هذه الكتابة الدسمة الطيبة عن أستاذنا وشيخنا ود الشلهمة .. وتفتحت روحي على معاني ومعارج لم تكن في متناولي قبلاً . فلك الشكر

---

Post: #150 Title: Re: ود الشلهمة Author: gessan Date: 03-12-2007, 09:06 PM Parent: #1 Quote: وود شوراني عليه الرحمة بعد شعره ومجونه الظاهر في شعره ده كلوا لم يشاهد معاقرا للخمر أو منفردا بغانية...وكل المسادير التي سيرها نحو حسناواته المفترضات كانت محض خيال في غالبها الأعم. حدثني والدي عليه رحمة الله بي قصة وآحد من جمال ودشوراني (نسيت أسم الجمل) ربما يكون (الضير أو الشراد) لا أذكر ، وقد أبدع ود شوراني في وصف الجمل ، دوماته وخريرها المتواصل وسرعة كفه وما بعرف (جاهن كفو زي مكن الخياطة يرص)وكلام من القبيل ده ، لدرجة جعلت والدي يعجب بذلك الجمل ويتمنى رؤيته...فقابل ود شوراني وسأله عن الجمل... عن نسبه ونسله وأصلو وفصلو وأمه من وين وابوه منو ولا اشتراه من وين؟ وإنت بتعرف قصة نسب الإبل دي عندها رواة وحداة ومختصين في تلك النواحي.. فضحك ود شوراني وقال له والله يا شيخ يوسف الجمل العجبك ده أكان شفتو بي قرشين ما تاخدو.. قال له: كيفن؟ بعد الوصف ده كلو؟؟!! قال له أولا المُسدار ده انا ما مشيتو ولا جملي ده مشاهو...والجمل بطل المسدار ده كان جِمِيلْ وإجِيرِبْ بارطو الجَرَبْ ومربوط لو في شِايِه وبعالِجْ فيهو بالقُطران ...والمسدار نظمتو وانا فوق عنقريبي وقاعد لي في ضل عصُر قِدَام بيتي ..اعاين في الجِمِيل الاجِيرِبْ ده وأغني .. ----------------- ياخي دي نقطة مهمة جدا ..وبديعة ..ومحيّرة ..بلا شك ساضيفها لإعتقادي حول هؤلاء المبدعين .. ود شوراني ..كل هذا الشعر ..وهو قاعد في ضل عصر ..قدام بيتو ..وعينو في الجمل الإجرب ؟؟ !!!!!!!!!! كنتا بسمع وانا مستغرب جداً في تسجيل لود شعيت ..وهو يقيم حواراًته العجيبة مابين الجمل وترعة المشروع ..وكيف ان ريرة (البلد) جاءته تشتكي أهلها ..الذين هجروها ..كما انها تشتكي ما اسمته بـ"اهل اللواري" لانو صوت اللواري احماها النوم ..او حينما شبّه البطانة بالإسبتالية "المستشفى"..وكل ذلك من خلال الدوبيت .. ياخي كونك تخلق مشاهد درامية بي كامل حواراتها- خيالاً- عن طريق الغناء الدوبيت ..مجيئاً وذهاباً في السفر ..أو تستنطق فيه البيئة من حولك .. دا إبداع ما بعدو إبداع .. ---------------- اب حريرة .. ماني ناسيك ..والله ماني ناسيك ..وعند وعدي فيما يخص ود الشلهمة..بس هسع دخلتني إشارتك السمحة دي ..في حق إبداع ود شوراني .. سلامي ..لك وللجميع

---

Post: #151 Title: Re: ود الشلهمة Author: على احمد النعيم Date: 03-13-2007, 06:26 AM Parent: #150 ورفعنا لك ذكرك

---

Post: #152 Title: Re: ود الشلهمة Author: Ahmed Yousif Abu Harira Date: 03-13-2007, 07:00 AM Parent: #151 نُرْتِي ......ومن شنات الصيفه سِمْحَتّ حَالِكْ وقِدّام الضَعِينه .........اتقاصرن جَبّالِكْ نَدّاكْ قَاْرع السَرَبْ..لا النافله مَعَقُولْ مَالِكْ وتَبَرِكْ فُوفّى نَايِرْ .......وقَنّبْ يِلعِبْ نَالِكْ --------------- نداك منع السربه والسربة هي توجيه البهائم من البيوت إلى أماكن الرعي عند منتصف الليل تقريبا والندى زي ما قلنا هو حبيبات الماء التي تتجمع على أوراق النباتات وهو دليل روا وشبع من الموية وغالبا ما تكون تلك الليلة هواها كاتم....المهم نتيجة للندى الكتير ده العرب (قرعو) اي منعو البهائم من السرب حتى يتبخر الندى أو يقل شوية فكان ان تاخر إطلاقها حتى وقت النافلة... المربوع الفوق ده كلو في مجال الوصف العمومي للأجواء والمنطقة بعدما ترادمت فوقها الامطار وارتوت أرضها وانمحت شقوقها ونبت فيها التبر والنال ...يعني وصف إجمالي لمآلات الحال بعد البسط السابق ذكره...شوف كيف حال التبر...فقد فرهد نايرا وتمدد و نشر زهرته البيضاء الجميلة ثم أنظر إلى النال يداعب النسيم وتلاعبه النفحات الصباحية فتسوقه ذات اليمين وذات الشمال. ما في زول عندو كاميرا هنا ؟؟

---

Post: #153 Title: Re: ود الشلهمة Author: سمية الحسن طلحة Date: 03-13-2007, 08:31 AM Parent: #152 Quote: وآخرين فى بوستك دا منهم ودحماد وبت طلحة وود المحرب وود شيقوق وود النعيم وقيسان. أها ديل قال كبيرهم: احسب في النجوم الطالعه والاتدلتْ لامن عُقدَةْ الليل بي الشُعَاعْ انِحَلّتْ فوالله هذا القول لا يقل عما قاله ابو فراس الحمداني ولا عنترة بن شداد . وتناهو طبيقو وقال: واظنه ايضا يعنى: أقلب طرفى فى السماء لعله ** يوافى طرفى طرفها حين تنظر وجا ود المحرب أمن على قولم (مكوتا) له.

---

Post: #154 Title: Re: ود الشلهمة Author: سمية الحسن طلحة Date: 03-13-2007, 08:35 AM Parent: #153 Quote: أها ديل قال كبيرهم: السلام عليكم ورحمة الله وبركاته ياجماعة أنا غايبة لى زمن من المنبر عامة وليس لدى إلمام بالحاصل ولكن فتحت هذه الصفحة الآن وكبيرنا دا منو القال كدى ؟؟؟ الكبير الله!!!

---

Post: #155 Title: Re: ود الشلهمة Author: سمية الحسن طلحة Date: 03-13-2007, 08:42 AM Parent: #154 تتكل فوق كيعانك ياشيقوق دحين إت بتعرف ( تتكل فوق نعيجة أب شوك ؟ ) ماسمعك :ـ سماك زرقتو زى الطاجن الممسوح واتكل سحابك زى سطور اللوح !؟ سيلك فى عوالى الأرض محر بشروط واتكل سحابك ونيل زراقو ختوت ؟؟؟

---

Post: #156 Title: Re: ود الشلهمة Author: Ahmed Yousif Abu Harira Date: 03-13-2007, 08:50 AM Parent: #155 Quote: تتكل فوق كيعانك ياشيقوق

---

Post: #157 Title: Re: ود الشلهمة Author: سمية الحسن طلحة Date: 03-13-2007, 08:59 AM Parent: #155 الأخ الكريم بلة موسى كنت على يقين من أن ود الشلهمة بخور شطة بمرق الهام من جحرو سعدنا بدرر حديثك المنثورة لمن يفلح فى إلتقاطها... والتواضع لاينم على قلة علم أو عدم معرفة وإنما هو سياسة مجالس فى حد ذاته ، كما علمنا الهادى الأمين خير خلق الله أجمعين كيفية التعامل مع كل مستوى حسب مايسعه أما صلاح ود الشلهمة دا شيتا ما برفعولو الضو الزول دا أنا عايشته بجيب الكلام للوالد الشيخ الحسن .. عليهم رحمة الله .. وبقول ليهة أنا الكلام دا جانى البارح معناهو شنو ؟ ومن أمثلته قوله:ـ شاهد هناك موسى الكليم ماد إيدو من غرف أورشليم وهو لا يعلم ما أدراك ما أورشليم !!! فالرجل يوحى إليه بلا شك ودمتم

---

Post: #158 Title: Re: ود الشلهمة Author: سمية الحسن طلحة Date: 03-13-2007, 09:13 AM Parent: #157 الأخ أحمد يوسف فعلا الفالح متل الصالح كدى إت خليك فى الفلاح الصلاح دا مافى داعى نتكابس فوقو كلنا لقد صدقت نبوءتى بأن هذا البوست لن ينزل أبدا لأنو ظهروا لينا ناس مؤمنين بالوحى والإلهام وأنا كنت داسة درر ود الشلهمة فوق الشيخ عبد الباقى لأنى أنتظر من لديهم ثقافة فهم عليا لسبر أغوارها ولكن بلة شد هممنا بقوله :ـ أ، مثل ود الشلهمة لم يخلق... وبالمنا سبة بيت ( عقدة الليل دا ) جرت فيه مساجلات بين أساطين فطاحلة أمثال شيخ العرب الشيخ طلحة محمد طلحة والشيخ طلحة ود الشيخ الصديق هذا العبقرى الفذ شقيق الناظر محمد صديق طلحة. ودمتم

---

Post: #159 Title: Re: ود الشلهمة Author: Ahmed Yousif Abu Harira Date: 03-13-2007, 09:23 AM Parent: #158 Quote: الصلاح دا مافى داعى نتكابس فوقو كلنا سمح خليتو منتظرين مساجلات شيخ العرب وشيخ طلحة بخصوص الموضوع ده ..عليك الله ضروري يا سمية.. وشعر ود الشلهمة فوق الشيخ عبد الباقي... والقصص والحكايات كلها بدون فرز... وتلفون المهدي ود شيخ طلحة.. ------ نسيت أرحب بك مرة اخرى ...عودا حميدا

---

Post: #160 Title: Re: ود الشلهمة Author: abuguta Date: 03-13-2007, 10:23 AM Parent: #159 احمد قبيل الواحد داير اشعلق فيكم ساى...لكن الدرب اتعرج ,جاب ليه تلوب ..جدى بله , ودشيقوق ود المحرب شنتير وكمان دخل عليهم قيسان واخرهم بت طلحة... نحن عرب جزيرة ساى, ناس كنار وترعة.وحواشة وانقاية وقطن وعيش.واسى دخلتنا الحضارة..خربت القديم العامر , تصور نسوان اللفيط..لو المزارع ما جاب ليهم فول وطعمية وزيت سمسم ووداهن ورجعهن ببوكسى حواشتو بتحت, ..بمعنى ما بجن يلقطن عندو تانى ..زمان بجونا عرب الكبابيش عشان الجعل ,و بنات المزارع بشيلن معاهن البريدة وبموصتها بموية البوقة..شفت التغير كيف.. كلامكم دا انا ما بفهمو الا فى القراية العاشرة عشان كدا حارسكم وصامى خشمى ساى.. دحين ما دام فيكم ريحة صلاح..ادعو لى ياهلى الفصاح اقدر افهم وحى ود الشلهمة دا..كنت عاوز اشرح زى ود شيقوق..لكن حالتو ذكرتنى ب يوشع ابن نون تلميذ سيدنا موسى..لما انطلق وفات عين الحياة.وداهمهم الجوع .جو راعين تانى..وجدو سيدنا الخضر هنا يوشع ابن نون اختفى من الحوارية لان شيخه صار حوار..اها انا شيخى ود شبقوق بقى حوار ل شيخنا بله موسى..اها انا كبيت الزوغة..لكن خايف بله ظاتو يجيوه العالم اب جلحات يجرسو قدام ود الشلهمة اخو البنات...محسن خالد تسلمو جميعا وآسف على الشعلقة..الدارعانى فيكم ريدة قديمة بتاورنى كل ما اشوفكم دحين خلونا حواريين ساى.. ابقوتة فى نصف الدوام

---

Post: #161 Title: Re: ود الشلهمة Author: Ahmed Yousif Abu Harira Date: 03-13-2007, 10:44 AM Parent: #160 Quote: ابقوتة فى نصف الدوام والله أب قوته كان كمل دوامو ده ..يمكن براهو ما يتصاقع

---

Post: #162 Title: Re: ود الشلهمة Author: Balla Musa Date: 03-13-2007, 02:26 PM Parent: #161 شيخ أحمد ابحريرة سلام تكعيب وتسميح وتسبيح الرواية دى: Quote: قال له أولا المُسدار ده انا ما مشيتو ولا جملي ده مشاهو...والجمل بطل المسدار ده كان جِمِيلْ وإجِيرِبْ بارطو الجَرَبْ ومربوط لو في شِايِه وبعالِجْ فيهو بالقُطران ...والمسدار نظمتو وانا فوق عنقريبي وقاعد لي في ضل عصُر قِدَام بيتي ..اعاين في الجِمِيل الاجِيرِبْ ده وأغني .. تعرف الشغل دا كتير من الشعراء عندهم وقديما سئل أحد شعراء العرب وهو من الفحول وأعتقد أنه جرير : من هو أشعر الشعراء? فقاد السائل الى داره ليرى أمامه شيخ أشعث كث اللحية يرضع اللبن من ضرع معزة واللبن يسيل على لحيته وصدره. فقال للسائل أتعرف من هذا? قال من? قال هذا أبى.. وقد كان يفاخر به شعرا. وعندها قال له: أشعر الشعراء من يفاخر بمثل هذا. نجى للولى ود شورانى وكلامو الفوق دا وتعال يابحريرة جيب كلام الولى ود الشلهمة القدامنا دا بتلقى الفرق فى مطابقة الصدق للصدق. يعنى صدق الشعر مع صدق الحدث يولد صدق الإحساس وتنقية النبع والمنبع. حتى ود شورانى نفسو لو قعد وصف مأساة هذا الجمل وجربه لأتى بكلام ربما يستفاد منه فى علم البيطرة. يعنى الزول البكون مامشى المسدار وماعندو الجمل الموصوف وماضاق حلاوة التنويخة عند ستات الصوالين الأدبية والغالبن يكون من بينهن المحبوبة المقصود بيها المسدار وماكرف طيبها وماخرم طبلة أضانو غنجها سيكون كتير من أوصافه حبيسة العنقريب وضل الضهر ومسورة بالتمنى المستحيل. يعنى جملو فى نص المسدار مرة تجيك صورتو إيربص ومرة صاوخ كروز ومرة عربة لاندكروزر. وحتى لو جاتك صورة الجمل بتجيك دهمة جمل ماصع ومن فوق مخلوفتو زوال زول ماسك الزمام. لكن عندما يكون الوصف حقيقى لحادثة حقيقية هنا بتشوف التفاصيل ويمكن هبشة خف الجمل فى الأرض تشوفا وتحسب عمقها بالملمتر وتشوف الرقاب الكسرو وتعدو ويلفحك الهوا وانت واقف من سرعة الجمل المر من تالاك. وكلامى جربو فى كل شعراء البطانة وغيرم وجيب كلام واحد منهم فوق البطانة نوع الكلام البكتبو بعد ما الدعاش يفرهد الرئتين والبرق يتلاصف يضوى البصيرة. الكلام دا قارنو بكلام قالو نفس الشاعر معتمدا فقط على إبراز موهبتو فى رسم جمل ونجر مسدار وشوف الفرق. تحياتى لبت ملوك البطانة ومواجبتك جايا بس دا سلام سنبهار.

---

Post: #163 Title: Re: ود الشلهمة Author: Ahmed Yousif Abu Harira Date: 03-14-2007, 10:51 AM Parent: #162 نّاَرْ وشِك خَلاصْ واصبّح عريسك بَاشْ وسيلك لمعاليك والمرَانِع كَاشْ نَفَسِكْ من سَمٌومْ إتحلى جَابْ لي دُعَاشْ وعَرَبِكْ لي جَفَافِنْ جَبَدو البرّاشْ ----------- سموم بفتح السين وليس كسرها

---

Post: #164 Title: Re: ود الشلهمة Author: Ahmed Yousif Abu Harira Date: 03-14-2007, 10:57 AM Parent: #163 يا بله العزيز بئر بكري دي كانت قاطّه ونحن قمنا فوقها(قشت) عينا من النوم والبِرْوِي الزرزور كان ما فيها...هسع ياداب ساقت والناس حارسنها زهاميل زهاميل... بجيك راجع بي مهلة

---

Post: #165 Title: Re: ود الشلهمة Author: على احمد النعيم Date: 03-14-2007, 11:25 AM Parent: #164 Quote: نّاَرْ وشِك خَلاصْ واصبّح عريسك بَاشْ وسيلك لمعاليك والمرَانِع كَاشْ نَفَسِكْ من سَمٌومْ إتحلى جَابْ لي دُعَاشْ وعَرَبِكْ لي جَفَافِنْ جَبَدو البرّاشْ آناس جننتونا عوووووووووووووك يا اب حريره إن ما سقتنى معاك البطانة ووريتنى هذه المراتع شكيتك على ود حسونة.

---

Post: #166 Title: Re: ود الشلهمة Author: سمية الحسن طلحة Date: 03-14-2007, 12:57 PM Parent: #165 Quote: يا اب حريره إن ما سقتنى معاك البطانة ووريتنى هذه المراتع شكيتك على ود حسونة. ياود النعيم آخوى البطاحين ديل باتعين خلاس ومابنخاف من أى ولى نعمن عندنا جبلا قوى ... ودحسونة يلحقنا ويفزعنا إلا بوريك البخوفو ليك درت ورشاش .

---

Post: #167 Title: Re: ود الشلهمة Author: Ahmed Yousif Abu Harira Date: 03-14-2007, 01:06 PM Parent: #166 Quote: شكيتك على ود حسونة Quote: ودحسونة يلحقنا ويفزعنا إلا بوريك البخوفو ليك درت ورشاش لاك دري ولاك مري ...آآآ ود النعيم ..داير تسيلك فتنة؟

---

Post: #169 Title: Re: ود الشلهمة Author: سمية الحسن طلحة Date: 03-14-2007, 01:13 PM Parent: #167 Quote: منتظرين مساجلات شيخ العرب وشيخ طلحة بخصوص الموضوع ده ..عليك الله ضروري يا سمية.. وشعر ود الشلهمة فوق الشيخ عبد الباقي... والقصص والحكايات كلها بدون فرز... وتلفون المهدي ود شيخ طلحة.. أحمد آآآخوى إت ما تجى نتعلم الغتاتة ... رأيك شنو ؟؟؟

---

Post: #168 Title: Re: ود الشلهمة Author: على احمد النعيم Date: 03-14-2007, 01:10 PM Parent: #166 Quote: ودحسونة يلحقنا ويفزعنا إلا بوريك البخوفو ليك درت ورشاش . يابت طلحه هوى ارعى بالوتد انتى ما سمعتى سيد ام اضينة قال" النضيف منى يقيف" لكن اظن انت عندكم "الجدع طوب القبر فى السهلة" تحياتى

---

Post: #172 Title: Re: ود الشلهمة Author: سمية الحسن طلحة Date: 03-14-2007, 10:38 PM Parent: #168 Quote: لكن اظن انت عندكم "الجدع طوب القبر فى السهلة" والله البجدع الطوب والفوق جناحو بطير قال ود الشلهمة مااابلفونى من عهدك بفك وبغير دحين فك درب الماصع المابعرف قيد ولاوتد

---

Post: #170 Title: Re: ود الشلهمة Author: طارق جبريل Date: 03-14-2007, 03:49 PM Parent: #1 على سبيل التحية

---

Post: #171 Title: Re: ود الشلهمة Author: Ahmed Yousif Abu Harira Date: 03-14-2007, 09:14 PM Parent: #170 Quote: أحمد آآآخوى إت ما تجى نتعلم الغتاتة ... رأيك شنو ؟؟؟ لكن بتشبهلنا السايبه؟؟!!

---

Post: #173 Title: Re: ود الشلهمة Author: سمية الحسن طلحة Date: 03-14-2007, 10:47 PM Parent: #171 Quote: لكن بتشبهلنا السايبه؟؟!! قت كدى ؟ هالعيش... أبشر بى غنايا ماتشوف أطرافو كدى نجض كلام البطانة دا وبنعقبو بى كلامو فوق عمر أخوه . ودمتش

---

Post: #174 Title: Re: ود الشلهمة Author: Balla Musa Date: 03-15-2007, 00:07 AM Parent: #173 سمية بت الحسن ود طلحة كيف حالك هو ودابحريرة أكان بعرف الغتاتة يرسل لى شنتير ود الشلهمة مرة واحدة? ولله لو شاورنى كان شنتير نخليهو يصاقر البوست دا 25 ساعة فى اليوم. أها شنتير دا دحين شفتوه بعد أحمد رسل ليهو الحجاب?

---

Post: #175 Title: Re: ود الشلهمة Author: سمية الحسن طلحة Date: 03-15-2007, 00:35 AM Parent: #174 Quote: أها شنتير دا دحين شفتوه بعد أحمد رسل ليهو الحجاب? معلمة الله أحمد غلتان أنا ياأحمد ماقت لك الغتاتة... ورميت لما رميت لكن سبق السيف العذل أها شوفولكم حيلة تمرق شنتير عقب... أناأهلى الشناتير ديل بعرفم والله هدى شوفة.

