Post: #2
Title: Re: تعرف على صاحب هذه الصورة فى الزمن الجميل ب
Author: عاطف عمر
Date: 08-24-2015, 08:11 PM
Parent: #1
إنه
عمر أومو
_____________
تحياتي وسلامات يا ريس
|
Post: #3
Title: Re: تعرف على صاحب هذه الصورة فى الزمن الجميل ب
Author: يحي قباني
Date: 08-25-2015, 05:09 AM
Parent: #2
عمر اومو
الصورة مأخوذة في الأبيض قبل شهر يا هندسة ...
اما ما نعرف عنه فهو ...
عمر أومو ... وكفى ههههه
|
Post: #4
Title: Re: تعرف على صاحب هذه الصورة فى الزمن الجميل ب
Author: الشفيع وراق عبد الرحمن
Date: 08-25-2015, 05:42 AM
Parent: #3
يا سلااام يا بكري
أومو الزول اللطيف الرهيف
والله فعلا كان زمن جميل
|
Post: #5
Title: Re: تعرف على صاحب هذه الصورة فى الزمن الجميل ب
Author: صلاح أبو زيد
Date: 08-25-2015, 05:56 AM
Parent: #4
| Quote: الصورة مأخوذة في الأبيض قبل شهر يا هندسة ... |
ما هو الهدف من نشر الصورة على الأسافير ؟؟ وهل سمح هو بذلك؟؟؟؟
|
Post: #6
Title: Re: تعرف على صاحب هذه الصورة فى الزمن الجميل ب
Author: يحي قباني
Date: 08-25-2015, 06:01 AM
Parent: #5
ما هو الهدف من نشر الصورة على الأسافير ؟؟ وهل سمح هو بذلك؟؟؟؟
بما انك اقتبست كلامي فداير اسألك يا أبو زيد ...
هل تعرف الشخصية عن قرب ؟
|
Post: #7
Title: Re: تعرف على صاحب هذه الصورة فى الزمن الجميل ب
Author: الصادق يحيى عبدالله
Date: 08-25-2015, 06:19 AM
| Quote: ما هو الهدف من نشر الصورة على الأسافير ؟؟ وهل سمح هو بذلك؟؟؟؟ |
السلام عليكم ورحمة الله وبركاته،،،
بالنسبة لاهل جامعة الخرطوم، يعد اومو شخصية عامة مثله مثل مدير الجامعة او اي مسؤول حكومي اخر، فلا
حاجة الى اذن لنشر صوره.
والله اعلم
|
Post: #8
Title: Re: تعرف على صاحب هذه الصورة فى الزمن الجميل ب
Author: صلاح أبو زيد
Date: 08-25-2015, 06:19 AM
لا ما من قريب
|
Post: #9
Title: Re: تعرف على صاحب هذه الصورة فى الزمن الجميل ب
Author: عبدالحفيظ ابوسن
Date: 08-25-2015, 06:41 AM
Parent: #8
ياسلاااام
omar mohmd omar
الشهير ب
اومو
omo
وهي اختصار لاسمه بالحروف الانجليزية وهو من سمي نفسه كذلك .. طالب جامعة الخرطوم والذي تعرض لنكسة جعلته لا يواصل الدراسة ولا يترك الجامعة .. هو وحمادة طالب الهندسة ااشهير بلبس فنيلة داخلية بيضاء نظيفة ولباس قصير ابيض نظيف ويحمل كباية شاي وقلم رصاص يجوب به ردهة المين رود
عمر اومو اشتهر بأركان نقاشه التي يؤمها معجبيه محاكيا اركان نقاش السياسة . وهي اركان مرحة طريفة . تبين محبة الطلاب له وتقديرهم لظرفه . وفيها نوادر كثيرة لا تحكي !!