---

Post: #176 Title: Re: ود الشلهمة Author: Ahmed Yousif Abu Harira Date: 03-15-2007, 08:01 AM Parent: #175 اتَطّمْطَمْ سَمَاكِ ............وعَاتِمْ وبرّاقِك مَعَ فَمْ السِحابة ....يِلاطِمْ تُعُولو اتشبكّن نازلات هواهِنْ كَاتِمْ ووديانك لفّض مَاهِنْ...سَمَاحِك خَاتِمْ ------ انتو عارفين ود الشلهمة عندو اختيار دقيق للكلمات التي تدل على المعاني القاصدها مباشرة...كدي شوفو السماء ده "اتطمطم" كيفن...يا ربي بطنو طامه يعني؟ بموجب انو الذي ياتي بعد هذا الطمام هو المطر؟؟... وشوفوا معي فعايل البروق مع السحابه..ما ضربنها في نصها ولا في آخرها بل في فمها..لكن لم العجب أليس الفم ما يخرج مافي البطن بعد هذا الطمام؟؟..طبعا أكيد ملاطمة البرق دي ذاتها إياها سبب الطمام الذي سيجبر هذه السحابة السمينة على افراغ مافي جوفها.. نجي لي تصويرو للتعول..لاحظ انو ليس تعلا واحدا ولا اثنين بل مجموعة تعول...اتشبكن في بعضهن..حتى صرن تعلا واحدا.. ونازلات مع هواء كاتم لا كشاحة ولا شعفوفة...يعني من السحاب وإلى الأرض مباشرة...... خلو بالكن من التسلسل المنطقي في البيت ده...والوصف الدقيق..طمام بعد ملاطمه ..تبعتهما تعول مشبكات ونازلات على وديان أغرقتها السيول حتى فاض مافيها على مجاريها.. و"سماحك خاتم"...عمك ود الشلهمة ذاتو البيت ده عجبو ...فلم يجد خاتمة له غير ان يهيم هو نفسه ويذيب ذاته في هذا الجمال اللا منتهي..ليصبح جزء لا يتجزا منه...

---

Post: #177 Title: Re: ود الشلهمة Author: Ahmed Yousif Abu Harira Date: 03-15-2007, 08:21 AM Parent: #176 Quote: هو ودابحريرة أكان بعرف الغتاتة يرسل لى شنتير ود الشلهمة مرة واحدة? ولله لو شاورنى كان شنتير نخليهو يصاقر البوست دا 25 ساعة فى اليوم. أها شنتير دا دحين شفتوه بعد أحمد رسل ليهو الحجاب? شيخ/بله كيفنك؟ تعرف صاحبي علي ود النعيم ده زول نيل وجروف وشتول لكنه مهووس زينا كدي بي شعر البطانة والدوبيت وبه من الوجد الكثير وعنده معرفه كبيرة بالمعاني والصور وحسه مرهف وذوقه ومزاجه عالي في الدوبيت على الرغم من انو لا يوم الليلة دي ما شاف البطانة ...ينوح ساكت زي البرعي الكبير ...وانا خايفو ينشق بالغرام قُبال ما يصلها ...وبعدين متكيف بالحيل من حديسك وحديس شنتير ومحسن وودالمحرب وسمية وقيسان ونزار وشيقوق .. أها لامن شاف شحدة شنتير دي قال لي الزول ده ما ترسلوا الكلام ده..بيختِر وما بجينا تاني...انا قلتلو عليك الله هسه سماحة شحدتو دي ما بستاهل يرسلو له معاها بكره؟؟ كدي لاحظ لي شحدة شنتير كيفنها: Quote: دحين أكان عندك الكلام ده مكتوب وجاهز .. عليك الله أنهرو لي في رسالة خسوسية عشان أجلِّدو حجاب وأدرعو في ضراعي وأعنابو ِكرِّيتة.

---

Post: #178 Title: Re: ود الشلهمة Author: Ahmed Yousif Abu Harira Date: 03-15-2007, 08:28 AM Parent: #177 Quote: أبشر بى غنايا ماتشوف أطرافو كدى نجض كلام البطانة دا وبنعقبو بى كلامو فوق عمر أخوه . دي المحرية فيك يا سليلة الأمجاد...خاصة والغرض واحد.. وهو التوثيق لهذا العملاق.. بالمناسبة غناهو وغُناالفنجري فوق عمر اخوهن "فظيع" على قول البنيات.. متفقين تب ... ننجض غُنا البطانة ونرجع فوق عمر

---

Post: #179 Title: Re: ود الشلهمة Author: سمية الحسن طلحة Date: 03-15-2007, 08:34 AM Parent: #175 Quote: Quote: ودحسونة يلحقنا ويفزعنا إلا بوريك البخوفو ليك درت ورشاش . يابت طلحه هوى ارعى بالوتد انتى ما سمعتى سيد ام اضينة قال" النضيف منى يقيف" لكن اظن انت عندكم "الجدع طوب القبر فى السهلة" نقـأيـبك يمحِّـنن مِحنـاً فِعالك إحـيِّــر ومحبوب الكرام الفي البـِتحصل شـيِّـر البـِطوي الأرض والفـوق جناحو بطيِّر مابـلـفـّوني مـن عـهـدك بـفِـكـّو بغيِّـر طه ود الشلهمة فوق الشيخ عبد الباقى جبل الحديد أب شام الأمــر الصـعَـب دَرَج الفُحـول فكـّيـتـو والقـايــل بــِقـُص دربــك كِتِـر غلـِّيتــو القــَصَـــد إمتحــان جهلك خِجـِل ذلـِّيتو شِـــل طعــم المِلـِح مِنّـو ومِسـِخ بلـِّيتو المربوع دا ياود النعيم كل بيت فيهو ليهو قصة واقعة مثبتة. ودمتم

---

Post: #180 Title: Re: ود الشلهمة Author: على احمد النعيم Date: 03-15-2007, 11:02 AM Parent: #179 Quote: القــَصَـــد إمتحــان جهلك خِجـِل ذلـِّيتو يلحقنا وينجدنا بسرو عند الله، وانا والله يابت طلحة احب كل من "تنى ركبتو فوق الصح" لانو يابت طلحة الناس ديل خدمو جد جد يعنى، ويستحقوا منا كل احترام. وانا من انصار هذا القول: شيخا ماهو زى ديل كرشو باقيه كبيرة شيخا يلفا للضايق جوا التنيرة شيخا يحلحل العقد الغلب تفسيرا حرم البكازيك سيرتو ماليها سيره تحياتى بلاحدود

---

Post: #181 Title: Re: ود الشلهمة Author: abuguta Date: 03-15-2007, 12:20 PM Parent: #180 " Quote: سماحك خاتم"...عمك ود الشلهمة ذاتو البيت ده عجبو ...فلم يجد خاتمة له غير ان يهيم هو نفسه ويذيب ذاته في هذا الجمال اللا منتهي..ليصبح جزء لا يتجزا منه... والله ياحمد كلام عجيب سمعنا بالزول يقول الكلام ويعجب الغير..لكن يقولو كلامو ويعجبو هو ..دا تزوق مبدع ل الهام جرى على لسانو... لكن عجبنى تنزيلك للرباعيات بقيت تدينا ليها سلقة سلقة...يعنى حلقات مسلسل ود الشلهمة.. شنو ليك نبطحن طلال عفيفى...يقوم يشيل كمرتو ويبارى الوديان..وطلال بطحنتو مى دايرة كتير بس وروه اثر خف قاعود ود الشلهمة..لانو اصلا متعود على متابعة وديان القمح فى المانيا..شفوفو ليه عجلة دبل..ومعاها مسجل مكسى بكيس تريفيرا...وبعد كم شهر سوف تسمع كركرت رعد ونمت هاوى فى عمل سينمائى... تسلمو جميعا

---

Post: #182 Title: Re: ود الشلهمة Author: على احمد النعيم Date: 03-15-2007, 01:10 PM Parent: #181 Quote: تعرف صاحبي علي ود النعيم ده زول نيل وجروف وشتول لكنه مهووس زينا كدي بي شعر البطانة والدوبيت وبه من الوجد الكثير وعنده معرفه كبيرة بالمعاني والصور وحسه مرهف وذوقه ومزاجه عالي في الدوبيت على الرغم من انو لا يوم الليلة دي ما شاف البطانة ...ينوح ساكت زي البرعي الكبير ...وانا خايفو ينشق بالغرام قُبال ما يصلها ...وبعدين متكيف بالحيل من حديسك وحديس شنتير ومحسن وودالمحرب وسمية وقيسان ونزار وشيقوق .. الغالى ابو حريره، الشكر بلا حدود على هذا الاطراء الذى لا استحقه، ولكن لقد صدقت حين قلت "وبه من الوجد الكثير" اى والله وجد لا يوصف. Quote: أها لامن شاف شحدة شنتير دي قال لي الزول ده ما ترسلوا الكلام ده..بيختِر وما بجينا تاني...انا قلتلو عليك الله هسه سماحة شحدتو دي ما بستاهل يرسلو له معاها بكره؟؟ وهذه رساله للاخ شنتير ان يطل علينا بعد ما لبس حجابو.

---

Post: #183 Title: Re: ود الشلهمة Author: Ahmed Yousif Abu Harira Date: 03-15-2007, 02:26 PM Parent: #182 أب قوته قنبلة الوجد الموقوتة (استلاف وتحوير) شكرا على متابعتك النابِهة والمزاج العالي جدا.. تعرف تمنيت لو ان احداً غيري تحدث عن ودالشلهمة...لأتحلل من عبء المضيف وأشاقق وأقولم فوقو قدر ما تشيلني قدرتي... وشعر ود الشلهمة ده زي أدب الطيب صالح..قدر ما تقول استوعبتو كلو تجد نفسك في حاجة فاتت عليك في القراءة السابقة...وتسر ايما سرور عندما تعتر عليها بالصدفة ...عندها لن يكون عليك عتب إن صحت كما صاح السالف ...وجدتها وجدتها... والعبقرية وين؟ العبقرية في انها كانت هناك.....موجودة قبل أن تعتر عليها ومتاحة لقائلها قبل ان تصيح انت وتتقافر من نشوة الاكتشاف .. أعجبني وصفك للأخ طلال عفيفي وليتني ألتقيه لنطرح عليه موضوع "البطحنة" وكان بيقدر يصور لنا الكلام ده كما نشتهي ، انا ببطحنو وستعمده سمية وود المحرب يديهو جدعتين في الهواد..