ارسل لي صديق صورتين له بالابيض قبل فترة فأسعدني جدا
وانتشرت تلك الصور في القروبات قروبات ذلك الزمن الجميل
نشرها يعني اننا لازلنا نحب عمر اومو
وتحياتي له
لقد كان رمزا من رموز الجامعة
ويا ريت نعرف خبر حمادة
شكرا بكري
|
Post: #10
Title: Re: تعرف على صاحب هذه الصورة فى الزمن الجميل ب
Author: عبد الحي علي موسى
Date: 08-25-2015, 06:57 AM
Parent: #9
سلام يا بكري.
ويا سلام على تلك الأيام.
حتى المعاناة وصلت لعمر أومو!!
حبذا لو وجدنا صورة أخوانا بابكر (هندسة).
فهو قد مر بنفس ظرف عمر أومو.
ومن حكايات بابكر:
جاء مرة وقد لبس قميصه بالمقلوب..باطن القميص بالخارج.
فسألناه لماذا؟
فرد:
أردتُ أن أكون خارج القميص، ويكون كل العالم داخله.
|
Post: #11
Title: Re: تعرف على صاحب هذه الصورة فى الزمن الجميل ب
Author: الزبير بشير
Date: 08-25-2015, 07:29 AM
Parent: #1
عمر محمد عمر اومو
طالب العلوم
يا ود ابوسن طالب الهندسه اسمه ( سمير ) الذي يحمل كوب شاي و سيجاره و قلم رصاص و يلبس فنله حمالات بيضاء و لباس طويل ابيض
اما بابكر هندسه معروف فقط علي نطاق ضيق في الجامعه كان فاك صاموله واحده ، نتمني ان من الله عليه ثوب العافيه و الصحه
في احدي المرات
اومو
عنده ركن نقاش مسخن ( كلام الطير في الباقير )
لما شاف البنات كترن و العدد في زياده
قلب لي لبس البنات للبنطلون
كان رافض جدا جدا لبس للبنات للبنطلون
بحجه
انه السسته اذا حلجت البنت حا تعمل شنو
رحم الله ذلك الزمان ايام الجميله و مستحيله و البركس و النشاط و يوم الثلاثاء و الاسبيشل
الختمي
|
Post: #12
Title: Re: تعرف على صاحب هذه الصورة فى الزمن الجميل ب
Author: عبدالحفيظ ابوسن
Date: 08-25-2015, 07:54 AM
Parent: #11
اي والله يا الزبير اسمو سمير
اتذكرتو بعد تذكيرك تشكر
اومو كان موضوعو المفضل البنات والداخلية وليه البنات بغسلن هدومهم مع هدوم الاساتذة
ههههه لسة بتتذكر اسبيشال الثلاثا وحلل قيزان اللبن حتي الشاي السادة
قاتل الله هذه السلطة تعلمت علي حساب الشعب ثم منعت ابناء الشعب التعليم
|
Post: #13
Title: Re: تعرف على صاحب هذه الصورة فى الزمن الجميل ب
Author: الصادق اسماعيل
Date: 08-25-2015, 08:20 AM
Parent: #12
اها يا جماعة
بعد ما تعرفنا على الصورة صاحبها
اقترح انه الناس ترجع لموضوعها الاساسي
ولا شنو يا قباني وبكري
|
Post: #14
Title: Re: تعرف على صاحب هذه الصورة فى الزمن الجميل ب
Author: الصادق اسماعيل
Date: 08-25-2015, 08:20 AM
Parent: #12
اها يا جماعة
بعد ما تعرفنا على الصورة صاحبها
اقترح انه الناس ترجع لموضوعها الاساسي
ولا شنو يا قباني وبكري
|
Post: #15
Title: Re: تعرف على صاحب هذه الصورة فى الزمن الجميل ب
Author: الزبير بشير
Date: 08-25-2015, 08:36 AM
Parent: #1
فعلا يا الصادق
نرجع لموضوعنا الاساسي
كان عنده عداء غريب مع امين بناني ( رئيس الاتحاد ) اكان بدخله في اي نقاش
|
Post: #16
Title: Re: تعرف على صاحب هذه الصورة فى الزمن الجميل ب
Author: عصام دهب
Date: 08-25-2015, 08:59 AM
Parent: #15
أسأل الله تعالى أن يشفيه و يعافيه ..