---

Post: #184 Title: Re: ود الشلهمة Author: خالد المحرب Date: 03-15-2007, 06:34 PM Parent: #183 Quote: أب قوته قنبلة الوجد الموقوتة (استلاف وتحوير) شكرا على متابعتك النابِهة والمزاج العالي جدا.. ات عارف يااحمد ابقوته ده انا مبسوط منو خلاص وبعاين ليه بالطواله وانا والله سعيت سعى حثيث انى اجيب لى شريط لهذا الشاعر الفذ.لكن وحات ابوك بلم فيه كان الليله كان بكره .الليله عندنا شيوم لكن بكرخ بجمع فوقو تب. Post: #185 Title: Re: ود الشلهمة Author: sudania2000 Date: 03-15-2007, 08:32 PM Parent: #184 الاخ أحمدوالحضور الكريم السلام عليكم صاحب الدار : حاضرين وبس دعواتك Post: #186 Title: Re: ود الشلهمة Author: Ahmed Yousif Abu Harira Date: 03-16-2007, 11:03 AM Parent: #185 الأخت سودانية 2000 شكرا لك ....وكتر خيرك وأدامك الله ذخرا مع تقديري واحترامي Post: #187 Title: Re: ود الشلهمة Author: سمية الحسن طلحة Date: 03-16-2007, 04:04 PM Parent: #186 شنو ليك نبطحن طلال عفيفى...يقوم يشيل كمرتو ويبارى الوديان JJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJ أب قوتة سيد البكرة المربوطة ولا ناس الهوج البلقطوا القطن بالبكاسى ديل ماعندهم بكار وأمهار ؟ يازول مسكنا طرف فى طلال دا والله ممايكرف هواء البطانة دا تانى مايمرق إلا بطحانى ...وأول الحوافز جدعتين فى الهواد من ود المحرب. ودمتم Post: #189 Title: Re: ود الشلهمة Author: سمية الحسن طلحة Date: 03-17-2007, 06:40 AM Parent: #187 مع شانتير واحمد في شعر البطانة سرحنا ود القرشى الطبيب بحزن الحقيبة جرحنا مو مشغول بالمسكوت عنه في مسرحنا هذا هو نصيبكم من باكورة إنتاج ةشيقوق الشعرى يوجد النص الكامل ببوست ( فضيلى يشيد بكتاب الشمار المدقوق..... ) Post: #190 Title: Re: ود الشلهمة Author: Ahmed Yousif Abu Harira Date: 03-17-2007, 10:03 AM Parent: #189 قام قشِّك مَنّوَع ......ومِنطَرِدْ مِتْبَارِي غَاثِكْ عَاتِم الليلِ ...الصبيبو سواري مَعَلاكْ طينتو خضرا وسيل مهاويك جاري وإتحلّنْ مَنَاظّرِكْ ....يالهَوَاكْ مِتْمَارِي ------------- Post: #191 Title: Re: ود الشلهمة Author: abuguta Date: 03-17-2007, 10:50 AM Parent: #190 Quote: قام قشِّك مَنّوَع ......ومِنطَرِدْ مِتْبَارِي غَاثِكْ عَاتِم الليلِ ...الصبيبو سواري مَعَلاكْ طينتو خضرا وسيل مهاويك جاري وإتحلّنْ مَنَاظّرِكْ ....يالهَوَاكْ مِتْمَارِي كدى رايكم فى الشرح دا شنو.. نبت الغش فيك...متنوع السيقان وعماكِ ليلى ....غطى كل مكان روابيك .قرير.. واتسرفت خيران عيونى بعاينن ...وبهواك مرضان Post: #192 Title: Re: ود الشلهمة Author: Ahmed Yousif Abu Harira Date: 03-17-2007, 12:07 PM Parent: #191 Quote: وتفتحت روحي على معاني ومعارج لم تكن في متناولي قبلاً الأخ الكريم طلال عفيفي تجدني سعيد جدا بمرورك الكريم على شيخنا ود الشلهمة وتشريفك إيانا بالزيارة ... عرفت من الأخ أبقوته انك مسكون بالتصاوير مثل هذا الشيخ الفنان...وذاك هو السر في تفتح روحك على ما احتواها أدبه من معانٍ ومعارج...فالمتبتلون في سوح الفن على قلب رجل واحد من حيث الاحساس وإن اختلفت أدواتهم.. ومرحبتين حبابك Post: #193 Title: Re: ود الشلهمة Author: Ahmed Yousif Abu Harira Date: 03-17-2007, 12:10 PM Parent: #192 قيسان عشا الضيفان وينك يا رجل ؟؟... لي يوم الليلة تتمثل قول الشاعر القال: Quote: لكن المقادير ماسكه مي فاكانا Post: #194 Title: Re: ود الشلهمة Author: Ahmed Yousif Abu Harira Date: 03-17-2007, 12:29 PM Parent: #191 Quote: كدى رايكم فى الشرح دا شنو.. نبت الغش فيك...متنوع السيقان وعماكِ ليلى ....غطى كل مكان روابيك .قرير.. واتسرفت خيران عيونى بتاعين ...يالهواك جنان أبقوته كيفنك؟ شكرا جدا مقبولة ونعتبر شرحك ده simplified version لكلام عمك طه وبدون مقارنة..أنا كده بحميك...صاح؟ بس حاسب من بله موسى ما يرسل لك أم دلدوم عابر للأطلنطي Quote: قام قشِّك مَنّوَع ......ومِنطَرِدْ مِتْبَارِي غَاثِكْ عَاتِم الليلِ ...الصبيبو سواري مَعَلاكْ طينتو خضرا وسيل مهاويك جاري وإتحلّنْ مَنَاظّرِكْ ....يالهَوَاكْ مِتْمَارِي ------- كسعه: إنت كنت مع ناس ود المحرب في هلولة الرياض دي ولا إنت غادي منهم؟ Post: #195 Title: Re: ود الشلهمة Author: Ahmed Yousif Abu Harira Date: 03-18-2007, 08:15 AM Parent: #194 بَعَدْ دُورْ الجَفَافْ قَام عَفْرَتِكْ مِتْجَاِري وسُحبِكْ نيلتو زرقاء وبرقو يِنفُضْ فَارِي إنكَسّى بالخَدْارْ تّبْ وَشِكْ الكان عَارِي وإنْعَقَدَنْ رَوَاينِك يا أم نَداياً تَارِي ----------------- دايرين لنا زول شاطر يوصف لنا منظر العفرت قبل شروق الشمس..والعفرت لمن لا يعلمون ، وده تفسير من عندياتي لست متاكدا منه وبتراجع منو متى ما لقيت تفسير أحسن ، هو نوع من السحب المنخفضة وحركته سريعة ويظهر دائما بعد ليلة ماطرة شهدها مكان ما من أركان السماء الأربعة... أنا بفتكر ود الشلهمة متخصص في البروق وهو أفضل من وصفها شعرا (بريقاتك بلاون في السحاب وسهارى ، ورعدك سك براقكك ، وبرقو ينفض فاري الخ..) وقد ورد ذكر البروق والرعود أكثر من مرة في لوحاته الشعرية.. تخيل كيف يصور مرحلة الجفاف ووجه الأرض العاري وكيف ان الخدار قد قام مقام الكسوة.. الرواين جمع ومفردتها روينة وحسبما اعرف ان الروينة هي مجموعة من الصيد والرواين معناتا مجموعات او مِرحات من الصيد وكلمة إنعقدن بمعنى أنهن انتظمن في مجموعات وجماعات وتوجهت جماعات الصيد "الرواين" صوب البطانة بعد ان اكتسى وجهها الكان عاري بالخدار والجمال والبهاء... وود الشلهمة لا يدع مناسبة وإلا يذكرنا فيها بالندى وتربة البطانة اللينة والرويانة ليثبت أن نباتاتها المتنوعة والعديدة موعودة بفترة حياة اطول يستطيع بفضلها ان يعيش الانسان والحيوان خريفا طويلا يمتد عمره أكثر من النبات الذي ينمو في غيرها وفي ذلك مدح خاص لا تخطئه العين لتربة البطانة الخصبة المرية.. Post: #196 Title: Re: ود الشلهمة Author: على احمد النعيم Date: 03-18-2007, 08:19 AM Parent: #194 Quote: مَعَلاكْ طينتو خضرا وسيل مهاويك جاري وإتحلّنْ مَنَاظّرِكْ ....يالهَوَاكْ مِتْمَارِي والله يا احمد كانى الآن شايل نعلاتى فى ايدى ومتشمر وماشى فى الطين واسمع فى خرير الخور والرعدة فوق راسى تدودى وانظر الى تلك المناظر البهية بعد ان انكسى وجه المريا بالخدار. زيدنا عليك الله من هذه التحف. دمت. Post: #197 Title: ود الشلهمة كما تناوله ذات مرة الاستاذ الطيب محمد الطيب .. Author: gessan Date: 03-18-2007, 11:44 AM Parent: #1 من تراثنا القومي / طه ودالشلهمة..شاعر الطبيعة .. الطيب محمد الطيب بإجماع الناس قاطبة، الشعراء الملهمون في البادية الشرقية أربعة ، أحمد ود عوض الكريم ،والصادق من الشكرية وود شوراني من المرغوماب وشاعرنا هذا طه ود الشلهمة من البطاحين بعد أن إلتقينا في المرة السابقة بود شوراني نعود فنلتقي اليوم بشاعرنا طه وإن كان هذا النوع من الرجال يعايشنا في هذا العصر بذواتهم إلا أن نفوسهم هي تلك النفوس البدوية السليمة الفطرة التي تضوع عفة وسماحة دونما رياء وتجمّل تنحى في مسلكها العاطفي منحى السلف. وشاعرنا طه من قبيلة البطاحين ذات التاريخ الحافل بالبطولات ‘ درج في البادية جهة (أبرق) وابو "دليق" ومارس صناعة الشعر منذ صباه الباكر فبرز وسبق وطرق كل أبواب الشعر فأثرى وأبدع وتفوق في ضرب من النظم يتحاماه الكبار لوعورة مسلكه، ولا يتبتل في محرابه إلا الأفذاذ هو النظم في مرائي الطبيعة. نلتقي معه في هذه القصيدة التي يخاطب فيها أرض البطانة التي يحبها ويحب الخريف فيها يصف بشائر غيث عميم قد شام على الافق بارقه: مسك القبلة في كوع الشمال براقك وقشط صدرو في عامر سحابو وساقك تبوبك قرنن والسيل دهك شقاقك الضايق نشوقك حا ر عليهو فراقك لقد شمت برقك الذي لاح لي من جهة الشمال الشرقي وهذا التحديد يستفاد من عبارة الشاعر في دارج من المزن قد إعترض بالأفق لا يخلف غيثها الظن ، فهم قد عرفوا من طول تجاربهم أن البرق من هذه الجهة لايكون خلباً فهو دوماً يصدقهم ويأتيهم بالغيث العميم وقد لاح هذا الذي رأى الشاعر في دارج من المزن قد إعترض بالافق وهذا البرق قد جمع سحاباً متراكماً أثقله القطر فهو حاد بارع ملأ صدره من السحب الثقال فهو يزجيها فعل الحادي الذي يحث الركب وهذا يذّكر قول الشاعر الأندلسي الذي جعل الرعد بمثابة الحادي فهو يحدو السحب ويسوقها فهو يذكر من جملة أبيات: راحت تذكر بالنسيم الراحا وأطفاء تكثر بالجنوح جناحا أخفى مسالكه فاوقدت من برقها كي تهتدي مصباحا "وكأن صوت الرعد خلف سحابها حاد إذا ونت الركائب صاحا" فوصل بين غدرانها المتقطعة وقد سالت الأودية وفاضت بالماء ولم يدع الغيث غوراً او وهداً إلا غمره حتى استوى عنده النجد والوهد فما أسعد الشاعر بذلك فقد سره هطول الغيث وذكّره الرحلات التي يقوم بها قومه في رحاب البادية الخصبة – والذي يجرب وما فيها من متعة للنفس والنظر يعز عليه فراق البطانة. بعد دور الجفاف قام عفرتك مجاري وسحبك نيلتو زرقه وبرقك يلفح فاري اكتسب الخضار وجهك الكان عاري وإنعقدن رواينك يم ندايا ..تاري وقد شام الشاعر بعد أسبوع لم تجدهم فيه السماء وجفت فيه الارض ولم يبق من أثر آخر غيث سوى غدران متقطعة وقد ظهرت على الافق قذعات ثم ما لبثت أن تراكمت وصارت سحاباً جوناً يغريه البرق فرياً حينما يلوح متعرجاً ، وما أجمل الحمر الوحشية (روانيك) وقد سرحت على الأرض الخضراء تطلب المرعى الطيب في كنفك يا ذات الندى البليل. قام قشك منوع ومطرد متباري وقاسك عاتم الليل الصبيبو سواري معلاك طينتو خدره وسيل مهاويك جاري واتحلن مناظرك يامندايا، تاري وها قد إكتسى أديمك ببساط من الخضرة (الكلأ) حينما أقبلت بالنبات الأرض مختلفاً ألوانه وهو نبت متصل من جراء غيث ذلك السحاب الجون (عاتم الليل) الذي يشبه قطع الليل من كثرة ما إحتمل من الماء ، فطينتك زرقاء يضرب لونها الى الخضرة (وهي اطيب الأرض ) اما سيلك فهم يجري في مدافعك جياشاً (مهاوي) هنا فصيحة وهو ما اطمأن من الأرض – ثم يطالعنا بصورة وهي صورة البطانة وقد لبست أرضها الحلية من نبات الأرض وتزيّنت به وقد هبت عليه الصبا غب القطار بليلة ندية معطرة بروح الماء والنبات تبعث النشوة في النفوس. إسمحتي من لونا لبستي جديد وتصبح كل يوم نايرة وحلاتا تزيد تعالك نزل ساوى الضهور والليد واجادع فريقك في نزلتو بعيد اسمحتي قد اصبحت جميلة بما لبست من ألوان النبات وفي كل يوم تزداد حسناً عندما يزداد النبات نمواً وازدهاراً فيكسبك إشراقاً وحسناً (تعالك نزل) صبوبك الهتون الذي جادك في سخاء ففاضت به الوديان وجمع الماء من غزارته بين علو وسفل و(الضهور) هنا يعني بها ما ربا وارتفع من الارض والليد هي المجرى الرافد وهذا يذكّرنا بقول ابي هلال العسكري: جمع الغيث بين سفل وعلو ثم يتطرق الشاعر لنزول (الفريق) فيقول ان "الفريق" قد إنتثرت مخيماته وذلك لندرة المواطن الجافة فهي جد متفرقة في أنحاء الوادي. نار وجهك خلاص واصبح عرسك باش وسيلك بالمعالي بالمراتع كاش نفسك من سماحتو تحلى جابلو دعاش وعربك لي جفافن جبدو البراش ثم يتدفق الشاعر في تصوراته فيقول لقد اشرق وجهك بالخضرة الناضرة عندما هش سماؤك في وجهك وجادك فعل الكرام عندما عندما يهشون لضيوفهم ويفيضون عليهم الجود والقرى وهكذا سماؤك قد رفدك بماء جزيل لا ينفك سيله يجري منحدراً وقد استوى عنده العالي والمنخفض من الأرض والشاعر لا ينفك شحين النفس بمرائي الطبيعة الساحرة فهو يعود مرة ثانية لوصف النسيم ، غب القطار، وقد هب رقيقاً عليلاً يضمخه أريج النبت وترقرقه رطوبة الماء وهاهم عربك بعد تلك الليلة المطيرة قد نشروا متاعهم (بروشهم) بغية تجفيفها من الماء وايادي الخريف على البطانة كثيرة جمة. وجهك نادى تبرك ربا ومتقيل وضعنك لف بي جابر المهاوي مميل برقك لاوا في الزيف الوشامو منيل وفش غبينتو فيك سحبك المتحيل صور حسنة تتجلى في طبيعتها الساحرة فالنبات ينمو بألوانه المختلفة يلذ الناظرين ويذكر هنا نوعاً من النبات يسمونه "التبر" له نور أبيض وأظنه ما يعرف عند شعراء العرب الأقدمين "بالثغام" والشاعر يقول قد ضاء وجهها بالتبر المنور الذي اشرق وازداد نموه وتشابكت أفنانه ثم ياتي الشاعر بصورة اخرى يؤكد بها أن المطر كان غزيراً (لفه جابر المهاوي) الظعن عندما عندما اراد الرحيل دار يبحث عن الموضع الجاف في طريق سيره متجانفاً عن الوحل والماء الذي غمر الارض من صوب تلك السحايب التي لمع فيها البرق متعرجاً يطوي معصراتها رغم ذلك الزيق ( قوس قزح ) والذي في أعتقادهم يمنع المطر وقد لاح أصيلاً على الافق "فش غبينتو" جادك الغيث المدرار في حرارة كأنه موتور كظم غيظه فتفجر ينفث ما إمتلأ به صدره حتى نفّس عن نفسه كذلك غيثك كان ينوء بحمل الماء الغزير فعندما إنبجس منه نفّس عن نفسه. رحلو الليلة من دار الدمر وانقلو حازمة ضعينتن متبعه ما بنفلو سقد مايقي روقت الغمده ما بطلو قلبي مع الجراسة البندلن قام كلو ثم يلتفت الشاعر في هذه الابيات ويذكر الظعن وقد رحلوا مع مطلع الخريف من الدمر وهو المكان الذي يقضون فيه فترة الصيف رحلوا في ظعينة دفعة واحدة. وقلبه قد خفق لهذه الركب وهنا يخلص الشاعر من حديث الطبيعة الى حديث القلوب وربما تكون وراء كل هذا الوصف عاطفة الهيام هذه التي حركها قرب الرحيل ففي الركب محبوب توجس فراقه قد حال بين العين والغمض وقد جارى خفقان قلبه الأجراس التي تدق حول الهودج دقاً متوالياً يهيج لوعته فكأنما نعق بها غراب البين اللعين فالشاعر تتنازعه عاطفتان عاطفة الفرح بقدوم الخريف وعاطفة اللوعة بالرحيل. مبسوط البطانة إتنعمت قدام شابع قشها وقاسا المزرقن وقام اخلوا الدكة لا مخبر ولا حوام ولي فيهن صديق روحاً ملاني غرام يخاطب الشاعر البطانة لقد نعمت أيتها الارض التي جادها السحاب الجون ثم انجلى غيثه عن عشب نضير يضمن للسوائم الشبع والري وهاهم أهل المحبوبة قد ارتحلوا وخلفوا رسومهم خاوية تملأ النفس وحشة فلا أحد يخبر عنهم أو يدل عليهم وهذه وقفة على الأطلال تماماً كما كان يفعل أسلافه من الشعراء الجاهليين. يبكون الديار والآثار والشاعر يقول ان له في هذا الركب الراحل حبيباً هو روحه وقد تبل قلبه بالحب وزحمه بالغرام والصبابة. مبسوطه البطانة وقاسته النقاعة دور خبر الرحيل اتباشروبو جماعة قاصداك أريل الفوده البضوى شاعه احمت عيني تغمد عقربه اللطاعه لا ينفك شاعرنا يذكر بهجته الكبرى التي لازمته من اول القصيدة ببشائر الخريف يفيض السرور الذي ملأ اقطار نفسه فقد جادها غيث عميم ينقع الغله ويروي الارض ثم يعود ليصف البشرى بطلائع الخريف فهو حدث عظيم تتباشر به الجماعات ومن بين هذه الجماعات جماعة محبوبته. وسير اليك ظبى "الفدفد" الذي يتضوأ حسناً وجمالاً فلكم اريق الليل اعاني ضنى الوجد والهيام وقد حال ما اعاني بين الطرف والمنام كأني "لديغ" ملسوع لا يهدأ له ليل فلذع الشوق إليها يحول بين المنام وعيني ثم نعود مرة أخرى مع الشاعر وما أكثر هنا العود. الارض والجبال بقين خدر في الشوف أخلوا الدكة قصدوها البطامنو الخوف عشوهن لبن تبر غزير الدوف بضارا من كشح صقت الندايا أم فوف ويسترسل الشاعر قائلاً ان الارض والجبال صارت خضراء معشبه وركب المحبوبة قد أخلى "الدكة" مكان إقامتهم وقصد أولئك الرجال الغطاريف الذين يدخلون برد الطمانينة في النفوس فهم سادة القوم وثراتهم وحماة العشير. وعندما حل الظعن قدموا للحسان اللبن المحض في وجبة العشاء فما أهناءه من عشاء لأولئك الحسان اللاتي اتسقت اجسامهن فهن ممتلآت الجسم. وهنا يظهر لنا الذوق العربي الاصيل الذي يسود الشعر الجاهلي فمن ذلك قول الاعشى: صفر الوشاح وملؤ الدرع بهكنة اذا تقوم يكاد الخصر ينخذل وكقول عمر بن كلثوم يصف إمتلاء جسم محبوبته: ومأكمة يضيق الباب عنها وكشحاً قد جننت به جنونا وسارتي بلنط او رخام يرن خشاش حليهما رنينا المأكمة راس الورك. تريك وركاً يضيق الباب عنها لعظمها وامتلائها باللحم. البلنط. العاج. والسارية الاسطوانه. ومعنى قول الشاعر تريك ساقين كاسطوانتين من عاج او رخام بياضاً وضخامة. فالذوق العربي يفضل المرأة الممتلئة. فهن أي الحسان يدفئن ضجيعهن من البرد الشديد. " صقت الندايا ام فوف" وهذا يذكرنا بقول الأعشى : نعم الضجيع غاداة الدجن يصرعها للذة المرء لا جاف ولا تفل وإن اختلفت نوايا شاعر البطانة. الدجن إلباس الغيم السماء......* سمحت ومن شنات الصيفة نارت حالك وفي صدر الضعينة إتنابطا جبالك نداك قارع السرب للنافلة معقول مالك وتبرك فوفا وقنب يلعب نالك وقد خلعت لبوس الصيف الجاف ولبستي النور والنضرة واشرق وجهك حين بدت للركب جبالك العالية. وقد ازدانت الارض بذلك الزهر الابيض الفاقع الذي يسمى تبر فهو على الارض أفواف فيها بهجة للناظرين ......* اطمطم سماك وعاتم وبراقك مع فم السحابة بلاطم اشبكن تعولك نازلات هواهن كاتم وديانك لفض سيلن سماحن خاتم ثم يختتم قصيدته مخاطباً للبطانة فيقول أن سماءك قد تلبّد واربد واسودت جوانبه بسحاب جون وبرقك يلمع في اطراف هذا الغمام ثم ازداد تراكم سحابك وقد سكن الجو واشتدت وطأة الحر وهي ظاهرة تسبق هطول المطر غالباً. ثم يقول لها وما اجمل وديانك وقد امتلأت بالماء الثر فهي وبما تفيض به من ماء غاية في الجمال. ------------------------- ** هناك جزء من الموضوع مفقود - بكل اسف - خاصة وأن المرجع وهو عدد قديم لمجلة الخرطوم يعود تاريخها الى فترة الستينات. كما ارجو أن اكون قد نقلت كتابة استاذ الطيب كما هي بالمجلة ..