ـــ
الزول دة من أقاربنا يا بكري ..
|
Post: #17
Title: Re: تعرف على صاحب هذه الصورة فى الزمن الجميل ب
Author: عمر السلمة
Date: 08-25-2015, 09:18 AM
Parent: #1
السلام عليكم ورحمة الله ..معشر الإخوان والأعمام
اسمي عمر محمد عمر وكمان لقبي اومو واللقب دا كان في الثانوي ( اطلقة صديق في الفصل )ولم اسمع بعمر اومو (جامعة الخرطوم ) الا بعد سنوات عديدة ..
وقبل فترة في واحد من قروبات الواتس اب قابلت واحد بنفس الاسم واللقب !!!
اول مرة اسافر خارج السودان كنت متأكد انو اسمي حا يكون مطابق لشخص ممنوع من السفر .. وفعلاً حصل ..
وكلما الغي واحد من الاسماء المطابقة يظهر لي اسم تاني مطابق ممنوع ..
\تحياتي للجميع
|
Post: #18
Title: Re: تعرف على صاحب هذه الصورة فى الزمن الجميل ب
Author: علي محمد الفكي
Date: 08-25-2015, 09:35 AM
Parent: #17
| Quote: يا ود ابوسن طالب الهندسه اسمه ( سمير ) الذي يحمل كوب شاي و سيجاره و قلم رصاص و يلبس فنله حمالات بيضاء و لباس طويل ابيض |
سمير ما زال موجود بنفس الهيئه في بحري
ما بين شوارع المحطة الوسطى والاملاك
|
Post: #19
Title: Re: تعرف على صاحب هذه الصورة فى الزمن الجميل ب
Author: خالد العبيد
Date: 08-25-2015, 09:39 AM
Parent: #18
لا ما من قريب
---------------------------
طيب الشلاقة ليك شنو ؟
|
Post: #20
Title: Re: تعرف على صاحب هذه الصورة فى الزمن الجميل ب
Author: الامين محمد علي
Date: 08-25-2015, 09:48 AM
Parent: #19
يا سلام ..
والله لا زلت اذكر اركانه ولغتها العجيبة..
وشعارته..
اعدام اعدام عيشة حسن
اعدام اعدام صفرة صالح..
وكان لديه قدرة عجيبة على كتابة الشعارات في جدار الداخليات بالطين..
يا زمان عمر اومو .....هل من عودة هل؟؟
بي النسبة للشباب الفوووق...
حتى منتصف تسعينات القرن الماضي كان عمر اومو يقيم في البركس ...
|
Post: #21
Title: Re: تعرف على صاحب هذه الصورة فى الزمن الجميل ب
Author: صلاح أبو زيد
Date: 08-25-2015, 02:05 PM
Parent: #20
Quote: ا ما من قريب
---------------------------
طيب الشلاقة ليك شنو ؟ |
يا خالد العبيد
المبادئ لا تتجزأ
انا لامن كتبت كلامي كنت عارف صاحب الصورة لكن كنت بدافع عنه من جانب انساني بحت ليس من حق طلاب جامعة الخرطوم النبش في حياة عمراومو ؟ ماذا قدم له هؤلاء؟ علاج أو غيره ؟وكنت عارف انو البوست ح ينجرف للسخرية وتسلية ودا عيب ومازلت على رأي نشر صورة شخص لا يستطيع أن يدافع عن نفسه مهما كانت الأسباب عيب كبير فهمت واذا انت ما شايف جانب الحقوق في هذا التصرف ؟ تكون دي مصيبة كبيرة، ما في داعي لوصف الشلاقة في شخص بيذكركم بالحق الخاص لعمر أومو
راجع كلام عصام دهب القال انو اومو قريبو لاحظ الرسالة المهذبة من قبل الأخ عصام دهب
وتاني وتالت الصورة والموضوع فيهو تعدي على حق انساني أصيل لعمر أومو رضيت أم أبيت؟
|
Post: #22
Title: Re: تعرف على صاحب هذه الصورة فى الزمن الجميل ب
Author: عبدالحفيظ ابوسن
Date: 08-25-2015, 02:57 PM
Parent: #21
تحياتي صلاح
والعزيز عصام دهب
انا شخصيا جاتني صورتين ليهو قبل فترة اكتر من شهر .. واسعدتني جدا .. دون سخرية او مايشابهه
في ذلك الزمان كنا نحب عمر دون احساس عطف او شفقة انسانية متعالية ولازلت
اعتذر ان احس عصام او انت او اي قاري بذلك
كما اكتب عن اهل بلدي بحب كتبت عن عمر بحب
|
Post: #23
Title: Re: تعرف على صاحب هذه الصورة فى الزمن الجميل ب
Author: Hafiz Bashir
Date: 08-25-2015, 04:49 PM
Parent: #22
طيب وين ميرغني و عثمان؟
ميرغني كان أنيق و وجيه و يا جمال البدلة و الكرفتة
عثمان كان يغني في المين رود و أحياناً في بينشات آداب
|
Post: #24
Title: Re: تعرف على صاحب هذه الصورة فى الزمن الجميل ب
Author: Abu Baker Ahmed Abdel Rahman
Date: 08-25-2015, 04:54 PM
Parent: #22
على ما اعقتد ان تحويل البركس الي داخلية بنات من اهم اسباب ابتعاده عن الجامعة
. عايشته فى اخر سنى البركس لمن كان اولاد ولم الاحظه فى داخلية البنات الحولو ليها الاولاد٠
____________
لوممبا
له كل الود
|
Post: #25
Title: Re: تعرف على صاحب هذه الصورة فى الزمن الجميل ب
Author: سفيان بشير نابرى
Date: 08-25-2015, 04:56 PM
Parent: #22
سلامات و تحيات طيبة
و الله كتير من اهلنا و اصحابنا قرو مع عمر اومو دا في الجامعة و عاصروه و لحدي يوم الليلة
بيحكوا عنو بمحبة و لطف غاية في الروعة و ما ادوني اي احساس انهم بيستهذاوا بيهو او
بيسخروا منو نهائي بل ادوني احساس انه كلن دائماً محفز ليهم في محبة ما يفعلونه .
و اخونا عصام دهب ( له التقدير) اظنه يعرف روح المحبة في كتابة كل من مرا هنا .
|
Post: #26
Title: Re: تعرف على صاحب هذه الصورة فى الزمن الجميل ب
Author: MOHAMMED ELSHEIKH
Date: 08-25-2015, 06:07 PM
Parent: #25
التحية لعمر اومو وسمير وغيرهم ونسأل الله لهم الشفاء.
يا عبد الحي بابكر دفعتنا سمعت انه توفي قبل فترة ليست بالطويلة
آمل من الآخوة تأكيد الخبر ونترحم عليه حيا او ميتا
شكرا يابكري
|
Post: #27
Title: Re: تعرف على صاحب هذه الصورة فى الزمن الجميل ب
Author: محمد أحمد الريح
Date: 08-25-2015, 10:30 PM
Parent: #26
عرض صور الناس العاديين خصوصاً ذوو الأعاقات بالأسافير أو وسائل الإعلام الأخرى بدون موافقتهم او
موافقة ذويهم جريمة يعاقب عليها القانون فى كل العالم وهنا فى أمريكا عقوبتها من أشد العقوبات
مصحوبة بالتعويض الذى يصل إلى ملايين الدولارات.
الآن نحن الذين لم نقرأ فى جامعة الخرطوم ولا نعرف أن هنالك شخصاً فقد عقله يسمى عمر أومو
قد علمنا منكم أن الرجل كان مجنونا ولم يستطع إكمال دراسته هل نبش هذه السيرة يرضى أهله؟
إتقو الله ولا تتخذوا من سيرة من لا يستطيع الرد مسخرة ومدعاة للتسلية وهذا يدخل فى باب النميمة
" أيحب أحدكم أن يأكل لحم أخيه ميتا" صدق الله العظيم.....
|
|