خاصة وأن كتابة الدوبيت وهو لغة دارجة في بعض الأحيان يعجز تشكيل الحروف من توصيل نطقه الصحيح ..ولكن عشمي أن يكون الملف الصوتي المرفق في الصفحة الأولى للبوست تكفي للوقوف على لغة الدوبيت خاصة عند ود الشلهمة. أما هنا فيبدو لي ان الاشارة المهمةهي كيفية تناول الاستاذ الراحل الطيب محمد الطيب بالشرح لفنون الدوبيت كلون من ألوان "التراث القومي"..بعين الباحث البصير العارف الملم .. ألف رحمة ونور على استاذنا الطيب ..والف رحمة ونور على شاعر البطانة طه ود الشلهمة.. مع تحياتي للجميع .. Post: #198 Title: Re: ود الشلهمة كما تناوله ذات مرة الاستاذ الطيب محمد الطيب .. Author: الطيب شيقوق Date: 03-18-2007, 12:37 PM Parent: #197 Quote: والتكل كمان معناها استناد بعض فوق بعضه. يا اهلنا الجني بلة ده جاكم من وين حرم مرحب بيهو مليون راسو مليان وانا وقعت بالصدفة في كلامو . Post: #199 Title: Re: ود الشلهمة كما تناوله ذات مرة الاستاذ الطيب محمد الطيب .. Author: Ahmed Yousif Abu Harira Date: 03-18-2007, 12:39 PM Parent: #197 قيسان عشا الضيفان ،،، بعد التحية والإحترام اللازم كالعادة جاءنا ماعونك ملآن يترع بالثراء والجمال .. أعجز عن شكرك ... ودم طيبا Post: #200 Title: Re: ود الشلهمة كما تناوله ذات مرة الاستاذ الطيب محمد الطيب .. Author: على احمد النعيم Date: 03-20-2007, 06:10 AM Parent: #199 فوق Post: #201 Title: Re: ود الشلهمة كما تناوله ذات مرة الاستاذ الطيب محمد الطيب .. Author: Ahmed Yousif Abu Harira Date: 03-20-2007, 06:29 AM Parent: #200 النُوم البِرَيّحْ ......قَاشَرَنو أبْصّارِي وأخلى الدكه ظعن الملكة ببرد ناري شَدَرْة دَارُو قُوقّنْ فُوقْ فِروعها قَمَاري برتاح كيف ذهن مخي...وتروق أفكاري ---------- Post: #202 Title: Re: ود الشلهمة كما تناوله ذات مرة الاستاذ الطيب محمد الطيب .. Author: سمية الحسن طلحة Date: 03-20-2007, 11:49 AM Parent: #201 والله يا احمد كانى الآن شايل نعلاتى فى ايدى ومتشمر وماشى فى الطين واسمع فى خرير الخور والرعدة فوق راسى تدودى وانظر الى تلك المناظر البهية بعد ان انكسى وجه المريا بالخدار. ــــــــــــــــــــــــــــــــــــــــــــــــــــــــــــــــــــــــــــ والله ياود النعيم كأنو ود أب حريرة بكتب فى مسرحية عن لوحات ود الشلهمة وأنت بتمثل دور البطل ونحنا المشاهدين. Post: #203 Title: Re: ود الشلهمة كما تناوله ذات مرة الاستاذ الطيب محمد الطيب .. Author: سمية الحسن طلحة Date: 03-20-2007, 12:06 PM Parent: #201 النُوم البِرَيّحْ ......قَاشَرَنو أبْصّارِي وأخلى الدكه ظعن الملكة ببرد ناري شَدَرْة دَارُو قُوقّنْ فُوقْ فِروعها قَمَاري برتاح كيف ذهن مخي...وتروق أفكاري ----------ـــــــــــــــــــــــــــــ هى يا أحمد تبرأ من السهر كدى نوخ... وخلى ظعن الملكة فى محلو وروق شوية... ماالك مستعجل الفراق !؟ أولا :ـ بعد شرحك للرواين دا خلاس بقيت ( الطيب محمد الطيب ) المنبر ما فرقت الحمر الوحشية من الغزلان كتير دا أقرب وصف تانى هام :ـ شرح قيسان الليل الطيب محمد الطيب الفوق دا ما ممكن تكلفتو كدى ساكت أبدا لازم ترجع تجيب لينا كل مربوع مع شرحو فى خانة منفصلة ولا أسمح لى أنا بقوم بالعملية دى ضرورى. ـــــــــــــــــــــــــــــــــــــــــــــــــــــــــــــــ بمناسبة ( شرح قيسان الليل الطيب .... سمعت نكتة ( الضو ود عشامة ) ( بلادى أنا الليلة الشيخ الطيب ؟؟؟) Post: #204 Title: Re: ود الشلهمة كما تناوله ذات مرة الاستاذ الطيب محمد الطيب .. Author: Ahmed Yousif Abu Harira Date: 03-20-2007, 09:47 PM Parent: #203 سمية كيفنك؟ شيخ الطيب ، رحمه الله ، رجل عالم بالأدب الشعبي ومتمكن من علمه ...وكنت قد قررت أن اعود إليه تفصيلا وتناوله حبة حبه...بس الوكت معاي مو كتير اليومين ديل..لكنني حتما ولابد أن أعود إليه.. اما قيسان عشا الضيفان فقد عجزت فعلا لا قولا عن شكره ...ونختها ليهو "يدا سلفت ودينٌ مستحق". Quote: ولا أسمح لى أنا بقوم بالعملية دى ضرورى أغدو شاكرن ومقدرن .... وإذنك معاك والدار دارك لا شك... Post: #205 Title: Re: ود الشلهمة كما تناوله ذات مرة الاستاذ الطيب محمد الطيب .. Author: على احمد النعيم Date: 03-21-2007, 05:43 AM Parent: #204 Quote: والله ياود النعيم كأنو ود أب حريرة بكتب فى مسرحية عن لوحات ود الشلهمة وأنت بتمثل دور البطل بارك الله فيك يا بت طلحة ، والفضل كلو يرجعلكم والله. Post: #206 Title: Re: ود الشلهمة كما تناوله ذات مرة الاستاذ الطيب محمد الطيب .. Author: Ahmed Yousif Abu Harira Date: 03-21-2007, 05:47 AM Parent: #205 علي مسك الضهور سِهْمَة نزلتو مَحَاري مبسوط المعاه وأنا منكتم من جاري شلاخاً متل بحر السقايه الهاري والندى فوق حواجبو النايرات متجاري ------------- Post: #207 Title: Re: ود الشلهمة كما تناوله ذات مرة الاستاذ الطيب محمد الطيب .. Author: abuguta Date: 03-21-2007, 06:32 AM Parent: #206 Quote: والندى فوق حواجبو النايرات متجاري صباح الخير..ياحمد.. ود الشلهمة دا نحات..ولا شنو وليه ما قال الندى فوق خدودو..ايش معنى ذكر الحواجب...قاصد يشبه حواجب المحبوب بغش البطانة لان الحواجب ممكن تميسك التدى لسويعات اما الخدود بتزلقها وبتبقى اللمعة بس..عموما ذكرنا زميلنا لينا..لما يشوف واحدة خدها نايره.بقولك دى البروتين بنطط من وجهها.. لكن كلام شاعرنا دا ذكرنى بحادثة..كنا اتنين مجدعيين فى دلهى بعد ما صرفنا شيكاتنا فى جاناكيا بووورى..وطلعنا من سينمتها العجيبة..اخدنا لينا رقشة ومشينا باليكا بازار.السوق الارضى المشهور فى نيو دلى..قبل ما ندخل و فوق النجيلة ديك..عينى وقعت على هندية من عرب دلهى رابطة شعرها ضنم حضان.وعاجباها نفسها ..اِعلم الله ياحمد.شعرها مرتفع من الارض بشوية .قولت لصاحبى اسحر ليك الهندية دى .. بتشبه فرس البطحانى امرء القيس..قام رد على بتشبها بالحصان كمان .. ذكرت ليه قوله..فى جواده الكوميت... ....ضليع اذا استدبرته سد فرجه ... بضاف فويق الارض ليس باعزل.. قال والله تشبيهك عبجنى.. اها انا تشبه الندى فوق الحواجب عجبنى خلاص تسلم.. Post: #208 Title: Re: ود الشلهمة كما تناوله ذات مرة الاستاذ الطيب محمد الطيب .. Author: سمية الحسن طلحة Date: 03-21-2007, 07:42 AM Parent: #207 علي مسك الضهور سِهْمَة نزلتو مَحَاري مبسوط المعاه وأنا منكتم من جاري شلاخاً متل بحر السقايه الهاري والندى فوق حواجبو النايرات متجاري كلام جميل ولوحات رايعه وبديعة يا أحمد نحن كل يوم بنتمسى ونتصابح بى ود الشلهمة دا أعدت لينا الماضى ... ربنا يعينك . Post: #209 Title: Re: ود الشلهمة كما تناوله ذات مرة الاستاذ الطيب محمد الطيب .. Author: Ahmed Yousif Abu Harira Date: 03-22-2007, 12:38 PM Parent: #208 ناكر الحاسي بي وعرفوا المعاي وداري سببي الما هو مسؤول من جَنِيةْ تاري الخلى غَمِيدي سُكيب من يميني ويساري ما دام فاقدو بسكت ما بغني خباري ؟؟ -------------------- يعجبني المقطع الأخير... كيف لي أن أسكت وأتوقف عن نظم الشعر "الغُنا" ما دام المحبوب مفقود ... لا أدري إن كانت كلمة "خباري" دي موجوده في كل السودان ولا لأ وما عارف هنا هل وردت لتفيد الاستنكار ام الاستفهام... Post: #210 Title: Re: ود الشلهمة كما تناوله ذات مرة الاستاذ الطيب محمد الطيب .. Author: على احمد النعيم Date: 03-25-2007, 05:15 AM Parent: #209 Quote: ما دام فاقدو بسكت ما بغني خباري ؟؟ مقطع اكثر من بديع يا اب حريره. والشاعر هنا يبرر اسباب غناهو بعد فقده لمحبوبته. ويذكرنى رائعة النعام : بقيت ما ليا غير اشعارى اكتبها فيك وادون اقول إمكن تزيل البيا واللا قليل تهون Post: #211 Title: Re: ود الشلهمة كما تناوله ذات مرة الاستاذ الطيب محمد الطيب .. Author: الطيب شيقوق Date: 03-25-2007, 05:36 AM Parent: #210 Quote: ما دام فاقدو بسكت ما بغني خباري ؟؟ وبتذكرني سوالف محمد موسى - الله لا طراهو بالخير يعنى طالما زولي مفقود المغني ليها شنووووووووووووووووووووووووو Post: #212 Title: Re: ود الشلهمة كما تناوله ذات مرة الاستاذ الطيب محمد الطيب .. Author: Ahmed Yousif Abu Harira Date: 03-25-2007, 05:44 AM Parent: #211 قام قش البطانه وغاثتو النعاعه ودور خبر الرحيل اتواعدو بو جماعه قاصداك أريل الفُودَه البِضوي شُعاعا وأحَمَتْ عيني تَغَمِدْ عَقرَبا اللطّاعه ----- Post: #213 Title: Re: ود الشلهمة كما تناوله ذات مرة الاستاذ الطيب محمد الطيب .. Author: Ahmed Yousif Abu Harira Date: 03-25-2007, 05:45 AM Parent: #212 ضُهريك سَابَق السارية وصبيبو انحت قبليك سَاوَقْ أم بَرَد البيرمي صقتها سُحبِكْ دودى فوق علاو ضهورك خت جبالك جَبَد كُجَرْ ......التِعُول واتغطى Post: #214 Title: Re: ود الشلهمة كما تناوله ذات مرة الاستاذ الطيب محمد الطيب .. Author: Ahmed Yousif Abu Harira Date: 03-25-2007, 05:46 AM Parent: #213 الجاب الخبر من أسنبير وأرْدَادَا سِمحَتْ من شنات الصيفه والنيل عادا قَشّها قام نبات فوقو الصبيب أترادا حار بالحيل فراق إيد الهمل واسيادا -------------- Post: #215 Title: Re: ود الشلهمة كما تناوله ذات مرة الاستاذ الطيب محمد الطيب .. Author: Ahmed Yousif Abu Harira Date: 03-25-2007, 05:57 AM Parent: #214 سَاَلْ فرج الله من ضَهَر النُهود مِتدلي شَابِعْ قَشُو تبّابو الكُبارْ مِتْمَلي من كُرْمُكْ مِقَنجِر بالصعيد ومولي مفقودين عرب دُورِكْ كلامهُن يسلي ---------- هذه كانت خاتمة إبداع ود الشلهمة في وضف البطانة... كنت قد ذكرت ان الشاعر ريما نظم هذه الأبيات وهو طريح سرير المرض...وكانت ولا تزال العهدة على الراوي إلى ان نستقصي ونبحث ونسأل..بيد ان الفقرة الثالثة من المربوع أعلاه توحي بأن الشاعر كان مسافر ..بدليل قوله أنه في منطقة الكُرمك ولا زال مشواره يمتد جنوبا نحو الصعيد..وبالتالي فأن حنينه إلى أرض البطانة وعربها ومن ضمنهم محبوبته بالضرورة سيمتد ويتطاول... وفي رأي أن الخاتمة كانت أكثر من رائعة: فقد ضمن كل أشواقه ومشاعره وحنينه ووضعها جميعا في كبسولة واحده من خمس كلمات : Quote: مفقودين عرب دُورِكْ كلامهُن يسلي وصحيح: مفقودين عرب دُورِكْ كلامهن يسلي !!! Post: #216 Title: Re: ود الشلهمة كما تناوله ذات مرة الاستاذ الطيب محمد الطيب .. Author: سمية الحسن طلحة Date: 03-26-2007, 07:28 AM Parent: #215 يعنى طالما زولي مفقود المغني ليها شنووووووووووووووووووووووووو JJJJJJJJJJJJJJJJJJJJJJJJJJJJ حكايتك حكاية ياشيقوق... شيخ الطيب على قول ودأب حريرة بلة ود موسى وينك ؟؟؟ بتشوف آ أحمد زولك موقنعان بعد المكابسة الساها فى الدلو الكابس العتبة جايى يكابس بى جاى !!! Post: #217 Title: Re: ود الشلهمة كما تناوله ذات مرة الاستاذ الطيب محمد الطيب .. Author: سمية الحسن طلحة Date: 03-26-2007, 07:33 AM Parent: #215 جبالك جَبَد كُجَرْ ......التِعُول واتغطى لوحة ولا أبدع من ذلك شفتها بى عييينى . الكجرة ... ياسلاااام كجر دى كلمة ملانة لامن متوعة تت/ترع من الملى Post: #218 Title: Re: ود الشلهمة كما تناوله ذات مرة الاستاذ الطيب محمد الطيب .. Author: سمية الحسن طلحة Date: 03-26-2007, 07:38 AM Parent: #215 هذه كانت خاتمة إبداع ود الشلهمة في وضف البطانة... ـــــــــــــــــــــــــــــــــــ هاك التلحيفة دى يا أحمد ... بـرقـك لاوح المِـزرة وبسَــم مبســوط واتكـّـل سحابك ونيـل زراقـو خـطـوط سيـلك في عـوالي الأرض مَحَر بشروط وتـبّـابا المقـرّن جابــو منـّو الحـــــوت Post: #219 Title: Re: ود الشلهمة كما تناوله ذات مرة الاستاذ الطيب محمد الطيب .. Author: Ahmed Yousif Abu Harira Date: 03-26-2007, 09:06 AM Parent: #218 سمية كيفنك؟ شفتها والله يا سمية لكن عديتها بي مزاجي قلت النبطرو شوية الزول الماصع ده... وشكرا علي التلحيقة .. تعرفي غنا عمك طه ده زي الموَسّم (موسوم) ببصماته...إذا لقيتي لك واحدة طافرة في وسط 1000 غنوة تستطيعي التعرف عليها بكل سهولة وردها إلى صاحبها لانها لا تشبه سواه...عليك الله هسع دي البيقولها منو غيرو: بـرقـك لاوح المِـزرة وبسَــم مبســوط واتكـّـل سحابك ونيـل زراقـو خـطـوط سيـلك في عـوالي الأرض ...مَحَر بشروط وتباباالمقرّن ......جابو منو الحوت كيف للبرق أن يبتسم؟...أهي بسمة المنتصر بعد ان صرع المزنه وخلى مويتها تتدفق..؟؟ ده بيذكرني بي مقطع قيل في وصف الناظر شيخ محمد: Quote: يضحك وكت يشوف خصمو وحلاتو تزيد لامن يعوسا لي قدرو ويقلبو نجيض بعدين شوفي المقطع الأخير ...تبوب البطانة جابت الحوت.. وثانيا:الكتبناهو هنا ده لا يمثل كل ما نظمه ود الشلهمة بخصوص الموضوع ده واعني (البطانة)...والطافر مو مخبور منها كتير...لكنه لحسن الحظ محفوظ في صدور العارفين به ومحبي شعره ... وهذه لن تكون خاتمة المطاف ..وناوي ان شاء الله أصل شبله الاستاذ عمر طه الشلهمة عشان نميز الطافرات ديل ونلمهن علي مراحهن.. وإنتو في كواستكن دي كان لقيتولكن واحدةً طافره قبلوها علينا جاي.. Post: #220 Title: Re: ود الشلهمة كما تناوله ذات مرة الاستاذ الطيب محمد الطيب .. Author: على احمد النعيم Date: 03-26-2007, 12:16 PM Parent: #219 Quote: يعنى طالما زولي مفقود المغني ليها شنووووووووووووووووووووووووو خت كراعك فوق الفرملة شويه يا ود شيقوق الله يديك العافية. وبعدين يا خى الزول غنا لامن لسانو بقق. Post: #221 Title: Re: ود الشلهمة Author: gessan Date: 03-26-2007, 02:43 PM Parent: #1 Quote: هنا يتابع شاعرنا بخياله حركة انتقال أحبابه في هذا اليوم من دار الدمر إلى الديار المؤقتة فيصف ظعائنهم التي تسير مجتمعة مع بعضها البعض في كتلة واحدة ...ورحيل العرب في هذه الرحلة مثير للاشجان ومنظرهم في غاية الروعة تكسو وجوههم فرحة ومسرة ونشوة عظيمة ... ولما كانت وسائل النقل خلال هذه الرحلة هي الدواب ففيهم من يسير ضمن القافلة راكبا بعير او حمار أو من يمشي راجلا ، وبينهم الشيوخ والأطفال والنساء والشباب وبينهم الغيد الحسان على العُطف والهوادج. ويحلمون معهم البروش والشُُمال والحنايات والشِعّبْ والحصائر والشُكّابْ واللدايات والعناقريب والدنبهوب والحبال والتباريق والاباريق والحلل والمشالعيب والقِرَبْ والسِعُونْ والجِربان والسحّارات والرُسانه والشكائم والصرائم والأخلة والسكاكين والسيوف والعصى والعكاكيز وغيرها مما خف وزنه.. تتبعهم معيز اللبن وكلاب الحراسة وكلاب الصيد...وقد سبقتهم قبل ايام قطعان الضأن والإبل والأبقار إلى مكان الإقامة الجديد وتقدمهم المزارعون بادوات الزراعة من سلاليك ومحاريث وملدات ونجامات وخلافه.. .. ------------------ أحمد اب حريرة .. حصل مرة مشيت مع الناس ديل في ترحالهم دا؟؟ انا غايتو فاتتني بي شوية .. وكتي الجيت للدنيا دي لقيت اهلي بقوا ناس بحر وجروف ..لكنهم إحتفظوا بهذه الأدوات.. سلام Post: #222 Title: Re: ود الشلهمة Author: Ahmed Yousif Abu Harira Date: 03-26-2007, 07:59 PM Parent: #221 Quote: حصل مرة مشيت مع الناس ديل في ترحالهم دا؟؟ قيسان عشا الضيفان لا والله عمري ما قمت لي مع رحيل...وليتني فعلت...لكن كلما قام رحيل تجد قلبي مع الجُراسه البنقرِن قام كلو... نحن يا قيسان اخدتنا المدارس...ولا شك انك تعلم أن موسم الخريف هو بداية السنة الدراسية في السودان...كذلك فإن أهلنا ابتدو يستقروا في قرى دائمة وحلال منذ صبانا الباكر...وفي بداية التمانينات (أيام جهلنا) أصيب السودان كله بموجة جفاف وتصحر تلاشت على إثرها عملية الترحال مع البهائم واصبحت الزراعةمحلية في البلدات والتروس المحيطة بالقرية حسب ندرة المطر في تلك السنوات... ففاتنا من هذه العملية الكثير ...وكم كنت أغبط بل أحسد ندادتنا الأولي تساقطوا مبكرا من المدرسة ودخلوا في المجرى العام للحياة في تلك النواحي...فكانت قوافل الترحال على ندرتها تأخذ من بين أيدينا الأقران ...ونحن بين فصل وفصل في مدارس الجن دي... لا زلت أذكر حال أقراننا وقد تشبهوا بالكبار .. فتجد الصبي (من أقراننا) وقد لبس العراقي والسروال ووضع سكينو في ضراعو ولف عمامة تتسق مع حجم جمجمته الصغيرة مع (شقيانة) أو حذاء شِده ، وفي أحسن الأحوال مركوب صغير و(حُرحاف) يعني سفروق ومطرق سلم وجهبذ زاملته استعداد لرحلة الخريف الجميلة..ويمتد غيابهم شهورا ويعودون إلى الديار وقد كبروا سنوات بالمقارنة معنا....كيف لا أدري!!! ويعودون إلينا بالحكاوي والقصص بعضها خيال صبية وبعضها حقائق عن البطانة ونباتاتها وحيوانها وقدر كبير من الطرف والملح.. ليتني أعود القهقرى إلى تلك السنوات ...ولربما كان اختياري مختلفا عندئذ.. دمت يا قيسان ياخيييييييي Post: #223 Title: Re: ود الشلهمة Author: سمية الحسن طلحة Date: 03-26-2007, 09:44 PM Parent: #222 وإنتو في كواستكن دي كان لقيتولكن واحدةً طافره قبلوها علينا جاي.. ــــــــــــــــــــــــــــــــــــ أنا ياأحمد دايما بخت كلمتين بدويات وبتأمل الفرق مثلا زى الكواسة والرواغة بفسرا بى مزاجى كدى الأولانية زولا منمهل والأخرانية زولا منكرب وعجلان رأيك شنو نديك من مسدار الفنجرى فوق البطانة ؟ لعقد مقارنة بين الأخوين والإختلاف الظاهر رغم انهم من بطن بيت واحد زى ما قلت كلام طه بشبهو فعلا طه أنا عايشتو إنسان مرهف للغاية ولوحاتو تستاهل ناس نور الهادى والتشكيليين أما الفنجرى تحش فى شعره الخشونة ودا داير نجارين زى نزار حسين و مجاهد عبد الرحمن لكم تحايا وسلام وإحترام Post: #224 Title: Re: ود الشلهمة Author: على احمد النعيم Date: 03-27-2007, 06:38 AM Parent: #223 Quote: رأيك شنو نديك من مسدار الفنجرى فوق البطانة ؟ ودى دايرا شوره يا بت طلحة؟ إذنك معاك قولى لا اسكت الله لك حسا Post: #225 Title: Re: ود الشلهمة Author: Ahmed Yousif Abu Harira Date: 03-27-2007, 06:49 AM Parent: #223 Quote: رأيك شنو نديك من مسدار الفنجرى فوق البطانة ؟ لعقد مقارنة بين الأخوين والإختلاف الظاهر رغم انهم من بطن بيت واحد سمية كيفنك؟ لا مانع لدي طبعا...ولا تنسي وعدك بتنزيل شعرهما فوق شقيقهما المرحوم عمر.. والفنجري شاعر معروف...رغم أنو نال حظا أقل من الشهره مقارنة بشقيقه طه.. وده مجال جيد للمقارنة بين شاعرين من نفس البيت والبيئة والاتنين تناولا نفس الموضوع (البطانة).. أنتظر مع المنتظرين ، ومن يوم الليلة سلمناك مقود هذا البوست وتنحينا إلى المقاعد الخلفية.. و دمتم Post: #226 Title: Re: ود الشلهمة Author: سمية الحسن طلحة Date: 03-27-2007, 07:15 AM Parent: #225 لالا يا أحمد دا شعرا ماعندى ليهو رقبة تظل أنت ورباعتك فى مكانكم وسأرفدك بى ال الله بقدرنى عليه وإلى أول الغيث... Post: #227 Title: Re: ود الشلهمة Author: سمية الحسن طلحة Date: 03-27-2007, 07:19 AM Parent: #226 دوبيـــت : الفنجري فوق البطانة برقِك قلـَّع السارية أم صبيبا ســاح وتعّـالك كتـَـم من الهـواء اللفــّــاح رعـدك رَزّ في المطرة التقيلة وقاح وهَجـِك لاقى شمس الغيبة باكِر زاح Post: #228 Title: Re: ود الشلهمة Author: Ahmed Yousif Abu Harira Date: 03-27-2007, 05:07 PM Parent: #227 Quote: برقِك قلـَّع السارية أم صبيبا ســاح وتعّـالك كتـَـم من الهـواء اللفـاح رعـدك رَزّ في المطرة التقيلة وقاح وهَجـِك لاقى شمس الغيبة باكِــر زاح هنا الذخيرة واحدة وفكرة البناء والتصوير متقاربة جدا... يعني الفكرة بشكل عام قريبة جدا جدا .. ولو جيتيني وقلت لي عمك طه قال الكلام الفوق ده ...لن استغرب واصلي Post: #229 Title: Re: ود الشلهمة Author: ودرملية Date: 03-28-2007, 02:19 AM Parent: #228 سلامات وعوافي يا ودابحريرة امانك اخوك ماغلتان غلت شديد خلاس .. يازول بوستيك دا منجم يعلم الله .. واخوك شوفو كعب علا بكرة بطبعوا هارد كوبي بالخط الغلاد داك باقيلك المسادير دي بتفك الزهج وبتجيب الرايحة .. مرحبا بي النحرير ود الشلهمة .. وبي صناديد البطاحين لي حدهم .. اها طبعا نحن البطاحين ديل بيربطنا بيهم نسب ..ظنيتك بتعرف عيال "ابقمزة" ..تيرابن في كوستي والخرطوم وما اظن فضل منهم شي علي ابودليك وباقي العقاب علا منتشرين في قري الجزيرة والبنادر .. بجيك صادي بخدر ضراعك يالعزيز .. وامانة البوست ما لقالو حارس .. Post: #230 Title: Re: ود الشلهمة Author: على احمد النعيم Date: 03-28-2007, 06:17 AM Parent: #229 Quote: برقِك قلـَّع السارية أم صبيبا ســاح وتعّـالك كتـَـم من الهـواء اللفــّــاح رعـدك رَزّ في المطرة التقيلة وقاح وهَجـِك لاقى شمس الغيبة باكِر زاح بت طلحة سلامات انا غايتو زى ما قال اخوى احمد زول نيل وجروف وباعى فى الغنا مو طويل، لكن اقولك ان ما قرأته عن ود الشلهمة فى هذا البوست وبين كلام الفنجرى الفوق دا فى رأيي يخرج من مشكاة واحدة. واصلى وسوف نتابع بشغف Post: #231 Title: Re: ود الشلهمة Author: Ahmed Yousif Abu Harira Date: 03-28-2007, 06:23 AM Parent: #229 أخونا العزيز ود رملية مرحبا بك وحللت أهلا ونزلت سهلا... تعرف نحن قربنا نقطع في ناس الدوحة ديل وأوشكنا نقول ما فيهم رِفقة... وإنت يا دوب التاني بعد قريبي ود الأمير يزور مكاننا ده... لكن بعد وعدك القاطع بالعودة نخت اللوم الشايلنو...وننتظر. --- أهلك البطاحين ناسا مزواجين لكن بي فهم...البتعجبهم خصالوا (من الرجال) بكرموهو ، يعزوهو وبناسبوهو.. شرفتنا كتير يا ود رملية ومرحبا بك once again .. Post: #232 Title: Re: ود الشلهمة Author: سمية الحسن طلحة Date: 03-28-2007, 08:27 AM Parent: #231 أحمد وود النعيم لولا أننى سمعت كلام الفنجرى دا من خشم عمر ود طه لى أضانى لأختلط على الأمر زيكم ولكن كما قال أحدهم معبرا عن غلظة وخشونة كلام الفنجرى : ـ (مرحاكة الفنجرى طحينافشخة و درااش ) أصبروا جاييكم لوتو ... إتسمحتي من صيفة وخـلاء وقهَبونة واتفشَّت سحابتـك فوقــك المشحونة أصبَحَت المواطي والضهور مطيونة واتكسِّـيــتي بي تيابــاً مَنـوّع لونا Post: #233 Title: Re: ود الشلهمة Author: Ahmed Yousif Abu Harira Date: 03-28-2007, 09:06 AM Parent: #232 Quote: إتسمحتي من صيفة وخـلاء وقهَبونة واتفشَّت سحابتـك فوقــك المشحونة أصبَحَت المواطي والضهور مطيونة واتكسِّـيــتي بي تيابــاً مَنـوّع لونا هنا الدروب قرررررربن يتفرقن... البيت الأول مع دقة تصويره لكنه حاراً نار... صيف وخلا وقهبونة...ورِهاب وعطش ويباس ريق... لكن المقطع الأخير فيه شئ من نفس طه.. --- أرجو أن لا نقسو على الفنجري عندما نضعه في موضع المقارنة مع طه... يمكن محاولتو في ان يتخذ لنفسه منهج مستقل بعيدا عن منهج طه هو ماجعل مرحاكتو طحينها فشخة ودراش ..مقارنة بي غزل طه الدقيق وكاميرتو الديجيتال Post: #234 Title: Re: ود الشلهمة Author: gessan Date: 03-28-2007, 09:45 AM Parent: #1 سلام .. فلتواصل أختنا العزيزة سمية في غنا الفنجري ..الله يديها العافية .. عندي تسجيل صوتي يحكي فيهو "ود شعيت" عن قصة مجلس جبنة"وزنين".. حاولت تفريغه كتابةً ..حتى نقف على ما يحكونه عن مجالس أنسهم .. رايكم شنو ..نشوفو ونثري بيهو البوست دا؟؟ خاصة وأن سمية لديها فكرة اكثر مني حول مجلس وزنين. او كأني سمعتك يا اب حريرة إنك حترجع لي ود شعيت براهو ..ففي هذه الحالة سننتظرك طبعاً.. أها شِن رايكم ؟؟ سلام تاني .. Post: #235 Title: Re: ود الشلهمة Author: سمية الحسن طلحة Date: 03-29-2007, 07:07 AM Parent: #234 سلام .. فلتواصل أختنا العزيزة سمية في غنا الفنجري ..الله يديها العافية .. ـــــــــــــــــــــ الله يعافيك أخى العزيز أها شِن رايكم ؟؟ ـــــــــــ أرى أن هذا الأمر لايختلف عليه إثنان وبالمناسبة أنا كنت أضن بمثل هذه الأقوال الصحاح لأنى لاأجد مقاما يناسبها وكنت أتلهى عنها ببوستات تسد الرمق هنا وهناك وتناسب وتتماشى مع الفهم السائد مع إحترامى لكل القامات بالمنبر..... ولكن أحمد ربنا يديه العافية فتح هذه الدار ولذا وجب علينا إيراد كل مالدينا من كلام هؤلاء الفحول فلنتعاون جمعينا فى جمع هذا التراث الثروة... فبعد أن ننهى ما بداناه عن ود الشلهمة نتجه لصنوه ودشعيت وهكذا ويجب أن لايبخل صناديد القراء بما لديهم وفاءا لهؤلاء . Post: #236 Title: Re: ود الشلهمة Author: سمية الحسن طلحة Date: 03-29-2007, 07:13 AM Parent: #235 نواصل مع الفنجرى فوق البطانة فيك لون الصفاري ذي كِم البَرَص مجليّة واللبلب حُمرتـُو تقول عُيون قمرية إنفرش التـَبَر عِرقـو إنفرط شمسيـة يضرب في شعاع شمش الصباح النيّة Post: #237 Title: Re: ود الشلهمة Author: Ahmed Yousif Abu Harira Date: 03-29-2007, 07:29 AM Parent: #236 Quote: كأني سمعتك يا اب حريرة إنك حترجع لي ود شعيت براهو ..ففي هذه الحالة سننتظرك طبعاً.. قيسان كيفنك؟ طبا ما عندي مانع... لكنني أقترح تأخيره شوية حتى تنتهي سمية من كلام ود الشلهمة والفنجري ومن ثم نجي فوق القامة عبد الكريم ودشعيت ومجادعاته مع زملائة من كبار الشعراء في صالون وزنين الأدبي.. Post: #238 Title: Re: ود الشلهمة Author: gessan Date: 03-29-2007, 08:52 AM Parent: #1 سلام عليكما.. يا سمية واحمد.. انا في حالة زي دي ..ببقى متابع ليكم ..حاشوف لي سَمرة ضليلة انزّل فيها مخلوفتي .. واقيّد الجمل يرعى في السِليم القريب دا ..وياني ماني بعيد منكم .. ونامن تبقوا علي يا أحمد "أومي" لي بالعِمة .. سلامين .. Post: #239 Title: Re: ود الشلهمة Author: Ahmed Yousif Abu Harira Date: 03-29-2007, 11:50 AM Parent: #238 Quote: فيك لون الصفاري ذي كِم البَرَص مجليّة واللبلب حُمرتـُو تقول عُيون قمرية Quote: إنفرش التـَبَر عِرقـو إنفرط شمسيـة يضرب في شعاع شمش الصباح النيّة الفنجري تشبيهاتو غريبة شوية... ألم يجد تشبيها للصفار غير البرص؟... وبعدين ما في شبيه للون الأحمر أقرب من لون عيون القمرية؟ وكم من الناس رأى لون عيون القمرية ليتاكد ان كانت حمراء أم عسلية؟؟ التشبيهات في البيتين الأخيرين فيها عذوبة مقارنة بالبيتين الاولين.. تشبيهه (لإنفراش) عرق التبر بانفراط الشمسية جميل على الرغم ما فيهو من معاصرة تؤخذ على شعراء البادية.. اعود وأقول أن ذخيرة طه اللغوية أوسع كثيرا كثيرا من ذخيرة شقيقه الفنجري.. Post: #240 Title: Re: ود الشلهمة Author: Balla Musa Date: 03-29-2007, 01:03 PM Parent: #239 Quote: جبالك جَبَد كُجَرْ ......التِعُول واتغطى شوف هذه الجمادات من الجبال كيف تحولت الى أحياء متوهطة فوق تبروقة البطانة ومنسندة على مخدتها الخضراء ومدت يدها وجبدت كجر التعول واتغطت!!! شوف كلمة (جبد) المفعمة بوفرة (كجر التعول) والقابلة لأن تنجبد لتغطى كل الجبال. أبحريرة وسمية بت طلحة ربنا يديكم العافية يا النفوسكم صافية. Post: #241 Title: Re: ود الشلهمة Author: سمية الحسن طلحة Date: 03-30-2007, 09:04 AM Parent: #240 إتحلـّيتي بى طيباً وطاكي عريــس مرقــن فوقـــك المتحزِّمَات بالدِيس فكـّن فيك بخور واتمطـَّرن بالسيس خلـّن عاشِقِن يابسـاً لهاتــو بَسِيـس Post: #242 Title: Re: ود الشلهمة Author: Ahmed Yousif Abu Harira Date: 03-30-2007, 11:05 AM Parent: #241 Quote: إتحلـّيتي بى طيباً وطاكي عريــس مرقــن فوقـــك المتحزِّمَات بالدِيس فكـّن فيك بخور واتمطـَّرن بالسيس خلـّن عاشِقِن يابسـاً لهاتــو بَسِيـس سلمت يدا جلالتك...وأدام تاجك وعزك مرقــن فوقـــك المتحزِّمَات بالدِيس فكـّن فيك بخور واتمطـَّرن بالسيس بخور الفنجري مع نسايم طه يزيدن البطانة حلا فوق حلاتها المتأصلة فيها.. Quote: خلـّن عاشِقِن يابسـاً لهاتــو بَسِيـس * التعبير عن العشق بي عبارات مثل يباس الريق ونشاف اللهاة ده فيهو شفافية شديدة بالحيل.. * البسيس نشاف محلل للجزيئات ...والدقيق أقرب وصف له. Post: #243 Title: Re: ود الشلهمة Author: Ahmed Yousif Abu Harira Date: 03-30-2007, 11:17 AM Parent: #242 Quote: شوف كلمة (جبد) المفعمة بوفرة (كجر التعول) والقابلة لأن تنجبد لتغطى كل الجبال. الدكتور/بله ود موسى عندما نظم ود الشلهمة جداريته عن البطانة كان يعني من يمتازون بهذه الذهنية النابهة...ونحمد الله أنه لا زال هنالك من يستوعب هذا الجمال في العصر ده وبعد مرور عقود على رحيل ودالشلهمة (رضي الله عنه) كما تحب ان تبجله ... مداومتك معانا تمنحنا العزم على المواصلة ولك دوام المعزة والتقدير Post: #244 Title: Re: ود الشلهمة Author: doma Date: 03-30-2007, 11:20 AM Parent: #241 سلووووووم اهل الدار يا جماعه انا اليوم ما فضلت فيني دمعه تب من دخل داركم لمن مرق دماعي يتشتت متل حب العيش . قيسان يا جنا لنك الحفظ ما تنسا Post: #245 Title: Re: ود الشلهمة Author: Ahmed Yousif Abu Harira Date: 03-30-2007, 11:28 AM Parent: #244 Quote: سلووووووم اهل الدار حباب خالة الكل دومة حباب صوت العقل والحكمة والاتزان بالمنبر حباب داعية الحق والجمال والسلام ونحن متلبسون حالة من الشرف الكبير بسبب هذا الحضور البهي Quote: يا جماعه انا اليوم ما فضلت فيني دمعه تب من دخل داركم لمن مرق دماعي يتشتت متل حب العيش . ده لأنك حنينة وأصيلة ونبيلة شكرا الأستاذة دومة...ولك دوام الإحترام والتقدير.. Post: #246 Title: Re: ود الشلهمة Author: Yassir Tayfour Date: 03-31-2007, 05:22 AM Parent: #245 فوق __ لا غادي.. Post: #247 Title: Re: ود الشلهمة Author: سمية الحسن طلحة Date: 03-31-2007, 10:07 PM Parent: #246 أتسمحتي من صيفـة وسمومـاً قالية واتلاقت سواريك ياأم صبيب متـوالية فكـّيتي الدُعاشــات والنسايــم الحالية عربك ختـّو بى نيب الضهــور العالية Post: #248 Title: Re: ود الشلهمة Author: ودرملية Date: 04-01-2007, 02:20 AM Parent: #247 سلامات وعوافي حباني عيال البطاحين والحداهم .. صبحتو بي رضاي الله .. اها صالونكم متقب بالضيوف وناركم موقدا وابلكم واقفا وراسكم مزين كبد الوعر ..امانة مابتعجبوا يالحبان كرمكم دافق ورا وقدام .. دحين سالتكم بي الله ديوانكم دا ماتسدوا بابوا كلو كلو .. اياها واحتنا نجي نتكي فيها نشربلنا فنجان الييل قهوة ونبقا مارقين علي معايشنا .. اها اقعدوا عافية وانشاء الله الخير طاريكم صباح ومسا .. Post: #249 Title: Re: ود الشلهمة Author: سمية الحسن طلحة Date: 04-01-2007, 07:26 AM Parent: #248 Quote: دحين سالتكم بي الله ديوانكم دا ماتسدوا بابوا كلو كلو .. ود رملية الخير حالك وفالك ودارا إنتو من زوارا ما بتنسد تب بإذن الله فى وداعة الله. Post: #250 Title: Re: ود الشلهمة Author: سمية الحسن طلحة Date: 04-01-2007, 07:33 AM Parent: #249 الأخوان سلام جرعتين من الفنجرى الأولانية قبل مداخلة ودرملية وهاكم التانية :ـ هَــرّاسِك عاتم الليل أب صبيبا سـاقي ووديانــك لفض بـــاردِن متــــلاقي عربك قامو تب ماخلـّو فيهُن باقي جاك المن سـقط الزيف ضراهو يتاقي Post: #251 Title: Re: ود الشلهمة Author: سمية الحسن طلحة Date: 04-01-2007, 08:20 PM Parent: #250 برقك شــال سحابـــو ولحّ متوطيك صبّح ماك راكب فــوق ضهر عاليك القلب قام مع عربــاً نشــوقـن فيـك عُقب ياعيني حرمانه الســهاوي عليك Post: #252 Title: Re: ود الشلهمة Author: Balla Musa Date: 04-01-2007, 10:49 PM Parent: #251 سمية بت طلحة إليك تحية أخ لأخته الفنجرى ياسمية أخد المعانى من طه ولكنه لم ينجح فى تصويرها كما فعل أخاه. عندك هنا فى دى: Quote: برقك شــال سحابـــو ولحّ متوطيك صبّح ماك راكب فــوق ضهر عاليك القلب قام مع عربــاً نشــوقـن فيـك عُقب ياعيني حرمانه الســهاوي عليك أديك مثال لما تحته خط: Quote: بى قلبى المعاكن ياحبيب اتوصى وكل بيت له مايشابهه فى المعنى عند طه ويفارقه فى دقة التصوير. غايتو يكفيه فخرا أنه أخو طه ودالشلهمة. Post: #253 Title: Re: ود الشلهمة Author: Ahmed Yousif Abu Harira Date: 04-02-2007, 05:47 AM Parent: #252 الأرباب ياسر طيفور يا صديقي.. يكفينا فخرا انك مررت من هنا... وعلى ذلك نشكرك ونتعشم في المعاودة Post: #254 Title: Re: ود الشلهمة Author: Balla Musa Date: 04-02-2007, 05:58 AM Parent: #253 مقارنة سريعة : قال طه: من قدحي البريقات ..مايقي سَقَدْ وحسّ وفى نفس المعنى: سَقّد مايقي روقة الغمدة ...مابِتطلو قال الفنجرى فى ذات المعنى: عُقب ياعيني حرمانه الســهاوي عليك Post: #255 Title: Re: ود الشلهمة Author: Balla Musa Date: 04-02-2007, 06:16 AM Parent: #254 قال الفنجرى: صبّح ماك راكب فــوق ضهر عاليك شوف هنا تحس أنو الماء راكد آسن لايتحرك وجالس فى مكان عالى.بل ربما يعطيك صورة أن المعالى متحركة والماء ثابت على ظهرها. وفى ذات المعنى قال طه: وسيلك لمعاليك والمرَانِع كَاشْ وهنا: مَعَلاكْ طينتو خضرا وسيل مهاويك جاري وهنا: وعَوَالِيكْ البِسِنْدُو عليها ...مَاهِنْ غَرّقْ شوف هنا عنفوان السيل وجريانه وحركته التريانة بالحياة. لاحظ الصورة السيل نزل من المعالى وترك أثرو فيها طينة خضرا وهاهو جارى فى المهاوى. وشوف كلمة كاش للمعالى والمرانع. ولاحظ العوالى ماهن غرق مابال المهاوى!! صور دقيقة وحية ومتحركة. Post: #256 Title: Re: ود الشلهمة Author: Ahmed Yousif Abu Harira Date: 04-02-2007, 06:24 AM Parent: #255 بله ود موسى انا لابد في الركن ده ومتابع هذه المقارنات ...ومستمتع جدا...ومنتظر المزيد Continue Post: #257 Title: Re: ود الشلهمة Author: سمية الحسن طلحة Date: 04-02-2007, 07:36 AM Parent: #256 أخى ياسر طيفور رفع الله قدرك لن نسامح أنفسنا إذا تركناك ترحل من المنبر لك التحايا. الأرباب/ بلة ودموسى كنت أنتظر هذه الإبداعات منك أنصفت طه... وهل تعلم أن الفنجرى يكبر طه سنا....! ولكن بالطبع ليس هذا مقياسا . نواصل مع تصوير الفنجرى للبطانة :ـ َرزّت فوقــك الخنـّا الدّويـها تـقيــل علاويــك كلهن متحـزمات بالســيل نزلن فيــك متجــاورات جنايب خيل فـُراقك حرّ ياأم طعَمَــاً سمح بالحيل Post: #258 Title: Re: ود الشلهمة Author: ابو جهينة Date: 04-02-2007, 08:25 AM Parent: #257 الأستاذ أحمد أبو حريرة تحياتي و إحترامي تابعت هذا البوست المتدفق جمالا و ألقا و الصمت في حرم الجمال جمال... أنظر أخي إلى هذا الكلام Quote: قَبَضْ القِبلي في كُوع الشمال برّاقِكْ وقَشّطْ سدرو في عَامِر سحابو وسَاقِكْ تِبُوبِكْ قَرّننْ السيل دَهَجْ شقاقِكْ والضايق نُشُوقِكْ حَار عليهو فُرَاقِكْ حرَّم كاميرا ديجيتال ما تجيب جنس التصوير دة .. أنظر إلى ( كوع الشمال ) .. وصف جغرافي يستحق أن يوضع ضمن مصطلحات الأطلس. ( قشط سدرو ) : مبالغة في الإيلاج ( عامر سحابو ) .. يجعلك تتذكر سحاب البطانة ذو اللون الداكن المخلوط بطبقات موغلة في البياض. ( دهج شقاقك ) ... إستعمل شقاقك و ليس المسافر عبر سهولك و وديانك .. فالذي يشق العتامير هو من يدخل معترك الترحال غير هياب ..يدخلها من حيث يشاء .. فهو أدرى بها كما يعرف أهل مكة شعابها. ( الضايق نشوقك ) ... و النشوق هو كل ما يتنشقه الأنف عن قُرْب .. و دعاشنا يسكن الأنف و القلب و الذاكرة .. متعك الله بالعافية .. Post: #259 Title: Re: ود الشلهمة Author: Ahmed Yousif Abu Harira Date: 04-02-2007, 12:07 PM Parent: #258 أبو النسب أبوجهينة ناظر عموم بورداب الرياض تشرفت كثيرا بمرورك ...وقد عزيت نسابتك.. ونحن بحاجة ماسة الى قلمك للكشف عن هذه المعاني السامية مع وافر التقدير Post: #260 Title: Re: ود الشلهمة Author: على احمد النعيم Date: 04-03-2007, 05:32 AM Parent: #259 كلمة حق يجب ان تقال وهى ان هذا البوست الذى قام فيه الاخ ابو حريره بتوثيق بعض روائع الشاعر الفحل ود الشلهمه لا اقول قد كان ولكنه مازال فاكهة هذا المنبر ، وكان حرى به ان يكون فى الصفحة الاولى دائما لان شاعره قد سطر اسمه اصلا فى سجل الخالدين والمبدعين. جزى الله خيرا الاخ ابو حريره على هذا المجهود المقدر ، ونرجو منه ايضا ان يواصل فى مسعاه ويجمع ما تبقى من هذه الروائع من فحول شعراء البطانة قبل ان يطويها غبار النسيان. Post: #261 Title: Re: ود الشلهمة Author: سمية الحسن طلحة Date: 04-03-2007, 05:54 AM Parent: #260 Quote: ( دهج شقاقك ) ... إستعمل شقاقك و ليس المسافر عبر سهولك و وديانك .. فالذي يشق العتامير هو من يدخل معترك الترحال غير هياب ..يدخلها من حيث يشاء .. فهو أدرى بها كما يعرف أهل مكة شعابها. الأديب الأريب / أبوجهينة ثراء وتنوع تعمر به محافلك ليس فى حاجة لإلقاء الضوء عليه من حروفى الكليلة... ولكننى أختلف معك فيما ذهبت إليه فى هذا الشرح ياأبو النسب ... الشقاق هنا هى جمع قلة وهى شقوق الأرض ومفردها شق... والله أعلم لكم ودى. نواصل مع تصوير الفنجرى للبطانة :ــ برّاقك فجيجو متـوالي لاالصباح مانام عربـِـك عَـيَّنـو الشيـله وعـقـيـدُن قام ساقـو جَنِيبـَة الملك المِسِـيلا حــزام وعاشقك إن انتكل فوق جلدو مابنـلام Post: #262 Title: Re: ود الشلهمة Author: ابو جهينة Date: 04-03-2007, 12:07 PM Parent: #261 الملكة سمية سلام لك حتى مطلع العودة للبلد Quote: ولكننى أختلف معك فيما ذهبت إليه فى هذا الشرح ياأبو النسب ... الشقاق هنا هى جمع قلة وهى شقوق الأرض ومفردها شق... والله أعلم بالرجوع لمعنى ( دهج ) فإن ما ذكرتيه يتوافق مع ( شقوق ) .. شكرا للتنبيه Quote: برّاقك فجيجو متـوالي لاالصباح مانام تعرفي يا سمية .. في السبعينات .. قطعت العتمور في فصل الخريف ذهابا و إيابا .. فجيج البروق يجعلك تحسين بأن هناك جوقة مغنين يصاحبها كورال و أوركسترا .. فتارة البرق يديك كوبليه وهاج .. ثم تأتي العتمة قليلاً .. لينبثق برق بعيد في خط متعرج كوتر جيتار يئن و يترنح مع السلم الموسيقي و هكذا دواليك للصباح .. و يا هو دة المتوالي للصباح Quote: وعاشقك إن انتكل فوق جلدو مابنـلام لا حول و لا قوة إلا بالله العلي العظيم .. شفتي العاشق دة ؟ كِمِل لحمو و إنهرس عضمو و ما باقيلو إلا الجلد يتكل عليهو حيلو .. قمة الإعتصام الروحي و الجسدي .. لدرجة أنه لا لوم عليه و لا هو يحزن .. واصلوا Post: #263 Title: Re: ود الشلهمة Author: سمية الحسن طلحة Date: 04-03-2007, 09:02 PM Parent: #262 Quote: واصلوا أبوجهينة شكرا غير منفصم طلباتكم أوامر نحن هنا لتلبيتها نواصل مع الفنجرى والبطانة :ـ فيـك سـماح مناظراً يجـذب الناظرين فيـك ناس بلا كحـله ودلال سمحين شــفت جَمَـال عــرباً بجــوك ناشقين يتـمثـل على حــور الجـنــان العـيــن Post: #264 Title: Re: ود الشلهمة Author: سمية الحسن طلحة Date: 04-04-2007, 07:10 AM Parent: #263 سـماك زُرقتو زي الطاجـن الممسوح واتـَّكـّـل سحابك زي سـطــور اللـوح أتحلــّيتي بى طيبـاً روايحــو تـفـوح وفيـك ريحــة دُعاشاتـاً تــرد الروح Post: #265 Title: Re: ود الشلهمة Author: Ahmed Yousif Abu Harira Date: 04-04-2007, 08:05 AM Parent: #264 Quote: سـماك زُرقتو ...زي الطاجـن الممسوح واتـَّكـّـل سحابك..زي سـطــور اللـوح أتحلــّيتي بى طيبـاً روايحــو تـفـوح وفيـك ريحــة دُعاشاتـاً تــرد الروح وفيك ريحة دعاشاتن ترد الروح... Post: #266 Title: Re: ود الشلهمة Author: سمية الحسن طلحة Date: 04-04-2007, 08:15 AM Parent: #265 Quote: وفيك ريحة دعاشاتن ترد الروح... شكرا أحمد لهذه اللفتة الذكية والإنتباهة البارعة للخطأ المطبعى وفعلا ... فيك ريحة دعاشاتن !!! ترد الروح ... Post: #267 Title: Re: ود الشلهمة Author: سمية الحسن طلحة Date: 04-04-2007, 07:10 PM Parent: #266 والآن ننقلكم إلى جانب آخر ... إلى ملحمة بطولية من ملاحم أولاد الشلهمة طه والفنجرى فى رثاء شقيقهم عمر وضربة البداية مع الفذ طه ود الشلهمة :ـ الشِّـي الفِيـك مَاهَا ظنُون تمَام مَأكُـودَه واجبـَـة السُــترَة للبتلك دَوَابي جـدُودا يافـارس الطوَاقِيهُــن حَدِيـــد الخُـودة المـوت مُوبدعَــة لكن الرجَال مفقودة Post: #268 Title: Re: ود الشلهمة Author: Balla Musa Date: 04-05-2007, 02:28 AM Parent: #267 Quote: إلى ملحمة بطولية من ملاحم أولاد الشلهمة ايواااااااا دا الكلام الأنا راجيه لى مدة. بت طلحة زيدينا أدام الله فضلك يابت ملوك البطانة. تعرفى أنا البوست دا مع بوست ود النعيم خاتيهم فى (الففريت) ومرات كتيرة بفتحهم مباشرة دون الولوج للمنبر العام. تحياتى وتقديرى Post: #269 Title: Re: ود الشلهمة Author: على احمد النعيم Date: 04-05-2007, 05:19 AM Parent: #268 Quote: تعرفى أنا البوست دا مع بوست ود النعيم خاتيهم فى (الففريت) ومرات كتيرة بفتحهم مباشرة دون الولوج للمنبر العام. تسلم اخى الدكتور بله، ولمثلك والله تنثر الدرر، ولا غرو فى ذلك لانك تعرف تماما من اين تؤكل الكتف. وجزى الله خيرا الاخت سمية لمواصلتها فى هذا البوست، والعشم كبير فى ان تواصل وبالذات هذه الملحمة البطولية التى بدأتهاحتى نرى كيف تبكى الاسود. Post: #270 Title: Re: ود الشلهمة Author: Ahmed Yousif Abu Harira Date: 04-05-2007, 06:20 AM Parent: #269 سمية نحن طبعا عاجزون عن الشكر (وبس خلاس) Quote: المـوت مُوبدعَــة لكن الرجَال مفقودة هكذا يبكي الرجال الرجال إذا نطق رجلا بهذه العبارة ، فاعلم أن كل الاحزان قد تجمعت في أم قلبه.... وشوفو معي كيف جمعت هذه العبارة البسيطة في طياتها بين اليقين والجزع... وتخيلوا مفهوم اليقين ومفهوم الجزع...من حيث الحجم...وكيف لعبارة مثل هذه ان تحتويهما... والأهم من ذلك ..أنظروا لمقدرات طه (الشاعر) ...شاعر الجمال والمجبول عليه ..وشوفوهو كيف يجمل الموت بعد ان جمل لنا الحياة.. Post: #271 Title: Re: ود الشلهمة Author: سمية الحسن طلحة Date: 04-05-2007, 07:10 AM Parent: #270 سلام الأخوان / بلة وود النعيم وأب حريرة ماطلبتوا محال طلبكم على العين والرأس لنرى كيف تبكى الأسود ياود النعيم وكيف يجمل الموت هذا الشاعر الجميل طه ود الشلهمة :ــ قـلبـَـك مُو لحـــم من الدَبَادِب طايـر صِندِيـد وَقعَـة العَركَة الخِيولها دَمَاير الموت ياجَلِيـس أم رُوبَـه كَاسَـاً دَاير سمَاحُو عليك ذي نُورة العَريس السـاير Post: #272 Title: Re: ود الشلهمة Author: على احمد النعيم Date: 04-05-2007, 08:03 AM Parent: #271 Quote: الموت ياجَلِيـس أم رُوبَـه كَاسَـاً دَاير سمَاحُو عليك ذي نُورة العَريس السـاير يا الله يا الله والله لقد الجمت الألسن يا بت طلحة. ولا يسعنى الا ان اقول "يا ليتنى اموت مثل هذه الميتة" والسؤال الذى قفز الى ذهنى وانا اقرأ هذه المرثية هو كيف كان الفقيد وهو حى؟ واعجبنى ايضا ثبات الشاعر وايمانه بالقضاء والقدر "الموت يا جليس ام روبة كاسا داير" وحقا: وما المال والاهلون الا ودائع * ولا بد يوما ان ترد الودائع ولكن حق له ان يبكى طالما هناك جمالا يرى متجسدا على وجه الميت. Post: #273 Title: Re: ود الشلهمة Author: Ahmed Yousif Abu Harira Date: 04-05-2007, 08:53 AM Parent: #272 قـلبـَـك مُو لحـــم من الدَبَادِب طايـر صِندِيـد وَقعَـة العَركَة الخِيولها دَمَاير الموت ياجَلِيـس أم رُوبَـه كَاسَـاً دَاير سمَاحُو عليك ذي نُورة العَريس السـاير البيت الأخير في غاية البلاغة والعزم في مواجهة الموت ليس من المحكوم عليه بالاعدام وحسب بل من أخوته الذين حضروا لحظة تنفيذ الحكم. ومن حسن الحظ ان فيهم شاعرنا البهي ود الشلهمة الذي صور لنا هذه اللقطة العجيبة.. ومع ذلك أجد البيتن الأول والثاني في غاية القوة ..لماذا؟ لأن كلاهما قد اعدنا لقبول امكانية تهلل وجه المحكوم بالاعدام شنقا حتى الموت ليشبه وجه العريس (الساير) وما ينتظره من سرور وحبور في عش الزوجية الجديد.. فهذا الفارس الجحجاح قد فتح صدره لمواجهة الموت باسارير متهللة وقابله بوجه منور ونفس طيبة راضية بحكم الله..كيف لا وقلبه ليس من اللحم يطير مع وقع النوازل.. بدا الرجل متصالحا مع نفسه في تلك اللحظة ولعله كان كذلك على الدوام..ومشهود له انه صنديد يقابل المعارك ذات العدد الذي لا يحصى من الخيول والفرسان والسلاح..فالموت إذن ليس إلا لحظة قد اعد لها نفسه منذ زمن قديم.. Post: #274 Title: Re: ود الشلهمة Author: Balla Musa Date: 04-05-2007, 12:59 PM Parent: #273 Quote: سمَاحُو عليك ذي نُورة العَريس السـاير الفارس معلق ولا الموت معلق? كما قال صلاح أحمد إبراهيم. Post: #275 Title: Re: ود الشلهمة Author: nourelhadi awad Date: 04-05-2007, 03:03 PM Parent: #1 غلبني أقرأ واسكت صان وشعر جلدي يكوش منو وليو وأركب سابح الجن وأقوم سداري من يومي يتوه حالي من حالو وتجض عروقي تفر جلدي تتوترن واتشابا هديك الملكة وين شبهك يالرايهوب جدي الصي وهداك ود أب حريرةالبار صقر جديان ولدا نجيض مو ني ها اااااناس بدور سوطين يعدلو الراس وفنجان جبنة فوق الريق وسيف مدهون وجمل عنافي وماممطيع وود الشلهمة المبروك يجر النم وضمة لايسكت حرم وانعل خاشي وتراني حلف أهيج في الخلق من جم وأكاتل الضل (راكز فوق عصاة بطحان والطاقية في القنقون) اسوط حدالبلد من شرقي لي حد غربي وتسمع سج وتسمع وووووووب نار ميقودة مو حطب طندب وهبودة بحرق النار ويالجمالكم نورالهادي Post: #276 Title: Re: ود الشلهمة Author: سمية الحسن طلحة Date: 04-06-2007, 06:54 AM Parent: #275 Quote: وود الشلهمة المبروك يجر النم وضمة لايسكت حرم وانعل خاشي وتراني حلف أهيج في الخلق من جم وأكاتل الضل ياجماعة أتزاخرو للزول البكاتل ضلو دا !!! نور الهادى يازول وين ردك ووين بلودك نحن شاشينا ليك ودودرنا فى كل البوستات رمينا مالوفة كان تقبض واحدتن منهن وتجيبك هنا جيدن جيت أنت مطلوب هنا بالإسم لرسم لوحات كلام طه ودالشلهمة :ـ ما بخلك حديث صنديد وقلبك قوى والعمر أصلو موعود بالقبر ياضوى خايف من ملامة النار غرامو تكوى كتر خيرك إت علا الرجال بتسوى Post: #277 Title: Re: ود الشلهمة Author: سمية الحسن طلحة Date: 04-06-2007, 07:02 AM Parent: #276 الموت البريع القلب ويخافو الناس فرحان بيهو تضحك منبسطلو خلاس ! ؟ مساوى جدودو ندر فى الصدف فراس ماشفنالنا بنيانا بقيف غير ساس والله .... ماشفنالنا بنيانا بقيف غير ساس كلام عجيييب . حق لنا الفخر بالأباء والأجداد وبك ياطه وليس الإكتفاء بقول :ـ ها أنا ذا . Post: #278 Title: Re: ود الشلهمة Author: خالد المحرب Date: 04-08-2007, 06:08 AM Parent: #277 Quote: B]الموت البريع القلب ويخافو الناس فرحان بيهو تضحك منبسطلو خلاس ! ؟ مساوى جدودو ندر فى الصدف فراس ماشفنالنا بنيانا بقيف غير ساس الماعندو تاريخ يشوف ليه تاريخ ده احسن كلام سمعتو الصباح ده. الاخت سميه .جيبى لينا كلام الفرسه المى كضب دى .دا السبب الخلانى افتح بوست لى صدام لانى شفتو بام عينى امانه يالخوف ماكعب . تحياتى الى جميع من شارك فى هذا المهرجان مهرجان ود الشلهمة. صاحب الدار الابن احمد يوسف شكرا. Post: #279 Title: Re: ود الشلهمة Author: سمية الحسن طلحة Date: 04-08-2007, 04:59 PM Parent: #278 Quote: الماعندو تاريخ يشوف ليه تاريخ ده احسن كلام سمعتو الصباح ده. قلـبَـك مُـو لحَـم طِينـَـة وهـشِيـش دُرّابَة أصَـــمْ من الحُجَـاره الأرضهـن كـرّابة الـفـيــك ثـابـتــة مابـتـتـفـشّــر بتـتـورّابا ليهــا النـّاس شـهـود بينة وجميع قارّابا Post: #280 Title: Re: ود الشلهمة Author: سمية الحسن طلحة Date: 04-08-2007, 05:15 PM Parent: #279 دود رَبـِيـطـة الوعـرَة أب زرايبا كِـرّة حِسّـــك كضّـم ألبـِل عِـن صَقِعـة الجـِرّة ســايـم عُمـرو سَاخيـبـو ومسهلو بَــرّة خايـف من كـلامـا عُـقـبُـو لوم ومَعَـرّة Post: #281 Title: Re: ود الشلهمة Author: Ahmed Yousif Abu Harira Date: 04-09-2007, 06:43 AM Parent: #280 وي سلووووووووم انتو عارفين حرم أنا لي يومين مصاقر المنبر ده وقايلو عطلان ..أتارني فاتح الصفحة (القديمة) الميته وأشيل وأفتش عليك ياود الشلهمة سماء وطا مافي وبرق الصعيد مافي ..وأقول يا ربي الحاصل شنو؟ واحاول أتداخل مع الناس ماني قادر وتجيني الرسالة (لا يمكنك ...الخ) الماسنجر مافي...والمواضيع في الصفحة الأولى إياها زاتها ما بتتغير...قلت لي روحي حرم انهقلنا في منبرنا.. هسه بس حتين فَكَرتَ لي عبارة (عنوان المنبر الجديد) ودخلت لقيت الناس زي حيران ودعيسى يسووا أوووووووووو.. أمانة يا الجهل ماك نصيبه Post: #282 Title: Re: ود الشلهمة Author: Ahmed Yousif Abu Harira Date: 04-09-2007, 06:50 AM Parent: #281 Quote: دود رَبـِيـطـة الوعـرَة أب زرايبا كِـرّة حِسّـــك كضّـم ألبـِل عِـن صَقِعـة الجـِرّة ســايـم عُمـرو سَاخيـبـو ومسهلو بَــرّة خايـف من كـلامـا عُـقـبُـو لوم ومَعَـرّة انا سمعت انو الزول الفارس كان دخل الدكة ونضم ، ألبل بكضمن الجرة..وفي رأي أن البيت التاني من كلام ود الشلهمة يثبت هذا الزعم المأثور Post: #283 Title: Re: ود الشلهمة Author: ابو جهينة Date: 04-09-2007, 07:02 AM Parent: #282 و ما زال الركْب ينتظر الحداء و أنا أقرأ هذا الكلام الذي يملأ الصدر بشهيق هواء مؤكسد بالأصالة .. و أخرجه زفيراً من راحة الروح ..يتملكني شعور صادق بأنني على ظهر ناقة بشارية تطأ آكام البطانة شرقاً في ذاك الزمان المتخم بالعفوية و الرجولة و الفراسة و الشهامة .. واصلوا هذه الدوزنة Post: #284 Title: Re: ود الشلهمة Author: سمية الحسن طلحة Date: 04-09-2007, 07:43 AM Parent: #282 Quote: أمانة يا الجهل ماك نصيبه والله يا أحمد أخوى فقدتك قلت أتصل أشوفك لكن ما نى حارية ناس قيلى ديل فى شيتاً بغلبم على وش الأرض بعد شيطنتم دى.. أناهسع من أمس غالبنى أطبع عربى وأعمل رد من داخل الموضوع ولمن أطلع على الكمبيوتر يطبع عربى وتانى أنقله داخل الموقع كيبورد مدستر وبشتغل بمزاجو عربى وأفرنجى جن كلكى وريح أحمر وحبشى وخواجة ... كل شي ولا جهل التكنولوجيا دا أبْ رســوَه الكتـَل وَجّوُ ونتِرتـُو غَـتِيته يومَك في الكريهة صَدفـتوُ ماها بخيته ياصَنَـد الخِيـولا مــوَاتِى يـــوم الظِيـته بَرَاوَة عليك أخد فُرصَـه وشئونـك سيتا Post: #285 Title: Re: ود الشلهمة Author: Balla Musa Date: 04-09-2007, 03:10 PM Parent: #284 يبقى ديما فاتحة المنبر وينجينا من المغضوب عليهم والضالين. شكرا بكرى على الاستجابة!! Post: #286 Title: Re: ود الشلهمة Author: سمية الحسن طلحة Date: 04-09-2007, 06:26 PM Parent: #285 ماخـجـّـلتَ سِـــتـّات القـُـنـَاع الســابل وخلـّيت الوَرَاك وَدعِـيـنُـو قوّي يقابل مِمّا قـُمـتَ دُوداً للقواسِـــي مـدَابـِــل الموت أصلومَدرُوع في الوريد ومتابل Post: #287 Title: Re: ود الشلهمة Author: خالد المحرب Date: 04-10-2007, 03:40 AM Parent: #286 Quote: وخلـّيت الوَرَاك وَدعِـيـنُـو قوّي يقابل Post: #288 Title: Re: ود الشلهمة Author: على احمد النعيم Date: 04-10-2007, 05:32 AM Parent: #287 Quote: ماخـجـّـلتَ سِـــتـّات القـُـنـَاع الســابل وخلـّيت الوَرَاك وَدعِـيـنُـو قوّي يقابل مِمّا قـُمـتَ دُوداً للقواسِـــي مـدَابـِــل الموت أصلومَدرُوع في الوريد ومتابل يا بت طلحة الله يجزيك الف خير على هذا المجهود الرائع. وحرى بهذا الشهيد ان يبكى عليه مثل هذا البكاء طالما اجتمعت فيه كل هذه الشمائل والخصال السمحه. دمتى اختى ومنتظرين. Post: #289 Title: Re: ود الشلهمة Author: Ahmed Yousif Abu Harira Date: 04-10-2007, 06:05 AM Parent: #288 ماخـجـّـلتَ سِـــتّات القـُـنَاع الســابل وخلـّيت الوَرَاك وَدعِـيـنُـو قوّي يقابل مِمّا قـُمـتَ دُوداً للقواسِـــي مـدَابِــل الموت أصلومَدرُوع في الوريد ومتابل ------ رحم الله شاعرنا طه ود الشلهمة الذي يسلبك الخطاب ويخليك speechless و Thunderstruck ...يعني ما يديك فرقة لقول اي شئ سواء انك تمجمج راسك إعجابا وقبولا وإيجابا... وإذا فتح الله عليك بكلمة واحدة فلتكن لا حول ولا قوة إلا بالله !! غاية الامتنان لك يا سمية Post: #290 Title: Re: ود الشلهمة Author: سمية الحسن طلحة Date: 04-10-2007, 10:49 AM Parent: #289 ماظهَرَت علامة الخوف على صبي عـينو ودُوداً باقـي شَـبَك الخُـتــّه بينك وبينو هـِن حَــالاك حُـلُـــوياً مابتكمِّــل زينـو إلا يحجبـك المولى إن بقيـت جـِب شينو Post: #291 Title: Re: ود الشلهمة Author: على احمد النعيم Date: 04-10-2007, 11:00 AM Parent: #290 Quote: هـِن حَــالاك حُـلُـــوياً مابتكمِّــل زينـو إلا يحجبـك المولى إن بقيـت جـِب شينو خصال والله يا بت طلحه قل ان توجد. الله يديك العافية. Post: #292 Title: Re: ود الشلهمة Author: سمية الحسن طلحة Date: 04-10-2007, 01:58 PM Parent: #291 فيـك شيـتاً مأكدَه ماهـا دَايــــره شهُـود قِسِمْة المَولى ليك فـَرسَة ومكـارم وجـود علي وشّــَـك بتـتـخــايـل ملامــح الدّود مابـِتـزحْـزَح اليــــوم القِبـيــل مَوعُــود Post: #293 Title: Re: ود الشلهمة Author: Balla Musa Date: 04-10-2007, 01:59 PM Parent: #291 Quote: هـِن حَــالاك حُـلُـــوياً مابتكمِّــل زينـو إلا يحجبـك المولى إن بقيـت جـِب شينو بل هذه صفة الأغلبية ياود النعيم. القلة فقط يختلفون عن ذلك .. والقلة من الطرف الإيجابى متسامحون.. ومن الطرف الآخر غتيتون.. يكون حلوين قدامك ويدفنوا ليك. يا بت طلحة كنت قد سمعت أن لطه ودالشلهمة نضم فى أخيه عمر وتشوقت لسماعه خصوصا بعد براعته فى تصوير البطانة.. لاشك أنه جيد ولكنه يقل كثيرا عما نظمه فى البطانة والشطران أعلاه خير دليل. عندى أغنية بصوت على إبراهيم اللحو بقول مطلعا: أبوناصر بقول شعرى ولسانى مطرق وجبلى الفيهو من العاديات بتدرق.. وكلها بنفس قوة هذا المطلع بس للأسف فى كاسيت وماعرفت أحولو لسى دى أو أدخلها فى الكمبيوتر. Post: #294 Title: Re: ود الشلهمة Author: سمية الحسن طلحة Date: 04-11-2007, 04:33 AM Parent: #293 Quote: يا بت طلحة كنت قد سمعت أن لطه ودالشلهمة نضم فى أخيه عمر وتشوقت لسماعه خصوصا بعد براعته فى تصوير البطانة.. لاشك أنه جيد ولكنه يقل كثيرا عما نظمه فى البطانة والشطران أعلاه خير دليل. !!! لايتوافق رأيي مع رأيك هنا . Quote: بس للأسف فى كاسيت وماعرفت أحولو لسى دى أو أدخلها فى الكمبيوتر. لو تمنن علينا ببعض وقتك فتكتبه ثم تطبعه كما نفعل نحن نكون شاكرين ومقدرين وممنونين . الحـي فـيـــها موموعــود مِعَمـِّـر دِيمِـة واصــلو الدنيــا زايله وراحلة ماها مقِيمَة سـَـاسَـك رَسـمُو بَيّن، طوبتو ثابته قديمة إت عَمَـّرتـُـو ماباصَـــرتو بى تهدِيمَـة Post: #295 Title: Re: ود الشلهمة Author: على احمد النعيم Date: 04-11-2007, 05:42 AM Parent: #294 Quote: الحـي فـيـــها موموعــود مِعَمـِّـر دِيمِـة واصــلو الدنيــا زايله وراحلة ماها مقِيمَة هذا القول الذى يذكر بزوال الدنيا ذكرنى قول احد ابناء البطاحين كان مقيما فى الكويت ويدعى على حسن عكود، عاد فى إجازة واثناء إجازته غزا العراق الكويت وضاعت كل تحويشته، عندها قال شعرا كثيرا فى الحظوظ وفى الدنيا ووجهها العابس: التاريخ بسجل والدفاتر حاضرة اصلها دار خراب البى عمارها مغادرا بقت النفوس من غير سبب متهادره ما شفتوها فى ناس الكويت ساوالا ستين نادرة Post: #296 Title: Re: ود الشلهمة Author: Ahmed Yousif Abu Harira Date: 04-11-2007, 07:30 AM Parent: #295 Quote: يا بت طلحة كنت قد سمعت أن لطه ودالشلهمة نضم فى أخيه عمر وتشوقت لسماعه خصوصا بعد براعته فى تصوير البطانة..لاشك أنه جيد ولكنه يقل كثيرا عما نظمه فى البطانة والشطران أعلاه خير دليل بله ود موسى لك التحيات الطيبات أتفهم ما تقول ، وذاك من فرط حسن ظنك بالشاعر العظيم ود الشلهمة ، لكنني أختلف معك في التقدير. فشعر طه (فوق عمر) لا يمكن وصفه بأقل من "ممتاز" ...وفي رأي أن (الدوز) العالي الذي تعرضنا له من جدارية البطانة لود الشلهمة نفسه كان وسيظل معيارا تقاس عليه كل الإبداعات الأخرى من هذا الصنف... لكن لابد لنا ان ننتبه إلى إختلاف الموضوع واحساس الشاعر وحالته الوجدانية والظروف المحيطة بكل حالة على حده... وشخصيا أجد ان شعر (مدح) الشجاعة من أصعب المجالات..ومع ذلك اعتقد ان شعر طه عليه رحمة الله ، قد خلد عمر ولا ينقص مثقال ذرة من الرصانة والبلاغة والجزالة التي اعتدنا عليها منه.. ولكم دوام المحبة Post: #297 Title: Re: ود الشلهمة Author: سمية الحسن طلحة Date: 04-11-2007, 02:24 PM Parent: #296 تِيرابــَـك طِيـنـُـــو عزيــز ماهـو مبَنقِر وَد نَاسَــاً رتُوت مَاهُـن عَـويـِت بَازنقِر ياأب ِرســوَة العَلي ضَهَر المِرَادفَة مصَنقِر ماخَتـّيت خَجـِلـتاً سِـيــدهَا يمشِـي مدنقِر Post: #298 Title: Re: ود الشلهمة Author: سمية الحسن طلحة Date: 04-11-2007, 02:28 PM Parent: #297 أبْ رسـوَة الغُلاد كِفـفُـو وشُداد ضِرعَاتـُو خبـَرك هَجَّج الكـُـون والمِريكِز جَاطُـو فيـك شِيتاً قطـَـع شَكـّـُو ومنَافِي غلاطو صبــرك إلا من صابريـن هِلال الفاتـو Post: #299 Title: Re: ود الشلهمة Author: سمية الحسن طلحة Date: 04-11-2007, 02:33 PM Parent: #298 قولـي فوقـَــك صِحّــا بى كضب مابلفقو ياأب رســـوَة العجَن فِقر الطوايـيـق صَفقو مولاي أعـطـاك قســماً كتـيـــر من رفقو من صبـرك بتصبـر ناس جماعـة إن شفقو Post: #300 Title: Re: ود الشلهمة Author: سمية الحسن طلحة Date: 04-12-2007, 07:22 AM Parent: #299 ويختم طه ود الشلهمة ملحمته بحكم ومواعظ :ـ الدنيـــا أم قـدود كل العليـــــها مقـــــافي والموت فيـــها فرضـــاً للفرائض نـافي يومـــاً فيهـــو ِبنفـَرز العَكـَــر والصـافي أخـذت الكـــــاس ِبرنجيِّـــاً عليك عَـوَافي مابضّـعَت شَــمتانـاً بيـضـــحـك لائـــم وقلبك مَنشِيء من صخر الجبَال الصايم العُمُــر أصلُو في الدنيا أم قِـدُود مُودَايم وقِدّامَـــك شـَـفِيـع ويـل الذنوب وجرايم Post: #301 Title: Re: ود الشلهمة Author: سمية الحسن طلحة Date: 04-12-2007, 07:26 AM Parent: #300 وإلى الفنجرى الذى أراه من منظورى الخاص أقوى فى هذا الجانب :ـ نحنا جدودنا فُرساناً بصادمو الخيـل ونحنا دروبنا للكايسين مشيها تقيـل ممنوعين فوق شـوارع الحِطّة مابنْمِيل ومجبورين علىالدَبَرة أم وعايـة نشيـل نحنا جدودنا فرسـان اللِقاهِـن يـُـوت وشِيتاً هِيلنـَا مُو مَنكُور بدُورلو ثبُـوت نحنا المِنْ خـبـرنـا بتســـأل البَنـّوت ونحنا بنَفـدِي سُـتـّيرالعُروض بالموت ونواصل إن كان فى العمر بقية ... لكم مودتى . Post: #302 Title: Re: ود الشلهمة Author: سمية الحسن طلحة Date: 04-13-2007, 07:11 AM Parent: #301 نحنا قلوبنا ثابتـات من خَـلل يُـبـّاس ويـــاأم خَدّاد نـَقـَايـبْـنـَا بتـلِـفْ الراس نحنا جدودنا فرّاســاً نَشَـــتْ فـُرّاس وديـدَان لِجـّة المـوج البيـاكلـو النـاس نحنا قـلوبنا مابنزل خفيـف في دِيَارن وبمشَن دُغري بالدرب المَشُوبـو كبَارن راسيات الجبال كِيفِـن رحِيـل حَجّـارن البـِلد المِحَن مجبــور بلُوِلي صغــارن كتير من الناس نسب المربوع الأخير لغير أصله أتمنى أن يعلم الكل أن القائل هو الفنجرى . Post: #303 Title: Re: ود الشلهمة Author: سمية الحسن طلحة Date: 04-13-2007, 07:21 AM Parent: #302 نحنا جـدودنا يـاأم خـدّاد قِبيـل دِيــدَان وأولاد ريشَة نَحَسِـب لاالحسين فرسان مانا عِـريـــب بننـقـَــاد للدُنا وننهـــان وصقـّـار مِيتـَرا وافلـَـح من الغربــان نحن جـدودنـا أظهــر مـن عَـلـَم بَـينِيـن ونحن قـلوبنا في البـُولاد حَدِيدَا مَتِيـن نحن العِـن عُـرُوضـنا لُـئـَام وجَبّاريـن وبعـرفنـا الصـبــر ياالملكـــــة صَبّارين Post: #304 Title: Re: ود الشلهمة Author: Balla Musa Date: 04-13-2007, 04:14 PM Parent: #303 UP Post: #305 Title: Re: ود الشلهمة Author: Ahmed Yousif Abu Harira Date: 04-15-2007, 07:08 AM Parent: #304 Quote: ونواصل إن كان فى العمر بقية ... اطال الله أعماركم وأحياكم حياة طيبة ونفعنا بكم.. وواصلوا.... Post: #306 Title: Re: ود الشلهمة Author: سمية الحسن طلحة Date: 04-15-2007, 07:51 AM Parent: #305 السلام عليكم ورحمة الله مِيـرَاث جَـدّنا الحَـارّة أم طلايقـاً قايمة قدّاد رَاسُو والهَاري ابْ دَرقـة ًصَايـمَة أصلو طلبنـا مُوسعَايَه وعَمِيـرة ً حايمة غيرسُمعَه وشَكِرتن تبقى في المِي دايمة لا تـْـهـِدّونــــا نـــَـــابَا الـمــــــوت ونحن قـَدرنــا في كـل القِبَـل مَثبُـــوت نحن الفرسَــة نَبنِيها ونَسِــيها بيـــــوت ونحنا ورانا ناس مَارح فضِـلة الحُـوت نحنا عَـشِــيــرنـا مـُومـَمْــــغُـــوص ونحنا خِيولنا بتكسِّــر قـَوي الفاعُــــوص في زمَنـاً سِـيوفــنا على الرقاب بتكُوس كانـو جدودنـا زاربـِيـن القبُـور بالروس Post: #307 Title: Re: ود الشلهمة Author: سمية الحسن طلحة Date: 04-16-2007, 05:38 AM Parent: #306 أصْـدَق نحن من الأنجـليز في عهـودنا ومابنبَطِـّـل الدرب المشُــوبـُو جـدودنا يالبُرّيبـَة مابنقبـَل خَلل فـي عـروضنـا نَفدَاهِن رُخاص بى دَمّـنا وموجودنا نحنا الزيـَّنـا راقـد بالتِريـك ومَشَـوّن ونحنا إيـدينا يـاأم خـَدّاد حقيقـة بسَوّن نحنا الفِي مَحَاكرالضِّيق وجُوهنا بضَوّن وديــدان عَـركَة اليـوم الصُقـورا بخَوّن كان ســألوك عن صِـنعَـة جُدودنا قبيـل َدوَابي العَـركَـة يـاام خَدّاد صـنُـود الخيل عَـرّاضـيـن نِحَـاسَــاتاً دِمَــاها تـســـيـل مَجبُـوريـن علـي التـَقـَل الشــديـد بنشِيل Post: #308 Title: Re: ود الشلهمة Author: على احمد النعيم Date: 04-16-2007, 06:29 AM Parent: #307 Quote: كان ســألوك عن صِـنعَـة جُدودنا قبيـل َدوَابي العَـركَـة يـاام خَدّاد صـنُـود الخيل عَـرّاضـيـن نِحَـاسَــاتاً دِمَــاها تـســـيـل مَجبُـوريـن علـي التـَقـَل الشــديـد بنشِيل يا بت طلحة انا رايح على كلام اظن قالو واحد من البطاحين يحمل بعض معانى الابيات التى ذكرتيها: نحن الما بسمونا العريب فى غبرة نحن العندنا اللبن الحليب بالبدرة ------------------------------ نحن الما بنشيل هيجة ونخت الفزرة ارجو التصحيح وامكانية ذكر البيت المفقود لانو راح على والله. Post: #309 Title: Re: ود الشلهمة Author: خالد المحرب Date: 04-16-2007, 08:40 AM Parent: #308 Quote: . تـْـهـِدّونــــا نـــَـــابَا الـمــــــوت ونحن قـَدرنــا في كـل القِبَـل مَثبُـــوت نحن الفرسَــة نَبنِيها ونَسِــيها بيـــــوت ونحنا ورانا ناس مَارح فضِـلة الحُـوت حرم ياسميه كلامك ده يحمى الزول اللكل عديل كدى .دا شنو البسوى فيه دا. ابشر بى الخير. Post: #310 Title: Re: ود الشلهمة Author: سمية الحسن طلحة Date: 04-16-2007, 10:54 PM Parent: #309 Quote: ارجو التصحيح وامكانية ذكر البيت المفقود لانو راح على والله. ياود النعيم آخوى كان فى واحد من عربنا ديل متنتح فى الثقافة بالحيل بعدين نط ليهو واحد غتيت قال ليهو إت آفلان دحين غوربتشوف دا شنو السايب ؟ أخونا المثقفاتى المدعى قال ليهو والله الإسم دا ما غريب على أظن نوع فاكهة ... هسع أنا أريتك كان سعلتنى من فلادمير بوتن ... غايتو الإسم دا ماغريب على وناس حليب البدرة ديل يكونوا ناس ود الشوبلى المهم أنا بديكم آخر كلام للفنجرى وودعتكم الله والرسول نخلى الخبز لى الخباز ويختتم الفنجرى بما يشابه خاتمة طه :ـ نِسْــــــــلك مُـوبـَخِـس معـروف وحَكموك النجُوس مالقيت خَلاصنا كفوف كان اتيامَنّا الهَاري بى إيدينا ووقفنا صفوف تشـوف الِبرغِي والطبَق الحِمِل مَـردُوف مُوتـَــك دُرتـُـو فوق أصْـدَم مَخَمّس دَافِر يابـِس فوق سـرُوجـِن ماهُو حَاكمَك كافر يامُقـنـَع كوَاشــــف أُمَـّات وضِيبَــاً وَافِر مـادام العُمــــر عَاريّــــة خَلـّـو يســـافـر Quote: حرم ياسميه كلامك ده يحمى الزول اللكل عديل كدى .دا شنو البسوى فيه دا. ابشر بى الخير. تسلم ياخالد أخوى يادراق المحن أها يا أحمد ود يوسف العفو فوق العافبة أومى لى قيسان بالعمة اليجيب لك جبنة وزنين ودعتكم الله . Post: #311 Title: Re: ود الشلهمة Author: سمية الحسن طلحة Date: 04-16-2007, 10:58 PM Parent: #309 مكرر Post: #312 Title: Re: ود الشلهمة Author: سمية الحسن طلحة Date: 04-17-2007, 05:04 AM Parent: #311 ويختتم الفنجرى بما يشابه خاتمة طه رثاء شقيقهما عمر ( عليهم الرحمة أجمعين ) :ـ نِسْــــــــلك مُـوبـَخِـس معـروف وحَكموك النجُوس مالقيت خَلاصنا كفوف كان اتيامَنّا الهَاري بى إيدينا ووقفنا صفوف تشـوف الِبرغِي والطبَق الحِمِل مَـردُوف مُوتـَــك دُرتـُـو فوق أصْـدَم مَخَمّس دَافِر يابـِس فوق سـرُوجـِن ماهُو حَاكمَك كافر يامُقـنـَع كوَاشــــف أُمَـّات وضِيبَــاً وَافِر مـادام العُمــــر عَاريّــــة خَلـّـو يســـافـر Post: #313 Title: Re: ود الشلهمة Author: Ahmed Yousif Abu Harira Date: 04-17-2007, 09:58 AM Parent: #312 الأخت العزيزة سمية شكرا لك فقد وعدت وأوفيت وكفيتي ووفيتي..وأنا الان مطمئن أكثر من اي وقت مضى على حفظ هذا التراث الجميل من خطر الاندثار والنسيان وقد اودعناه هذه الذاكرة الجبارة ونتامل ان تكون حاضنة له أبد الأبدين كالحرز المتين... رحم الله أولاد الشلهمة اجميعن طه والفنجري وعمر...وجزاك الله عنا وعن محبي هذا الأدب كل خير.. وتقبلي جزيل شكري وامتناني Post: #314 Title: Re: ود الشلهمة Author: Ahmed Yousif Abu Harira Date: 04-17-2007, 10:01 AM Parent: #313 الأخ العزيز عبد العزيز ودحمد (قيسان) المايكرفون عندك الان.. شد جملك النزلتو ده واتوجه بكلياتك إلى خيمة ود الشلهمة نحن ومتابعينا بانتظارك فتفضل أيها الكريم البهي Post: #315 Title: Re: ود الشلهمة Author: gessan Date: 04-17-2007, 01:49 PM Parent: #1 سلام عليكم يا بت ود طلحة والحاضرين جميعا .. بشوفكم بِتـ"أومو" لي .. يعني خلاس بقيتو علي؟؟ اها عاد خلوني الم شديدي وعدتي..اصلها الضُل من قبيييل جفل منها.. واقوم اشد الجمل ..واجي عليكم تب.. دحين قبّال ما أصلكم .. حضروا السماعات في الكمبيوترات والزول الفي مكتب يوطي الصوت شوية .. والجنبو شفع وجوطة اليشوفلو شيتاً يشغلهم بيهو بعيد .. عامنو انا عازمكم حكاية مجلس جبنة ..سمع .. بعدين ناس البطانة ديل برضو غنو فوق النسوان ..غزل راسو عديل .. وكت شوفنا كلامهم في ألبِل وفي البطانة زاتا وفي الحزن والفقد والنعي .. نجي نشوف كلامهم وكت يجوا يشربوا الجبنة.. ماهي اصلها الحكاية قصة حياة ..حياة اهل البطانة .. مو ياهو كدي آشيخ أب حريرة؟؟ جاييكم .. مع خالص التحايا .. Post: #316 Title: Re: ود الشلهمة Author: Ahmed Yousif Abu Harira Date: 04-17-2007, 02:51 PM Parent: #315 Quote: ماهي اصلها الحكاية قصة حياة قيسان عشا الضيفان إياها كدي ..إت قايل شن فيها تاني ؟؟... الحكاية كلها قصة حياة وبس !! ونحن بانتظار روايتك لهذا الجانب من الحياة... لا تتأخر علينا Post: #317 Title: Re: ود الشلهمة Author: سمية الحسن طلحة Date: 04-17-2007, 09:18 PM Parent: #316 أحمد على النعيم كان طه ودالشلهمة عليه رحمة الله بساما غير عبوس مرحا بذكاء وبداهة ففى أحد الأيام وجد والدتى خارجة من منزلنا فقال لها ماشة وين يابت الشيخ ... قالت له ماشة لى أبوى أكلمو بى فلان .. شال عجلة من عجولنا قال حقتو ، فقال طه ضاحكا :ـ المخاخيت ديل أبوك ما بهبشن تعالى متل فلان دا أنا بقضيهو ليك ... ونظم مسدار فى لحظته بهذه المناسبة كان مطلعه : أنا فى نظرى زى ما قال لو ود عباس تغنى عدم قرايتك ومسكة الكراس وطول إيدك هدا وجدع القوى وفراس ( القوى بضم ال ق : جمع قوة ) وود عباس دا برضو طه عندو معاهو قصة مضحكة . أنا جبت لك الكلام دا كلو لأنى قبيل حبيت أمازحك فى إجابتى على سؤالك أعلاه ...المهم ياسيدى :ـــ الشاعر هو :-- مضوى ود اللديغم بطحانى عوضابى همباتى متدين يجمع صلاته ويقصرها فى مساديرو وسأوافيك ببعض كلامه فى موضع آخر . لك منى أجمل المنى أحمد يوسف لاشكر على واجب هذا واجبنا كما أتمنى عليك أن تعاوننى فى جمع مسدار المستشفى وكلام طه فوق عجب وأعدك أن أختم لك هذا البوست بعد عمر طويل .. بمسك الختام من الوحى والإلهام الكلام الأصلو طه ما بخالطو بى كلام . ودمت قيسان حبابك عشرة برا كشرة كلنا آذان صاغية لسماع غنا الحياة من صرة جبهتك طرز البوابى وين خليت قباحتك يااللئيم مشابى جات غايرانا بى غفلة أم وضيبا كابى سوت لينا كتل المنخلع للدابى ود الشلهمة ( مسدار المستشفى ) لك عاطر التحايا . والسلام عليكم ورحمة الله وبركاته Post: #318 Title: Re: ود الشلهمة Author: Ahmed Yousif Abu Harira Date: 04-19-2007, 07:29 AM Parent: #317 Quote: متدين يجمع صلاته ويقصرها فى مساديرو أعجبتني هذه العبارة في حق (الهمباتي) عمنا مضوي ود اللديغم... وتذكرت جدنا طه الضرير وعمنا كيقة ود عمران وأخوه أمحمد ودعمران الملقب بـ (الجعلي)...هؤلاء كانوا من عتاة الهمباتة وقد طبقت شهرتهم الآفاق في هذا المجال ولهم فيه قصص وحكاوي ومغامرات وأشعار وأهازيج... وقد شهدتهم في أواخر سنين حيواتهم يكثرون من الصلاة والاستغفار...رحمهم الله وغفر الله لهم جميعا.. وأذكر وأنا صبي أن جدي طه الضرير الذي بلغ حينئذ الثمانين من عمره..لا ينام الليل..ويكثر من الصلاة والصلاة على النبي ويناجي ربه بأعلى صوته.. غفر الله لهم جميعا ولله في خلقه شؤون Post: #319 Title: Re: ود الشلهمة Author: Ahmed Yousif Abu Harira Date: 04-20-2007, 09:40 PM Parent: #318 مرفوع لأجل قيسان عشا الضيفان Post: #320 Title: Re: ود الشلهمة Author: محسن خالد Date: 04-22-2007, 02:56 AM Parent: #319 أبو حريرة، أمانة في ود الشلهمة ما قُتْ كلام وعجبتني هذه "السمية بت طلحة"، المجينينة "تحبَّباً"، والتي أتحفتني وحيّرتني، أوَّل مرة أشوف امرأة قاصعة في الدوبيت، الذي بقي لزمن طويل، كمشهاد لرجال فحسب، والله عوافي عليها،.. تاني كلام هل صحيح إنَّك ابن ("الزينة" بت طه الضرير)؟ أبوك يا "الزينة" عَكَّاهن قَبَض في روسن الهوج والشرق فوق العواتي بكوسن أمسوا الليلة في الغُوب الكتير جاموسن نووا العودة لي الغالي ورفيع ملبوسن وهذا من قول "ود ضحوية" مخاطباً الضرير؟ غايتو لو طلعتَ صحيح "ود الزينة" بت طه الضرير، حرَّم دي معجزة، ونجي نتحوَّر ليك وناخد منَّك الشرافة،.. ويا سمية عوافي وعفارم عليك ويا أحباب المكان دا كلّكم، أولاد الشلهمة كلهم "مواليد وادي عبقر"، و"طه ود الشلهمة" زولاً ما بِقِل شبر عن "أوفيد"، إلا اليد بصيرة والإعلام قصير وتافه! Post: #321 Title: Re: ود الشلهمة Author: Balla Musa Date: 04-22-2007, 03:06 AM Parent: #320 محسن منور.. والله متذكرك لكن عندى قراية كبر داوشانى الأيام دى. تسلم والله السطيرات ديل مابحلنك من البوست دا.. بندور منك نضم كتير خلاس.. Post: #322 Title: Re: ود الشلهمة Author: Ahmed Yousif Abu Harira Date: 04-22-2007, 07:45 AM Parent: #321 Quote: ويا أحباب المكان دا كلّكم، أولاد الشهلمة كلهم "مواليد وادي عبقر"، و"طه ود الشلهمة" زولاً ما بِقِل شبر عن "أوفيد"، إلا اليد بصيرة والإعلام قصير وتافه! الله الله الليلة البلد جابت لها كلاماً كُتُر.. نشكر زيارتك الكريمة وتشريفك بهذا الحضور البهي الذي انتظرناه طويلا... والمدفون زي أولاد الشلهمة عندنا منو كتير يا محسن ياخوي والسبب قصر اليد وفشل الإعلام وتفاهته يضاف إلى ذلك كسل العارفين وإنشغالهم عن التوثيق .. وأشكر لك كلماتك الطيبة في حق اختنا العزيزة سمية الحسن العارفة بنت العارفين وهي لا شك تستحق هذا واكثر ، لمعرفتها الثرة والموسوعية في هذا الضرب من الإبداع.. نتعشم في زيارات أخرى إذا سمحت ظروفك ونرجو أن نرى إبداعاتك تضيء عتمة المنبر مرة اخرى.. ------- راجع الماسنجر Post: #323 Title: Re: ود الشلهمة Author: سمية الحسن طلحة Date: 04-22-2007, 09:53 AM Parent: #320 محسن خالدبى جاى فى ردنا!؟ ود الشلهمة صيدك ثمين وخرايد مادام الديار طلاها محسن خالد لمينا الرزق السادرة فوق الوارد وجيناك ياالفهيم صايدا قصدلو طرايد Quote: ، المجينينة "تحبَّباً"، تعظيم من عظيم Quote: والتي أتحفتني وحيّرتني، شهادة أفتخر بها Quote: أوَّل مرة أشوف امرأة قاصعة في الدوبيت، سمانى الوالد على إسم أول شهيدة على الإطلاق بنت خياط التى لم يسبقها للشهادة رجل ، وحبب إلى إرتياد أوائل مواضع الكلم منصور المفتاح صاغها شعرا إننى لم أخيب ظن أبى بى د. الطاهر الدرديرى كتبها فصاحة إننى أول إمرأة أرتاد مجال كتابة المديح الشيخ الصامت خرج من صمته لينطق أن سمية زاحمت الرجال كتفا بكتف فى مدح النبى ومحسن خالد يأتينى بما أعتبره مسك الختام، قاصعة ، فلا يضيرنى بعد اليوم شىء Quote: الذي بقي لزمن طويل، كمشهاد لرجال فحسب، والله عوافي عليها، قال لى أحدهم غيرى بروفايلك (ميل إلى فيميل ) فأجبته : (اعتبرنى مره ضكرانه) Quote: ويا سمية عوافي وعفارم عليك ويامحسن شرفت بك الدار أيما شرف ، ترقبنا حضورك وكلنا يقين (إن أخلف الغيث لن تخلف أناملك) وها أنت تمطرنا بعاطر الثناء موؤنة نتمير منها مابقينا.. ولكن رشفنا وما أرتوينا من حديثك سنظل نترقب خريفك . Post: #324 Title: Re: ود الشلهمة Author: gessan Date: 04-22-2007, 10:14 AM Parent: #1 ---------------------------يقول هذا التسجيل: أكان العرب نازلين في "السادة"..وجا احمد ود عوض الكريم والصادق من البريسي..وا صباح ..والصادق شدق حلوقو في العرب كورك:اروروروووك..علي طول حسو.. وكل زول شال سيفو وجوا جارين قايلين في مشكلة .. يا زول الحاصل شنو؟؟ قالهُن: حرّم عوجة مافي ..الجملُو قريب يشِد .. شنو ؟؟ قالهُن "وزنين" فتوها في "القِليتة" .. نمشي نشوف هي ماسكة درب القِداما والله سوّتلها راي براها.. وهسع الحقيقية الجملو قريب كلو شدّا .. قيّلوا في الصُباغ وإتراوحو في ريرة ..وباكر الضِحى جوا عِندها.. قدُر ما شافت الرَكُب ماشي علي البيت..وكان نازل في بيتا عبد اللهِ ود شوراني شبّحت البيت زادتو..مرقت علي الجُمال دلّت البِتقدرها.. والكيف جبنة بس .. وجابت الموية اسقتُن ..وولعت الفحم يتهوزز مِتِل مَغس اللقربين ..وإشتغلت علي الجبنة .. وهسع ختت الفناجين متل وليدات الفَصُل ..ومَلتِن على قدر المجتمع. أحمد ود عوض الكريم قال : في حُكمُ مَجلَس : المابجيب غَنوة فوق "وزنين" دي ما يشيل فنجانو.. قالولو : غن آ شيخ أحمد.. قال: لا ..السابقك علي الباب قولو يا أرباب ..هو فرض يغني ود شوران دا .. ود شوران قالُو: الغُنا فوق وزنين دي؟؟ قالُو فوق وزنين دي .. قالي: سـمحة وضوقها لبن صهباء ودغلها مبسّط شرفتا رِيل وكفيتا خيل وطُولها موّسط من تاتاي قدومها وخطوتا الإنرصت حسيت قلبي فارقني وكبِدتي إنقصت دا ود شوران. ادتو فنجانو . وإتلفتت على الصادق كشمت. الصادق قالها: لحظ ابصارو حتى اللحظة لي بصّاها فرّا فواطرو تمرة فؤادي كع قصّاها قدر ما اقول يطول الون علي أنساها مجلوقةً تقبّض في البدن داساها احمد عاين عليها هي .. قاليها: شماليقك نُضاف وصباكي ناقِع ماها رُوبتِك قامِتك المربوعة تب قاسماها جميل جِيدك مسجل والعقول لاسماها دعجات خد وفادعاً في البهيم باسماها وداهو علي بلة ود اب شُكُر.. قالُو: نفسي الخاينة ابت الزاد وطريّت كيفا هادي قصبة سقادي الموجا كاضم قيفا معشوقتي الجميلة وديسا هدلو كتيفا ركفة شام ظُرة وسمحة دهبة ومُهرة فُلوة وديفا جادين ود المهيوب قاليها: شرقان في جمالك وغلّبني اوصافك وفيك جُملاً تمتع كل راوٍ شافك الفارس اللِبس درع الدويدب خافك مايقك عين جدي ودوف أم لبب في اردافك أمُحُمّد ود الفكي حمد قاليها: سَماحِك غير حِبُوب بَرتا وقفِيس حُجّاج سماح اليبست دوف الطريفي الساج شِعاع ظُرر الغشيم الفي الظلام وجّاج سماح الفرُوا براق السِـرا الفجّاج خالد ود علي قاليها: لِسَان باهي الوريد المُو شرِف هراج هُدود الصي عيون الغافي في السهراج تفرذ زمهريراً في العضُم تلاج يحل عُقد الضماير بسمها الفلاج ود شعيت قال: سنهُور حاكم الدولة اب سِلاحاً راج ماخدة عليهو دبورتين علاوة وتاج دَرعات عُنّز الريل السماهِن هاج طال حسر العليهُن ختت الإسلاج الصِدّيق ود عباس قال : جمال معشوقتي أبداً في البلد مافِيش جمالاً خِلقة غير عَدلة لَباس وغشيش ديفة المرّحن بين ود قِدير وكشيش جمالك فرضة والتانيات معاكي عويش كرار ود كُردُم قالو: يا الصِدِيق عشوقي الكتفو هدلو الريش مضروب الغرام قال الحكيم ما بعيش قبلي أم درعة بدري وصيدت في الديش كتير الترّكتلُو كتابو وكَتر الهيش رانفي ود اللافِض قال: عشوقتي كحيلة الرُميش أديبة وراسية مي ام لكعة المشيها رشيش جرحها زاني دافِق دم فؤادي بشيش درعاء و للكُلوهات جوز قُمارها دِهيش عبد الله ود الفكي الصديق ود اب ناجمة قال: ناس رانفي بِنُوحوا مقربنين وعطيش انا مالي؟ مِحارب النوم ومابي العيش عاشقي الجرحو كاتم دمو ما في بشيش خلااس داركني ..عِلا الليهو قشة بعيش احمد كيتا الهدندوي قال "إيداييب كُلها" : بي شلاخ واب رشمة كريكناب هاب للي ليما وتِكنِشما الخلاني اكسر التوبة وين ما أطرا انا قريت تيكا ما جلسو الارام لما سليمان الهدندوي قال: يا قلبي الوليد مالك بقيت تشلا قال من شوفة اللابس رهيف ومدلا علي المربوعة قامتو وما الطويل ومخلا سواي حاكا دهنوك السنوك الولا عيد ود الشيخ عبد الله الزبيدي قال: نحنا أولاد رشيد الخاصة بالدرهان نحنا أهل الدعيلات ما بنسعى الضان ننصب لها رايش نحنا نسكها بالسفهان نرضي ست الجوجلية وكان الله لا بارك فيها ولابارك فيكم إنتو يالعجمان ------------------------------* إنتهى تفريغ النموذج الصوتي المصاحب.واتمنى أن اكون قد كتبته صحيحاً.وعليكما يا أحمد وسمية تصحيح كتابتي.. ------------------- هذا التسجيل من أحد مجالس الشاعر الراحل عبد الكريم ود شِعيت، وهو شاعر عُرف في منطقة البطانة متنقلاً ما بين الصباغ وأبو دليق ومناطق أخرى في ذلك الجزء من منطقة البطانة.(بكل أسف ليست لدي معلومات كافية عنه. وكلي امل ان المجموعة التي بيننا هنا فيها من يعرف ود شعيت معرفة تامة..فيوافينا بسيرته.زوالكلام ليكم يا اب حريرة وسمية..). بالطبع هذا لا يمنع الوقوف عند ود شعيت و قوله لشعر الدوبيت في شكل حكاوي وقصص درامية مليئة بالمشاهد التي لا تخلو من الفكاهة.نعم سرد درامي..كذلك لابد من الوقوف على هذا النوع من الغدوبيت فيما يخص الغزل ومن حكاوي مجالس الأنس ..فالقهوة او "الإنداية" سابقاً لا يمكن تجاهلها في تناول فن الدوبيت في البطانة..!! ولست متأكد إن كانت الحكاية التي يسردها ود شعيت في هذا المقطع حقيقية ام قام بتأليفها من خلال ما يحفظه من اشعار للمجموعة التي ذكرها.وسبب الشك في وقائع الحكاية المذكورة هنا (مجلس وزنين) ليس هو إجتماع هذه المجموعة من الشعراء..وهم من رموز البطانة ..بل ان ود شعيت نوّع الحاضرين في مجلس وزنين ..حيث اضاف إليهم إتنين من الهدندوة وواحد من الزبيدية ..ودي بالطبع إشارة الى التنوع القبلي في البطانة ..ولكن شكي جاء من خلال سمعي لحكاوي اخرى لديه ..حيث درج أن يقيم حواراً بينه وبين الجمل ..وتارة بين ريرة البلد وبين اصحاب اللواري..بينه وبينه مستضيفته من صاحبات مجالس الأنس ..وله ايضاً حواراً مميزاً أقام فيه وصفاً لعدد من صاحبات المجالس وتنافسهن حول من اكثرهن جمالاً وحضوراً..هذا بالإضافة لغنائه للبطانة وكيف انها تشبه (الإسبتالية المستشفى ) في وصف بليغ وجميل .. كذلك هذا النموذج قصدت منه الوقوف على بعض ما يحيط بعملية البحث في التراث الشعبي وبالذات مسألة اللغة الدارجية وتحويلها الى لغة كتابية، والإلمام بلغة أهل المنطقة من خلال حكاويهم.نعم تناول التراث من منبعه. اتمنى من هذه المشاركة أن تمنحنا فرصة الوقوف على نماذج من ما قيل في مجالس أنس اهل البطانة وحكاويهم وكذلك شعرهم في لون الغزل..وكيف ان شاعرهم شيطانه حاضر ..(...قالُو الغُنا فوق وزنين دي؟؟ قالو فوق وزنين دي ..قالو : سـمحة وضوقها لبن صهباء ودغلها مبسّط شرفتا رِيل وكفيتا خيل وطُولها موّسط من تاتاي قدومها وخطوتا الإنرصت حسيت قلبي فارقني وكبِدتي إنقصت ...) ومني للجميع خالص التحايا Post: #325 Title: Re: ود الشلهمة Author: محسن خالد Date: 04-23-2007, 01:03 AM Parent: #324 .. لسمية بت الشيخ طلحة Quote: ود الشلهمة صيدك ثمين وخرايد ما دام الديار طلاها محسن خالد لمّينا الرزق السادرة فوق الوارد وجيناك يا الفهيم صايداً قصدلو طرايد كلامك دا هَوَّشني زيين، وبسطني، يكافيك ربي من جودو، بس الكسبان أنا مو طه، طه الكنز ونحن غَرَّافين وكوني بخير ----------------- يا ريت يا بلّة موسى، ما بالعمر حيلة --------------- قيسان تربت يداك، وشوف كلام الزول دا مش قصة قصيرة جاهزة؟ والكيف جبنة بس ------------------- يوسف دير بالك علي التشكيل، ويا ليتك ترجع تفليهو تاني، أرجو منّك أن تبعث لي الملف كاملاً على بريدي، وكذلك من الأخت سمية، وسأكون شاكراً لكما على الغنيمة أوَّلاً، كما سيصبح بوسعي التصليح أثناء الاستمتاع والقراءة، هاك الرباعية دي نموذج: ضُلِكْ خَتّ من رَفَ السِحَابْ ...الكَوَعْ وبراقك مَمَاسَكْ..وبالفجيج اتبوعْ اتفقع سماك نازل...صبيبو منوعْ وشَقّاقِك شِبِعْ في الموية لامن توعْ بحذفك للشدَّة من القافية –خصوصاً- إنَّك فتحت "الكَوَع" أوَّل مفردة من القافية، بعدّاك كلها بتتقري غلط، بالإضافة لهنّات شوية في تشكيل المفردات، دا التصويب تحت: Quote: ضُلِّك خَتَّ من رَفَّ السِّحَاب الكَوَّع وبَرَّاقِك مَمَاسَك وبالفِجِيج اتْبَوَّع اتْفَقَّع سَمَاك نَازِل صَبِيبو مَنَوَّع وشَقَّاقِك شِبِع في الموية لامن تَوَّع عليكم الله شوفوا الأخيلة المجنونة دي، الواطـة تصبح شبعانة لدرجة المرض، تمسك بطنها الطامَّة، وأوووع تطرش أبقوا طيبين .. Post: #326 Title: Re: ود الشلهمة Author: Ahmed Yousif Abu Harira Date: 04-23-2007, 08:01 PM Parent: #325 محسن كيفنك؟ ملاحظتك في التشكيل صحيحة مية المية على الرغم من أنو الكلمات زاتها لا يمكن أن تقرأ بمعنى غير القاصدو الشاعر وعمك طه زاتو ما كان محوجنا ليهو...لكننا ما دام شرعنا في التشكيل يجب أن يتم بالصورة الصحيحة... تعرف أنا التشكيل ده حرم اتعلمتو مع عمك ود الشلهمة ده ، مع أني مصاقر الكمبيوترات دي لي زمنن مِعِد.. بعدين (الشديدة ّ) دي اصلها ما كانت فايته علي لكن وكتي الكتبت الكلام ده ماكنت عارف دربها بي وين...أتاريها خاتينها فوق حرف الذال وجادعناها في آخر كورنر.. طبعا ده كلو كوم ووجودك بينا كوم تاني...ولن نفي التعبير حقه إذا قلنا لك سعدنا بك والمنبر ولع والنوع ده من الحديس..لكن أنا وربعي المعاي دول في غاية الشرف والانشراح والارتياح ...لأنهم جميعا طلاب جمال وأنت في بحر الجمال تزاحم الكبار بالمناكب.. لن نمعن في الطمع ونقولك خليك معانا لأسباب نعلم بعضها ، مشغولياتك الخاصة وطمام البطن العام أمثلة دون حصر ، لكن عدنا بالمتاوقة من حين لآخر .. طلباتك ستصلك باسرع بريد إلكتروني شرط ان تجدك بخير.. Post: #327 Title: Re: ود الشلهمة Author: Ahmed Yousif Abu Harira Date: 04-23-2007, 08:21 PM Parent: #326 حبيبنا الدكتور بله ود موسى تحياتي النواضر نحن كنا ولا زلنا في حضرتك والطمع زي ما بقولوا أهلك "فحل العيوب" ولا زال الشعور العام عندي ولدي الرباعة أنك لم تفصح بعد عن مكنوناتك الجميلة فكلما زاد جودك اتسع طمعنا فيك ..فبالله عليك لا تحرمنا من طلتك البهية وحرفك الندي القوي البليغ الرشيق... قيسان عشا الضيفان جاب لو صورة حية عن مجلس أدبي في أحدى صالونات الجمال كما يحلو لك تسميتها وننتظر تعليقك عليها.. حبيبنا المحسن الخالد قال أن ما أورده الراحل المقيم عبد الكريم ود شعيت يصلح لأن يكون قصة قصيرة.. ورأينا انها "قصة حياة" إتفاقا مع ما ذهب إليه الجميل قيسان ...ننتظر رأيك على جمر الغضا.. علمنا أنك سويتلك قراية كبر...وخوفنا أن يكون ذاك عذر عايز تنملص بو مننا لكن ونستنا دي طريق ...زيها وزي سبيل أهل الطريق ...لا تمنع سالكها من جد ، فلا تبخل علينا بالطلة وأعلم أن مداخلة بله موسى تتنادى بها الركبان.. ودم أيها الصديق الجميل Post: #328 Title: Re: ود الشلهمة Author: Ahmed Yousif Abu Harira Date: 04-23-2007, 08:35 PM Parent: #327 قيسان عشا الضيفان لم نشكرك كما ينبغي على تكبد مشاق الكتابة لعمك عبد الكريم ود شعيت خاصة وان هذا النوع من الكتابة على عسره ، عمك ود شعيت جابلوا غناين سيرتو براها فجمع بين شعر أحمد ود عوض الكريم ود اب ناجمة وأحمد ود الفكي حمد وسليمان الهدندوي وذاك الشيخ الرشيدي الذي حب أن يجامل العجمان بمقطع شعري على نسق الدوبيت... فلابد انك عانيت في التفريغ ، ووجب علينا شكر جهدك لكن نجي ونقول أنك ماك مشحود على هذا الجهد فأنت توثق لـ"قصة حياة" كنت ولا زلت شريك أصيل فيها... أنا حكاية "قصة حياة" دي وقعت لي بالحيل وعلى العموم لن نوفيك حقك شكرا ، ومع ذلك خليك قريب كي لا تحوجنا لأن "نومي لك بالعمة" مرة أخرى حيث لا عمة ولا توبا يوموا بيه.. سعيد بك أيها الجميل النبيل Post: #329 Title: Re: ود الشلهمة Author: سمية الحسن طلحة Date: 04-25-2007, 11:16 AM Parent: #328 شكرا قيسان على هذا المجهود الجبار يبدو أن التسجيل الذى كان معى عتيق بدلالة إختلاف بعض التعابير وتغيير بعضها فى التسجيل الذى معك لدى بعض تصحيح لأخطاء مطبعية فقط سأوردها ( بين قوسين) إذا رغبت تعديلها فلك ذلك ... فى أول فقرة :ـ (الوطا ) صباح و( الشمش عود حربة ....) الصادق ( حلب شدوقو ) فى العرب .. ولعت الفحم ( يتواجج ) متل مغس الأقربين يقال : الجرح يوج ..والخدود يتواججن .. والجمر يتواجج متل مغس الأقربين.. حار بالحيل مغس الزول القريب منك وليك ، وظلم ذوى القربى أشد مضاضة من وقع الحسام المهند قول الإمام على بن أبى طالب كرم الله وجهه . وفى الغنا :ـ سمحة وضوكا لبن صهبا ( ودخلها ) مبسط الفارس اللبس ( درع الدويدى بخافك ) نسبة للدروع التى كان يصنعها سيدنا داؤود عليه السلام... ( جوز قمارا دشيش ) تصغير دش قال الشيخ عبد العزيز :ـ ياقلبى الرهيف ليه كاره الفريق تعبان روحى تتقطف من العشريق (الدش ) المعاى لاعب بصرتى حريق ياحليل النزيه المونتى فى أبودليق ( الدش والبصرة .. مصطلحات لاعبى النرد ) ( وحداهو ) أى بجانبه... ولنا عودة بإذن الله . Post: #330 Title: Re: ود الشلهمة Author: Balla Musa Date: 04-29-2007, 02:57 PM Parent: #329 يا شيخ أحمد أبوحريرة بالله شوف أبوحريرة دا إسم مفعم بالتفاؤل والفرح. تحياتى لك ولضيوفك الكرام لازلت أصفى فى مزاجى العكران لأنقى لك الكلمات فمثلك لايرد عليهم إلا آن مزاج تتراقص له غزلان البر . Post: #331 Title: Re: ود الشلهمة Author: سمية الحسن طلحة Date: 05-04-2007, 08:50 AM Parent: #330 يا من رفعت السموات وطرحت الأرض يا من فارض الضي من الظلمة وفرضت الفرض نحن الصح تركناه وربحنا الغرض نرجاك تمحى واضحنا وتستر العرض ود اللديغم الخترة البقت هادمة الجفن مي صولة أول نيتي أشد كلسي واقافي الدولة فوضنا الأمر للأولــــــــــــــــى باطلة القوة من غير البريدو المولى Post: #332 Title: Re: ود الشلهمة Author: Ahmed Yousif Abu Harira Date: 06-06-2007, 11:04 AM Parent: #331 Quote: يا من رفعت السموات وطرحت الأرض يا من فارض الضي من الظلمة وفرضت الفرض نحن الصح تركناه وربحنا الغرض نرجاك تمحى واضحنا وتستر العرض تاورنا الحكي

---